Author: webrwanda

Umugaba Mukuru w'ingabo z'u Rwanda Gen. Jean Bosco Kazura asanga igihe kigeze ngo habe amavugurura mu mikorere y'ubutumwa bw'amahoro hirya no hino ku Isi kuko kubungabunga amahoro bisaba kubanza kuyashaka no kuyagarura aho yahungabanye.

Gen. Kazura yabigarutseho mu kiganiro ku hazaza h'ibikorwa by'ubutumwa bw'amahoro ari na cyo gisoza inama ku mutekano, National Security Symposium 2023 imaze iminsi 3 ibera muri Kigali Convention Centre.

Gen. Kazura yavuze ko gusuzuma no gusesengura ahazaza h'ibikorwa by'ubutumwa bw'amahoro ari ikiganiro cy'ingirakamaro kuko muri iki gihe kuko umutekano mu bihe biri imbere uri mu rwijiji kubera ibibazo by'iterabwoba n'ibitero by'ikoranabuhanga bivuka buri munsi.

Umugaba Mukuru w'Ingabo z'u Rwanda yavuze ko bitumvikana uburyo hashyirwaho ubutumwa bwo kubungabunga amahoro mu gace runaka katarangwamo amahoro kandi akazi k'ibanze kakabaye gakorwa aho hantu ari ukuhagarura amahoro nyuma akaba ari bwo hashyurwaho uburyo bwo kuyabungabunga.

Gen. Kazura atanga urugero rwa MINUAR ubutumwa bw'amahoro bwa LONI bwari mu Rwanda mu gihe cya jenoside yakorewe abatutsi bwatereranye Abanyarwanda icyo gihe kandi ari bwo bari babakeneye cyane kurusha ikindi gihe.

Avuga ko amakosa agenda akorwa mu mikorere y'ubutumwa bw'amahoro ashobora gukosorwa niba koko ubwo butumwa buba bufite intego yo kurinda abaturage kuko ari bo baba bakeneye amahoro.

Yavuze ko ingero z'ibikwiye kuba bikorwa zihari kandi zigenda ziyongera, agatanga urugero ku mikoranire y'u Rwanda n'ibihugu bya Santarafurika na Mozambique. Nko muri Mozambique Gen. Kazura yagaragaje ko icyo ingabo z'u Rwanda zabanje gukora ari ukugarura umutekano wari warabuze mu Btara ya Cabo Delgado none ubu ibikorwa bihari bikaba ari ibyo kubungabunga uwo mutekano n'amahoro kuko byamaze kugaruka.

National Security Symposium, ni inama ku mutekano itegurwa n'Ishuri rikuri ry'Ingabo z'u Rwanda, Rwanda Defense Force Command and Staff College ku bufatanye n'ubuyobozi bw'ingabo z'u Rwanda, RDF. Iy'uyu mwaka ikaba imaze iminsi 3 ibera muri Kigali Convention Centre, ikaba yaritabiriwe n'impuguke ndetse n'inararibonye mu by'umutekano ziturutse hirya no hino ku Isi, abashakashatsi n'inzobere mu nzego zitandukanye mu nzego za gisivile n'iza gisirikare mu bihugu bitandukanye no ku rwego mpuzamahanga.

National Security Symposium yitabiriwe n'impuguke ndetse n'inararibonye mu by'umutekano ziturutse hirya no hino ku Isi, irimo kubera muri Kigali Convention Centre. Photo: Rwanda MoD

Source : https://umuryango.rw/amakuru/mu-rwanda/article/gen-kazura-yavuze-impinduka-zakorwa-mu-mikorere-y-ubutumwa-bw-amahoro

Kuva tariki ya 20 kugeza 27 Gicurasi 2023 ni bwo muri BK Arena hazaba hari kubera aya marushwanwa azitabirwa n'amakipe umunani yahize andi muri Afurika.

Ni irushanwa rikurikirwa n'abatari bake kuko Abanyarwanda n'abanyamahanga bamaze kurimenyera bitewe n'uburyohe bwayo.

Ibi binagaragarira ku buryo amatike y'abazareba BAL agurwa. Mu buryo bugezweho, igurishwa ry'amatike ryashyizwe mu ikoranabuhanga ku buryo buri mufana wese azakurikira imikino ya nyuma, azi neza umwanya ndetse n'intebe azicaraho.

Imyanya yagurishijwe mu buryo butatu, Igice cy'iruhande rw'ikibuga ni cyo gisa n'ikiri hejuru kuko abazahicara bishyura 41.250 Frw, igikurikiyeho hejuru amatike yaho agurwa 12.750 Frw, mu gihe mu cyo hejuru muri BK Arena hazaba hishyurwa 1500 Frw.

Ugendeye ku rubuga rugurishirizwaho amatike uciye kuri https://bal.nba.com/ usanga imyanya myinshi yaramaze kugurwa ukurikije uko imikino izagenda iba.

Ku munsi wo gufungura iri rushanwa ni ho bigaragara ko amatike yaguzwe ari menshi. Mu myanya y'icyubahiro cyane cyane iyegereye ikibuga, yamaze kurangira, kuko imyinshi muri yo yagenewe abanyacyubahiro bifuje kureba iyi mikino.

Buri mukunzi wa Basketball waguze itike azajya aba yemerewe kureba imikino yose uko ari ibiri iteganyijwe ku munsi. Abashoboye kwihuriza hamwe bakagura itike imwe ari abantu icumi, bari kugabanyirizwa 15% ku matike biyemeje kugura.

Usibye mu myanya y'abishyura 12.750 Frw, hasigayemo imyanya iri munsi ya 150, ahandi hose amatike yamaze kurangira.

Amakipe ategerejwe muri BAL 2023 ni Cape Town Tigers, Clube Ferroviário da Beira, Al Ahly Sporting Club, Clube Atlético Petroleos de Luanda zakomeje muri Nile Conference. Hakiyongeraho Abidjan Basketball Club, Rwanda Energy Group, Association Sportive des Douanes na Stade Malien zavuye muri Sahara Conference.

Tariki ya 20 Gicurasi 2023 ni bwo imikino ya 1/4 cya BAL izatangira aho uwa mbere uzahuza Stade Malien na Cape Town Tigers saa Kumi mbere y'uko Al Ahly Sporting Club icakirana na REG saa Moya n'Igice z'ijoro.

Source : https://umuryango.rw/imyidagaduro/imikino/article/hasigaye-amasaha-make-irushanwa-rya-bal-ya-2023rigatangira-uko-amatike-yifashe

Umurambo w'Umupolisi witwa PC Sibomana Simeon wakoreraga kuri Sitasiyo ya Rusizi, wabonetse ku wa Gatanu w'icyumweru gishize, tariki 12 Gicurasi, ku muhanda mu Kagari ka Karenge ku Murenge wa Rwimbogo.

Ni inkuru yababaje benshi barimo n'abaturage bo muri uyu Murenge, bababajwe no kuba uyu wari umwe mu babacungira umutekano, yishwe n'abagizi ba nabi.

Inzego zishinzwe iperereza, zahise ziritangira, biza gutuma ku wa Kabiri w'iki cyumweru tariki 16 Gicurasi, ku bufatanye bwa Polisi y'u Rwanda n'Urwego rw'Igihugu rw'Ubugenzacyaha, bata muri yombi abantu batatu barimo umwarimu, bikekwa ko ariwewagize uruhare mu rupfu rwa nyakwigendera.

Kuri uyu wa Gatanu tariki 18 Gicurasi 2023, abaturage bo mu Murenge wa Rwimbogo wabonetsemo umurambo w'uyu Mupolisi, bagiye mu Nteko yabo ari benshi, kuko bari bumvise amakuru ko bari bwerekwe abakekwaho ubu bugizi bwa nabi.

Bamwe mu bari baje muri iyi Nteko y'Abaturage, babwiye RADIOTV10 ko bashenguwe n'urupfu rwa nyakwigendera, bavugaga ko bari bafite amatsiko yo kureba abo bita 'inkozi z'ibibi' (baracyari abere kuko batarahamwa n'ibyaha bakekwaho), ariko ko bababajwe no kuba batashye batababonye kuko bifuzaga kubareba amaso ku maso ngo babanenge.

Aba baturage barimo abavugaga ko bigomwe imirimo yabo kugira ngo baze kureba abo bantu bishe Umupolisi, batashye bijujuta.

Gusa umuyobozi w'Akarere ka Rusizi, ubwo yaganirizaga aba baturage, yababwiye ko kwerekwa abo bantu bakekwaho uruhare mu rupfu rwa nyakwigendera 'atari yo ntego y'inama.'

Aba baturage batashye bavuga ko nubwo bateretswe abo bakekwaho ubwo bugizi bwa nabi, basaba ko nibabihamwa, bazahabwa igihano kibakwiye.

Source : https://umuryango.rw/amakuru/mu-rwanda/ubutabera/article/abaturage-ba-rwimbogo-baje-ku-bwinshi-mu-nteko-yabaturage-bataha-bateretswe

Ku wa Kane tariki 18 /05/2023 ahitwa Kivandya, mu mudugudu wa Kibale, muri Gurupema ya Mbulye, ku muhanda wa Kasugho, muri Sheferi ya Batangi, mu majyepfo ya Teritwari ya Lubero niho igitero cyabereye.

Radio Okapi ivuga ko amakuru ikesha ikigo gishinzwe kurenzera urusobe rw'ibinyabuzima (ICCN), ari uko imodoka zacyo zatewe n'abantu bafite imbunda nini bikekwa ko ari ba Mai-Mai.

Abantu bane nib o bamenyekanye biciwe muri icyo gitero, barimo abarinda Pariki batatu, n'umukozi umwe ukora nk'umutekinisiye.

Muri iki gitero abandi bantu 6 barakomeretse barimo abari mu modoka, n'abasivile batatu.

Abakomeretse bajyanywe kuvurwa ahitwa Kivandya.

Abagabye kiriya gitero batwaye imbunda z'abashinzwe kurinda Pariki bishwe.

Ikigo ICCN cyamaganye igitero ku bakozi bacyo, gisaba ko hazabaho iperereza.

Pariki y'igihugu ya Virunga, ni hamwe mu hasigaye inyamaswa ziboneka hake ku isi, zirimo Ingagi zo Misozi (Gorilles de Montagne), gusa aha hasigaye ari mu ndiri y'imitwe yayogoje uburasirazuba bwa Congo, irimo na Mai Mai.

Source : https://umuryango.rw/amakuru/mu-mahanga/umutekano/article/rdc-inyeshyamba-za-mai-mai-zirashinjwa-kwica-abakozi-bane-ba-pariki

Umukinnyi w'ikipe y'igihugu y'u Rwanda Amavubi Mukunzi Yannick ukina hagati mu kibuga mu ikipe ya Sandkvens IF yo mu cyiciro cya kabiri mu gihugu cya Sweden yo ngeye kuvunika.

Yannick Mukunzi yongeye kugira imvune nyuma y'igihe kitari kinini cyane n'ubundi akize imvune yari yagize yamaranye igihe kinini dore ko yayi maranye igihe kigera ku mezi icyenda yose akaba yongeye kugira ikibazo cy'imvune kuwa 2 tariki 16 Gicurasi 2023 ubwo yari mu myitozo hamwe na bagenzi be bitegura umukino wari ku wa gatatu.

Bitanganyijwe ko Mukunzi Yannick ashobora kumara hanze ibyimweru bitatu byose adakandagira mu kibuga kubera iyi mvune.

 

 

Source : https://yegob.rw/inkuru-itari-nziza-ku-mukinnyi-wikipe-yigihugu-amavubi-mukunzi-yannick/

Umunyezamu w'ikipe ya Kiyovu Sports, Kimenyi Yves n'umugore we Miss Uwase Muyango, iwabo ifaranga rirajejeta bitewe n'ubuzima bw'igitangaza bombi babamo.

Kimenyi Yves agenda mu modoka ye nziza cyane ya V8 ndetse na Muyango nawe akagenda mu ye y'agatangaza.

Aba bombi b'abana nk'umugore n'umugabo ndetse bafitanye umwana umwe w'umuhungu bise Miguel.

 

Source : https://yegob.rw/i-wabo-ifaranga-rirajejeta-amafoto-yimodoka-zakataraboneka-zo-mu-rugo-kwa-miss-muyango-na-kimenyi-yves/

Urujijo ku mwana w'umunyeshuri bivugwa ko yakubiswe akagwa igihumure.

Mu kigo cy'amashuri cya College de Butamwa haravugwa inkuru iteye urujijo y'umwana urwariye iwabo aho bivugwa ko yakubiswe.

Abinyujije ku rukuta rwa Twitter, umunyamakuru Ramesh Nkusi yatangaje ko uyu mwana yakubiswe bikomeye nk'uko yabibwiwe na bamwe mu babyeyi.

Yagize ati: 'Amakuru nahawe n'abamwe mu babyeyi barerera mu kigo cya college de Butamwa ko hari umwana witwa Irafasha Dorcas w'imyaka 15, wiga mu mwaka 1, waraye akubiswe bikomeye bahamagaza umubyeyi mwijoro Saa 20:46 ngo amutahane.'

Nyuma yo gutangaza ibi, Akarere ka Nyarugenge iki kigo kibarizwamo wanyomoje ayo makuru, aho bavuze ko uyu mwana yakoze amakosa bamubwira ko bagiye guhamagara ababyeyi be agahita amera nk'uguye igihumure.

Ati:'Uyu mwana mu ishuri yigamo amakayi y'abanyeshuri yaraciwe, hashakwa uwabikoze biza kugaragara ko byakozwe n'uyu munyeshuri. Ushinzwe imyitwarire amubwiye ko bagiye kubimenyesha inzego z'Ubuyobozi n'izi kigo, umwana yikubise hasi nk'uguye igihumure ajyanwa kwa muganga. Ntiyakubiswe.'

 

Source : https://yegob.rw/kigali-urujijo-ku-mwana-wumunyeshuri-bivugwa-ko-yakubiswe-akagwa-igihumure/

Ushinzwe umutekano we yakijijwe n'amaguru! Umusore yishwe urw'agashinyaguro n'abagizi ba nabi banashatse kwica ushinzwe umutekano.

Umurambo w'umusore witwa Iradukunda Egide wacururizaga Mituyu (Me2U) muri Centre ya Gakenke mu Karere ka Gakenke, wagaragaye iruhande rw'umuhanda yamaze gushiramo umwuka.

Uyu murambo watoraguwe bigaragara ko yatewe ibyuma mu mutwe.

Uyu musore yabonywe mu ma saa moya z'umugoroba wo ku wa Kane tariki 18 Gicurasi 2023.

Kuri ubu bikekwa ko yishwe n'abagizi ba nabi bamuteze ubwo yari atashye avuye gucuruza muri ayo masaha ya nijoro.

Umuvugizi wa Polisi y'u Rwanda mu Ntara y'Amajyaruguru, SP Alex Ndayisenga yemeje ayo makuru.

Uyu muvugizi yemeje ko bahise batangira no gukora iperereza ry'ibanze.

Andi makuru Kigali Today dukesha iyi nkuru yamenye ni uko ubwo abo bagizi ba nabi bamaraga kumutema, bakihava, ngo bahuye n'ucunga umutekano (inkeragutabara) witwa Nzabonimpa Augustin wari ugiye mu kazi ka nijoro, na we bagiye kumutema ariruka akizwa n'amaguru.

Source : https://yegob.rw/ushinzwe-umutekano-we-yakijijwe-namaguru-umusore-yishwe-urwagashinyaguro-nabagizi-ba-nabi-banashatse-kwica-ushinzwe-umutekano-agakizwa-namaguru/

Hagiye gushya! Umunyamakuru Rugangura Axel uzwiho gufana cyane Kiyovu Sports, yabwiye Apr Fc ibintu bitari kunezeza abakunzi bayo.

Rugangura Axel yahumurije abafana ba APR FC avuga ko ntacyo iyi kipe yakora imbere ya Rwamagana City.

Yavuze ibyo mu kiganiro cy'urubuga rw'imikino gitambuka kuri Radio Rwanda.

Rugangura Axel yavuze ko ngo bitewe n'amakuru afite, APR FC ngo iraza kugorwa cyane na Rwamagana City mu mukino bafitanye muri iyi weekend.

Yakomeje avuga ko APR FC irebye nabi yatsindwa byinshi.

yagize ati, 'Rwose Imyiteguro nabonye Rwamagana City ifite APR FC ntacyo nyijeje'. yongeyeho ko ngo Umutoza wa Rwamagana City ariwe Ruremesha Emmanuel yahize kubabaza APR FC.

Source : https://yegob.rw/hagiye-gushya-umunyamakuru-rugangura-axel-uzwiho-gufana-cyane-kiyovu-sports-yabwiye-apr-fc-ibintu-bitari-kunezeza-abakunzi-bayo/

Umwarimu witwa Ndahayo François wigisha ku ishuri rya G.S Mukamira mu karere ka Nyabihu umurenge wa Mukamira aracyari umusore ku myaka 44 y'amavuko.

Ndahayo François umaze imyaka irenga 15 yose ari mu mwuga w'uburezi ndetse yitwara neza cyane mu kazi ke yatangaje ko akiri ingaragu mbese atarashaka umugore gusa ngo hari byinshi yagezeho mu myaka yose amaze atarashaka umugore kuko yaguze amasambu menshi ndetse akubaka n'inzu.

Gusa ubu Ndahayo François avuga ko isaha n'isaha ashobora gushaka umugore ntubwo nta gihe gihamye atanga gusa ibyatunga umugore ndetse n'abana byo ara bifite kandi atangaza ko icyo adakunda ari ukugendera mu kigare mbese kwigana abandi ibyo bakora ngo nawe abikore.

Source : https://yegob.rw/icyo-nta-kunda-ni-ukwigana-mawarimu-ndahayo-francois-agejeje-imyaka-44-yose-akiri-ingaragu/