Author: webrwanda

TECNO, ikora ikanacuruza Telephone ikaba ikirango cy’ikoranabuhanga gishya ifite ibikorwa ku bihugu 70 ku isi mu migabane itanu, yihuje na VOGUE, ikinyamakuru gikomeye cyandika ku mideli n’ubundi bijyanye n’imyambarire kikaba kiri mu biyoboye mu mideli muri Leta Zunze Ubumwe za Amerika kugira ngo bashyire ahagaragara gahunda ishimishije bise “Style in Motion.”

Ibi bizakorwa mu buryo bwo kugaragaza telephone nshya ya CAMON 20 Premier 5G mu cyumweru cy'imideli i Londres. Iyi Telefone kandi ikaba iherutse kumurikwa muri Kigali Convention Centre & Radisson Blu Hotel mu mpera za Gicurasi 2023.

Ubu bufatanye bushimishije buzashyira urwego rw'imideli isanzwe ikurura amarangamutima ya benshi ku isi ku kigero gishimishije. Bayobowe n'ijisho ridasanzwe ry'umufotozi wa VOGUE hakazifashishwa CAMON 20 Premier 5G izifatanya n'abanyamideli mu gufotora no gufata amashusho biri ku rwego rushimishije bizashyirwa ahagaragara mu ntangiriro za Nyakanga 2023.

TECNO Mobile Rwanda yishimiye kubamenyesha ko iri no gutegura gukorana n'abanyamidelibo mu Rwanda binyuze mu gufata amafoto bakoresheje TECNO CAMON 20 Premier 5G mu rwego rwo kwerekana ubwiza bw'imyambarire y'u Rwanda ndetse n'ubwiza bw'abanyamideli bikagaragara mu kiswe 'Style in Motion' hamwe n’ubwiza bw’ u Rwanda muri rusange.

Kwakira ihuriro ry'imideri n'amafoto

TECNO iyobowe n'ikirangantego cyayo cya “Stop At Nothing”, yiyemeje kudahwema guharanira guhuza neza igishushanyo mbonera cya none hamwe n'ikoranabuhanga rigezweho ku bantu bayo.

Ubwitange budahwema guhanga udushya twa kamera bugaragarira mu ruhererekane rwa CAMON 20, rutanga ubushobozi bwo gufata ibihe byose bikurura amarangamutima y'abantu mu buryo burambuye, ndetse no mu isi y'imyambarire.

Ubu bufatanye budasanzwe hagati ya TECNO na VOGUE buragaragaza isano rikomeye TECNO ishaka kugirana n'imideli.

Avuga kuri ubu bufatanye na VOGUE, Jack Guo, Umuyobozi mukuru wa TECNO yavuze ko ari ihuriro rishya kandi rikomeye rya TECNO n’ubugeni no guhuza amarangamutima n’amafoto ndetse no kwibuka ibyiza bizafatwa n’iyi CAMON 20 Premier 5G ifite ikoranabuhanga riteye imbere. “Twizera ko imideli ari uburyo bw’ubuhanzi, kandi amarangamutima ni yo shingiro ryayo.”

Jack Guo ati: “Twishimiye gufatanya na VOGUE, ikigo kiyoboye mu isi y'imideli. Twese hamwe, dutangiye urugendo rw'impinduka, guhuza ikoranabuhanga n'ubuhanzi mu kongera imbaraga mu miterere y'imideli. Ubu bufatanye buzinjira mu buryo butangaje bwivugira, aho imyambarire iba uburyo bwiza bwo kwerekana amarangamutima yacu yimbitse.'

TECNO Mobile Rwanda yiteguye kugira uruhare mu mideri y'u Rwanda binyuze mu gufata amashusho atangaje na videwo zishimishije, mu gihe abantu bazajya bagenda bakoresha serivise za TECNO CAMON 20, terefone igezweho ifite ikoranabuhanga rigezweho ku isoko ry'u Rwanda. Ikindi kandi ikaba ikoreshwa n'umuhanzi wo mu Rwanda ukunzwe cyane Bruce Melodie, akaba ari n'umu Ambasaderi mukuru wa Tecno Rwanda.

Bishushanya intangiriro nziza y'imideri no guhanga udushya

Urukurikirane rwa TECNO CAMON rugizwe no guhuza imideli n'ikoranabuhanga ridasanzwe, bizana inganda kamera ziyoboye mu buhanzi bugezweho bwo gushushanya ibihangano bigezweho ku bakunzi b’ikoranabuhanga ndetse no kwerekana imideli ku isi. 

Urukurikirane rwa CAMON rwongera guha igisobanuro imideli binyuze muburyo bushya bwo kuyihuza n'ikoranabuhanga rigezweho. Abanyamideli bakibifite mu bitekerezo, serivise ya CAMON ibafasha kubishyira mu bikorwa.

Urugero rwiza, ni CAMON PUZZLE Igishushanyo mbonera. TECNO itewe inkunga n’abafite ibigo bifite izina mu rugandarw'imideli, TECNO irashaka gukoresha ibyo bitekerezo mu kongera kuvugurura imigaragarire ya telefone zigendanwa za CAMON 20. 

Binyuze mu guhanga udushya hamwe n'ibikoresho by'ikoranabuhanga, TECNO irashaka kwifashisha ubuhanzi, ikora terefone zigendanwa zidakoranye ikoranabuhanga riteye imbere gusa, ahubwo zinagaragara neza mu buryo butangaje.

Mukomeze mutegerezanye amatsiko menshi kureba ibyiza muhishiwe mu cyumweru cyahariwe imideli muri London hamwe n'ubufatanye bwa TECNO Mobile Rwanda n'abamurika imideli baho, mu kumurika terefone zigezweho za CAMON 20 Premier 5G. Ku bibazo byose wagira, nyamuneka ntuzuyaze kutuvugisha kuri [email protected].

TECNO, ni ikirango cy’ikoranabuhanga gishya gifite ibikorwa mu bihugu n’uturere birenga 70 ku migabane itanu. Kuva yatangizwa, TECNO yagiye ihindura ubunararibonye bwayomu buryo bugezweho ku masoko yose y'isi igenda itera imbere, ntiyahwema guharanira guhuza neza igishushanyo mbonera cya none, hamwe nikoranabuhanga rigezweho. 

Uyu munsi, TECNO yateye imbere irazwi cyane ku masoko akomeye, ihanga udushya tugezweho binyuze mu buryo butandukanye bwa terefone zigendanwa, imyenda ishobora kwifashishwa, mudasobwa zigendanwa na tableti, sisitemu y’imikorere ya HiOS, n’ibicuruzwa byo mu rugo bikoranwe ubuhanga. 

Iyobowe n'ikirangantego cyacyo cya “Stop At Nothing”, TECNO yiyemeje gufungura ikoranabuhanga ryiza kandi rishya kubantu bayikunda. Mugukora ibicuruzwa byiza, by'ubwenge, TECNO ishishikariza abakiriya bayok u isi yose kutazigera bareka gukurikirana ibyiza byabo no mu gihe kizaza cyiza.

Source : https://inyarwanda.com/inkuru/130592/imideli-nikoranabuhanga-tecno-yifatanyije-na-vogue-muri-style-in-motion-mu-cyumweru-cyahar-130592.html

Kohereza izi ntwaro ni intambwe ya mbere Moscou iteye iha igihugu cy'amahanga ibisasu biriho imitwe irimo ubumara biraswa mu ntera ngufi ariko bidafite ingufu za kirimbuzi zishobora gukoreshwa ku rugamba kuva Leta Zunze Ubumwe z'Abasoviyeti zasenyuka.

Mu kiganiro n'itangazamakuru Lukashenko yagize ati: “Dufite misile na bombe twakiriye zivuye mu Burusiya.”

Ati: “Ibisasu bifite imbaraga inshuro eshatu kurusha ibyajugunywe Hiroshima na Nagasaki”, ibi yabivugiye mu muhanda uri mu ishyamba imodoka za gisirikare zari ziparitse hafi ndetse n'ububiko busa nk'ubwa gisirikare bugaragara inyuma nk'uko iyi nkuru dukesha Reuters ivuga.

Ku wa Gatanu, Perezida w'u Burusiya, Vladimir Putin, yari yatangaje ko u Burusiya buzakomeza kugenzura izi ntwaro za kirimbuzi, buzatangira kuzohereza muri Belarus ububiko zizabikwamo nibumara gutunganywa.

Muri Werurwe, umuyobozi w'u Burusiya yatangaje ko yemeye kohereza intwaro za kirimbuzi muri Belarus, yerekana ko Amerika yohereje intwaro nk'izi mu bihugu byinshi by'u Burayi mu myaka mirongo ishize.

Leta Zunze Ubumwe za Amerika ariko zanenze icyemezo cya Putin ariko zivuga ko zidafite umugambi wo guhindura imyifatire yazo ku ntwaro za kirimbuzi kandi ko nta kimenyetso cyerekana ko u Burusiya bwitegura gukoresha intwaro za kirimbuzi.

Source : https://umuryango.rw/amakuru/mu-mahanga/umutekano/article/belarus-yatangaje-ko-intwaro-za-kirimbuzi-yemerewe-n-u-burusiya-zatangiye

Diabete irimo ubwoko bwinshi niyo mpamvu uyu munsi twateganyije kubanza kukubwira ibimenyetso bizakubwira ko ugiye kurwara Diabete yo mu bwoko bwa kabiri!

Kugira inyota

Uku gushaka ibyo kunywa biherekezwa no gushaka kwihagarika,gusonza,kuma iminwa,kugabanuka ibiro cyangwa bikiyongera cyane.

Kurwara umutwe

Kurwara umutwe udafite ikiwutera ndetse no kugira ibirorirori mu maso n'umunaniro biri muri bimwe mu bimenyetso bya diabete.

Indwara z'uruhu

Hari n'igihe bigera ko umenye ko ufite diyabete waratangiye kuzahazwa n'indwara zitandukanye

Kunanirwa no gutera akabariro

Ubundi iki ni ingaruka ya diyabete yageze mu mubiri ariko nkuko twabivuze hari abaza kwa muganga yaratangiye kubazahaza. Ushobora kwibaza se diyabete no gutera akabariro bihurirahe?

Ubundi diyabete irangwa nuko mu mubiri isukali yiyongera hanyuma ya sukali ikangiza udutsi tw'igitsina(blood vessels and nerves endings of penis).

Hari ingamba wafata kugirango ugabanye ibyago byo gufatwa nayo

• – kugabanya umubyibuho cyangwa ukabyirinda
• – Kwirinda kunywa inzoga n'itabi
• – Gukora imyitozo ngororamubiri
• – Kutarya ibinyamasukari byinshi

Gusa hari nibyo utakirinda kandi bifasha diyabete gufata umurwayi:

Gutwita

iyi diyabete iza ku cyumweru cya 24 utwise,igafata 3% by'abagore batwite. Impamvu nuko imisemburo(hormones) ikorwa n'ingobyi y'umwana (placenta) ituma agira ubudahangarwa ku musemburo wa insulin.

2.Ubwoko

Abantu bafite inkomoko ya hisipaniya,kavukire k'amerika,abanyafurika,ndetse n'aziya bafite ibyago byo gufatwa na diyabete , biturutse ahanini ku imirire yabo gakondo.

3.Umuryango

Iyi n'ihererekanwa mu muryango ,ku buryo iyo ufite umuvandimwe cyangwa umubyeyi uyifite nawe uba ufite ibyago byo kuyirwara

Source : https://umuryango.rw/ubuzima-115/article/ibimenyetso-bikwereka-ko-ugiye-kurwara-diabete-ku-buryo-wahita-wivuza-hakiri

Gicumbi: Umugabo yitwikiye inzu mu rwego rwo guhima umugore we

Uyu mugabo witwa Nsengiyumva John w' imyaka 53 akurikiranyweho gutwika inzu ye igashya n'ibikoresho byarimo bikangirika nyuma yo gucyeka ko umugore we amuca inyuma.

Ibi byabereye mu mudugudu wa Tanda, Akagari ka Tanda, Umurenge wa Giti, kandi amakuru yemeza ko usibye inzu ye yangiritse n' ibikoresho byarimo byahiye, harimo ibyo kuryamaho, ibiribwa , intebe n' ameza byose bikaba byarakongotse.

Uyu mugabo afungiwe kuri Sitasiyo ya RIB ya Bukure ngo hakorwe iperereza ryimbitse.

Amakuru avuga ko uyu mugabo yatwitse inzu ye agamije guhima umugore we yakekaga ko nawe amuca inyuma.

Uyu mugabo asanzwe abana n' umugore we witwa Nyirabikari Anisie w'imyaka 45, amakuru aturuka muri uyu murenge avuga ko ibikoresho byangiritse munzu ye bifite agaciro k' ibihumbi 250Frw,

Source : https://yegob.rw/gicumbi-umugabo-yitwikiye-inzu-mu-rwego-rwo-guhima-umugore-we/

Dore bimwe mu bihugu byemerera abagore kwigondera umugabo urenze umwe nta nkomyi

Mu mico y'ibihugu byinshi usanga hari abemera ko umuntu ashyingiranwa n'abantu 2 gusa ibi bikunze kuba ku gitsina gabo aho ari bo biganje mu batunze abagore barenze umwe kandi byemewe n'amategeko.

Gusa hari na bimwe mu bihigu usanga umugore yigendera abagabo barenze umwe bakabana kandi ntihagire ikibazo biteza, bityo twabateguriye bimwe mu bihugu bigerageza kwemera uyu muco wo gushaka abagabo barenze umwe kandi uri umugore.

1. Nepal

Mu 1963 Igihugu cya Nepal cyashyizeho itegeko ribuza abagore kuba bashakana n'umugabo urenze umwe, ariko abaturage bo muri icyo gihugu bo mu duce twa Humla, Dolpa na Kosi bo bubaha imico yabo kuruta amategeko ya Leta, aho benshi mu badutuye bizerera muri uwo muco bo banawushyira mu ngiro.

2. Nigeria

Abaturage bo mu bwoko bw'aba- Irigwe bo mu gihugu cya Nigeria, babayeho igihe kinini bagira uyu muco aho umugore yashakanaga na'abagabo barenze umwe bigafatwa nk'ibisanzwe, ariko akagira urugo rw'umugabo umwe abarizwamo ku buryo ari na we witwaga se w'abana bose uwo mugore yabyaraga n'ubwo bose bataba ari ab'uwo mugabo.

3. U Buhinde

Mu Majyaruguru y'Igihugu cy'u Buhinde mu gace ka Jaunsarbawar hagaragara ubwiganze bw'abaturage bo mu bwoko butandukanye bemera umuco wo kuba umugore yashakana n'abagabo barenze umwe, ndetse muri ako gace birakorwa cyane.

Uyu muco uvugwa cyane mu bo mu bwoko bw'aba- Jaunsar-Bawar.

Ni mu gihe ugaragara gake cyane mu duce twa Kinnaur na Himachal, ariko na ho birakorwa.

4. Kenya

Mu mwaka wa 2013 inkuru yabaye gikwira ko mu Gihugu cya Kenya ko hari abagabo babiri bemeye guhurira ku mugore umwe bakamwita uwabo kuko bamukundaga bombi, ndetse byakirwa nk'ibisanzwe

Ibyo byabaye mu gihe mu bihe bitandukanye hagiye havugwa inkuru z'abaturage bo mu bwoko bw'aba- Massai bo muri icyo gihugu, bagaragaweho uwo muco w'uko abagabo barenze umwe bemera gushakana n'umugore umwe bose babizi ko ari uwabo.

5. U Bushinwa

Mu Majyaruguru y'Igihugu cy'u Bushinwa hari abaturage bizera ko umwana ashobora kugira ba se barenze umwe, igihe abahungu babiri cyangwa barenzeho bahisemo gushakana n'umukobwa umwe bakamugira umugore wabo bombi.

Source : https://yegob.rw/dore-bimwe-mu-bihugu-byemerera-abagore-kwigondera-umugabo-urenze-umwe-nta-nkomyi/

Amakuru mashya kandi  yihutirwa ku bantu bose bakoresha Equity bank ndetse na Cogebanque.

Ikigo cy'abanya Kenya gitanga Serivisi za Bank gifite n'amashami mu Rwanda, Equity bank cyamaze gutangaza ko kigiye kunga ubumwe n'ikindi kigo cy'ubucuruzi nacyo gitanga Serivisi za Bank hano mu Rwanda aricyo Cogebanque.

Bidasubirwaho ubu Equity yamaze gutangaza ko igiye kugura imigabane ingana na 91.1% muri Cogebanque. Iyi migabane izagurwa akayabo kangana na million 48.1 z'amadollari ya America, angana na miliyari 55 z'amafaranga y'u Rwanda.

Ibi bivuze ko z'imwe muri sisitemu z'ibi bigo byombi zishobora gutangira gukora kimwe ndetse zikanakorana neza bidatinze mu gihe ibi bizaba biciyemo.

 

 

Source : https://yegob.rw/amakuru-mashya-kandi-yihutirwa-ku-bantu-bose-bakoresha-equity-bank-ndetse-na-cogebank/

Abafite abakunzi gusa: Dore amwe mu magabanga ukwiye kujya uhisha umukunzi wawe niba udashaka kumutera agahinda no guhangayika

1. Irinde kuvuga ko wanga umuryango we : Abahanga bavuga ko ibintu byose bidakwiye kuvugwa bitewe n'uko harigihe byangiriza ibyiyumviro by'ukumva.

Kutishimira umuryango w'umukunzi wawe bibaho rimwe na rimwe bigaterwa nuko nabo batagukunze,cyangwa warabanye n'umwana wabo batabikunze.Menya ko kuba warashakanye nawe,bidakuraho ko bakiri abavandimwe be igihe cyose wabavuga nabi yababara kandi akiyumva nabi.Niba utabakunda irengagize ukomeze ubuzima ahubwo ugerageze guhuza umuryango ubane neza mu rukundo.

2. Irinde kuvuga abantu bagukunda bo kuruhande: Kujya mu rukundo burya ntibibuza abandi kuba bagukunda niyo baba batemerewe kujya mu rukundo nawe.Iyo umuntu ari mu rukundo cyane cyane igitsinagore aba yifuza kumvako yakundwa wenyine,kandi akifuza ko ntawundi mwagirana umubano uretse we gusa.

Igihe wakunzwe n'abandi bantu ku ruhande ukabimenya,bikemure ubahakanire ariko wirinde kubwira umukunzi wawe ibyo gukundwa kwawe n'abandi,kuko bituma yumva adatuje cyangwa akagira urwango kuri abo bantu.

3.Impano uhawe yubahe : Abakunzi bakunze guhana impano ariko ukaba wakwakira impano utishimiye.Kuba utishimiye impano y'umukunzi ntago bikwiye ko ubimwereka cyangwa ngo umubwireko utayikunze,kuko bituma yumva ko uri intashima.

4.Gutuka umukunzi wawe kubera impinduka ku mubiri we: Benshi bisanga badatewe ishema nuko abakunzi babo basigaye basa.Urugero rwa hafi ushobora gushakana n'umugore ateye neza uko wifuza,yamara kuba umubyeyi akaba yabyibuha bidasanzwe ntubyishimire.

Niba umukunzi wawe yagaragaje impinduka nk'izo cyangwa izindi utishimiye,mufashe kugaruka ku muronko kandi ubikorane ubwenge utamubwira nabi,kuko yumvako isaha n'isaha wamwangira uko asigaye asa,bikaba byazana intonganya mu rukundo.

Source : https://yegob.rw/abafite-abakunzi-gusa-dore-amwe-mu-magabanga-ukwiye-kujya-uhisha-umukunzi-wawe-niba-udashaka-kumutera-agahinda-no-guhangayika/

Mu Rwanda: Umukobwa yanze umusore bakundanaga asanga uwufite amafaranga none uwo yanze yamuroze guhora mu mihango, none kugira ngo amukize hari ibyo ari ku musaba

Hari ibyo benshi bakunze kuvuga ko ubwiza bw'umusore ari mu mufuka (amafaranga) gusa abenshi biyibagiza ko n'abakene baba bakeneye urukundo kandi rw'ukuri.

Ibi byumvikanye ubwo umukobwa umwe yagishaga Inama cy'icyo yakora nyuma yo kwanga umusore ubu akaba yaramuroze guhora mu mihango, gusa umusore yavuze ko azamukiza ibi mu gihe yemeye kugaruka bagakundana.

Mu magambo ye umukobwa yagize ati 'Muraho,ndi umukobwa w'imyaka 26 nkaba narakundanye n'umusore nza kumukatira kuko nari nabonye undi wamurushaga amafaranga yarakoze na gym asa neza kabisa.

'None uwo nanze yandoze guhora mumihango ,uwo nari narasanze yaranyanze kubera icyo kibazo, none uwandoze yarambwiye ngo keretse nemeye kuzabana nawe nibwo nazakira.

Gusa Ikibazo sinkimukunda ariko ubu umwaka uruzuye byaranze kugenda,ese nemere mbane nawe ngo iki kibazo gikemuke?mungire inama pe

Source : https://yegob.rw/mu-rwanda-umukobwa-yanze-umusore-bakundanaga-asanga-uwufite-amafaranga-none-uwo-yanze-yamuroze-guhora-mu-mihango-none-kugira-ngo-amukize-hari-ibyo-ari-ku-musaba/

Kicukiro: Yari yaravuze ko azica umuntu akajya kurya ibigori bya Leta, Umugabo yishe umugore bararanye ahita yijyana kuri RIB

Mu karere ka Kicukiro mu murenge wa Kigarama akagali ka Nyarurama mu mudugudu wa Kivu, kuri uyu wa 14 Kamena 2023 Nibwo humvikanye inkuru y'inshamugongo y'umugabo wishe umugore bararanye agahita yijyana kuri RIB.

Umugabo witwa NSANZABAHARI arakekwaho kwica umugore bararanye agahita yijyana kuri RIB, gusa yabanje kumvikana avuga ko n'ubundi azica umuntu akajya kurya ibigori bya Leta nk'uko BTN TV dukesha iyi nkuru yabitangarijwe n'abaturage bo muri uyu mudugudu yari atuyemo.

Inzego z'Ubuyobozi zirimo RIB na Polisi y'urwanda bahise bagera ahabereye icyaha kugira ngo bakore iperereza ry'imbitse.

Source : https://yegob.rw/kicukiro-yari-yaravuze-ko-azica-umuntu-akajya-kurya-ibigori-bya-leta-umugabo-yishe-umugore-bararanye-ahita-yijyana-kuri-rib/

Nk'uko amakuru yatangajwe na Minisiteri y'itumanaho n'itangazamakuru avuga, ngo kungurana ibitekerezo na Jean-Pierre Lacroix bigamije kugera ku ntego zo kurangiza ibikorwa by'imitwe yitwaje intwaro ndetse no kwemerera leta kuzamuka mu mbaraga mu karere.

Muri urwo rwego, hemejwe ko ingabo za MONUSCO zimaze imyaka isaga 20 zikorera muri Repubulika ya Demokarasi ya Congo biteganyijwe ko zizava muri iki gihugu mu mezi 6 ari imbere. Ku bategetsi ba Congo, ngo iyi ni intambwe y'amateka ku gihugu nk'uko iyi nkuru dukesha Politico.cd ivuga.

Niba ibi bishyizwe mu bikorwa nk'uko bivugwa,RDC izaba ituye umuzigo w'ubusahuzi no gukingira ikibaba bagizi banabi bari mu mwambaro w'imitwe yitwaje intwaro yazengereje uburasirazuba bw'iki gihugu, bikorwa na MONUSCO ihamaze ibinyacumi by'imyaka.

Mu gihe gito gishize nibwo uburakari bw'aba kongomani bwazamutse bamagana izi ngabo za UN bashing kuba zitaragize icyo zibafasha mu gihe cyose bamaze, kuko haba umutekano,ibikorwa by'iterambere no kugarura amahoro nka bimwe mubyabazanye nta nakimwe wavuga ko bagezeho.

Source : https://umuryango.rw/amakuru/mu-mahanga/umutekano/article/rdc-guverinoma-yageze-ku-mwanzuro-wo-gusezerera-monusco-mu-mezi-6-aza