Author: webrwanda

Umunsi wa 7 wa shampiyona, watangiye tariki 13 Ukwakira 2023, aho ku isaha ya saa 18:00 PM rwari rwambikanye hagati ya APR FC na Mukura Victory Sports. Uyu mukino warangiye APR FC ibonye amanota 3 ku gitego 1-0 bwa Mukura.

Ku wa Gatatu, habaye imikino igera kuri ine, aho Bugesera FC yanganyije Gorilla FC ibitego 2-2, Gasogi United itsindwa n’Amagaju FC igitego 1-0, Sunrise FC itsindirwa iwabo na Etincelles FC igitego kimwe ku busa, naho Kiyovu Sports yisasira Marine FC iyitsinda ibitego 2-1.

Ku cyumweru, As Kigali yatsinzwe na Police FC igitego 1-0, Etoile de L’est itsindwa na Muhazi United igitego kimwe ku busa, naho Musanze FC itsinda Rayon Sports igitego kimwe ku busa.

Iyi mikino 8 yabonetsemo ibitego 13, nibura igitego 1.6. Muri ibi bitego 13, ibitego 4 gusa ni byo byabonetse mu gice cya mbere, bivuze ko amakipe yategereje iminota ya nyuma kugira ngo abona ibitego.

Ikipe ya Muhazi United nyuma yo gutsinda Etoile de L’est basangiye ikibuga yahise ibona amanota atatu yayo ya mbere y’imbumbe ihita yuzuza amanota 6.

Sunrise FC niyo kipe yibajijweho cyane nyuma yo gutsindwa na Etincelles FC yari ifite ibibazo byakurikiye mpaga yatewe.  Rayon Sports niyo kipe yabaye igitaramo nyuma yo gutsindwa na Musanze FC igitego hakiri kare, umukino ukarinda urangira hatabayeho kwishyura.

Urutonde rwa shampiyona

Musanze FC iri ku mwanya wa mbere n’amanota 16 APR FC ku mwanya wa kabiri n’amanota 14, Amagaju ku mwanya wa 3 n’amanota 13. Kuva ku mwanya wa 12 amakipe yose arimo Muhazi United, Sunrise FC, Gorilla FC, Marine FC, na Etoile de L’est yose aranganya amanota 6.

Igitego Peter Agblevor yatsinze Rayon Sports, cyahise cyuzuza igitego cya 5 ndetse akomeza kuyobora abafite ibitego byinshi, mu gihe igitego Rukundo Abdoulhiman wa Amagaju FC, yatsinze Gasogi United yahise agira ibitego 4.

Rayon Sports ntabwo umunsi wabahiriye 

APR FC yongeye kwigaranzura Mukura 

Ruboneka ukina mu kibuga hagati muri APR FC, yavuze ko kuba iyi kipe yarasubiye kuri gahunda yo gukinisha abanyamahanga byafashije n’abakinnyi b’Abanyarwanda bayisigayemo kuzamura urwego.

APR FC yari imaze imyaka 10 ikinisha Abanyarwanda gusa, umwaka w’imikino wa 2023-24 yahisemo gusubira kuri gahunda yo gukinisha abanyamahanga, nyuma yo kubona ko Abanyarwanda badatanga umusaruro bifuza.

Abanyamahanga 8 iyi kipe yaguze buri wese abasesengura uko ashaka, hari ababona ko atari bo yari kugura, abandi bakabona ko hari icyo Abanyarwanda bari muri iyi kipe bazabigiraho.

Ruboneka Bosco yabwiye ikinyamakuru ISIMBI ko abakinnyi baguzwe ari abahanga bafite ubunararibonye rero babibazaniye bikaba birimo kubafasha.

Ati “hari ikintu kinini bari kudufasha twe nk’Abanyarwanda, yaba ari mu mutwe yaba ari mu kibuga hari ikintu kinini barimo kugenda badufasha, bagiye bafite impano zitandukanye, ubunararibonye butandukanye rero barabiduhaye tubihuriza hamwe nibyo birimo kudufasha.”

Agaruka ku mutoza Umufaransa utoza iyi kipe, Thierry Froger bamwe bashidikanya imitoreze ye bitewe n’uko akinisha ikipe, yavuze ko ari umutoza mwiza ari ikibazo cy’igihe abantu bazabyibonera.

Ati “ni umutoza mwiza ni uko abafana bashaka iby’ako kanya kandi ni byo, ariko mu gihe kizaza bazabona ko ari umutoza mwiza kuko ni umutoza mwiza. “

APR FC ubu ni iya kabiri ku rutonde rwa shampiyona n’amanota 14 ikaba ifite umukino w’ikirarane, Musanze FC ya mbere ifite amanota 16.

Ruboneka Bosco abona hari impinduka abanyamahanga bazanye muri APR FC

Abanyamahanga APR FC yazanye hari icyo abanyarwanda babigiraho

Thierry Froger ngo ni umutoza mwiza ni ikibazo cy’igihe gusa

Rutahizamu w’Umugande ukinira Rayon Sports, Musa Esenu yavuze ko iyi kipe ifite amahirwe ku gikombe cya shampiyona ndetse ko bazarwana kugeza ku munsi wa nyuma.

Rayon Sports iheruka kwegukana igikombe cya shampiyona cya 2018-19, kuva icyo gihe ntabwo irongera kugikozaho imitwe y’intoki.

Rutahizamu Musa Esenu umwe mu bayoboye ubusatirizi bwa Rayon Sports, yabwiye ISIMBI ko uyu mwaka biteguye guhangana kugeza ku munsi wa nyuma.

Ati “Imana nidufasha tuzagitwara, tuzakomeza gukora ibishoboka byose, tugashyira hamwe, nizeye ko dufite ubushobozi bwo kugitwara, buri mukino tugomba kuwufata nk’uwa nyuma, igikombe dushobora kucyegukana.”

Yakomeje asaba abafana kubaba hafi ntibazabatererane kuko nabo biteguye kubaha ibyishimo.

Ati “Abafana bakomeze kudushyigikira, ntibazadutererane, tuzakomeza kurwana kugeza ku munsi wa nyuma.”

Ku kuba rutahizamu watsinze ibitego byinshi muri iyi shampiyona ya 2023-24, yagize ati “niyo ntego.”

Muri Mutarama 2022 nibwo Musa Esenu yasinyiye Rayon Sports amasezerano y’imyaka 2 azarangira muri Mutarama 2024.

Imikino yo kwishyura ya 2021-22 yatsindiye Rayon Sports ibitego 7 ni mu gihe umwaka w’imikino wa 2022-23 muri shampiyona yatsinze ibitego 9.

Musa Esenu yizeye ko bazegukana shampiyona

Rutahizamu ukomoka muri Nigeria ukinira APR FC, Victor Mboama Chukwuemeka yavuze ko iyi kipe ari ikipe nziza buri muntu wese yakwifuza gukinira.

Uyu rutahizamu wakiniye amakipe nka FC Qizilqum Zarafshon yo muri Uzbekistan, MC Algeries yo muri Algeria, Enyimba yo muri Nigeria n’izindi, tariki ya 10 Nyakanga 2023 nibwo yasinyiye APR FC amasezerano y’imyaka ibiri.

Ni rutahizamu umukino wa mbere yakinnye wari uwa gicuti aho ku giti cye yatsinze Marines FC 3.

Abakunzi ba APR FC bahise bizera ko babonye rutahizamu ugiye kujya abatsindira ibitego byinshi, nyuma byagiye byanga kugeza nubwo bamwe batangiye kuvuga ko azahombera iyi kipe.

Uko minsi yagendaga ishira ni nako na we yagendaga abizamo neza aho ubu amaze imikino 3 yikurikiranya muri shampiyona atsinda ndetse akaba yatangiye kongera kugirirwa icyizere n’abafana.

Mu kiganiro n’ikinyamakuru ISIMBI, yavuze ko kuba yaratangiye nabi ari ko umupira umeze habaho kumanuka no kuzamuka.

Ati “umupira w’amaguru niko bigenda, gusa ikintu cy’ingenzi ni uko iyo uri hasi ntugomba gucika intege ugomba kongera kugerageza guhaguruka na none.”

Abajijwe uko abona APR FC mu gihe gito ayimazemo, yavuze ko ari ikipe nziza muri mukinnyi yakwifuza kubamo.

Ati “APR FC ni ikipe nziza, yubakitse neza ni ahantu heza kuri buri mukinnyi kuba yajyamo.”

Yakomeje agira ati “mu by’ukuri ndishimye cyane kuba ndi hano, ndasaba Imana ngo ikomeze imfashe.”

Yavuze ko nk’umukinnyi afite intego ze nk’umukinnyi kandi yizeye ko azazigeraho.

Ati “mfite intego zanjye nk’umukinnyi, nzagenda mfata imwe kuri imwe kandi nizera ko bizagenda neza.”

Abajijwe niba yizeye kuzaba rutahizamu watsinze ibitego byinshi muri shampiyona, yagize ati “nk’uko nabivuze, umupira ni intambwe imwe kuri imwe, nzakomeza gukora ibyo nshoboye kandi ntange ibyo nshoboye, nzakomeza gusenga Imana ngo imfashe kuko ntari kumwe nayo ntacyo ndicyo.”

Victor Mbaoma yavuze ko kandi shampiyona ikomeye kandi ari ndende ariko bazakomeza gukora cyane kandi yizeye ko bazegukana shampiyona.

Victor Mbaoma yavuze ko yizeye ko Imana nimufasha azaba rutahizamu watsinze ibitego byinshi

Yavuze ko APR FC ari ikipe nziza buri mukinnyi yakwifuza gukinira

Igisirikara cya Afurika y'Epfo cyahamagaje mu gihugu abasirikare bacyo umunani bashinjwa imyifatire mibi yo kujya mu buraya mu butumwa barimo mu burasirazuba bwa Repubulika ya Demokarasi ya Congo.

Abo basirikare bacyekwa bari mu butumwa bwa MONUSCO mu ntara ya Kivu ya Ruguru. Mu cyumweru gishize bwatangaje ko bwafashe ingamba zirimo kubahagarika no kubafunga mu gihe harimo gukorwa iperereza.

Stéphane Dujarric, umuvugizi w'umunyamabanga mukuru wa ONU, mu cyumweru gishize yatangaje ko abo basirikare 'mu gihe cy'amasaha y'umukwabu bagiye mu kabari kazwiho kuba ahantu hakorerwa uburaya' hafi y'umujyi wa Beni.

Yongeyeho ko abapolisi bo muri ubu butumwa bageze ahabereye ibyo 'basagariwe kandi bagakangwa n'abagize izo ngabo', ubwo bari bagiye guta muri yombi abashinjwa.

Iyi ni imwe muri korali zamamaye cyane mu itorero ry'Abadiventiste b'umunsi wa Karindwi, ahanini biturutse ku mazina y'abantu bazwi nka Uwitonze Clementine [Tonzi], Ishimwe Karake Clement, Butera Knowless, Aline Gahongayire n'abandi bayinyuzemo mu myaka yo hambere ubwo biga mu mashuri yisumbuye muri APACE.

Imyaka itatu yari ishize badasohora ibihangano ushingiye ku byo umuyoboro wayo wa Youtube ugaragaza. Ariko baherutse guhuza imbaraga na Nel Ngabo na John B Singleton usanzwe abarizwa muri Leta Zunze Ubumwe za Amerika, bakorana indirimbo ihimbaza Imana bise 'Narahindutse'.

Perezida w'iyi korali, Selemani Munyazikwiye yabwiye InyaRwanda ko bagarutse mu muziki mu buryo bweruye, kandi bizeza abakunzi babo kubaha ibihangano byiza.

Yavuze ati 'Ubutumwa twifuza kugeza ku bakunzi bacu, ndetse n'abanyarwanda aho bari hose muri rusange, n’uko nyuma y'igihe kinini bisa naho batatubona, ubu twagarutse, kandi tukaba twagarukanye umutima wo kubaha ibihangano bibubaka kandi bikoze neza.'

Yavuze ko myaka ishize bari mu ivugabutumwa atavuga ko ihuye n'ibikorwa n'ibihangano bashyize hanze hashingiwe mu miterere y'iyi korali n'uburyo bakoragamo mu bihe byashize.

Yavuze ati 'Ni urugendo ugendeye ku myaka tumaze mu ivugabutumwa, umuntu atavuga ko rwabayemo umusaruro mu bikorwa no mu bihangano bijyanye n'iyo myaka. Ariko nabyo bikaba byaragiye biterwa n'impamvu nyinshi. Zimwe zishingiye ku miterere Maranatha Family Choir yari ifite ndetse n'uburyo yakoragamo.'

Maranatha Family Choir muri iki gihe igizwe n'abaririmbyi 11. Selemani asobanura ko kuba hari abanyamuziki bazwi bayinyuzemo, byateye benshi amatsiko bifuza kuyimenya mu buryo bwisumbuyeho, bituma n'ibihangano byabo birebwa.

Akomeza ati 'Hari icyo byafashije rwose (Kuba hari abantu bayinyuzemo bazwi). Kimwe byagiye bitera amatsiko abantu benshi yo gushaka kumenya iryo tsinda ry'abaririmbyi abo bantu bazwi bagiye banyuramo, bikaba byaberekeza ku kumva ibihangano byacu.'

Yavuze ko mu gukora ibihangano by'abo n'ibitaramo n'ibindi, kenshi bisunga ubunararibonye bw'abayinyuzemo barimo Ishimwe Karake Clement wanabakoreye iyi ndirimbo 'Tuma umuntu aseka' mu buryo bw'amajwi (Audio).

Selemani akomeza ati 'Ikindi n'uko hari ubunararibonye abo bantu bazwi banyuzemo usanga natwe butugirira umumaro. Nk'urugero uyu munsi ubunararibonye Clement Ishimwe afite mu ruganda rw'umuziki ntawabura guhamya ko budufitiye umumaro mu byo dukora.'

Yavuze ko iyi ndirimbo basohoye bayanditse bashingiye ku bihe abantu bari kunyuramo muri iki gihe, aho mu itangazamakuru humvikana inkuru z'abantu biyahuye, abantu bigunze bitewe n'ibyo bari kunyuramo, kandi ugasanga hari agahinda gakabije kugeza no mu bakiri bato.

Selemani ati 'Hari n'ukuntu usanga kwita ku bandi bigabanuka bitewe n'uko buri wese yihugiyeho. Ubutumwa rero twashakaga gutambutsa muri iyi ndirimbo, ni ubwo gutuma nk'abantu dukanguka, tugaha agaciro impinduka nziza dushobora kurema muri bagenzi bacu, ahari umubabaro, agahinda, kwiheba, kwigunga n'ibindi nkabyo; tukagira uruhare rwo gutuma hagaruka inseko y'ibyishimo n'icyizere.'

Uyu muyobozi yavuze ko muri iki gihe bahugiye mu gusohora indirimbo zinyuranye, aho gukora album imwe bahurizaho ibihangano by'abo. Kandi avuga ko muri uyu mwaka muri gahunda bafite nta gitaramo bateganyamo.

Imyandikire y'indirimbo z'iri tsinda muri iki gihe yibanda ku mpinduka nziza abantu bakwiriye kugira ku bandi, bibukiranya ubutumwa bukwiriye ikiremwa-muntu.

 

 

Maranatha Family Choir yatangaje ko yagarutse mu muziki mu buryo bweruye nyuma y'imyaka itatu yari ishize

Maranatha yavuze ko yanditse indirimbo 'Tuma umuntu useka' bashingiye ku bihe Isi iri kunyuramo muri iki gihe

Maranatha bavuga ko mu rugendo rwabo rw'umuziki bisunga cyane ubunararibonye bw'abantu bayinyuzemo

Iyi korali yamamaye mu ndirimbo zirimo nka ‘Icyizere’, ‘Uri uwera’, ‘Nzaririmba’ n’izindi

KANDA HANO UREBE AMASHUSHO Y'INDIRIMBO 'TUMA UMUNTU ASEKA'

MARANATHA BAHERUTSE GUHUZA IMBARAGA NA NEL NGABO NA JOHN BAKORANA INDIRIMBO ‘NARAHINDUTSE’

“>

Uyu munyamuziki wamamaye mu ndirimbo zirimo 'Ndaje' yasohoye aya amashusho yaherekeje ifoto kuri uyu wa Mbere tariki 16 Ukwakira 2023.

Asohotse nyuma y'iminsi micye hatangajwe ko The Ben ashobora kuzaba ari umwe mu bazashyikiriza ibihembo abanyamuziki bo mu bihugu bitandukanye bahataniye ibihembo bya Trace Awards bizatangwa ku wa 20 Ukwakira muri BK Arena.

Biranashoboka ko uyu muhanzi azaririmba mu muhango wo gutanga ibi bihembo. Mu butumwa bwo kuri Instagram, The Ben yavuze ko ashima urukundo Olivier Laouchez akunda u Rwanda, amwizeza ko azatuma yishima. Ati 'Warakoze ku bwo gukunda u Rwanda. Niteguye gutuma nishima.'

Ibi bihembo bitegurwa na Televiziyo Mpuzamahanga yitwa Trace Africa, izwiho guteza imbere umuziki w'abahanzi ku Isi, by'umwihariko abo muri Afurika.

Trace Group ifite insakazamashusho za Trace [Trace Africa, Trace Urban…] ifite itsinda ry’abahanga mu muziki ryicara rigahitamo indirimbo ikwiye gutambuka n’itabirikwiye.

Ni ku nshuro ya mbere bigiye gutangwa bihatanyemo abo mu Rwanda. Ni mpuzamahanga, kandi bigamije guteza imbere abanyamuziki bafite impano zinyuranye by’umwihariko abubakiye inganzo y’abo ku muziki wa Afrobeat.

U Rwanda nirwo ruzakira umuhango wo gutanga ibi bihembo. Byatumye hongerwamo icyiciro cy’abahanzi bo mu Rwanda cyiswe ‘Best Rwandan Artist’ gihatanyemo Bruce Melodie, Kenny Sol, Ariel Wayz, Bwiza na Chriss Eazy.

Diamond wo muri Tanzania uheruka gutaramira i Kigali, ahatanye mu cyiciro cy’umuhanzi w’umugabo [Best Male], n’icyiciro cy’indirimbo ifite amashusho meza [Best Music Video].

Ni mu gihe Azawi, Levixone na Ghetto Kids aribo bahagarariye Uganda muri ibi bihembo bizatangwa ku wa 21 Ukwakira 2023 mu muhango uzabera mu nyubako y’imyidagaduro ya BK Arena bihuzwa n’iserukiramuco rya ‘Trace Awards&Festival’ ku bufatanye na Visit Rwanda, Sosiyete ya RwandAir, Ikigo cy’Igihugu cy’Itangazamakuru (RBA) n'abandi.

Mu itangazo rigenewe abanyamakuru, Olivier Laouchez washinze Trace Group, yavuze ko abahanzi bo muri Afurika bitanga uko bashoboye mu rugendo rw’umuziki bityo ‘bakeneye gushimirwa’

Yavuze ko ibi bihembo bihatanyemo abarenga 150 barimo abahanzi, aba Producer, aba Dj, abanditsi b’indirimbo, inzu z’umuziki, abahanzi bakizamuka n’abandi.

Olivier yahaye ikaze kandi ashimira buri wese wakoze ibikorwa byatumye yisanga kuri uru rutonde rw’abahataniye ibihembo.

Kuva mu Majyepho, u Burasirazuba n’u Burengerazuba, Umugabane wa Afurika urahagarariwe muri ibi bihembo binyuze mu bahanzi bakora injyana nka Afrobeat, Genge, Kizomba, R&B, Rumba, Dancehall n’izindi.

Bahatanye mu byiciro 22. Kandi ni abo mu bihugu birimo birimo Amerika y'Amajyepfo, Caribbean, Uburayi, Algeria, Angola, Brazil, Cameroon, Cape Verde, Comoros, DRC, France, French Guiana, Gabon, Ghana, Guadeloupe, Haiti, Ivory Coast, Jamaica, Kenya, Madagascar, Martinique, Mayotte, Mauritius, Morocco, Mozambique, Nigeria, Reunion, Rwanda, Senegal, South Africa, Swaziland, Tanzania, Tunisia, U Bwongereza na Uganda.

Buri umwe uzatsinda azahabwa igikombe cyahanzwe n’umunye-Congo, Dora Prevost watanze ishusho y’uburyo kigomba kuba kigaragara.

Nigeria n’iyo ya mbere ifite abahanzi benshi bagera kuri 40 bahatanye muri ibi bihembo. Harimo nka Davido, Wizkid, Tiwa Savage, Ayra Starr, Burna Boy, YemiAlade, Fireboy DML na Rema.

Icyiciro cy’umuhanzikazi w’umugore (Best Female Artist) gihatanyemo Soraira Ramos wo muri Cape Verde, Josey wo muri Côte d’Ivoirem, Viviane Chidid wo muri Senegal, Nadia Mukami wo muri Kenya, Tiwa Savage na Ayra Starr bo muri Nigeria.

Umuraperi K.O ahatanye mu byiciro bitatu birimo Best Male, Song of The year ndetse na Best Collaboration. Musa Keys uherutse gukorana indirimbo ‘Who is Your Guy?’ na Tiwa Savage ahatanye muri Best Live, Best Collaboration ndetse na Best Music Video.

Ni mu gihe umuhanzi Pabi Cooper ahatanye mu cyiciro cy’umuhanzi mushya (Best NewComer). Dj Uncles Waffles wo muri Swaziland ahatanye mu cyiciro cya ‘Best Dj’.

Ibi bihembo byitezweho kuzakurikirwa n’abantu barenga Miliyoni 500 mu bihugu 190 byo ku Isi. Kandi amatora ahesha amahirwe buri muhanzi yatangiye kuva kuri uyu wa Mbere tariki 21 Kanama 2023.

 

The Ben yagaragaye yahuje urugwiro n'Umuyobozi mukuru wa Trace Group, Olivier Laouchez

 

The Ben ashobora kuzaba ari umwe mu bazatanga ibihembo bya Trace Awards cyangwa se akaririmba mu muhango wo gutanga ibi bihembo

 

Ibiganiro birakomeje hagati ya The Ben na Trace Group ku gutanga ibihembo muri uyu muhango no kuririmbamo

KANDA HANO UREBE AMASHUSHO Y’INDIRIMBO ‘NAREMEYE’ YA THE BEN

“>

Mu mpera z’ukwezi gushize, ni bwo Alyn Sano yatangaje ko agiye gushyira ku isoko amakariso yambarwa n’ab’igitsina gore yanditseho amazina ye “Alyn Sano.” Ni nyuma y’uko aserukanye uyu mwambaro w’imbere i Musanze ku wa 23 Nzeri 2023 mu bitaramo bya MTN Iwacu Muzika Festival.

Mu kiganiro yagiranye na InyaRwanda nyuma yo gutaramira ab’i Rubavu mu bitaramo bya MTN Iwacu Muzika Festival, Alyn Sano ukomeje kwigaragaza neza muri ibi bitaramo, yatangaje ko ikintu gikomeye amaze kubyungukiramo ari ugukora cyane, anahishura ko nta muhanzi washobora gutaramira abantu adahagaze neza mu buryo bugaragara, ibizwi nko kuba “Physically fit.”

Akomoza ku bimufasha kugumana ingano y’umubiri we ntigabanuke cyangwa ngo yiyongere, Alyn Sano yasobanuye ko hari ibintu bitatu bibimufashamo. Yavuze ko yiyitaho mu buryo bwose bwaba ubugaragara ku mubiri inyuma, ubuzima bwe bwo mu mutwe n’ubw’umwuka.

Yongeyeho ko gukora siporo no kwirinda kwinjiza ibitari ngombwa mu mubiri we, biri mu bimufasha kugumana umubiri we kugeza igihe we ku giti cye azifuza kubihindurira. Yasobanuye ko nubwo adateganya guhinduka ariko ntawe umenya uko ejo hazaba hameze, atanga urugero ko ashobora kubyara akabyibuha, cyangwa se akitukuza n’ibindi.

Ku bijyanye n’ikariso igenewe ab’igitsina gore  uyu muhanzikazi aherutse kugaragara yambaye yanditseho amazina ye, yatangaje ko agiye kuyishyira muri cyamunara, ikazegukanwa n’uzaba ufite amafaranga menshi kurusha abandi, hanyuma ayo mafaranga akazayakoresha ‘ikintu gikomeye.’

Alyn Sano yasabye abantu gukomeza kumwitega nk’umuhanzi utazigera azima ngo atenguhe abanyarwanda.

Ibitaramo bya MTN Iwacu Muzika Festival bimaze iminsi bisusurutsa abatuye mu ntara zitandukanye z’igihugu biri kugana ku musozo, kuko kuri ubu hatahiwe abo mu Mujyi wa Kigali, ari naho ha nyuma biteganijwe gusorezwa.

Alyn Sano yatangaje ko ikariso ye igiye gushyirwa muri cyamunara

Izegukanwa n’uzarusha abandi amafaranga

Uyu mwambaro, Sano yawuserukanye i Musanze muri MTN Iwacu Muzika Festival bitungura benshi

Uko yaserutse i Rubavu yambaye

Yatangaje ko isomo amaze kungukira muri ibi bitaramo ari ugukora cyane

Alyn Sano yijeje abanyarwanda ko adateze kuzima

REBA IKIGANIRO ALYN SANO YAGIRANYE N INYARWANDA TV

Mukakamanzi Beatha wamamaye muri filime y’uruhererrkane ya City Maid nka Mama Nick, arasaba ubufasha bwo kugira ngo yivuze kubera impanuka yakoze muri Werurwe 2023.

Mama Nick wakoze impanuka muri Werurwe 2023, mu gihe yari ameze nabi nibwo yaje no gupfusha umwana we witabye Imana muri Gicurasi 2023, ibintu byamusigaye agahinda gakomeye.

Uyu mubyeyi usigaye ugendera mu mbago, iyi mpanuka yamusigiye ikibazo mu kuguru no mu rukenyerero ubu akaba akeneye miliyoni 8 z’amafaranga y’u Rwanda kugira ngo avurwe akire neza.