Author: webrwanda

Emmy Pro asanzwe atunganya indirimbo z'abahanzi batandukanye cyane cyane abo muri Kiliziya Gatolika, ni mu gihe Dieudonné Mure ari umwe mu baririmbyi ba Chorale de Kigali naho Ndahiro Pacis asanzwe ari umuhanzi ku giti cye.

Iyi ndirimbo 'Komeza Intore Zawe' imenyerewe ku Minsi Mikuru ikomeye cyane muri Kiliziya Gatolika n'ahandi.

Emmy Pro yabwiye InyaRwanda ko bayisubiyemo 'kubera ubutumwa buyirimo budasaza.'

Arakomeza ati 'Ubusanzwe ni indirimbo y’ubutore. Imana ni yo yitorera, ariko n’ubwo yagutorera ubutumwa ubu n’ubu, uba ugomba kuyisaba imbaraga zo kubusohoza.'

Yungamo ati 'Kuko umuntu ni umunyantege nke. Twabikoze nk’isengesho, dusabira intore z’imana muri rusange. Kuko muri ino iminsi hari ibicantege bitandukanye.'

Uyu muririmbyi akaba na Producer avuga ko by'umwihariko iyi ndirimbo ari isengesho risaba Imana gukomeza intore zayo 'ngo zibashe gusohoza inshingano zitandukanye'.

Emmy Pro yihariye mu gutunganya no gukorana n'abahanzi b'umuziki w'indirimbo zihimbaza Imana by'umwihariko abo muri Kiliziya Gatolika.

Anazwiho guhuriza hamwe abahanzi bakomeye mu ndirimbo imwe binyuze mu itsinda ryitwa 'Rwanda Catholic All Stars'.

Uyu musore yakoze indirimbo nka 'Mana idukunda', 'Twaje Mana yacu', 'Ni wowe rutare rwange', 'Niyeguriye Nyagasani', 'Komeza intambwe', 'Byose bihira abakunda Imana', 'Yezu Ngufitiye Inyota' n'izindi.

Izi ndirimbo zose yagiye azitunganya binyuze muri studio yitwa Universal Record afatanyije na Aime Pride wakoze amashusho yazo.

Dieudonne Mure waririmbye muri iyi ndirimbo atunganya umuziki binyuze muri studio ye yitwa MuRe Sounds, akanigisha muzika abana bato n'abakuru, n'ibyuma bya muzika, amenyerewe nk'umucuranzi n'umuyobozi w'indirimbo muri Chorale de Kigali, kandi n'umuhanzi ku giti cye umaze gusohora album zirenga imwe. 

Yakoranye cyane na Emmy Pro muri studio ya Universal Records, isanzwe imenyerewe mu njyana Gatolika no kuvugurura indirimbo mu buryo bugezweho. 

Dieudonne, yasubiyemo indirimbo 'Gusaakaara' ya Yvan Buravan yaririmbwe na Chorale de Kigali mu gitaramo cyayo giheruka, yongerererwa uburyohe, bihurirana no kwifatanya n'umuryango wa Yvan Buravan mu kumwibuka no kumuha icyubahiro.

Ndoli Ndahiro Pacis ni umwanditsi, umuririmbyi, umucuranzi n’umuyobozi wa chorale (dirigent) wabigize umwuga.

Akaba ayoboye Choeur International, ari nayo iheruka kwegukana umwanya wa kabiri muri Afurika mu marushanwa ya ACGC aherutse.

Pacis akaba kandi n’umutoza wa muzika, akaba yari mu batoza 12 bakoranye na REB mu mushinga wo guhugura kuri piano na solfege abarimu ba muzika ku rwego rw’igihugu.

Andi matsinda akorana nayo arimo The Bright Five Singers, aho ari umuyobozi w'amajwi. Ndetse ari mu batangije I.V. League Jazz.

Nubwo hari abari kuvumira ku gahera umwaka wa 2022, bagasaba ko urangira vuba bakinjira mu mwaka mushya bizeye kuzabonamo ibyiza, siko bimeze kuri Danny Mutabazi kuko yahiriwe cyane na 2022. Umwaka wa 2022 ni bwo uyu muhanzi n’umugore we Berry bibarutse imfura yabo bise Shimwa Abby Davina yabonye izuba kuwa 22 Kamena 2022.

Mu muziki, nabwo yahaboneye umugisha uremereye kuko ari bwo impano ye yarabagiranye kurusha mbere, ikarambagizwa n’abanyamuziki batari bacye bamusabye kubandikira indirimbo. Mu bamwiyambaje harimo Vestine na Dorcas, akaba yarabandikiye iyitwa “Isaha” imaze kurebwa n’abarenga ibihumbi 377 mu minsi 8 gusa imaze kuri Youtube. 

2022 ni umwaka Danny Mutabazi atazibagirwa kuko yeretswe urukundo rwinshi ubwo yaririmbiraga abagera ku bihumbi icumi bitabiriye igitaramo cya Israel Mbonyi, “Icyambu Live Concert”, cyabereye muri BK Arena tariki 25/12/2022. Ni bwo bwa mbere mu mateka ye yari aririmbiye abantu bangana gutyo. Yabaririmbiye indirimbo ye “Igitondo” iri mu zikunzwe cyane.

Umuziki akora wamuhesheje akazi agirwa ‘Brand Ambassador’ wa Resitora ikorera ku Kisimenti yitwa Hi Coffee. Hari n’amakuru y’uko hari ikigo gikomeye i Kigali kigiye kumuha akazi mu minsi ya vuba. Ibyo byose ari kubigeraho abicyesha umuziki yabiriyemo ibyuya mu gihe cy’imyaka 7.

Mu kiganiro na inyaRwanda, Danny Mutabazi yavuze ko hari byinshi Imana yamukoreye ari nabyo byatumye yandika indirimbo “Ingabo”. Ati “Iyi ni indirimbo yanjye nshya yitwa “Ingabo” yasohotse kuri uyu wa 6. Ni indirimbo ikoze mu buryo nari narifuje nko mu mezi 2 ashije uburyo icuranze”.

Yavuze ko yifuje gusoza 2022 ashima Imana mu ndirimbo ari kumwe n’umuryango we. Yongeyeho ko ari indirimbo yari aranye igihe mu bitecyerezo “numva nzasoza umwaka nshima Imana hamwe n’Umwana ndetse n’Umudamu wanjye”. Yayituye buri wese ufite icyo ashimira Imana.

Danny Mutabazi amaze imyaka 7 mu muziki kuko mu mwaka wa 2015 ari bwo yashyize hanze indirimbo ye ya mbere. Amaze gukora indirimbo zitandukanye kandi zeretswe urukundo, aho twavugamo “Binkoze ku mutima”, “Calvary”, “Amarira y’Ibyishimo”, “Ntiwanyihakanye, “n’izindi.

Danny Mutabazi na Berry ubwo biteguraga kwibaruka imfura

Danny Mutabazi hamwe n’umuryango we

Afite amashimwe menshi mu mutima we

Danny yahiriwe cyane n’umwaka wa 2022

Mu 2022 yiyambajwe n’abanyamuziki bakomeye

REBA INDIRIMBO NSHYA “INGABO” YA DANNY MUTABAZI

Ku wa Gatatu tariki 28 Ukuboza ni bwo rutahizamu Luvumbu Nzinga Héritier w’imyaka 30 yageze mu Rwanda aho yari aje mu biganiro bya nyuma n’ikipe ya Rayon Sports. 

Nyuma yaho akorewe ibizamini by’ubuzima bagasanga umubiri we umeze neza, kuri uyu wa Gatandatu ni bwo Nzinga Héritier yashyize umukono ku masezerano y’amezi atandatu akinira Rayon Sports.

Tariki 28 Ukuboza ni bwo Luvumbu Nzinga Héritier yari yageze mu Rwanda 

Tariki ya 24 Mata 2021 ni bwo Luvumbu yasinye amasezerano y’amezi ane akinira Rayon, nyuma tariki 19 Nyakanga 2021 yahise ayisohokamo, yerekeza muri Clube Desportivo Primeiro de Agosto yo muri Angola, gusa kuri ubu akaba nta kipe yari afite. 

Luvumbu umwaka awusoje asinya amasezerano yo kubira ibyuya yitangira Rayon Sports 

Ni ubwa kabiri Luvumbu agiye gukinira Rayon Sports 

Rutahizamu ukomoka muri DR Congo, Heritier Luvumbu yamaze gusinya amasezerano y’amezi 6 yageze muri iyi kipe yagiriyemo ibihe byiza.

Luvumbu yasinye nyuma y’uko asesekaye ku Kibuga Mpuzamahanga cy’Indege cya Kigali ku mugoroba wo ku wa Gatatu, tariki ya 28 Ukuboza 2022, ahagana saa 18h34′.

Kuri uyu wa Gatandatu tariki ya 31 Ukuboza 2022 nibwo yasinyiye Rayon Sports amasezerano y’amezi 6.

Yasabye abakubzi b’iyi kipe kuza kubashyigikira ko na bo baza bahari gushyira Rayon Sports ku rwego rwiza.

Ati “Ubutumwa ku bafana, ndabizi ntabwo bareka ikipe yonyine, abaafana bose turabakeneye, abakinnyi banyu barahari ku bwanyu, turashaka gushyira ikipe ku rwego rwo hejuru rero dukeneye abafana bose.”

Luvumbu w’imyaka 29 aheruka muri Rayon Sports muri Gicurasi 2021 muri shampiyona yakinwe mu matsinda, akaba ari nabwo yigaruriye imitima y’abakunzi b’iyi kipe akaba nta kipe yari afite nyuma yo gutandukana na Clube Desportivo Primeiro de Agosto yo muri Angola.

Luvumbu yasinyiye Rayon Sports

Nyuma y’iminsi micye Papa Francis atangaje amasengesho yihariye yo gusabira Benedigito XVI wari urembye, kuri ubu yitabye Imana mu masaha macye ashize. Benedict yayoboye Kiliziya Gatolika mu gihe kigera ku myaka 8, aza kwegura mu wa 2013.

Kwegura kwe byaturutse ku burwayi, gusa biba inkuru yibajijweho byinshi kubera ko mu busanzwe Papa asoza imirimo ye atabarutse. Gusa si we wenyine weguye kuri iyi mirimo kuko byari byarabayeho no ku bwa Papa Gregory XII hari 1415.

Urugendo rwo kumusezeraho ruzatangirana tariki 02 Mutarama 2023 mbere y’uko ashyingurwa mu cyubahiro muri Bazilika ya Mutagatifu Petero i Vatican.

Rutahizamu wa Portugal, Cristiano Ronaldo yamaze gusinyira Al Nassr yo muri Saudi Arabia aho abaye umukinnyi ugiye kujya ahembwa amafaranga menshi ku Isi, miliyoni 200 z’amayero.

Nyuma yo gutandukana na Manchester United mu Gushyingo 2022 nibwo inkuru y’uko iyi kipe yo muri Saudi Arabia imwifuza zatangiye kuvugwa.

Iyi kipe ndetse na Cristiano Ronaldo bamaze kwemeza ko uyu rutahizamu ufite uduhigo twinshi ku Isi yamaze kwerekeza muri iyi kipe.

Ibinyujije ku mbuga nkoranyambaga za yo, yagize iti “Ibi birenze kwandika amateka. Iri sinyisha ntabwo rizatuma ikipe yacu igera kuri byinshi gusa ahubwo bizatuma na shampiyona yacu irebwa, igihugu cyacu ndetse n’abakibyiruka abahungu n’abakobwa kuba beza.”

Cristiano Ronaldo yerekeje muri Al Nassr nyuma yo gutandukana na Manchester United yashinje kumugambanira mu kiganiro yagiranye na Piers Morgan.

Aha ni ho havuye umwuka mubi bituma iyi kipe afata umwanzuro wo gusesa amasezerano yari ifitanye na Cristiano Ronaldo aho yari asigaje amezi 8.

Ronaldo agiye gutangira bushya nyuma y’uko atahiriwe n’igikombe cy’Isi giheruka kubera muri Qatar aho yaviriyemo muri 1/4 aho Maroc yatsinze Portugal 1-0.

Muri 2003 ni bwo yatandukanye na Sporting CP y’iwabo muri Portugal yerekeza muri Manchester United yakiniye kugeza 2009 ubwo yahitaga asinyira Real Madrid, yayivuyemo 2018 yerekeza muri Juventus yakiniye kugeza 2021 agaruka muri Manchester United.

Cristiano Ronaldo yamaze gusinyira Al Nassr

Cristiano Ronaldo yagiye kwisarurira amafaranga muri Saudi Arabia