Author: webrwanda

Guverineri w'Intara y'Iburengerazuba, François Habitegeko, yabwiye IGIHE ibikorwa by'ubutabazi biri gukorwa kugira ngo hamenyekane abandi baba bagwiriwe n'inzu.

Ati 'Yaguye ari nyinshi ijoro ryose ku buryo uturere twa Ngororero, Rubavu, Nyabihu, Rutsiro na Karongi bagize ibibazo bikomeye cyane. Twabuze abaturage benshi cyane, imiryango ku buryo ubu twabaruraga 55 bitabye Imana, ubwo ntubaze abakomeretse, abagwiriwe n'inzu, ubu nibyo turimo kugira ngo turebe abakeneye ubutabazi.'

Magingo aya, Guverineri Habitegeko atangaje ko abahitanywe n'ibiza bakomeje kwiyongera aho bageze kuri 95 kandi ibikorwa by'ubutabazi birakomeje.

Ati “Aka kanya tuvugana kandi turacyakomeza gushakisha inzu ku nzu, ubu dufite 95 bamaze kwitaba Imana, barimo 14 b'i Karongi, 26 ba Rutsiro, Rubavu ni 18, Nyabihu ni 19 na Ngororero 18'.

Imihanda myinshi yafunze ariko abaturage bari kugerageza kuyifungura ndetse hari n'ahari kwifashishwa imashini zakoraga imihanda mu gufungura iyafunzwe n'ibiza.

Guverineri Habitegeko yasabye abaturage batuye ahantu hari gushyira ubuzima bwabo mu kaga kuhava.

Imvura yaguye mu ntara yose, gusa mu turere twa Nyamasheke na Rusizi ntabwo haravugwa ibibazo byihariye, ariko ahandi hose abahatuye bagize ibibazo bikomeye.

Habitegeko ati 'Hamwe yaguye hakiri kare cyane nko mu masaha ya Saa kumi n'ebyiri yari yatangiye kugwa, igwa ijoro ryose ku buryo yabaye nyinshi cyane, ubutaka burasoma kandi nyine yari imaze iminsi igwa.'

'Iyaguye iri joro ahantu hose, imihanda yafunze, za Sebeya zuzuye ndetse n'abantu bagwirwa n'inzu, imiringoti yuzuye noneho amazi akwira hose asanga abantu mu nzu, ntabwo ari ibintu byoroshye ariko inzego z'ibanze, iz'umutekano ndetse na Minisiteri ishinzwe Ubutabazi turi gukorana kugira ngo turebe uko abantu bagenda batabarwa.'

Nko mu Murenge wa Bwishyura, imvura yaraye iguye yatumye urugo rw'umuturage umwe rugwirwa n'umukingo, mu bantu umunani bari baryamye muri iyo nzu, batatu bahita bitaba Imana. Abandi batapfuye ubu bari mu bitaro, bararembye.

Muri uwo murenge ahazwi nka Bupfune, hari umuryango inzu yawo yaguye ariko babiri babasha gusohoka, umwana w'imyaka itanu we aheramo ku buryo n'ubu bakigerageza gushaka uko bamukuramo.

Mu tundi duce nka Gatare na Nyagisozi muri Rubengera, hari urugo inzu yaguye, ihitana abana babiri mu Mudugudu wa Nyarugenge .

Ikigo gishinzwe ubumenyi bw'ikirere mu Rwanda, Meteo Rwanda, giherutse gutangaza ko Gicurasi 2023 izarangwa n'imvura iri hagati ya milimetero 50 na 200, ikazaba iri hejuru y'imvura isanzwe igwa muri uko kwezi, mu bice byinshi by'Igihugu.

Igice cya mbere giteganyijwe imvura iri hejuru y'impuzandengo y'imvura isanzwe igwa henshi mu gihugu, naho igice cya kabiri nicya gatatu biteganyijwemo imvura nk'isanzwe igwa muri ibyo bice bw'ukwezi kwa Gicurasi.

Imvura iri hagati ya milimetero 175 na 200 iteganyijwe mu gice cy'Amajyaruguru y'uburengerazuba bw'Igihugu no mu gice gito cy'Akarere ka Nyamasheke.

Imvura iri hagati ya milimetero 150 na 175 iteganyijwe ahasigaye mu Ntara y'Iburengerazuba n'Amajyaruguru, uretse mu karere ka Gicumbi no mu majyepfo y'uturere twa Rulindo na Gakenke hateganyijwemo imvura iri hagati ya milimetero 100 na 150.

Imvura nke ugereranyije n'izagwa ahandi mu gihugu izaba iri hagati ya milimetero 50 na 75, ikaba iteganyijwe mu bice by'amajyaruguru nibyo hagati mu karere ka Nyagatare ndetse no mu majyepfo y'uturere twa Kirehe, Ngoma na Bugesera.

Ibice bisigaye by'Igihugu biteganyijwemo imvura iri hagati ya milimetero 75 na 150.

Minisiteri Ishinzwe Ibikorwa by'Ubutabazi, MINEMA iherutse gutangaza ko kuva muri Mutarama kugeza kuwa 20 Mata 2023, ibiza byatwaye ubuzima bw'abantu 60 bisenya inzu zirenga 1205 ndetse byangiza hegitari z'imyaka mu gihugu hose zigera ku bihumbi bibiri.

Muri aya mezi ane abantu 158 barakomeretse, amashuri 44 arasenyuka, imihanda 12 irangirika. Ibiraro 91 ni byo byangijwe n'imvura mu gihugu hose.

Imibare igaragaza ko ku mwaka u Rwanda ruhomba miliyari 200 z'amafaranga y'u Rwanda kubera ibiza.

Muri Werurwe na Mata, mu ntara y'Iburengerazuba babarura inzu 224 zasenywe n'ibiza, umubare munini ukaba ugaragara mu karere ka Rusizi aho hasenyutse inzu 123. Imyaka yangiritse yari ihinze kuri hegitari 175.

Mu myaka itanu ishize, Intara y'Amajyaruguru yibasiwe n'ibiza inshuro zirenga 1500. Ibyo biza byishe abantu 201, bisenya inzu zirenga ibihumbi 5000, hegitari zisaga 3000 zatwawe n'umwuzure, inka zisaga ijana n'amatungo magufi arenga ibihumbi 4000 birapfa.

---

Kera habayeho itsinda ryitwaga “Dream Boys”, hari indirimbo bakoranye na nyakwigendera Jay Polly bise “Mumutashye”. Bamwe mu bakunzi ba ruhago nabo baratashya abakinnyi barimo Sugira Ernest bibaza niba batararetse ruhago bucece.

Nta cyumweru kirashira ubwo narimo nitemberera mu mihanda ya Nyamirambo, nyura ku bagabo ubona ko bakuze bibereye ku biganiro bisukika.

Ngiye kumva numva umwe arateruye abaza mugenzi we ati “ese nta makuru ya ka gasore katumye abantu barara mu mihanda bambaye amaswime (essuie main)?”

Undi yahise amusubiza ati “mba nkuroga naba nkubeshye. ” Yunzemo ati “aramutse abaye yararetse umupira nababara. “

Bakomeje kumuganiraho bituma nanjye mfata umwanya mbitekerezeho nsanga uyu musore w’imyaka 32 afite amateka akomeye, ariko nza gusanga atari we wenyine ahubwo hari n’abandi bashobora kuba barabuze mu buryo bwa Sugira.

Ikibitera benshi kubyibazaho ni uko abakinnyi benshi b’umupira w’amaguru mu Rwanda bafite umuco wo guhagarika badasezeye.

Sugira Ernest

Ni rutahizamu w’umunyarwanda, ubu nta kipe afite aheruka gutandukana n’ikipe ya Al Wahda yo muri Syria.

Yatanze ibyishimo ku banyarwanda ubwo yitabazwaga mu ikipe y’igihugu, igitego yatsinze Togo muri CHAN 2021, cyakuye abanyarwanda muri Guma mu Rugo bidasabye inama y’abaminisitiri.

Ni umukinnyi mu ikipe ye bishobora kwanga ariko yagera mu ikipe y’igihugu akaba undi, reka abanyarwanda bamubaririze yabahaye ibyishimo, CHAN 2 Amavubi aheruka kwitabira ni we watanze iyo tike.

Uyu musore benshi bakeka ko yaba yararetse ruhago dore amaze amezi arenga 6 ari mu Rwanda nta kipe.

Gusa amakuru aturuka mu nshuti za hafi z’uyu mukinnyi ni uko arimo gukora ibishoboka byose ngo asubire gukina hanze y’u Rwanda, amakuru aramwerekeza mu Barabu.

Nirisarike Salomon

Igihe nk’iki umwaka ushize, myugariro Nirisarike Salomon yari umwe mu nkingi za mwamba mu ikipe y’igihugu, gusa ubu na we abantu baratumaho umuhisi n’umugenzi bibaza aho ari.

Amaze umwaka nta kipe afite nyuma yo gutandukana na FC Urartu yo muri Armenia.

Uyu mukinnyi yagiye abona amakipe atandukanye arayabenga kuko atari ku rwego yifuza.

Gusa andi makuru avuga ko yahisemo gufata akaruhuko gato cyane ko hari ibikorwa by’ubwubatsi yarimo akurikirana mu Bubiligi ndetse n’inzu yubakishaga yamaze kuzura, ubu mu mwaka w’imikino utaha azagaruka mu kibuga.

Rugwiro Herve

Rugwiro Herve ni izina rizwi cyane muri ruhago y’u Rwanda ryari ku gasongero mu myaka 3 ishize.

Uyu mukinnyi wakiniye APR FC, Rayon Sports na AS Kigali amaze umwaka urenga adakandagira mu kibuga.

Yasezerewe na AS Kigali mu mpera z’umwaka ushize hari nyuma y’ubwumvikane buke no kwitana ba mwana aho yashinjaga iyi kipe kwanga kumuvuza imvune y’umutsi wo mu itako yagize.

Herve nta kipe afite ndetse yanayobotse inzira yo kwiga ubutoza aho aherutse kubona License D, ashobora kuba agiye guhindura umwuga.

Sekamana Maxime

Sekama Maxime yatandukanye na Rayon Sports mbere y’umwaka w’imikino wa 2022-23. Uyu mukinnyi ukina asatira anyuze ku mpande nta yindi kipe yahise abona.

Bisa nk’aho ruhago yayihagaritse aho amakuru avuga ko ari mu nzira zo gusanga umugore we muri Leta Zunze Ubumwe za Amerika. Ni nyuma y’uko basezeranye imbere y’amategeko mu mpera z’umwaka ushize.

Biteganyijwe ko kandi muri uyu mwaka we na Tessy bagomba gukora ubukwe.

Iradukunda Eric Radu

Ni myugariro wakiniye amakipe atandukanye mu Rwanda arimo AS Kigali, Rayon Sports na Police FC.

Mu myaka 3 ishize yari umwe mu bakinnyi beza ku mwanya we wo ku ruhande rw’iburyo wugarira. Mbere y’uko umwaka w’imikino wa 2022-23 utangira yatandukanye na Police FC.

Nta muntu uzi agakuru ke, gusa bivugwa ko ubu ahugiye mu bucuruzi bw’ibikoresho by’ubwubatsi.

Nk’uko Umuyobozi w’iyi ntara y’uburengerazuba, François Habitegeko yabyutse abitangariza Radio Rwanda, iyi mvura yaguye ijoro ryose yibasira cyane uturere twa Karongi, Rubavu, Nyabihu, Ngorero na Rutsiro.

Yatangaje kandi ko bari gutanga ubutabazi bw’ibanze ku baturage, naho abamaze kubarurwa ko bitabye Imana ni 95.

Amashusho mato ari gucaracara ku mbuga nkoranyambaga, yerekana uko ibintu bimeze muri iyi Ntara y’Iburengerazuba, imihanda yarengewe, imivu iri gutemba ndetse n’ibiti byagiye birimbuka bikagwa mu muhanda.

Ibi bibaye nyuma y’uko ku munsi w’ejo Ikigo gishinzwe ubumenyi bw'ikirere mu Rwanda, Meteo Rwanda, gitangaje ko muri uku kwezi kwa Gicurasi hateganyijwe imvura nyinshi isanzwe igwa muri uku kwezi.

Imibare y’agateganyo y’abahitanwe n’ibiza ikomeje kuzamuka. Kugeza ubu abamaze kumenyekana bishwe n’iyi mvura ni 104 barimo 90 bo mu Ntara y’Iburengerazuba na 14 bo mu Ntara y’Amajyaruguru. Byatangajwe n’ubuyobozi bw’izi ntara.

Imvura yaguye mu ijoro ryacyeye yishwe abantu bagera kuri 69

Mu gihe hakomeje kugaragara umubare munini w’ubwandu bwa HIV/SIDA mu rubyiruko, ikigo cy’igihugu cy’ubuzima (RBC) kimaze iminsi mu bukangurambaga buzenguruka u Rwanda aho giha inama urubyiruko z’uko barwanya iki cyorezo ndetse bakanahabwa ubwirinzi burimo n’udukingirizo.

Kuri uyu wa Kabiri tariki 02/05/2023 ikigo cy’igihugu cy’ubuzima (RBC) cyakoreye ubukangurambaga mu murenge wa Sake, mu karere ka Ngoma mu ntara y’Uburasirazuba, aho cyegereye urubyiruko rwaho rugahabwa inyigisho zibafasha kumenya aho HIV/SIDA yandurira n’uburyo bakoresha bakayirwanya bivuye inyuma bakagabanya umubare w’urubyiruko ukomeje kwiyongera.

Urubyiruko rwo muri Sake rwari ruteraniye muri iki gikorwa rwibukijwe inzira zinyuranye HIV/SIDA yanduriramo zirimo imibonano mpuzabitsina idakingiye, gukoresha ibikoresho bikata birimo nk’urwembe,imikasi,tondezi byakoreshejwe n’umuntu ubana n’ubwandu bwa virusi itera SIDA.

Rwibukijwe kandi ko kwirinda iki cyorezo ari inshingano zabo kandi ko bashobora kucyirinda mu buryo butandukanye kandi bworoshye. Mu nama bahawe zo kwirinda harimo nko kwifata, gukoresha udukingirizo igihe kwifata byanze hamwe no kujya bipimisha uko bahagaze mu buryo bukwiriye.

Ni muri urwo rwego ikigo cy’igihugu cy’ubuzima (RBC) cyahise giha udukingirizo urubyiruko rwitabiriye ubu bukangurambaga rwibutswa ko utu dukingirizo atari utwo kubika gusa ahubwo ko ari utwo kwifashisha bikingira HIV/SIDA igihe kwifata byabananiye.

Ndagijimana Theoneste umwe mu rubyiruko rwitabiriye ubu bukangurambaga yatangarije InyaRwanda ko bishimiye iki gikorwa. 

Yagize ati: ”Nk’urubyiruko twishimye ko RBC iba yadutekerejeho ikadusanga hano iwacu ikatwigisha. Twungukiyemo byinshi kandi twanahawe udukingirizo mu buryo bworoshye kuko inaha kutubona biragoye kuko naho baducuruza usanga bamwe muritwe dutinya kujyayo”.

Umunyamabanga Nshingwabikorwa w’Umurenge wa Ngoma, Ndaruhutse Jean de Dieu, yatangarije InyaRwanda ko muri uyu murenge bafite umubare munini w’ababana n’ubwandu ndetse biganjemo urubyiruko. Kugeza ubu abantu 568 bo mu murenge wa Sake banduye iki cyorezo barimo n’urubyiruko.

Ndaruhutse Jean De Dieu yagize ati: ”Dufite umubare munini w’urubyiruko rubana n’ubwandu bwa gakoko gatera SIDA. Akenshi ibi bituruka ku kuba bamwe mu rubyiruko barishoye mu buraya, ibiyobyabwenge n’izindi ngeso mbi zituma bishora mu mibonano mpuzabitsina idakingiye”.

Uyu muyobozi uhamya ko impamvu nyamukuru ibyihishe inyuma ari urubyiruko rwanze gukura amaboko mu mifuka ngo rukore, yakomeje agira ati: ”Bamwe mu rubyiruko banze kugana umurimo n’iyo mpamvu birirwa mu ngeso mbi. 

Bafite icyo bakora ntibabona umwanya w’ibyo bibangiriza ubuzima. Niyo mpamvu turushishikariza gukora kuko akazi karahari nko kubaka isoko,ibigo nderabuzima, imihanda n’ibindi bizabafasha kuva mu bishuko”.

Ndugutse Bikorimana umukozi wa SFH Rwanda, ushinzwe urubyiruko ikiba umufatanya bikorwa wa RBC muri gahunda n’urugamba rwo kurwanya icyorezo cya SIDA, yakanguriye urubyiruko kwirinda iki cyorezo, by’umwihariko anarwibutsa ko rugomba kwisiramuza kuko bitanga 64% by’amahirwe yo kutandura HIV/SIDA.

Ubu bukangurambaga bwasigiye isomo urubyiruko rwa Sake, bwari buyobowe n’abashyushya rugamba barimo MC Buryohe na Miss Muyango ba televiziyo Isibo aho bashyuhije urubyiruko bakanarwibutsa ibijyanye no kurwanya HIV/SIDA. Umuhanzi Platini uru mu bakomeye mu Rwanda nawe yasusurukije urubyiruko anaruha udukingirizo tuzabafasha kwirinda iki cyorezo.

Urubyiruko rwo muri Sake rwahawe ubukangurambaga mu kurwanya icyorezo cya HIV/SIDA

Urubyiruko rwanahawe ibitabo mfasha nyigisho ku kurwanya HIV/SIDA

Ndungutse Jean de Dieu umuyobozi w'umurenge wa Sake yitabiriye iki gikorwa

• 
  
• 
  
• Umuhanzi Platini yasusurukije urubyiruko rwitabiriye ubukangurambaga
• 
  
• Mc Buryohe na Miss Muyango nibo bari abashyushya rugamba