Author: webrwanda

Igitaramo Alexis Dusabe yise East African Gospel Festival kigiye kuba ku nshuro ya mbere. Kizaba kuri iki cyumweru tariki 21 Gicurasi 2023 mu cyanya cyahariwe inama n'ibitaramo cya Camp Kigali.

Amatike akomeje kugurwa ku bwinshi binyuze ku rubuga rwa Noneho Events n’ahandi hanyuranye mu Mujyi wa Kigali nko kuri Simba zose, Camellia zose, Lamane, Car Free Zone n’ahandi.

Alexis Dusabe ageze kure imyiteguro y’iki gitaramo ndetse n’abaririmbyi be n’abacuranzi bariteguye cyane. Abaramyi bose yatumiye bariteguye, abo akaba ari Apotre Apollinaire, David Nduwimana, Aime Uwimana na Prosper Nkomezi.

Abahanzi bazava hanze y’u Rwanda, biteguye gusesekara vuba i Kigali. Amakuru yizewe InyaRwanda ifite ni uko umunyabigwi Apostle Apollinaire w’i Burundi azagera mu Rwanda kuwa Gatanu aherekejwe n’itsinda rye rizwi nka Shemeza Music.

David Nduwimana usigaye utuye muri Australian, wari umaze imyaka hafi 10 atagera mu Burundi no mu Rwanda, ubu ari ku ivuko rye i Bujumbura. Nawe azagera i Kigali kuri uyu wa Gatanu. 

David ni umunyamuziki ukomeye cyane, akaba aniyambazwa mu birori n'ibitaramo bikomeye nko muri Australia aho yifashishwa mu kuririmba indirimbo y’Igihugu mu mikino mpuzamahanga.

Apostle Apollinaire ategerejwe i Kigali kuri uyu wa Gatanu aho azaba yitabiriye igitaramo mbaturamugabo cya Alex Dusabe kizaba ku Cyumweru

David Nduwimana ari mu bahanzi bakomeye mu muziki muri Afurika by’umwihariko mu muziki wo kuramya no guhimbaza Imana aragera i Kigali kuri uyu wa Gatanu

Ubu wagura itike yawe aho waba uri hose unyuze kuri Noneho Events n’ahandi hanyuranye muri Kigali

Kanda HANO ugure tike yawe 

Source : https://inyarwanda.com/inkuru/129496/igitaramo-cya-alex-dusabe-cyashyushye-apostle-apollinaire-shemeza-na-david-nduwimana-barak-129496.html

Nyina n'umwana barangirije icyarimwe amashuri yabo

Umwana witwa Roderick Hubbard yarangirije rimwe n'umubyeyi we witwa Yolanda Kubbard amashuri ya Kaminuza ku ishuri rya Albany State University.

Umwana n'umubyeyi we barangije amasomo yabo bari mu ba mbere dore ko babarirwa mu bandi banyeshuri batsinze neza aho, bari muri 'Distinction'.

Ikinyamakuru cyitwa Vibe.com cyavuze ko aba bombi baje gukomereza muri iri shuri nyuma yo kuva muri HBCU. Umuryango wa Roderick na Yolanda ufite amateka mu mashuri dore ko hafi ya bose bize muri iri shuri rya ASU.

Muri abo harimo nyirakuru wa Roderick, Umuyobozi w'aka gace batuyemo (Mayor) Doroth Hubbard n'abandi barimo umugore wa Roderick na marume we.

Umuryango wo kwa Yolanda wagize uti 'Twishimiye umwuzukuru wacu ndetse n'umwana wacu ku bw'intsinzi yabo. Nta byinshi twavuga gusa twizeye ko n'ibisigaye bizagenda neza'.

Roderick Hubbard arangije mu bijyanye n'uburezi mu gihe umubyeyi we asoje 'Master's Degree in Public Administration'.

Roderick Hubbard yagize ati: 'Aya yari amahirwe kuri twe kuko twagombaga kwishimira hamwe tugakomoza no ku mvune twagize muri iki gihe cyose tumaze twiga'.

Source : https://yegob.rw/nyina-numwana-barangirije-icyarimwe-amashuri-yabo/

Barwanye umuhenerezo: Muri Congo abasenyewe n'ibiza bagiye guhabwa imfashanyo baratimbagurana rubura gica(Videwo)

Nk'uko mu Rwanda twibasiwe n'ibiza bikadutwara abatari bake ni nako mu gihugu cy'abaturanyi cya Congo Byagenze n'abo basenyewe n'ibizi ndetse babitakarizamo n'ababo.

Iyi mvura yibasiye ibice binyuranye mu Ntara ya Kivu y'Epfo byumwihariko muri Teritwari ya Kalehe, aho imigezi myinshi yuzuye, ikamena amazi akangiriza abaturage.

Ku mbuga nkoranyambaga hasakaye amashusho ubwo aba bagize ubyago bahabwaga imfashanyo zirimo amabati imyenda n'ibindi gusa barwanye umuhenerezo ku buryo uwabijyanaga ari uwabaga afite ingufu.

Reba video hasi.. 

Ndabona b'abaturanyi bacu bakozweho n'ibiza kugabana imfashanyo bikomeje kugorana🤭 pic.twitter.com/D3aWzPjgLC

— Mwene Karangwa (@claudekarangwa0) May 18, 2023

Source : https://yegob.rw/barwanye-umuhenerezo-muri-congo-abasenyewe-nibiza-bagiye-guhabwa-imfashanyo-baratimbagurana-rubura-gicavidewo/

Umuhanzikazi Simi agiye gusazwa n'umwana we w'imyaka 2 gusa

Umuhanzikazi Simi , yatangaje ko asigaye yumva atishimiye umwana we w'umukobwa.

Simi akaba yatangaje ko impamvu muri iyi minsi yumva nta byishimo namba afite, ari uko umukobwa we w'imyaka ibiri Adejare asigaye izi kubyina nk'umugabo we Adekunle Gold.

Ku bw'ibyo, mu butumwa uyu muhanzikazi yanyujije ku rubuga rwa Twitter kuri uyu wa Gatatu, yagize ati ' Nabaye umusazi kubera umukobwa wange abyina nka se.'

Impamvu nyamukuru ituma Simi atishimira ko umukobwa we abyina nka se Adeleke Gold, ni uko uyu mugabo amukubita kuburyo bukomeye cyane.

Simi yarashakanye na Adeleke Gold ku ya 9 Mutarama 2019, nyuma y'umwaka urenga bakaba barahise bibaruka uyu mukobwa uri kubyina nka se.

Source : https://yegob.rw/uko-umuhanzikazi-simi-agiye-gusazwa-numwana-we-wimyaka-2-gusa/

Miss Uwimana Jeannette wegukanye ikamba rya Miss Innovation 2022 kuri uyu Gatatu tariki ya 17 Gicurasi 2023, yakabije inzozi yari afite zo kuba umworozi w'ingurube wabigize umwuga.

Uyu mukobwa ufite ubumuga bwo kutavuga, ubwo yitabiraga Miss Rwanda 2022, yatanze umushinga w'ubworozi bw' ingurube, byatumye ikigo Vision Agri business Farm (VAF) gisanzwe gikora ubworozi bw' ingurube za Kijyambere, cyamwemereye ingurube ihaka mu rwego rwo ku ufashe mu mushinga we.

Miss Jeannette yavuze ko impamvu ashaka korora ingurube, ngo ni uko zororoka vuba bityo akaba ashaka ko nizimara kuba nyinshi azatangira kugabira bagenzi be bafite ubumuga ndetse akanabasaba gutinyuka.

Nyuma yo guhabwa ingurube bari bamwemereye, Miss Jeannette nawe yahise yishyura izindi 2 ku bushobozi bwe zose zibyara.

Ndetse kandi VAF bamusezeranije kuzajya bamufasha gukurikirana uko akora ubworozi bwe, kugira ngo umushinga uzabashe kugerwaho nk'uko abyifuza.

AMAFOTO:

 

Source : https://yegob.rw/miss-uwimana-jeannette-yakabije-inzozi-ze-zo-korora-ingurube-amafoto/

Umugore w'imyaka 37 y'amavuko yatunguye benshi ku mbuga nkoranyambaga zitandukanye ubwo yakoreshaka ibirori ashaka kureba uko bizaba bimeze igihe azaba yavuyemo umwuka.

Ubusanzwe tumenyereye ko abantu benshi bizihiza ibirori by'amasabukuru, za Bridal Shower, Baby shower, uyu mugore we yahisemo kwizihiza ibirori yise 'pre-burial'.

Ni ibirori byabereye mugace uyu mugore atuyemo, yari yatumiye abantu benshi batandukanye ndetse harimo inshuti n'abavandimwe n'abandi bantu bari bahuruye kubera ukuntu byari bimeze.

Muri uyu muhango, uyu mugore yavuzeko yateguye ibi birori ashaka kureba ukuntu bizaba bimeze igihe azaba yapfuye, bazanyemo isanduku ishyirwamo abapfuye aripima ndetse barafunga neza, bashyira no mu mva barongera bamukuramo.

Source : https://yegob.rw/uyu-ni-inkunguzi-umugore-yakoresheje-ibirori-bidasanzwe-byurupfu-rwe-amafoto/

Umugore wa Cristiano Ronaldo, Georgina Rodriguez yavuze ko ari amahirwe kuba bifitiye indege yabo yihariye “private jet” n'aho ubundi atari kwihanganira kugendana na Cristiano mu ndege rusange.

Ibi uyu mugore yabigarutseho mu kiganiro kigaruka ku buzima bwe yise “I'm Georgina” kinyura kuri Netflix.

Yavuze ko iyo biba ngomba ko ingendo bakora bakoresha indege rusange, atari kwihanganira kumarana amasaha 2 na Cristiano mu kibuga cy'indege, byaruta agahagarika kugenda, impamvu nta yindi ni akavuyo byajya biteza kubera ubwamamare bw'uyu mukinnyi.

Ati “Indege yihariye ituma urugendo rworoha. Iyo ngomba kuba ndi mu kibuga cy'indege amasaha 2 na Cristiano nanasara, byatuma nkabireka. “

Rodriguez kandi yahishuye ibintu agenderaho iyo bagiye kujya mu biruhuko, basaba hoteli izabakira kuba ifite ibyumba byinshi, pisine y'umwihariko, kuba babona mu buryo bworoshye ubwato buto bwo gutemberamo n'ibindi.

Source : https://umuryango.rw/imyidagaduro/article/umugore-wa-cristiano-yahishuye-impamvu-adashobora-kumarana-nawe-amasaha-arenze

Akenshi uzasanga abenda gusezerana babazanya ibibazo bitandukanye harimo ibijyanye n'imyenda bazambara mu bukwe bwabo ndetse bumva bafitiye amatsiko umunsi w'ubukwe bwabo. Ni ngombwa ko mbere y'uko uhitamo umuntu muzabana akaramata ugomba kwitonda kuko ushobora kuzisanga ubaho utishimye mu rugo rwawe kuko utabanje kwitonda mbere y'uko wemeranya n'uwo muzabana.

Niyo mpamvu abahanga mu bijyanye n'imibanire hagati y'abantu batekereje kugaragaza ibibazo 10 ugomba kubaza uwo mwenda kurushinga kugirango umenye ko afite gahunda.

Abo bahanga mu bijyanye n'imibanire hagati y'abantu ari bo Olga Levancuka, Marisa Peer na Annabelle Knight ni bo bagaragaje ibi bibazo uko ari 10 umukobwa akwiriye kubaza uwo bateganya kurushinga kugirango abashe kwimenyera niba koko ari umukunzi wa nyawe.

1. Ni iki wumva uzajya ukunda gukora wishimisha nitumara kubana ?

Iki ni ikibazo abakobwa benshi bakunze kubaza abahungu mbere y'uko babana . Mu gihe ukibajije umuhungu ntuzatungurwe no kumva ibisubizo aguha bitandutakanye n'ibyo wowe wari witeze kwakira, icy'ingenzi hano ni ukumva icyo abivugaho. Akenshi abakobwa bizera ko bazashobora guhindura abagabo babo mu gihe bazaba bamaze kugera mu rugo ariko ibi siko biri kuko akenshi usanga hari ingeso umuntu atapfa guhindura.

Niba umusore akubwiye ko azajya areba umupira buri gihe mu minsi y'ikiruhuko n'inshuti ze, zirikana ko muri icyo gihe biba bigoranye ko azajya akubonera umwanya kuko azajya arangiza iminsi y'akazi ubundi mu gihe mwakabaye muri kumwe abe ahugiye mu mupira.

2. Wumva ari iki kigushimisha mu rukundo rwacu ?

Igisubizo uzahabwa hano kizakwereka uko urukundo rwanyu ruhagaze . Bizagufasha kumenya agaciro aguha imbere ye, niba akubona nk'umuntu umufatiye runini cyangwa niba akubona nk'umuntu watuma ahungabana mu buzima bwe igihe atagufite.

3. Ese ni iki gituma uzigama amafaranga ?

Aho kugirango umubaze ku bijyanye n'amafaranga nyirizina, ushobora kubinyuza muri ubu buryo umubaza impamvu imutera kuba yakwizigamira. Ibi bikazagufasha kumenya niba hari ikintu yitaho mu buzima bwe. Bizatuma kandi umenya icyo amafaranga azajya yinjira mu rugo azajya akoreshwamo. Niba gukemura ibibazo byo mu rugo ari cyo kintu ashyira imbere, bizagufasha kumva ko muzatera imbere umuryango wanyu ukabaho neza.

4. Mubaze ku kijyanye n'imyemerere yanyu ndetse n'iyobokamana.

N'ubwo mwaba musengera mu idini rimwe, mushobora kuba mudahuje imyumvire ku bijyanye n'idini musengeramo, ni byiza kubimubaza ukabimenya. Niba mudahuje ukwizera nabyo ni byiza kubimenya kugirango mumenye uburyo muzajya mwubahana n'ubwo mudahuje idini n'imyemerere.

5. Ni hehe wumva wakwizihiriza umunsi mukuru wa Noheli, Ubunani… ?

Bitari ukumenya aho yishimira kuba yakwizihiriza uwo munsi mukuru gusa ahubwo bizagufasha kumenya niba agufata nk'umwe mu bagize ubuzima bwe. Kandi na none uzamenya niba yishimira kwizihiza iminsi mikuru ari kumwe n'umuryango we. Iki ni ikibazo cy'ingenzi kuko hari byinshi uzahamenyera kuko hari ubwo usanga umugabo adakunda kujyana n'umugore we ahantu henshi mu ruhame rw'abantu. Rero ibi bizagufasha kumenya niba yishimira kuba yagira aho mujyana muri kumwe.

6. Ese wumva abana tuzabyara bazaba bafite uwuhe mumaro mu buzima bwawe ?

Uwo muzabana ni ngombwa ko umenya niba afite igitekerezo cyo kuzabyara abana. Ubu ni bumwe mu buryo buzagufasha kumenya niba mu nshingano ze hazaba harimo abana muzabyarana. Bizatuma kandi umenya niba kugira abana benshi biri muri gahunda afite cyangwa niba yifuza kubyara bake.

7. Ese imibonano mpuzabitsina uyifata ute mu buzima bwawe ?

Iyi ni imwe mu ngingo zikunze guteranya ndetse no gusenya ingo zitari nkeya kubera bamwe baba batarabiganiriyeho mbere y'uko babana. Ni ingenzi rero kubaza uwo muteganya kurushinga kugirango wumve icyo abivugaho. Ni ngombwa kumenya uko mubipanga kuko usanga ari igikorwa gikorwa habaye ukumvikana ndese no kuba mufite umwanya uhagije. Ibi bizabafasha kumvikana kandi birinde ko mutabyumva kimwe.

8. Iyo urakaye ni iki kigufasha kongera gutuza ?

Iki ni ikibazo kidakunze kubazwa cyane kandi gifite akamaro kanini kuko uba ugomba kumenya icyatuma uwo mubana agaruka mu byishimo igihe yaba yarakaye. Ashobora kukubwira ko uburakari bwe bushira ari uko agiye muri siporo. Ibingibi bikazagufasha kumenya uko uzajya umwitwara imbere igihe yarakaye.

9. Ubana ute na mama wawe ndetse na bashiki bawe ?

Kubaza uko abana na mama we ndetse na bashiki be bizagufasha kumenya uko ubusanzwe abana n'igitsina gore muri rusange. Iyo umaze kumva uko babana bituma umenya niba nawe azajya agufata neza cyangwa niba akenshi atazajya akwitaho. Ni ngombwa ko ubimubaza kuko uko yari abanye na bashiki be niko nawe muzabana n'ubwo hari bimwe bishobora guhinduka.

10. Ni gute tugiye kuzajya twuzuzanya ?

Ubwuzuzanye hagati y'abashakanye ni ingenzi cyane kuko ari imwe mu nkingi zifasha kugirango urugo rukomere kandi rutere imbere. Rero ufite inshingano zo kubaza uwo muteganya kubana ku bijyanye n'ubwuzuzanye bwanyu kuko bizagufasha kumenya niba hari ibyo muzajya mufatanya mu mibereho yanyu.

Niyo mpamvu abahanga mu bijyanye n'imibanire hagati y'abantu batekereje kugaragaza ibibazo 10 ugomba kubaza uwo mwenda kurushinga kugirango umenye ko afite gahunda.

Abo bahanga mu bijyanye n'imibanire hagati y'abantu ari bo Olga Levancuka, Marisa Peer na Annabelle Knight ni bo bagaragaje ibi bibazo uko ari 10 umukobwa akwiriye kubaza uwo bateganya kurushinga kugirango abashe kwimenyera niba koko ari umukunzi wa nyawe.

Source : https://umuryango.rw/ubuzima-115/udushya/article/ibi-nibyo-bibazo-10-ukwiye-kubaza-uwo-mugiye-kurushinga-kandi-bizakwereka-ari

Uyu mukinnyi w'ikipe y'Igihugu Amavubi ni bwo yarakigaruka muri champiyona nyuma y'indi mvune ikomeye yari yagize mu ivi ikamumaza hafi umwaka adakina n'ubwo ikipe ye ivuga ko yari yatangiye kwitwara neza.

Mukunzi yitabiriye imyitozo yo kuri uyu wa kabiri,ari naho yaje kuva mu kibuga atayirangije kubera ububabare bw'ahagana mu itako yayigiriyemo nk'uko ikipe ye ibivuga.

Kuri uyu wa gatatu, uyu musore wimyaka 27, ntiyitabiriye umukino ikipe ye yanganyije mo na Taby igitego 1-1 ku munsi wa 8 wa shampiyona ya Ettan League, umukino mugenzi we Lague Byiringiro uherutse kwerekezayo yagaragaye ku rutonde rw'abasimbura n'ubwo atakininnye.

Mukunzi yashoboraga kongera gusubira mu kibuga ubwo ikipe ye izaba ihura na Pitea mu mukino wa champiyona uteganijwe kuya 4 z'ukwezi gutaha

Uyu mukinnyi wahoze akinira Rayon Sports akaba n'umukinnyi wo hagati wa APR , amaze gukinira ikipe ye ya Sandvikens imikino itandatu muri shampiyona , byanayishyize ku mwanya wa gatatu ku rutonde rwa champiyona ya Ettan Norra League kuri ubu.

Source : https://umuryango.rw/imyidagaduro/imikino/article/yannick-mukunzi-yongeye-kugira-imvune-izamumaza-ibyumweru-3-hanze-y-ikibuga