Author: webrwanda

Enjenyeri( Engineer) Mujawase Ernestine, Umuyobozi ushinzwe ubucukuzi bw'amabuye y'agaciro muri Gisizi Mining Company Ltd (GIMI) ikorera mu Murenge wa Kayenzi, Akarere ka Kamonyi avuga ko kutagira ubushakashatsi bugenderwaho ku hakorerwa imirimo y'ubucukuzi bibangamiye ababukora. Ahamya ko zimwe mu ngaruka ari ukutamenya neza ingano y'amabuye ari mu butaka no kuba ucukura abikora byo gushakisha atazi inzira nyakuri ashakiramo ayo mabuye y'agaciro.

Mu kiganiro yahaye intyoza.com ubwo GIMI( Gisizi mining Company Ltd) basurwaga n'itsinda ry'intumwa za Rubanda hamwe n'inzego z'ubuyobozi zitandukanye zirimo Akarere, Polisi ndetse n'abakozi b'ikigo gifite ubucukuzi mu nshingano-RMB, yagaragaje ko kutagera ku musaruro ukwiye, kutamenya ingano iri mu butaka bashakiramo amabuye ari imbogamizi iterwa no kuba nta bushakashatsi bwimbitse bwakozwe ngo babe aribwo bagenderaho.

Yagize ati' Imbogamizi duhura nazo mu bucukuzi, harimo ikijyanye n'ubushakashatsi ndetse n'ishoramari ridahagije. Imbogamizi ya mbere duhura nayo kubera ubushakashatsi butimbitse, ni ukuba ibyo ducukura tutamenya ingano yabyo, ikindi ahantu tugiye gucukura ntabwo umenya neza icyerekezo cy'ifiro(agace karimo amabuye) cyangwa se ngo umenye ingano yayo bibe byagufasha kumenya neza uko utwara indani yawe'.

Akomeza ati' Dutangira turimo dushakashaka kuko nta makuru tuba dufite, ariko nyine nyuma tukaza kumenya amakuru tuyigezeho neza(ifiro cg amabuye). Tubaye dufite neza amakuru ajyanye n'ubushakashatsi byajya bitworohera mu bucukuzi bwacu'. Akomeza ashimangira ko muri uko kutagira amakuru y'ubushakashatsi, bituma hari ubwo batangira bacukura ariko bakaba basubira inyuma kuko basanze aho bari bakurikiye bibeshye.

Enjenyeri(Engineer) Mujawase Ernestine, avuga ko muri Kampani akorera bagerageza ibishoboka mu kwirwanaho bashakisha uko bakora ubucukuzi neza, bakabona umusaruro nubwo ibitakara ari byinshi kubera ibikoresho ndetse n'ishoramari ritaragera ku rwego rujyanye n'ikoranabuhanga rigezweho. Avuga kandi ko mu bucukuzi bw'amabuye y'agaciro bakora, bagerageza ku bukora mu buryo bujyanye n'igihe, bubahiriza ibisabwa ari nako bagerageza kubungabunga no kurengera ibidukikije.

Gisizi mining Company Ltd (GIMI), ni imwe muri Kampani 15 z'ubucukuzi bw'amabuye y'agaciro ikorera mu Karere ka Kamonyi mu buryo bwemewe kuko bafite ibyangombwa bahabwa bibemerera gukora ubu bucukuzi. Ni na bamwe kandi ugeze aho bakorera ubu bucukuzi ubona ko hari imikorere inoze mu buryo bwo gutunganya aho bakorera ugereranije na benshi bahuje umwuga ku butaka bwa Kamonyi. Gusa na none hari bimwe bigaragara nk'ibikiri inzitizi ku bucukuzi n'ababukora tuzagarukaho bijyanye n'ibikwiye kunozwa.

intyoza

Source : https://www.intyoza.com/2023/10/02/kutagira-ubushakashatsi-bwahacukurwa-amabuye-yagaciro-ni-imbogamizi-kubabukora-uwase-ernestine/

Ku bantu bamenyereye uko Abarundi bidagadura baganiriye na Inyarwanda bayimaze amakenga bahamya ko nta mpungenge ziba i Bujumbura ku bitaramo bikurikirana kuko “Abarundi bakunda kuryoshya” iyi mvugo niyo ngiro kuko kuri Messes Des Officiers hateraniye abarenga  ibihumbi 20. Ni imbuga ngari iri mu kigo cya gisirikare. 

Ntabwo bisanzwe kuko hari Urubyiruko, abakuze, abanyamahanga, abana bazanye n’imiryango bose naje kwirebera The Ben. Umunyamakuru  Mike Nsabimana wa Pj Classic Fm yabwiye InyaRwanda ko ubusanzwe muri iki kigo habamo akabari ndetse ibitaramo bisanzwe bihabera. 

Ucishije amaso mu bafana wabonaga  ko rwose bazi kwishima. Ni ibintu byacanze abanyarwanda kuko bameze nk’abari kureba sinema. Icyokora wenda barahavana isomo ryo kurya ikirori kuko Abarundi baradusize. Ikitwa amacupa y’amavide ntabwo batinya kuyaha umukiriya (Twe dukoresha  Usage Unique ). Inyarwanda yabajije impamvu batanga amavide mu bakiriya utanga ibyo kunywa araturika araseka. Bivuze ko nari mbajije ubusa mu yandi magambo. Gusa yabonye ntunguwe anzanira ako banyweramo rimwe”Usage unique “. Icyo kurya  cyari girahari.

 Kwinjira byari  bigoye kuko umurongo utonze uhera mu ntanzi z’ikigo ukagera mu marembo. Dj wa Diamond Platnumz witwa Rj The Dj yahamagawe ku rubyiniro na Ami Pro The Mc noneho aza yambaye nk’abamasayi. 

Yacuranze indirimbo ahereye ku za Diamomd gusa avangamo na mukeba we Harmonize. Yacuranze iyitwa “Single Again” abazi ihangana riba hagati yabo batunguwe.

 Patycope  wari wamaze kugera ahari kubera igitaramo yabwiye InyaRwanda ko bitangaje. Ati:”Dj wa Diamond Platnumz akinnye indirimbo ya mukeba!”. Dj RJ  The Dj yageze ku rubyiniro azana drone ifata amashusho  akurikizaho indirimbo za Diamomd Platnumz azivanga n’iza WCB.

21:40 Ami Pro The Mc yahamagaye Sat-B

21:55 Sat- B yinjiriye kuri Beautiful yakoranye na Meddy

Abafana 7 bafite ibyapa byanditseho Sat-B bashyigikiye umuhanzi wabo. Yaririmbye izirimo Feel Love yarambitsweho ibiganza na Kolly Da Magix. 

Yakurikijeho Satura amabufure n’amabuye yamwandikiye izina. 

Yari yambaye neza, ikote riremereye, imikufi mu ijosi, fume z’umukara, 

21:10 Sat-B yasoje kuririmbira abafana

22:20 The Ben yinjiriye kuri Ko Nahindutse ayirangije arapfukama aha Imana Icyubahiro

Yakurikije Thank You My God

Abafana basirimbye ikirori gihinduka urutambiro

The Ben wari wishimye bigaragarira buri wese uzi gusoma amarangamutima ya muntu yaririmbaga akanyuzamo akamwenyura

Ageze kuri Why byagoranye kuko Ingo Live Band mu gutangira indirimbo ntibyahuraga

The Ben yageze hagati abuza abacunga umutekano  

Yakurikijeho Ntacyadutanya 

Hajyajo Naremeye

Pamela yabaye indirimbo 

23:00 Pamela yaje agira isoni abashimira uko bakiriwe

The Ben yaririmbye Roho afashe Pamela ku rutugu

23:13 The Ben yavuye ku rubyiniro abafana batabishaka abasezeranya kuzagaruka kuhakorera igitaramo, yarize amarangamutima aramurenga

Saa 23:20 :Bafunze ibyuma abafana banga gutaha. 

Igitaramo cyagombaga gutangira Saa kumi n’imwe z’umugoroba kikarangira saa tatu z’ijoro. Kubera ko cyabereye mu kigo cya gisirikare kandi haba amasaha yo gufunga ibikorwa byo kwidagadura. Niyo mpamvu abafana batamenye uburyo Big Fizzo ataririmbye kuko amasaha yari yarangiye. 

Igitaramo cyari gifite abafana 

Abarundikazi bakunda ibitaramo 

Ami Pro The Mc yayoboye neza igitaramo, akora kuri Buja fm 

Dj Paulin uri hagati, manager wa Drama T

Rj The Dj ucurangira Diamond Platnumz 

The Ben yahamagawe ku rubyiniro babanza kuzimya amatara

Igitaramo cyabaye hari drone ifata amashusho 

The Ben yafashwe n’amarangamutima ararira

The Ben yeretswe urukundo n’abafana

The Ben ku rubyiniro yasutse amarira ahamya ko gukundwa abikesha Imana

AMAFOTO:Murenzi Dieudonne-InyaRwanda.com 

Source : https://inyarwanda.com/inkuru/134947/big-fizzo-lino-g-ntibaririmbye-ibyaranze-igitaramo-cya-the-ben-cyasojwe-bamwe-batabyumva-a-134947.html

Umunyamakuru w’imikino Ephrem Kayiranga wakoreraga Radio Flash &TV yayisezeye nyuma y’imyaka 7 ayikorera.

Amakuru ISIMBI yamenye ni uko ku munsi w’ejo hashize ku Cyumweru tariki ya 1 Ukwakira 2023, uyu munyamakuru ari bwo yasezeye bagenzi bakoranaga by’umwihariko mu gisata cy’imikino.

Ephrem yari azwi cyane mu kiganiro ‘Programme Umufana’ yari anabereye umuyobozi yakoranaga na Ndayisaba Leonidas na Nkusi Denis [Mtangazaji] gitambuka kuva saa 8h30′ kugeza saa 10h30′ guhera ku wa Mbere kugeza ku wa Gatanu.

Uretse ubuhanga bwe mu gusesengura, Kayiranga Ephrem anazwi cyane mu kogeza imipira cyane cyane iyo mu Rwanda.

Kayiranga wakoreye ibitangazamakuru bitandukanye birimo na Authentic Radio, amakuru avuga ko yerekeje kuri Radio & TV1 ya Kakooza Nkuriza Charles [KNC] akaba perezida wa Gasogi United.

Kayiranga Ephrem yerekeje kuri Radio&TV1

Source : http://isimbi.rw/siporo/Umunyamakuru-w-imikino-Ephrem-Kayiranga-wokorera-Flash-FM-yayisezeye-asanga-KNC

Abarundi bitabiriye ibitaramo by'umuhanzi The Ben yakoreye i Bujumbura bacitse ururondogoro kubera ikimero cya Uwicyeza Pamella wagiye gushyigikira umugabo we i Bujumbura.

Ni ibitaramo bibiri The Ben yakoreye mu Mujyi wa Bujumbura aho abakunzi b'umuziki b'i Burundi no mu Rwanda bari bakoraniye kuva ku wa 30 Nzeri kugera ku wa 1 Ukwakira 2023.Ni ibitaramo byabanjirijwe n'ikitaritabiriwe cyane cyabereye ahitwa Eden Garden ku nkengero z'ikiyaga cya Tanganyika.

Aha kuri Eden Garden, Uwicyeza Pamella umugore wa The Ben yazamuwe ku rubyiniro ku busabe bw'abafana.

Yerekeza ku rubyiniro bose bazamuye amajwi bati 'Pamella, Pamella, Pamella, Pamella' mu kimero gishinguye si ukwinyonga bararangara karahava!.

Pamella nawe ati 'Nishimye cyane uko mwatwakiriye i Burundi, turabakunda cyane. Abarundi n'u Rwanda turi abavandimwe.'

AMAFOTO 

Source : https://yegob.rw/abarundi-bajagajwe-nimiterere-nikimero-cya-miss-uwicyeza-pamella-wari-wagiye-gushyigikira-umugabo-we-the-ben-amafoto/?utm_source=rss=rss=abarundi-bajagajwe-nimiterere-nikimero-cya-miss-uwicyeza-pamella-wari-wagiye-gushyigikira-umugabo-we-the-ben-amafoto

Abanyamakuru n'abafana benshi barimo gushinja umukinnyi wa Rayon Sports kurya amafaranga nyuma yo gukora ikosa rikomeye rigahindura ibintu iyi kipe igasezererwa

Umukinnyi w'ikipe ya Rayon Sports akomeje gushinjwa kurya amafaranga nyuma yo gukora ikosa rikomeye ku mukino iyi kipe yatsinzwemo n'ikipe ya Al Hilal Benghazi ikabura amahirwe yo gukina imikino y'amatsinda.

Muri uyu mukino ikipe ya Rayon Sports yakinnye neza ariko ikabura amahirwe yo gutsinda, umukinnyi witwa Kalisa Rashid akomeje gushinjwa na benshi ko hari icyo yari yahawe nyuma yo gutera Penalite nabi ku buryo benshi babonaga ko n'ubundi agomba kuyihusha kubera uko yari ahagaze mbere yo kuyitera, benshi bavuga ko yari yeretse umuzamu aho aratera.

Ikipe ya Rayon Sports ndetse na APR FC zigiye gukomeza gutegura imikino ya Shampiyona nyuma yaho APR FC itsinzwe inyagiwe ibitego 6-1 naho Rayon Sports ikaba yarakuwemo n'ikipe ya Al Hilal Benghazi.

 

Source : https://yegob.rw/abanyamakuru-nabafana-benshi-barimo-gushinja-umukinnyi-wa-rayon-sports-kurya-amafaranga-nyuma-yo-gukora-ikosa-rikomeye-rigahindura-ibintu-iyi-kipe-igasezererwa/?utm_source=rss=rss=abanyamakuru-nabafana-benshi-barimo-gushinja-umukinnyi-wa-rayon-sports-kurya-amafaranga-nyuma-yo-gukora-ikosa-rikomeye-rigahindura-ibintu-iyi-kipe-igasezererwa

Iribagiza Joy umugore wa Mukunzi Yannick yamutakagije mu magambo buri mugabo wese yakwifuza kumva ava mu kanwa ku mugore we.

Kuri uyu wa mbere tariki ya 2 Ukwakira 2023 nibwo umukinnyi w'ikipe y'igihugu Amavubi, Mukunzi Yannick yagize isabukuru y'amavuko.

Ku isabukuru ye y'amavuko, umugore we yamwifurije isabukuru nziza y'amavuko.

Abinyujije ku rukuta rwe rwa Instagram, aho yifashishije n'amafoto y'umugabo we bakoze ubukwe, yamuteye imitoma ndetse anamwifuriza isabukurunziza y'amavuko.

 

Source : https://yegob.rw/iribagiza-joy-umugore-wa-mukunzi-yannick-yamutakagije-mu-magambo-buri-mugabo-wese-yakwifuza-kumva-ava-mu-kanwa-ku-mugore-we/?utm_source=rss=rss=iribagiza-joy-umugore-wa-mukunzi-yannick-yamutakagije-mu-magambo-buri-mugabo-wese-yakwifuza-kumva-ava-mu-kanwa-ku-mugore-we

Mu mwaka wa 2024, u Rwanda ruzaba rufite stade yo ku rwego mpuzamahanga, yemewe na FIFA ishobora kwakira nibura abantu ibihumbi 45 bicaye neza.

Ni sitade Amahoro y'i Remera mu mujyi wa Kigali iri kuvugururwa ku buryo mu mwaka utaha izajya yakira abantu ibihumbi 45 yaba abakurikiye umukino cyangwa se abitabiriye ibirori bisanzwe.

Source : https://yegob.rw/kigali-izaba-imeze-nki-burayi-mu-2024-u-rwanda-ruzaba-rufite-stade-yo-ku-rwego-mpuzamahanga-yemewe-na-fifa-izajya-yakira-nibura-abantu-ibihumbi-45-amafoto/?utm_source=rss=rss=kigali-izaba-imeze-nki-burayi-mu-2024-u-rwanda-ruzaba-rufite-stade-yo-ku-rwego-mpuzamahanga-yemewe-na-fifa-izajya-yakira-nibura-abantu-ibihumbi-45-amafoto

Uwimana Clarisse usigaye yitwa 'Mama Iganze' yerekanye umwana we aherutse kwibaruka ndetse anahamagarira abantu kuza kunywa igikoma.

Abinyujije ku mbuga nkoranyambaga zigiye zitandukanye, umunyamakuru Uwimana Clarisse yerekanye umwana we aherutse kwibaruka.

Mu mafoto yafashe umwana we atagaragaza isura ye ahubwo yerekakana ibiganza by'umwana, yishimiwe na benshi.

Nyuma yo gusohora ayo mafoto yahamagariye abantu kuza kunywa igikoma.

AMAFOTO

Source : https://yegob.rw/uwimana-clarisse-usigaye-yitwa-mama-iganze-yerekanye-umwana-we-aherutse-kwibaruka-ndetse-anahamagarira-abantu-kuza-kunywa-igikoma-amafoto/?utm_source=rss=rss=uwimana-clarisse-usigaye-yitwa-mama-iganze-yerekanye-umwana-we-aherutse-kwibaruka-ndetse-anahamagarira-abantu-kuza-kunywa-igikoma-amafoto

Nyuma y'uko mumpera z'icyumweru dusoje isoko ry'Akarere ka Rwamagana ryibasiwe n'inkongi y'umuriro,  bamwe mubarikoreragamo akazi ko gukora amaradiyo n'ibindi by'uma by'ikoranabuhanga baravugako bafite impungenge ko abakiriya babo bazabishyuza ibikoresho babasigiye bigahira muri irisoko batashye bagasaba Akarere kubaha ubufasha.

Mu mpera z'icyumwru gishize igice gito cy'isoko rya Rwamagana cyibasiwe n'inkomgi y'umuriro bawuzimya hatarashya igice kinini . Bamwe mubahishije ibikoresho byabo biganjemo abakoraga ibikoresho by'ikoranabuhanga nk'amaradiyo ,televisiyo na computer baravuga ko bakomeje kugorwa no gubasanurira abakiriya babo uko bazabona ibikoresho bari baje gukoresha muri iryo soko bigashya ubwo bati batashye.

Umwe ati ' Abakiliya bafite ikibazo cy'uko bagomba gusubizwa ibintu byabo kuko mu gushya hari igihe bo bavuga ko nta ruhare babigizemo bishye ariko bo bakavuga bati byanze bikunze bagomba kubona bagomba kubona ibintu byacu.'

Undi ati ' Ntabwireguro kubakiriya wababwira bo ibyo gushya bishobora kuba nta n'icyo bibabwiye.'

Undi nawe ati ' Urabona nk'uyu munsi twahiriwe ubwo mu rwego rwo kugirango dutegereze uko wenda hari umuyobozi wahagera ntawatugezeho turacyategereje kuko  ibi ni ibihombo.'

Undi yungamo ati ' Ibisobanuro turi guha umukiliya ntabwo bimunyuze kuko kubimwereka we aracyababaye nubwo acecetse ariko afite intimba ku mutima.'

Abahaye amakuru itangazamakuru rya Flash bavuze ko nta n'umwe wari ufite ubwishingizi ubwo iyo nkongi yabaga , bakaba bari mu gihiraho cy'uko bazongera kubona igishoro. Impamvu batanga yo kuba batari mu bwishingizi bw'inkongi y'umuriro ngoi ni uko aho hantu bakoreraga by'agateganyo kuko isoko riri mu mujyi wa Rwamagana bakoreragamo mbere riri kuvugururwa kugirango ribe kijyambere kandi rigirwe etage bityo ngo bakaba bari kuzagura ubwishingizi barisubiyemo bakaba ariho bahera basaba akarere ka Rwamagana kubaha ubufasha.

Umwe ati ' ubundi ryari isoko ry'ateganyo kuko tuzimukira mu rya ruguru niyo mpamvu tutari twahsak ubwishingizi ariko tubuteganya ko ubwo bwishingizi nabwo tugomba kubushaka , ni ukudufasha nk'ababyeyi mukadukorera ubuvugizi nakagira icyo batumarira kuko barabona ko natwe ubu ng'ubu urabona imvura yaguye turi hanze nta n'icyo twanahakorera.'

Undi nawe ati ' mudufashije mukatubonera uko twakongera tukiyubaka natwe byadufasha cyane.'

Ubwo twatunganya iyi nkuru uburyo bwose twakoresheje ngo twumve icyo ubuyobozi bw'Akarere ka Rwamagana bwizeza abaturage ntibwadukundiye . Ntitwabashije kumneya ingano y'ibyahiriye muri iyo nkongi ndetse n'agaciro kayo mu mafaranga ariko abaturage bavuga ko hashobora kuba harahiye amazu umunani.

Claude Kalinda

 

The post Rwamagana: Abakoreraga mu isoko ryibasiwe n'inkongi bafite ubwoba bwo kwishyuzwa ibyahiriyemo. appeared first on FLASH RADIO&TV.

Source : https://flash.rw/2023/10/02/rwamagana-abakoreraga-mu-isoko-ryibasiwe-ninkongi-bafite-ubwoba-bwo-kwishyuzwa-ibyahiriyemo/?utm_source=rss&utm_medium=rss&utm_campaign=rwamagana-abakoreraga-mu-isoko-ryibasiwe-ninkongi-bafite-ubwoba-bwo-kwishyuzwa-ibyahiriyemo

Urugaga rw'abanditsi mu Rwanda rurasaba abandika ibitabo gushyira imbaraga mu kwandika ku mateka y'abantu b'intangarugero n'abanyageso nziza kugira ngo ibyo bakoze bibere abakiri bato urugero.

Ibi byagarutsweho ubwo umwanditsi Hategekimana Richard yamurikaga igitabo yanditse kuri Tito Rutaremara inararibonye muri Politiki y'u Rwanda.

Urugero rw'ibisabwa n'urugaga rw'abanditsi b'ibitabo ni igitabo cyanditswe ku buzima n'amateka ya Tito Rutaremara uzwi cyane muri politiki y'u Rwanda,nin igitabo umwanditsi akaba anayoboye urugaga rw'abanditsi mu Rwanda Hategikimana Richard yanditse agiha umutwe ugira uti'Hon.Dr.Tito RUTAREMARA INKOTANYI CYANE NTATEZUKA. Uyu mwanditsi   asobanura ko  icyatumye atekereza kwandika kuri Tito Rutaremara igitabo gifite paje zisaga 400 mu gihe cy'amezi 6 byaturutse ku neza yamugiriye.

Ati ' Itigekerezo cyo kumwandika cyaturutse ku neza yangiriye ubwo yantoje buriya twarafatanyije dushaka umwanya uhagije aramfasha numva nungutse ubumenyi budasanzwe kandi mu mwanya mucye agira ampamo umwanya uhagije ubwo mpitaro rero ko izo ndangagaciro ze wo kuzandikaho ibitabo mukoraho ubushakashatsi musaba uburenganzira arabumpa nandika igitabo namuritse uyu munsi nkaba naracyise Honorable Tito Rutaremara Inkotanyi cyane.'

Tito Rutaremara wanditsweho igitabo namubajije icyo atekereza ku myitwarire y'abanyabigwi bandikwaho n'icyo abandika ku mateka y'igihugu cyangwa iy'abafatwa nk'abakigiriye akamaro bakwiye kwitwara.

Ati '  Abantu bakwiye kwandika ntibirwe banategereza ko banapfa bakanabyandika  hakiri kare kuko amateka y'igihugu ni ay'abantu bose buriya nacyo gituma nshima na bariya bandika ibyoi banyuzemo muri Jenoside buri wese icyo yanyuzemo n'indu icyo yanyuzemo iyo ubifite byose kimwe nibwo  wumva ibintu byose byabaye muri uru Rwanda .'

Urugaga rw'abanditsi mu Rwanda rurasaba abandika ibitabo gushyira imbaraga mu kwandika ku mateka y'abantu b'intangarugero n'abanyageso nziza kugira ngo ibyo bakoze bibere  abiganjemo abakiri bato urugero. Hategikimana Richard ayobora urugaga rw'abanditsi akaba ari nawe wanditse kuri Tito RUTAREMARA

Ati ' Icyo Abanditsi b'u Rwanda bakwiye gukora ni uko bareba abantu bose bakora neza abantu bose b'intangarugero abo bita role model bakabandikaho Amateka yabo kuko babaye abanyangeso nziza iyo ubanditseho ibitabo hari benshi babyigiraho hari benshi indangagaciro zabo bazigira izabo.'

Muri iki gitabo Hon.Dr.Tito RUTAREMARA INKOTANYI CYANE NTATEZUKA  umwanditsi wacyo yacyanditse nyuma yo gukusanya amakuru ku bavandimwe.inshuti abakoranye n'abigishijwe na Tito Rutaremara kandi igice kinini cyacyo kiribanda ku buzima bwa Tito Ruteramara muri FPR Inkotanyi ikindi guce gito kikibanda ku buzima bwe bwite.

Tito DUSABIREMA

 

The post Tito Rutaremara yanditsweho igitabo kimuvuga ibigwi appeared first on FLASH RADIO&TV.

Source : https://flash.rw/2023/10/02/tito-rutaremara-yanditsweho-igitabo-kimuvuga-ibigwi/?utm_source=rss&utm_medium=rss&utm_campaign=tito-rutaremara-yanditsweho-igitabo-kimuvuga-ibigwi