Hamaze kumenyekana amakuru atari meza ku bakunzi b'ikipe ya Manchester United yo mu gihugu cy'u Bwongereza ku mukinnyi wabakiniye imyaka igera kuri 12 yose.
Umunyezamu David De Gear wabaye ikimenya bose kubera ubuhanga budasanzwe afite hamaze kumenyekana amakuru y'uko uyu mugabo agomba gusohoka mu ikipe ya Manchester United muri iyi mpeshyi.
Uyu mugabo yakiniye ikipe ya Manchester United imikino igera kuri 415 mu gihe cy'imyaka igera kuri 12 yose ubu ntazongera kuyigaragaramo ukundi.
Biteye agahinda! Abana 2 bavukana bishwe urwagashinyaguro.
Mu gihugu cy'ubwongereza abana babiri basanzwe mu nzu bishwe urwagashinyaguro, bishwe batewe ibyuma.
Umwana umwe witwa John Ethan w'imyaka 11 na mushiki we Elizabeth w'imyaka 7 nibo basanzwe mu nzu iri mu mujyi wa Stoke-on-Trent ku muhanda wa Flax Street.
Aba bana basanzwe mu nzu na polisi ubwo police yari iciye hafi aho igiye kureba ikibazo cy'umugabo wari ari kogereza imodoka ahatemewe.
Hafashwe umugore ucyekwaho ko yaba yaragize uruhare mu rupfu rw'aba bana, nkuko byatangajwe n'umukuru wa police muri kariya gace. Iperereza riracyakomeje ngo hamenyekane ababa bagize uruhare muri urwo rupfu bose.
Â
Source : https://yegob.rw/biteye-agahinda-abana-2-bavukana-bishwe-urwagashinyaguro/
Hamaze kumenyekana inkuru y'akababaro ku bakunzi b'ikipe ya Manchester United yo mu gihugu cy'u Bwongereza.
Umukecuru wari umufana ukomeye cyane w'ikipe ya Manchester United akaba yari n'umufana ukomeye cyane w'umukinnyi Marcus Rashford yamaze kwitaba Imana nyuma y'iminsi mike arwaye.
Uyu mubyeyi amazina ye ni Jane Wandune wamenyekanye cyane nka Shosh wa Kinangop akaba yarabaye ikimenya bose kubera urubuga rwa TikTok n'uburyo yakundangamo ikipe ya Manchester United.
Source : https://yegob.rw/inkuru-yakababaro-ku-bakunzi-bikipe-ya-manchester-united/
Ikipe ya Kiyovu Sports itarahiriwe n'umwaka w'imikino hano mu Rwanda dore ko ibikombe byose yagiye ibitakaza mu buryo budasobanutse none na bamwe mu bakinnyi bayo bingenzi bakomeje kuyishiraho.
Ikipe ya Police FC y'umutoza Mashami Vincent watoje ikipe y'igihugu y'u Rwanda Amavubi ikomeje kwiyubaka mu buryo budasanzwe aho iri gusinyisha abakinnyi bakomeye cyane gusa kuri uyu munsi hari hatahiwe rutahizamu wa Kiyovu Sports Mugenzi Beinvenue.
Police FC yamaze gusinyisha amasezerano y'imyaka ibiri rutahizamu Mugenzi Beinvenue wakiniraga ikipe ya Kiyovu Sports.
Â
Ikipe ya Rayon Sports nyuma yo kuba irimo gushaka abakinnyi benshi kandi bakomeye, iyi kipe igiye gusezerera abakinnyi barenga 10 muri iyi meshyi.
Mu gihe hano mu Rwanda hafunguwe isoko ry'igura n'igurishwa ry'abakinnyi, Hari amakipe arimo kugenda asezerera abakinnyi cyane ikipe ya Kiyovu Sports yashimiye abakinnyi barimo Pitchou, Abedi, Bienvenue ndetse n'abandi bari bayihetse muri uyu mwaka turangije. Ntabwo ikipe ya Kiyovu Sports ari yo izasezerera abakinnyi benshi gusa, biravugwa ko APR FC na Rayon Sports nazo zamaze kumenyesha abakinnyi batigaragaje ko batangira gushaka aho bakerekeza.
Amakuru YEGOB twamenye ni uko ikipe ya Rayon Sports ubuyobozi buri gutegua gutandukana n'abakinnyi barenga 10 muri iyi menshyi. Muri abo bakinnyi amakuru twamenye harimo Paul Were, Rudasingwa Prince, Ndekwe Flex Bavakure, Mugisha Francois Masta, Tuyisenge Arsené, Nkurunziza Felicien, Twagirayezu Amani, Mbirizi Eric, Muvandimwe Jean Marie Vianey hamwe na Moussa Essenu Simba.
Ntabwo aba ari bo gusa Rayon Sports izatandukana nabo gusa, ahubwo harimo na Moussa Camara ndetse na Boubacar Traoré bumvikanye n'ubuyobozi bw'iyi kipe gutandukana mu buryo bw'ubwumvikane mu minsi ishize. Biranavugwa ko na Hakizimana Adolphe wafatiraga iyi kipe ko ashobora kugenda mu gihe ubuyobozi bwaba butamusezeranyije ko azaba ari umuzamu wa mbere kugirango yongere amasezerano.
Andi makuru ahari avuga ko Ndizeye Samuel yamaze gusohoka muri Rayon Sports yerekeje mu ikipe ya Police FC. Ikipe ya Rayon Sports nyuma yo gutwara igikombe cy'amahoro izaserukira u Rwanda mu mikino ya CAF Confederations Cup. Iyi kipe izasohokana na APR FC yatwaye igikombe cya Shampiyona.
Â
Minisitiri wa Siporo, Munyangaju Auarore Mimosa yavuze ko kuba Minisiteri yafasha amakipe ahagarira u Rwanda mu mikino mpuzamahanga bishoboka ariko na none iyi Minisiteri ikaba idakorana n’amakipe, ibyaba byose byanyura muri Federasiyo.
Yabivugiye mu kiganiro nyunguranabitekerezo Minisiteri ya Siporo, abayobozi b’amafederasiyo bagiranye n’abanyamakuru b’imikino mu Rwanda.
Ubwo yari abajijwe niba iyi Minisiteri itafasha amakipe aba agiye guhatana ku ruhando mpuzamahanga cyane cyane ko akenshi akunda kugongwa n’ikibazo cy’amikoro kandi hakaba hari aho bijya bigaragara ko ifasha amakipe amwe n’amwe, Aurore yavuze ko Minisiteri idafasha amakipe.
Ati “Ntabwo Minisiteri ifasha amakipe, ahubwo ifasha federasiyo gutegura.”
Aha niho yahise asobanura ko kuba bigaragara ko hari uburyo ifasha ikipe ihagararira u Rwanda muri BAL akenshi biba bishingiye ku masezerano u Rwanda rufitanye na BAL.
Aha niho yavuze ko u Rwanda niba rwemera gutanga amafaranga wenda binyuze nko muri Visit Rwanda (aho amakipe yose akina yambaye iki kirango), ikanagaragara muri Stade ahabera irushanwa, amasezerano avuga ko ikipe y’u Rwanda nayo igomba kugira uburyo ifatwa bwihariye ari ho bigaragara ko MINISPORTS isa niyifasha.
Bivugwa ko ikipe iba ihagarariye u Rwanda yo hari amafaranga ihabwa yo kwitegura ndetse ikagira n’umukinnyi umwe izanirwa kuyifasha bigizwemo uruhare na RDB.
Tugarutse ku bufasha, Minisitiri yavuze ko n’andi makipe bishoboka ko yabonerwa uburyo afashwa ariko binyuze mu mafderasiyo yayo.
Ati “Birashoboka ariko binyuze mu mafederasiyo kuko Minisiteri nk’uko nabivuze ntifasha amakipe.”
Ni kenshi cyane cyane nko mu mupira w’amaguru amakipe yagiye ahagararira u Rwanda mu mikino Nyafurika yagiye agongwa n’ikibazo cy’amakoro.
Hari nka Mukura VS nyuma yo gusohoka byayigizeho ingaruka aho yanamaze hafi amezi 7 idahemba abakinnyi bayo, AS Kigali yahuye n’ikibazo cy’amikoro yatewe no gusohoka n’andi.
Komisiyo y’amatora yatangaje ko kuba Gacinya Chance Denis yangiwe kwiyamamaza muri Komite Nyobozi ya FERWAFA kubera ubunyangamugayo buke aho yabehsye.
Gacinya Chance Denis yari yatanze kandidatire ku mwanya wa visi perezida wa kabiri muri FERWAFA ushinzwe tekinike mu matora azaba tariki ya 24 Kamena 2023.
Komisiyo y’amatora yaje kugaragaza ko atemerewe kwiyamamaza ajya kujurira muri Komisiyo y’ubujurire maze ivuga ko ubujurire bwe bufite ishingiro yemerewe kwiyamamaza.
Uyu munsi Komisiyo y’amatora yaje kongera kumumenyesha ko atemerewe kwiyamamaza muri aya matora kubera ko atujuje ubunyangamugayo.
Kalisa Adolphe ukuriye Komisiyo y’amatora mu kiganiro n’itangazamakuru yagize ati “Biragoye gupima cyangwa kuvuga ngo ubunyangamugayo burahera aha bugere aha. Usanga umuntu abaha amakuru atuzuye, ni cyo gihari. Habaho kwakira icyangombwa, tukemera ko twakibonye, ariko dushobora gusanga icyo watanze kitujuje ibisabwa [kitameze uko cyifuzwa]. Ni ho havuye yego na oya. Ibaze ko byabaye ku muntu w’inzobere umaze igihe mu mupira. Na Moussa [Hakizimana] byamuhayeho.'
'Hari aho ubaza umuntu niba yaba yarigeze gukurikiranwa n’inkiko, akakubwira oya. Yazana icyemezo cy’uko atafunzwe [Gacinya yazanye icyerekana ko yakatiwe], ugasanga biratandukanye. Ibyaha yahamijwe ni inyandiko mpimbano, ubuhemu no gukoresha inyandiko mpimbano. Hari urundi rubanza rwa kabiri, yahamijwe gukubita no gukomeretsa [kandi ni we wabituzaniye hano].'
Kalisa yagaragaje ko Gacinya yatanze icyemezo cyerekana ko atigeze afungwa ariko hari ingingo zimuzitira.
Yagize ati 'Twabonye icyemezo cy’Ubushinjacyaha Bukuru kigaragaza ko atigeze afungwa amezi atandatu. Guhamwa n’icyaha ni kimwe no gukatirwa ni ikindi. Yahamwe n’icyaha ariko hari n’izahabu yaciwe. Na cyo ni igihano. Hamwe yaciwe miliyoni 5 Frw, ahandi acibwa ibihumbi 100 Frw.'
'Amategeko ya FIFA [ingingo ya 75] avuga ko niba mu myaka itanu warahamijwe icyaha, utemerewe kuba mu buyobozi bw’Ishyirahamwe, ikipe cyangwa Komisiyo.'
Abakandida bemerewe
Muri rusange abari biyamamaje bari 24 ariko abemerewe, bujuje ibisabwa ni 18 ariko umwe akuramo kandidatire hasigara 17.
Ku mwanya wa perezida ni Munyatwali Alphonse wiyamamaje wenyine.
Ku mwanya wa visi perezida ushinzwe imiyoborere n’imari ni Habyarimana Matiku Marcel ni mu gihe visi perezida wa kabiri ushinzwe tekinike hiyamamaje Mugisha Richard.
Ku mwanya wa Komiseri ushinzwe imari batatu nibo bemerewe kwiyamamaza ni 2; Rugamba Jean Marie na Niwemugeni Chantal.
Ku mwanya wa Komiseri ushinzwe kumenyekanisha ibikorwa no gushaka inkunga hiyamamaje Rwankunda Quinta wenyine.
Kuri Komiseri ushinzwe amarushanwa hiyamamaje 2, Turatsinze Amani Evariste na Nyiringabo Rodrigue Diallo.
Ku mwanya wa Komiseri ushinzwe tekinike n’umupira w’amaguru hiyamamaje abakandida 2 barimo Habimana Hamdan na Ndayiragije Bosco ariko Ndayiragije yaje gukuramo kandidatire ye.
Mukanka Ancilla ni we wiyamamaza wenyine ku mwanya wo kuba Komiseri ushinzwe umupira w’amaguru w’abagore.
Babiri, Rurangirwa Louis na Ntageruka Jerome nibo bahataniye umwanya wa Komiseri ushinzwe umutekano n’imyitwarire myiza mu mukino.
Ku mwanya wa Komiseri ushinzwe amategeko hariho Gasarabwe Claudine ni mu gihe ku mwanya wa Komiseri ushinzwe ubuvuzi bwa Siporo ari Gatsinzi Herbert.
Komiseri ushinzwe amakipe y’igihugu uhanganiwe n’abantu 3 ari bo; Bizimungu Clement na Ngendahayo Vedaste
Abataremerewe 6 ni Gacinya Chance Denis, Kanamugire Fidele na Rukundo Eugene bose bari wiyamamarije ku mwanya wa visi perezida wa kabiri ushinzwe tekinike.
Abandi ni Murangwa Eugene wari wiyamamaje ku mwanya wa Komiseri ushinzwe tekinike n’iterambere ry’umupira w’amaguru, Mutesi Gloria wiyamamaje ku mwanya wa Komiseri ushinzwe umupira w’amaguru w’abagore na Hakizimana Moussa ku mwanya wa Komiseri ushinzwe ubuvuzi bwa Siporo.
Umunyamakuru w’imikino ukunzwe n’abatari bake mu Rwanda wakoreraga Radio Flash, Mahoro Nasri yatandukanye n’iyi Radio yari amazeho imyaka 8.
Uyu munyamakuru wakunzwe cyane bitewe n’ubusesenguzi bwe ku mikino cyane cyane ku mupira w’i Burayi, yerekeje kuri Radio ya B&B FM.
Mahoro Nasri akaba yari amenyerewe mu kiganiro ‘Evening Drive’ gitambuka kuri iyi Radio kuva saa 15h-19h aho yakoranaga na Kwikiriza William.
Uretse iki kiganiro kandi akaba yarigaruriye imitima ya benshi mu gisata cyo kogeza imipira, ubuhanga abifitemo ni kimwe mu byatumye na B&B FM imubenguka.
Iyi radio ikaba yamuhaye ikaze mu rugo rushya na we arabyemeza, iyi radio 80% by’iganiro byayo biba ari imikino aho byitezwe ko n’ubundi azajya yumvikana mu kiganiro cya nimugoroba kibanda ku makuru y’i Burayi aho azajya akorana na Uwihanganye Fuade na Gicumbi.
Source : http://isimbi.rw/siporo/article/nyuma-y-imyaka-8-umunyamakuru-mahoro-nasri-yatandukanye-na-flash-fm
Umutoza w’ikipe y’igihugu y’u Rwanda umunya-Espagne, Carlos Alós Ferrer ari mu ihurizo rikomeye nyuma y’uko myugariro Emmanuel Imanishimwe [Mangwende] ikipe ye ya FAR Rabar yamwimanye.
Imanishimwe Emmanuel yahamagawe mu bakinnyi 28 Carlos Alós Ferrer azifashisha mukino w’umunsi wa 5 w’itsinda L mu gushaka itike y’igikombe cy’Afurika aho azakira Mozambique tariki ya 18 Kamena 2023.
Uyu myugariro wo ku ruhande rw’ibumoso akaba yagombaga kugera mu Rwanda ejo hashize tariki ya 13 Kamena 2023 ariko ntiyaje.
Ikipe ye FAR Rabat ikaba yamwimye uruhushya kuko iri mu minsi ya nyuma ya shampiyona aho iyoboye urutonde n’amanota 57 ikurikiwe na Wydad n’amanota 56.
Iyi kipe rero ikaba yanze kumurekura kubera ko uyu munsi ifite umukino na Khouribga ni mu gihe ku wa Gatandatu bafite umukino usoza shampiyona na MAS de Fes.
Ntabwo byakunda ko yakina uyu mukino kubera ko Mangwende azakina umukino usoza shampiyona tariki ya 17 Kamena ni mu gihe Amavubi azakina na Mozambique tariki ya 18 Kamena 2023.
Umutoza w’ikipe y’igihugu, Carlos Alós Ferrer yavuze ko kubura uyu mukinnyi ari igohombo gikomeye cyane.
Ati “Imanishimwe ni umukinnyi mwiza kandi dukeneye umukinnyi wacu mwiza ku mukino wa Mozambique. Yego ni igihe cy’amakipe y’igihugu FIFA iba yarashyizeho. FAR Rabat nayo irimo kurwanira igikombe cya shamoiyona, rero bafite imikino 2 y’ingenzi. Tuzareba ikizaba.”
Kubura Mangwende kuri uyu mukino ni igihombo gikomeye kuko ni umukinnyi ngenderwaho mu Mavubi.
Amavubi ari ku mwanya wa nyuma n’amanota 2, Senegal yamaze kubona itike ifite amanota 12 ni mu gihe Benin na Mozambique zifite 4.
Myugariro w’Amavubi, Manzi Thierry yavuze ko umukino wa Mozambique ari umukino wo gupfa no gukira kuko ari wo uzagena niba kubona itike y’igikombe cy’Afurika cya 2023 izaboneka.
Tariki ya 18 Kamena 2023, Amavubi azakira Mozambique mu mukino w’umunsi wa 5 w’itsinda L mu gushaka itike y’iki gikombe.
Amavubi arasabwa gutsinda imikino yayo yose ibiri isigaye (Mozambique na Senegal) ni mu gihe ubu iri ku mwanya wa nyuma n’amanota 2, Senegal yamaze kubona itike ifite amanota 12 ni mu gihe Benin na Mozambique zifite 4.
Manzi Thierry ndetse ushobora kuzaba ari kapiteni w’Amavubi, yavuze ko ari umukino bafashe nk’umukino wa nyuma ndetse ko ibyo baganira bagomba kuwutsinda.
Ati 'Ni nka 'finale’ kuri twe, ntekereza ko ibyo turi kuganiraho byose mu mwiherero no mu myitozo ari uko tugomba kubona intsinzi kuri uyu mukino.'
Yasabye abanyarwanda ko bagomba kuza kubatera ingabo mu bitugu cyane ko nubwo hari igihe byanga ariko baba bifuza kubikora, gusa kuri iyi nshuro bagomba gutsinda.
Ati 'Ibyo nabwira Abanyarwanda ni uko bagomba kuza bakatuba inyuma kandi twebwe ubwacu turifuza kubikora. Rimwe turabigerageza bikanga, ariko tugomba gushaka iyi ntsinzi Abanyarwanda banyotewe.'
Ku ngingo y’agahimbazamusyi baheruka gusaba kongererwa, yavuze ko nta cyo yabivugaho kuko hari ubuyobozi burimo kubyigaho.
Ati 'Ibijyanye n’amafaranga ntacyo nabivugaho, byose twabihaye ubuyobozi buri kubyigaho kandi igisubizo kizaboneka. Ni ahacu ho gushaka intsinzi, yaboneka natwe kubaza icyo tuyibonaho.'
Biteganyijwe ko Amavubi azamanuka i Huye ku munsi w’ejo tariki ya 15 Kamena 2023 ari ho azakorera umwiherero mu minsi isigaye kugira ngo umukino ube.
