Author: webrwanda

Nyuma y’amezi 10 yeguye ku nshingano ze nk’Umuyobozi wa 2 wungirije ushinzwe amarushanwa mu Ishyirahamwe nyarwanda ry’umukino wa Volleyball, Bagirishya Jean de Dieu [Jado Castar], yasimbuwe na Geoffrey Zawadi.

Kuri uyu wa Gatandatu tariki ya 18 Werurwe 2023, habaye Inteko Rusange Idasanzwe y’Ishyirahamwe ry’Umukino wa Volleyball mu Rwanda (FRVB).

Ku murongo w’ibyigwa hari ingingo 2, gahunda ya shampiyona n’amarushanwa ateganyijwe mu mwaka wa 2023 ndetse no kuzuza inzego.

Hagombaga gushakwa umusimbura wa Jado Castar weguye ku mwanya we wa visi perezida wa 2 ushinzwe amarushanwa muri FRVB.

Uyu mugabo usanzwe ari n’umunyamakuru wa siporo akaba na nyiri B&B FM, yeguye muri Gicurasi 2022 aho yavuze ko bitewe n’aho avuye (yari afunguwe) atari kubasha kuzuza inshingano ze.

Abanyamuryango ba FRVB nyuma y’amezi 10 yeguye bakaba batoye Zawadi Geoffrey nk’umusimbura wa Jado Castar. Zawadi akaba yari asanzwe ari umuyobozi wa REG VC.

Zawadi Geoffrey yatorewe kuba visi perezida wa 2 wa FRVB ushinzwe amarushanwa

Yasimbuye Jado Castar weguye muri Gicurasi 2022

Bneshi batunguwe no kumva ko ku munota wa nyuma umunyezamu Kwizera Olivier, umunyezamu wa mbere w’ikipe y’igihugu y’u Rwanda, atazaboneka ku mukino wa Benin kubera imvune.

Ni umukino w’umunsi wa 3 uzabera muri Benin tariki ya 22 Werurwe muri Benin, n’uw’umunsi wa 4 uzabera mu Rwanda tariki ya 27 Werurwe 2023 w’itsinda L mu gushaka itike y’igikombe cy’Afurika cya 2023 kizabera muri Ivory Coast.

Amakuru avuga ko yagize ikibazo cy’imvune mu mukino wa shampiyona ikipe ye yanganyijemo na Al Najmah FC 1-1 uyu munsi ku wa Gatanu tariki ya 17 Werurwe 2023.

Amavubi yamaze guhaguruka mu Rwanda ndetse ubu yageze muri Etiopia aho agomba kubanza gukina umukino wa gicuti na Ethiopia ku munsi w’ejo ku Cyumweru akabona kwerekeza muri Benin.

Mu bakinnyi 26 umutoza yahagurukanye harimo abanyezamu 2 gusa ari bo Ntwali Fiacre na Ishimwe Pierre.

Bivuze ko Ntwali Fiacre agomba guhita afata umwanya wa Kwizera Olivier akaba ari we ubanza mu kibuga.

Abakinnyi 26 umutoza yahagurukanye

Abanyezamu: Ntwali Fiacre (AS Kigali) na Ishimwe Pierre (APR FC)

Ba myugariro: Mutsinzi Ange (FK Jerv), Omborenga Fitina (APR FC), Serumogo (Kiyovu Sports), Emmanuel Imanishimwe (FAR Rabat), Ganijuru Elie (Rayon Sports), Christian Ishimwe (APR FC), Nsabimana Aimable (Kiyovu Sports), Abdul Rwatubyaye (Rayon Sports), Manzi Thierry (AS Kigali)na Clement Niyigena (APR FC)

Abakin hagati: Bizimana Djihad (KMSK Deinze), Muhire Kevin (Yarmouk) Ally Niyonzima (Bumamuru), Mugisha Bonheur (APR FC), Steve Rubanguka (FC Zimbru), Yorl Rafael (Gefle), Hakim Sahabo (Lille) na Hadji Iraguha (Rayon Sports)

Ba Rutahizamu: Muhozi Fred (Kiyovu Sports), Mugisha Gilbert (APR FC), Meddie Kagere (Singida Big Stars), Mugenzi Bienvenue (Kiyovu Sports), Bizimana Yannick (APR FC), na Habimana Glen (Victoria Rosport)

11 umutoza ashobora kuzabanzamo

Umunyezamu: Ntwali Fiacre

Ba myugariro: Manzi Thierry, Mutsinzi Ange Jimmy, Rwatubyaye Abdul, Omborenga Fitina na Imanishimwe Emmanuel

Abakina hagati: Bizimana Djiad, Rafael York na Niyonzima Ally

Ba rutahizamu: Habimana Glen na Meddie Kagere

Fiacre agomba gusimbura Kwizera Olivier

Yakiriwe ku Kibuga cy'Indege i Kanombe na Ambasaderi w'u Bwongereza mu Rwanda, Omar Daair, hamwe n'Umunyamabanga Uhoraho muri Minisiteri y'Ububanyi n'Amahanga, Clementine Mukeka.

Braverman yazanywe n'indege ya RwandAir yaturutse i Londres. Asuye u Rwanda mu gihe ibihugu byombi byasinyanye amasezerano ajyanye no kwakira abimukira binjira mu Bwongereza mu buryo bunyuranyije n'amategeko.

Ayo masezerano agena ko abimukira bazajya binjira mu Bwongereza mu buryo bunyuranyije n'amategeko, bazajya boherezwa mu Rwanda mu gihe hari kwigwa uburyo burambye bwo kubafasha.

Mu Rwanda hateganyijwe amacumbi bazajya babamo, ndetse u Bwongereza buzajya bubagenera amafaranga abatunga. Bazajya bahabwa serivisi zose bakenera, ababishaka babe basaba kuba mu Rwanda nk'impunzi.

Aya masezerano agena ko hazahangwa imirimo mishya ndetse n'ishoramari rishya. U Bwongereza buvuga ko bwagiranye aya masezerano n'u Rwanda kuko 'rusanzwe ruri mu bihugu bya mbere ku Isi bitekanye' nk'uko bigaragazwa n'ibipimo bitandukanye.

Muri gahunda za Braverman harimo ko aza gusura Urwibutso rwa Jenoside rwa Kigali ku Gisozi, nyuma ahure na Minisitiri w'Ububanyi n'Amahanga, Dr Biruta Vincent ndetse bivugwa ko azanabonana na Perezida wa Repubulika, Paul Kagame.

Umukuru w'Igihugu aherutse kugirana ibiganiro na Minisitiri w'Intebe w'u Bwongereza, Rishi Sunak, byanagarutse ku bufatanye impande zombi zifitanye mu kwakira abimukira binjiye mu Bwongereza mu buryo bunyuranyije n'amategeko.

Ibiganiro bye n'abayobozi b'u Rwanda bigamije kunoza imikoranire y'uburyo abo bimukira n'impunzi bazajya bakirirwa mu Rwanda, bazagira amahirwe yo gutangira ubuzima bushya mu gihugu.

Hari amakuru avuga ko Braverman azahura n'abakora ishoramari bagitangira kugira ngo baganire amahirwe y'ishoramari n'umurimo ahari mu Rwanda. Azahura kandi n'abakora ibijyanye no kubaka amacumbi ndetse anaganire n'impunzi zimaze kubaka ubuzima mu Rwanda.

Yazanywe n’indege ya RwandAir

Urugendo rwe i Kigali rugamije gushimangira imikoranire n’u Rwanda mu ishyirwa mu bikorwa ry’amasezerano yerekeye abimukira impande zombi ziherutse gusinyana

U Bwongereza bwishimira ko u Rwanda ari kimwe mu bihugu bya mbere ku Isi bitekanye

Yagiranye ibiganiro na Clementine Mukeka ndetse na Ambasaderi w’u Bwongereza mu Rwanda, Omar Daair

Suella Braverman yageze i Kigali ku isaha ya Saa Moya za mu gitondo

Suella Braverman yakiriwe n’Umunyamabanga Uhoraho muri Minisiteri y’Ububanyi n’Amahanga, Clementine Mukeka

Ni ingingo Perezida Kagame yagarutseho mu kiganiro yagiranye n'Umuyobozi Mukuru wa Zipline, Keller Rinaudo Cliffton kigaruka ku ntambwe iki kigo kimaze iminsi giteye yo gutangira kugeza ibicuruzwa bitandukanye mu ngo z'abantu.

Keller Rinaudo Cliffton yagaragarije Perezida Kagame ko ari umwe mu bantu babateye imbaraga ndetse bakabagirira icyizere mu gihe ikigo cyabo cyari kikiri gito nta bikorwa bihambaye kiragira.

Yakomeje agira ati 'Ubwo twatangizaga ibikorwa byacu mu Rwanda mu 2016 twari itsinda ry'abantu 15, inzobere nyinshi twaganiriye na zo zatubwiraga ko igitekerezo cyacu kitazashoboka, mu by'ukuri ni wowe muntu wa mbere washyigikiye igitekerezo cy'itsinda ryose rya Zipline.'

Perezida Kagame mu gusubizwa yagaragaje ko iyo urebye mu mateka y'u Rwanda usanga hari byinshi igihugu cyagezeho harabanje kubaho imbogamizi, yemeza ko akamaro k'ibyo Zipline yashakaga gukora ari ko katumye ayishyigikira.

Ati 'Nuramuka urebye no mu mateka yacu, aho twavuye uzasanga hararanzwe n'ingorane nyinshi ariko turabizi neza ko tugomba gukora ibyo dusabwa ubundi urugendo rugakomeza. Nubwo mu ntangiriro byasaga n'ibikomeye kugira ngo dukora ibyo twakoranye, twatekereje ko tugomba kubigerageza kandi ibintu twibandagaho ni bitatu, abantu, ikoranabuhanga no gushyiraho uburyo bushya bw'imikorere bishobora guhindura ubuzima bw'abantu.'

Keller Rinaudo Cliffton yatangaje mu kiganiro bagiranye na Perezida Kagame ubwo batangizaga ibikorwa byabo mu Rwanda, yabasabye ko mu cyerekezo cyabo bareba n'uburyo bazatangira kugira ibindi bintu batwara atari amaraso batangiye bageza ku bitaro bitandukanye gusa.

Yabajije Perezida Kagame niba ari ibintu yabonaga ko koko bizashoboka nk'uko uyu munsi Zipline yabashije kubigeraho.

Ati 'Ntabwo ari ibintu byigaragazaga ariko twizeye igitekerezo cyari gihari n'ibijyanye no kugerageza kugishyira mu bikorwa. Iyo uteye intambwe ya mbere ukabona hari ibiri gukunda bituma ushaka gukora ibindi birenzeho. Nubwo ntari kubihamya neza ariko nemeraga ko hari ikintu cyiza kizavamo.'

Perezida Kagame yavuze ko ibyo u Rwanda na Zipline byagezeho bishobora kuba urugero rwa gahunda zishobora guhindura ubuzima bw'abaturage ndetse yemeza ko kuba iki kigo gikomeje kwagura ibikorwa byacyo bizagira uruhare rukomeye mu iterambere ry'ubukungu.

Ati 'Bizafasha byinshi duhereye kuri gahunda yo kwinjira mu zindi nzego zirimo inyungu zirimo nk'ubucuruzi bwo kuri internet, aho umuntu wicaye hano ashobora kuvuga ngo nkeneye iki, kikamusanga ku muryango[…] ibyo byose bifasha mu gukoresha neza igihe n'amafaranga.'

Perezida Kagame atangaje ibi mu gihe hagiye gushira imyaka irindwi sosiyete ya Zipline itangiye gukorera mu Rwanda ndetse ibikorwa byayo bigenda byaguka umunsi ku munsi, aho byavuye ku gutwara amaraso ubu bikaba bigeze ku bindi bintu bitandukanye.

Muri iki cyumweru nibwo Zipline yatangaje ko igiye gutangiza uburyo bushya bwa drones zivuguruye bwiswe 'P2' buzajya buzifasha kugeza imizigo ku bakiliya mu buryo bwiza kandi butekanye.

Ubu buryo bushya bukubiyemo drones zisa nk'aho ari ebyiri aho hari igice kizajya kiba gishinzwe gutwara umuzigo cyizwi nka 'droid' n'ikindi cyo hejuru gisigaye gituma drone ibasha kugenda.

Mu buryo bugaragarira amaso, urebeye kure ubona ari drone imwe ariko iyo bigeze aho bijyanye imizigo nibwo bitandukana 'droid' cyangwa igikanka kikamanuka ukwayo hasi ku butaka kugemura imizigo yatumwe, hanyuma ikindi gice cy'iyo drone kigasigara mu kirere.

Zipline yatangaje ko ubu buryo bushya bwisumbuye ku bwari busanzwe kandi bukaba butanga umutekano wo kugeza imizigo mu ngo z'abantu nta rusaku no mu mutuzo.

Mu rwego rwo gukomeza kwagura imikorere ya Zipline mu Rwanda, iki kigo giherutse kuvugurura amasezerano gifitanye na Guverinoma yongerwaho imyaka irindwi.

Muri aya masezerano mashya afite agaciro ka miliyoni 61 z'Amadolari, Zipline yiyemeje ko serivisi zayo zizagera ku bantu miliyoni 11 mu Rwanda no kuba urugendo drones zayo zizakora ruzaba rungana n'ibirometero miliyoni 200.

Perezida Paul Kagame yagaragaje ko yashyigikiye ibikorwa bya Zipline mu Rwanda kuko byari bafite intego zo guhindura ubuzima bw'abaturage

Umunyabigwi w’umupira w’amaguru Augustine Azuka Okocha wamenyekanye nka Jay-Jay Okocha yavuze ko atorohewe n’urugendo rwo gukina umupira w’amaguru asaba urubyiruko rw’u Rwanda kwita ku masomo.

Hari mu muhango wo gutangaza abakapiteni 8 bazaba bayoboye amakipe mu gikombe cy’Isi cy’abakanyujijeho kizabera mu Rwanda muri Gicurasi 2024.

Okocha ari kumwe n’abandi banyabigwi 8 baganirije abanyeshuri bo muri Kaminuza ya Kepler ishami rya Kigali aho uyu muhango wabereye ejo hashize ku wa Gatanu.

Jay Jay Okocha yabajijwe ku rugendo rwe niba yari inzira iharuye cyangwa se niba yarahuye n’inzitizi nyinshi.

Uyu munyabigwi wakunzwe na benshi, yavuze ko byamugoye cyane kuko ku myaka 17 ari bwo yavuye iwabo ajya i Burayi.

Ati “ntabwo byari byoroshye, ku myaka 17 ni bwo navuye muri Nigeria njya i Burayi, nta rurimi nari nzi bitewe n’uko ururimi bavugaga rwari rutandukanye n’urwo nari nsanzwe nzi, urumva byari ibibazo.”

“Urumva imyaka nari mfite kuba kure y’umuryango wanjye, mu bihugu ntazi n’imico itandukanye n’iyacu. Narimo nyura mu buzima butandukanye n’inzozi zanjye, ariko intego kwari ukugera ku ntsinzi yo hejuru.”

Yakomeje avuga ko ubwo yari agiye i Burayi intego kwari ukuzamura ibendera rya Afurika kuko nubwo akomoka muri Nigeria ariko yari ahagarariye Afurika.

Ati “ubwo nari ngiye i Burayi numvaga ko ngomba gukora itandukaniro (…), nagombaga gukora ibishoboka nkazamura ibendera rya Afurika, ntabwo nari nihagarariye ahubwo nari mpagarariye Afurika.”

“Ibyo ukora byose uba ugomba kubikorana icyubahiro, icya mbere ugomba gukunda ibyo ukora uko waba ufite impano kose cyangwa uri umunyamwuga kandi ukubaha akazi ka we kuko utakubashye ngo wubahe ibyo ukora ntacyo wageraho.”

Yasabye abanyeshuri bo muri iyi Kaminuza kubaha amasomo ya bo kuko batabikoze byazabagora mu minsi iri imbere.

Ati “Nkamwe banyeshuri niba mutubashye amasomo yanyu, niba mudasomye ngo mwige, muzabaho nabi, mugomba kubaha umwuga mwahisemo.”

Jay Jay Okocha ni rutahizamu wakiniye amakipe arimo Fenerbache na Paris Saint Germain… Ikipe y’igihugu ya Nigeria kuva 1996-2006 aho mu mikino 74 yayitsindiye ibitego 14.

Jay Jay Okocha yaganirije abanyeshuri abasaba kwita ku masomo

Baganirije abanyeshuri bo muri Kaminuza ya Kepler