Author: webrwanda

Niyo Bosco wari umaze igihe agorwa no kureba ibintu byose ku giti cye bitewe n'uko umuziki usaba ikipe yumva neza inshingano mu guteza imbere umuhanzi yashyize asinya muri Metro Afro y'umuhanzi nawe usanzwe ateza imbere abahanzi nyarwanda barimo Okkama na Confy. 

Harimo kandi Loader utunganya imiziki, Old Wasp ukorera umuziki muri Amerika akaba ari we washinze Metro Afro n'umuhanzikazi Boukuru. Ni inkuru yanyujijwe kuri Instagram ya Metro Afro aho bahaye ikaze Niyo Bosco wari umaze igihe nta kipe imufasha mu bikorwa bya muzika. 

Bagize bati:” Urugendo kuri ubu rutangiranye n’umusore Niyo Bosco na Metro Afro. Twishimiye bidasanzwe kukugira mu muryango wacu wa Metro Afro. Turashimimira abo dukorana bose badufashije kwishimira gutangirana uru rugendo na Niyo Bosco”.

Ni amafoto arimo abahanzi n'abandi bakobwa barimo Ingabire Johanna asanzwe ashinzwe ibikorwa by'abahanzi baba muri Metro Afro. Barimo kandi Kivumbi King, Shemi, Derek YMG na Selekta Faba. Niyo Bosco kandi ari mu bahanzi bazataramira abaturage mu ntara zigize igihugu mu iserukiramuco rya MTN Iwacu Muzika, ndetse akaba ari no muri 5 bazataramira I Burera kuwa 20 Nzeri 2023.

REBA AMAFOTO UBWO NIYO BOSCO YAHABWAGA IKAZE

Rutahizamu wa APR FC ukomoka muri Nigeria, Victor Mbaoma yavuze ko bazakora ibishoboka byose bagasezerera Pyramids FC.

Tariki ya 29 Nzeri, APR FC izasura Pyramids mu mukino wa wo kwishyura wa CAF Champions League w’ijonjora rya kabiri.

Rutahizamu wa APR FC, Victor Mbaoma akaba yizeje abakunzi b’iyi kipe ko bazakora ibishoboka byose bagasezerera iyi kipe.

Ati “Tuzakora ibishoboka byose k’ubuntu bw’Imana turebe ko twakwitwara neza mu mukino wo kwishyura tugakomeza mu kindi cyiciro.

Umukino ubanza wabereye i Kigali amakipe yombi yanganyije ubusa ku busa, APR FC ikaba isabwa gutsindira iyi kipe mu Misiri cyangwa kunganya nayo birimo ibitego kugira ngo igere mu matsinda ya CAF Champions League.

Mbaoma yavuze ko bazakora ibishoboka byose bagasezerera Pyramids

Umuraperikazi w’Umunyarwanda, Abayizera Grâce [Young Grâce] yavuze ko mu gihe yizihiza isabukuru y’amavuko kimwe mu byo ashimira Imana ari uko yaramuhaye umwana.

Buri mwaka tariki ya 19 Nzeri 2023, umuhanzikazi Nyarwanda, Young Grâce yizihiza isabukuru y’amavuko, kuri iyi nshuro akaba arimo yizihiza iy’imyaka 29 amaze ku Isi.

Mu kiganiro kigufi yahaye ikinyamakuru ISIMBI, Young Grâce yavuze ko yishimira ibintu byinshi, kuba Imana ikomeje kumurinda ibirenze kuri ibyo ni uko ari umubyeyi.

Ati 'Nishimira ko ndiho ndi muzima, nishimira ko Imana igikomeje kundinda, ndashima Imana kubyo nagezeho, ndashima Imana kuba ndi umubyeyi.'

Ibintu bibabaza umuntu ni byinshi, ku myaka yanjye nk’uko wabivuze si mike si na myinshi, umuntu aba yarahuye n’ibintu byinshi bimubabaza kimwe n’uko hari ibyamushimishije ariko biragoye ko byahita biza aka kanya ariko birahari.'

Agaruka ku bintu yicuza cyangwa abantu bamubabaje, yagize ati 'Ntabwo njya nicuza, nemera ko ikintu cyabaye kiba gifite impamvu. Yego hari igihe umuntu akubabaza ukaba utamwibagirwa, njye sinakubwira ngo n’ibi n’ibi kuko singira inzika, umuntu arambabaza nkamurakarira ako kanya bigahita bishira, ubwo rero ngiye kubikubwira naba nsubiye mu byahise.'

Agaruka ku muziki we, yavuze ko abakunzi be yari yarabaryamishije cyane ariko na none byatewe n’uko hari ibindi yari ahugiyemo, abasezeranya ko bigiye kurangira akagaruka

Ati 'Abakunzi banjye ndabaryamishije cyane, nari nihugiyeho hanze y’umuziki hari ibindi bintu nari ndimo gukora, gusa birasa n’ibigiye kurangira nubwo atari neza. Vuba barongera bambone.'

Young Grâce wamamaye mu ndirimbo zitandukanye nka 'Dokta', 'Hello Boss', 'Umukire', 'Ataha he', 'Hongover' n’izindi, ni umubyeyi w’umwana umwe w’umukobwa wujuje imyaka 4, Diamante.

Young Grace ashimira Imana uko ahagaze kuri uyu munsi yizihiza isabukuru

Yishimira ko ari umubyeyi

Atangaje ibi nyuma yo gusohora indirimbo yasubiyemo yitwa “Ngwino Mana” yatunganyijwe mu buryo bw'amajwi na Bob Pro n'aho amashusho yakozwe na AyoMerci.

Yabwiye InyaRwanda ko yashinze iyi Label kandi irimo n'abandi bahanzi azatangaza mu gihe kiri imbere. 

Ati “Muziki Entertainment ni ‘Label’ yanjye n’ubwo ntarayimurika ku mugaragaro kubijyanye n’abo dukorana, uwemerewe kuyigaragaramo ni njyewe gusa uretse ko hari abandi tuzabagaragariza vuba ariko muri aka kanya byaba byivuze muvuze njyewe njyenyine kuko ninjye uri kugaragara.”

Iyi ndirimbo ‘Ngwino Mama’ yasohoye yanditswe na Nyiringango Gilbert, irazwi cyane mu myaka yo hambere kuko yakunze kwifashishwa cyane n’Abanyarwanda bari mu buhunzi bitegura gutaha mu Rwanda.

Ni indirimbo umubyeyi yaririmbiraga umwana we amwifuriza kuzabona u Rwanda, ibyiza by’u Rwanda, kuzataha iwabo.

Muri iki gihe iyi ndirimbo inifashishwa n’abanyarwanda bari imahanga, bakumbuye u Rwanda, bakeneye kubona ibyiza by’Igihugu cy’abo, ibakora ku mutima n’izindi.

Yvan Muziki akomeza ati 'N’ubu ndabizi ko hari Abanyarwanda benshi batuye imahanga bifuzaga kongera kuyumva, bifuzaga kongera kuyitaramiraho nk’uko bayitaramiragaho cyane. Mu butumwa burambuye ni uko iyi ndirimbo ifite amateka meza cyane.”

Hari abavuga ko iyi ndirimbo yaririmbwe bwa mbere n'umuhanzi Minani Rwema witabye Imana wari Umuyobozi w'Itorero Indahemuka, yaririmbagamo. Minani yabonye izuba mu 1975, avukira mu Gatumba mu gihugu cy'u Burundi,

Yvan Muziki avuga ko gusubiramo iyi ndirimbo byari mu rwego rwo kongera kuyiha ubuzima no kuyikumbuza abantu.

Uyu muhanzi azwi cyane mu ndirimbo zirimo nka ‘Urugo ruhire’ yakoranye na Marina, ‘Feeling’, ‘Itireti’, ‘Yuda’, ‘I’m in love’, ‘Ihora ihagaze’ n’izindi.

Uyu muhanzi aherutse gutangaza ari gukora kuri album iriho indirimbo yakoranye n'abahanzi bo mu Rwanda n'abo mu mahanga.

Ati “Ndi gukora album iriho abahanzi batandukanye bo mu gihugu n’aho hanze y’igihugu, kandi iyi album nshobora kuzayimurika umwaka utaha.”

Kuri iyi album amaze gusohora indirimbo eshatu zirimo ‘Nyash’ yakoranye na Dj Pius, ‘Urugo ruhire’ yakoranye na Marina na ‘Mtima’. Ati “Ubwo izindi zisigaye ni izo tukiri gukora muri studio ndetse n’abandi turi gufatanya.”

Izi ndirimbo 'Mtima' ndetse na 'Urugo ruhire' zari kuri EP (Extended Play), akaba avuga ko yahisemo kuzishyira nazo kuri iyi album ye ya kabiri. 

Yvan Muziki yatangaje ko yashinze Label yise 'Muziki Entertainment'

Muziki avuga ko iyi ndirimbo izaba irimo n'abandi bahanzi azafasha mu muziki

Yvan Muziki yavuze ko yatangije iyi Label mu rwego rwo guha umurongo ibihangano bye

KANDA HANO UREBE AMASHUSHO Y'INDIRIMBO 'NGWINO MAMA' YA YVAN MUZIKI

“>

Mu bakinnyi bakomeye muri Hollywood harimo abakomoka muri Afurika, byumwihariko abigitsina gore. Ibinyamakuru birimo Variety na Daily Africa  byashyize hanze urutonde rw’abakobwa/abagore bamaze kwandika izina muri Sinema bavuka muri Afurika bitewe n’ubuhanga hamwe n’uburanga bwabo budasiba kugarukwaho:

1. Lupita Nyong’o

Uyu azwi mu mafilime nka The Constant Gardener,The Namesake akaba yaratwaye igihembo cya Mnet TV Series Shuga,aza guhabwa igihembo cya Oscar Award muri 2013 nyuma yo gukina muri filime yitwa 12 Years a Slave. Lupita Nyong’o uvuka muri Kenya yakomeje kubaka izina mu yandi ma filime arimo nka ‘Black Panther’ yatumye ashyirwa ku gasongero k’abiraburakazi bahembwa akayabo muri Hollywood.

2. Charlize Theron

Yamenyekanye mu mafilime nka ‘The Old Guard, Fast & Furious, Atomic Blonde, The Devil’s Advocate,Sider House Rules,North Country,Monster,Prometheus n’izindi nyinshi. Inkomoko ye ni mu gihugu cya Afrika y’Epfo mu gace ka Benoni hafi y’umujyi wa Johannesburg. Ku myaka 16 yabanje kuba mu Butaliyani nk’umubyinnyi nyuma yimukira muri Leta zunze ubumwe za Amerika  mu mujyi wa New York ahava ajya kuba i Los Angeles.

Charlize Theron kandi anafite ikigo gifasha impubyi yashinze mu 2012 muri aka gace avukamo.

3. Danai Gurira

Uyu mukobwa uherutse kwitabira umuhango wo Kwita Izina ingagi mu Rwanda, azwi muri filime nka ‘Black Panther’, ‘The Visitor’,’The Walking Dead’,Restless City,Ghost Town n’izindi zatumye yubaka izina. Avuka mu gihugu cya Zimbabwe ubu akaba mu gihugu cya Leta Zunze ubumwe za Amerika aho yanarangirije amasomo ye mu bugeni muri kaminuza ya New York.

4. Benu Mabhena

Yakinnye filime nka ‘Blood Diamond’ aho yakinnye ari umugore wa Djimon Hounsou n'izindi nka Global Crisis,Jazz Man,Night Walkers n’izindi nyinshi.Avuka mu gihugu cya Zimbabwe aho yahavuye ahunze kubera politiki akaba mu bihugu nk’Afrika y’epfo,u Bwongereza kugeza ubu akaba ari kuba mu gihugu cya Amerika.

5. Chipo Chung

Uyu mukobwa  azwi muri filime nka The loop,Proof,360,Sunshine n’izindi. Yavukiye mu gihugu cya Tanzania mu mujyi wa Dar-Es-Salaam ariko  Se umubyara akaba akomoka muri Zimbabwe mu gihe nyina ari Umushinwa.

6. Liya Kebede

Uyu azwi muri filime nka ‘Lord of War,The Best Offer,Desert Flower,Good Sheperd’ n’izindi  nyinshi. Inkomoko ye ni mu  gihugu cya Ethiopia akaba yaraje kujya kuba mu Bufaransa nyuma aza kwimukira mu mujyi wa New York muri  Leta Zunze Ubumwe za Amerika.

7.Rachel Mwanza

Uyu yatwaye ibihembo by’umukinnyi mwiza wa filime mu mu marushanwa atanbdukanye nka Berlin Festival,Tribeca film festival,Vancouver film critics circles,Canadian Screen Awards muri filime yakinnye yitwa Rebelle. Rachel Mwanza avuka mu gihugu cya Repubulika iharanira Demokarasi ya Congo.

8. Carmen Elizabeth Ejogo

Yamenyekanye muri filime nka ‘Perfume,Metro,Away we go,The Avengers’ n’izindi nyinshi. Inkomoko ye ni mu gihugu cya Nigeria kuko Se umubyara ari ho avuka,nyina akaba Umwongerezakazi. Ubu Carmen Elizabeth Ejogo atuye muri  Leta Zunze Ubumwe za Amerika.

9.Sophie Okenedo

Uyu mwari ufite ubwenegihugu bw’u Bwongereza yagiye agaragara mu mafilimi nka ‘Martian Child,After Earth,Hotel Rwanda,Ace Ventura 2’ n’izindi. Sophie Okenedo avuka mu gihugu cya Nigeria kuko Se umubyara ariho avuka naho nyina akaba umuyahudikazi.

10. Pearl Thusi

Amazina ye ni Sithembile Xola Pearl Thusi wubatse izina cyane muri filime  y’uruhererekane yitwa ‘Queen Sono’ yaciye agahigo ko kurebwa cyane kuri Netflix mu 2020. Yamamaye kandi mu zirimo nka ‘Quantico’ yakinanye na Priyanka Chopra.

Pearl Thusi akaba avuka mu gihugu cya Afurika y’Epfo ari naho abarizwa nubwo filime nyinshi azikinira muri Leta Zunze Ubumwe za Amerika.

Mu bashyushyarugamba benshi b'abahanga bo mu Rwanda, harimo abakunzwe kurusha abandi bitewe n'impamvu zitandukanye zirimo ubuhanga n'ubunararibonye bwabo mu gushyushya ibirori, tekiniki zabo mu gususurutsa abantu no kubafasha kuryoherwa n'ibindi.

Muri bo twagutoranirijemo 8 bakunzwe kurusha abandi mu Rwanda ari bo:

1.     Lion Imanzi

Niba usanzwe witabira ibirori bitandukanye bibera mu mujyi wa Kigali ni ukuvuga ko uzi neza MC Lion Imanzi, ubimazemo imyaka isaga 20. Ubuhanga bwe mu gushyira ku murongo ibitaramo n'ibindi birori bitandukanye ndetse n'ijwi rye rinogera amatwi ya benshi byamugize ubukombe muri uyu mwuga ndetse binamuhesha amahirwe yo gukorera amatangazo yamamaza Kompanyi zikomeye zo mu Rwanda.

Lion Imanzi yabaye MC bwa mbere mu itangizwa ry'irushanwa ry'ubwiza rya Miss Rwanda mu 2013, aba MC mu itangizwa rya Primus Guma Guma Super Star ryashyizweho akadomo mu 2018 ndetse n'ibindi birori bikomeye.

2.     Anita Pendo

Anita Pendo, uzwiho kugaragaza imbaraga zidasanzwe haba mu birori yabereye umushyushyarugamba no mu kazi gasanzwe akora k'itangazamakuru, ni MC ukunze gususurutsa ibitaramo byinshi mu Rwanda.

Ibi byanatumye atangira kugirirwa icyizere n'abategura ibirori bikomeye haba abo mu Rwanda no hanze yarwo. Anita Pendo yiyemereye ko umwuga wo kuba MC ariwe akunda kuruta iyindi isanzwe harimo n'uwo kuba umunyamakuru wa Radio na televiziyo.

3.     MC Tino

MC Tino, ni umuntu uzwiho gufatanya imirimo itandukanye kandi yose akayikora neza haba ubunyamakuru, gukora umuziki no kuba umushushyarugamba mu birori bitandukanye.

Nubwo yakuze akunda umuziki cyane ariko urwenya rwe, uburyo azi gusetsa, kuririmba no kubyina byatumye aba umwe mu bashyushyarugamba beza u Rwanda rufite uyu munsi. 

Benshi bavuga ko muri uyu mwuga, MC Tino na Anita Pendo bafite akarushyo  kubera uburyo bahuza uwitabiriye ikirori barimo ntabe yatekereza gutaha.

4.     Lucky Nzeyimana

Uyu, asanzwe ari umunyamakuru umenyerewe mu biganiro by'imyidagaduro kuri Televiziyo Rwanda. Ariko kandi Lucky nawe ni umushushyarugamba ugaragara ku rutonde rw'abakunzwe kurusha abandi muri uwo mwuga. Yakunze kugaragara mu birori bitandukanye birimo ibya Miss Rwanda, Kwita Izina ingagi n'ibindi byinshi.

5.     Sandrine Isheja Butera

Yanyuze ku bitangazamakuru bitandukanye, ni umuhanga cyane mu kuyobora ibirori bikomeye, uwo nta wundi ni Sandrine Isheja umwe mu banyamakuru n'abashyushyarugamba bakunzwe cyane mu Rwanda. 

Ku bw'ijwi rye ritangaje, Sandrine yahindutse ikimenyabose aho yagiye yamamariza ibigo bikomeye mu Rwanda ari nako abategura ibirori bagenda bamutera imboni bagaheraho banamuha akazi ko gususurutsa abitabiriye ibirori byabo ibyo yatangiye acyiga i Butare muri Kaminuza y'u Rwanda.

6.     David Bayingana

David Bayingana, ubusanzwe amenyerewe mu gisata cy'imikino mu Rwanda cyane ko ari n'umwe mu banyamakuru ba siporo babisobanukiwe cyane. Kubera ubunararibonye bwe muri siporo, yagiye ayobora ibirori bitandukanye bifite aho bihuriye na siporo birimo Tour du Rwanda, African Volleyball Championships, n'ibindi.

7.     Martina Abera Kabagambe

Uyu mukobwa ufite ubwiza ndetse n'ijwi bikurura abatari bake nawe ari mu ba MC bato kandi b'abahanga cyane u Rwanda rwibitseho. Martina Abera usanzwe ari umunyamakuru wa Televiziyo Rwanda mu makuru y'Icyongereza no mu biganiro bitandukanye kuri Televiziyo Rwanda ishami ryayo rya kabiri [KC2] ni umwe mu bashyushyarugamba bagaragaye cyane mu irushanwa rya Miss Rwanda.

8.     Arthur Nkusi

Arthur Nkusi wamenyekanye cyane ubwo yakoraga kuri Kiss Fm, nawe ni umwe mu bantu bafite impano zitandukanye ariko muri zo akaba yishimira cyane umwuga wo kuba MC. 

Athur unamenyerewe mu gutegura ibiganiro by'urwenya mu Rwanda, ndetse ufatwa nk'icyitegererezo kuri benshi yishimira urwego agezeho uyu munsi, aho yavuye mu kwamamaza ibintu bito akagera ku kuba MC w'ibitaramo bikomeye n'ibindi birori.

Nyuma yo kwerekanwa mu ikipe nshya yo muri Algeria ya Union Sportive de la Médina Khenchela [USMK], Manishimwe Djabel yashimiye Imana.

Tariki ya 9 Nzeri 2023, nibwo Manishimwe Djabel wakiniraga Mukura VS ariko nk’intizanyo ya APR FC, byamenyekanye ko yamaze kumvikana n’iyi kipe ikina mu cyiciro cya mbere muri Algeria.

Mu mpera z’icyumweru gishize nibwo yafashe rutemikirere yerekeza muri iki gihugu kurangizanya n’iyi kipe ndetse no gutangira akazi.

Ejo hashize ku wa Mbere tariki ya 18 Nzeri 2023 nibwo iyi kipe yamwerekanye na we binyuze ku mbuga nkoranyambaga ashimira Imana kuba byose byagenze neza.

Ati “Imana ishimwe. USM Khenchela ni ho mu rugo rushya.”

Manishimwe Djabel agiye muri Algeria nyuma y’uko yabuze amahirwe yo kwerekeza mu ikipe ya Al Shabaab FC yo muri Saudi Arabia kubera ko mu mwaka w’imikino wa 2022-23 atakinnye imikino myinshi.

Manishimwe Djabel yatangiye gukinira Rayon Sports muri 2014 kugeza 2019 ubwo yerekezaga muri APR FC kugeza uyu munsi nubwo yari yaramutije muri Mukura VS.

Manishimwe Djabel yerekanywe mu ikipe nshya

Iyi nzu iri hirya yo kuri Azam urenze umuhanda wa Kimironko kwa Mushimire. Iherereye munsi y’akagali ka Musave. Ifite ibyumba 4 na douches na toilets 2 munzu hamwe n’inzu 3 z’abakozi na toilet na douche byo hanze ikagira n’ikigega cy’amazi. Ni inzu nziza kuko ifite n’amakaro mu nzu ikagira n’ikindi kibanza kiri kuruhande biri kumwe, byose ni 35.000.000 Frw. Ushaka kwihahira cyangwa ibindi bisobanuro wabariza kuri 0788548090