Author: webrwanda

Ishuri rya APACOPE ryashinzwe mu 1981 ubwo hari ikibazo cy'iringaniza mu mashuri abana b'Abatutsi batiga. Icyo gihe ababyeyi barangajwe imbere na Chamukiga Charles bashinze iri shuri.

Kuri uyu wa Gatandatu tariki ya 20 Gicurasi 2023, nibwo ishuri rya APACOPE ryibutse ku nshuro ya 29 Jenoside yakorewe abatutsi mu 1994 by'umwihariko abarishinze n'abakozi barikoragamo ndetse n'abarimu n'abanyeshuri baryigagamo.

Umuyobozi wa APACOPE, Shamukiga Christine, yagaragaje ko abari abayobozi n'abakozi ndetse n'abanyeshuri basize izina ryiza kandi baterwa ishema no kwitwa amazina yabo.

Yagize ati 'Abacu bishwe basize izina ryiza rikubiyemo indangagaciro nyarwanda zose, abashinze APACOPE basize izina ryiza ry'ubumuntu ry'ubutwari n'iryo kwitanga kandi abayobozi b'ishuri n'abarimu nabo basize izina ryiza ry'ubuhanga kandi ry'ubwitange, ababyeyi bareraga muri APACOPE nabo basize izina ryiza ry'ububyeyi bwiza ikindi abana nabo basize izina ryiza ryo kuba abanyabwenge barangwaga n'imico myiza n'uburere bwiza.'

Yongeyeho ko aba bantu bose bafite aho bahurira na APACOPE babibuka ndetse baterwa ishema n'uko ari benewabo kandi benshi muri bo baterwa ishema rikomeye no kwitiranwa nabo. Yaboneyeho gushimira ingabo z'Inkotanyi zahagaritse Jenoside yakorewe abatutsi.

Uwamwezi Marie Chantal wize muri APACOPE mbere ya Jenoside, yavuze ko nyuma y'imyaka 29 jenoside imaze ikozwe hari byinshi bamaze kwigezaho, aboneraho gusaba abana biga muri iki kigo kuzarwanya bivuye inyuma abapfobya jenoside.

Yagize ati 'Kwibuka bidufasha kwibuka abacu n'abana twiganye. Icyo navuga ni uko tutaheranwe n'agahinda twiyubatse mu bubryo bugaragarira buri wese ndetse nkaba naboneraho gusaba abana biga aha kujya bahangana n'abapfobya jenoside kugira ngo itazongera kubaho ukundi.'

Kugeza ubu ntiharamenyekana umubare nyir'izina w'abari abayobozi n'abakozi n'abanyeshuri bigaga muri APACOPE bazize jenoside yakorewe abatutsi mu 1994 ku buryo ubuyobozi n'abize muri iki kigo bakomeje gushakisha amazina y'abayiciwemo bakoraga muri iki kigo kugira ngo nabo bajye babibuka.

Ni igikorwa cyitabiriwe n’abantu b’ingeri zitandukanye

Bamwe mu bize muri APACOPE bagiye gushyira indabo ku rwibutso

Umuyobozi wa APACOPE, Shamukiga yashimiye abashinze iri shuri

Aba bakora uyu mwuga bavuga ko mbere ya Covid-19 bambukaga umupaka mu buryo bworoshye, nyuma gato bikaza kugorana kuko batari bacyambukira ku irangamuntu nk'uko byari bisanzwe.

Aho imipaka ifungiye; ubu basabwa kugura icyangombwa kigaragaza ko bakorera muri icyo gihugu [Permis de sejour] ku madolari 40$, cyaje gisimbura urupapuro rw'inzira [Laissez Passer], ibi ngo ntibyoroheye buri wese.

Nyirakarire [izina yahinduriwe] yagize ati 'ubu ntabwo tukibona uko tugemurayo ibicuruzwa byacu [kwicuruza]! Mbere twaramukaga tukajya gufata ku madolari. Naragendaga umuntu umwe akampa nk'amadolari 100$ nkaza nkayifatamo neza n'umuryango wanjye.'

Agaragaza ko ifungwa ry'umupaka ryabagizeho ingaruka dore ko ariho bakuraga amafaranga menshi ugereranyije no mu Rwanda, bikabafasha gutunga imiryango dore ko abenshi babyariye muri uyu mwuga.

Uwahawe izina rya Macibiri yagize ati 'turahombye cyane! Amahoro agarutse twakunguka. Mbere twajyaga muri Congo bakaduha ku madolari ariko ubu imipaka irafunze.'

Mu bindi bibazo aba bakora umwuga w'uburaya bagaragaza, harimo kutabonera udukingirizo ku gihe ndetse no kutatubona hafi; ibi bikaba byatuma bishora mu mibonano mpuzabitsinda idakingiye.

Ugiriwabo Saverine niwe uhagarariye abakora uyu mwuga muri Rubavu. Ati 'udukingirizo turabura, natwe tubahagarariye hari igihe tujya ku kigo nderabuzima tukatubura. Icyo twifuza ni uko twajya tuzibonera ku kigihe. Ahantu hakunda kuboneka indaya haboneke umukangurambaga wo kudukwirakwiza.'

Umuyobozi w'ishami rishinzwe kwirinda Sida mu Kigo cy'Igihugu cy'Ubuzima (RBC), Dr. Ikuzo Basile yatangaje ko uku kwambukiranya imipaka kw'abajya gukora uburaya, bifite imbogamizi ku rugamba rwo kurwanya ikwirakwira rya Virusi itera Sida..

Ati'Imbogamizi zo ntizabura kuko urumva ntabwo tumenya ngo ni bande bagiye, ese bagarukanye iki, ese nibagaruka baripimisha? Twebwe buri myaka ibiri tugerageza gukora ubushakashatsi kuri ngo tumenye umubare w'abakora uyu mwuga, ese imyitwarire yabo imeze ite? Ese babona serivise?'

Akomeza asobanura ko aba bakora uyu mwuga bakurikiranwa mu buryo bw'umwuhariko bitandukanye n'abandi baturage, byanaba ngombwa bakabapima buri mwaka.

Ku kibazo cy'ibura ry'udukingirizo, Dr. Ikuzo avuga ko bagiye kongera utuzu tubonekamo udukingirizo. Ku ibura ryatwo mu ku bigo Nderabubizima asobanura ko haba habaye ikibazo cyo kudukwirakwiza kuko ari gahunda iri mu gihugu hose.

Ati 'Icyo gihe haba habayemo ikibazo cyo kudukwirakwiza wenda tugashira ntibibuke kujya gusaba utundi. Ntabwo ari uko tuba twabuze. Mu gihugu dufite utuzu icumi, muri gahunda turi kugerageza kureba niba twakwirakwiza twinshi dushoboka bitewe n'uko dukenewe.'

Mu karere ka Rubavu habarurwa abakora uburaya bagera ku 3500. Mu gihugu hose ubwandu bwa Virusi itera Sida buri ku ijanisha rya 3% mu bafite hagati y'imyaka 15 na 64. Mu bakora umwuga w'uburaya ijanisha rigegeze kuri 35.5% ryaravuye kuri 45% mu myaka ibiri ishize.

Umunyamakuru Ronnie Gwebawaya watangije ikiganiro cy’Iyobokamana kuri Televiziyo Rwanda cyitwa ‘RTV Sunday Live’, yasabye anakwa umugore we, Uwicyeza Phiona.

Ni umuhango wabaye mu gitondo cyo kuri uyu wa Gatandatu tariki ya 20 Gicurasi 2023 ubera ku Mushumba Mwiza muri Kicukiro.

Ni umuhango witabiriwe na bimwe mu byamamare nka MC Nario ndetse na Emma Rito n’abandi.

Nyuma y’umuhango wo gusaba no gukwa hakaba habayeho gusezerana imbere y’Imana nyuma abatumiwe bakaba biyakirira ku Mushumba Mwiza.

Bakoze ubukwe nyuma y’uko uyu munyamakuru usigaye akorera TV1 muri Gashyantare yambitse impeta ya fiançailles Phiona amusaba ko yazamubera umugore undi akamwemerera.

Ku wa Kane tariki ya 11 Gicurasi 2023 basezeranye imbere y’amategeko mu murenge wa Kimironko mu Karere ka Gasabo mu Mujyi wa Kigali, ni nyuma y’imyaka 4 bakundana.

Byari ibyishimo ku mpande zombi

Iyi mikino izajya itambuka imbona nkubone mu bihugu 54 byo muri Afurika binyuze mu bufatanye BAL ifitanye na Televiziyo zirimo nka American Forces Network (AFN), Canal+, ESPN, NBA TV, Tencent, TV5 Monde, Visionary TV, Voice of America (VOA), kandi izajya igaragara kuri NBA App, NBA.com na BAL.NBA.com.

Iyi mikino ibera muri BK Arena akaba ari ku nshuro ya 3 igiye kubera mu Rwanda. Amakipe 8 niyo azakina iri rushanwa, 4 yavuye muri Nile Conference kongeraho andi 4 yavuye mu itsinda Sahara Conference.

Imikino ya BAL irebwa n'abantu benshi cyane baturutse mu bihugu bitandukanye, ibi biterwa n’uko haba harimo ibintu bitandukanye biryoheye ijisho.

Umukino wa mbere uri bukinwe saa kumi zuzuye, urahuza stade Malien na Cape Town. Saa moya n'igice nibwo ikipe ihagarariye u Rwanda muri aya marushanwa ya BAL, REG iri bumanuke mu kibuga icakirana na AL Ahly Sporting Club.

Kuri uyu wa Gatandatu tariki 20 Gicurasi 2023, mu mikino ya kimwe cya kane, bitezwe ko haririmba abahanzi barimo Itorero ry’Ibihame by’Imana, Kenny Sol, Ariel Wayz; ni mu gihe Fully Focus na Dj Makeda aribo basusurutsa abantu bifashishije indirimbo zinyuranye baza kuvanga.

Mu mikino ya kimwe cya kane ku munsi wa Kabiri, ubwo ni ukuvuga ku Cyumweru tariki 21 Gicurasi 2023, hazaririmba itsinda rya The Urban Song, Chriss Eazy ndetse na Dj Toxxyk.

Iyi mikino izakomeza ku wa Gatatu tariki 24 Gicurasi 2023, muri kimwe cya kabiri aho hazaririmba abahanzi Kivumbi King, Ommy Dimpoz ndetse na Dj Makeda.

Ku wa Gatanu tariki 26 Gicurasi 2023, mu guhatanira umwanya wa Gatatu, hazaririmba abahanzi Abby Chams, Dj Makeda na Dj Mollar bafatanye gususurutsa benshi bisunze indirimbo zinyuranye.

Ku wa Gatandatu tariki 27 Gicurasi 2023 ari nabwo iyi mikino izasozwa, hazaririmba Bruce Melodie, ni mu gihe Dj Neptune wo muri Nigeria azifashishwa mu kuvanga indirimbo zinyuranye.

Ni ku nshuro ya Gatatu, Ommy Dimpoz agiye gutaramira i Kigali. Mu 2021, nabwo yari ku rutonde rw'abahanzi baririmbye muri iyi mikino ya BAL.

Ubwo yari mu Rwanda yavuze ko ari 'amahirwe meza ku baturage ba Afurika kuko hari urubyiruko bafite inzozi ngari zo kuzakina muri shampiyona ya NBA'.

Yavuze ko imikino ya BAL izabafasha kugera ku nzozi zabo, kandi ko ari 'ikintu cyiza ku Rwanda kuba rwabashije kwakira igikorwa nk'iki'.

Uyu munyamuziki yavuze ko 'icyo amaze kubona ari uko 'Kigali ikomeza kuba nziza'. Avuga ko ari umuhamya wabyo, ashingiye ku gihe ahaherukira.

Yavuze ko yanyuzwe n'amafunguro yakirijwe, kandi ko yiboneye imikino itandukanye ya Basketball harimo n'iyo umuraperi J. Cole yakinnyemo. Ati 'Ni urwibutso rwiza.'

Ommy Dimpoz w'imyaka 36 y'amavuko ugiye kongera gutaramira i Kigali, azwi cyane mu ndirimbo nka ‘Tupogo’ yo mu 2015, ‘Baadae’, ‘Rockstar’ yo mu 2019, ‘Marry You’, ‘Kata’

Abigail Chamungwana wamamaye ku mazina ya Abby Chams washyizwe ku rutonde rw'abazaririmba muri iyi mikino, ni umuhanzikazi w'umunya-Tanzania uri mu batanga icyizere. 

Uyu mukobwa w'imyaka 20 y'amavuko, ni umuhanga mu gucuranga ibyuma binyuranye by'umuziki, akora ibikorwa by'urukundo, ndetse inyandiko zigaragaza ko ari umwe mu babarizwa mu inzu y'umuziki ya Sonny Music.

Uyu mukobwa azwi mu ndirimbo ‘Nani’, ‘Tucheze’, ‘Zero to 100’, ‘Closer’, ‘U&I’, ‘Reimagine’ n’izindi.

Ommy Dimpoz agiye kongera gutaramira i Kigali binyuze mu mikino ya BAL 

Mu 2021, ubwo  Dimpoz yari mu Rwanda yahuye na Bruce Melodie- Ubanza ibumoso ni Ndayisaba Lee, wahoze ari umujyanama wa Bruce Melodie

Bruce Melodie uherutse gukorana indirimbo na 'Konjo Remix' John Floq wo muri Afurika y'Epfo ategerejwe muri BAL 

Chriss Eazy uri kubarizwa mu Burundi muri iki gihe mu mushinga w'indirimbo 'Lala' yakoranye na Kirikou ategerejwe mu mikino ya BAL 

Dj Neptune, umuhanga mu kuvanga imiziki umaze gutaramira mu Rwanda mu bitaramo birimo Chop Life ategerejwe muri BK Arena 

KANDA HANO UREBE AMASHUSHO Y’INDIRIMBO ‘KONJO REMIX’ YA BRUCE MELODIE NA JOHN FROG

“>

Ibi FERWAFA yabikoze uyu munsi, mu butumwa banyujujije ku mbuga nkoranyambaga zabo bagize bati”Ishyirahamwe ry’umupira w’amaguru mu Rwanda (FERWAFA) ryiseguye kandi risabye imbabazi Abanyarwanda bose kubera uburangare bwabayeho mu mitegurire y’ikipe y’igihugu y’umupira w’amaguru y’abakuru-Amavubi kugera aho byaviriyemo guterwa mpaga kubera kubera gukinisha umukinnyi utari wemerewe gukina ku mukino Amavubi yari yakiriyemo ikipe y’igihugu ya Benin i Kigali”.

Muri ubu butumwa bakomeje bagira bati”Ni muri urwo rwego uwari ushinzwe imicungire n’imitegurire y’ikipe y’igihugu Bwana Rutayisire Jackson yahagaritswe ku mirimo yari ashinzwe.”.

FERWAFA yizeza ko iri kosa ritazongera ukundi. Basoza bati ” Turakomeza gukurikirana n’undi wese waba yarabigizemo uruhare kugira ngo abibazwe. Tuboneyeho no kumenyesha Abanyarwanda ko hafashwe ingamba zituma aya makosa atazongera”.

Ubutumwa FERWAFA yageneye Abanyarwanda

Ibi yabitangaje mu kiganiro n'itangazamakuru cyabaye kuri uyu wa Gatanu tariki 19 Gicurasi 2023, muri BK Arena ahasanzwe n'ubundi habera iyi mikino. 

U Rwanda rusanzwe rufite amasezerano y'imyaka 3 yo kwakira iyi mikino ya nyuma ya BAL gusa ararangirana n'uyu mwaka wa 2023.

Minisiti Munyangaju yavuze ko kuva iyi mikino ya nyuma ya BAL atangira kubera mu Rwanda yagenze neza ndetse anerekana inyungu igihugu cyayigiriyemo zirimo no kugira uburambe mu kwakira imikino.

Ministiri wa Siporo kandi yahishuye ko  bari mu biganiro n'ubuyobozi bw'iri rushanwa byo kuba bakongera amasezerano bityo mu myaka iiri imbere abanyarwanda bakazongera kwihera ijisho iyi mikino ibera muri BK Arena.

Yagize ati “Iri rushanwa ridufatiye runini mu ngeri nyinshi. Ni yo mpamvu kuba twakongera kuryakira byaba bishimishije ku Rwanda. Afite byinshi avuze kuri twe kandi ntabwo twicaye turi kubikoraho n’ubwo byinshi byatangazwa na Perezida wa BAL”

Usibye kuba Ministiri yerekanye ko hari ibiganiro byo kongera aya masezerano na Perezida wa BAL, Amadou Gallo Fall, nawe yemeje ko bari mu biganiro. 

Yagize ati “Ibikorwaremezo birahari ndetse hari byinshi byatuma tuyongera. Nk'uko mwabivuze, amasezerano yagize umumaro ukomeye cyane ndetse azarangira tariki 27 Gicurasi niba ntibeshye. Gusa ibiganiro ku mpande zombi biri kugenda neza kandi twizeye ko hari icyo tuzageraho.”

Iri rushanwa rya BAL ryatangiye gukinwa muri 2019 ritangijwe na National Basketball League, NBA.

Iyi mikino ya nyuma ya BAL muri uyu mwaka iratangira gukinwa uyu munsi muri BK Arena, umukino wa Stade Makien na Cape Town niwo uri bubimburire indi saa kumi zuzuye naho saa moya n'igice REG ihagarariye u Rwanda irakina na Al Ahly Sporting.

Minisitiri Munyangaju yavuze ko imyaka itatu ishize bakorana na BAL hari byishi byo kwishimira

Perezida wa BAL, Amadou yavuze ko hari ibiganiro byiza bigamije kongera amasezerano