Author: webrwanda

Aya makipe yamenyekanye nyuma ya tombora yabaye uyu munsi y’uko amakipe azahura mu mikino nyafurika ya CAF Champions League ndetse na CAF Confederation Cup. 

Iyi tombora yabereye ku biro bikuru by’impuzamashyirahamwe y’umupira w’amaguru muri Afurika, CAF, i Cairo mu Misiri.

Ikipe ya Rayon Sports izahagararira u Rwanda muri CAF Confederation Cup bitewe nuko ariyo yegukanye igikombe cy’Amahoro cya 2023, yatomboye kuzahura n’ikipe izava hagati ya Kakamega Home Boys yo muri Kenya ndetse na Al Hilal yo muri Libya zizaba zikina ijonjora ry’ibanze.

Impamvu ikipe ya Rayon Sports yo itazakina ijonjora ry’ibanze ni uko iri mu makipe yahawe icyubahiro na CAF bitewe n’umusaruro mwiza yagize mu mikino nyafurika yo muri 2017-2018. 

Muri uwo mwaka w’imikino ni bwo iyi kipe ya Rayon Sports yari yagarukiye muri 1/4 mu mikino ya CAF Confederation Cup.

Rayon Sports izahura n’ikipe izava hagati ya Kakamega Home Boys yo muri Kenya ndetse na Al Hilal yo muri Libya 

Rayon Sports izahokera u Rwanda nyuma yo kwegukana igikombe cy’Amahoro cya 2023

Umuhanzi, umwanditsi, umukinnyi wa Filime n'ikinamico Niyitegeka Gratien uzwi nka Papa Sava ndetse na Seburikoko, uri mu bamaze kwigarurira imitima ya benshi mu Rwanda, yagiranye ikiganiro cyihariye na InyaRwanda.

Papa Sava ukunzwe muri filime, ni umusore w'imyaka 43 y'amavuko wavukiye mu karere ka Rulindo, akaba afite impamyabumenyi y'icyiciro cya 2 cya Kaminuza yakuye muri Kaminuza y’u Rwanda mu yahoze ari KIE.

Akunze kumvikana mu makinamico y'Itorero Indamutsa akina ari umusaza, cyangwa umugabo ukuze, iyo bihujwe no kuba hari aho akina yitwa Papa Sava muri filime ye bwite, hari abashobora kugira ngo ni umugabo wubatse ufite urugo n'abana ariko si ko biri kuko mu buzima busanzwe aracyari ingaragu.

Mu kiganiro kiryoheye amatwi yagiranye na inyaRwanda, Niyitegeka Gratien yavuze byinshi kubijyanye n'umuwuga we bimwe nabimwe bitari bizwi.

Yatangiye asobanura impamvu ikomeye yo kuba ahorana morare, ko ari ukubera ntacyo Nyagasani yamwimye nta n'impamvu yo kuba yahekenya amenyo ngo arakare cyangwa abure morare.

Ikindi ni uko mu minota itanu gusa bimusaba kuba yatekerejeho icyaba kimubabaje mu gihe adafite uko agikemura akakihorera akakivaho agakomezanya n'ibindi.

Umuhanga muri cinema nyarwanda, yagaragarije inyaRwanda ko nta munsi n'umwe yigeze yumva yakoresha ijambo abenshi bakunda gukoresha rifite amaganya n'agahinda rya 'iyaba nari mpfuye'.

Kuri we Nyagasani asa n'umusingi w'ibibazo byose yabaza, kuruta kwicira urubanza cyangwa kwibaza ibibazo adafitiye ibisubizo.

Abenshi bamuzi nka Seburikoko, Sekaganda na Papa Sava, kuko ari bimwe mu bihangano yakinnyemo.

Mu bintu bibiri yaba yahuye nabyo atekereza kuba atakwifuriza undi muntu uwo ariwe wese guhura nabyo harimo amwe mu mateka yaranze igihuga atari meza ariyo Jenoside yakorewe Abatutsi mu 1994.

Mu mbamutima ze yagaragaje ko Inkotanyi ari ubuzima aho abanyarwanda bongeye kubona umucyo w'ubuzima nyuma y'umwijima wari ubazengurutse nta buhungiro.

Icya kabiri atakwifuriza undi muntu ni kuva mu buzima bwiza ukajya mu buzima bubi, imwe mu ngorane yahuye nazo aho byageze akajya guhingira amafaranga yo kuba yakomeza imibereho mu buryo bw'imirire, no kubona ay’ishuri bisaba kuyahingira.

Kuva mu 1995 yatangaje ko yatangiye kubona umugisha kuri we ari nabyo byabaye imbarutso ye yo gutangita guhanga no kwandika bitangira kumuha umusaruro agahembwa.

Uyu mugabo yahishuye ko agasembuye afataho gusa, afata akari butume atananirwa kwiyobora ngo birangiye abo bari kumwe bamubonye ukundi kutari uko asanzwe agaragara imbere yabo.

Niyitegeka yagaragaje ko atemera neza igereranwa rya muzika nyarwanda na sinema kuko nta na kimwe wagereranya n'ikindi.

Yasabwe kugaragaza ishusho y’uko byari bimeze mu myaka ishize mu ruhando rwa sinema, agaragaza ko mbere mu myaka itambutse u Rwanda rukimara kwibohora, byagoranaga kubona umunyarwanda ariwe uyoboye izo sinema.

Avuga bakoreshwaga gusa mu kuzikina. Bigaragara ko icyo gihe sinema itari yakagize ishusho yo kuba yashorwamo amafaranga.

Ati 'Njye sinari nzi ko nzakina cinema, nayinjiyemo mu 2009 nabwo bampamagaye ariko urebye nyine byari ukwiyeranja, bikomeza kuzamuka buri bantu bagenda bakora ibyabo, abandi ibyabo, bimwe bishimwa ibindi bigawa. Tugumya gukutuza tuvuga ngo ubyina nabi aruta uwicaye' 

Niyitegeka agaragaza aho sinema igeze abifatanyije n'urugendo rwo kwibohora mu Rwanda ku myaka 29, ati 'Ubu muri iki gihe aho tugeze ibitangazamakuru byo hanze birashaka filime zacu, abantu baratsinda abantu bacu barimo kujya gukinayo'.

Yerekanye ko hasigaye hari inzira nyinshi zo kwerekaniramo cinema harimo Televiziyo y'igihugu,  Youtube channels, Canal+ kuri Zacu Tv, n’ahandi.

Niyitegeka yavuze ko bitaramubaho “kubura icyo yakwandika” akaba yakwifashisha abanditsi bagenzi be, ahubwo ko haba gusangira ibitekerezo hakarebwa igitekerezo gikomeye akaba ari cyo cyakorwa kandi hakavamo ibintu bikomeye kandi byiza.

Akenshi buri muntu agira ibyo yashimirwa cyangwa yanengwaho. Uyu muhanzi nawe yagarutse ku byo benshi akorana nabo bamushimira cyane cyane kuba bamufata nk'umubyeyi wabo

'Mba numva nuzuza inshingano zanjye nyine, icya mbere ni ugufasha abo bantu nabo bakagira icyo bakuramo, ubwamamare bakaba bashaka n'akazi ahandi kuko ntabwo mfite icyo mbahemba. Si ukuvuga ko ntabahemba, ahubwo icyo mbagomba ndakibahereza.

Ikindi cya kabiri ni uwakosa bidakabije bitarimo bya bindi byo gucanamo mukaba mwamukosora ariko mukagumamo. Ikindi mukaba nk'umuryango nkeka ko ari aho biva'.

Burya uyu muhanzi si ugukina n'ubusizi gusa, afite n'impano yo gusabira abageni nk’uko byagaragaye mu mashusho arimo gusaba umukobwa. Yatangarije inyaRwanda.com ko 'bwari ubukwe bw'umu camera man wacu muri Papa Sava mu 2018 Louis Udahemuka twatangiranye'.

Ibi byabaye nyuma y'uko umusore amugaragarije ko amufata nk'umubyeyi we kandi agomba kumusabira umukobwa n'ubwo Niyitegeka yabanje kwanga avuga ko binyuranyije n'umuco nyarwanda kuba ingaragu yajya gusaba umukobwa, gusa kubera umusore yinginze byarangiye yemeye ajya kumusabira.

Zimwe mu mpamvu zituma icyanga cya filime ya Papa Sava kidatakara

Niyitegeka avuga ko icya mbere ni uko yanditse, guhitamo inkuru hanyuma ukayandika 'Script', aha ni icyanga cy’uko yanditse ni cyo gituma ihora ifite umwimerere bwite wayo.

Kwirinda amarangamutima mu guhitamo abakina, aha asobanura neza ko biba byiza iyo buri gace ugahaye ugakwiriye niba ari umuntu uvuga cyane umuhereze ibyo kuvuga cyane kugira ngo filime ibashe kuryoha.

Gushaka uturyohera matwi cyangwa utu gobeko; aha ni ugushaka uko washyiramo utuntu dutandukanye turyoheye amatwi aho umuntu adashobora kuruha kuyireba ugasanga ifite umwimerere w'uko yatangiye n’uko yarangiye.

Niyitegeka mu gusubiza niba nta mahugurwa ajya atanga ku bantu bamukeneye cyangwa abakozi be, yasubije agira ati 'Njyewe ubu ngubu ndashaka ahubwo gutoza, kwigisha abantu guha ubumenyi mfite muri one man's show”.

Asobanura ko “One man's show niyo igira abakinnyi abo bari bo, kuko muri one man show abo bantu tuzafata ntabwo uba werekana 'talent' impano imwe, ni ukuvuga ko ukoresha hafi isaha imwe uri umwe ari byo bigusaba gushyiramo imivugo, ibyivugo, kubyina, ni byo rero nshaka gutoza”.

Zimwe mu ngaruka za covid yamugizeho harimo kuba n'igikorwa cye cya ‘One man's show’ cyarahagaze kubera ubukungu bwahise bumanuka.

Yavuze hanze ko batangiye gushakisha abafite impano zitandukanye binyuze muri 'One man's show casting' aho ufite impano yumva yagaragaza abandikira kuri 'e-mai'l ubundi bakazahitamo abazakomeza kugera ku rwego rwo kujya kuri one mans show.

Yagaragaje ko igitekerezo cya 'Gens comedy' ari ishoramari ribyihishe inyuma kuko si buri umwe wagira iki gitekerezo. Yashimangiye ko mu gihe uruganda rufite abantu batekereza igikorwa nk'iki, cyo guhamagara abantu, bizagera kure kandi bizagenda neza.

Yagaragaje imbogamizi zigera kuri 3 sinema nyarwanda igifite kandi zihangayikishije harimo; kuba nta mashuri ahari yabyo kuba byakwigwa kandi bigakundwa, ikindi ni ukuba hacyenewe ibikorwa remezo byo gukoreramo. Ikindi n’abashoramari bakeneye kwiyongera ku rwego rwo hejuru.

Niyitegeka yabwiye inyaRwanda ko ashimira abanyarwanda kuba baramubyaye, kuba bamukunda, anabasaba kubikomeza cyangwa se yaba anagiye bagafasha n’abandi bari munsi ye.

Yavuze kandi impamvu nyamukuru ituma comedy ari yo ikomeye mu ruganda rwa cinema, ati 'Ni uko icya mbere iroroshye kuko ishingiye ku bumenyi n'umuco w'umuntu, ahantu ahari ho hose yayihakinira. 

N’iyo yaba mu musarane, n’iyo haba mu gihuru, ariko ziriya za 'action' ari amatara, ari amajwi, ari inzu ari ibyo uri butwike, iyo ubabeshye, abantu barabibona'.

Zimwe mu nzozi yaba yararotaga ni uko yabaye umwarimu kandi akaba yarabaye icyamamare. Ikindi yakira ko ari ishimwe aha Imana ni ukuba yibona mu mihanda akunzwe cyane.

Yatanze inama ku muntu ufite impano ko agomba guhaguruka bakigaragaza kugira ngo abashe kuzamuka neza. 

Mu gusoza, yavuze ko kubera uko akunda ibitaramo byo hanze, harimo ibyinshi yakwemera akishyura miliyoni kubera uko biba biteguye neza cyane mu gihe bije gukorerwa mu Rwanda.  

Niyitegeka amaze gutwara ibikombe byinshi muri sinema nyarwanda

 

Niyitegeka ari mu bakinnyi b’abahanga cyane muri sinema nyarwanda

Ikigaragarira ijisho rya benshi ni uko ibitaramo birimo urwenya bisigaye byitabirwa cyane

Niyitegeka yagaragaje ko “Comedy show” ari ishoramari rikomeye ndetse uwarisobanukirwa ntiryamuhombera

Ubusanzwe umugabo ashobora kuvuga cyangwa gukora ikintu kimwe kikaba kibumbatiye byinshi bijyanye n'ibyo atekereza ariko burya ngo mu guhoberana byo ni akarusho.

Sobanukirwa ibyiza n'ibibi bishobora gutambutswa nk'ubutumwa igihe umugabo cyangwa umusore aguhobeye.

1. Kuguhobere kubera ari ngombwa

Ibi ni nka cya gihe winjira ahantu ari kumwe n'abandi akaba yaguhobera nk'uko biri kugenda no ku bandi. Aha ashobora kuguhobera muri mu bandi akaba yanagusoma. 

Ibi akenshi ntukwiye kubyuririraho ngo ufate umwanzuro w'uburyo mubanye kuko hari ubwo abikora agaragaza ko aguhaye ikaze mu nshuti ze, hakaba n'ubwo abikoze kuko byari ngombwa nk'uko yaba yabikoreye abandi ndetse mukaba mutahura mwenyine ngo aguhobere gutyo.

2. Niba aguhobera mwihishe gusa, aba akwanga

Umusore uzaguhobera kuko muri mwenyine ntafungure amarangamutima ye ngo aguhoberere no mu bandi aba akubeshya ntaba agukunda. Akenshi umuntu ukunda ntuterwa ipfunwe no kubigaragaza mu ruhame. Umusore nk'uyu uzagerageze kumuhoberera mu ruhame urebe uko bigenda, hari ubwo azakwishisha cyangwa ubone ko bimuteye kudatekana, uzamenye ko mutari mu murongo umwe.

3. Kuguhobera ubona ko abihubukiye

Hari umuntu uzaguhobera nk'umurabyo ku buryo bingana n'akanya umuntu ahumbyamo. Uko guhoberana guteye gutyo byerekana ko adashishikajwe nawe cyangwa adatewe ishema no gukomeza ahoberanye nawe igihe kirekire. 

Bishobora kugenda bikemuka uko mugenda mumarana igihe ariko niba utekereza ko koko akwiyumvamo cyane, akaba agutinya ntabivuge, mwikururire umumarane umwanya muto, urebe uko bigenda. Abasore bakunda igitsinagore kizi gufata iya mbere kuruta bamwe bagenda goyigoyi mu bintu.

4. Igihe agaragaza ko akeneye cyane ko muhoberana, arifuza kukuba hafi

Abasore baba bashaka kwitwara neza no kubika amarangamutima yabo, bategereza ko umukobwa ari we uza abasanganira ngo abahobere. Aba uzabona kenshi bitaruye aho uri kandi badashaka kukwegera. 

Ariko ubwo azarambura amaboko ye akaguhobera ntumwangire, arifuza ko umubiri wawe wegerana n'uwe. Uko guhoberana kuba kuzuye amarangamutima kandi uzasanga kutitaye ku hantu biri gukorerwa.

5. Kuguhobera n'amaboko yombi cyangwa kumwe

Umusore uguhobera n'ukuboko kumwe byerekana ko atakwitayeho (ubusanzwe babyita gukoza imbagara). Naho urekura amaboko ye yose aba ari kuguha agaciro kose ukeneye. 

Umusore w'ukuri ntahisha amarangamutima ye y’uko akwiyumvamo cyane iyo agukunda, aguhobera wese ntacyo yikanga, yerekana ko ntacyo yagukinga kandi ko atakwishisha.

6. Iyo agiye mu gihirahiro mbere yo kurambura amaboko

Akenshi uzasanga abagabo badakunze guhita bihutira kubwira abakobwa ibyo bakeneye, ahubwo asa n'ufashe akanya agahumeka gato akabona kukubwira. 

Umugabo uzajya kuguhobera ukabona abanje kujya mu gihirahiro uzamenye ko afite ibindi ashaka kukubwira atabashije kwihutira kuvuga. Hari ubwo aba atekereza uburyo uri bubyakire. Nubona iki kimenyetso uzashake uburyo umworohereza abashe gutambutsa ubutumwa agufitiye.

7. Kuguhobera neza mwegeranye cyane

Hari itandukaniro hagati yo guhobera neza ndetse no kwegerana. Bituma mwumva mwuzuranye bijya gusa n’aho muryamye mu buriri. Iyo aguhobeye atyo akwiyegereje cyane ni uko aba agukunze cyane kandi ataba ashaka kwibona n'undi muntu wundi utari wowe. Uguhoberana gutyo bituma nawe umwiyumvamo cyane, bigatuma usigara uri mu munezero mwinshi.

8. Niba ahise acika intege ari mu maboko yawe igihe muhoberana

Igihe umusore cyangwa umugabo ari kuguhobera agasa n'ucitse intege ndetse akaguma mu maboko yawe ari wowe ugumye ku mufata, ni ikimenyetso cy'uko akwifuza ko umuba hafi. Ni ngombwa guha agaciro no kwita kuri buri myitwarire y'umusore igihe muhoberana.

9. Kuguhobera atuje kandi agukomeje bivuzeko ashaka kukurinda ibibi

Birashoboka ko hari ibyakubabaje ukaba ukeneye umuntu wo kukuba hafi ngo agukomeze, cyangwa se ukeneye ugushimisha. Niba akoresha imbaraga ze zose ngo agushimishe, atuje kandi n'umuhate, arashaka kukwereka ko akwitayeho kandi ko yifuza kukubona wishimye cyane. Reka urwo Rukundo rwinjire kandi rushinge imizi ruhame.

Ibi ntibivuze ko uzagenzura buri wese n'uwo muhoberaniye mu muhanda, mu materaniro n'ahandi nkaho. Ahubwo ni wamusore mukundana cyangwa ukeka ko ashobora kuba agukunda. Ikindi n'uwo ukunda ukaba utarabimubwira ariko uzi ko hari uburyo ashobora kuba abikeka nawe ashobora kugira ibyo akugaragariza binyuze mu guhoberana.

Mu ibaruwa uyu muyobozi yandikiye Inama Njyanama y'Akarere ka Musanze yavuze ko 'kuba yaragaragaye muri uyu muhango wo kwimika Umutware w'Abakono abyicuza kandi akaba abifata nk'ikosa rikomeye kuko bisubiza inyuma intambwe y'ubumwe n'ubwiyunge Abanyarwanda bamaze gutera'. 

Ati 'Ndicuza kuba tariki 9 Nyakanga naritabiriye umuhango wabereye mu Murenge wa Kinigi, ugamije gucamo Abanyarwanda ibice hashingiwe ku moko. Muri uyu muhango nari umushyitsi mukuru, ni igikorwa gisubiza inyuma ibyagezweho mu kubaka ubumwe bw'abaturage. Ntabwo byari bikwiriye ko nyobora igikorwa nk'iki nk'umushyitsi mukuru.'  

Mu ibaruwa  yo kwegura  yagize ati'Nyuma yo kwitekerezaho cyane, nsanze ntakomeza inshingano nka Visi Meya ushinzwe Iterambere ry'Ubukungu. Kubera izi mpamvu, ntanze ubwegure bwanjye. Ndongera kwicuza kubera aya makosa kandi nizeza ko nzakoresha uko nshoboye ngo ngarurirwe icyizere n'igihugu n'ubuyobozi bwacyo.'

Uyu   Andrew Rucyahana Mpuhwe   muri uyu muhango  wo Kwimika Umutware w'Abakono  yarikumwe  na Se umubyara ,Bishop John Rucyahana, Gitifu  w'Akarere ka Musanze, Kanayoge Alex ,Visi Perezida wa Sena y'u Rwanda ndetse n'abandi bayobozi  barimo n'Abasirikare bakuru  ubu  bafunzwe.

Umuhungu wa Bishop Rucyahana yeguye 

Mu nama nyungurana bitekerezo  yahuje abanyamuryango ba FRP-Inkotanyi ku Cyumweru tariki 23 Nyakanga 2023, yaba Kazoza Justin  Umutware  w'Abakono wimitswe,Visi Perezida wa Sena , Nyirasafari  Esperance,Visi Meya Andrew Mpuhwe Rucyahana ndetse  na Se Bishop Rucyahana bose basabye imababazi  Umuryango wa FPR-Inkotanyi, Chair Man wayo, Perezida Kagame  ndetse n'abanyarwanda muri rusange   ku bw'iki gikorwa gisubiza inyuma ubumwe bw'abanyarwanda bitabiriye.

Bishop John Rucyahana  yavuze ko na we yitabiriye  iki gikorwa , ariko iyo usuzumye, habayemo umurengwe watumye abantu bakora kiriya gikorwa.

Ati 'Hari umurengwe mu myumvire no mu myitwarire […] dusabye imbabazi Perezida wa Repubulika ariko natwe dusabane imbabazi kandi turebe ngo ntabwo ari izi z'abakono gusa hari byinshi bigomba gusabirwa imbabazi. Dusuzume tureke kureba abakono gusa.'

Rucyahana yavuze ko ubwo yari yitabiriye iki gikorwa, yagize umwanya wo kuvuga, abwira abari bitabiriye ko bakwiriye kubaka u Rwanda.

Ati 'Nabonye umugisha wo kugira ngo mbivuge mbwira abari bahari n'abantumiye, n'inshingano umutware w'abakono n'abakono bafite mu kubaka u Rwanda.''

Bishop John  Rucyahana  nawe yemeye amakosa asaba imbabazi

Gusa nyuma yo gusabira  imbabazi  imbere y'abantu, abitabiriye bakomeje gutakamba basamba Imabazi Perezida Kagame, Umuryango wa FPR-Inkotanyi  kuba baragize  ubushishozi buke bakitabira igikorwa gisubiza inyuma ubumwe bw'Abanyarwanda.

Hari amakuru avuga ko  mbere y'uko  umuhango nyirizina wo kwimika Umutware w'Abakono uba, hari indi nama yari  yahuje abantu benshi mu Murenge wa Kinigi ari naho byabereye.

Nyuma y'uko Umuryango FPR-Inkotanyi ushyize hanze Itangazo ryamagana iri yimikwa, rubanda nibwo batangiye kumenya ko  imibare yajemo ibihekane, ibintu byashimangiwe  n'imbabazi zasabwe ku ikubitiro na Gatabazi  Jean Marie Vianne  wagaragaje  yitabiriye uyu muhango ndetse anacinya akadiho.

Kugeza ubu  Perezida Kagame  nta kintu aravuga  ku bijyanye n’izi mbabazi  ziri gusabwa  ari naho benshi bakomeje  guhera bavuga ko  igisubizo gishobora  kuba nk'icyahawe Bamporiki Edouard  umwaka ushize ubwo yemeraga ko yakiriye indoke.

Ubwo yasabaga imbabazi , Perezida Kagame  yamusubije ko umuntu wese yakora icyaha ariko no kukirinda bishoboka, ariko ko no guhanwa bifasha.

Ugendeye ku gisubizo  cyahawe Bamporiki  ukagihuza n'umurengwe ndetse  no gushishoza guke byavuzwe  n'abasaba imbabazi  ndetse ukabihuza no kwigura  kwa Andrew Rucyahana ,nta gushidikanya ko   bamwe mu bayobozi bitabiriye  uyu muhango  ukuguru kumwe kuri mu biro  ukundi  kuri hanze.

Visi Perezida wa Sena , Nyirasafari Esperance  yasabye imbabazi Perezida Kagame

Muri  iyi nama  nyungurana bitekerezo, mu batanze ikiganiro harimo Umujyanama wa Perezida wa Repubulika mu by'umutekano, Gen James Kabarebe. Yavuze ko kugira ngo iki gikorwa cy'abakono kimenyekane, ari uko hari amakuru ubuyobozi bwa RDF bwamenye ko hari abasirikare batatu bacyitabiriye.Yavuze ko hakurikiranywe ibyo bari bagiyemo, nyuma barafatwa barafungwa.

Gen Kabarebe yavuze ko iyo buri wese amaze kumenya abe ,  aramutse ashaka kugira uwo yikiza   aribo yakoresha  agasenya igihugu, bityo ko ikintu cyose kibi cyangwa se  gifite imico  mibi ari ukukirandura kigitangira.

Ati''Ntabwo ari imikino ahangaha turavuga amaraso  y'Abanyarwanda, ari ayamanetse , ari ayazameneka ejo, tugomba kuva hano turi Serious, dufite  icyo dukuye hano mu mitwe yacu, ni ikihe dukemuye, ni ikibazo ki dukemuye cyashoboraga  kuzica abanyarwanda, nicyo tugomba gukora , ntabwo ari ibintu byo gukinisha, ni amaraso y'abanyarwanda''

Akomeza avuga ko icyafasha u Rwanda ari ikintu kimwe kandi cyoroshye  ati' 'Ni ubumwe bwacu, nicyo kizaduteza imbere”.

Uyu mutware w’abakono yahise akurwaho.

Umuhango wo kwimika umutware w'abakono wabaye tariki 9 Nyakanga ubera mu karere ka Musanze, Intara y'Amajyaruguru ,itabiriwe n'abayobozi mu nzego zitandukanye, abikorera, abo mu nzego z'umutekano n'abandi.

Iyimikwa rya Kazoza Justin rigiye kubika imbehe za bamwe 

Umutoza wa Rayon Sports, Yamen Zelfani Alfani yabwiye ubuyobozi bw’iyi kipe ko akeneye undi myugariro na rutahizamu bafite ubunararibonye.

Uyu mutoza ukomoka muri Tunisia, nyuma y’imyitozo itatu akoresheje bivugwa ko hari abakinnyi yamaze kubona ko batari ku rwego yifuza bityo ko bakwiye kumushakira abandi.

Bivugwa ko bamwe mu bakinnyi yanenze urwego barimo kapiteni w’iyi kipe, Rwatubyaye Abdul ndetse n’umunyezamu Simon Tamale.

Zelfani yemereye itangazamakuru ko yamaze kubwira ubuyobozi bw’iyi kipe ko yifuza undi myugariro mwiza ufite ubunararibonye ku mikino mpuzamahanga.

Ati 'Nasabye myugariro kubera ko tuzakina Imikino Nyafurika, ni imikino isaba abakinnyi bafite ubunararibonye, abakinnyi bafata ibyemezo kuko dushobora kuzakina n’ikipe nini, kongeramo amaraso mashya mu ikipe ni byiza, Rayon Sports ni ikipe nini, uba ugomba kongeramo imbaraga kubera umwaka w’imikino nimuremure.'

Yakomeje kandi avuga ko yamaze no gusaba undi rutahizamu uri ku rwego rwiza ugomba kuza gufatanya n’abandi bahari kuko imikino bazakina ari imikino ikomeye cyane yo ku rwego rwo hejuru.

Kugeza ubu Rayon Sports yamaze gusinyisha abagande babiri, umunyezamu Simon Tamale na rutahizamu Charles Baale, umurundi Aruna Moussa Madjaliwa, umukongomani Jonathan Ifunga Ifasso, umunya-Maroc, Youssef Rharb ndetse n’abanyarwanda 3; Serumogo Ali, Nsabimana Aimable na Bugingo Hakim.

Mu ijonjora ry’ibanze ry’imikino Nyafurika ya CAF Champions League ikipe ya APR FC yatomboye ikipe ya Gaadiika FC yo muri Somalia.

Ni muri tombola yabaye uyu munsi ku wa Kabiri tariki ya 25 Nyakana 2023 ibera ku cyicaro gikuru cy’Impuzamashyirahamwe y’Umupira w’Amaguru muri Afurika 'CAF’ kiri Cairo mu Misiri.

APR FC nyuma yo kwegukana igikombe cya shampiyona cya 2022-2023 yahise itsindira itike yo guhagararira u Rwanda muri CAF Champions League.

APR FC ikaba igomba guhura mu ijonjora ry’ibanze na Gaadiika FC yo muri Somalia.

Biteganyijwe ko umukino ubanza uzaba hagati ya tariki ya 18 na 19 Kanama 2023 mu gihe uwo kwishyura uzaba hagati y’itariki ya 25 na 26 Kanama 2023.

APR FC ibashije gukuramo Gaadiika FC ikaba yazahura na Pyramids FC yo mu Misiri itazakina ijonjora ry’ibanze.

Muri CAF Confederation Cup, Rayon Sports izahagararira u Rwanda bitewe n’uko muri 2017-18 yageze mu matsinda ya CAF Confederation Cup, ntabwo izakina ijonjora ry’ibanze, izajyamo mu ijonjora rya kabiri.