Author: webrwanda

Abashoferi bahiye ubwoba bacyumva ko kamera zo ku muhanda (Sophia) zahawe ubushobozi nk'ubwumuntu kuko izajya inamenya ko utambaye umukandara, wanze kwishyura imisoro n'indi byinshi bicaga nkana.

Umuyobozi Mukuru wa Polisi y'u Rwanda, IGP Felix Namuhoranye yavuze ko cameras zikomeje gushyirwa ku mihanda itandukanye mu gihugu zitagamije guhana abantu no kuba isoko y'amafaranga, ahubwo ari izigamije kubungabunga umutekano w'abakoresha umuhanda.

Yabitangaje kuri uyu wa Gatatu mu kiganiro inzego zitandukanye zifite aho zihuriye n'umutekano w'imbere mu gihugu zagiranye n'abanyamakuru.

Mu 2019 nibwo Polisi y'u Rwanda yatangiye kwifashisha camera zo ku muhanda, zigamije gutanga amakuru ku barengeje umuvuduko ugenwe ndetse bagahita bohererezwa n'ubutumwa bw'amande baciwe.

Izo cameras zimaze gushyirwa hirya no hino mu mihanda minini y'igihugu, mu rwego rwo kubungabunga umutekano.

IGP Namuhoranye yavuze ko abantu badakwiriye kumva ko izo cameras zishyirwa mu mihanda, zigamije guhana abanyamakosa no kwinjiza amafaranga mu isanduku ya Leta.

Ati 'Cameras zaje ari igisubizo cy'ibibazo bimwe ariko si byose. Ubundi ikibazo nticyakabaye aho camera iri. Ubu turi gucapisha ibyapa byinshi bibwira Abanyarwanda aho cameras ziri. Icyegendererwa si uguhisha cameras, si no kugira ngo bakubwire ko utagomba kugenda buhoro aho iri, nuharenga yihute.'

Yakomeje agira ati 'Icyo tugendereye ni ugukuraho urwo rujijo. Ntiducuruza amakosa, si cyo tugendereye. Nta cameras zikwiye guhishwa, ntizizanahishwe. Uwo muvuduko urahari na camera zihari. Hari igihari ko iyo barenze cameras bavuduka ari nayo mpamvu amakosa menshi ari umuvuduko.'

IGP Namuhoranye yavuze ko abashoferi badakwiriye kumva ko mu gihe barenze cameras, baba babonye uruhushya rwo kugendera ku muvuduko urenze uwagenwe.

Ati 'Ntabwo dushaka gushora Abanyarwanda mu muvuduko mu gihe barenze camera. Turazigaragaza ariko tunazongere.'

Nubwo kuri ubu cameras zo ku muhanda zarebaga ibijyanye n'umuvuduko, IGP Namuhoranye yavuze ko atari ko kazi kazoo gusa, kuko ubu ziri kongererwa ubushobozi ngo zikore ibirenzeho.

Ati 'Twahanye amakuru na sosiyete z'ubwishingizi, ubu système zacu zirakorana n'ibigo by'ubwishingizi, Rwanda Revenue Authority, Contrôle Technique dufitanye amakuru. N'umukandara iyo impanuka yabaye utawambaye bitera ibyago byinshi, na telefoni kuyivugiraho nabyo bitera impanuka.'

'Udafite ubwishingizi, camera izamenya ko imodoka iri kugenda nta bwinshingizi, ko nyirayo ari kuvugira kuri telefoni, ko nta mukandara. Ibyo byose camera nibikusanya ikabiguha, uzitwara neza, uzagabanya umuvuduko.'

Polisi y'u Rwanda igaragaza ko cameras zo mu muhanda zafashije mu kugabanya impanuka zajyaga ziterwa n'umuvuduko ukabije.

Source : https://yegob.rw/abashoferi-bahiye-ubwoba-bacyumva-ko-kamera-zo-ku-muhanda-sophia-zahawe-ubushobozi-nkubwumuntu-kuko-izajya-inamenya-ko-utambaye-umukandara-wanze-kwishyura-imisoro-nindi-byinshi-bicaga-nkana/?utm_source=rss=rss=abashoferi-bahiye-ubwoba-bacyumva-ko-kamera-zo-ku-muhanda-sophia-zahawe-ubushobozi-nkubwumuntu-kuko-izajya-inamenya-ko-utambaye-umukandara-wanze-kwishyura-imisoro-nindi-byinshi-bicaga-nkana

Umuyobozi wa Polisi y'Igihugu, IGP Felix Namuhoranye, yagaragaje ko inzego z'umutekano zitazigera zihanganira abajura bakomeje kwiba ibikoresho byifashishwa mu gukwirakwiza umuriro n'amazi.

Yabigarutseho ku wa Gatatu, tariki ya 4 Ukwakira 2023, mu kiganiro Polisi y'Igihugu n'Urwego rw'Igihugu rw'Ubugenzacyaha, RIB, byagiranye n'itangazamakuru.

IGP Felix Namuhoranye yavuze ko ibyaha by'ubujura bw'ibi bikoresho byiyongereye ahanini kubera ubucuruzi bw'ibyuma bishaje.

Yagize ati 'Byazamutse vuba kubera abagurisha ibyuma bishaje. Ni ishoramari ririho, rikora, ryanditse mu bitabo by'ubucuruzi. Twahuye na bo [abarikora] tubibutsa ko badakwiye kugura insinga z'amashanyarazi. Mu byo agura ntiharimo insinga, amatiyo, ibyapa, fibre optique. Twarabasatse, twarabakurikiranye dusanga ni byo byinshi bafite.''

Yatanze urugero aho ku muyoboro w'amazi uva Kanzenze mu Bugesera ugana i Kigali, umuntu yambaye akenda kagaragaza ko ari umukozi wa WASAC ajya gukuraho ya van, bigatuma abaturage bamara iminsi itatu nta mazi.

Yakomeje ati 'Akakijyana mu Bugesera akakigurisha ibihumbi bitatu by'Amafaranga y'u Rwanda, van igura amafaranga menshi, unayikuyeho ntiwakongera kuyisubizaho. Haba hangiritse metero nyinshi, amazi menshi aragiye. Abaturage bamaze iminsi itatu nta mazi. Mu babuze amazi harimo na wa wundi waguze cya cyuma.''

IGP Namuhoranye yanavuze ko hari n'aho abantu bakoze muri Sosiyete y'Igihugu ishinzwe Ingufu, REG, bajya mu baturage nk'abakozi bagakata amasinga bakajya kuyagurisha.

Ati 'Akurira ipoto bakagira ngo ari kubakorera amashanyarazi. Bakazamuka umwe agakata iburyo, undi ibumoso. Bagatwara urusinga, uruguze akarujyana ku ruganda rushongesha rwa rusinga.''

Yavuze ko ikibabaje ari uko urwo rusinga arutanga ku bihumbi 11 Frw ariko uruganda rwe rugahomba miliyoni 200 Frw kubera kubura umuriro.

Ati 'Twagiye kubijyamo dusanga bari gucuruza ibyapa byo ku muhanda. Twarabwiye ngo mucire birarura. Mubabwire ko umuntu ubyuka mu gitondo, agiye kwangiza ibikorwaremezo, mumutubwirire ngo mucire birarura. Tumaze gufata benshi.''

Yatanze urugero ko ibyo bikorwa byagiye bituma hari abaturage benshi Babura amashanyarazi, ibitaro bikabura umuriro ku buryo bishobora no kuviramo abarwayi gupfa cyane ku baba bari ku mashini.

Yakomeje ati 'Bikaba bibi rero iyo ugiye kumufata agashaka gukoresha bya bikoresho. Hari umwe uvamo neza n'undi biri bururire. Ni yo mpamvu navuze ngo acire birarura.''

IGP Namuhoranye yanakomoje ku batekamutwe bakoresha amayeri atandukanye nko kwiyita abakozi ba sosiyete z'itumanaho ndetse n'abajura bo mu ngo ko polisi itazihanganira ibyo bakora.

Ati 'Abatekamutwe turi kubiruka inyuma. Barahari. Abandi bajura baturaza amajoro, tumaze igihe duhanganye na bo.''

Imibare igaragaza ko kuva muri Mutarama kugeza muri Nzeri uyu mwaka, abagera kuri 829 bafatiwe mu bikorwa byo kwangiza imiyoboro ikwirakwiza umuriro n'amazi.

Ubu bujura bw'ibikorwaremezo by'amazi n'amashanyarazi bwagize ingaruka zikomeye ku miyoboro y'amashanyarazi, amapoto, insinga zica mu butaka no kwangirika kw'ibindi bikoresho bitanga umuriro.

Polisi y'u Rwanda imaze kugarura byibuze insinga z'amashanyarazi zari zibwe zireshya na metero 12.360 aho bamwe mu bangiza ibyo bikorwaremezo bafashwe, barimo abantu 50 batawe muri yombi mu kwezi gushize.

Imibare igaragaza ko Intara y'Amajyepfo ari yo ifite umubare munini w'abafatiwe muri ibyo bikorwa bangana na 39%, igakurikirwa n'iy'Amajyaruguru ifite 26%, iy'Iburengerazuba n'iy'Iburasirazuba zikagira 13%, mu gihe Umujyi wa Kigali wagaragayemo 9%.

Source : https://yegob.rw/mucire-birarura-polisi-yu-rwanda-yasabye-ibisambo-kuzibukira-nyuma-yuko-bibiri-biherutse-kuraswa-mu-kico/?utm_source=rss=rss=mucire-birarura-polisi-yu-rwanda-yasabye-ibisambo-kuzibukira-nyuma-yuko-bibiri-biherutse-kuraswa-mu-kico

KNC na Juvenal babivuzweho bagiye gukira! Ibyanzwe muri shampiyona kubera ubujyanjya byakoranwaga bigiye kugarurwa igitaraganya.

Shampiyona y'ikiciro cya mbere mu Rwanda ishobora kuzubizwa muri betingi.

KNC na Juvenal bashinjanyaga ko bakora iyo mikino y'amahirwe gusa nta gihamya yabaga ihari ahubwo kwari uguhangana kwabo.

Nyuma y'umwaka urenga Shampiyona y'icyiciro cya mbere mu Rwanda mu mupira w'amaguru ishobora kongera kugaruka muri mikino y'amahirwe (betting) izajya itegerwa mu Rwanda.

Muri Nyakanga 2022 nibwo Minisiteri y'Ubucuruzi n'Inganda [MINICOM] ifatanyije na Minisiteri ya Siporo [MINISPORTS] babujije kompanyi zo gutega zikorera mu Rwanda (betting companies) kongera gucuruza imikino yo mu Rwanda.

Ibi byakozwe nk'imwe mu ngamba zafashwe mu rwego rwo guca 'Fixing' (kugena uko umukino uri bugende) mu mikino ya shampiyona yo mu Rwanda aho byari bimaze kuvugwa cyane mu mupira w'u Rwanda.

Gusa ariko ababa hanze y'u Rwanda babasha kuba bagura iyi mikino bakayitegaho, ku bari imbere mu gihugu bo ntibabashaga kuba babona iyi mikino muri Kompanyi z'imikino y'amahirwe.

MINALOC yavuze ko igiye gusuzuma raporo ya MINISPORTS ku ngaruka zishobora kubaho ku kuba hagurisha imikino (Match fixing).

Kuva icyo gihe izi Kompanyi z'imikino y'amahirwe zitegereje ko zakomorerwa ariko byaranze.

Nyuma y'uko shampiyona y'u Rwanda igiye kujya itegurwa na 'Rwanda Premier League' ivuye mu ntoki za FERWAFA, irimo gushaka uburyo shampiyona yakongera gutegwaho mu Rwanda.

Amakuru twamenye ni uko ubuyobozi bw'inama y'Ubutegetsi ya Shampiyona y'u Rwanda kimwe mu bintu barimo kwigaho ni uburyo iyi shampiyona yakongera kugaruka muri Kompanyi z'Imikino y'amahirwe mu Rwanda ku buryo n'abari imbere mu gihugu bakajya bayitegaho.

Ntabwo bemera uburyo abantu bari hanze y'u Rwanda babasha gutega ku mikino yo mu Rwanda ariko abari imbere bikanga, ni ibintu bafata nko gukiza abandi nyamara Abanyarwanda babasimbutse.

Ikindi kivugwa ni uko hari Kompanyi z'Imikino y'Amahirwe zabegereye zifuza gushora muri iyi shampiyona, biteguye no gutanga agatubutse ariko bamwe bagenda bakuramo akarenge kubera ko iyi mikino umuntu uri ku butaka bw'u Rwanda atemerewe kuyitegaho.

Gusa hari imwe muri Kompanyi z'Amahirwe yemeye gukorana nabo nubwo iyi mikino itarimo, izajya ihemba umukinnyi w'ukwezi. Yaciwe miliyoni 50 z'amafaranga y'u Rwanda.

Source : https://yegob.rw/knc-na-juvenal-babivuzweho-bagiye-gukira-ibyanzwe-muri-shampiyona-kubera-ubujyanjya-byakoranwaga-bigiye-kugarurwa-igitaraganya/?utm_source=rss=rss=knc-na-juvenal-babivuzweho-bagiye-gukira-ibyanzwe-muri-shampiyona-kubera-ubujyanjya-byakoranwaga-bigiye-kugarurwa-igitaraganya

Yverry yaherukaga gusohora indirimbo 'Ibyisi' yakoranye na Serugo Jacques, ni mu gihe Butera Knowless yari amaze amezi umunani asohoye indirimbo 'Mahwi' yakoranye na Butera Knowless.

Amashusho y'iyi ndirimbo yasohotse kuri uyu wa Gatatu tariki 4 Ukwakira 2023, bayafashe mu gihe cy'umunsi umwe kuri Class Lodge yo mu Karere ka Musanze mu Majyaruguru y'u Rwanda.

Ni hamwe mu hantu hagezweho muri kariya karere. Kandi niho Mr Kagame na Theo Bosebabireba bafatiye amashusho y'indirimbo yabo bise 'Mukunzi'.

Yverry na Butera Knowless ni bamwe mu bahanzi bazwi cyane baririmba indirimbo zubakiye ku rukundo, imibamire y’abantu n’ubuzima bwa buri munsi.

Uyu muhanzi yabwiye InyaRwanda ko batari kujya kure y’ingingo basanzwe baririmbaho ari nayo mpamvu iyi ndirimbo bayise ‘Njyenyine’ mu kumvikanisha neza urukundo baririmbaga.

Yverry avuga ko ibyo baririmbye muri iyi ndirimbo babyumva cyane kurusha abandi, kuko bombi bubatse ingoma zihamye.

Ati “Urukundo ni ibintu byacu, twebwe dukunda, tugakundwa, ni indirimbo y’urukundo urumva twe turi abantu bazi uko gukundwa bimeze, twese turubatse urumva rero rero ibintu tuvuga turabizi neza, ariko ni indirimbo y’urukundo n’ubwo wumva harimo akantu ko kubyina cyane, muba mugomba kwishima mugatanga ibyishimo no mu rugo.”

Uyu munyamuziki wanyuze ku ishuri rya muzika rya Nyundo, avuga ko gukorana indirimbo na Butera Knowless ari ibintu afata nk’ibikomeye kuri we, kuko azirikana neza ko ari umuhanzikazi wubatse ibigwi mu rugendo rwe rw’umuziki kandi atera intambwe yatinyuye benshi.

Yverry avuga ko kuva cyera yashakaga gukorana indirimbo na Knowless. Ati “Knowless ni umuhanzi nakundaga kuva cyera. Ni umuhanzi wagerageje gukora urugendo ava ku ntera imwe azamuka kuyindi ntera. Bivuze y’uko mu buryo bwo gukomeza kuzamura ibikorwa byacu n’ubundi ni umuntu uri mu murongo ndimo.”

Yavuze ko Butera Knowless ari ‘umuhanzi mwiza’ kandi ntashidikanya ko akunzwe, yaba afite ibikorwa bye by’umuziki biri hanze cyangwa se ari mu bindi bikorwa by’ubuzima bwe.

Rugamba Yverry anavuga ko buri muhanzi wese aba atewe ishema no gukorana na mugenzi we uri ku rwego rusumbye urwe, kuko biba biteye ishema kandi bikagufasha mu rugendo rwawe rw’umuziki. Ati “Knowless rero yari amahitamo meza.”

Yavuze kandi ko Knowless ari umuririmbyi mwiza bigahuzwa n’uburyo bw’imyandikire byatumye iyi ndirimbo ibasha gusohoka nk’uko babifashaga. Akomeza ati “Yoroshye ibintu. Mugira aho mpuhuriza bigatanga igikorwa cyiza. Guca bugufi ni kimwe mu bintu bituma mukorana neza.”

Yverry avuga ko kuba Knowless abarizwa muri Kina Music byatumye yumva ko indirimbo bagiye gukorana ishingiye ku gufasha abantu ariko igahuzwa n’ibicuruzi.

Yverry yasohoye amashusho y’indirimbo “Njyenyine” yakoranye na Butera Knowless

 

Yverry yavuze ko yakoranye indirimbo y’urukundo na Knowless kubera ko bumva neza igisobanuro cy’urukundo

 

Yverry yavuze ko yahoze yifuga gukorana indirimbo na Knowless kugeza ubwo abigezeho

 

Yverry avuga ko Knowless ari umuhanzikazi w’ikitegererezo buri wese yakwifuza gukorana nawe

 

KANDA HANO UREBEAMASHUSHO Y'INDIRIMBO 'NJYENYINE' YA YVERRY NA KNOWLESS

“>

Source : https://inyarwanda.com/inkuru/135067/bombi-bazi-igisobanuro-cyo-gukundwa-ibyagejeje-ku-ndirimbo-yverry-yahuriyemo-na-knowless-v-135067.html

Inzara igiye kubahitana: Bamwe mu banyeshuri biga muri Adepr Gihundwe baratabaza nyuma yo kwicicwa inzara bazira ikibazo kitari kuvugwaho rumwe.

Ababyeyi bo mu Murenge wa Gihundwe mu Karere ka Rusizi ntabwo bumvikana n'ubuyobozi bw'ikigo cy'amashuri cya Adepr Gihundwe kubera uburyo abana biga muri iki kigo bakomeje kwicicwa inzara mu gihe Minisiteri y'Uburezi ihora isaba ibigo by'amashuri kutabuza abana kufatira ifunguro ku ishuri bitewe n'uko ababyeyi babo batarishyura.

Source : https://yegob.rw/inzara-igiye-kubahitana-bamwe-mu-banyeshuri-biga-muri-adepr-gihundwe-baratabaza-nyuma-yo-kwicicwa-inzara-bazira-ikibazo-kitari-kuvugwaho-rumwe/?utm_source=rss=rss=inzara-igiye-kubahitana-bamwe-mu-banyeshuri-biga-muri-adepr-gihundwe-baratabaza-nyuma-yo-kwicicwa-inzara-bazira-ikibazo-kitari-kuvugwaho-rumwe

Mu nama yahuje inzego zitandukanye zirimo Minisiteri y'Umutekano, iy'Ubutabera, Polisi, RIB n'Itangazamakuru kuri uyu wa 04 Ukwakira 2023 ku kicaro gikuru cya Polisi, IGP Namuhoranye Felix mu gusubiza ikibazo cy'abibaza impamvu Kamera zihishwa( izandikira abatwara ibinyabiziga), yavuze ko Polisi y'Igihugu idacuruza amakosa. Avuga ko ikigenderewe atari uguhisha abantu aho zishyirwa ngo bakunde bahanwe. Yasabye ko abantu bakwiye kwibanda ku kubahiriza amategeko n'amabwiriza agenga abatwara ibinyabiziga n'abakoresha umuhanda aho kwibaza kuri Kamera.

Umuyobozi wa Polisi y'u Rwanda, yagarutse ku makosa akorwa nkana n'abakoresha umuhanda by'umwihariko abatwara ibinyabiziga, avuga ko abenshi usanga bakorera ku jisho, kuko utwaye azi aho Kamera iherereye akitwararira ariko yamara kuharenga agafatiraho atitaye ku byo ibyapa bimubwira.

Kuri iki kibazo cya Kamera zihishwa, yavuze ko muri iyi minsi Polisi y'u Rwanda irimo gutunyanya cyangwa se gukoresha ibyapa byinshi bizashyirwa aho Kamera ziherereye ku buryo abakoresha umuhanda bazabibona.

Nubwo IGP Namuhoranye asa n'uwahumurije akanasubiza abibaza impamvu y'ihishwa rya Kamera, yavuze ko kuba Polisi igiye gushyira ibyapa bigaragaza aho Kamera ziri, ibyo bidasobanuye ko ari ukugira ngo abantu bareke kubahiriza ibyapa mu muhanda, ko ahubwo basabwa kwitwararika mu kubahiriza ibyapa, aho kwiruka bitubahirije ibyapa.

Abatwara ibinyabiziga, bibukijwe ko zimwe mu nshingano za Polisi harimo gukumira ko ibyaha biba. Basabwe kwitwararika ku byatuma amakosa avamo ibyaha aba kuko mu gihe hatabaye kwitwararika mu muhanda bishobora gushyira ubuzima bwa benshi mu kaga. Bibukijwe kandi ko Kamera ari impamvu y'umutekano w'Abanyarwanda atari ukuwuhungabanya.

Akimana Jean Dieu

Source : https://www.intyoza.com/2023/10/04/ntabwo-ducuruza-amakosa-igp-namuhoranye-felix/

Bugesera:Abamotari n'abanyonzi barasaba parikingi

Abakora umwuga wo gutwara abantu ku mapikipiki (Abamotari)  ndetse n'abanyonzi mu buzima bwabo bwa buri munsi bakorera mu mirenge itandukanye mu Karere ka Bugesera , aha baraganira   n'itangazangazamukuru rya Flash mu byo bavuga  barasaba ubuyobozi kubagenera ahantu haboneye bajya bahagarara mu gihe bategereje abagenzi (parikingi).  Kuko ngo bafatwa nk'abateza akajagari .

Habyarima Thadee ni umwe mu rubyiruko rukora akazi ko gutwara abantu ku igare ndetse na Mugenzi we Prince Nzabonimana nawe akora umwuga wo gutwara moto mu murenge wa Gashora Nyamata .

Thadee ati ' utwara umugenzi wamugeza aho agera mu gihe amaze ku kwishyura bagahita bagufata ngo uparitse ahatemewe. Ngo akaba ariyo mpamvu bakwiye gukorerwa aho baparika amagare.

 

Kuruhande rwa Prince we avuga ko kuko bagendera ku buyobozi bwite bwa Leta kandi bakaba bubahiriza amabwira , avuga ko mu gihe baba beretswe ahantu bagomba guhagarara batabirengaho'

Mu mvuga z'aba bantu bakora uyu mwuga bavuga ko hakwiye kwiga uburyo burabye bwo gukemura ikibazo  cyo guhanwa kandi nta hantu bafite baparika.

Icyakora igiteye irujijo ni uko ngo batanga umusanzu waho baparika ( parking) kandi ntibayihabwe kuribo bakaba bibaza aho ajya.

 

Uretse kuba basaba aho baparika hazwi ngo basanga   n'abanyamaguru bakwiye guhabwa amahugurwa y'uburyo bwo kugenda mu muhanda bunoze .

Kuri iki kibazo umuyobozi wa polisi mu karere ka Bugesera SSP Kabera Vincent aributsa abafite mu nshingano kugenzura isuku ko bafite n'uruhare rwo kwibutsa abanyonzi n'abamotari guparika ahakwiriye kuko ngo biteza umwanda.

SSP Kabera Vinvent ati ' ntarabegera bishobora gutuma nsiga ubutumwa (message ) itari nziza , mwabikosoye'. Ati nzasanga umuntu ugenda mu muhanda , umunyonzi ugenda ni njoro yaba ari musaza wawe cyangwa mu rumuna wawe mpfite aho tuzajya kubiganirira  ,ntihazagire uhamagara ngo uriya muntu wajyanye ni mubyara wanjye .

Kuruhande rwo guparika aho babonye SSP Kabera yakomeje avuga ko bashyizeho aho guparika ariko ntabwo babyumva ,  kuko haba igare cyangwa abamotari baparika aho bashaka , bityo akaba ari ibiteza umwanda .

Icyakora ubu Butumwa bwa SSP Vincent Kabera busa nk'ibitandukanye n'ibyo aba bakora uyu mwuga wo gutwara abantu ku igare bavuga , kuko bumvikana bemeza ko nta hantu bagenewe ho guparika.

Umwuga wo gutwara igare ndetse no gukora ikimotari usanga higanjemo urubyiruko kuko ahanini ubona ko ari akazi kabatunze umunsi ku umunsi.Kandi no ku ruhande rw'abagenzi na bo ni bumwe muburyo bifashisha mu kubihutisha mu ngendo zabo . Mu gihe bahabwa umurongo nyawo ntakabuza ko wazamura n'ubukungu  bwa Bugesera .

Yanditswe na Ali Gilbert Dunia

The post Bugesera:Abamotari n'abanyonzi barasaba 'parikingi' appeared first on FLASH RADIO&TV.

Source : https://flash.rw/2023/10/04/bugeseraabamotari-nabanyonzi-barasaba-parikingi/?utm_source=rss&utm_medium=rss&utm_campaign=bugeseraabamotari-nabanyonzi-barasaba-parikingi

Hirya no hino mu gihugu abafite ubumuga bagenda bahindura imyumvire bakumva ko bashoboye, hari bamwe bihangiye imirimo, abandi biga mu mashuri makuru na za kaminuza ariko nubwo bimeze bityo, usanga bagifite imbogamizi z'uko iyo bageze ku isoko ry'imirimo bahezwa yaba mu bigo bya leta  ndetse n'ibyabikorera.

Akaba ariho bahera basaba ko bahabwa amahirwe angana nabandi ku isoko ry'umurimo bakanaba mu nzego zose z'igihugu.

Ati: hari igihe tujya kwiyamamaza mu zindi nzego bakatubwira ngo twebwe dufite inzego zacu, nk'aho twakiriwe mu nama y'abafite ubumuga gusa, dukwiye kubyumva neza kuba dufite ubumuga bidakuraho ko twaba mu nzego zose , nkaba nsaba ko umwaka utaha mu matora muri ya 30% twazabonamo umuntu ufite ubumuga waje mu nteko ishinga amategeko

Ati:hari imbogamizi tubona, imyumvire igihari mu miryango abantu bakomokaho, aho usanga ururimi rwamarenga rudakoreshwa bikiri imbogamizi, twakabaye tubona mu bigo byose abantu bafite ubumuga.

KARANGWA Francois Xavier Umuyobozi Nshingwabikorwa w'urugaga ry'imiryango y'abafite ubumuga avuga ko ibigo bya leta n'abikorera bakwiye kumva ko guha akazi abafite ubumuga atari ukubagirira impuhwe ahubwo ko nabo bashoboye.

Ati: icyambere hakwiye kuzamurwa imyumvire y'abakoresha, kugira ngo yumve ko guha umuntu ufite ubumuga akazi atari uko yamugiriye imbabazi , ni umuntu ahaye akazi kubera ko agashoboye, ikindi kandi bakwiye kubakoresha imirimo ihwanye n'ubumuga bafite ndetse bakabaha n'ibikoresho biborohereza mu bumuga bwabo.

Mu myaka yo hambere wasangaga umuryango wabyaye umwana ufite ubumuga byitwa icyasha, ariko Leta igenda ikuraho iryo hezwa ndetse n'abantu bahindura imyumvire kuri bo , ariko nubwo bimeze bityo hari imiryango imwe n'imwe itarahindura imyumvire ku buryo bafungirana abana bafite ubumuga mu nzu, bakabatesha amahirwe yo kujya ku ishuri.

 

The post Abafite ubumuga barasaba guhabwa amahirwe nk'abandi ku isoko ry'umurimo appeared first on FLASH RADIO&TV.

Source : https://flash.rw/2023/10/04/abafite-ubumuga-barasaba-guhabwa-amahirwe-nkabandi-ku-isoko-ryumurimo/?utm_source=rss&utm_medium=rss&utm_campaign=abafite-ubumuga-barasaba-guhabwa-amahirwe-nkabandi-ku-isoko-ryumurimo

Amajwi yafashwe na InyaRwanda kuri uyu wa Gatatu tariki 4 Ukwakira 2023, agaragaza ko uyu mukobwa akurikiwe na Uwikunda Cynthia nawe umaze igihe kinini ari kuri uyu mwanya wa Kabiri. Ni mu gihe

Iradukunda Elinda wari inyuma mu myanya yaje bwa mbere mu bakobwa 10 ba mbere aho ari ku mwanya wa kane.

Umumararungu Kelly Divine [Nimero 90] ari ku mwanya wa mbere n’amajwi 5,493, akurikiwe na Uwikunda Cynthia [Nimero 103] ufite amajwi 5,058, Kaze Mignone Shania [Nimero 41] ari ku mwanya wa Gatatu n’amajwi 5,044 n’aho Iradukunda Elinda [Nimero 23] ari ku mwanya wa kane n’amajwi 3,453.

Gihozo Shema Aliah [Nimero 14] ari ku mwanya wa Gatanu n’amajwi 1,749, akurikiwe na Umuhire Leslie [Nimero 88] uri ku mwanya wa Gatandatu n’amajwi 1,325, n’aho Iradukunda Iradukunda Hayati [Nimero 24] ari ku mwanya wa Karindwi.

Ni mu gihe Uwase Fillette Sonia [Nimero 98] ari ku mwanya wa Munani n’amajwi 1,038, akurikiwe na Mukeshima Jolie [Nimero 59] uri ku mwanya wa Cyenda n’amajwi 693 n’aho Iragena Clarisse [Nimero 25] ni we uri ku mwanya wa 10.

Aya matora ahuje abakobwa n’abasore 111 ari kubera ku rubuga Noneho Events. Ariko kuva yatangira aba bakobwa barasimburana ku mwanya wa mbere, ku buryo intera y’amajwi iri hagati y’abo atari ndende cyane ugereranyije n’abandi babakurikiye.

Ni amajwi atanga ishusho y’uburyo aba bakobwa bahanganye mu matora, aho kuza mu myanya y’imbere bizafasha benshi kubona amajwi yo gutambuka bemye muri iri rushanwa.

Kuva ku mwanya wa 11 kugeza nibura ku mwanya wa 80, bari hagati y’amajwi 600 n’amajwi 120. Abarenga 30 ntibaratangira gukangurira abakunzi babo kubatora kuko hari abatarabona ijwi nta rimwe.

Muri iri rushanwa hiyandikisheje abasanga 200 haza gutoranywa 111 bujuje ibisabwa. Ni mubare wikubye 3 ugereranije n’umwaka ushize wa 2022 ubwo irushanwa ryatangira bigaragaza icyizere abitabira iri rushanwa bakomeza kurigirira.

Amatora yatangiye wa Gatatu w'iIcyumweru gishize akazasozwa tariki ya 06 Ukwakira 2023. Abakobwa 5 ba mbere mu matora bazabona itike izabinjiza muri 20 ba mbere bazagera kuri ‘final’ y’iri rushanwa.

Ni mu gihe umuhango wo gutanga ibihembo uzaba tariki ya 07 Ukwakira 2023 muri Century Park Hotel and Residences Nyarutarama mu Mujyi wa Kigali.

Mu cyiciro cyo gutora 5 ba mbere bazabona Ticket ibageza kuri 'Final' naho uwa mbere mu matora azatahana igihembo cya 'People’s Choice Award'.

Igihembo nyamukuru gitangwa muri iri rushanwa ni Miliyoni 1 Frw, ndetse no guhagararira u Rwanda mu marushanwa akomeye mpuzamahanga.

Uyu mwaka abanyamideli 2 ba mbere bazahagararira u Rwanda mu marushanwa akomeye ku rwego rwa Afurika n’Isi. Ikindi ni uko hazahembwa umunyamideli uberwa no kwamamaza.

Umuyobozi wa SupraFamily, Nsengiyumva Alphonse yabwiye InyaRwanda ko abanyamideli bahatanye muri iri rushanwa bakwiye gushyira imbaraga mu byo bakora kugirango bazabashe guhatana ku rwego Mpuzamahanga mu marushanwa anyuranye.

Ati 'Abanyamideli bahatanye turabasaba gukomeza gushyiraho umwete no gukunda ibyo bakora ku buryo mu minsi iza u Rwanda rwaba isoko rya mbere ry’abamurika imideli ku Isi yose.'

KANDA HANO UBASHE GUTORA UMUKOBWA USHYIGIKIYE MURI IRI RUSHANWA

      

Umumararungu Kelly Divine [Nimero 90]

Uwikunda Cynthia [Nimero 103]

Kaze Mignone Shania [Nimero 41]

Iradukunda Elinda [Nimero 23]

Gihozo Shema Aliah [Nimero 14]

Umuhire Leslie [Nimero 88]

Iradukunda Iradukunda Hayati [Nimero 24]

Uwase Fillette Sonia [Nimero 98]

Iragena Clarisse [Nimero 25] 

Mukeshimana Jolie [Nimero 59]

Source : https://inyarwanda.com/inkuru/135048/umumararungu-yanze-kurekura-abakobwa-10-bafite-amajwi-menshi-muri-supramodel-rwanda-135048.html

Theophile Twagirayezu ni umugabo wubatse warushinze mu kwezi k’Ukuboza mu mwaka wa 2013. Atuye i Rusororo mu Mujyi wa Kigali, akaba asengera muri Assemblies of God mu Gatsata. Yatangiye umuziki mu mwaka wa 2006 – ni bwo yasohoye indirimbo ya mbere.

Ntabwo yatinze mu muziki kuko yakoze indirimbo 2 gusa zabimburiwe na “Iri maso” yaririmbanye n’abanyeshuli biganaga muri St Andre barimo abari bafite amazina akomeye mu muziki wa Gospel muri icyo gihe. Indi ndirimbo ye ni “Ngwino umare inyota” yaririmbanye na Angelique. 

Indirimbo ye “Iri maso” yarakunzwe cyane, yiharira amaradiyo ndetse n’insengero zitandukanye. Nubwo inganzo ye yakiranywe yombi n’abakunzi b’umuziki wa Gospel, mu buryo butunguranye yahise ahagarika umuziki, nyuma y’imyaka 2 gusa yari awumazemo.

Mu gihe cya Theophile, abahanzi bari bagezweho mu buryo bukomeye, harimo Patrick Nyamitari, Roger, Bruce (Producer) na Pastor Gaby. Benshi mu bo mu kiragano cye bamaze guhagarika umuziki, abandi bajya mu muziki usanzwe (secular), n’abasigaye muri Gospel bari guseta ibirenge. 

Mu kiganiro na inyaRwanda, Theophile Twagirayezu yavuze ko impamvu yari yarahagaritse umuziki mu gihe kingana n’imyaka 15. Aragira ati “Nahagaritse gukora indirimbo mu 2008, ubundi nkayobora kuramya no guhimbaza rimwa na rimwe, byaterwaga n’akazi mbifatanya n’amasomo”. 

Avuga ko yamaze kugaruka ndetse afite imishinga irimo n’indirimbo ateganya gushyira hanze mu minsi ya vuba. Yahisemo gusubiramo indirimbo ye yakunzwe mu bihe byashize. Ati “Nagarutse, mfite gahunda yo gukora album, ubu mfite indirimbo muri studio harimo “Iri maso remix”.

Ni ibihe bintu 3 Theophile yishimira cyane mu muziki w’ubu?

Nyuma yo kugaruka mu muziki yari amaze imyaka 15 yarawuteye umugongo, Theophile avuga ko ikintu yishimiye ari uko “Abahanzi nyarwanda basigaye ari abahanga mu gukora umuziki w’umwimerere kandi b’ingeri zitandukanye abakuru ni abato”. 

Yavuze ko ikindi cyamukoze ku mutima ari uburyo abaramyi basigaye batungwa n’umuziki mu gihe kera bitabagabo. Ati “Icya kabiri ni uko usigaye utunze abantu (Business) ku buryo bugaragara. Icya gatatu, umuziki nyarwanda usigaye ugera no mu bindi bihugu byo mu Karere n’ahandi.” 

Icyakora avuga ko hari ibindi abona bigikwiye kongerwamo imbaraga bityo umuziki wa Gospel ukagera mu bushorishori. Aragira ati “Ibyo kongeramo imbaraga ni ugufasha abahanzi kubona amikoro no gukomeza kugira indangagaciro za kinyarwanda”.

Theophile agiye kugaruka mu muziki nyuma y’imyaka 15

Theophile yateguje indirimbo “Iri maso remix” nyuma y’imyaka 15 atumvikana mu muziki

Yishimiye kuba yasanze abaramyi batunzwe n’umuziki mu gihe kera bitabagaho

Theophile hamwe n’umugore we bashakanye mu mwaka wa 2013

Source : https://inyarwanda.com/inkuru/135065/umuramyi-theophile-twagirayezu-wakanyujjeho-agarutse-acyeza-umuziki-nyuma-yimyaka-15-yaraw-135065.html