Author: webrwanda

Umwe mu bo mu muryango we yabwiye InyaRwanda, ko uyu mugabo yitabye Imana aguye mu bitaro bya Nyarugenge byo mu Mujyi wa Kigali.

Yagize ati 'Yego yapfuye! Yaguye mu bitaro bya Nyarugenge (Kuri uyu wa Kane tariki 27 Nyakanaga 2023).'

Uyu mugabo uruhare yagize mu gutegura no gutuganya indirimbo z'abahanzi bo mu Rwanda n'ab’ahandi rwarenze umupaka. Ubuhanga bwe bwarifashishijwe henshi.

Izina rye riracyari mu mutima y'abaryohewe n'indirimbo yacuze. Mu mwaka wa 2021, yagaragaye asa n'uwataye ibiro, yumvikana avuga ko byatewe na siporo. Ariko byatangiye kugaragara ko ari ingaruka z'impanuka yakoze abaganga bakanzura kumuca ukuboko.

Nyuma y'icyo gihe yatangiye kuribwa aho baciriye akaboko bikomeza kwiyongera.

Ukoresha izina rya Sir Uracyaryamye Byukavuba kuri Twitter, yari aherutse gufungura konti ku rubuga Save Plus igamije gushakira hamwe amafaranga miliyoni 20 Frw yo gufasha Junior kugirangoa abanga bamwiteho akire neza.

Junior ni we watunganyije indirimbo zirimo nka Bagupfusha Ubusa ya Zizou al Pacino ft All Stars, Deux fois Deux ya Jay Polly, Indahiro ya Urban Boys;

Ibidashoboka ya Knowless Butera, Umwanzuro ya Urban Boys, Niko Nabaye ya Zizou Al pacino ft All Stars, Ntujya unkinisha ya Bruce Melodie, Mbabarira ya King James n'izindi.

Uyu mugabo yakoreye muri studio zirimo Unlimited Records na Lick Lick usigaye uba muri Leta Zunze Ubumwe za Amerika. Yakoze mu zindi studio nka Touch Records, Round Music, yakoze impanuka amaze igihe gito muri Empire Records ya Oda Paccy.

Junior yari amaze iminsi asaba abantu kumusengera kuko ubuzima bugeze habi

Junior yabaye icyatwa mu batunganya indirimbo mu Rwanda n'ahandi

Producer Junior Multisystem yitabye Imana kuri uyu wa Kane tariki 27 Nyakanga 2023

Junior yitabye Imana afite imyaka 30 y’amavuko- Urukundo rw’umuziki rwaganje muri we ubwo yigaga mu mwaka wa kane w’amashuri abanza 

Gukurira mu muryango ukijijwe biri mu byafashije Junior kwisanga mu muziki no kuwukora

KANDA HANO UREBE AMASHUSHO Y’INDIRIMBO ‘IBIDASHOBOKA’ YA KNOWLESS NA HUMBLE JIZZO

“>

KANDA HANO UREBE AMASHUSHO Y’INDIRIMBO ‘WAMPOYE IKI’ YA URBAN BOYZ

“>

Amakipe y’imirenge ya Kigoma yo mu Karere ka Nyanza, Rugalika yo mu Karere ka Kamonyi, Ntongwe yo mu Karere ka Ruhango na Ndora yo mu Karere Gisagara, yatsindiye kuzakina 1/2 cy’amarushanwa ya 'Green Amayaga Football Competition', ku rwego rw’Uturere.

Aya marushanwa yateguwe n’Ikigo cy’Igihugu cyo Kubungabunga ibidukikije (REMA), kibinyujije mu mushinga Green Amayaga wo gutera amashyamba no gusubiranya urusobe rw’ibinyabuzima mu gice cy’Amayaga, ku bufatanye n’Umuryango APEFA, ushinzwe ubukangurambaga n’amahugurwa mu bagenerwabikorwa muri uyu mushinga, ndetse n’uturere twa Kamonyi, Nyanza, Ruhango na Gisagara uwo mushinga ukoreramo, agamije ubukangurambaga bwo gushishikariza abagenerwabikorwa b’umushinga mu gufata neza ibikorwa wakoze no kubungabunga ibidukikije muri rusange.

Muri iyi mikino ya nyuma ku rwego rw’Imirenge yabaye tariki 21 Nyakanga 2023, mu Karere ka Nyanza, Kigoma yitwaye neza itsinda iy’Umurenge wa Kibirizi ibitego 7-1.

Mu karere ka Ruhango, ikipe y’ Umurenge wa Ntongwe yatsindiye kuzahagararira aka karere nyuma yo gutsinda iy’umurenge wa Kinazi ibitego 2-1 ni mu gihe ikipe y’Umurenge wa Rugalika yatsindiye kuzahagararira Akarere ka Kamonyi, ni nyuma yo gutsinda ikipe y’Umurenge wa Nyarubaka kuri penaliti 3-0, amakipe yombi anganyije igitego 1-1.

Ku Cyumweru tariki 23 Nyakanga 2023, mu mukino wabereye kuri Sitade y’Akarere ka Gisagara, ikipe y’Umurenge wa Ndora yatsinze iy’Umurenge wa Save ibitego 3-1.

Nyuma yo kumenya amakipe yatsindiye kuzaserukira uturere, biteganyijwe ko iyi mikino izakomeza ahatana ku rwego rw’Akarere, aho kuri uyu wa Gatanu tariki 28 Nyakanga 2023, ikipe y’Umurenge wa Rugalika ihagarariye Akarere ka Kamonyi izahura n’iy’Umurenge wa Ntongwe isazerukira Akarere ka Ruhango ukazabera i Kibingo ku isaha ya saa munani z’amanywa (14h00).

Ku rundi ruhande, ku Cyumweru tariki 30 Nyakanga 2023, ikipe y’Umurenge wa Kigoma ihagarariye Akarere ka Nyanza, izahura n’iy’Umurenge wa Ndora izaserukira Akarere ka Gisagara, ukazabera i Ndora, ku isaha ya saa munani z’amanywa (14h00).

Amakipe abiri azatsinda muri iki cyiciro, akaba azahurira ku mikino wa nyuma w’aya marushanwa yiswe 'Green Amayaga Football Competition', uzabera mu Karere ka Nyanza naho azatsindwa azahatanire umwanya wa 3, bizaba tariki 4 Kanama 2023.

Mu bikorwa umushinga Green Amayaga ukora mu kubungabunga urusobe rw’ibinyabuzima mu Ntara y’Amajyepfo, harimo gutanga amatungo magufi n’amaremare afasha abaturage kwikura mu bukene, gutanga imbabura zirondereza ibicanwa hagamijwe kugabanya iyangizwa ry’amashyamba, gutanga gaz mu bigo by’amashuri, kubungabunga inkombe z’imigezi no gucukura imirwanyasuri.

Umushinga Green Amayaga witezweho kugira uruhare mu ishyirwa mu bikorwa ry’ingamba leta y’u Rwanda yiyemeje zijyanye n’ishyirwa mu bikorwa ry’amasezerano yasinyiwe i Paris mu Bufaransa hagamijwe kurwanya ihumana ry’ikirere (National Determined Contributions: NDC), aho Guverinoma y’u Rwanda yiyemeje kugabanya imyuka ihumanya ikirere ku gipimo cya 38% kugeza mu mwaka wa 2030.

Producer Junior Multisystem wakoze indirimbo nyinshi zakunzwe yitabye Imana azize uburwayi.

Uyu mu-producer yari amaze igihe afite uburwayi yakomoye ku kaboko yaciwe nyuma y’impanuka yakoze muri 2019.

Ku mugoroba wo kuri uyu wa Kane tariki ya 27 Nyakanga nibwo inkuru mbi ko uyu mugabo witangiye umuziki nyarwanda yitabye Imana azize uburwayi aho yaguye mu bitaro bya Nyarugenge.

Uwahamirije Igihe uby’uru rupfu yagize ati “Yageze ku bitaro arembye bagerageza kumuha ubutabazi bw’ibanze ariko biranga birangira yitabye Imana.”

Junior Multisystem ni umwe mu bagabo batunganyije indirimbo nyinshi zakunzwe mu Rwanda nka; Umwanzuro” ya Urban Boys, 'Niko nabaye' ya DJ Zizou, 'I’m Back' ya Jay C na Bruce Melodie, “Ntujya unkinisha” ya Bruce Melodie, “Too much”, “Ndacyariho” ya Jay Polly, “Byarakomeye” ya Butera Knowless, 'Uh Lala' ya King James, 'Ku bwawe' ya Uncle Austin na 'Ndaje' ya The Ben.