Ku Isi abantu benshi ntibakunze guha agaciro abantu bagize ibyago byo kubura bimwe mu bice by'umubiri mu rukundo bitewe n'impamvu zitandukanye baba barahuye nazo zigatuma bahura n'ibyo byago.
Nubwo bamwe mu bantu baba bumva batashakana cyangwa ngo bakundane n'abantu bagize ibyo byago hari abandi bafite imyumvire itandukanye cyane bafata abahuye n'ibyago byokubura bimwe mu bice by'umubiri nk'abantu basanzwe kandi bakabakunda kimwe nk'uko bakunda abandi bafite ibice byose by'umubiri.
Mu mashusho yagaragaye ku rubuga rwa Instagram y'umuhanzikazi w'umunyarwanda Sunny ukoresha amazina ya @sunjy-rwanda12 kuri uru rubuga rwa Instagram agaragaza umusore ufite akaguru kamwe ari guterera ivi umukunzi maze na we abyakirana yombi ku buryo wabonaga ko ari bintu biryoheye ijisho kandi bikwiye kubera isomo abandi bafite imyumvire itari myiza.
Abarokotse Jenoside yakorewe abatutsi bakomoka mu gice cy'Amayaga mu yahoze ari Komini Ntongwe n'izindi Komini zari ziyikikije( ubu ni Ruhango), barasaba inzego bireba kubafasha kubona inzu yashyirwamo amateka ya Jenoside yajya yifashishwa mu kwigisha abakiri bato bakamenya neza amateka yakomotse ku rwango rwatewe n'abakoroni baciyemo abanyarwanda ibice bashingiye ku moko.
Ibijyanye n'ubushobozi bukenewe mu kubaka igice kizashyirwamo ibimenyetso by'amateka ya Jenoside yakorewe Abatutsi muri iki gice cy'amayaga, byagarutsweho ubwo abaturage n'ubuyobozi bw'akarere ka Ruhango bibukaga ku nshuro ya 29 Jenoside yakorewe Abatutsi mu gice cy'amayaga, ahahoze ari komine Ntongwe.
Imibiri 40 y'abatutsi bishwe muri Jenoside niyo yashyinguwe mu cyubahiro mu rwibutso. Harimo 10 yabonetse ndetse na 30 yimuwe ikuwe mu mva zitandukanye.
Abarokotse Jenoside ndetse n'ubuyobozi bw'akarere ka Ruhango bongeye gusaba abayobozi bakuru baje kubafata mu mugongo mu guha agaciro no kwibuka ababo ko babakorera ubuvugizi hakaboneka amafaranga yo kubaka inzu y'amateka yajya yigishirizwamo abato iby'amateka ya Jenoside yakorewe Abatutsi mu Rwanda mu 1994.
Umuyobozi w'Umuryango w'Abarokotse Jenoside yakorewe abatutsi-Ibuka bakomoka mu Mayaga(Ruhango), Munyurangabo Evode yabwiye imbaga y'abaje kwibuka ababo bashyinguye muri uru rwibutso rw'akarere ka Ruhango ko rufite imva ebyiri zicunzwe neza kuva muri 2014. Avuga ko ikindi gice kigenewe gushyirwamo Amateka ya Jenoside hakenewe ubushobozi bw'amafaranga, ko mu gihe abonetse iki gice cyakubakwa kikajya kigirwamo n'abato amateka ya Jenoside.
Yagize Ati' Kuva mu mwaka w'1994 ababyeyi bacu n'abavandimwe bamaze kwicwa urupfu rubi rukomoka ku macakubiri yatewe n'abakoroni, aha twicaye ni iwacu kuko hari ababyeyi bacu. Kuva 2014 nibwo abacu bazanywe hano. Uru rwibutso rugizwe n'ibice bibiri birimo imva ebyiri ariko ikindi gice kibura n'igice cyagenewe gushyirwamo amateka y'ababyeyi bacu. Ntabwo turabona iki gice kubera ko ubushobozi butaraboneka, ariko mudufashije byashoboka kuko byatuma abana bacu bamenya amateka y'abo bakomokaho ndetse n'abandi bakamenya ibibi byabaye ku batutsi mu Rwanda'.
Umuyobozi w'Akarere ka Ruhango, Habarurema Valens yabwiye abaje kwibuka, by'umwihariko abarokotse Jenoside ko bashimirwa uruhare bagira harimo no gutanga imbabazi ku babiciye. Yongeraho ko kubijyanye n' inyigo y'Ibanze mu kubaka iyi nzu yashyirwamo ibimenyetso by'amateka yakozwe ikagaragaza ko hakenewe Miliyari imwe y'Amafaranga y' U Rwanda.
Ikipe ya APR mu mukino wa Volleyball mu bagabo yamaze gusezerera umutoza wayo mukuru, Mutabazi Elie.
Uyu mutoza wari uyimazemo imyaka 4 ari umutoza mukuru ariko ariko akaba yari ayimazemo imyaka 7 kuko yayigezemo 2016 ari umutoza wungirije, yayihesheje igikombe cya shampiyona iheruka cya 2020, yasezerewe nyuma y’umunsi wa mbere wa shampiyona ya 2023.
Ni inkuru yamenyekanye mu mpera z’icyumweru gishize (ku wa Gatandatu), yatunguye benshi bitewe n’umusaruro we bigendanye n’abakinnyi yari afite.
Shampiyona iheruka akaba yari yasoje ku mwanya wa 3 inyuma ya REG VC yegukanye igikombe na Gisagara VC ya kabiri.
Nta mpamvu iramenyekana yatumye asezererwa, gusa amakuru avuga ko umubano we n’abakinnyi wari waramaze kwangirika ku buryo benshi bari baramaze gusaba gutandukana n’iyi kipe.
Bivugwa ko Sammy Mulinge, umunya-Kenya wahoze atoza iyi kipe bagatandukana muri 2019, ubu akaba atoza KPA (Kenya Ports Authority) ari we ushobora kugaruka muri iyi kipe y’ingabo z’igihugu.
Bivugwa ko umubano we n’abakinnyi wari waramaze kwangirika ari yo mpamvu yasezerewe
Ese ni ukubyiba cyangwa impundu zigiye kuvuga? Ni ikibazo nawe wakwibaza ukibona amwe mu mafoto y'umunyamakuru Muyango Cloudine.
Nk'uko amafoto yafashwe mu ijoro ryakeye aho uyu mubyeyi w'umwana umwe ashobora kuba agiye gukurikiza umuhungu we.
Ni amafoto amugaraza nk'umuntu ufite inda ikiri nto gusa ariko ntabwo twahita tubyemeza ko aribyo ijana ku ijana, ahubwo bishobora kuba ari ukubyibuha bisanzwe by'ababyeyi cyangwa mu minsi iri imbere impundu zikavuga.
Abakobwa b'ibizungerezi bagaragaye mu irushanwa rya Miss Rwanda 2022, bagaragaye bambariye mugenzi wabo Kelly Ndahiro nawe wegukanye ikamba muri iri rushanwa.
Muri aba bakobwa bari bambariye Miss waberewe n'amafoto [Miss Photogenic 2022]Â Kelly Ndahiro, harimo igisonga cya kabiri Miss Kayumba Darina ndetse na mugenzi we igisonga cya mbere Miss Keza Maolitia bombi begukanye aya makamba muri Miss Rwanda 2022.
Umuhanzi Itahiwacu Bruce Melodie, yegukanye ibihembo bigera kuri bibiri mu byiciro bitandukanye muri 'The Choice Award 2022', byaraye bitanzwe mu ijoro ryo kuri iki cyumweru tariki 30 Mata 2023.
Igihembo cy'indirimbo ifite amashusho meze y'umwaka wa 2022, byaje kurangira 'Funga Macho' ya Bruce Melodie ariyo yegukanye iki gihembo.
Ndetse kandi Bruce Melodie yaje kuba ariwe utorwa nk'umuhanzi mwiza w'umugabo w'umwaka wa 2022, aho yahigitse abarimo Kenny Sol, Juno Kizigenza, Christopher ndetse na Chriss Eazy.
