Author: webrwanda

Ubushakashatsi bwagaragaje ko hari indyo nyinshi zishobora ku kubangamira zikakubuza ibitotsi igihe cyose waziriye ugiye kujya kuryama.

 

Muri izindyo higanjemo ibi nyamavuta, ibinyamasukari, n'ibintu bikonje.

Dore ingero zibyo utagomba kurya cyangwa ku nywa ugiye kuryama :

1.Ifiriti

2.Ice cream

3.Ibinyamafarini nk'imigati n'amandazi

4.Inyama z'ingurube (akabenzi)

5.Ntugomba kunywa amazi, mara byibuza iminota 30 unyweye amazi mbere y'uko uryama.

6.Ibijumba  ndetse n'ibindi bintu bishobora kugugara mu nda.

N'ibindi byinshi bigira amasukari n'amavuta bikabije

 

Source : https://yegob.rw/niyo-waba-ushonje-ubushakashatsi-bwagaragaje-ibiryo-utagomba-kurya-ni-joro-ugiye-kuryama/

Mufti w'u Rwanda, Sheikh Salim Hitimana yasabye abayisilamu bose gukomeza kurangwa n'imyifatire myiza ndetse no kwirinda ibyaha nk'uko Imana yabitegetse aho kuba beza mu kwezi kwa Ramadhan gusa.

Umunsi Mukuru wa Eid al-Fitr wizihirijwe muri Stade ya Kigali Pelé Stadium Nyamirambo ku rwego rw'igihugu, ahari hateraniye abayoboke b'idini ya Islam batandukanye mu Mujyi wa Kigali n'abanyamahanga baba mu Rwanda.

Ni umunsi ukomeye ku Bayisilamu bose bo ku Isi, aho baba bamaze iminsi 30 biyiriza, basenga, biyegereza Imana, bagerageza kwifata neza mu mico no myifatire ndetse bakora ibikorwa byo gufasha bagenzi babo badafite amikoro.

Kuri uyu munsi kandi Abayisilamu benshi bajya mu isengesho rya kare mu gitondo, kuri bo ni umugenzo wo kwambara imyenda mishya, kurya ibiryo biryoshye no gusubiramo isengesho ryitwa takbeer.

Mbere y'isengesho, Abayisilamu basabwa gutanga imfashanyo yitwa zakaat al fitr yo gufasha abakene.

Mufti w'u Rwanda, Sheikh Salim Hitimana, yasabye abayisilamu bose gukomeza kurangwa no gukora ibikorwa byiza n'kuko bitwaraga mu kwezi kwa Ramadhan basoje.

Ati 'Bavandimwe bayisilamu turasabwa gukomeza gukora ibikorwa byiza bitwegereza Imana kandi ntabwo ukwezi kwa Ramadhan gukwiye kuba iherezo ry'ibikorwa byacu byiza. Umunyagihombo urusha abandi ni wa wundi witabiriye Iswalla eshanu muri uku kwezi akagana imisigiti none ubu akaba agiye gucika ku misigiti.'

Yakomeje ati 'Ntabwo bikwiye ko umuntu umaze ukwezi kose asibye asubira mu byaha agata umurongo wo gutinya Allah, uwasubira mu byaha biba ari ikimenyetso ko igisibo cye kititabiriwe ndetse ko kitakozwe neza kandi nta n'inyungu aba yakivanyemo.'

Mufti Hitimana yongeye kubibutsa ko uyu munsi ushimangira urukundo hagati y'abayisilamu no kwirinda ibindi byose bibatandukanya.

Source : https://umuryango.rw/ubuzima-115/iyobokamana/article/umunsi-mukuru-wa-eid-al-fitr-abayisilamu-basabwe-kurangwa-n-imyifatire-myiza

Guverinoma yagabanyije imisoro hashingiwe ku cyerekezo cyatanzwe na Perezida Kagame muri Mutarama uyu mwaka.

Urugero, umusoro w'ubutaka washyizwe hagati ya 0-80 Frw uvuye hagati ya 0-300Frw.

Ku wa Mbere,tariki ya 9 Mutarama 2023,Perezida Kagame ubwo yakiraga indahiro ya Perezida wa Sena Dr Kalinda Francois Xavier,yasabye inzego zibishinzwe kugabanya imisoro kuri rubanda,kuko kwaka myinshi ataribyo bituma iboneka.

Icyo gihe yagize ati “Imisoro ifite uko idindiza ishoramari mu bikorera,sinzi impamvu bitasuzumwa abantu bakareba imisoro impamvu yayo….uburyo bw'inyoroshyo kuko n'imisoro ntigabanuka ahubwo iyo babyize neza iriyongera.Ntabwo bivuze ko kuremereza imisoro aribyo biguha imisoro myinshi.”

Mu itangazo ryashyizwe hanze na Minisiteri y'imari n'igenamigambi,kuri uyu wa 21 Mata 2023,rivuga ko Guverinoma yakuyeho umusoro wa TVA ku muceri n'ifu y'ibigori byaba ibiguriwe mu Rwanda no hanze mu rwego rwo kugabanya ibiciro by'ibiribwa ku isoko ndetse no kunganira gahunda yo kugaburira abana ku ishuri.

Umusoro ku nyungu mu bigo uzwi nka Corporate income tax wavuye kuri 305 ushyirwa kuri 28 % hagamijwe ko mu gihe cya vuba uzagabanuka ukagera kuri 20%.Ibi bizafasha u Rwanda kuza mu bihugu bya mbere muri Afurika bibereye gukoreramo ishoramari.

Umusoro ku byaguzwe nawo wagabanyijwe mu rwego rwo kuzamura ishoramari rishingiye ku bukerarugendo n'amahoteri.

Guverinoma yiyemeje kugabanya imisoro yatangwaga ku bicuruzwa byihariye nk'ibinyobwa aho mu buryo bushya bwo gusora, nko kuri divayi yaguzwe,umusoro uzaba 70% ariko ibisorerwa ntibirenge ibihumbi 40 FRW ku icupa.

Umusoro ku mutungo utimukanwa n'ubutaka washyizwe ku mafaranga 0 na 80 kuri meterokare.Igiciro cyakuwe ku mafaranga 0 na 300 frw.

Umusoro ku nzu ya kabiri wagizwe 0.5% by'igiciro cy'inzu n'ubutaka bukomatanyije.Umusoro ku nyubako z'ubucuruzi wakuwe kuri 0.5% ushyirwa kuri 0.3% by'igiciro cy'inyubako n'ubutaka yubatseho bikomatanyije.

Umusoro ku nyubako z'ubucuruzi ugarukira ku gaciro ka miliyari 30 FRW.

Umusoro ku bugure bw'umutungo utimukanwa uzajya ubarwa kuri 2% by'agaciro k'umutungo mu gihe wagurishijwe n'umucuruzi wanditse na 2.5 % mu gihe wagurishijwe n'utari umucuruzi wanditse.

Umutungo utarengeje miliyoni eshanu FRW ntiwishyura umusoro ku bugure.

Ipatanti yavuguruwe aho abacuruzi bazajya bishyura umusoro w'ipatanti isanzwe ukubiyemo ipatanti isanzwe n'amafaranga y'isuku rusange.Ibigo by'ubucuruzi bifite amashami arenze rimwe bizajya byishyura ipatanti imwe gusa muri buri karere bikoreramo.

Amwe mu mafaranga yose yajyaga yishyuzwa ku byangombwa n'abayobozi b'inzego zibanze cyangwa serivisi baha abaturage azakurwaho

Iri tangazo ryasoje rivuga ko Guverinoma yashyizeho ingamba zihamye zizatuma izi mpinduka zitanga umusaruro wifuzwa uganisha ku iterambere rirambye ry'ubukungu bw'igihugu.

Inama y'Abaminisitiri yateranye kuri uyu wa 20 Mata 2023, yemeje ko iyi misoro ivuguruye igamije koroshya imisoro, kongera umubare w'abasora, kubahiriza itangwa ry'imisoro no kureshya abashoramari

Source : https://umuryango.rw/amakuru/mu-rwanda/politiki/article/guverinoma-yagabanyije-imisoro-itandukanye-irimo-iy-ubutaka-n-ipatanti

Source : https://umuryango.rw/amakuru/urukundo/article/dore-amakosa-akomeye-ukwiye-kwirinda-gukora-mu-gihe-ukinjira-mu-rukundo

IK Ogbonna uri mu bakinnyi ba sinema bakomeye muri Afurika, abinyujije ku mbuga nkoranyambaga, mu gitondo cyo kuri uyu wa 21 Mata 2023 nibwo yatangaje ko nyina umubyara yitabye Imana icyakora nta makuru menshi ku rupfu rw'uyu mubyeyi yigeze akomozaho.

Ati 'Mwamikazi, ruhukira mu mahoro. Uyu munsi turashyingura umubiri wa mama, ariko umurage wawe uzahoraho. Ndagukunda by'iteka ryose mubyeyi.'

IK Ogbonna ari mu gahinda ko kubura umubyeyi we nyuma y'iminsi mike avuye mu Rwanda aho yari yatumiwe mu birori bya Rwanda International Movie Awards akanegukana igihembo cy'umukinnyi mwiza ku rwego mpuzamahanga 'Best International Actor'.

IK Ogbonna ari kumwe na Aliah Cool uri mu bategura Rwanda International Movie Awards.

Source : https://umuryango.rw/imyidagaduro/article/ik-ogbonna-ari-mu-gahinda-ko-kubura-umubyeyi

Ibikorwa byo gushakisha abantu 6 bagwiriwe n'ikirombe gicukurwamo amabuye y'agaciro mu Murenge wa Kinazi byakomeje, hifashishijwe imashini za 'Caterpillar' imenyerewe mu gukora imihanda, zabyutse zicukura mu mpande zikikije umwobo munini umanuka muri icyo kirombe, ariko ntibaraboneka.

Umunyamakuru wacu Ali Gilbert Dunia, yageze muri aka Karere ka Huye ahari gushakishwa aba bantu muri iki kirombe, asanga abantu baje batabaye ndetse n'imashini zari zikiri mu kazi ariko bataraboneka.

Umuyobozi wungirije w'Akarere ka Huye, ushinzwe imibereho y'abaturage Madame Kankesha Annonciate, yavuze ko bagishakisha.

Ati 'Turi hano twese dutabaye.Hano hari icyobo kitwaga ko cyari ikirombe ariko ikirombe kiba cyemewe n'amategeko. Cyari icyobo abantu bajyamo bagacukura, ibyo bacukura ntiturabimenya, twabuze ibyo aribyo. Bagiyemo rero ku wa Gatatu kuva saa saba kugeza uyu munsi ntibaravamo, ariko umwe mubo bari kujyanamo ni we watanze amakuru atabaza avuga ati hari bagenzi banjye batandatu (6)bari hari hantu kandi turabona hasa nk'ahifunze. '

Yakomeje agira ati 'Kugeza ubu ku makuru atangwa ni ikirombe gifite nka metero eshatu kuri ebyiri n'igice,kumanuka hasi biri hagati ya metero 12-15 kumanuka kugira ngo babashe gutambika.Twitabajije imashini uri kubona zisa nk'izageze mu musozi ny'iri zina hagati ariko tutegereye cyane wa mwobo bamanukiramo, iyo bamanutse amakuru dufite ni uko banatambika kuva kuri uwo mwobo bamanukiramo gutambika bajya kureba amabuye bacukuraga harimo hagati ya metero 60-80.'

Mu kirombe imbere hagiye harimo ibyumba, hakaba hari n'ahantu hari icyumba cyagutse, ku buryo umwuka duhumeka uramutse ukirimo ntacyo baba babaye.

Ku bijyanye n'ibicukurwa muri iki kirombe, nta n'umwe mu bagikozemo w'i Kinazi uvuga ko azi ibyo bacukuraga, icyakora hari abavuga ko ibyagiye bivamo bizwi n'abatekinisiye bazanye n'umukoresha wabo kuko ab'i Kinazi bakoragamo nk'abayede, basohora igitaka n'amazi gusa.

The post Ibikorwa byo gushakisha abantu 6 bagwiriwe n'ikirombe birakomeje appeared first on FLASH RADIO&TV.

Source : https://flash.rw/2023/04/21/ibikorwa-byo-gushakisha-abantu-6-bagwiriwe-nikirombe-birakomeje/?utm_source=rss&utm_medium=rss&utm_campaign=ibikorwa-byo-gushakisha-abantu-6-bagwiriwe-nikirombe-birakomeje

Ubuyobozi bw'idini ya Isilamu mu Rwanda, bwasabye abayoboke baryo kurangwa n'ibikorwa byiza mu buzima bwabo bwose, aho kubikora mu kwezi kw'igisibo kuzwi nk'ukwezi kwa Ramadhan gusa .

Ibi Mufti w'u Rwanda, Sheikh Salim Hitimana yabigarutseho kuri  uyu wa gatanu  tariki  21 Mata 2023, ubwo abayisilamu hirya no hino mu gihugu ndetse no ku Isi bizihizaga umunsi mukuru wa Eid al Fitr, Usoza ukwezi kw'igisibo abayoboke b'idini ya Islam bari bamazemo iminsi.

Birashoboka ko kumenya neza ishusho y'uko abayoboke b'idini ya Islam mu Rwanda atari bake, bigaragarira ku munsi mukuru wa Eid al Fitr wizihirizwa ku rwego rw'igihugu i Nyamirambo kuri Stade yitiriwe Pele.

Ninako kuri uyu wa gatanu tariki 21 Mata 2023 byari bimeze, aho urujya n'uruza i Nyamirambo mu gitondo rwari rwaganjwe n'abayoboke b'idini ya Isilamu.

Mufti w'u Rwanda, Sheikh Salim Hitimana arasobanura icyo Eid Al Fitr isobanuye ku Musilamu.

Ati 'Ni umunsi ukomeye kuko ni umunsi tuba twibuka ndetse tugira ngo twishime, nyuma y'uko tuba tumaze ukwezi kuzima turi mu bikorwa byo kugandukira Imana no kuyiyegereza cyane, akenshi ni ibyo ubuzima bw'umuntu biba bihugiyeho.Ariko kuri uyu munsi ni umunsi twahawe kugira ngo umuntu afunguke, yisanzure asangire n'abandi, aganire n'abandi mu gihe kinini baba bamaze batabonana.'

Uko Eid Al Fitr isobanurwa ni umunsi ukomeye ku Bayisilamu bose bo ku Isi, aho baba bamaze iminsi 30 biyiriza, basenga, biyegereza Imana, bagerageza kwifata neza mu mico no myifatire ndetse bakora ibikorwa byo gufasha bagenzi babo badafite amikoro.

Itangazamakuru rya Flash ryabajije bamwe mu ba Islam niba ibi ari ibikorwa bibaranga mu minsi 30 y'igisibo gusa.

Umwe ati 'Mu by'ukuri ibyo Mufti watubwiye yatwibutsaga. Biriya biri mu nshingano ndangagaciro z'umusilamu, ubusilamu ni uguhora ukora ibikorwa byiza, ufashanya ari abatishoboye ari abafite intege nke, nibyo dukora buri gihe. Ariko iyo tugeze mu gisibo nk'iki turabikomeza cyane.'

Undi ati 'N'ubusanzwe ibikorwa bihoraho,usibye ko muri iki gihe barabinoza cyane.'

Mugenzi we ati 'Ntabwo ari mu kwezi kwa Ramadhan gusa, ahubwo ukwezi kwa Ramdhan ni ukurushaho gukomeza ibikorwa n'ubundi wari usanganwe mu bindi bihe.Ntabwo rero ari igihe cyo kugira ngo ibyiza byose wakoraga mu gihe cya Ramadhan, ibihagararo by'ijoro n'ibindi.'

Ubuyobozi bw'idini ya Islam mu Rwanda, nabwo bwibukije abayoboke baryo ko Imana itabaho mu minsi 30 gusa ahubwo ko ihoraho, bityo ko ibikorwa byiza umu Isilamu adakwiye kubikora mu kwezi kwa Ramathan gusa, ahubwo ko ategetswe ku bikora mu buzima bwe bwose.

Mufti w'u Rwanda Sheikh Salim Hitimana arasobanura impamvu.

Ati 'Imana ibaho iteka ryose n'ibikorwa byiza ntabwo umusilamu ahamagariwe kubikora mu gihe cya Ramdhan gusa, ahubwo ahamagariwe kubikora ubuzima bwe bwose.Kuko nibwo azajyana imbere y'uwiteka ni nabyo bizashingirwaho kugenerwa aho agomba kujya yaba ari mu ijuru cyangwa mu muriro, Imana iwuturinde,bityo rero ntabwo ugomba gucumbikishiriza igikorwa icyo aricyo cyose kubera ko ukwezi kwa Ramadhan kwarangiye. Ahubwo uhozaho uko ubishoboye kugeza igihe Imana izisubiriza gahunda zayo.'

Idini ya Islam ivuga ko mu gihe cy'ukwezi kwa Ramadhan abayoboke bayo, bagejeje  inkunga y'ibiribwa ku miryango irenga ibihumbi birindwi, mu turere dutandukanye tw'igihugu.

Hakusanyijwe kandi miliyoni 20Frw yatanzwe nk'inkunga izwi nka 'zakaat' ku miryango 2600 itishoboye, yahawe amafunguro y'ibiribwa ibafasha kwishimira uyu munsi mukuru.

Tito DUSABIREMA

The post Abasilamu basabwe kurangwa n'ibikorwa byiza igihe cyose aho kubikora mu gisibo gusa appeared first on FLASH RADIO&TV.

Source : https://flash.rw/2023/04/21/abasilamu-basabwe-kurangwa-nibikorwa-byiza-igihe-cyose-aho-kubikora-mu-gisibo-gusa/?utm_source=rss&utm_medium=rss&utm_campaign=abasilamu-basabwe-kurangwa-nibikorwa-byiza-igihe-cyose-aho-kubikora-mu-gisibo-gusa

Guverinoma y'u Rwanda yagabanyije imisoro ku mutungo utimukanwa irimo ubutaka, inzu z'ubucuruzi n'ibindi.

Ibi byemejwe hashingiwe ku cyerekezo cyatanzwe na Perezida Paul Kagame muri Mutarama 2023 nk'uko Minisiteri y'imari n'igenamigami yabitangaje kuri uyu wa Gatanu tariki 21 Mata 2023.

Bimwe mu byagabanyirijwe imisoro harimo umusoro ku mutungo utimukanwa  n'ubutaka hao washyizwe hagati ya 0 na 80Frw kuri meterokare, uvuye kuri 0-300Frw kuri meterokare.

Umusoro ku nzu ya kabiri washyizwe kuri 0.5% by'igiciro cy'inzu n'ubutaka bikomatanyije.

Naho umusoro ku nyubako z'ubucuruzi ni 0.3% uvuye kuri 0.5%  by'igiciro cy'inyubako n'ubutaka yubatseho bikomatanyije.

Minisiteri y'Imari n'igenamigambi yagaragaje ko umusro ku nyubako z'ubucuruzi ugarukira ku gaciro ka miliyari 30Frw.

The post Leta yagabanyije umusoro ku mitungo itimukanwa appeared first on FLASH RADIO&TV.

Source : https://flash.rw/2023/04/21/leta-yagabanyijwe-umusoro-ku-mitungo-itimukanwa/?utm_source=rss&utm_medium=rss&utm_campaign=leta-yagabanyijwe-umusoro-ku-mitungo-itimukanwa

Uyu mubyeyi w'imyaka 79 y'amavuko avuga uburyo interahamwe zamwiciye abana n'umugabo muri Jenoside, we zikamureka ngo yicwe n'agahinda.

Mu muhango wo kwibuka ku nshuro ya 29 Jenoside yakorewe Abatutsi mu 1994 by'umwihariko bo mu Kagari ka Rugenge, mu Murenge wa Muhima, Uwayezu yabwiye IGIHE, ko atazibagirwa ukuntu interahamwe zamwiciye abana babiri n'umugabo ariko we zikamubwira ngo yigendere kandi zizi neza ko nawe yari umututsi wahigwagwa cyane.

Avuga ko Jenoside yabaye afite abana barindwi akora mu kigo cy'impfubyi Saint Famiille mu karere ka Nyarugenge ndetse yishwe urw'agashinyaguro kubera ko interahamwe zamwiciye abana babiri n'umugabo mu maso ariko we ntizimukoreho.

Akomeza avuga ko mu Kagari ka Rugenge mu cyahoze ari Serile Rugenge ahitwa mu Kiyovu cy'abakene, habereye ubwicanyi ndengakamere muri jenoside yakorewe abatutsi ndetse ari naho abana be babiri n'umugabo we biciwe.

Yagize ati 'Kubera ko twari twihishe interahamwe zarabafashe zirabajyana zibanza kujyana umugabo n'umuhungu zirambwira ngo wowe sigara aho ntabwo tukwica zibageza imbere numva amasasu.'

Avuga ko muri ako kanya haje Imana yavugiye mu musirikare wari aho bari bamaze kwicira umuryango we abuza interahamwe kwica abagore n'abana.

Yongeyeho ko uwo musirikare yahise amubwira ko atari azi ko ari we biciye umugabo n'abana babiri ndetse iyo abimenya atari kwemera ko interahamwe zibica, ahita amusaba kuva aho.

Uwayezu yahise yerekeza muri Saint Famille ndetse nyuma aza kugira amahirwe, Ingabo z'Umuryango w'Abibumbye zihaza ataricwa zirahabakura bajya i Kabuga aza kugira amahirwe ahura n'Inkotanyi ziramurokora.

Yongeyeho ko nyuma yaje kwiyakira ababarira abamwiciye bose ndetse anashimangira ko hari n'umwe muri bo yagiye gusura aho afungiwe.

Uwayezu yashimiye Leta y'u Rwanda idahwema kubazirikana nk'abarokotse jenoside yakorewe abatutsi kandi nyuma y'imyaka 29 ishize hari byinshi amaze kugeraho mu bijyanye n'iterambere n'imibereho myiza.

Umunyamabanga Nshingwabikorwa w'Akagari ka Rugenge, Francoise Muhawenimana, yabwiye IGIHE ko muri aka gace habereyemo ubwicanyi ndengakamere ndetse hari n'imiryango yazimye.

Avuga ko nyuma y'imyaka 29 jenoside yakorewe abatutsi ihagaritswe, abayirokotse biyubatse ndetse abaturage babanye neza cyane kandi bamaze kugera ku iterambere.

Uwayezu Anastasie interahamwe ziciye abana babiri n’umugabo mu maso we zikamureka

Ubwo hashyirwaga indabo ku Rwibutso rw’abazize jenoside mu Murenge wa Muhima by’umwihariko mu kagari ka Rugenge

---

Source : http://igihe.com/amakuru/u-rwanda/article/yiciwe-abana-n-umugabo-mu-maso-ye-agashinyaguro-uwayezu-yakorewe-n-interahamwe

Nyuma y’uko umunyamategeko Prof. Nouf Bin Ahmed asabiye Cristiano Ronaldo kwirukanwa ku butaka bwa Arabie Saoudite amushinja gukora ibisa no gusambana mu ruhame, iyi kipe yavuze ko uyu mukinnyi usanzwe ari na kapiteni wayo yari yababaye ku myanya y’ibanga.

Mu mukino Al-Nassr ikinamo uyu rutahizamu ukomoka muri Portugal yatsinzwe na Al-Hilal ibitego 2-0, wasize Ronaldo yotswa igitutu aho yanasabiwe kwirukanwa muri iki gihugu kubera ibyo yakoze.

Hagaragaye gusa n’aho yafashe myugariro wa Al Hilal Gustavo Cuéllar asa n’umugonda ijosi bikubita hasi aho yahise anahabwa ikarita y’umuhondo.

Ubwo umukino wari urangiye, abafana ba Al Hilal baririmbye Messi maze ubwo Cristiano Ronaldo yarimo yinjira mu rwambariro yafashwe amashusho agenda asa nuwishima ku myanya y’ibanga ibintu bibujijwe muri iki gihugu.

Prof. Nouf Bin Ahmed abinyujije ku rukuta rwe rwa Twitter, yasabiye uyu rutahizamu w’imyaka 38 kwirukanwa muri iki gihugu kuko ibyo yakoze bifitanye isano n’imibonano mpuzabitsina.

Ati 'Ntabwo nkurikira imikino. N’iyo yaba yenderejwe n’abafana ntabwo yari kwitwara kuriya. Imyitwarire yagaragaje igize icyaha.'

'Gukora ibifitanye isano n’imibonano mpuzabitsina mu ruhame bivamo igifungo cyangwa kwirukanwa mu gihugu igihe uri umunyamahanga.'

Al Nassr ikaba yatangaje ko ubwo yagundaguranaga n’umukinnyi wa Al Hilal yagize imvune ababara ahantu ho kwitondera ari yo mpamvu yo kwishima ku mwanya y’ibanga.

Yagize iti 'Ronaldo yagize imvune igihe yari ahanganye n’umukinnyi wa Al Hilal, Gustavo Cuellar kandi ni ahantu ho kwitondera. Ni ko bimeze, nk’abafana bagomba gukora ibyo bashaka.'

Cristiano Ronaldo yageze muri iyi kipe mu Ukuboza 2022, asinya amasezerano ya miliyoni £173 ku mwaka, benshi mu bakunzi b’umupira w’amaguru muri iki gihugu bamusabiye kwirukanwa.

#الهلال_النصر

لست متابعة للشأن الرياضي

حتى ولو استفز جمهور الهلال #رونالدو
لم يوفّق في الرد عليهم

السلوك الصادر من #رونالدو يعتبر جريمة
فعل فاضح علني وهي من الجرائم المستوجبة
للتوقيف ، والإبعاد ( الترحيل ) إذا وقعت من أجنبي

لذا

سنتقدم بعريضة للنيابة العامة بهذا الشأن pic.twitter.com/qnyDJZJKS0

— Prof. Nouf Bint Ahmed (@NoufPoet) April 18, 2023

Cristiano yasohotse yishima ku myanya y’ibanga

Ni mu mukino ikipe ye yatakaje

Source : http://isimbi.rw/siporo/article/al-nassr-yavuze-impamvu-cristiano-yasohotse-asa-n-uwishima-ku-bugabo-bigateza-impagarara-video