Author: webrwanda

Eddie Mico ni Umuhanzi, Umwanditsi, Umunyamakuru, Worship leader akaba na Producer. Yatangiye umuziki mu mwaka wa 2008, atangirira ku ndirimbo yise “I Live For You”. Album ye ya mbere y’indirimbo 10 yitwa “You Are Amazing”, ikaba yaratunganyijwe na Narrow Road Production mu 2011.

Uyu musore waminuje mu bijyanye n’Icungamutungo, akaba umukristo mu Itorero Angilikani, ni umwe mu bahanzi bakomeye mu muziki wa Gospel ndetse babereye benshi urugero rwiza. Indirimbo ze nyinshi ziri mu rurimi rw’Icyongereza. Umwibuke mu ndirimbo “Real Swagg”, “Connected”, “Byose bicecetse”, n’izindi. Ari mu bagize Akanama Nkemurampaka mu Irshanwa RSW Talent Hunt rizahemba Miliyoni 10 Frw umunyempano uzahiga agandi.

Mu 2013 uyu musore w’ijwi ridatangaje akaba n’umuhanga mu kubyinira Imana, yaserukiye u Rwanda mu irushanwa rya Groove Awards ryaberaga muri Kenya, aho yari ahatanye mu cyiciro cy'umuhanzi w'umugabo mwiza w'umwaka muri Gospel (Best Gospel Male Artist) ndetse n’indirimbo ye 'Real Swagga' yari iri guhangana mu ndirimbo zifite amashusho meza y'umwaka (Best Video of the year).

Uwo Eddie Mico tukubwiye mu ncamake agiye kurushinga!

Ntiharamenyekana itariki y’ubukwe bwe, gusa ni vuba nk’uko Eddie yabidutangarije. Mu ijoro ryacyeye ni ukuvuga tariki 11/12/2022 ni bwo yateye ivi yambika impeta umukunzi we Linda Rubango Kamikazi usanzwe ari umuhanzikazi ndetse akaba n’umu Producer wanabyize mu ishuri rya muzika rya Nyundo.

Yamwambitse impeta amutunguye cyane, ayimwambika ku munsi we w’amavuko ari nabyo byatumye inshuti ze zimufatisha nk’abagiye kwizihiza isabukuru y’amavuko, kumbi bari ku mugambi mutagatifu w’umukunzi we Eddie Mico. Umukobwa byamurenze ahita asuka amarira y’ibyishimo.

Nyuma y’uko Linda amubwiye YEGO, Eddie Mico wigeze gutangaza ko adashobora gushaka umukobwa udakijijwe, yabajijwe n’umunyamakuru wa inyaRwanda uko yiyumva, atangaza ko byamunejeje cyane. Ati “Ndishimye cyane, n’ubu ndacyashyira kuri gahunda ibintu byose”. 

Twamubajije ibyo yagendeyeho ahitamo Linda mu bandi bakobwa bose, akamusaba kuzabana nawe iteka ryose, ahishura ko yamye asengera umukobwa umeze nk’uyu yambitse impeta. Ati “Ni nk’inzozi gusa ni amashimwe rwose. Kuva cyera nifuzaga ibintu nka bitatu cyangwa bine by’ingenzi: 

1) Kuba akunda Imana by’ukuri, 2) Kuba ankundira uwo ndiwe apana ibyo ndibyo gusa, 3) Kuba twumvikana kandi akunda abantu…..Linda rero ibyo byose yarabirengeje, gusa ni ugukora kw’Imana. Linda ‘is special to me in more than a thousand ways’ [arihariye kuri njye mu buryo burenze 1000] ntabona uko mbisobanura”.

Ni couple y’aba Producers!

Bombi ni abahanzi mu muziki wa Gospel. Linda azwi cyane mu ndirimbo “Umubavu” yakoranye na Serge Iyamuremye [Kanda HANO uyirebe]. Ni indirimbo ivuga ko Imana itajya ibeshya, kandi ikaba Imana y’ukuri. Hejuru y’ibyo, ni na Producer akaba afite Studio ye bwite yitwa Heart Music Studio.

Birashoboka ko yaba ayifatanyije n’umukunzi we Eddie Mico nawe uherutse kwinjira mu byo gutunganya indirimbo, ibintu afatanya n’ubuhanzi no gukora itangazamakuru aho afite ikiganiro kuri Authentic Tv cyitwa “The Gospel Turn Up”. Bombi ni abanyamuziki byahamye, by’akarusho Eddie Mico yongereye ijambo “Music” ku mazina ye akoresha kuri Instagram, ubu yitwa Eddie Mico Music.

Twitege iki kuri Eddie Mco na Linda, couple y’Abahanzi n’aba Producers?

Eddie Mico yasubije iki kibazo, ati “Ni byo turi aba Producer b’umuziki n’abahanzi. Icyo batwitega ni uko hari imishinga mishya yacu ndetse n’iy’abandi twagiye dukorera zigiye gusohoka. Indirimbo nshya, yo iraje”.  Yavuze ko kwambika impeta umukunzi we ku munsi we w’amavuko, “nta mpamvu idasanzwe nabikoze,..ni uko cyari igihe cyiza kandi nanone nashakaga ko yishima”.

Linda wambitswe impeta na Eddie Mico, ni umukobwa urimo kuminuza muri Mount Kenya nyuma yo kurahura ubumenyi mu ishuri rya muzika rya Nyundo. Ni umutoza w’amajwi, umuririmbyi ndetse akaba n’umu Producer nk’uko twabivuze haruguru. 

Ni mukuru wa Saro Amanda wabaye Miss Talent mu irushanwa rya Miss Rwanda 2022 ryegukanywe na Miss Nshuti Divine Muheto, nyuma yo guhiga abandi mu kugaragaza impano. Amanda ni umuhanga cyane mu kuririmba anicurangira gitari cyangwa piano. 

Eddie yashinze ivi ku butaka

Linda na Eddie bahoberanye biratinda!

Linda byamurenze asuka amarira

Umunsi wateguwe ku isabukuru ya Linda

Baritegura kurushinga vuba

Linda na Eddie ni couple nshya y’abanyamuziki

Inshuti zabo zishimiye cyane intambwe bateye

Miss Amanda (yegeranye na Eddie) wabaye Miss Talent yitabiriye ibirori mukuru we Linda yambikiwemo impeta

Eddie Mico na Linda mu bihe byiza cyane by’urukundo

Umuraperikazi The Pink ni umwe mu bitabiriye ibi birori

Linda yambitswe impeta na Eddie Mico bakundanye urwo bagize ibanga igihe kinini

Ifoto y’urwibutso y’abitabiriye ibi birori Linda yambikiwemo impeta

REBA INDIRIMBO “BYOSE BICECETSE” YA EDDIE MICO

REBA INDIRIMBO “UMUBAVU” YA LINDA FT SERGE IYAMUREMYE

Nk’uko tubikesha TMZ, ifishi y'umwana w'umukobwa Diddy aheruka kwibaruka akamwita Love Sean Comb, igaragaza ko uyu mwana yabonye izuba kuwa 15 Ukwakira 2022 mu gace ka Newport muri Leta ya California.

Nyina w'uyu mwana wari wakomeje kugirwa ibanga yitwa Dana Tran w'imyaka 28, bivuze ko arushwa imyaka 25 na Diddy uherutse kuzuza imyaka 53.

Uyu mugore uri mu kigero kimwe n'abana 6 bandi ba Diddy, arusha imyaka 12 umukobwa muto mu bana b'uyu munyabigwi mu muziki.

Dana Tran ku mbuga nkoranyambaga zitandukanye akoresha amazina ya Dana Tee, nubwo amafoto ye yose yayakuyeho. Dana asanzwe akora ibijyanye n'umutekano mu by'ikoranabuhanga 'Cyber Security Industry'.

Nta byinshi biramenyekana nk’aho aba bombi baba barahuriye n'igihe batangiye gukundanira dore ko Diddy yari amaze iminsi mu munyenga w'urukundo na Yung Miami.

Hagendewe ku mibare, bamwe batangiye kuvuga ko yaba yarabyaranye na Joie Chavis bakururanaga mu mpera za 2021.

Dana Tran ni we wabyariye Diddy umwana wo mu busaza

Diddy w’imyaka 53 agize abana 7 

Nta makuru menshi aramenyekana kuri Dana

Diddy n’umuhungu we King Comb uri mu kigero nk’icya DanaDiddy agize abakobwa bane kuko yari asanzwe afite 3 barimo n’impanga 

Perezida Paul Kagame yagaragaje ko nta terambere ryagerwaho mu gihe iteka hahora hasubirwamo ibintu bimwe gusa, kuko bituma hari byinshi by’ingenzi (…)

Ku wa Mbere tariki 12 Ukuboza 2022, ikipe ya APR FC na Rutsiro FC ni yo yasoje umunsi 13 wa shampiyona mu mukino APR FC yatsindiyemo Rutsiro FC i Rubavu (…)

Nyuma y’amezi abarirwa muri atatu gukorera impushya zo gutwara ibinyabiziga bihagaritswe no kutabasha kwiyandikisha kubera ikoranabuhanga ritari rigikora, (…)

Mu biganiro byahuje Kenya n'itsinda rya Bank y'isi, iki gihugu cyasabye ko cyahabwa aya mafaranga mbere ya Kamena mu 2023, akaba azifashishwa mu bikorwa bitandukanye by'iterambere.

Ni ku nshuro ya gatanu Kenya izaba yakiriye inkunga ya Bank y'Isi nk'uko bitangazwa rw'Urwego rw’imari rushyigikiye iterambere ry’ubukungu (DOP).

Ku wa 10 Kamena 2021, ni bwo Banki y'Isi yahaye Kenya amashilingi miliyari 92, aho azishyurwa ku nyungu ya 3.1%. Ni amafaranga, Kenya ivuga izakoresha (yakoreshejwe) mu bikorwa bijyanye no gusakaza umuriro mu gihugu n'ibindi.

Ikigo cya Breton Woods gishinzwe gushyiraho amategeko n'amabwiriza ajyanye n'ivunjisha giherutse kugaragaza ko Kenya yageze kuri miliyari 3.25& ku gipimo cy'ivunjisha.

Inguzanyo izaba igizwe na miliyari 2.3 $yagenewe inguzanyo zo hanze mu mwaka w’ingengo y’imari

Umunyamabanga w'Inama y'Abaminisitiri w'imari y'igihugu, Prof Njuguna Ndung’u, yavuze ko iyi nguzanyo Kenya yasabye izifashishwa mu gukemura ibibazo by'ubukungu byari mu gihugu.

Yagize ati 'Iyi ngengo y'imari yateguwe izakemura ibibazo byinshi mu bukungu kandi bizateza imbere iterambere ry'imari y'abantu nk'uruhare runini mu kuzamura ubukungu.'

Akomeza ati 'Guverinoma yashyizeho Miliyoni 750.0 $ mu mwaka w’ingengo y’imari y'agateganyo kandi gahunda iteganijwe kuganirwaho na Banki y'isi igamije iterambere rirambye rihamye kandi ryuzuye.'

Ibi biri mu rwego rwo gutangira ku mugaragaro ubufatanye bw'ibihugu hagati ya Bank y'Isi na Guverinoma guhera mu 2023 kugeza mu 2028.

Prof Njuguna Ndung’u avuga ko 'Ibi bizanateza imbere iterambere ry’umutungo w’abantu nk’uruhare runini mu kuzamura ubukungu.'

Yakomeje agaragaza ko Guverinoma yagiye iganira inasaba guhabwa inkunga ingana na miliyari 126 $ ariko Banki y’Isi ikaguma kuri miliyari 92 $.

Kenya yari yarateganije gushora miliyari 105,6 binyuze mu gutera inkunga ubucuruzi bwo hanze ariko ihagarika kimwe bitewe n'uko izamuka ry'inyungu ryiyongera ku masoko y'isi.

Kenya ni igihugu cyo muri Afurika y’Iburasirazuba gifite inkombe ku nyanja y’UBuhinde. Kigizwe n'ibiyaga bigari n’imisozi miremire.

Habayo inyamanswa nk’intare, inzovu n’imvubu. Imibare ya Banki y'Isi yo mu 2021, igaragaza Kenya ituwe n'abaturage miliyoni 54.99. Ni igihugu kiretse ku buso bwa 582,646 km².

William Ruto ni we uherutse gutorerwa kuyobora Kenya akaba yarasimbuye Uhuru Kenyata.

Urubyiruko rusaga 200 rwo mu Karere ka Ruhango, rurishimira iterambere rugezeho kuko rwabashije kwihangira imirimo rubifashijwemo na gahunda ya Rungano (…)