Author: webrwanda

Menya ibigwi bya korari Ambassador ifite bitazapfa kugerwaho n'indi korari iyo ariyo yose muri Africa.

Ibigwi bya korari Ambassador kuri YouTube.

1. Niyo Choir ya mbere mu karere ka EAC ifite aba subscribers kuri YouTube barenga miliyoni. Bafite 1.06M subscribers

2. Bafite Indirimbo zirenga 229 Kuri YouTube.

3. Bafite indirimbo 1 irengeje Miliyoni 33 za Views (Abayirebye), bakagira 5 zirengeje Views Miliyoni 9.

* Bafite indirimbo 50 zifite views nibura miliyoni imwe kuzamura harimo 9 murizo zifite Views hejuru ya miliyoni 5

* Bafite indirimbo 33 zifite views nibura hejuru y'ibihumbi 500 kuri YouTube.

* Bafite indirimbo 90 zifite views hejuru y'ibihumbi 100 kuri YouTube.

4.Niyo Choir mu karere ka EAC ifite indirimbo ziri mu ndimi nyinshi : Kinyarwanda, English, Swahili, luganda.

Source : https://yegob.rw/menya-ibigwi-bya-korari-ambassador-ifite-bitazapfa-kugerwaho-nindi-korari-iyo-ariyo-yose-muri-africa/

Umuriro watse: Diamond Platunmz na Koffi Olomide bongeye kwihuza bakora ibintu bidasanzwe.

Umuhanzi Diamond Platunmz wo muri Tanzania yashyize hanze amashusho y'indirimbo nshya yakoranye n'umuhanzi Koffi Olomide wo muri Repubulika Iharanira Demokarasi ya Congo.

Iyi ndirimbo yiswe 'Achii' akaba ari ndirimbo ya kabiri aba bahanzi bombi bakoranye nyuma y'indirimbo yakunzwe cyane bise 'Waah' basohoye muri 2020 igakundwa na benshi.

Source : https://yegob.rw/umuriro-watse-diamond-platunmz-na-koffi-olomide-bangoye-kwihuza-bakora-ibintu-bidasanzwe/

Urukiko rwahanishije Ndababonye Jean Pierre igihano cy'igifungo cy'Umwaka 1 no gutanga ihazabu ingana n'amafaranga y'u Rwanda  ibihumbi 500 frw.

Ni mu gihe ahamwa n'icyaha cyo kurohamisha abana 13 ariko atabishakaga (ku bw'impanuka).

Uyu Ndababonye ashinjwa ko yashutse umwana w'imyaka 14 kwambutsa abana 13 mu bwato kandi ubusanzwe bujyamo abantu 3 gusa.

Hategetswe ko kandi ubwato bwari bwafatiriwe bwatezwa cyamunara, kuri ayo mafaranga ntahabwe na make.

Ndababonye yasabye imbabazi asaba ko yakatirwa umwaka usubitse kuko nawe yabikoze atabishaka ndetse atabigambiriye.

Source : https://yegob.rw/jean-pierre-bakunze-guhimba-nyakazehe-warohamishije-babana-13-bi-muhanga-yahawe-igihano-gikakaye/

Abamotari bo mu mujyi wa Kigali bamurikiwe kumugaragaro Koperative eshanu bashyizwemo ndetse n'Abayobozi bazo. Izo Koperative zirimo ebyiri zo muri Nyarugenge,  ebyiri zo muri Gasabo n'imwe yo muri Kicukiro. 

Ibi byagaragajwe kuri uyu wa 16 Kanama 2023, munama RURA, Polisi y'igihugu ndetse n'Umujyi wa Kigali bagiranye n'Abamotari , izi nzego zikaba zijeje ko ibibazo byose abamotari bafite birimo ubwishingizi buhenze bigiye guhabwa umurongo.

Ubwo bamaraga kumva Komperative eshanu nshya bashyizwemo ndetse n'ubuyobozi bwazo ,abamotari bo mu mujyi wa Kigali bagaragaje kunyurwa nazo cyane ko n'amafaranga ibihumbi bitanu ya buri kwezi bajyaga batanga muri Koperative za mbere yakuweho.

Gusa ariko basaba ko bimwe mubibazo bicyugarije umwuga wabo birimo ubwsihingizi buhenze,  n'ibindi.

Umwe ati 'Njye mbona ahanini  ibijyanye no kutabona ubwo bshingizie buhendukiye buri wese biri mubiteza impanuka.'

Undi ati 'Twebwe rero abamotari icyo dusaba ubuyobzi bukuru bw'igihugu nibaduhe parking natwe turi abantu dukeneye guhahira imiryango yacu tugateza n'igihugu imbere kuko turasora.'

Mu kiganiro bahaye Abamotari , umuyobozi w'agateganyo wa  RURA Eng. Emile Patrick Baganizi na Meya w'umujyi wa Kigali Pudence Rubingisa bavuze ko bimwe mubibazo byugajije umwuga wo gutwara abagenzi kuri moto birimo icy'ubwishingizi n'ibindi  inzego bireba ziri kubyigaho ngo bihabwe umurongo .

Baganizi ati 'Umutekano wo mu muhanda motari nawubahiriza akirinda impanuka cya giciro nta kizakibuza kumanuka (Ubwishingizi) ,kubijyanye n'igiciro cy'urugendo mugenzi wanyu yabajije nkuko mubizi icyo giciro gishyirwaho hagendewe kubintu bitandukanye harimo n'icyo kijyanye n'ubwishingizi ibyo byose rero nibimara kuba ku murongo tuzongera twice tubisesengure hajyeho igiciro cy'urugendo gikwiye.'

Pudence ati 'Muri kwa gukora neza dukeneye gushyiraho pariking ahantu hatandukanye ziborohereza nawe mu kazi hari izo twashyizeho byagaragye ko zikiri nkeya muzazibona hariya downtown ,mubice bya Kicukiro muri Gare ariko tugiye kuzongera twashyizeho itsinda ryihariye zisuzuma aho zigomba kujya.'

Kurundi ruhande Polisi y'igihugu yasabye abamotari kubahiriza amategeko y'umuhjanda birinda guteza impanuka nkuko babihawemo ubutumwa na CP John Bosco Kabera Umuvugizi wa Polisi y'igihugu.

Ati ' Twabahaye ubutumwa butatu ,gucana amatara nkuko amategeko abiteganya ,kubaha uburengenzira bw'abanyamaguru  ntibarangare kuko nubwo abenshi babyuhahiriza ariko hari abakirangara ntibabihe n'agaciro kandi barengaho bazahanwa ndetse no kugerageza kujya bakoresha umuhanda neza bagenda mu gisate cy'iburyo bakanyuranaho ibumoso usanga abantu besnhi bakoresha umuhanda barimo na benshi bagenda kino gihugu bavuga ko Abamotari banyuraniraho aho babonye hose .'

Kugeza ubu moto nibyo binyabiziga biza ku isonga mu guteza impanuka cyane ugersanyije n'imodoka ari nabyo bituma ubwisnhingizi kuri ibi binyabiziga bukomeza guhenda nkuko Banki inkuru iherutse kubitangaza.

 Icyakora abamotari bo babwiye inzego bireba ko no kuba ubwishingiz buhenda bituma benshi bajya mu muhanda batabufite ibi nabyo bikagira ingarunaga zikomeye mugihe habaye impanuka.

Daniel Hakizimana

The post Kigali:  Abamotari bamurikiwe Koperative eshanu bashyizwemo  nabo basaba ko ibibazo byabo byitabwaho appeared first on FLASH RADIO&TV.

Source : https://flash.rw/2023/08/16/kigali-abamotari-bamurikiwe-koperative-eshanu-bashyizwemo-nabo-basaba-ko-ibibazo-byabo-byitabwaho/?utm_source=rss&utm_medium=rss&utm_campaign=kigali-abamotari-bamurikiwe-koperative-eshanu-bashyizwemo-nabo-basaba-ko-ibibazo-byabo-byitabwaho

Ikipe ya Rayon Sports mu buryo budasubirwaho yashimiye Jean Paul Nkurunziza wari umuvugizi wayo igihe kirekire.

Kuri uyu wa Gatatu nibwo umuvugizi wa Rayon Sports, Nkurunziza Jean Paul yerekeje mu gihugu cya Canada guturayo nubwo yagiye mu buryo bw'ibanga.

Nyuma yo kwerekeza muri iki gihugu uyu Mugabo wari n'umunyamakuru kuri Radio Isango Star, yahise asezera ku gukomeza kuba umuvugizi wa Rayon Sports ndetse n'iyi kipe binyuze kumbuga nkoranyambaga zayo ihita imushimira ku mugaragaro.

 

Source : https://yegob.rw/rayon-sports-yashimiye-umwe-mu-bayobozi-bayo/

'Burya koko Imana isubiriza igihe': Mugunga Yves watewe uwi nyuma na APR FC amaze gusinyira ikipe ikomeye cyane hano mu Rwanda abantu batatekerezaga ko yayijyamo.

Rutahizamu w'ikipe y'igihugu y'u Rwanda Amavubi Mugunga Yves wakiniraga ikipe ya APR FC ubu yamaze kumvikana na Kiyovu Sports aho uyu musore yahawe amasezerano y'imyaka ibiri.

Ibi bibaye kandi nyuma y'uko uyu rutahizamu yari yavuzwe cyane muri Murera ariko bikaba birangiye yerekeje muri Kiyovu Sports aho yitezweho byinshi n'abakunzi b'iyi kipe y'Urucaca.

Source : https://yegob.rw/burya-koko-imana-isubiriza-igihe-mugunga-yve-wakiniraga-apr-fc-amaze-gusinyira-ikipe-ikomeye-cyane-hano-mu-rwanda/

Ukuri kose yagushyize kukarubanda: Phil Peter mu buryo bweruye yatangaje ko yavumbuye imigambi mibisha Rocky Kimomo yari amufiteho ndetse n'umuntu wari ubyihishe inyuma.

Umuvangamiziki, Umunyamakuru ndetse akaba n'umuraperi ukunzwe cyane hano mu Rwanda Dj Phil Peter yifashishije imbuga nkoranyambaga ze yatangaje ko Rocky Kimomo yari yanze ko indirimbo ye na Sean Brizz isohoka maze na Jamal Microjeni akamushyigikira.

Ubwo Phil Peter yatangaza aya makuru abarimo Rocky Kimomo ndetse na Jamal Microjeni bagize icyo batangaza gusa mu by'ukuri ushishoje neza usanga aba bombi ntacyo bapfa ahubwo ari amagambo yo gutera urwenya bari barimo.

Bimwe mu byo Rocky Kimomo na Jamal Microjeni bagiye batangaza nyuma yo kubona ibyo Phil Peter yari amaze gutangaza:

Phil Peter na Sean Brizz bari kwitegura gushyira hanze indirimbo yabo nshya.

Source : https://yegob.rw/ukuri-kose-yagushyize-kukarubanda-phil-peter-mu-buryo-bweruye-yatangaje-ko-yavumbuye-imigambi-mibisha-rocky-kimomo-yari-amufiteho-ndetse-numuntu-wari-ubyihishe-inyuma/

Inteko ishinga amategeko ya Kenya yatangaje ko yakiriye ubusabe bwo guhagarika urubuga nkoranyamabaga  rwa Tiktok muri iki gihugu, ishinjwa gukorerwaho ihohoterwa no guhembera urwango kandi bihabanye n'indangagaciro z'abanya-Kenya.

Perezida w'inteko ishinga amategeko ya Kenya, Moses Wetang'ula, yavuze ko ubu busabe ari ubw'umuyobozi mukuru wa Briget Connect Consultancy, Bob Ndolo.

Uyu muyobozi avuga ko ibishyirwa kuri uru rubuga rw'abashinwa bidakwiye kuko bitiza umurindi ihohoterwa rishingiye ku gitsina, imvugo zidakwiye zirimo n'izihembera urwango, urukozasoni kandi ibi byose bibangamiye indangagaciro z'umuco n'idini muri Kenya.

Bob Ndolo yashimangiye ko uru rubuga ruramutse rudafunzwe, ibishyirwaho byatera urubyiruko ibibazo bitandukanye birimo  iby'ubuzima bwo mu mutwe, agahinda gakabije, kubura ibitotsi  kandi bikagabanya n'imitsindire yabo mu ishuri.

The citizen digital yanditse ko Bob yasabye ko inteko ishinga amategeko yatabara mu maguru mashya igafata ingamba mu rwego rwo kurinda abyanya-kenya ingaruka mbi za Tiktok.

Uwatanze ubusabe bwo guhagarika urubuga rwa Tiktok yanikomye ikigo cy'itumanaho cya Kenya ( Communications Authority of Kenya) kunanirwa kugenzura uru rubuga kuko bigaragara ko badashobora gukuraho cyangwa guhagarika ibishyirwaho bishobora gushyira mu kaga abarukoresha.

Bob yashimangiye ko iki kigo cyananiwe gushyiraho ibihano bisa n'ibisabwa n'ibindi bihugu harimo na Leta zunze ubumwe za Amerika kubera kutubahiriza ibijyanye n'ubuzima bwite mu gihe cyo gukusanya amakuru bwite.

Yifashihsije urugero Bob yagaragaje ko urubuga nkoranyambaga rwa Tiktok rwagiye rushinjwa kutabasha kubika neza amakuru y'ibanga y'abarukoresha mu myaka yashize.

Nko muri 2019, urwego rushinzwe ubucuruzi muri USA  rwaciye TIKTOK  amande agera kuri miliyoni 5.7$, kuber agukusanya amakuru mu buryo butemewe n'amategeko y'abana bari munsi y'imyaka 13, ayo makuru yari agizwe n'amazina yabo, email zabo, aho baherereye batabanje kubiherwa uruhushya n'ababyeyi babo, bityo bakarenga ku itegeko rirengera abana kuri murandasi

 Perezida w'inteko ishinga amategeko ya Kenya yashyikirije ubusabe bwo guhagarika urubuga nkoranyambaga rwa Tiktok kuri komisiyo ishinzwe kugenzura ibibazo rusange mu rwego rwo gusuzuma  iki cyifuzo no gutanga raporo ku myanzuro yayo.

Ubu busabe butanzwe nyuma yahoo mu kwezi gushize umunyamabanga wa leta ushinzwe ikoranabuhanga Eliud Owalo, yagaragaje gahunda yo kugenzura uru rubuga cyane cyane mu masaha y'ijoro bitewe n'uko hari amakuru avuga ko hakorerwa ibyo yise ko bitemewe muri ayo masaha.

The post Kenya: Hatanzwe ubusabe bwo gufunga urubuga rwa Tiktok appeared first on FLASH RADIO&TV.

Source : https://flash.rw/2023/08/16/kenya-hatanzwe-ubusabe-bwo-gufunga-urubuga-rwa-tiktok/?utm_source=rss&utm_medium=rss&utm_campaign=kenya-hatanzwe-ubusabe-bwo-gufunga-urubuga-rwa-tiktok

Bamwe mu baturage bo mu Murenge wa Remera mu Karere ka Ngoma, barasaba leta gukurikirana ikibazo cy'abaturage bafite umwanda ku mibiri, imyenda yabo ndetse no mu ngo.

Kuva mu cyumweru gishize nibwo inkuru yatangiye gukwirakwira mu baturage, ko hari umuryango ufite abana barwaye imvunja n'imirire mibi.

Abaturage baravuga ko muri aka gace hari bagenzi babo bafite umwanda kuva ku myenda kugera mu ngo zabo, ari nacyo gishobora kuba cyarabakururiye kurwara imvunja.

Ati 'Niba adakaraba,ntamese, ntiyite ku isuku se ni gute atarwara amavunja? Nonese leta yaza ikabakarabya?'

Undi ati 'Ashobora kuba umwanda awuterwa no kutagira inzu yo kubamo, kuko ni akazu kasenyutse umukungugu ubagwah , kubaho nabi  no kwiheba ntakarabe.'

Umunyamakuru wa Flash yagenzuye neza ibivugwa n'aba baturage ko hari abana barwaye amavunja, niko kwitegereza ibirenge byabo asanga ku ruhande rumwe bigaragara ko ari amavunja, ku rundi ukagira ngo ni igisebe kirimo umwanda.

Ababyeyi b'aba bana  twasanganye umwanda barahakana ibyo kurwara amavunja, ariko bakemera kugira umwanda baterwa n'ubukene.

Ati 'Nta mavunja turway,e turwaye ubukene, turwaye inzara rwose, turasaba ubufasha bwaho twahengeka umusaya. Ni ubukene kuko abaye atari ubukene ntabwo umuntu yamera gutya.'

Ubuyobozi bw'Akarere ka Ngoma buremera ko hari abaturage bayoboye bafite umwanda, ariko umuyobozi w'aka karere Madamu Niyonagira Nathalie, avuga ko bagiye gukurikirana aba baturage byihariye.

Ati 'Babanze bakarabe, bakarabye n'abana, turebe ikindi twabafasha ku rwego rw'imibereho. Abantu bameze gutya ntiwavuga ngo wamuha itungo azamuke, ikintu cya mbere ni ukumufasha gutekereza, akumva ko afite icyizere cyo kubaho.'

Ubwo itangazamakuru rya Flash ryataraga iyi nkuru  abaturage bari bateraniye ku rugo rwa mugenzi wabo, batumva ukuntu muri iki gihe hakiri abarwaye invunja.

Ni mu gihe n'ubuyobozi bw'Akarere ka Ngoma nabwo bwari kuri uru rugo, burimo gukurikiranira iby'iki kibazo.

Ntambara Garleon

The post Ngoma: Barasaba ubuyobozi guhagurukira umwanda uri mu baturage appeared first on FLASH RADIO&TV.

Source : https://flash.rw/2023/08/16/ngoma-barasaba-ubuyobozi-guhagurukira-umwanda-uri-mu-baturage/?utm_source=rss&utm_medium=rss&utm_campaign=ngoma-barasaba-ubuyobozi-guhagurukira-umwanda-uri-mu-baturage

Urukiko Rukuru rwa Cape Town muri Afurika y'Epfo rwamaze gutangaza icyemezo cyo kohereza Kayishema Fulgence ukurikiranyweho ibyaha bya Jenoside yakorewe Abatutsi 1994, akaburanishirizwa mu Rukiko rw'Urwego Mpuzamahanga rwashyiriweho Imanza zasigaye (IRMCT) ruri muri Arusha, Tanzania.

Ni mwanzuro watunguye abunganizi ba Kayishema mu by'amategeko, aho binavugwa ko Kayishema wari warekuwe by'agateganyo yongeye gutabwa muri yombi.

Umwe mu Bavoka ba Kayishema Me Heynes Kotze, yagize ati: 'Iyo ngingo yimuriwe ikindi gihe. Mu by'ukuri dukeneye amahirwe yo kuvugana na Kayishema kugira ngo twumve uko yumva kuba ikirego cye cyakwimurirwa i Arusha, icyo ateganya ndetse niba yifuza kuba yajuririra icyo cyemezo cyangwa akabyihorera, ibyo byose ntacyo tubiziho.

Yakomeje agira ati: 'Ntitwigeze duhura na we, gusa twavuganyeho igihe gito twihuta, nk'uko mubizi biragoye kubonana na we igihe cyose cyangwa aho ari ho hose. Ni yo mpamvu bizadusaba igihe kandi tuzasubira mu rukiko tariki ya 30 kugira ngo turumenyeshe uruhande rwacu n'uko tuzakomeza gukurikirana iki kibazo.'
Kayishema amaze imyaka ikabakaba 30 abunza akarago, aho yiyoberanyije kenshi yigira Umurundi cyangwa umuturage wa Malawi.

Yatawe muri yombi taliki ya 24 Gicurasi 2023, i Pearl Rock muri Afurika y'Epfo, nyuma y'iperereza ricukumbuye ryamukozweho nk'umwe mu bashakishwaga n'ubutabera mpuzamahanga kubera uruhare rutaziguye yagize muri Jenoside yakorewe Abatutsi.

Dore Tubibutse amarorerwa Kayishema yagizemo Uruhare

Fulgence Kayishema niwe wenyine wari ugishakishwa mu bantu 4 bahigishwaga uruhindu kubera uruhare rukabije muri Jenoside yakorewe Abatutsi, kuko nka Kabuga Felisiyani yarafashwe, abandi nka Protais Muranya na Augustin Bizimana bikaba byaremejwe bidasubirwaho ko bapfuye.

Iyo umujenosideri apfuye ataryojwe ubugome bwe ndengakamere biba ari igihombo ku butabera no ku bakorewe ibyaha. Ni amahirwe rero kuba Fulgence afashwe agihumeka, nibura akazabona umwanya wo kubwira isi yose aho we na bagenzi be bakomoye ubunyamaswa.

Kimwe na Kabuga Felisiyani, amafaranga niyo yafashije Fulgence Kayishema kwihisha ubutabera imyaka ingana gutya. Ni amafaranga n'imitungo yasahuye Abatutsi bo mu yahoze ari Komini Kivumu, ubu ni akarere ka Ngororero, ndetse n'ayo yambuye impunzi z'Abahutu zageze aho muri Kivumu zihunga intambara i Kigali no mu tundi duce.

Fulgence Kayishema n'interahamwe ze, yari yarashyize 'nyirantarengwa' ku kiraro cya Nyabarongo, gitangukanya Kibuye na Gitarama z'icyo gihe, akahamburira umuhisi n'umugenzi, udafite icyo yigura, nk'amafaranga, imodoka, ipikipiki n'ibindi by'agaciro, akamutsinda aho.

Aha niho yakuye imodoka yo mu bwoko bwa Pajero itukura, yagendagamo mu gihe cya Jenoside, akaba yari yarayambuye uwitwa Ngagi, nk'uko bitangwamo ubuhamya n'abanyuze kuri icyo kiraro hagati ya Mata na Kamena 1994. Aba bakubwira ko kurokoka Kayishema Fulgence byabaga ari aha Nyagasani.

Ageze no muri Kongo yakomeje gusahura impunzi, utamuhaye akayabo akavuga ko ari Umututsi ubihishemo, akicwa, dore ko yakomeje kuba igikomerezwa, 'umugenzacyaha IPJ'wica agakiza.

Abonye umutekano we ugenda ujya aharindimuka, kuko yari yaramenye ko ubutabera mpuzamahanga bumugera amajanja, Fulgence Kayishema yavuye muri Kongo ajya muri Swaziland(ubu ni Eswatini), aho yinjiye yiyita Umurundi, ku izina rya Fulgence Minani. Muri Eswatini yaje kuhava, ajya muri Malawi yitwa Positani Chikuse, ndetse ahashakira umugore witwa Musoweya Margret, ahabyarira n'abana 3.

Nk'uko byagendekeye Gahini amaze kwica Abeli, Kayishema nawe yahoraga abunza imitima, bigatuma adahama hamwe. Ni uko yagiye muri Afrika y'Epfo ataye wa mugore n'abana muri Malawi, noneho afata izina rishya rya Fulgence Dende.

Abifashijwemo na ya mafaranga yasahuye mu Rwanda no muri Kongo, ndetse n'ayo yibye wa mugore babyaranye wo muri Malawi, bamwe mu bantu bo mu nzego z'umutekano baje kumubonera ibyangombwa bimubesha aho muri Afrika y'Epfo, kuri rya zina yahoranye rya Positani Chikuse , ari naryo yafashwe yiyita.

Akimara gutabwa muri yombi, Fulgence Kayishema yihakanye ubunyarwanda, nk'uko Paul Rusesabagina yabigenje ubwo yavugaga ko ari Umubiligi utavangiye, ndetse abwira abari bamufashe ko bamwibeshyeho, kuko ntaho ahuriye na Fulgence Kayishema bashaka. Erega byasabye kwifashisha bwa buryo bwa gihanga bwo gupima uturemangingo twe(DNA), babona kwemera ko bafashe ruharwa Kayishema koko. Mbere yo gufatwa wa' munyacyubahiro IPJ' yarindaga imodoka z'abantu muri parking.

Nubwo yahindutse mu gihagararo ,kuko ubundi yari umuntu w'amagara make, ubu akaba yarazanye amatama na nyakubahwa (inda nini), kwiyoberanya kwa Fulgence Kayishema biratangaje ku muntu wese ukomoka i Nyange mu yahoze ari Komini Kivumu, uzi neza ko akomoka mu kagari ka Coko, umurenge wa Nyange, Akarere ka Ngororero (yahavuye hakitwa Komini Kivumu nk'uko twabivuze haruguru).

Ntawe utamwibuka ari umugenzacyaha, Interahamwe-mpuzamugambi ikomeye cyane, umugome w'umwirasi.Tugarutse ku ruhare rwe muri Jenoside yakorewe Abatutsi, bamwe mu barokokeye aho i Nyange babwiye Rushyashya ko bafite amatsiko yo kuzumva ukuntu Kayishema ahakana uburyo yahigaga Abatutsi abavana aho batuye, akabatunda abageza muri Kiliziya ya Nyange, kugirango bazabicire hamwe. Ni nako byaje kugenda.

Afatanyije na Padiri Athanase Seromba, umunyemari Gaspard Kanyarukiga, Burugumesitiri Grégoire Ndahimana, n'abandi bicanyi bavugaga rikijyana aho muri Kivumu, bategetse ikimodoka giharura imihanda, maze gisenya iyo kiliziya, igwa ku Batutsi basaga 2.000 bapfuye urw'agashinyaguro.

Ntawe uzibagirwa kandi abana, bari bashoboye kuva muri ibyo bisigazwa bya kiliziya, barimo uwitwaga Muganwa Modeste, bakajyanwa ku ivuriro rya Nyange ngo bavurwe ibikomwere, nyamara Fulgence Kayishema na Grégoire Ndahimana bakoherezayo abicanyi bahabatsinze. Kuri uyu wa gatanu nibwo Fulgence Kayishema yagejejwe imbere y'umucamanza mu rukiko rwa Cape Town, aho yasobanuriwe ibyaha aregwa.

Yahise agezwa imbere y'Urukiko maze arira amarira y'ingona ahakana ibyaha byose yabajijwe
Amakuru avuga ko Fulgence Kayishema ashobora koherezwa mu Rwanda cyangwa muri Arusha. Bigenze bityo akaza mu Rwanda byaba ari byiza ko aburanishirizwa aho yakoreye ibyaha.

N'ubwo imitima y'abo yahemukiye yashengutse, nibura bamwirebeye, bakamushinja imbonankubone, hari icyomoro baba babonye, uko cyaba kingana kose.

The post Nyuma y'ibuyera n'ifatwa rye, Ruharwa Fulgence Kayishema ashobora kwisanga mu nzira igana Arusha appeared first on RUSHYASHYA.

Source : https://rushyashya.net/nyuma-yibuyera-nifatwa-rye-ruharwa-fulgence-kayishema-ashobora-kwisanga-mu-nzira-igana-arusha/?utm_source=rss&utm_medium=rss&utm_campaign=nyuma-yibuyera-nifatwa-rye-ruharwa-fulgence-kayishema-ashobora-kwisanga-mu-nzira-igana-arusha