Author: webrwanda

Ikipe y’igihugu ya Argentine niyo yatwaye igikombe cy’Isi cya 2022 batsinda u Bufaransa ku mukino wa nyuma. Uyu mukino ni umwe mu ikomeye yabayeho bitewe n’ibitego byabotsemo ndetse n’ishyaka ryari ririmo.

Argentine niyo yabonye ibitego 2 mu gice cya mbere ariko u Bufaransa bubyishyura mu gice cya kabiri bubifashijwemo na Kylian Mbappé, Lionel Messi yaje gutsinda igitego cya 3 mu minota 30 y’inyongera ariko nanone Kylian Mbappé arakishyura bituma hitabazwa penariti. 

Bageze muri Penariti ni ho Argentine yabereye akaga itsinda 4-2 batwara igikombe gutyo maze Kylian Mbappé witanze cyane agatsinda ibitego 3 (hat-trick) nawe akibura gutyo, ariko byarangiye atwaye igihembo cy’umukinnyi watsinze ibitego byinshi. 

Kylian Mbappé yatsinze ibitego 3 ariko abura igikombe

Nyuma y’amezi 3 bibaye, Lionel Messi yatanze ishusho y’ukuntu umukino wari umeze ndetse anashimira mugenzi we Kylian Mbappé.

Yagize ati: “Mu by’ukuri uriya mukino wa nyuma uratangaje, uko wagenze umeze nk’ibisazi. Imikorere ya Kylian nayo yari myiza cyane. Gutsinda ibitego bitatu ku mukino wa nyuma ariko ntubashe gutwara igikombe, biratangaje cyane”.

“Ariko yamaze kugitwara, azi gutwara igikombe cy’Isi icyo bivuze, uriya ni wo mukino wa nyuma mwiza ku Isi wabayeho mu mateka y’umupira w’amaguru. Ubu noneho ni byiza kuba dukinira ikipe imwe kandi twizere ko dushobora gukora ibintu bikomeye i Paris”.

Kugeza ubu aba bakinnyi bombi bari kubarizwa mu Budage aho kuri uyu wa Gatatu bakina na Bayern Munich mu mukino wo kwishyura muri 1/8 cya Champions League, umukino ubanza Paris Saint-Germain yari yatsinzwe igitego 1-0.

Kylian Mbappé na Lionel Messi ku mukino wa nyuma w’igikombe cy’Isi

Messi afite igikombe cy’Isi mu ntoki

Source : https://inyarwanda.com/inkuru/126814/lionel-messi-yagarutse-ku-myitwarire-ya-mbappe-ku-mukino-wa-nyuma-wigikombe-cyisi-126814.html

Amakuru avuga ko iyi mirwano yatangiriye ku dusozi twa Kirotshe muri Masisi, iri gusatira no mu bindi bice nka bya Kivu ya Ruguru mu birometero 10 uvuye mu burengerazuba bw'umugi wa Sake

Indi mirwano nk'iyi ngo yubuye ku muhanda uhuza Mabenga na Rwindi werekeza mu majyaruguru ya Rutshu

Kivu ya Ruguru yangoye guhura n'intambara nyuma y'umunsi umwe gusa M23 itangaje ku mugaragaro ihagaritse imirwano.

Nyuma y'amasaha 6 gusa hatangajwe agahenge, imirwano yongeye gutangira kuri uyu wa 3 mu giturage cya Ngingwe giherereye mu magepfo ya Karuba ituwe aba pfuni Shanga.

Amakuru aturuka muri icyo cyaro avuga ko inyeshyamba za M23 ziri hafi yo kwigarurira umuhanda mu kuru uhuza Sake na Minova iteganye na Kirotshe.
Kuva mu rukerera rwo kuri uyu wa 3 ingabo za Congo FARDC n'imitwe bafatanije barakihagazeho muri icyo gitero bahanganyemo na M23

Ubu tuvugana abaturage batuye muri ibyo bice bakomeje guhunga ku bwinshi urusaku rw'imbunda nini n'into rutari guhosha. Aho bamwe bahungiye Sake werekeza Goma, abandi bajya ahitwa Bweremana na Minova muri Kivu y'amajyepfo

Ni imirwano ibaye nyuma y'aho RDC binyuze mu MUVUGIZI WA Guverineri n'igisirikare, major Ndjike Kaiko atangaje ko ibyo M23 yemeye byo guhagarika imirwano bidashoboka mu gihe ikomeje kubatera, atanga urugero rw'inkambi ya gisirikare ya Karuba, i Masisi ya Kibirizi na Rwindi na Mabenga-Rwindi muri territoire ya Rutshuru.

Akomeza avuga ko FARDC yafashe ikimezo cyo kurwana nyuma ya za bombe nyinji zari zikomeje gusukwa na M23.

Source : https://umuryango.rw/amakuru/mu-mahanga/umutekano/article/kivu-ya-ruguru-intambara-ikomeye-yatangiye-mu-rukerera-iri-gusatira-n-utundi

Urukiko rw'ubujurire rwumvise urubanza rwa Yvonne Idamange wakatiwe igifungo cy'imyaka 15 ku byaha birimo guhakana jenoside .

Urukiko rw'ubujurire ruvuga ko ubwanditsi bwarwo bwari bwakiriye ubujurire bw'ubushinjacyaha butishimiye ibihano byatanzwe ndetse n'ubwatanzwe na Idamange .

Gusa Idamange ngo yaje kwandika avuga ko atigeze ajurira kuko yahawe ibihano ku byaha ataburanishijweho.

Yvonne Idamange wamenyekanye cyane ku mbuga za YouTube anenga ubutegsti bw'U Rwanda yari yarakatiwe igifungo cy'imyaka 15 ubushinjacyaha busanga ari gitoya .

Mu cyumba cy'urukiko harimo inteko iburanisha n'ubushinjacyaha cyakora uregwa ndetse n'abamwunganira ntibagaragaye mu rukiko .

Asobanura ubujurire bwagejejwe mu rukiko, ukuriye inteko iburanisha yavuze ko ubwanditsi bwakiriye ubujurire bw'impande zombi, uregwa ndetse n'ubushinjacyaha.

Gusa ubwo Idamange yasabwa gusubiza imyanzuro y'ubujuriire bw'ubushinjacyaha ngo yanditse avuga ko atigeze ajurira kuko yahawe ibihano ataburanishijwe.

Umucamanza yavuze ko ubujurire bwa Idamange budashobora gusuzumwa kuko yabwihakanye ategeka ko harebwa ubw'ubushinjacyaha gusa.

Yavuze ko kutahaba k'uregwa bitabuza urubanza gukomeza kuko yamenyeshejwe mu buryo bwubahirije amategeko.

Ubushinjacyaha bwavuze ko igifungo cy'imyaka 15 cyatanzwe ari gitoya cyane ukigereranije n'ubukana bw'ibyaha byakozwe .

Bwavuze kandi ko umucamanza ku rwego rwo hasi yirengagije gutanga ibihano ku cyaha cyo kwigomeka ku butegetsi ndetse n'icyo gutanga sheke itazigamiye.

Bwaasabye ko ku myaka 15 yari yahawe Idamange hakwiyongeraho imyaka 6 kubera ibihano avuga ko byari byarirengagijwe n'urukiko rwo hasi.

Idamange ntiyari mu rukiko, umucamanza akavuga ko yagombaga kuza kwisobanura ku bujurire bw'ubushinjacyaha n'ubwo ubwe yabuhakanye .

Iburanisha ryafashe igihe gito cyane kuko havuze umushinjacyaha wenyine mu gihe uwo baburana adahari.

Mu kwezi kwa 9 mu 2021 ni bwo urukiko rukuru rukorera Nyanza rwahanishije Yvonne Idamange igifungo cy'imyaka 15 ahamijwe ibyaha birimo gupfobya jenoside, gukwirakwiza impuha binyuze ku rubuga rwa YouTube no guteza imvururu muri rubanda.

Yabanje kwitabira iburanisha ariko aza kwikura mu rubanza nyuma y'aho urukiko rutegekeye ko urubanza rugomba gukomeza mu buryo bw'ikoranabuhanga kubera icyorezo cya COVID 19.

Icyo gihe Idamange yahise asezera mu rubanza avuga ko nta butebera yiteze mu rukiko rwamuburanishaga.

BBC

Source : https://umuryango.rw/amakuru/mu-rwanda/ubutabera/article/ubushinjacyaha-bwasabye-ko-idamange-yongererwa-imyaka-itandatu-kuyo-yari

Ni igikorwa cyabereye mu Murenge wa Rugarama ho mu Karere ka Gatsibo, ahari hateguwe ubukangurambaga bwo kurengera umwana no kumurinda ihohoterwa, bufite insanganyamatsiko igira iti “Turengere umwana twubake u Rwanda twifuza.”

Ni igikorwa cyitabiriwe n'abayobozi batandukanye, ariko cyatumiwemo Alliah Cool, umukinnyi wa filime uri mu bagezweho mu Rwanda, ariko akaba anaherutse gushyirwa mu Ihuriro rya ba ambasaderi ba Loni b'amahoro, International Association of World Peace Advocates (IAWPA).

Mu kiganiro yagejeje ku bitabiriye iki gikorwa, Alliah Cool yabibukije insanganyamatsiko y'umunsi mpuzamahanga wahariwe abagore, igira iti “Guhanga udushya n'ikoranabuhanga mu kuzuza ihame ry'uburinganire.”

Alliah Cool yibukije abari muri iyi nama gusenyera umugozi umwe bakarwanya inda zitateguwe zikunze guterwa abangavu.

Ati “Hari bamwe muri mwe duhuje amateka bakorewe ihohoterwa nk'iryo nakorewe, bagatereranwa. Uko bikomeza kuvugwa, na we ukumva ko byarangiye, ntacyo ukimaze.”

Yasabye abakobwa batewe inda zitateguwe kurenga ibivugwa, abasaba gushyira imbaraga zose mu kubaka ejo hazaza habo baharanira kugera ku nzozi zabo.

Yibukije abagore bari bitabiriye uyu muhango ko bashoboye guhanga udushya bajyana n'igihe, bakoresha ikoranabuhanga.

Ati “Ni twe ntumwa nziza zo kwimakaza ihame ry'uburinganire duhereye mu ngo aho dutuye.”

Aha niho uyu mugore yahereye atanga ubwisungane mu kwivuza ku babyeyi 50 batewe inda zitateguwe ndetse n'abana babo.

Uretse Ubwisungane mu kwivuza, yishyuriye ababyeyi bahuriye mu muryango wa 'Her voice Rwanda' telefone eshanu zikoresha ikoranabuhanga, bajya bifashisha mu gusangizanya amakuru.

Src:Igihe

Source : https://umuryango.rw/ubuzima-115/article/gatsibo-alliah-coll-yishyuriye-mituel-imiryango-50-y-abakobwa-batewe-inda

Umugabo w'imyaka 41 yapfuye nyuma yo kunywa ibinini byongera ubushake bwo gutera akabariro bizwi nka Viagra akoresheje inzoga.

Uyu mugabo ukomoka ahitwa Nagpur, India,yari muri hoteli n'umukobwa bakundana bari kunywa inzoga hanyuma ashaka gushitura umubiri ngo atere akabariro niko kunywa ibinini bibiri bya 50mg bya sildenafil,bizwi nka Viagra abimirisha inzoga.

Ubwo yabyukaga mu gitondo gikurikiyeho,yabyutse nta rutege nkuko ikinyamakuru cya Forensic and Legal Medicine mu Buhinde kibitangaza.

Uyu ngo yararukaga byatumye uyu mukobwa bari basohokanye amusaba kujya kwa muganga.

Icyakora uyu mugabo ngo yamusabye kudahangayika kuko ngo yigeze abona ibyo bimenyetso mbere.

Icyakora uyu ngo yakomeje kuremba,ajyanwa kwa muganga vuba na bwangu ariko yahageze yapfuye.

Umurambo we warapimwe basanga ngo kunywa uruvange rw'inzoga n'ibi binini byaramuteye kuvira amaraso mu bwonko.Ibi byabaye muri Nzeri umwaka ushize.

Source : https://umuryango.rw/ubuzima-115/udushya/article/umugabo-yapfuye-nyuma-yo-kunywesha-inzoga-ibinini-byongera-ubushake-bwo-gutera

Kizigenza Cristiano Ronaldo n'umukunzi we Georgina Rodriguez bamaze igihe bashaka umutetsi w'inzobera uzabatekera mu rugo rwabo rushya bagiye kuzuza rubatwaye akayabo ka miliyoni 17 z'amapawundi muri Kamena uyu mwaka.

Ikinyamakuru Mail gitangaza ko aba bombi babuze umukozi nyamara bari gutanga akayabo k'umushahara wa miliyoni enye n'ibihumbi magana atanu ku kwezi.

Ibi ngo biraterwa nibyo basaba bikomeye birimo ko umutetsi kabuhariwe bashaka agomba kuba azi guteka ibiryo by'abanya Portugal n'ibindi mpuzamahanga bitandukanye birimo ibyitwa sushi.

Cristiano Ronaldo n'ababana nawe mu buzima bwa buri munsi ni benshi ku buryo ngo bararaga mu byumba 17 muri hoteli yitwa Four Seasons iri i Riyadh muri Saudi Arabia,mbere y'uko uyu mukinnyi yimuka.

Umwe mu barinzi ba Ronaldo yahoze ari umurwanyi mu mikino ya MMA,yitwa Goncalo Salgado, ndetse ngo yiyongeraho abandi barinzi b'impanga barimo Sergio na Jorge Ramalheiro, babaye abasirikare badasanzwe mu ikipe yarwanye intambara ya Afghanistan.

Ronaldo ngo akunda cyane guhisha ubuzima bwe bwite ndetse ngo buri mukozi wese uje mu muryango we asinyishwa amasezerano atangaje.

Ikinyamakuru Der Spiegel cyigeze gushyira hanze amabanga y'abakinnyi kivuga ko hari impapuro cyabonye ku masezerano abakozi b'uyu mukinnyi babanza gusinya.

Buri mukozi wa Cristiano Ronaldo ngo asinya ko nta kintu cyerekeye ubuzima bwe bwite kigomva kujya hanze keretse nyuma y'imyaka 70 apfuye cyangwa umwe mu bagize umuryango we.

Ibi bivuze ko nyiri ugukora mu rugo rw'uyu mukinnyi agomba kuba yarapfuye kera.

Source : https://umuryango.rw/ubuzima-115/udushya/article/cristiano-ronaldo-n-umukunzi-we-babuze-umutetsi-kandi-bari-gutanga-akayabo-k

Igitego kimwe rukumbi cya Ishimwe Christian APR FC yatsinze Ivoire Olympique cyayihesheje itike ya 1/4 cy’igikombe cy’Amahoro 2023.

Umukino ubanza amakipe yombi yari yanganyije 0-0, uyu munsi APR FC ikaba yari yayakiriye mu mukino wo kwishyura.

Ni umukino wabereye kuri Stade ya Bugesera, ntabwo woroheye iyi kipe kuko igice cya mbere cyarangiye ari ubusa ku busa.

APR FC yakomeje gushakisha igitego iza kukibona cyatsinzwe na Ishimwe Christian kuri kufura.

Umukino warangiye ari 1-0 maze APR FC ikomeza ku giteranyo cy’igitego 1-0.

Indi mikino yabaye Musanze FC yatsinze Bugesera FC 2-0 maze ikomeza ku giteranyo cy’ibitego 2-0 kuko umukino ubanza warangiye ari 0-0.

Etincelles FC yanganyije na Marines 0-0, Marines ikomeza ku giteranyo cy’ibitego 3-1. Umukino wa Rayon Sports na Intare FC wasubitswe.

Ejo hashize Sunrise FC yatsinze Police FC 1-0 biba 2-2 mu mikino yombi ariko hakomeza Police FC kuko ari yo yatsinze ibitego byinshi hanze.

Kiyovu Sports yatsinze La Jeunesse 2-0 ikomeza ku giteranyo cy’ibitego 5-2, Mukura VS yatsinze Rutsiro FC 1-0 maze ikomeza ku giteranyo cy’ibitego 3-1 ni mu gihe Rwamagana City yatsinze Espérance FC 3-0 maze ikomeza ku giteranyo cy’ibitego 3-1.

Imikino ibanza ya 1/4 ikaba iteganyijwe tariki ya 4 na 5 Mata 2023.

Uko amakipe azahura muri 1/4

Rwamagana City vs Kiyovu Sports
Mukura VS vs Musanze FC
Police FC vs Rayon Sports/Intare FC
APR FC vs Marines FC

Ishimwe Anicet yari yagoye iyi kipe yo mu cyiciro cya kabiri

Mugisha Gilbert ashaka uko acika abakinnyi ba Ivoire Olympique

Nshuti Innocent ntako atari yagize

Ivoire Olympique yabanje kwihagararaho

Christian yateye kufura umenyezamu umupira umwinjirana mu izamu

Source : http://isimbi.rw/siporo/article/bigoranye-apr-fc-yasezereye-ivoire-olympique-igera-muri-1-4-uko-amakipe-azahura-amafoto

Ikipe ya Rayon Sports yatangaje ko yikuye mu gikombe cy'amahoro nyuma yo kubwirwa ko umukino wayo na Intare FC wari uyu munsi wimuriwe kuwa Gatanu.

Rayon Sports ntiyishimiye uburyo FERWAFA yabandikiye saa tatu n'igice ibamenyesha ko yasubitse uyu mukino kandi bari bamaze gufata urugendo rwerekeza kuri stade.

Perezida w'iyi kipe ya Rayon Sports, Uwayezu Jean Fidèle,yabwiye abanyamakuru ko Ubuyobozi bwa Rayon Sports bwanzuye ko busezeye mu mikino y'irushanwa ry'Igikombe cy'Amahoro cya 2023.

Avuga kandi ko hakenewe imitegurire itarimo akajagari no kunanizanya hagati ya FERWAFA n'abanyamuryango.

Ati”Turifuza ko amategeko na Admistration [imiyoborere] bikwiye kujya byubahirizwa.Ibyo badutuyeho ntitwabishobora.Igikombe cy'Amahoro,Ubuyobozi bwafashe umwanzuro ko ikipe ya Rayon Sports tuyikuramo.”

Yakomeje avuga ko bandikiye FERWAFA bayimenyesha ko basezeye muri iki gikombe ndetse ko aribo bazi uko irushanwa rizakomeza.

Yakomeje avug ko 'twe nka Rayon Sports turifuza ko imigendekere y'umupira w'amaguru mu Rwanda yaba myiza,tuzabiharanira.”

Iyi kipe ifata ibi nko kuyihombya kuko yashoye byinshi mu gutegura uyu mukino gusa FERWAFA yemeje ko Rayon Sports nayo hari ibyo itubahirije.

Rayon Sports yari yabuze ikibuga cyo gukiniraho nyuma yo kubwirwa ko Stade ya Muhanga ikiniraho itaboneka kubera ko harizihirizwa umunsi mukuru wahariwe umugore.

Rayon Sports yasabye akarere ka Bugesera kubatiza ikibuga kabemerera ko yaboneka saa 12:30 ariko biza guhurirana nuko saa cyenda hari kubera umukino wa APR FC na Ivoire.

FERWAFA ivuga ko amakipe yombi ariyo APR FC na Rayon Sports byageze mu gicuku atarumvikana uko azagabana amafaranga azinjiza aho Rayon Sports yavuze ko umukino wayo nurangira izasohora abafana hanyuma abareba uwa APR FC bakinjira.

FERWAFA yavuze ko yasubitse uyu mukino kubera ikibazo cy'igihe warangirira kuko muri iki cyiciro iyo amakipe anganyije mu mikino yombi haterwa za Penaliti kandi bishobora gutinza umukino wa kabiri nturangire cyane ko ikibuga cya Bugesera nta matara kigira.

FERWAFA yavuze ko Stade ya Bugesera idafite amatara ashobora kwitabazwa mu gihe hakenerwa iminota y'inyongera ku mikino yombi.

Iti “Turabamenyesha ko umukino wagombaga kubahuza wimuriwe tariki ya 10 Werurwe 2023.'”

Rayon Sports yari yasabwe kumenyesha FERWAFA ikibuga izakoresha bitarenze kuri uyu wa Gatatu, saa Sita ariko byarangiye isezeye.

FERWAFA yavuze ko yavuze 'iminota y'inyongera'kubera ko a penaliti zitwara igihe nubwo muri iki cyiciro nta minota 30 yongerwaho.

Nyuma y'ibi,Rayon Sports yahise itegura ikiganiro n'itangazamakuru cyafatiwemo umwanzuro wo 'kwikura mu irushanwa.'

Umunyamabanga wa FERWAFA,Muhire Henry,yabwiye B&B FM UMWEZI uko bakwakira icyemezo cyo kwikura mu irushanwa kwa Rayon Sports asubiza ati “Ntabwo habayeho gukererwa kuko nk'urwego rutegura amarushanwa twakarebye ngo bo bamenyesheje ryari ko badafite ikibuga?.Bamenyesheje ryari ko bayibonye?.”

Yakomeje avuga ko Ubunyamabanga bukuru bwa FERWAFA aribwo bwemerewe guhindura umukino gusa ndetse ko bushobora kuyishyira mu masaha 24.

Yavuze ko kwivana mu irushanwa kwa Rayon Sports ari uburenganzira bwayo ndetse no kugena igihe izarimaramo ariyo mpamvu nta kibazo byatera FERWAFA kugenda kwayo.

Ati “Impungenge za mbere n'ukuba abantu bahabwa amategeko ntibayasome…kuva mu irushanwa cyangwa kurigumamo n'Uburenganzira bwabo ni nayo mpamvu tubabwira ngo ushaka kujya mu irushanwa arabyandikira.Ntabwo ari gereza, si agahato n'uburenganzira bw'umuntu.Ikiba gisigaye n'ukugena igihe azarimaramo bitewe nuko azitwara.”

Impamvu Rayon Sports yababajwe n'izi mpinduka nuko umukino wayo washyizwe kuwa Gatanu w'iki cyumweru kandi no ku Cyumweru ifite umukino karundura na AS Kigali muri shampiyona.

Rayon Sports yikuye mu gikombe cy'Amahoro, yiyongereye kuri AS Kigali na Gasogi United n'abandi benshi banze kwiyandikisha.

Source : https://umuryango.rw/imyidagaduro/imikino/article/rayon-sports-yikuye-mu-gikombe-cy-amahoro-2023-kubera-ferwafa

Uruganda rwa SKOL rwakiriye ikipe y'abagore ya Rayon Sports mu Nzove, isangira nabo, inabifuriza umunsi mwiza Mpuzamahanga w'abagore.

Kuri uyu wa Gatatu taliki ya 8 Werurwe, u Rwanda rwifatanyije n'Isi mu kwizihiza Umunsi Mpuzamahanga wahariwe abagore.

Rayon Sports y'abagore ikomeje kwitwara neza mu marushanwa ikina yaba muri shampiyona y'icyiciro cya kabiri no mu gikombe cy'amahoro/

Source : https://umuryango.rw/imyidagaduro/imikino/article/ifoto-y-umunsi-abakinnyi-ba-rayon-sports-y-abagore-yizihije-umunsi-wabo-mu

Uyu munyerondo wishwe, we na bagenzi be bari mu gikorwa cyo gufata abakora ubucuruzi  butemewe (Abazunguzayi). Bivugwa ko abamwishe bamufashe bakamujyana mu gihuru bamutera icyuma arapfa.

Ibi byahaye ku mugoroba wo w’ejo hashije tariki ya 7 Werurwe 2023 mu kagari ka Kiyovu mu murenge wa Nyarugenge mu karere ka Nyarugenge.

Uwo munyerondo witwa Habanabashaka baramufashe bamujyana hepfo ya Gare yo mu mujyi bamwicira mu gihuru gihari.

Umwe mu banyerondo wari kumwe n’uwishwe yavuze ko bari mu mukwabu wo kurwanya ubucuruzi butemewe basagararirwa n’abo babukora.

Ati 'Uwari utwaye imodoka yahise ayikura aho, natwe turiruka buri wese ukwe turatatana. Nyuma ni bwo naje kureba inyuma mbona Habanabashaka bamusigaranye ariko abandi nanjye bari kunyirukaho.'

Yakomeje agira ati 'Hari uwafashe telefoni ye aratubwira ngo 'mugenzi wanyu ari aha ngaha yapfuye. Twaje dusanga bamuteye icyuma bigaragara ko bakimuteye agakomeza guhunga ashiramo umwuka ageze aha.'

Umunyamabanga Nshingwabikorwa w'Umurenge wa Nyarugenge, Murekatete Patricie, yemeje aya makuru nk’uko tubikesha RadioTv10 Rwanda, avuga ko inzego zishinzwe iperereza zahise ziritangira ariko ko abakekwaho kugira uruhare mu rupfu rw’uwo munyerondo batarafatwa.

Source : https://inyarwanda.com/inkuru/126823/kigali-abazunguzayi-bishe-umunyerondo-bamuteye-icyuma-126823.html