Author: webrwanda

Perezida Paul Kagame yagiranye ikiganiro kuri telefoni n'Umunyamabanga wa Leta Zunze Ubumwe za Amerika ushinzwe Ububanyi n'Amahanga, Antony Blinken, byagarutse ku bibazo by'umutekano muke muri Repubulika Iharanira Demokarasi ya Congo.

Igihe cyanditse ko Itangazo ryashyizwe hanze na Minisiteri y'Ububanyi n'Amahanga ya Amerika, rivuga ko Blinken yasangije Perezida Kagame iby'urugendo Umunyamabanga wungirije wa Amerika, Victoria Nuland, aherutse kugirira i Kinshasa.

Ku wa Kane tariki 3 Kanama 2023, Perezida Tshisekedi yagiranye ibiganiro na Nuland. Nyuma yabyo, Nuland yabwiye itangazamakuru ko baganiriye ku bibazo by'umutekano mu Burasirazuba bwa Congo bikomeje koreka abaturage. Icyo gihe yanavuze ko Amerika yahaye RDC inkunga ingana na miliyoni 48$ yo gufasha abaturage bo mu Burasirazuba.

Blinken yabwiye Perezida Kagame ko inzira ya dipolomasi ariyo ikwiriye mu guhosha umwuka mubi uri hagati y'ibihugu byombi, asaba impande zombi gufata ingamba zatuma bigerwaho.

Ibi biganiro bibayeho nyuma y'iminsi RDC isohora amatangazo avuga ko u Rwanda ruri muri gahunda yo kurushozaho intambara, kugeza n'aho byasabye ko Guverinoma y'u Rwanda ibivuguruzwa.

U Rwanda rwavuze ko RDC ikomeje gushaka 'urwitwazo rwo gushoza intambara no gushakisha impamvu zo kugaba igitero ku butaka bw'u Rwanda, ari na ko ikomeza guha intwaro, gutera inkunga, no gukorana n'umutwe wa FDLR wasize ukoze Jenoside mu Rwanda'.

Raporo ya Loni iheruka kugaragaza ko Leta ya Congo yahaye intwaro imitwe irimo FDLR kugira ngo ifatanye n'ingabo za leta kurwanya umutwe wa M23.

The post Perezida Kagame na Blinken baganiriye ku bibazo by'umutekano bya RDC appeared first on FLASH RADIO&TV.

Source : https://flash.rw/2023/08/16/perezida-kagame-na-blinken-baganiriye-ku-bibazo-byumutekano-bya-rdc/?utm_source=rss&utm_medium=rss&utm_campaign=perezida-kagame-na-blinken-baganiriye-ku-bibazo-byumutekano-bya-rdc

Ku munsi wa mbere wa shampiyona umwaka w’imikino 2023-24 Mukura izakina na Amagaju FC aherutse kuzamuka mu cyiciro cya mbere. Mukura ubwo yizihizaga isabukuru y’imyaka 60, umuyobozi wa Nyirigira Yves yatangaje ko igihe kigeze ngo iyi kipe ibe muzihatanira ibikombe bikinirwa mu Rwanda. 

Ku mugoroba wo kuri uyu wa Kabiri ubwo yaganiraga na InyaRwanda, Yves yongoye gushimangira iyi mvugo, yemeza ko bafite impamvu irenga imwe yatuma begukana igikombe.

Yagize Ati”Ikintu cya mbere ni uko dushyize hamwe, dufite ubushake, dufite inyota, kandi turashaka gukora amateka. Turebye mu ba Perezida bagiye babaho, ni njyewe muperezida mutoya, ku bw’ibyo rero ndashaka gukora amateka mu buryo bwanjye, n’abo dufatanyije. Tuzagerageza kandi ndizera ko bizagenda neza.”

Agana ku musozo Perezida yavuze ko kugura Djabel nabyo biri mu bihamya ko igikombe gishoboka. Ati “Djabel ni umukinnyi mwiza, mu Rwanda sinapfa kubona umukinnyi mugereranya nawe ni umukinnyi wari Kapiteni w’ikipe ikomeye yatwaye shampiyona. Mukura nk’ikipe ifite inyota y’igikombe cya shampiyona, twari dukeneye umukinnyi uzi uko giterurwa”.

Mukura Victory Sports iheruka igikombe cy’Amahoro mu 2018 ubwo yatsindaga Rayon Sports ku mukino wa nyuma, igahita inahagararira u Rwanda, mu gihe itarabasha gukoza intoki ku gikombe cya shampiyona.

Source : https://inyarwanda.com/inkuru/133214/nyirigira-yves-uyobora-mukura-yagaragaje-impamvu-3-zizatuma-iyi-kipe-yegukana-shampiyona-v-133214.html

Aya marushanwa yateguwe n’Urugaga rw’Abanditsi mu Rwanda ku bufatanye n’imiryango itegamiye kuri Leta, yatangiye tariki 08 Kanama 2023, atangirira ku rwego rwa buri Kaminuza none ubu abatsinze bakaba barushanijwe ku rwego rw’igihugu.

Abanyeshuri baturutse mu mashuri makuru na za Kaminuza bitabiriye amarushanwa yo kwandika no gusoma 

Uyu munsi tariki 15 Kanama 2023 ni bwo ku cyicaro gikuru cy’urugaga rw’abanditsi mu Rwanda giherereye i Remera mu karere ka Gasabo, hateraniye abanyeshuri 54 baturutse mu mashuri makuru na za Kaminuza zitandukanye za hano mu Rwanda, aho bari bitabiriye igikorwa cy’amarushanwa ngarukamwaka yo gusoma no kwandika ibitabo mu rurimi rw’ikinyarwanda.

Umuyobozi w’Urugaga rw’Abanditsi mu Rwanda, Bwana Hategekimana Richard yavuze ko aya marushanwa yateguwe mu rwego rwo kurushaho guhesha agaciro ururimi n’umuco by’abanyarwanda.

Yagize ati: “Dushingiye ku mpanuro ndetse n’umurongo mwiza Nyakubahwa Perezida wa Repubulika Paul Kagame yahaye abanyarwanda, ko twese dukwiriye gukunda ururimi rwacu no guhesha agaciro ibyacu arirwo rurimi rwacu, ni muri urwo rwego natwe twateguye aya marushanwa.”

Urugaga rw’Abanditsi mu Rwanda rugizwe n’abanyamuryango 9 (imiryango itari ita Leta) kugeza ubu, rubona bikwiye ko hashyirwamo agatege mu guteza imbere ururimi rw’ikinyarwanda ari nayo mpamvu yateguye iki gikorwa inahereye mu mashuri abanza binyuze mu marushanwa yabaye umwaka ushize.

Umwanditsi akaba n’umuyobozi w’urugaga rw’abanditsi mu Rwanda, yashimangiye ko abarimu ndetse n’abayobozi ba Kaminuza bakwiye gukunda ndetse bagakundisha abanyeshuri umuco wo gusoma ibitabo byanditse mu rurimi rw’ikinyarwanda 

Yakomeje agira ati: “Mu by’ukuri umuco wo gusoma no kwandika iyo urebye no muri gahunda za Leta zinyuranye haba icyerekezo cy’u Rwanda 2030 na 2050 bigaragara ko uyu muco uri mu byihutirwa cyane bigomba gushyirwamo imbaraga. 

Ni muri urwo rwego uyu mwaka twahuje amashuri makuru na za Kaminuza, aho umwaka ushize twakoze amarushanwa mu mashuri abanza n’ayisumbuye tugahemba abana barenga ibihumbi bine.”

Abanyeshuri bitabiriye babazwaga ku bitabo basomye nyuma baza gukora n’ikizamini cyanditse

Mu mashuri yitabiriye iri rushanwa harimo, Kaminuza ya Kigali, ULK, UNILAK, Kibogora Polytechnic, East African University na Kaminuza na Vater. Ababashije gutsinda ikiciro cya mbere cy’aya marushanwa uko ari 54 nibo bahatanye ku rwego, hakazavamo 11 bazatangawa bakanahembwa ku ya 1 Ukwakira 2023 mu Ntare Arena. 

Uzaba uwa mbere ku rwego rw’igihugu muri aya marushanwa azahembwa miliyoni imwe y’amafaranga y’u Rwanda (1,000,000 Frw), abandi bahembwe za mudasobwa, ibikombe, imidari, amagare, imipira n’imyambaro ya siporo, ibitabo n’ibindi. Umwihariko w’aya marushanwa nuko n’abazaba batashoboye gutahana insinzi batazataha amaramasa kuko nabo hari ibihembo bagenewe.

Iki gikorwa gifitiye akamaro kanini urubyiruko rw’abanyeshuri rwitabiriye iri rushanwa kuko ibitabo bamaze igihe basoma bibatoza indangagaciro z’abanyarwanda.

Abanyeshuri bari bishimiye iki gikorwa, bavuze ko ari ingirakamaro cyane kuri bo

Hategekimana Richard yagize ati: “Abanyeshuri barabikunze kandi baranabyitabiriye. Nk’ibitabo basomye ni ibitabo bibatoza indangagaciro z’umuco nyarwanda, bikabatoza amateka y’igihugu ndetse bikanabungura ubumenyi kugira ngo bakomeze gukura ari urubyiruko rubereye u Rwanda.”

Aya marushanwa abaye ku nshuro ya mbere mu Rwanda, yitezweho kuzana impinduka nziza mu guteza imbere umuco wo gusoma muri kaminuza z’u Rwanda. 

Akomoza ku musaruro witezwe yagize ati: “Iyo urebye muri kaminuza ubona uwo muco nta wuhari ariko icyo twiteze nuko uyu muco uzakura mu banyeshuri ba Kaminuza ndetse n’abayobozi babo kuko nabo ubona badakunda ururimi rw’ikinyarwanda. Ikintu kibabaje kinatangaje uyu munsi mu barimu ba Kaminuza, ni uko hari abanze ibitabo by’ikinyarwanda.”

Abona hakiri imbogamizi ikomeye mu bayobozi ba za Kaminuza bafite imyumvire idakwiye yo guheeza ururimi rw’ikinyarwanda nyamara bakarusigasiye.

Ati: “Indirimbo yubahiriza igihugu cyacu itubwira ko ururimi rwacu ruduhuza ariko ugasanga umuyobozi wa Kaminuza ntashaka igitabo k’ikinyarwanda icyo tubona nk’ubukoloni bumaze kubata abantu. Kuko kuba abantu bagira ubumenyi bwa siyanse ariko nta ndangagaciro ntabwo twaba twubaka igihugu. Abantu nibige indimi zose ariko namenye ko uko byagenda kose ikinyarwanda arirwo rurimi rwabo bagomba kubaha kuruta ibindi byose.” 

Cyiza Joseph usanzwe ukunda gusoma wanitabiriye aya marushanwa yabwiye InyaRwanda ko ari ingirakamaro cyane haba mu kwiyungura ubumenyi no kurushaho kwitoza umuco mwiza wo kwandika no gusoma.

Ati: “Bavuga ko iyo usoma uba uganira n’abahanga, iki gikorwa nacyo rero kiradufasha kugira umuco mwiza wo kwandika no gusoma ibitabo. Ndamutse nsindiye iki gihembo nyamukuru cya miliyoni, nayifashisha mu kwandika ibitabo.”

Umuhuza Ange, nawe witabiriye aya marushanwa aganira na Inyarwanda yavuze ko bibabaje kuba urubyiruko rw’ubu rudakunda ururimi rw’ikinyarwanda.

Yagize ati: “Impamvu nitabiriye ni ukugira ngo nagure umuco wo gusoma muri ngewe. Muri kaminuza yacu, ntabwo umuco wo gusoma uri ku rwego rushimishije cyane ariko turagerageza. Nimva muri aya marushanwa nzashishikariza bagenzi bange twigana gukunda gusoma, mbibakundishe kuko ikibura ni ubushake gusa. 

Muri iki kinyejana cyacu ntabwo twakuze twumva ko gusoma ari ingirakamaro cyane. Birababaje cyane kuba hari urubyiruko rugoreka ikinyarwanda rukakivuga uko kitari. Twagakwiye kuvuga neza ikinyarwanda. Ntabwo nsanzwe ndi umwanditsi, ariko mfite inzozi zo kuzandika igitabo.”

Abanyeshuri basabye ko mu masomero yaho biga hakongerwamo ibitabo by’ikinyarwanda 

Abanyeshuri bitabiriye aya marushanwa batangaje ko bifuza ko abayobozi ba za Kaminuza baha agaciro ibitabo byanditswe mu rurimi rw’ikinyarwanda, bavuga ko bikwiriye ko mu masomero yabo hongerwamo ibitabo by’ikinyarwanda kugira ngo biborohere mu gihe cyo kwitabira amarushanwa nk’aya.

Aya marushanwa abaye ku nshuro ya mbere, agiye kujya aba buri mwaka mu rwego rwo guteza imbere umuco wo gusoma no kwandika mu rubyiruko rw’u Rwanda.

Abisobanura, umuyobozi w’urugaga rw’abanditsi Richard yagize ati: “Nyakubahwa Perezida wa Repubulika yaravuze ngo amateka yacu nitutayandika abandi bazanayatwandikira ariko bayandike uko atari, aduha umukoro wo kwandika amateka yacu. Niyo mpamvu twahereye mu bahanga bo muri kaminuza kuko birababaje kuba ubaza umunyeshuri uri gusoza kaminuza igitabo yasomye akakibura burundu. 

Ubusanzwe urugaga rw’abanditsi rwatangiye mu 2019, ni urugaga ruhuza imiryango y’abanditsi itegamiye kuri Leta igera ku icyenda ariko iteza imbere umuco wo kwandika no gusoma, isanzwe ibarizwamo abanditsi barenga 200. 

Abahuriye muri uru rugaga bagamije kuba umusemburo w’iterambere ry’umuco wo gusoma no kwandika ibitabo, gufasha abanditsi kugira ngo ibitabo banditse bibabyarire inyungu, no gushyigikira politiki y’igihugu yo kubaka ubukungu bushingiye ku bumenyi. 

Source : https://inyarwanda.com/inkuru/133207/urugaga-rwabanditsi-mu-rwanda-rwatangije-amarushanwa-ngarukamwaka-agamije-guteza-imbere-ur-133207.html

N'ibikombe agiye kubimanika! Kizigenza Lionel Messi yaraye afashije ikipe ye gutangira gukoza imitwe y'intoki ku gikombe.

Inter Miami ya Lionel Messi yageze ku mukino wa League Cup nyuma yo kunyagira Philadelphia Union.

Inter Miami yamaze kubona itike yo kuzakina Concacaf Champions Cup 2024 ubwo batsindaga Philadelphia Union.

Nyuma yo gutsinda Philadelphia Union bahise bagera ku mukino wa nyuma aho bazakina na Nashville.

Mu ijoro ryakeye nibwo Philadelphia Union yangirwa ibitego 4 kuri 1 na Inter Miami.

Abatsindiye Inter Miami ni Martinez, Lionel Messi, Alba na Ochoa.

Source : https://yegob.rw/nibikombe-agiye-kubimanika-kizigenza-lionel-messi-yaraye-afashije-ikipe-ye-gutangira-gukoza-imitwe-yintoki-ku-gikombe/

Manishimwe Djabel yasubije umutoza wa APR FC watangaje ko atamuzi kandi bose bari kumwe mu ikipe imwe

Rutahizamu wakiniraga ikipe ya APR FC Manishimwe Djabel yasubije umutoza Thierry Froger utoza iyi kipe watangaje ko atamuzi kandi bose bari kumwe muri APR FC.

Mu minsi ishize nibwo Manishimwe Djabel yerekeje mu karere ka Huye mu ikipe ya Mukura Victory Sports nyuma yo kugirana ibiganiro n'umutoza w'iyi kipe Afhamia Lofti amwizeza kuzamugeza ku nzozi afite mu gukina umupira w'amaguru.

Uyu rutahizamu mbere yo kwerekeza i Huye yasize acanye umuriro nyuma yo gutangaza ko APR FC abakinnyi b'abanyamahanga yaguze nta rwego ruri hejuru bariho basumbya abo iyi kipe yari ifite ndetse ko bashobora kutagira icyo bageraho abanyarwanda batagezeho.

Djabel nyuma yo kumara iminsi akora imyitozo mu ikipe ya Mukura Victory Sports, ku munsi wejo hashize yatangaje ko kuba Thierry Froger yaravuze ko atamuzi atamurenganya kuko ngo ntaho bigeze bahurira. Imyitozo bari buhuriremo ntabwo yari yemerewe kuyikora bivuze ko ngo ntaho bari buhurire.

Uyu mukinnyi mu kiganiro yatanze yaje guha ubutumwa abakunzi ba Mukura Victory Sports avuga ko bazatwara igikombe uyu mwaka kuko ngo ikipe ni nziza kandi ifite umutoza mwiza ubifitiye ubushobozi.

 

 

Source : https://yegob.rw/manishimwe-djabel-yasubije-umutoza-wa-apr-fc-watangaje-ko-atamuzi-kandi-bose-bari-kumwe-mu-ikipe-imwe/

Baguwe gitumo! Batatu bakorera kuri YouTube batawe muri yombi bari gukora ibyabujijwe.

Urwego rw'Igihugu rw'Ubugenzacyaha, RIB, rwataye muri yombi abantu batatu bakoresha Urubuga rwa 'YouTube' barimo babiri baturuka muri Uganda n'Umunyarwanda umwe, bakurikiranweho icyaha cyo gukoresha ibiganiro Nsanzimana Elie ufite ubumuga bwo mu mutwe.

Amakuru dukesha IGIHE avuga ko bafatiwe muri hoteli iherereye mu Karere ka Gasabo, Umurenge wa Kimihurura, Akagari ka Kimihurura mu Mudugudu w'Umutekano, aho baguwe gitumo bari kumukoresha ibiganiro rwihishwa.

Abatawe muri yombi barimo uwitwa Kembabazi Racheal, Mayanja Muwanguzi Lawrence bakoresha Shene ya YouTube yitwa Connect with Uganda na UG Connect na Niyibizi Xavier ufite urubuga rwitwa Nexo Adventures.

Aba uko ari batatu dosiye yabo yashyikirijwe Ubushinjacyaha tariki ya 14 Kanama 2023 mu gihe bafungiwe kuri Sitasiyo ya RIB ya Kimihurura.

Source : https://yegob.rw/baguwe-gitumo-batatu-bakorera-kuri-youtube-batawe-muri-yombi-bari-gukora-ibyabujijwe/

Abantu batatu bakoresha Urubuga rwa 'YouTube' barimo babiri baturuka muri Uganda n'Umunyarwanda umwe, bakurikiranweho icyaha cyo gukoresha ibiganiro Nsanzimana Elie ufite ubumuga bwo mu mutwe.

Abo bafatiwe muri hoteli iherereye mu Karere ka Gasabo, Umurenge wa Kimihurura, Akagari ka Kimihurura mu Mudugudu w'Umutekano, aho baguwe gitumo bari kumukoresha ibiganiro rwihishwa.

Abatawe muri yombi barimo uwitwa Kembabazi Racheal, Mayanja Muwanguzi Lawrence bakoresha Shene ya YouTube yitwa Connect with Uganda na UG Connect na Niyibizi Xavier ufite urubuga rwitwa Nexo Adventures.

Aba uko ari batatu dosiye yabo yashyikirijwe Ubushinjacyaha tariki ya 14 Kanama 2023 mu gihe bafungiwe kuri Sitasiyo ya RIB ya Kimihurura.

Source : https://yegob.rw/rib-yataye-muri-yombi-abantu-batatu-bakurikiranyweho-icyaha-cyo-gukoresha-ibitemewe-abafite-ubumuga-bakabishyira-ku-karubanda/

Perezida wa Gasogi United, Kokooza Nkuliza Charles, yaburiye uwa Rayon Sports, Uwayezu Jean Fideli, amubwira ko agomba kwisubiza ibyishimo yambuwe.

Ibi yabivuze mu gihe habura iminsi 3 gusa kugirango shampiyona y'icyiciro cya mbere hano mu Rwanda itangire.

mukino uzabimburira indi ni uwo ikipe ya Gasogi United izakiramo Rayon Sports kuwa 5 taliki 18 Kanama 2023 saa moya z'umugoroba kuri Kigali Pele Stadium.

Kakooza Nkuriza Charles (KNC) uyobora ikipe ya Gasogi United, amaze iminsi aburira Rayon Sports avuga ko ibyishimo bagize batsinda APR FC ari iby'umwanya muto bitewe nuko azabababaza atangira shampiyona ayitsinda.

Nyuma y'ibyo noneho KNC yanageneye ubutumwa Perezida wa Rayon Sports amubwira ko agomba kwisubiza ibyishimo yambuwe mu mukino uheruka kubahuza ubwo bamutsindaga bamwibye.

Source : https://yegob.rw/ayo-ni-amashagaga-uhorana-sha-knc-yongeye-kwikomanga-mu-gatuza-agenera-ubutumwa-perezida-wa-rayon-sport/

Hashize igihe abaturage bo mu karere ka Ngororero bategereje kubakwirwa ibitaro bigezweho bemerewe na  Perezida wa Repubulika yu Rwanda Paul Kagame. Itangira ry'imirimo yo kubaka ibi bitaro ryadindijwe no kubanza gushaka ikibanza bubakamo bitewe n'ikibazo cy'amanegeka y'iki gice. Byarangiye hemejwe ko nta handi ho kubaka uretse ku Muhororo ahasanzwe ibitaro bishaje. Ubusaze bw'ibitaro bisanzwe, ubuto bwabyo bishobora gutuma bisenywa burundu serivise zikajya ahandi kugera ibishya byuzuye.

Mu Kiganiro Umuyobozi w'Akarere ka Ngororero, Nkusi Christophe yahaye umunyamakuru wa intyoza.com avuga ko ibi bitaro bizubakwa ahasanzwe ibitaro bya  Muhororo ndetse anongeraho ko bigiye gutangira kubakwa. Yemeza kandi ko hari serivisi zizimurirwa ahandi mu gihe hazaba hatangiye ibikorwa byo kubaka ibitaro bishya.

Akomeza avuga ko hashize igihe Ubuyobozi bukuru bw'Igihugu, Perezida Kagame yemereye abatuye Akarere ibitaro. Avuga ko bahise batangira kureba imiterere y'ubutaka bakubakaho bakaza kwemeza ko ibitaro bishya bitajyanwa kure y'ahasanzwe Ibitaro bya Muhororo kuko bizanafasha abaturage gukomeza guhabwa nyinshi muri serivisi kuko batahagarika burundu gutanga ubuvuzi ku baturage.

Meya Nkusi, yongeyeho ko mbere bari batekereje kwimurira serivisi zatangirwaga kuri ibi bitaro mu bigo Nderabuzima bya Muhororo ndetse no ku kigo Nderabuzima cya Ntaganzwa ariko bikaba bitarahabwa umurongo kuko bakibitekerezaho, bitari gusa muri ibi bigo bivugwa, ahubwo n'ahandi babona byashoboka hafi hafasha abaturage kujya yo kwaka Serivise basanzwe bahabwa.

Yagize Ati' Nibyo abaturage bacu bagomba guhabwa serivisi zatangirwaga kuri ibi bitaro bya Muhororo. Mbere twashakaga gutandukanya serivisi zimwe zikajyanwa ku bigo nderabuzima bya Muhororo na Ntaganzwa kuko twabonye ko byashoboka ko ibitaro byakubakwa mu bice bibiri(Phase II)'.

Umuyobozi mukuru w'Ibitaro bya Muhororo, Dr Namanya William ku murongo wa Telefoni avuga ko izi nyubako z'ibi bitaro bisanzwe zishaje kandi ari na hato. Ahamya ko nihamara kubakwa hazaba hisanzuye, abakozi bakora neza. Yongera ho ko hari Serivisi z'ibi bitaro zizimurirwa mu Kigo nderabuzima cya Rusasa kuko hisanzuye bityo abakeneraga izi serivisi bakaba ariho bazajya bagana.

Ibi bitaro bizubakwa ku nkunga y'Ikigo cy'Abanyakoreya, aho bizubakwa mu bice bibiri hagamijwe kongera ubwiza bw'ahatangirwa serivisi z'ubuzima nubwo bitarasobanuka neza niba bizasenywa bigashyirwa hasi byose, aho ubwo serivise zose zihatangirwa zahita zimurirwa ahandi kugera byuzuye.

Iyubakwa ry'ibi bitaro, bizatwara amafaranga y'u Rwanda 33,568,569,000 frw nkuko inyigo ya mbere yabigaragaje nubwo ishobora kwiyongera bitewe n'uko ibiciro ku isoko byiyongereye. Ibitaro bya Muhororo byubatswe mu mwaka w'1952.

Akimana Jean de Dieu

Source : https://www.intyoza.com/2023/08/15/ngororero-ibitaro-bemerewe-na-perezida-kagame-bizatwara-asaga-miliyari-33/

Byatunguranye: Neymar Jr yerekeje mu ikipe abantu batigeze batekereza ibyo gutwara Ballon D'or abiharira Mbappé na bagenzi be bagifite agatege kuko we yakuyemo ake karenge.

Rutahizamu w'umunya Brazil Neymar Jr wamenyekanye cyane ubwo yakiniraga ikipe ya FC Barcelona yo mu gihugu cya Espane nyuma akaza kwerekeza mu ikipe ya Paris Saint Germain yo mu gihugu cy'u Bufaransa uyu mugabo ufite ubuhanga budasanzwe bwo guconga ruhago benshi bahaga amahirwe yo kuzegukana igihembo cya Ballon D'or ibye asa nk'uwabishyizeho iherezo.

Neymar Jr yamaze kwerekeza mu ikipe ya AL-HILAL yo muri Saudi Arabia akaba yahawe akayabo ka miliyoni 90€ mu masezerano y'imyaka ibiri yasinyiye iyi kipe yigeze kwifuza Lionel Messi na Kylian Mbappé bakayitera uwi nyuma bikaba birangiye yegukanye umunya Brazil Neymar Jr.

Amafoto:

Source : https://yegob.rw/byatunguranye-neymar-jr-yerekeje-mu-ikipe-abantu-batigeze-batekereza-ibyo-gutwara-ballon-dor-abiharira-mbappe-na-bagenzi-be-bagifite-agatege-kuko-we-yakuyemo-ake-karenge-amafoto/