Author: webrwanda

Ikibazo:
Ni ayahe magambo abiri usoma uhereye inyuma, ntahinduke?
Igisubizo:
Yezu wizuye
Aya magambo aho wasoma uhereye hose ntahinduka. Geregarageza urebe: Ye-zu-wi-zu-ye (soma uhereye inyuma).

Source : https://yegob.rw/niba-uri-umuhanga-subiza-ni-ayahe-magambo-abiri-usoma-uhereye-inyuma-ntahinduke-igisubizo/

Umunyamakuru w'imikino ukunzwe na benshi hano mu Rwanda Sam Karenzi agiye gusezera itangazamakuru kubera FERWAFA yanze ubusaba bwa Gacinya Chance Danny.

Ku munsi w'ejo hashize muri FERWAFA habaye ikiganiro n'itangazamakuru bamenyesha abanyarwanda bose abakandida bemerewe kwiyamamaza mu matora ya FERWAFA ateganyijwe tariki 24 kamena 2023. Mu bakandida batemerewe harimo na Gacinya Chance Danny uzwi cyane mu ikipe ya Rayon Sports.

Kubera uku kutemererwa, umunyamakuru w'imikino Sam Karenzi nyiyumva ukuntu Gacinya yarenganye mu buryo bugaragarira buri wese ndetse yaje no kugira inama uyu mugabo wakuwe mu bakandida yo kujyana ikirego cye muri CAF ndetse byaba ngombwa bikanagera muri FIFA.

Sam Karenzi kuri uyu wa kane mu kiganiro akora buri munsi kuri Fine FM, yaje kumenyesha abanyarwanda bose ko Gacinya Chance Danny najyana ikirego mu nzego ziri hejuru amatora ntahagarikwe, azahita asezera ku itangazamakuru ajye gukora ibindi kubera ko ngo Gacinya afite kuri 100%.

Gacinya Chance Danny impamvu yatanzwe yatumye akurwa mu bakandida ni uko ngo hari ibintu ashinjwa bigaragaza ko ntabubyangamugayo yagaragaje muri uku kwiyamamaza kwe.

 

Source : https://yegob.rw/sam-karenzi-ukunzwe-cyane-mu-banyamakuru-bimikino-hano-mu-rwanda-agiye-gusezera-itangazamakuru-kubera-ferwafa/

Hadji Mudaheranwa Yussuf uherutse gutorerwa kuba mu bazayobora Inzibacyuho mu ishyirahamwe ry'umupira w'amaguru mu Rwanda 'FERWAFA' yageneye ubutumwa abakinnyi b'ikipe y'igihugu Amavubi abereka ukuntu bishoboka ko u Rwanda rwasubira mu gikombe cy'Africa ruherukamo 2004.

Mu ijambo yagejeje kuri aba bakinnyi, Hadji yababwiye ko bakwiye kutemerera Mozambique ko yabatsindira mu Rwanda ndetse kandi yababwiye ko abo bakinana nabo ari abantu nkaho bafite amaguru abiri.

Reba videwo aho hasi:

 

Source : https://yegob.rw/rwatubyaye-muri-abagabo-hadji-mudaheranwa-yageneye-ubutumwa-abasore-bamavubi-abereka-ukuntu-u-rwanda-rwasubira-mu-gikombe-cy-africa-videwo/

'Hari abagabo babyara nk'inzoka, ubwose uri umugabo udapfiriye umwana wawe wapfira iki' Mutesi Scovia mu magambo akakaye yagereranyije abagabo bihakana abana babo n'inzoka(Videwo)

Mutesi Scovia udasiba gukora ubuvugizi butandukanye ku bintu bitagenda neza kuri iyi nshuro abinyujije mu kiganiro cye cyitwa ingingo y'umunsi gitambuka kuri shene ye ya Youtube yifatiye ku gahanga abagabo babyabara abana bakabihakana aho yabagereranyije n'inzoka kuko ari yo nyamanswa ibyara nti yongere kumenya icyo yabyaye aho kiri cyangwa uko kibayeho.

Mu magambo akakaye Yavuze ko ubundi umugabo nyawe yagakwiye gupfira urubyaro rwe ndetse akarwitangira gusa we ababazwa n'uburyo hari abasore cyangwa abagabo bihakana abana babo nyamara bazi ibyo bakoze.

Gusa benshi mu basore bihakana bamwe mu bana babo bavuga bavuga ko atari bo baryamanye gusa, kandi byemezwa ko mu gihe nta bipimo bya gihanga byafashwe ntaho ukwiye guhera wihakana amaraso yawe.

Reba video hasi..

 

Source : https://yegob.rw/hari-abagabo-babyara-nkinzoka-ubwose-uri-umugabo-udapfiriye-umwana-wawe-wapfira-iki-mutesi-scovia-mu-magambo-akakaye-yagereranyije-abagabo-bihakana-abana-babo-ninzokavidewo/

Inteko Ishinga Amategeko ya Afurika y'Epfo yatoye itegeko rishyiraho ubwisungane mu kwivuza ku baturage bose busa nk'ubuzwi mu Rwanda bwa 'Mutuelle de santé'.

Ni ubwisungane bwitezweho gufasha abaturage benshi kubona ubuvuzi badahenzwe.

RFI yatangaje ko 16% by'abaturage ba Afurika y'Epfo ari bo bari basanganywe ubwishingizi bw'ubuzima bahabwa n'ibigo byigenga.

Source : https://yegob.rw/africa-yepfo-igiye-gushyira-mu-bikorwa-ibyo-bakopeye-u-rwanda/

Rubavu: Umwe muri za nsoresore ziyise abuzukuru ba shitani hari ibyamubayeho biha isomo abandi bakoranaga ubugizi bwa nabi

Mu gitondo cyo kuri uyu wa kane tariki 15 kamena 2023 nibwo izi nsoresore zo mu karere ka Rubavu mu mujyi wa gisenyi zazindukiye mu muhanda zitwaje intwaro gakondo zije kwambura abaturage ku manywa y'ihangu.

Bamwe mu batezwe n'izi nsoresore, barimo abamotari ndetse n'abandi bari bagiye mu mirimo yabo, aho bamwe babanje kubicaza hasi, bakabakubita bakanakomeretsa bakoresheje ibyo bikoresho bari bafite.

Umwe mu batanze amakuru, avuga ko hari umwe wari uzindukiye mu kazi atwawe n'umumotari, bagategwa n'izi nsoresore, zikabakubita zikabagira intere, nyuma hakaza kuza umunyegare na we bakamuhagarika ariko we agata igare, agakizwa n'amaguru, akaruhukira kuri Polisi.

Abapolisi bahise bajya kureba iby'abo bagizi ba nabi, bahageze na bo bashaka kubarwanya, ari bwo Umupolisi yahitaga arekura isasu rigahitana umwe muri izi nsoresore ziyise 'Abuzukuru ba Shitani', abandi bagakizwa n'amaguru.

Source : https://yegob.rw/rubavu-umwe-muri-za-nsoresore-ziyise-abuzukuru-ba-shitani-hari-ibyamubayeho-biha-isomo-abandi-bakoranaga-ubugizi-bwa-nabi/

Minisitiri w'Imari muri Leta Zunze Ubumwe za Amerika, Janet Yellen yemeye ko bari kubona ibihugu byinshi bigenda byipakurura ikoreshwa ry'idolari cyane cyane mu bubiko bw'amadovize yabyo, gusa agaragaza ko bagifite icyizere ko bitazarihungabanya cyane.

Ibihugu bitandukanye bimaze iminsi bigaragaza gushakisha andi mafaranga yo kwifashisha mu bucuruzi mpuzamahanga aho kurambiriza ku idolari.

Ni nyuma y'aho Amerika ikomeje kwifashisha ibihano by'ubukungu mu kwikiza ibihugu bitavuga rumwe nayo, nk'ibihano byafatiwe u Burusiya nyuma y'intambara na Ukraine.

Banki y'Isi igaragaza ko ibwizigame bw'amadovize mu madolari bwavuye kuri 85 % mu myaka ya 1970, bukagera kuri 60% mu 2022.

Ubwo Yellen yitabaga Komisiyo y'Inteko Ishinga Amategeko ya Amerika ishinzwe ubukungu, yavuze ko ikoreshwa ry'idolari ku ruhando mpuzamahanga riri kugabanyuka.

Ati 'Ntabwo bitangaje kuba hari ibihugu bifite ubwoba ko byagirwaho ingaruka n'ibihano byacu, bigashaka izindi nzira zitari idolari. Ni ibintu tugomba kwitegura.'

Yavuze ko nubwo ibihugu bimwe na bimwe bikomeje gushakisha andi mahitamo, idolari rizakomeza kuba ifaranga riyoboye isi mu gihe kirekire.

Ati 'Icyo tugomba kwitega ni ubwiyongere bw'andi madovize abitse mu yandi mafaranga atari idolari ariko idolari hari impamvu ariryo faranga rikomeye mu mikorere y'ibijyanye n'imari ku isi, nta gihugu cyabihindura. Ntabwo bizorohera igihugu kindi kizashaka kwipakurura idolari.'

Kwifatira ku gahanga u Burusiya bisa n'ibitaraguye neza Amerika kuko byakanguye ibindi bihugu, hashakishwa ubundi buryo byabika amadevize yabyo mu yandi mafaranga atari amadolari, kugira ngo ibyabaye k'u Burusiya bitazabibaho mu minsi iri imbere.

U Burusiya buri mu bya mbere byahise bihindura umuvuno, bitangira gusinya amasezerano n'ibindi bihugu bishaka kugira ibicuruzwa bigura mu Burusiya, ku buryo bishobora kwishyura mu Roubles y'u Burusiya, ama-Yuan y'u Bushinwa cyangwa Ama-Rupee y'u Buhinde.

Kuri ubu u Bushinwa buri mu biganiro n'ibihugu bitandukanye birimo na Arabie Saoudite, ku buryo ibikomoka kuri peteroli by'u Burusiya byajya byishyurwa no mu ma-Yuan aho kuba amadolari.

Ibi bihugu bitanu byihariye ubukungu bungana na 30% by'uburi ku Isi yose, ndetse mu 2050 biteganyijwe ko ubukungu bwabyo buzaba bugize 50 % y'ubukungu bwose Isi izaba ifite.

The post AMERIKA YEMEYE KO IDORARI RYAYO RIGEZE AHARINDIMUKA appeared first on FLASH RADIO&TV.

Source : https://flash.rw/2023/06/15/amerika-yemeye-ko-idorari-ryayo-rigeze-aharindimuka/?utm_source=rss&utm_medium=rss&utm_campaign=amerika-yemeye-ko-idorari-ryayo-rigeze-aharindimuka

Hirwa Nshuti wigaga mu mwaka wa ka kane w'amashuri abanza ku ishuri ribanza rya Mutusa riherereye mu kagari ka Rwesero mu murenge wa Kagano yapfuye ku cyumweru, ababyeyi be batangaza ko yishwe ni inkoni yakubiswe na mwarimu.

Nubwo nta gihamya ko uyu mwana yishwe n'inkoni yakubiswe, bamwe mu bana biganaga nawe bavuga ko uyu mwarimu yakubataga abana cyane ndetse byemezwa n'umwe mu babyeyi uharerera.

Ni mu masaha ya saa yine zishyira saa tanu, ku rusengero rwa ADEPR bazanye umurambo wa Ncuti Hirwa Philbert  witabye Imana ku cyumweru gishize ariko akaba yashyinguwe kuri uyu wa kabiri.

Karekezi Jean Pierre ati'nararamburaga nkareba ugasanga ni inkoni nkamubaza ntri ese izi nkoni wazikubiswe nande?ati ni mwarimu wazinkubise,ni uko abaganga baratubwira ngo ni ukujya ku bitaro bya Kibogora tugiye kuguha imiti ariko nutoroherwa uzahite ugaruka hano tukohereze ku bitaro,ku wa gatandatu yirirwa yarembye ataka ngo araribwa,nibwo yaje gusubira kwa muganga nabo bavuga ko atajya mu bitaro nyuma azakwitabimana gutyo.'

Iki kibazo ngo bakigejeje ku bashinzwe ubugenzacyaha mu karere ka Nyamasheke, nibwo umurambo bawujyanye mu bitaro bya Kacyiru ngo ukorerwe isuzuma, barasabwa ubutabera nyuma yo kubwirwa n'umwana wabo azize inkoni yakubiswe na Mutabazi Dani.

Ati'twamenyesheje amakuru RIB n'inzego zibanze,RIB niyo yaje kumutora imujyana ku bitaro bya Kibogora nyuma imujyana na Kigali ku Kacyiru ariko ibisubizo ntibabimenyesheje.'

Byatumye negera bamwe mu banyeshuri biga ku ishuri ribanza rya Mutusa, maze bambwira ko uyu mwarimu yarasanzwe abakubita nk'utari umubyeyi.

Umwe ati'numvise bavuga ngo yaramukubise cyane amukubita lakirete nyuma anamukubita umugeri.'

Uretse aba bana, hari umubyeyi we wemeza ko yakubise umwana we bituma umwana ava mu ishuri.

Nageze kuri iki kigo , ndebe ko mpasanga uwo mwarimu ariko sinabona ubuyobzi bw'iki kigo, amakuru dukesha bamwe mu baturage avuga ko uyu mwarimu ashobora kuba yarahise acika, ndetse hari amakuru yuko nimero ye irigusona nk'iri hanze y'u Rwanda.

The post Nyamasheke: Byari amarira n'agahinda mu gushyingura umwana bikekwa ko yishwe n'inkoni za mwarimu appeared first on FLASH RADIO&TV.

Source : https://flash.rw/2023/06/15/nyamasheke-byari-amarira-nagahinda-mu-gushyingura-umwana-bikekwa-ko-yishwe-ninkoni-za-mwarimu/?utm_source=rss&utm_medium=rss&utm_campaign=nyamasheke-byari-amarira-nagahinda-mu-gushyingura-umwana-bikekwa-ko-yishwe-ninkoni-za-mwarimu

Nyuma yo kubona ko hirya no hino mu mujyi wa Kigali hagaragara inzu zimaze imyaka myinshi zituzura , Ubuyobozi bw'umujyi buratangaza ko bwafasha icyemezo cyo korohereza abashaka kuzamura inyubako zijyanye n'igishushanyombonera kuburyo ubu umuntu yemerewe kubaka inzuba mu byiciro.

Hirya no hino mu mujyi wa Kigali hagaragaza   inzu zatangiye kubakwa ntizuzure,abaturage bakavuga ko hari ubwo ziba n'indiri y'abajura cg abanywerwamo ibiyobyabwenge ,kubwibyo bagasaba ko  ubuyobozi bwajya bwegera ba nyirazo bakaganirizwa  hakabrebwa ikibazo gihari gituma zitubakwa ngo zirangire kigashakirwa umuti.

Ati'icyakorwa ni uko umuntu yakubaka inzu akaba yayirangiza kuko niyo iheze hagati harigihe haba nindiri yibisambo.'

Undi yungamo ati'bajye baha umuntu icyangombwa cyo kubaka ariko banamutegeke kubaka anayisoze, atayigeza hagati ngo arekere.'

Ntitwashoboye kubona ba nyirizinzu zandindiye ngo batubwire ikibazo  bahuye nacyo . Gusa inzobere mubwubatsi NYANDWI SAMWEL ufite Kompanyi y'ubwubatsi SAM construction LTD agaragaza zimwe mu mpamvu zituma muri Kigali hagaragara inzu zadindiye zirimo ubushobozi bucye bwa ba nYirazo n'izindi.

Ati'ashobora uwo muntu kubaka nta byangombwa afite yagera hagati bakamuhagarika,ashobora gutegura kubaka agahura n'umufundi umubeshya akamubwira budget nto nyuma amafaranga akazamushirana n'ibindi n'ibindi.'

Ubuyobozi bw'umujyi wa Kigali bwemera ko hari ubwo umuntu atangira kubaka inzu ijyanye n'igishushanyo mbonera cy'umujyi yagera hagati amikoro akaba macye, kubw'ibyo ngo ubu usigaye wemerera abaturage bashaka kubaka inyubako ijyanye n'igihe kubaka mubyiciro nkuko MUHIRWA Marie Solange Umuyobozi Mukuru Ushinzwe Igenamigambi ry'Imiturire n'Imitunganyirize y'Umujyi aherutse kubibwirwa Abanyamakuru.

Ati'nibyo rwose koko harigihe uba wakoze umushinga nyamara imibare ntibihure ,sinzi niba babagaragarije ikintu cyo kubaka mu byiciro bitewe ni uko ubushobozi bubimwemerera,umuntu akaba yakubaka mu byiciro,abantu bafite inzu zitarangiye bakwiye kumenya ko ubu buryo buhari ariko bakabimenyesha abashinzwe imyubakire.'

Usibye inzu zadindiye, mu mujyi wa Kigali hanagaragara n'ibibanza bitubatse ndetse umujyi wa Kigali ugaragaza ko ikibanza kimaze imyaka itatu kitabyazwa umusaruro bene cyo acyamburwa kigahabwa abafite ubushobozi bwo ku kibyaza umusaruro cyangwa cyikajya mu mutungo wa Leta .

The post Kigali:Abubaka inzu ntibazuzuze haricyo basabwe n'umujyi wa Kigali appeared first on FLASH RADIO&TV.

Source : https://flash.rw/2023/06/15/kigaliabubaka-inzu-ntibazuzuze-haricyo-basabwe-numujyi-wa-kigali/?utm_source=rss&utm_medium=rss&utm_campaign=kigaliabubaka-inzu-ntibazuzuze-haricyo-basabwe-numujyi-wa-kigali

Nyuma y’uko baraye batsinze umukino wabo, maze ikipe Wydad bahanganye igatakaza, ikipe ya Imanishimwe Emmanuel [Mangwende], FAR Rabat yaba yemeye kurekura uyu mukinnyi akaza gukina umukino wa Mozambique.

Iyi kipe yo muri Maroc ntabwo yakozwaga kurekura uyu munyarwanda mu gihe urugamba rw’igikombe rwa shampiyona rugeze ahakomeye.

Hari hasigaye imikino 2 aho FAR Rabat yari iyoboye urutonde n’amanota 57 ikurikiwe na Wydad ifite 56.

Iyi kipe yari yabwiye Mangwende ko ntaho ashobora kujya kubera aho urugamba rugeze cyane ko umukino usoza shampiyona bazawukina tariki ya 17 Kamena na MAS de Fes, buri buke Amavubi akina na Mozambique.

Gusa uyu mukinnyi yari yasezeranyijwe ko nibatsinda Khouribga mu mukino waraye ubaye (bayitsinze 1-0) maze Wydad igatakaza imbere ya Hassania d’Agadir bazamurekura.

Ibintu byaje kugenda neza kuko Wydad yaje kunganya 0-0. Ubu ifite 57 mu gihe FAR Rabat ifite 60 bivuze ko ubu niyo yatsindwa umukino usoza shampiyona Wydad igatsinda OC Safi bahita banganya amanota 60 maze bakareba ikipe izigamye ibitego byinshi aho ubu FAR izigamye 29 n’aho Wydad izigamye 20, bivuze ko isabwa gutsinda ibitego bitari munsi 9.

Amakuru avuga ko nyuma y’umukino FAR Rabat yaraye itsinze, uyu mukinnyi agomba uyu munsi guhaguruka aho byitezwe ko azagera mu Rwanda ejo ku wa Gatnu agafatanya n’abandi kwitegura uyu mukino uru ku Cyuumweru.

Ni umukino w’umunsi wa 5 w’itsinda L mu gushaka itike y’igikombe cy’Afurika aho azakira Mozambique tariki ya 18 Kamena 2023.

Amavubi ari ku mwanya wa nyuma n’amanota 2, Senegal yamaze kubona itike ifite amanota 12 ni mu gihe Benin na Mozambique zifite 4.

Mangwende ashobora gukina umukino wa Mozambique

Source : http://isimbi.rw/siporo/article/inkuru-nziza-ku-mavubi