Author: webrwanda

Abakinnyi bavukana banditse izina rikomeye mu mukino wa Volleyball, Ndamukunda Flavier na Akumuntu Kavalo Patrick bari mu gahinda gakomeye nyuma y’uko nyina ubabyara yitabye Imana.

Mu ijoro ryakeye ni bwo haje iyi nkuru y’incamugongo ko aba bavandimwe umubyeyi wa bo bari basigaranye ari we nyina ubabyara yitabye Imana.

Nta makuru menshi aramenyekana ku rupfu rwe uretse kuba yari amaze iminsi arwaye ndetse uburwayi bukaba ari bwo bwamuhitanye.

Ndamukunda Flavier na Akumuntu Kavalo Patrick banditse izina mu mukino wa Volleyball aho ubu bombi bakinira Gisagara VC, gusa Flavier akina anatoza (player-coach).

Umubyeyi wa Kavalo na Flavier yitabye Imana

Kavalo na Flavier bari mu gahinda gakomeye ko kubura umubyeyi bari basigaranye

Source : http://isimbi.rw/siporo/article/abakinnyi-b-abavandimwe-ndamukunda-flavier-na-kavalo-patrick-mu-gahinda-gakomeye

Ni mu birori byabaye guhera ku wa  ku wa 17 kugeza ku wa 22 Mutarama, 2023 mu Mujyi wa Paris mu Bufaransa. Hari mu gice cyiswe Fashion Week Men’s.

Yaserukanye imyambaro ya Officine Générale yahawe inyito ya ''Fall/ Winter 23''. Ibi birori yamuritsemo imyambaro bizakurikirwa n'ibiratangira uyu munsi kugeza ku wa 26 Mutarama.

Imyambaro izerekanwa muri Paris Fashion Week kuri iyi nshuro, iri mu cyiciro cya Haute Couture.

Mu 2019 nibwo Munezero yahuye na 'Webest Model Management', ikigo cyatangijwe na Franco Kabano ndetse na Sarah Nynthia, gifasha abanyamideli kwagura impano zabo no kubahuza n'ibigo n'inzu mpuzamahanga z'imideli.

Kuva bahura batangiye kumuhugura ku bijyanye no kumurika imideli, ari nako bamushakira abamufasha.

Nyuma yaje gusinyana amasezerano na 'Next Models Worldwide' yamufashije kugera ku ruhando mpuzamahanga.

Munezero haba mu Rwanda, aho yakoranye na Moshions ndetse nyuma mu 2020 atangira gukorana n'inzu zitandukanye mpuzamahanga; amaze kwigwizaho ibigwi mu kumurika imideli.

Amaze gukorana n'ibigo nka Maison Valentino, Maison Malgiela, Chroe, Dior, Versace, Maxmara, Gucci, Courrèges, Giambattiste Vali n'izindi. Yitabiriye ibirori bikomeye by'imideli nka Milan Fashion Week, London Fashion Week na Paris Fashion Week.

Uyu mukobwa amaze guhamya ibigwi mu kumurika imideli Munezero amaze igihe kitari gito mu ruganda rw’imideli

  

Source : https://inyarwanda.com/inkuru/125219/munezero-yaserukanye-ishema-mu-birori-bya-paris-fashion-week-2023-125219.html

Perezida Ndayishimiye Evariste w'u Burundi yagaragaye ari mu murima ari gufatanya n'abahinzi gusarura ibirayi mu gace ka Kayanza.

Ibiro by'umukuru w'Igihugu,Ntare Rushatsi,byatangaje ko Perezida Ndayishimiye yiyemeje guteza imbere igihingwa cy'ibirayi.

Ibi biro bigira biti “Ibirayi ni kimwe mu bihingwa by'ingenzi mu mibereho y'abatuye isi.Nyiricyubahiro Evariste Ndayishimiye arashaka kuzamura umusaruro w'iki gihingwa mu Burundi.

Uyu munsi yagiye guhura n'abahinzi ba Kayanza.”

Perezida Ndayishimiye akunze kugaragara asabana n'abaturage mu buryo budasanzwe aho yigeze kugaragara asangira nabo urwagwa,yikoreye ijerekani ndetse niwe ujya kwisarurira ibirayi bye.

Source : https://umuryango.rw/amakuru/mu-mahanga/ubuzima/article/perezida-ndayishimiye-yasanze-abahinzi-mu-murima-abafasha-gusarura-ibirayi

5 Things You Need to Know About Tumor Marker C […]

The post Tumor Marker C 19-9 Blood Test for Cancer: 5 things u need to know appeared first on UGWIRE.

Source : https://ugwire.com/tumor-marker-c-19-9-blood-test-cancer/

Rutahizamu Luvumbu Nzinga Héritier ntazakina umukino Rayon Sports izakiramo Musanze FC ku wa Kabiri kuri Stade ya Muhanga.

Amakuru aravuga ko ibyangombwa bye bitaraboneka gusa ashobora kuzakina uzakurikiraho.

Amaso y'abakunzi ba Rayon Sports ahanzwe Umunye-Congo, Nzinga Héritier Luvumbu, uherutse gusinya amasezerano y'amezi atandatu muri iyi kipe yagarutsemo ku nshuro ya kabiri.

Luvumbu w'imyaka 30 ku byangombwa akiniraho, yagarutse muri Murera yigeze gukinira amezi abiri; muri Gicurasi na Kamena 2021 mbere y'uko yerekeza muri Angola.

Luvumbu wari udafite ikipe nyuma yo gutandukana na Clube Desportivo Primeiro de Agosto,yahise aza muri Rayon Sports kuko hifuzwaga umukinnyi ushobora gukinisha abandi basanzwe basatira muri iyi kipe.

Ku wa 31 Ukuboza, yasinye amasezerano y'amezi atandatu muri Rayon Sports.

Iyi kipe yambara ubururu n'umweru yatangiye uyu mwaka w'imikino intego ari igikombe ariko abakunzi bayo ntibabyizeye kubera imyitwarire yayo mu mpera z'igice cya mbere cya shampiyona.

Umukino wa Rayon Sports na Musanze FC wagombaga kuba kuri iki cyumweru tariki ya 22 Mutarama ariko urasubikwa kubera ko ikibuga cya Muhanga cyari cyabereyeho igiterane.

Ikipe ya Rayon Sports yatsindiwe i Musanze ibitego 2-0,izakira uyu mukino ishaka kugaruka mu bihe byiza nyuma yo kurangiza igice kibanza cya shampiyona itsindwa umusubirizo.

Rayon Sports iri ku mwanya wa gatanu n'amanota 28,gusa yarangije igice cya mbere cya shampiyonairushwa na AS Kigali ya mbere amanota abiri.

Yatsinzwe imikino itatu yikurikiranya ya nyuma iheruka,yahuyemo n'amakipe ya Etincelles FC, APR FC na Gasogi United.

Kwinjira ku mukino wa Rayon Sports na Musanze FC ni ibihumbi 2000,5000 na 10000 frw.

Source : https://umuryango.rw/imyidagaduro/imikino/article/rayon-sports-yabuze-uwo-yari-yiteze-nk-umucunguzi-ku-mukino-wa-musaze-fc

Urukiko rukuru rwahanishije Edouard Bamporiki wahoze ari Umunyamabanga wa Leta muri Minisiteri y'umuco,igihano cy'igifungo cy'imyaka 5 n'ihazabu y'amafaranga miliyoni 30.

Ni nyuma yo kumuhamya ibyaha bifitanye isano na ruswa mu gukoresha ububasha ahabwa n'itegeko mu nyungu ze bwite.

Urukiko rwavuze ko rwamugabanyirije ibihano ngo kuko yemeye ibyaha kandi akabisabira imbabazi.

Urukiko rwavuze ko rwamugabanyirije ibihano ngo kuko yemeye ibyaha kandi akabisabira imbabazi.

Bamporiki yaburanye yemera bimwe mu byaha yarezwe agasaba ko igihano cyo gufungwa imyaka ine yari yakatiwe cyasubikwa n'ihazabu ya miliyoni 60 yari yaciwe ikagabanywa.

Bamporiki yari yahamwe n'icyaha gifitanye isano na ruswa no gukoresha umwanya afite mu nyungu ze bwite.

Aburana, yemeye ko yakiriye amafaranga agera kuri miliyoni 10 y'umucuruzi kugira ngo amufashe ibyo ashaka kugeraho akoresheje ingufu afite mu butegetsi, birimo no gufunguza umugore w'uwo mucuruzi.

Mu buryo butamenyereye, kuva yashinjnwa kandi akanagezwa imbere y'inkiko Bamporiki yafungiwe iwe mu rugo gusa.

Urubanza rwe ruri mu zavuzwe cyane mu mwaka ushize mu Rwanda.

Muri Gicurasi (5) ishize, Perezida Paul Kagame yahagaritse ku mirimo Edouard Bamporiki wari umunyamabanga wa leta ushinzwe urubyiruko n'umuco “kubera ibyo akurikiranyweho”.

Nyuma gato y'itangazo rimwirukana, urwego rw'ubugenzacyaha (RIB) rwahise rutangaza ko Bamporiki “afungiye iwe mu rugo” akaba “akurikiranweho icyaha cya ruswa”.

Bamporiki ni muntu ki?

Bamporiki yavuze ko yavukiye mu muryango ukennye wo mu karere ka Nyamasheke mu burengerazuba bw'u Rwanda,yarangiza umwaka wa gatatu w'amashuri yisumbuye akaza mu mujyi wa Kigali gushaka ubuzima.

Yavuze ko yageze i Kigali afite amafaranga 300 FRW,akora imirimo iciriritse kugeza amenyekanye mu mivugo n'amakinamico ndetse akaza kumenyekana mu ishyaka riri ku butegetsi RPF-Inkotanyi.

Bamporiki yagaragaye kenshi mu biganiro ku burere mboneragihugu, n'ubumwe n'ubwiyunge mu Banyarwanda.

Ni umusizi, umwanditisi, n'umukinnyi wa filimi n'amakinamico, yamaze imyaka igera kuri ine (4) ari umudepite w'ishyaka riri ku butegetsi, mu 2017 agirwa umukuru w'Itorero ry'igihugu, naho kuva 2019 agirwa ushinzwe urubyiruko n'umuco muri guverinoma.

Bamporiki, w'imyaka 39, uzwi cyane mu ikinamico URUNANA akina nka 'Kideyo' azwiho kandi kuba intyoza mu Kinyarwanda.

BBC

Source : https://umuryango.rw/amakuru/mu-rwanda/ubutabera/article/urukiko-rwavuze-impamvu-rwagabanyirije-ibihano-bamporiki

Bamporiki Edouard wahoze ari Umunyamabanga wa Leta muri Minisiteri y'Urubyiruko n'Umuco yakatiwe imyaka itanu ahamijwe icyaha cyo kwihesha ikintu cy'undi hakoreshejwe uburiganya no gukoresha mu nyungu ze bwite ububasha ahabwa n'itegeko.

Umuvugizi wa RIB,Dr Murangira Thierry yemereye itangazamakuru ko Bamporiki Edouard yamaze kugezwa muri Gereza ya Mageragere mu kubahiriza imyanzuro y'Urukiko Rukuru.

Bamporiki niyemerewe kujurira bwa kabiri kuko igifungo yakatiwe kiri munsi y'imyaka 10.

Inzira ishoboka yaba iyo gusubirishamo urubanza ku mpamvu z'akarengane kandi na byo byakorwa igihano yaragitangiye.

Bamporiki Edouard, yagejejwe muri Gereza ya Mageragere aho agomba gufungirwaimyaka itanu akanatanga n'ihazabu ya miliyoni 30 Frw,mu kubahiriza imyanzuro y'Urukiko Rukuru.

Kuri uyu wa Mbere, tariki ya 23 Mutarama 2023, ni bwo umwanzuro ku bujurire bwa Bamporiki n'ubw'Ubushinjacyaha watangajwe.

Mbere y'aho, Bamporiki yari yahamijwe ibyaha birimo kwihesha ikintu cy'undi hakoreshejwe uburiganya no gukoresha mu nyungu ze bwite ububasha ahabwa n'itegeko, hashingiwe ku mafaranga yahawe n'umushoramari Gatera Norbert mu iburanisha ryo mu Rukiko Rwisumbuye rwa Nyarugenge.

Uru rukiko rwamukatiye gufungwa imyaka ine no gutanga ihazabu ya miliyoni 60 Frw ariko ahita ajuririra iki gihano.

Source : https://umuryango.rw/amakuru/mu-rwanda/ubutabera/article/bamporiki-edouard-yagejejwe-muri-gereza-ya-mageragere

Ikipe ya Everton yirukanye uwari umutoza wayo,Umwongereza Frank Lampard nyuma y'uko yari igeze ku mwanya wa 19 muri Premier League kandi yaraguze abakinnyi bakomeye.

Ikipe ya Everton yaherukaga gutsindwa imikino 8 mu icyenda iheruka gukina ndetse nta cyizere cyo gusubira mu bihe byiza yari ifite ariyo mpamvu yirukanye uyu mwongereza w'imyaka 44 wubatse izina muri Chelsea nk'umukinnyi.

Lampard yari amaze gukorera amanota 15 mu mikino 20 ya Premier League Everton yari imaze gukina ariko irarushwa amanota 2 gusa n'amakipe atari mu murongo utukura.

Uyu mutoza yavuganye n'abayobozi be mu mpera z'iki cyumweru hanyuma atsindwa na West ham ibitego 2-0 byatumye bafata umwanzuro wo kumwereka umuryango.

Abakinnyi ba Everton bahawe ikiruhuko uyu munsi nyuma yo gutsindwa na West Ham ari nabwo umutoza wabo yirukanwe.

Mu gihe Everton igishaka umutoza,umunyabigwi wayo Leighton Baines, utoza abatarengeje imyaka 18 na Paul Tait utoza U21 nibo baraba bafite akazi.

Nyuma y'igikombe cy'isi,Everton yabonye inota rimwe mu mikino 5 n'ukuvuga umukino banganyijemo na Manchester City,mu gihe no muri FA Cup basezerewe na Manchester United.

Igitangaje nuko mu mikino iheruka,Everton yatsinzwe na Wolves, Southampton na West Ham nazo zimerewe nabi.

Lampard avuye Goodison Park atsinze imikino 12 muri 44 yatoje hanyuma atsindwa inshuro 23.Umusaruro we wari ku mpuzandengo ya 27 %.

Source : https://umuryango.rw/imyidagaduro/imikino/article/everton-yirukanye-frank-lampard-wari-uyigejeje-aharindimuka

UMUHESHA W'INKIKO W'UMWUGA, ARAMENYESHA ABANTU BOSE KO AZATEZA MURI CYAMUNARA UMUTUNGO UTIMUKANWA WA Flugence NKURUNZIZA UFITE UPI:5/06/13/01/6191 UGIZWE N'ISHYAMBA RIHEREREYE MU MUDUGUDU WA KUMURENGE, AKAGALI KA GAFUNZO, UMURENGE WA SAKE,AKARERE KA NGOMA.

IPIGANWA MU CYAMUNARA MU BURYO BW'IKORANABUHANGA RIZATANGIRA TARIKI YA 29/01/2023 I SAA KUMI Z'UMUGOROBA (16H00) KUGEZA TARIKI YA 05/02/2023 I SAA KUMI Z'UMUGOROBA(16H00).

WIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:+250788441672.

Source : https://umuryango.rw/amatangazo/article/itangazo-rya-cyamunara-y-umutungo-utimukanwa-uherereye-ngoma-68796

Urukiko Rukuru rwahamije Bamporiki Edouard wahoze ari Umunyamabanga wa Leta muri Minisiteri y'Urubyiruko n'Umuco yakatiwe icyaha cyo gukoresha ububasha ahabwa n'amategeko mu nyungu ze bwite,rumukatira imyaka 5 y'Igifungo n'ihazabu ya Miliyoni 30 z'amafaranga y'u Rwanda.

Bamporiki yahamwe n'ibyaha bibiri ariko kubera impurirane mbonezamugambi yahaniwe icyaha cyiruta ibindi ari cyo gukoresha ububasha ahabwa n'amategeko mu nyungu ze bwite.

Isomwa ry'Urubanza rwa Bamporiki Edouard ryabanje kwimurirwa amasaha kuko ubu bujurire bwasomwe i saa kumi (16h0) zo kuri uyu wa 23 Mutarama 2023 aho kuba i saa munani (14h00).

Umwanzuro kuri uru rubanza mu rukiko rukuru wagombaga kumenyekana kuwa Mbere tariki ya 16 Mutarama 2023 ariko rwaje gusubikwa rwimurirwa ku 23 Mutarama 23 kubera ko urukiko rutari rwakarangiza kurusesengura.

Mbere,Bamporiki yari yahamijwe ibyaha birimo kwihesha ikintu cy'undi hakoreshejwe uburiganya no gukoresha mu nyungu ze bwite ububasha ahabwa n'itegeko, hashingiwe ku mafaranga yahawe n'umushoramari Gatera Norbert.

Urukiko Rwisumbuye rwa Nyarugenge rwamukatiye gufungwa imyaka ine no gutanga ihazabu ya miliyoni 60 Frw ariko ahita ajuririra iki gihano.

Ubwo aheruka mu rukiko, Bamporiki n'abunganizi be, babwiye urukiko ko hari impamvu eshatu zatumye bajurira, bitsa ku kugabanyirizwa ibihano no kubisubika.

Bavuze ko impamvu ya mbere ari uko Urukiko Rwisumbuye rwa Nyarugenge rwahamije Bamporiki icyaha cyo gukoresha ububasha ahabwa n'itegeko mu nyungu ze bwite, kandi amafaranga yahawe ari ishimwe risanzwe.

Bamporiki kandi yajuriye asaba kugabanyirizwa ibihano kuko bikurikurije amategeko.

Ubushinjacyaha nabwo bwari bwajuririye icyemezo cy'urukiko rwisumbuye rwa Nyarugenge bushingiye ku kuba urukiko rutarahuje amategeko no kuba yarakiriye indonke, kuba hari ibikorwa bimwe mu bigize icyaha cyo kwaka no kwakira indonke bitasuzumwe, no kuba haratanzwe ibihano bito.

Source : https://umuryango.rw/amakuru/mu-rwanda/ubutabera/article/bamporiki-yakatiwe-gufungwa-imyaka-itanu