Author: webrwanda

Diamond Platnumz umuhanzi ukomeye muri Afurika y’Iburasirazuba yakomoje ku biganiro yagiranye na Shakib Lutaaya umugabo wa Zari Hassan bafitanye abana babiri.

Mu minsi ishize ni bwo hagaragaye ifotoya Diamond Platnumz ari kumwe na Shakib Lutaaya, Zari yavuze ko bahuye ku busabe bwa Diamond Platnumz.

Diamond Platnumz ubu urimo kubarizwa mu gihugu cya Kenya, ikinyamakuru Standard cyavuze ko ubwo yari abajijwe icyo yaganiriye na Lutaaya ukomoka muri Uganda, yavuze ko nta birenze baganiriye uretse kumwereka ko nta kibazo kandi ko nta n’icyo bagakwiye kugirana.

Ati “twagombaga kugaragaza ko ibintu ari byiza kandi ko tudashaka gukemura ikibazo mu buryo bwa kera. Nk’abahungu ba Afurika y’Iburasirazuba, ni byiza gusakaza urukundo. Ni bwo buryo bwiza bwo kubikemura.”

Diamond Platnumz kandi yavuze ko abana be 5 yabyaye azakomeza kubitaho uko ashoboye cyane cyane ababonera umwanya kuko buri gihe amafaranga aba atari ingenzi n’urukundo rw’umubyeyi ruba rukenewe.

Ni umwaka w’imikino watangirijwe mu Karere ka Nyagatare tariki 18 Ugushyingo kuri sitade y’aka Karere isanzwe ikiniraho ikipe ya Sunrise FC.

Uyu muhango wari witabiriwe na Perezida w’Ishyirahamwe rya Siporo yo mu Mashuri, Karemangingo Luke uherutse gutorwa muri Manda ye ya mbere,;umuyobozi w’Akarere ka Nyagatare, Gasana Stephen; umuyobozi w’ishyirahamwe ry’umupira w’amaguru mu Rwanda, Munyatwali Alphonse ndetse n’abandi bayobozi bo mu nzego zitandukanye.

Yakomeje agira ati 'Intego yacu tureba cyane abanyeshuri, kandi abakiri bato bazamura impano. Twagize ngo ubutumwa bugere kuri benshi. Ubu twatangiye.'

Agaruka kuri Shampiyona y'Abato iheruka gutangizwa n'Ishyirahamwe ry'Umupira w'Amaguru mu Rwanda (FERWAFA), Karemangingo Luc yashimangiye ko ari izindi mbaraga biyongereye mu kuzamura impano.

Ati 'Abana bafite iriya myaka baba bakiri mu mashuri kandi baratureba cyane kurusha abandi. Ni ikintu cyiza turimo kugendanamo neza na FERWAFA kugira ngo tuzamure abana mu byiciro bitandukanye, tubavanemo abakinnyi bazakinira igihugu.'

Umuyobozi w’Akarere ka Nyagatare yatangaje ko nk’akarere kakiriye uyu muhango, bagomba kurushaho kuba icyitegererezo ndetse bakongera ibibuga amakipe amashuri akiniraho kuko usanga hari ahari ibibuga bicye.   

Imikino yo mu mashuri ikinwa mu byiciro birimo abiga mu mashuri yisumbuye [batarengeje imyaka 20] ndetse n'abo mu mashuri abanza [batarengeje imyaka 15].

Muri iyi mikino ihera ku rwego rw'Akarere, amashuri yitwaye neza ku rwego rw'igihugu mu mikino itandukanye, atsindira guhagarira u Rwanda mu Mikino ihuza Ibigo by'Amashuri muri Afurika y'Iburasirazuba (FEASSSA), iheruka kubera mu Rwanda mu gihe iyu mwaka utaha izabera muri Uganda mu 2024.

Abanyeshuri nabo basabwe gushyira imbaraga n’umuhate mu mikino bakunda kuko ubuyobozi bwiteguye kubashyigikira muri buri kimwe 

Karemangingo Luke usanzwe uyobora ikigo cya G.S.Gahini, yavuze ko batazihanganira ibigo bikinirasha abakinnyi batiga ngo ni uko bashaka intsinzi, avuga ko bituma abanyeshuri baterekana impano zabo 

Umwaka w’imikino watangijwe mu bwoko bwose bw’imikino iba mu mashuri 

Mayor wa Nyagatare Gasana Stephen yemeza ko batazigera basubira inyuma mu guteza imbere siporo mu mashuri

Mu Isi igezweho y’umupira w’amaguru, abatoza ba makipe akomeye ni bamwe mu bahembwa amafaranga menshi ugereranyije na mbere ndetse hari n’aho usanga ari bo bahembwa menshi cyane kurusha abakinnyi bakomeye batoza.

Ibi bituma nabo ubukungu bwabo buzamuka ndetse n’imitungo yabo muri rusange ugasanga ni abaherwe, kuri ubu tugiye kurebana abatoza 10 bakize kurusha abandi.

10. Arsene Wenger

Umunyabigwi w’ikipe ya Arsenal, Arsene Wenger niwe uza ku mwanya wa 10 mu batoza bafite amafaranga menshi aho abarirwa agera kuri miliyoni 38 z’amapawundi. 

Mbere yuko ava mu ikipe ya Arsenal ndetse agahita ahagarika n’umwuga wo gutoza muri 2018, yinjizaga agera kuri miliyoni 8 z’amapawundi ku mwaka. Kuri ubu Arsene Wenger asigaye ashinzwe iterambere ry’umupira w’amaguru mu ishyirahamwe ry’umupira w’amaguru ku Isi (FIFA).

9. Jurgen Klopp

Uyu mutoza w’Umudage amaze gutoza amakipe 3 ariyo Mainz, Borussia Dortmund ndetse na Liverpool arimo kugeza ubu.

Jurgen Klopp ni umwe mu bagabo ikipe ya Liverpool itazapfa kwibagirwa bitewe nuko yayisubije mu guhatanira ibikombe ndetse kuva yahagera amaze kuyihesha icya Champions League, UEFA Super Cup, FIFA Club World Cup, Premier League, Carabao Cup ndetse na Emirates FA Cup.

Niwe uza ku mwanya wa 9 mu batoza bakize ku Isi aho afite agera kuri miliyoni 39 z’amapawundi. Muri Liverpool ahembwa miliyoni 15 z’amapawundi ku mwaka ndetse akaba yinjiza n’izindi miliyoni 6.7 z’amapawundi avuye mu kwamamaza.

8. Carlo Ancelotti 

Umutoza wa Real Madrid niwe uza ku mwanya wa 9, nk’uko byigeze kwandikwa mu binyamakuru ubwo muri 2011 yatozaga Chelsea ariko akaza kwirukanwa agifite amasezerano yahawe ahera kuri miliyoni 28 z’amapawundi.

Muri Real Madrid kugeza ubu ahembwa miliyoni 9.5 z’amapawundi ku mwaka. Muri rusange Carlo Ancelotti mu mwaka utaha ushobora gutoza ikipe y’igihugu ya Brazil afite amafaranga agera kuri miliyoni 40 z’amapawundi.

7.Sir Alex Ferguson

Umwe mu batoza babayeho bakomeye mu mateka y’umupira w’amaguru, ubwo yatozaga ikipe ya Manchester United mu myaka ye ya nyuma yari afite amasezerano avuga ko nta mukinnyi ugomba guhembwa amafaranga menshi kumurusha.

Ndetse yewe no mu mwaka ushize ibinyamakuru byo ku mugabane w’Iburayi byanditse bivuga ko Sir Alex Ferguson kugeza ubu agihembwa mu ikipe ya Manchester United aho afata agera kuri miliyoni 2 z’amapawundi ku mwaka.

Uyu musaza w’imyaka 81 usibye amafaranga yakuye muri Manchester United kandi afite n’inganda zikora ibintu bitandukanye akaba ariyo mpamvu ariwe uza ku mwanya wa 7 mu batoza bakize aho afite amafaranga agera kuri miliyoni 56 z’amapawundi.

6.Steven Gerrard 

Kuva yasezera ku mupira w’amaguru akaza no kwinjira mu kazi k’Ubutoza, kugeza ubu Steven Gerrard amaze gutoza amakipe 3 arimo Rangers, Aston Villa ndetse na Al-Ettifaq arimo kugeza ubu.

Aho ari muri Arabia Saudite, ahembwa agera kuri miliyoni 15 z’amapawundi buri mwaka ugahita unongeraho n’andi yakoreye ari umukinnyi aho mu ikipe ya Liverpool bamuhembaga agera ku 240,000 y’amapawundi ku cyumweru.

Ibi ni byo bituma ariwe uza ku mwanya wa 6 mu batoza bakize kuko muri rusange afite agera kuri miliyoni 71 z’amapawundi.

5. Zinedine Zidane

Uyu mufaransa wegukanye Ballon d’Or agikina yazaga mu bakinnyi bahembwa amafaranga menshi. Usibye umushahara kandi Zinedine Zidane yagiye abona amafaranga menshi binyuze mu kwamamaza akina muri Real Madrid no muri Juventus.

Ari umutoza mu ikipe ya Real Madrid, nabwo yahakuye amafaranga menshi kuko buri mwaka yishyurwaga miliyoni 19 z’amapawundi. Uyu mutoza uza ku mwanya wa 5 afite agera kuri miliyoni 99 z’amapawundi.

4.Pep Guardiola

Ku mwanya wa 4 turahasanga umwe mu batoza bagezweho bijyanye n’umupira w’amaguru nawo ugezweho. Uko afasha ikipe ya Manchester City kwegukana ibikombe, ni nako ikijya mu mufuka nacyo gitubutse.

Ku mwaka ahabwa agera kuri miliyoni 20 z’amapawundi nk’umushahara, ibintu bimugira umutoza muri Premier League uhembwa amafaranga menshi naho muri rusange akaba atunze agera kuri miliyoni 100 z’amapawundi.

3.Jose Mourinho 

Uyu munya-Portugal w’imyaka 60 niwe uza ku mwanya wa 3 mu batoza bakize ku Isi gusa amwe yagiye ayahabwa n’amakipe nyuma yo kumwirukana.

Muri 2021 ubwo yirukanwaga muri Tottenham Hotspur yahawe agera kuri miliyoni 15 z’amapawundi ahita asanga angana gutyo yahawe na Manchester United ndetse ukongeraho n’andi miliyoni 12 z’amapawundi yahawe na Chelsea ubwo yamwirukanaga muri 2015.

Kuri ubu aho atoza mu ikipe ya Roma ahabwa miliyoni 10 z’amapawundi ku mwaka naho muri rusange akaba atunze agera kuri miliyoni 100 z’amapawundi.

2. Diego Simeone

Umutoza wa Atletico Madrid, Diego Simeone niwe uhembwa amafaranfa menshi mu batoza bose ku Isi akaba ahabwa agera kuri miliyoni 30 z’amapawundi buri mwaka.

Aya mafaranga ahabwa mu ikipe ya Atletico Madrid amazemo imyaka 13 ni kimwe mu bimufasha kuza ku mwanya wa 2 mu batoza bakize ku Isi aho atunze agera kuri miliyoni 102 z’amapawundi.

1. Wayne Rooney

Umutoza wa Birmingham City yo mu cyiciro cya kabiri mu Bwongereza niwe uyoboboye abandi batoza mu kugira amafaranga menshi cyane. Aho atoza mu cyiciro cya 2, niwe uhembwaho menshi aho afata agera kuri miliyoni 1.5 y’amapawundi.

Amafaranga Wayne Rooney afite ntabwo ari ayo yakuye mu butoza gusa ahubwo harimo nayo yakoreye akiri umukinnyi haba mu buryo bwo kwamamaza ndetse n’umushahara yahabwaga na Manchester United aho ku cyumweru yafataga agera ku 25,000 by’amapawundi.

Muri rusange uyu mwongereza atunze miliyoni 125 z’amapawundi.

Wayne Rooney niwe mutoza ukize cyane ku Isi

Muri uyu mwaka ndetse na mbere yaho gato, hari indirimbo nyinshi z'abahanzi baturuka mu bihugu bitandukanye zagiye zisohoka zigakundwa, nyuma bikaza no kuba ngombwa ko zisubirwamo ku buryo no kwibagirana kwazo usanga bigoye.

Muri izo ndirimbo, hari izakunzwe mbere zasubirwamo ugasanga izisubiwemo ntizikunzwe cyane bitewe n'impamvu zitandukanye, ariko na none hari n'izindi zinamenyekana ari uko zisubiwemo bitewe n'abahanzi bazisubiyemo uko bafatwa mu ruganda rwa muzika.

Urugero rwiza hano, ni indirimbo ya Bruce Melodie yise 'Funga Macho,' hanyuma akaza kuyisubiranamo n'umunyabigwi Shaggy bakayita 'When She's Around.' Iyi ndirimbo mbere ntiyakunzwe ku rwego ikunzweho ubu ngubu kuko ubu iri ku rwego mpuzamahanga.

Uyu munsi, InyaRwanda yagutoranyirije indirimbo 10 zasubiwemo zakunzwe na benshi muri uyu mwaka  wa 2023 ku rwego mpuzamahanga. Muri zo, hari izakunzwe mbere, izindi zikanyeganyeza Isi nyuma y'uko zisubiwemo.

1. When She's Around ya Bruce Melodie na Shaggy

“>

2.     Ta Ta Ta ya Bayanni na Jason Derulo

“>

3.     One Side ya Iyanya, Mayorkun na Tecno

“>

4.     Calm Down ya Rema na Selena Gomez

“>

5.     Lonely At The Top ya Asake na H.E.R.

“>

6.     Water ya Tyla na Travis Scott

“>

7.     Single Again ya Harmonize na Ruger

“>

8.  Unavailable ya Davido, Sean Paul na Ding Dong

“>

9.  Who is your Guy ya Spyro na Tiwa Savage

“>

10. Sungba ya Asake na Burna Boy

“>

Ni nyuma y'imyaka ibiri yari ishize iri serukiramuco ritaba imbona nkubone ahanini bitewe n'impamvu zirimo icyorezo cya Covid-19 cyibasiye Isi kigahitana ibihumbi by'abantu.

Iri serukiramuco ryahise ritangirana n'ibitaramo bine byageze mu Ntara y'Amajyepfo mu Karere ka Huye, mu Karere ka Musanze mu Majyaruguru y'u Rwanda, mu Burengerazuba mu Karere ka Rubavu no mu Burasirazuba mu Karere ka Ngoma.

Ibi bitaramo byaririmbyemo abahanzi umunani barangajwe imbere na Bruce Melodie, Riderman, Chris Eazy, Alyn Sano, Bwiza, Afrique, Bushali na Niyo Bosco.

Bizasozwa n'igitaramo gikomeye cyahariwe abahanzi ba gakondo 'MTN Iwacu Muzika Festival 'Gakondo' kizaririmbamo Cecile Kayirebwa, Muyango Jean Marie, Cyusa Ibrahim, Ruti Joel, Itorero Ibihame by'Imana ndetse na Nzayisenga Sophia. Kizaba ku Cyumweru tariki 26 Ugushyingo 2023 muri BK Arena.

Umuyobozi Ushinzwe Imenyekanishabikorwa muri MTN, Kwizera Moses yabwiye InyaRwanda ko gutera inkunga ibi bitaramo byabaye umwanya mwiza wo kurushaho kwegera abakiriya babo, kandi ni urugendo bazakomeza kugendana mu gihe cy'imyaka itanu iri imbere.

Yanavuze ko ibi bitaramo byatanze ibyishimo ku bihumbi by'Abanyarwanda, kandi nabo bibafasha kwizihiza byihariye isabukuru y'imyaka 25 ishize bakorera mu Rwanda.

Yavuze ati 'Umuziki ni imwe mu nkingi dufite muri gahunda z'imyaka itanu iri imbere, rero ni ibintu dukora dupangira igihe kirekire. Dushingiye ku byo twabonye navuga ko dufatanya na East African Promoters (EAP) twagize amahirwe kuko byahuriranye n'uko twarimo twizihiza imyaka 25 tumaze mu Rwanda.'

Akomeza ati 'Icyo nabonye ni uko abantu bari bafite inyota y'ibitaramo, ubwitabire, …abantu bari bizihiwe pe! Kandi natwe bidushishikariza gukomeza gutera inkunga ibikorwa nk'ibi bituma abantu bishima kuko biri muri gahunda zacu ziri imbere…'

Kwizera yavuze ko inyungu ya mbere bakuye mu kugendana urugendo n’ibi bitaramo, harimo no kwegera birushijeho abakiriya babo.

Ati “Birumvikana ko twagombaga kwegera abakiriya, tukizihirwa n’abo, n’ubusanzwe umuziki ni ikintu twatera inkunga cyane, rero twagize amahirwe tugirana ubufatanye na EAP, bihurirana n’uko natwe twarimo twizihiza imyaka 25, turafatanya muri izo ntara enye nk’uko babivuze.”

Asobanura ko aho bageze hose banafashije abakiriya gukemura bimwe mu bibazo babaga bafite, kandi bakanabamurikira zimwe muri serivisi basanzwe batanga.

Ati “Ibitaramo byahuriranye n’uko twari twashyize hanze ubukangurambaga bwo gukoresha 4G, rero icyo twashyize imbere ni ukugirango abantu bahindure, babonye uburyo bashobora gukoresha serivisi zacu za 4G, nk’uko iterambere rigenda ryihuta, urumva tugeze kuri 4G mu minsi iri imbere tuzabagezaho na 5G.”

Kwizera avuga ko binyuze mu bufatanye na East African Promoters (EAP), muri iki gihe bari kwifashisha ibitangazamakuru aho umukiriya ashobora gukurikirana akaba yatsindira itike izamufasha kwinjira muri ‘MTN Iwacu Muzika Festival ‘Gakondo’ izaba ku Cyumweru tariki 26 Ugushyingo 2023.

Yavuze urugendo rw’imyaka 25 ishize bakorera mu Rwanda ari igisobanuro cy’urugendo rw'ibishoboka, akumvikanisha ko hamwe n’iterambere ry’ikoranabuhanga ‘dufite byinshi tuzageza ku banyarwanda mu myaka iri imbere’.

Ati “Turizera y’uko rero mu myaka y’indi 25 iri imbere tuzaba dufite irindi terambere rirenze iryo dufite ubu ngubu.”

Mu kiganiro n'itangazamakuru ku wa Kabiri tariki 21 Ugushyingo 2023, Umunyamuziki Muyango Jean Marie, yatangaje ko yari amaze igihe kinini yifashisha Televiziyo akareba uburyo ibi bitaramo bigenda, rimwe na rimwe agatekereza ko bigenewe abahanzi bakiri urubyiruko, ku buryo muri we atigeze atekereza ko hari umunsi azatumirwa kubiririmbamo.

Ni ubwa mbere uyu muhanzi agiye kuririmba muri ibi bitaramo. Yavuze ko afite ishimwe rikomeye kuri MTN ndetse na Mushyoma Joseph [Boubou] bamuhisemo mu bahanzi ba gakondo bazaririmba muri iki gitaramo.

Muyango ati 'Iki gitaramo ndakizi kimaze imyaka ariko twakibonagamo urubyiruko tutibwira ko abantu bakuze natwe twagira ijambo none yanyongeye ijambo mumfashe kumushimira, ahasigaye tuzabataramira nibyo dusigaje.'

Uyu muhanzi yavuze ko yiteguye gukora iyo bwabaga agatanga ibyishimo muri iki gitaramo, yisunze cyane ibyo avoma  mu nganzo n'ibindi yahanze nk'umunyamuziki.

 

Umuyobozi Ushinzwe Imenyekanishabikorwa muri MTN, Kwizera Moses yavuze ko gutera inkunga ibi bitaramo byabaye umwanya wo kwegera abakiriya no gukemura ibibazo bari bafite 

Cécile Kayirebwa wamamaye mu ndirimbo zirimo 'Umunezero', 'Ndare', 'Inzozi' agiye gutaramira muri BK Arena ku nshuro ye ya mbere 

Muyango uzwi cyane mu ndirimbo zirimo 'Karame Uwangabiye' ategerejwe muri iki gitaramo cya gakondo 

Cyusa Ibrahim uzwi cyane mu ndirimbo zirimo 'Imparamba', 'Marebe' n'izindi 

Ruti Joel uherutse gushyira hanze Album ye ya kabiri yise 'Musomandera' 

Sophia Nzayisenga, umucuranzi w'inanga uherutse guca agahigo mu iserukiramuco ryabereye mu Buholandi

Umunyamuziki Bruce Melodie yaririmbye zimwe mu ndirimbo ze zakunzwe muri ibi bitaramo

Umuraperi Riderman ari mu bahanzi baririmbye mu bitaramo bya 'MTN Iwacu Muzika Festival

Umuraperi Bushali yishimiwe mu buryo bukomeye mu bitaramo byo mu Ntara yaririmbyemo 

Chriss Eazy wamamaye mu ndirimbo zirimo 'Inana' yagaragaje ko imyaka itatu ishize ari mu muziki atari ubusa 

Umuhanzikazi Alyn Sano wakunzwe mu ndirimbo zirimo nka 'Fake Gee' yataramye muri MTN Iwacu Muzika Festival 

Umuhanzikazi Bwiza wo muri Kikac Music Label yaririmbye bwa mbere muri ibi bitaramo 

Niyo Bosco yongeye kugira amahirwe yo gutaramira abakunzi be mu bitaramo byo mu Ntara

Afrique yaririmbye muri MTN Iwacu Muzika Festival nyuma y'indirimbo ze zakunzwe zirimo 'Agatunda' 

KANDA HANO UREBE IKIGANIRO TWAGIRANYE NA KWIZERA USHINZWE ‘MARKETING’ MURI MTN

“>

Ibihugu 10 birimo 8 byo mu Karere ka Gatatu muri Afurika biteraniye mu Rwanda mu irushanwa ryo koga rya 'Africa Aquatics ZONE 3 Swimming Championship 2023'.

Ni irushanwa rigomba gutangira guhera kuri uyu wa Kane tariki ya 23 kugeza ku wa Gatandatu tariki ya 25 Ugushyingo 2023, rikazitabirwa n’abakinnyi 261 aho u Rwanda rufitemo abakinnyi 60.

Iri rushanwa rigiye kuba ku nshuro ya munani, ryaherukaga kubera mu Rwanda mu 2016.

Kuri iyi nshuro rizabera muri pisine iherereye i Gahanga, ryitabirwe n’ibihugu 10 birimo umunani bibarizwa muri Zone 3 (u Burundi, Djibouti, Eritrea, Kenya, Ethiopia, u Rwanda, Uganda na Tanzania) n’ibindi bibiri bitabarizwa muri iyi Zone ari byo Afurika y’Epfo na Eswatini.

Ibi bihugu byose bizaba bihagarariwe n’abakinnyi 261 bazarushanwa mu bikorwa 144 bizakinwa mu bwoko butanu bwo koga; Makeri, Rukomatanyo, Gukura umusomyo, Bunyugunyugu no gukorera hamwe nk’ikipe (Relay) muri metero 50, metero 100 na metero 200.

Abakinnyi bazitabira barimo abari munsi y’imyaka 12, abafite imyaka 13-14, abafite imyaka 15-16 n’abafite imyaka 17 gusubiza hejuru mu bahungu n’abakobwa.

Perezida w’Ishyirahamwe ry’Umukino wo Koga mu Rwanda, Girimbabazi Rugabira Pamela, yavuze ko abakinnyi 60 ari bo bazahagararira igihugu muri iri rushanwa.

Ati 'Kuva tumenye iyo nkuru nziza, twahise dutangira n’amahugurwa yo guhura abatoza n’abasifuzi bacu ndetse tuza gukora n’amarushanwa y’ijonjora aho twagombaga gutoranya n’abana 30 ba mbere, tuza gutora n’abandi 30 mu Itsinda B, ubu bose ni 60.'

U Rwanda rwagombaga kwakira iri rushanwa mu 2025, nyuma y’u Burundi mu 2024, ariko kubera ibibazo bya politiki biri muri Sudani y’Epfo yari kuryakira uyu mwaka, biba ngombwa ko iry’uyu mwaka ryimurirwa i Kigali.

Girimbabazi yavuze ko iri rushanwa ryagombaga kubera muri Sudani y’Epfo, ariko nyuma y’uko itabashije kuryakira, baganiriye na Minisiteri ya Siporo basanga ryaba umwanya mwiza wo kuzamura no guha amahirwe abana b’Abanyarwanda bakina umukino wo koga.

Ati 'Inama yabaye umwaka ushize, yemeje ko tuzakira iri rushanwa mu 2025 […]. Muri Nyakanga uyu mwaka ni bwo badusabye ko twaryakira, tubanza kubiganiraho n’ubuyobozi bwa Minisiteri ya Siporo, tureba ibikorwaremezo dufite, tureba n’icyerekezo cya siporo muri iki gihe, cyo kuzamura siporo muri Visit Rwanda, mu kuzamura iterambere ry’urubyiruko, dusanga ni ngombwa kandi ni igikorwa cyiza nshimira inzego zose zadufashije mu kugitegura.'

Yakomeje agira ati 'Aho bigeze biragaragara ko bizagenda neza cyane. Ni ikintu gikomeye kuri Federasiyo yo Koga ndetse ni amahirwe duhaye abakinnyi b’umukino wo koga ko bakwitabira irushanwa rikomeye, guhatana n’abanyamahanga ndetse no kuryakira akaba ari ikintu gikomeye cyane.'

Niyomugabo Jackon utoza Ikipe y’Igihugu y’u Rwanda yo Koga, yavuze ko bagize imyiteguro myiza ndetse biteguye kwitwara neza, begukana imidali.

Ati 'Twagize iminsi yo kwitegura iri rushanwa, bitandukanye n’uko byagendaga. Ubu turi mu rugo, dufite abakinnyi beza kandi icyizere cyo kwitwara neza kirahari.'

Biteganyijwe ko ku munsi wa mbere, tariki ya 23 Ugushyingo 2023, abakinnyi bazarushanwa mbere ya saa Sita, ibirori byo gufungura irushanwa ku mugaragaro bibe nyuma yaho.

Buri munsi hazajya hahembwa abakinnyi batatu ba mbere muri buri cyiciro mu gihe ku munsi wa nyuma hazaba ibirori byo gushimira umukinnyi wahize abandi n’ikipe nziza mu irushanwa.

Amarushanwa nk’aya afasha amashyirahamwe yo koga kumenya abakinnyi beza afite, akaba ari bo bitabira andi arimo Shampiyona Nyafurika izabera mu Birwa bya Maurice mu Ukuboza.