Author: webrwanda

Amafoto ya 'digital' yuzuye y'ibisigazwa by'ubu bwato biri muri metero 3,800 hasi mu nyanja ya Atlantika, yatunganyijwe hakoreshejwe ubuhanga bwa 'deep-sea mapping'.

Ubu buhanga bwatanze ishusho yo mu bwoko bwa 3D y'ubu bwato bwose, bituma bugaragara nk'aho butari mu mazi.

Icyizere ni uko ibi bizatanga urumuri ku byabaye mu by'ukuri kuri ubu bwato bwambutsaga abantu inyanja ya Atlantika bwarohamye mu 1912.

Abantu barenga 1,500 babupfiriyemo ubwo bwarohamaga nyuma yo kugonga urubura rutura (iceberg) mu rugendo buva i Southampton mu Bwongereza bugana i New York muri Amerika.

Parks Stephenson, umusesenguzi kuri Titanic, yabwiye BBC News ati: 'Haracyari ibibazo, ibibazo by'ibanze bikeneye gusubizwa kuri ubu bwato.'

Avuga ko aya mafoto ari 'intambwe ya mbere nini mu kugeza inkuru ya Titanic ku bushakashatsi bushingiye ku bimenyetso — budashingiye ku bihuha.'

Titanic yakozweho ubushakashatsi bwinshi kuva ibisigazwa byayo byavumburwa mu 1985.

Ariko ni nini cyane kuburyo aho mu nda y'inyanja camera zibasha kwerekana ibice bito bito by'ubu bwato — nta na rimwe bwigeze buboneka bwose.

Aya mashusho mashya y'ibisigazwa byayo aruzuye cyane, arerekana ishusho yose ya Titanic. Irambitse mu bice bibiri, icy'imbere n'icy'inyuma hagati yabyo hari metero hafi 800. Ibintu byinshi by'ibisigazwa by'ibyangiritse bikikije ubu bwato bwamanyutse.

Ubu buryo bwo gufata aya mashusho bwakozwe mu mpeshyi ya 2022 na Magellan Ltd, kompanyi ikora ibya 'deep-sea mapping', hamwe na Atlantic Productions irimo gukora 'documentaire' kuri uyu mushinga.

Amatsinda y'abahanga mu by'amato afite ibikoresho bigezweho yamaze amasaha arenga 200 yiga kuri ibi bisigazwa by'ubu bwato.

Bafashe amashusho arenga 700,000 yo muri buri mfuruka yabwo banarema 3D yayo.

Gerhard Seiffert wo muri kompanyi ya Magellan avuga ko uyu mushinga ari wo munini cyane wabayeho wo gukora 'scanning' mu kintu kiri mu nyanja.

Ati: 'Ubujyakuzimu bwaho, metero hafi 4,000, ubwabwo ni ikibazo, kandi utagomba gukora ku kintu cyose hafi yabwo kugira ngo utagira icyo wangiza kuri iki gisigazwa.

'Ikindi kibazo ni uko ugomba gukora ikarita ya buri santimetero kare — yewe n'ibice bitari ngombwa, nk'ahari imyanda, ariko ibyo byose uba ubikeneye kugira ngo uhuze ibi bice byose n'ibintu by'ingenzi.'

Iyo 'scan' yerekana indeshyo y'ubu bwato, hamwe n'amakuru mato cyane, nka 'serial number/numéro de série' zanditse ku byuma bikaraga moteri yabwo.

Isonga (igice cy'imbere) y'ubu bwato, ubu yuzuyeho imyanda ireduka, iracyahita imenyekana n'ubwo hashize imyaka 100 ubu bwato burohamye.

Igice cy'inyuma cy'ubu bwato cyo ni uruvange rw'akajagari rw'ibyuma. Iki gice cya Titanic cyarashwanyutse ubwo bwihondaga ku ndiba y'inyanja.

Ibindi bintu byinshi by'ibice binyanyagiye iruhande rwabwo, birimo ibice by'imitako y'ibyuma, amacupa ya champagne n'ibindi. Hari kandi ibintu bwite by'abantu nk'inkweto n'ibindi.

Parks Stephenson wize Titanic imyaka myinshi yavuze ko 'yatangaye cyane' akibona bwa mbere aya mafoto mashya.

Ati: 'Atuma ubona ubu bwato mu buryo utigeze ububonamo aha buri, kandi ugashobora kububona bwose bwuzuye. Icyo akwereka ni ishusho nyakuri y'iki gisigazwa.'

Avuga ko aya mashusho ashobora gutanga ikindi gisobanuro cy'ibyabaye kuri Titanic muri iryo joro ribabaje ryo mu 1912.

Ati: 'Ntabwo mu by'ukuri tuzi imiterere y'uko kugonga 'iceberg'. Nta nubwo tuzi niba yarayigongesheje urubavu, nk'uko byerekanwa muri za filimi.'

Inyanja nayo ntiyoroheye ibi bisigazwa, udukoko (microbes) turabirya ndetse ibice byabwo birimo gushira.

Abanyamateka bazi neza ko igihe kirimo kubacika cyo kubasha kumva no kumenya neza iyi mpanuka.

Gusa aya mafoto mashya ubu arerekana kurushaho uko bwifashe, kandi azafasha izindi nzobere kwiga noneho kuri buri kantu kose. Icyizere ni uko amabanga ya Titanic azageraho akamenyekana.

Source : https://umuryango.rw/amakuru/mu-mahanga/umutekano/article/titanic-yagaragajwe-mu-bundi-buryo-bushobora-gusobanura-neza-ibyabaye-ubwo

Abanditse ibaruwa ni 24 bagaragaje ko babangamiwe ku rwego rwo hejuru, ibintu bavuga ko bibagiraho ingaruka nk'uko byatangajwe na Perezida wa Komisiyo y'Ubutaka, Ubuhinzi, Ubworozi n'Ibidukikije, Uwera Kayumba Marie Alice.

Muri rusange ariko abagomba kwimurwa bose hamwe ni 80, bagaragaza ko kuva mu 2021 basabye kwimurwa gusa ngo inzego zarabarangaranye.

Abadepite bagize iyi komisiyo bari bakiriye ubuyobozi bw'Umujyi wa Kigali ngo busobanure ibikomeje gukorwa mu gukemura iki kibazo.

Depite Uwumuremyi Marie Claire ati ''Bigira ingaruka ku buzima bw'abaturage kuko buriya amafaranga agura imiti n'icyo gihe abaturage bamara barwaye, ubibaze byatwara arenze miliyari 2 Frw. Bikwiye kurangira.''

Ni ikimoteri kiri kuri hegitari 80, aho kuva cyatangira hamaze kwimurwa imitungo y'abaturage 503, aho hasigaye indi mitungo 80 ariyo y'abo baturage banditse basaba ko bakwimurwa.

Umuyobozi w'Umujyi wa Kigali, Rubingisa Pudence, yavuze ibikorwa byo kwimura abaturiye iki kimoteri bikomeje kandi hari icyizere ko bizarangira vuba.

Ati 'Mu by'ukuri ntabwo ari uko bitahawe agaciro, habayeho gushaka ingengo y'imari hagira abimurwa, muri gahunda ihari ni uko kwimura abo baturage bizarangirana na 2024/25.'

Kubimura byatangiye mu 2021, aho icyo gihe hakoreshejwe miliyoni 520 Frw, mu 2022/23 hishyuwe miliyoni 516 Frw zimuye abaturage 21 aho muri uyu mwaka wa 2023/24 hateganyijwe kwimurwa abaturage 80 basigaye, bizatwara miliyari 2 Frw.

Depite Hindura Jean Pierre ati 'Igikenewe cyane ni ukuganira hagati y'ubuyobozi n'abaturage. Ntimwabegereye ngo mubabwire ibyo mudusobanuriye ngo nibura mubabwire muti bamwe ni uyu mwaka, abandi ni uyu mwaka.''

“Ntabwo numva ntekanye kuba dufite ikibazo cy'abaturage kimaze imyaka ibiri none bakaba baduhaye indi myaka ibiri. Miliyari 2 Frw ntabwo ari amafaranga menshi, urwandiko ruri hano ruravuga ko n'Ibiro bya Minisitiri w'Intebe ndetse n'iby'Umukuru w'Igihugu, ikibazo barakizi.”

Ubuyobozi bw'Umujyi wa Kigali bwijeje ko iki kibazo kigomba gushakirwa umuti urambye kandi bigakorwa mu gihe cya vuba kugira ngo hatazagira byinshi byangirikwa.

Inkuru wasoma:

— Byinshi ku mushinga w'ikimoteri kigezweho i Kigali uzatwara asaga miliyari 26 Frw

— Hakenewe asaga miliyari 3 Frw yo kwimura abaturiye ikimoteri cya Nduba

Abaturiye Ikimoteri cya Nduba bandikiye Inteko Ishinga Amategeko

---

Source : http://igihe.com/amakuru/u-rwanda/article/abaturiye-ikimoteri-cya-nduba-bagejeje-ikibazo-ku-nteko-ishinga-amategeko

Maj Gen Murasira yabigarutseho kuri uyu wa Gatatu tariki 17 Gicurasi 2023, ubwo yafunguraga inama ku nshuro ya cumi yiga ku bibazo bibangamiye umutekano muri Afurika, yateguwe n'Ishuri rikuru rya gisirikare (RDFCSC) ku bufatanye na Kaminuza y'u Rwanda (UR).

Ni inama y'iminsi itatu yo kurebera hamwe ibibazo by'umutekano byugarije Isi muri iki gihe no kubishakira ibisubizo. Ihurije hamwe abarimu n'abahanga muri Kaminuza, abayobozi mu nzego zitandukanye n'abasirikare bakuru.

Gen Murasira yasabye ko iyi nama yaba umwanya wo gushaka uburyo bushya bwo gukemura ibibazo by'urusobe bibangamiye umutekano ku mugabane wa Afurika n'isi muri rusange birimo; ubushobozi bw'inzego mu by'imiyoborere, ikibazo cy'abimukira, ikoranabuhanga, ukwivanga kw'ibihugu mu byemezo bya Afurika n'ibindi.

Ati 'Ibibazo by'uruhurirane bituma habaho urujijo ku mikorere n'imibereho y'ibihugu byacu kandi nta gihugu na kimwe cyabikemura kidakoranye n'ibindi'.

Yakomeje avuga ko usanga hari ukunyuranya hagati y'ibibazo bihari n'ibisubizo byagenewe kubikemura bityo 'igihe imiryango, za guverinoma n'ibigo mpuzamahanga bidashyize hamwe, gukemura ibi bibazo byambukiranya imbibi bizarushaho gukomera'.

Iyi nama izaganira ku ngingo esheshatu ari zo; kubaka ubushobozi mu by'imiyoborere myiza kuko iyo ibihugu bigize imiyoborere mibi bibyara amakimbirane akavamo ibibazo by'umutekano no kudatera imbere bikaryanisha abaturage.

Hazaganirwa ku kibazo cy'abimukira giterwa n'umutekano muke cyangwa imiyoborere mibi, ubuhahirane n'ubucuruzi bwa Afurika, umutekano mpuzamahanga, uruhare ikoranabuhanga mu iterambere n'umutekano.

Iyi nama kandi izanaganira ku kibazo cy'amahanga akomeza kwivanga mu bibazo bya Afurika bigatuma n'ingamba zifashwe n'abanyafurika zitagerwaho kuko haba hari abantu bari inyuma basunika mu nyungu zabo..

Umuvugizi w'Igisirikare cy'u Rwanda, Brig. Gen Ronard Rwivanga, yavuze ko ibibazo by'umutekano byose bitakemurwa n'igisubizo kimwe gusa, ari yo mpamvu hakenewe kugira ibisubizo byinshi biturutse mu bantu batandukanye.

Ati 'Dukeneye gukorana n'abantu batandukanye mu gukemura ibibazo byacu dufite ariko tudateze abo hanze ngo babe ari bo badukemurira ibibazo'.

Umuyobozi w'ishuri rikuru rya gisirikare rya Nyakinama, Col JC Ngendahimana, yongeyeho ko hari amasomo abanyeshuri baba barigiye mu ishuri aho barangiza bahabwa 'Master's' mu masomo ajyanye n'ubumenyi bw'umutekano, iyi nama ikaba umwanya wo kunguka ubumenyi bazandika mu bitabo bisoza amasomo.

Ati '[Abanyeshuri] iyi nama ibafasha kubona umwanya uhagije wo kuvugana n'abayobozi bakuru mu nzego zitandukanye n'inzobere, abashakashatsi ku bibazo by'umutekano. Bituma babona ibyo bandika mu bitabo bisoza amasomo'.

Lt Col. Susan Lokot Oruni wo mu gisirikare cya Uganda, UPDF, wigira mu ishuri rikuru rya gisirikare rya Nyakinama, yavuze ko nk'abanyeshuri iyi nama inabafasha kunguka ubumenyi bazakoresha mu nshingano zabo nyuma y'amasomo.

Ati 'Nk'abanyeshuri bidufasha kubona amahirwe yo kuganira n'abafata ibyemezo, abari mu nzego z'umutekano, abashakashatsi mu by'ubumenyi bw'umutekano. Binadufasha kumenya ibyo tuzandika mu bushakashatsi bwacu nk'abanyeshuri biga ubumenyi mu by'umutekano'.

Mugenzi we, Lt Col Theoneste Murindahabi wiga mu ishuri rikuru rya gisirikare i Nyakinama, yashimangiye ko iyi nama ari inyunganizi ku masomo baba barize.

Ati 'Mu isoza ryacu ry'amasomo, iyi nama ni inyunganizi, tuba turi kumwe n'inzobere bikadufasha kurebera hamwe ibibazo byose birebana n'umutekano muri iki gihe kuko byahinduye isura urebye uko byari biteye mu myaka yashize, bidufasha ko no mu kazi tubasha gushyira mu bikorwa inshingano zacu bijyanye n'uko tuba twarabyize ahangaha'.

Ishuri rikuru rya gisirikare rya Nyakinama ni ishuri mpuzamahanga uyu munsi ryigamo abaturutse mu bihugu 12.

Inama ya 10 yiga ku mutekano iri kubera muri Kigali Convention Centre

Yitabiriwe n’abaturutse mu bihugu bitandukanye hirya no hino ku Isi

Komiseri Mukuru Wungirije wa RCS, DCG Muhisoni Rose yitabiriye iyi nama yiga ku mutekano iri kubera i Kigali

Umunyamabanga Mukuru w’Urwego rw’igihugu rushinzwe Iperereza n’Umutekano, NISS, Major General Joseph Nzabamwita yitabiriye iyi nama

Minisitiri w’Ingabo Maj Gen Murasira asanga hari ibibazo bibangamiye umutekano bigomba gukemurwa

Umugaba Mukuru w’Ingabo Gen Kazura Jean Bosco yitabiriye iyi nama yiga ku mutekano

Umugaba w’Ingabo zirwanira ku Butaka, Lt Gen Mubarakh Muganga yitabiriye iyi nama

Maj Gen Murasira yasabye ubufatanye mu gukemura ibibazo by'umutekano byugarije Isi

Umuvugizi w’Ingabo z’u Rwanda, Brig Gen Rwivanga yavuze ko ubufatanye ari ingenzi mu gushakira umuti ibibazo by’umutekano

Umuyobozi w'ishuri rikuru rya gisirikare rya Nyakinama, Col JC Ngendahimana yavuze ko iyi nama ifasha abasoza amasomo kwandika ibitabo byabo

Lt Col. Susan Lokot Oruni wo mu gisirikare cya Uganda, UPDF yavuze ko iyi nama ibaha ubumenyi bazakoresha mu kazi kabo

---

Source : http://igihe.com/amakuru/u-rwanda/article/maj-gen-murasira-yasabye-ubufatanye-mu-gukemura-ibibazo-by-umutekano-byugarije

Nta na kimwe nguhisha,
Kuko sinjya nkwishisha,
Uranzi wese ntagishya,
Ndi uwawe windushya,
Ngwino winyihisha,
Kuri njye uri isi nshya,
Usumba izuba rirasa,
Mu bwiza uri ubudasa,
Iyo udahari sintuza.

Source : https://yegob.rw/umutoma-wumunsi-ku-wa-17-05-2023-usumba-izuba-rirasa/

Abantu benshi ku Isi bakunze cyangwa se bigeze kubona abantu bakora ibintu bisa nk'ibitangaje ku buryo bitakorwa na buri wese ku Isi bitewe n'ubuhanga buhanitse bikoranwa ku buryo bigoye ko hari umuntu wapfa kubikora.

Mu mashusho yagaragaye ku rubuga rwa Instagram yagaragaje umwana usa nk'aho akiri muto cyane mu myaka ari kugendesha umutwe bimwe abantu bazi cyane ku Izina rya 'Abakorobasi' ku buryo kubikora bisaba kuba ubifiteho ubumenyi buhambaye.

Na we ihere ijisho amashusho y'umwana muto cyane ukora ibyakorwa na bake ku Isi:

 

Source : https://yegob.rw/rubanda-bagira-imitwe-ikomeye-amashusho-yumwana-wagendeshaga-umutwe-yemeje-benshi-mu-bayabonye-bitewe-nuburyo-yabikoragamo-video/

Ukuri ku makuru ari kuvuga ko Bahavu Jennette yaba yahawe imodoka yajogotse

Mu ijoro ryakeye ryo ku 16 Gicurasi ni bwo uwitwa Bahavu Jennette yahawe imodoka ye yari yaratsindiye nk'igihembo yegukanye mu marushanwa ya RIMA.

Gusa n'ubwo bimeze gutyo hari amakuru avuga ko uyu Bahavu n'ubwo yahawe imodoka yari yarasezeranyijwe ifite agaciro ka miliyoni 12 ariko iyi modoka yahawe ikaba yarakorobotse nk'uko umunyamakuru DC Clement wakurikiranye iby'iyi modoka by'umwihariko yabitangaje.

Bahavu Jennette yahawe imodoka yo mu bwoko bwa KIA ifite agaciro ka miliyoni 12 nyuma yo gusiragizwa n'abari gutanga ibihembo.

Source : https://yegob.rw/ukuri-ku-makuru-ari-kuvuga-ko-bahavu-jennette-yaba-yahawe-imodoka-yajogotse/

Uwase Delphine wabaye ikimenyabose muri filime nyarwanda nko muri filime ya Bamenya wamamaye nka Soleil ndetse kandi azwi cyane mu mikino njyarugamba, yerekanye amafoto y'umuhungu we umaje gukura.

Yifashishije urukuta rwe rwa Instagram, Soleil yasangije abamukurikira amafoto y'umuhungu we maze arenzaho ijambo avuga ko uyu mwana ari Kabaka we ndetse akaba n'intsinzi ye.

AMAFOTO:

Source : https://yegob.rw/abyiruye-umusore-wagira-ngo-baravukana-amafoto-yumuhungu-wa-soleil-wo-muri-filime-ya-bamenya/

Abantu benshi bakunze kugendera mu kigare mu bijyanye n'urukundo gusa ntukwiye gukomeza kubeshywa n'umukunzi wawe mu gihe utabona ibi bimenyetso.

Dore ibintu 5 bizakwereka ko umuntu agukunda koko by'ukuri:

1. Umuntu ugukunda by'ukuri agomba kumenya amakuru yawe y'uko wiriwe ndetse n'uko waramutse mu gihe umukunzi wawe atabikora kandi nta mpamvu yumvikana yabiteye ntabwo aba agukunda by'ukuri.

2. Umuntu ugakunda by'ukuri agomba guterwa ishema nawe mbese muri macye akajya akuvuga mu bandi.

3. Umuntu ugukunda byanyabyo agutega amatwi kandi ntajya arambirwa kumva ibyo umubwira bitewe n'uko abayumva ari ngombwa kumva ibyawe kandi nawe ukumva ibye.

4. Ntabwo ashobora ku kuburira umwanya uko byagenda kose kuko mu bintu byose apanga nawe agushyiramo.

5. Umuntu ugukunda by'ukuri akuratira bagenzi be cyane rero niba ufite umukunzi ukaba utarabyumvana bagenzi mbese yarabigize ibanga menya ko atakwiyumvamo rwose.

Source : https://yegob.rw/ugomba-ku-bimenya-atazakubeshya-menya-ibintu-bitanu-bizakwereka-ko-umuntu-agukunda-byukuri/

Ku mbuga nkoranyambaga hakomeje kuzenguruka amashusho agaragaza abantu babiri barimo kuzamura ibindera ry'abaryamana bahuje ibitsina(Abatinganyi).

Iri bendera ryazamurwaga ku byicaro bya za Ambasade z'Ibihugu bitandukanye mu Rwanda, hazamuwe amabendera agaragaza kwifatanya n'abaryamana bahuje ibitsina, mu rwego rwo kugaragariza ko ibyo Bihugu byifatanyije na bo kuri uyu munsi wabahariwe.

Reba videwo aho hasi:

 

Source : https://yegob.rw/i-nyarugenge-byakomeye-i-kigali-ibendera-ryubutinganyi-ryazamuwe-videwo/

Umuhanzikazi Tiwa Savege uri kuvugwa mu rukundo n'umuhanzi Omah Lay bombi bo muri Nigeria, akomeje kugaragara cyane ku mbuga nkoranyambaga ze yambaye imyambaro igaragaza ikimero cye.

Uyu muhanzikazi, akundana na Omah Lay arusha imyaka 18, kubera ko Tiwa Savege afite imyaka 43 naho Omah Lay we afite imyaka  25 y'amavuko.

Tiwa Savege kandi, kuri ubu akurikirwa n'abantu barengaho gato miliyoni 16 ku rukuta rwa Instagram.

Source : https://yegob.rw/imyambarire-yumuhanzikazi-tiwa-savege-imufasha-kwigarurira-abasore-bakiri-bato-amafoto/