Webrwanda Backend

Author: webrwanda

  • Rafael York yahembwe! Uko abakinnyi b’Abanyar… – #rwanda #RwOT

    Imikino mu bihugu bitandukanye irarimbanyije, bamwe shampiyona zabo ziri kwerekeza ku musozo kugira ngo hamenyekane amakipe azegukana ibikombe, ariko hari n’ahandi shampiyona igezemo hagati. Nk’ibisanzwe, buri wa Mbere inyaRwanda ikugezeho umusaruro w’abakinnyi b’Abanyarwanda bakina hanze.

    Mukunzi Yannick

    Akina mu cyiciro cya kabiri muri Sueden. Ikipe ye Sandviken IF, yakinnye kuwa 6 ikina na Boden birangira iyitsinze ibitego 2-0. Uyu mukinnyi w’umunyarwanda ukina mu kibuga hagati wambara nimero 19 muri iyi kipe, yabanje mu kibuga ndetse arangiza n’umukino. 

    Byiringiro Lague

    Uyu mukinnyi w’umunyarwanda nawe ukina mu ikipe imwe na Mukunzi Yannick ya Sandviken IF, yakinnye umukino we wa mbere muri shampiyona kuva yagera muri iyi kipe. Yinjiye mu kibuga asimbuye ku munota wa 69. Iyi kipe ya Sandviken IF iri ku mwanya wa 3 n’amanota 15 mu mikino 7 bamaze gukina.

    Byiringiro Lague ari kumwe n’abakinnyi bagenzi be barimo Mukunzi Yannick mu modokoka y’ikipe berekeza ku mukino

    Mutsinzi Ange

    FK Jerv yo mu cyiciro cya mbere muri Norway yakinnye kuwa 6 inganya na Fredrikstad igitego 1-1. Uyu mukinnyi ukinira Amavubi, yabanje mu kibuga ndetse nta n’ubwo yigeze asimbuzwa. Iyi kipe ye iri ku mwanya wa 11 n’amanota 7 mu makipe 16 bakinana.

    Rubanguka Steve

    Uyu akina mu gihugu cya Moldova mu ikipe ya Zimbru Chisinau. Iyi kipe ye yakinnye ku munsi w’ejo itsindwa ibitego 2-1 na Petrocub. Uyu mukinnyi yabanje mu kibuga, ariko ku munota wa 16 gusa yahise akurwa mu kibuga asimbuzwa uwitwa M.Curos.

    Rafael York

    Uyu rutahizamu w’umunyarwanda akina muri Gefle IF. Iyi kipe ye yagiye mu kibuga ku munsi w’ejo bakina na Skovde. Muri uyu mukino uyu mukinnyi w’Amavubi yitwaye neza cyane kuko yatsinze igitego ku munota wa 55 ariko ku munota wa 62 yahise asimbuzwa.

    Umukino warangiye Gefle IF itsinze 4-1. Nyuma y’umukino, Rafael York ni we watowe nk’umukinnyi w’umukino ndetse anishimirwa n’abafana cyane.

    Imanishimwe Emmanuel Manguende 

    Uyu myugariro w’Amavubi akina muri Far Rabat yo muri Morocco. Ikipe ye kuwa 6 ntabwo byayigendekeye neza kuko yasezerewe mu gikombe cy’igihugu batsindwa na FUS Rabat igitego 1-0 muri 1/4. Uyu mukinnyi w’umunyarwanda yabanje mu kibuga ndetse nta nubwo yigeze asimbuzwa.

    Emery Bayisenge

    Uyu mukinnyi akina muri Kenya mu ikipe ya Gor Mahia, ikipe ye yagiye mu kibuga ku munsi w’ejo bakina na Leopards ariko birangira batsinzwe ibitego 2-1. Inkuru itari nziza ni uko uyu mukinnyi w’umunyarwanda atigeze aboneka mu bakinnyi 18.

    Rafael York yishimira igitego ajya no gusuhuza abafana 

    Byiringiro Lague yakinnye umukino we wa mbere 

    Rafael York ni we wahembwe nk’umukinnyi w’umukino

    Source : https://inyarwanda.com/inkuru/129364/rafael-york-yahembwe-uko-abakinnyi-babanyarwanda-bakina-hanze-bitwaye-mu-mpera-zicyumweru-129364.html

  • All Gospel Today basuye urwibutso rwa Jenosid… – #rwanda #RwOT

    All Gospel Today (AGT) ni umuryango uhuriwemo n’abahanzi ba Gospel, abanyamakuru bafite aho bahuriye n'iyobokamana, abashumba, aba Producers n’abizera n'abandi. Yashinzwe hagamijwe kwagura umurimo w'Imana.

    Kuya 14 Gicurasi 2023, abanyamuryango ba All Gospel Today bahuriye hamwe hagamijwe kwibuka ku nshuro ya 29 Jenoside yakorewe Abatutsi mu 1994 igahitana ubuzima bw’inzirakarengane zirenga Miliyoni mu minsi 100.

    AGT bakoze ibikorwa bitatu birimo gusura no gufasha umukecuru warokotse Jenoside yakorewe Abatutsi, gusura urwibutso rwa Jenoside rwa Kigali ruherereye ku Gisozi, ndetse banahurira mu mugoroba wo kwibuka Jenoside yakorewe Abatutsi mu 1994.

    Mu gusura uwarokotse Jenoside yakorewe Abatutsi mu 1994, utuye muri Nyarugenge mu Mujyi wa Kigali, All Gospel Today bari bahagarariwe n’itsinda ririmo Umuyobozi Wungirije wa All Gospel Today, Mupende Gedeon, umuhanzikazi Stella Manishimwe, Vava Mudogo na Frederic Byumvuhore.

    Nyuma y’icyo gikorwa cy’urukundo, AGT bari biganjemo urubyiruko, berekeje ku rwibutso rwa Jenoside rwa Kigali ruri ku Gisozi, basobanurirwa amateka ashaririye y’u Rwanda yarugejeje kuri Jenoside yakorewe Abatutsi, bunamira inzirakarengane zirenga ibihumbi 250 ziruhukiye muri uru rwibutso.

    Mu mugoroba wo kwibuka abazize Jenoside yakorewe Abatutsi, hatambukijwe inyigisho zitandukanye zigaruka ku bunyamaswa bwaranze abanyarwanda bishoye muri Jenoside yakorewe Abatutsi mu 1994. 

    Hashimwe Ubutwari bwa Nyakubahwa Perezida wa Repubulika Paul Kagame aho afatanije n'Inkotanyi bitanze bikomeye bagahagarika Jenoside yakorewe Abatutsi ndetse bakagarura Ubumwe n'Ubwiyunge mu banyarwanda.

    Umuyobozi Mukuru wa All Gospel Today, Rev.Alain Numa, yashimye abanyamuryango bitabiriye kandi bakitanga mu buryo butandukanye, yihanganisha abarokotse Jenoside yakorewe Abatutsi. Ubwo yashimiraga abitabiriye iki gikorwa, yagize ati 'Uyu mwanya mwigomwe, Imana izawibuke”.

    Rev. Baho Isaie ushinzwe Ivugabutumwa muri AGT ni we wayoboye umugoroba wo #Kwibuka29. Yanenze abanyarwanda bagifite ingengabitekerezo ya Jenoside, ashishikariza abanyarwanda kugaragaza ukuri kw'amateka yaranze u Rwanda, abanyarwanda bakibuka ariko bubaka n'ahazaza heza hazira umwiryane.

    Mu buhamya bubabaje cyane, Alice Umutoni uzwi nka Big Tonny mu muziki, yasangije abitabiriye uko yarokotse umwijima w'ubwicanyi wari ubagose muri Jenoside yakorewe Abatutsi. Umutoni Alice ukomoka mu karere ka Kicukiro wari ufite imyaka 6 mu 1994, yavuze urupfu rubabaje nyina yishwe n'abandi bavandimwe agasigara wenyine na murumuna we.

    Ubwo Jenoside yakorewe Abatutsi yari itangiye, se yabasabye guhunga ariko kuko nyina yari atwite inda nkuru, ntiyashoboraga kugenda kandi yari ananiwe. Umugabo yahunganye umwana muto, umugore arasigara ndetse Alice yanga gusiga nyina kuko yabonaga atashobora kwiruka. Ubwo se yari amaze kugenda, abicanyi bahise batera inzu yabo.

    Nyina wa Alice yari atwite ananiwe cyane bamusanga mu ntebe, bamukubita amahiri menshi mu mutwe, arataka igihe kirekire, nyuma baza kumutema. Yarinze apfa ahamagara umwana we amusaba guhisha amaso ngo atareba bamwica. Imana yakinze ukuboko Umutoni Alice aza kurokoka atabarwa n'Inkotanyi, nubwo yaje gusanga na se yarishwe ariko ashima Imana ko yabonye murumuna we.

    Umunyamabanga Nshingwabikorwa w’Urwego rw’Abanyamakuru Bigenzura, (RMC), Mugisha Emmanuel, yanenze uruhare itangazamakuru ryagize mu gushishikariza abanyarwanda kwicana, anagaya cyane itangazamakuru mpuzamahanga ryatereranye abanyarwanda muri Jenoside yakorewe Abatutsi. Yasabye abanyamakuru bariho ubu gukora itangazamakuru riyobowe n'Umucyo wa Kristo.

    Musenyeri Birindabagabo yifatanyije na AGT mu kwibuka ku nshuro y 29 Jenoside yakorewe Abatutsi

    Musenyeri Birindabgabo Alexis yigishije ijambo ry'Imana ahumuriza imitima ndetse agarura icyizere mu banyarwanda. Yavuze ko imibiri irenga ibihumbi 250 iruhukiye muri uru rwibutso rwa Kigali ruri ku Gisozi ikwiriye guhora ku mitima y'abanyarwanda, ndetse n'abandi bose bazize Jenoside yakorewe Abatutsi, bagakomeza kuzirikanwa.

    Musenyeri Birindabagabo Alexis wahoze ayobora Diyoseze ya Gahini mu Itorero Angilikani ry’u Rwanda, akaba yaranayoboye PEACE PLAN, yahumurije abanyarwanda abibutsa ko na Yesu umwana w'Imana yishwe ahorwa ubusa ndetse ko kuzuka kwe kwatanze ibyiringiro ko abishwe bazazurwa mu gitondo cy'umuzuko.

    Bishop Birindabagabo uyobora Umuryango Barakabaho ufasha abana bo mu miryango itishoboye yarokotse Jenoside yakorewe Abatutsi, yashishikarije abakristo bose kujya bahora basengera abanyarwanda bishwe muri Jenoside yakorewe Abatutsi, kandi bagahumuriza imiryango yasigaye mu marira.

    Yibukije abagize All Gospel Today ko bakwiye kujya bigisha urubyiruko amateka yaranze Igihugu cy'u Rwanda, ndetse ko yiteguye gutanga uwo musanzu we igihe cyose ahamagawe kuko kubaka Igihugu n'Ubumwe ari zo nzira zo gukira ibikomere.


    Abanyamuryango ba All Gospel Today bunamiye abatutsi baruhukiye mu rwibutso rwa Jenoside rwa Kigali ku Gisozi


    Abiganjemo urubyiruko bitabiriye igikorwa cyo kwibuka Jenoside yakorewe Abatutsi


    Abanyamakuru batandukanye bitabiriye iki gikorwa bunamira inzirakarengane zishwe muri Jenoside yakorewe Abatutsi




    AGT yatanze umusanzu mu gufasha no gushyigikira ibikorwa by’urwibutso


    Rev Alain Numa yashimiye abanyamuryango ba All Gospel Today kubwo kwitabira igikobwa bakoze cyo kwibuka Jenoside yakorewe Abatutsi


    Alice Tonny yatanze ubuhamya bw’inzira y’umusaraba yanyuzemo muri Jenoside yakorewe Abatutsi


    Mugisha Emmanuel wari uhagarariye RMC yanenze uko itangazamakuu ryitwaye muri Jenoside yakorewe Abatutsi


    Rev. Baho Isiae niwe wayoboye iki gikorwa cyateguwe na AGT mu kwibuka Jenoside yakorewe Abatutsi


    Abitabiriye iki gikorwa basobanuriwe imvo n’imvano y’ubwicanyi bwakorewe Abatutsi


    Umutoni Alice yasangije abitabiriye ubuhamya bwe n’uko yarokotse Jenoside yakorewe Abatutsi ndetse ashimira Perezida Kagame na FPR

    Musenyeri Birindabagabo Alexis yahumurije abizera Imana abasaba kugira ubumuntu


    Basuye urwibutso rwa Jenoside rwa Kigali basobanurirwa amateka yagejeje u Rwada kuri Jenoside yakorewe Abatutsi


    Abahanzi mu muziki wa Gospel n’abanyamakuru batandukanye bunamiye abazize Jenoside yakorewe Abatutso

    Tonzi, umuraperi Karyango n’umunyamakuru Christian Abayisenga bari mu bitabiriye iki gikorwa

    Korali Yesu Araje yatanze ihumure mu ndirimbo baririmbye muri iki gikorwa cyo #Kwibuka29

    Nyuma ya gahunda zose, Musenyeri Birindabagabo, Rev. Numa na Mugisha Emmanuel baganiriye ku migendekere y’iki gikorwa

    AMAFOTO: NDAYISHIMIYE Nathanael                                                                             

    Source : https://inyarwanda.com/inkuru/129359/all-gospel-today-basuye-urwibutso-rwa-jenoside-rwa-kigali-bunamira-inzirakarengane-ziharuh-129359.html

  • “Nari indaya, we yari imbobo” Umugore wahoze ari indaya yavuze ukuntu yarongowe na mayibobo bahuriye ku kabari (VIDEWO) – YEGOB #rwanda #RwOT

    'Nari indaya, we yari imbobo' Umugore wahoze ari indaya yavuze ukuntu yarongowe na mayibobo.

    Ku mbuga nkoranyambaga zigiye zitandukanye hakomeje gusakara amashusho y'umugore uba ari gutanga ubuhamya bwe.

    Uyi mugore uba ari imbere y'imbaga y'abantu bari bitabiriye igiterane, yavuze ko we n'umugabo we bahuriye mu kabari.

    VIDEWO

    https://www.instagram.com/reel/CsQZiyrI4UZ/?igshid=NTc4MTIwNjQ2YQ==

    Source : https://yegob.rw/nari-indaya-we-yari-imbobo-umugore-wahoze-ari-indaya-yavuze-ukuntu-yarongowe-na-mayibobo-bahuriye-ku-kabari-videwo/

  • Iby’uko Bruce Melodie yaba yaratanzemo nyirakuru igitambo kugira ngo yamamare yabivuzeho(Videwo) – YEGOB #rwanda #RwOT

    Iby'uko Bruce Melodie yaba yaratanzemo nyirakuru igitambo kugira ngo yamamare yabivuzeho(Videwo)

    Bruce Melodie uherutse kujya mu bihigu byo hanze bigahurirana n'uko Nyirakuru yitabye Imana hari bamwe bahise bavuga ko yari yaragiye mu mahanga gutamba Nyirakuru kugira ngo akomeze yamamare nk'uko bamwe babivuga.

    Gusa mu Kiganiro Bruce Melodie yagiranye na MIE yahamije ko kuvugwa ndetse ukavugwa n'amagambo mabi ntaho bitaba gusa ibi abona we nta shingiro bifite.

    Kimwe n'ibindi byamamare byagize icyo bivuga kuri ibi bavuze ko mu gihe Bruce Melodie yari kugira uwo atamba atari gutamba Nyirakuru kandi n'ubundi imyaka yari imujyanye isaha n'isaha yari kwitaba Imana.

    Reba video hasi..

    Source : https://yegob.rw/ibyuko-bruce-melodie-yaba-yaratanzemo-nyirakuru-igitambo-kugira-ngo-yamamare-yabivuzehovidewo/

  • Bishimye nk’abatwaye igikombe! Muri APR FC bakoze ibirori bidasanzwe batumira n’abafana nyuma yo gutsinda KIYOVU SPORTS (AMAFOTO) – YEGOB #rwanda #RwOT

    Nyuma yo gutsinda ikipe ya Kiyovu Sports mu Gikombe cy'Amahoro bikayigeza ku mukino wa Nyuma Byari ibyishimo ku musozi wa Shyorongi.

    Mu byishimo byinshi chairman wa APR F.C mu ijambo yageneye abakinnyi yongeye kubabwira ko ibyo bahora babifuzaho babibahaye kandi abasaba gukomereza aho.

    Tubibutse ko APR FC izahura k'umukino wa nyuma Na Rayon Sports taliki 06 Kamena 2023 mu karere ka Huye

    AMAFOTO

    Source : https://yegob.rw/bishimye-nkabatwaye-igikombe-muri-apr-fc-bakoze-ibirori-bidasanzwe-batumira-nabafana-nyuma-yo-gutsinda-kiyovu-sports-amafoto/

  • Irabishaka byose: Menya igisabwa kugira ngo APR FC itware ibikombe 2 mu gihe habura imikino 2 gusa – Dore imikino ikipe 2 za mbere ku rutonde APR FC na Kiyovu Sports zisigaje – YEGOB #rwanda #RwOT

    Ubuyobozi bw'ikipe ya APR FC, bwatangaje ko bushaka ko abakinnyi bayo begukana igikombe cya shampiyona ndetse n'igikombe cy'amahoro icyarimwe.

    Imikino ibiri isigaye ku makipe 2 ayoboye urutonde rwa shampiyona(Kiyovu Sports ya mbere ifite amanota 60 ndetse na APR FC ya kabiri n'amanota 57).

    Tariki 21 Gicurasi 2023, Kiyovu Sports izajya gusura ikipe ya Sunrise kuri sitade Gorogota, naho umukino usoza shampiyona uzaba tariki 28 Gicurasi aho izaba yakira Rutsiro FC.

    Kuri aya matariki, nabwo ikipe ya APR FC izakira Rwamagana FC, naho ku mukino wa nyuma, APR FC izakirwa na Gorilla FC iherutse gutsinda Rayon Sports ibitego 3-1.

    Hasabwa iki kugira ngo APR FC itware igikombe cya shampiyona

    Ikipe ya APR FC isabwa gutsinda iyi mikino yose uko ari 2, mu gihe Kiyovu Sports yatakaje umwe mu mikino ifite. Ubu Kiyovu Sports isabwa gutsinda umukino umwe gusa undi ikawunganye ubundi ikaba ibujije amahirwe APR FC.

    Ndetse kandi ubu ikipe ya APR FC yakaniye irashaka no gutwara igikombe cy'amahoro, aho umukino wa nyuma izawukina n'ikipe ya Rayon Sports tariki 3 kamena 2023.

    Source : https://yegob.rw/irabishaka-byose-menya-igisabwa-kugira-ngo-apr-fc-itware-ibikombe-2-mu-gihe-habura-imikino-2-gusa-dore-imikino-ikipe-2-za-mbere-ku-rutonde-apr-fc-na-kiyovu-sports-zisigaje/

  • Amakuru mashya yihutirwa kuri wa mwana w’umunyeshuri wapfiriye mu kigo cy’amashuri yigagamo – YEGOB #rwanda #RwOT

    Amakuru mashya yihutirwa kuri wa mwana w'umunyeshuri wapfiriye mu kigo cy'amashuri yigagamo.

    Urwego rw'Igihugu rw'Ubugenzacyaha (RIB) rwatangiye iperereza ku rupfu rw'umunyeshuri w'imyaka 12 wapfiriye mu ivuriro rito (Infirmerie) ry'Ishuri rya Ecole des Sciences de Musanze.

    Bivugwa ko uyu mwana yitabye Imana nyuma yo kwimwa uruhushya rwo gutaha ngo ajye kwivuriza hanze y'ishuri.

    Kuri ubu umwe mu bakozi b'iri shuri yatawe muri yombi.

    Uyu munyeshuri yitabye Imana ku wa Gatandatu w'icyumweru twaraye dusoje tariki 13 Gicurasi 2023.

    Urwego rw'Igihugu rw'Ubugenzacyaha rwagize icyo ruvuga ku rupfu rw'uyu munyeshuri, rugendeye ku butumwa bwashyizwe kuri Twitter n'Umunyamakuru Joseph Hakuzwumuremyi, rwavuze ko rwatangiye iperereza kuri uru rupfu.

    Uru rwego rwagize ruti 'RIB yatangiye iperereza ku icyaba cyateye urupfu rw'uyu mwana w'umunyeshuli. Uwitwa Nyiramugisha Jeanne, umuforomo wari ushinzwe kwita ku bana muri icyo kigo cy'ishuli ubu yafashwe afungiye kuri Station ya RIB ya Muhoza/Musanze.'

    Source : https://yegob.rw/amakuru-mashya-yihutirwa-kuri-wa-mwana-wumunyeshuri-wapfiriye-mu-kigo-cyamashuri-yigagamo/

  • Urupfu rw’Umugabo wararanye n’inshoreke ye akabyuka yapfuye rwaburiwe ubusobanuro – YEGOB #rwanda #RwOT

    Urupfu rw'Umugabo wararanye n'inshoreke ye akabyuka yapfuye rwaburiwe ubusobanuro

    Umugabo w'imyaka 63 wo mu Karere ka Kayonza mu Murenge wa Gahini, yararanye n'inshoreke ye bucya yapfuye.

    Byamenyekanye kuri iki Cyumweru tariki ya 14 Gicurasi 2023. Byarabereye mu Mudugudu wa Nyamiyaga mu Kagari ka Kahi mu Murenge wa Gahini.

    Amakuru atangwa n'abaturage ni uko uyu mugabo ngo yapfiriye ku mugore wari inshoreke ye aho ngo yajyaga atahayo rimwe na rimwe cyane cyane iyo yabaga yamaze gusinda.

    Bivugwa ko Ejo bundi nka saa Mbili z'ijoro nibwo umugabo w'imyaka 63 yagiye ahantu anywa inzoga arasinda, atahana n'umugore wari inshoreke ye kuko si ubwa mbere bari batahanye.

    Umugore atanga amakuru yivugiye ko bageze mu rugo bakoze imibonano mpuzabitsina barangije bararyama, mu gitondo umugore yarabyutse amusiga mu buriri ajya gushaka icyo barya agarutse arebye asanga undi yapfuye ahita atangira gutabaza.

    Hahise hatangizwa iperereza ndetse hakurikiranwa n'abantu bari basangiye ijoro ryashize kuko birakekwa yaba yarozwe

    Source : https://yegob.rw/urupfu-rwumugabo-wararanye-ninshoreke-ye-akabyuka-yapfuye-rwaburiwe-ubusobanuro/

  • Umutoma W’umunsi: Ku wa 15/05/2023 – Sinakubwira ko nasara. – YEGOB #rwanda #RwOT

    Rukundo,
    Ntugatume ngukumbura,
    Kuko iyo udahari ndibura,
    Ibyo nabashaga bikananira,
    Neza nkabura icyo nimarira.
    Sinakubwira ko nasara,
    Kuko nkubuze ibyo nakora,
    Si ugusara ni ugusizora,
    Si ukurira ni ukurohora,
    Si ugushira ni ugushirira.
    Nizere ko ibyo utabinkora.

    Source : https://yegob.rw/umutoma-wumunsi-ku-wa-15-05-2023-sinakubwira-ko-nasara/

  • Kenya :Perezida Ruto yasubije abamaze iminsi bibaza ku kunanuka (…) – Umuryango.rw #rwanda #RwOT

    Ikibazo cyo gutakaza ibiro kwa Perezida Ruto ni kimwe mu byari bimaze iminsi bigarukwaho n'Abanya-Kenya cyane cyane ku mbuga nkoranyambaga.

    Abenshi bagaragazaga ko kuva uyu mugabo yajya ku mwanya w'Umukuru w'Igihugu agenda ananuka.

    Mu kiganiro Perezida Ruto yaraye agiranye n'itangazamakuru, ntiyahakanye ibyo kunanuka kwe, ahubwo yavuze ko ari amahitamo yagize nyuma yo kubona ko igihe cy'amatora cyarangiye yarabyibushye.

    Ati ' Navuga ko nari mfite umubiri n'imirire nari menyereye mu gihe kiri hagati y'umwaka umwe n'igice n'ibiri ishize. Twatangiye ibikorwa byo kwiyamamaza kandi murabizi ko iyo umuntu afite amatora aba ari ku gitutu cyinshi, rimwe na rimwe iki gitutu kigera no mu mirire.'

    'Usanga akenshi ufite ibintu byo gukora kandi nta mwanya w'imyitozo ngororamubiri, rimwe na rimwe ugasanga uri kurya cyane kuko uba utazi igihe uri bwongere kurira.'

    Perezida Ruto yavuze ko nyuma yo gutsinda amatora yafashe umwanzuro wo kongera gutakaza ibiro.

    Ati 'Nafashe umwanzuro wo kugabanya ibiro, nshuti yanjye urabizi ko mfite akazi kenshi kantegereje, ku bw'ibyo ugomba guhora witeguye kugira ngo ibintu bigenda uko wabiteganyije.'

    Nubwo Perezida Ruto ashimangira koko ko yananutse ntiyigeze atangaza umubare w'ibiro yatakaje.

    Source : https://umuryango.rw/amakuru/mu-mahanga/politiki/article/kenya-perezida-ruto-yasubije-abamaze-iminsi-bibaza-ku-kunanuka-kwe