Author: webrwanda

Kuva mu mezi abiri ashize, iyi Korali ifatwa nka Nimero ya mbere muri Kiliziya Gatolika yatangiye urugendo rwo kumenyekanisha igitaramo bazakora tariki 17 Ukuboza 2023 mu nyubako y'imyidagaduro ya BK Arena mu rwego rwo gufasha Abakristu kwitegura kwizihiza Umunsi wa Noheli.

Ni urugendo rwatangijwe no gukora ibiganiro mu itangazamakuru no kwifashisha imbuga nkoranyambaga zabo, basaba abantu kutazacikwa n'iki gitaramo.

Rwaherekejwe kandi no guha urubuga abakunzi bayo bagira uruhare mu guhitamo indirimbo zihimbaza Imana n'izindi zamenyekanye bashaka ko bazabaririmbira muri iki gitaramo.

Ibi byatumye abantu bazwi mu ngeri zinyuranye, batangira kwifata amashusho bakoresheje Telephone bagaragaza ko biteguye kuzitabira iki gitaramo.

Mu butumwa bw'amashusho bagiye basakaza, bagaruka cyane ku mpamvu abantu badakwiye gucikwa n'iki gitaramo, bakavuga uburyo abantu bashobora kugura itike, ibyo abantu bamenya kuri Chorale de Kigali n'ibindi.

Mu bamaze kugaragaza ko bazitabira iki gitaramo, harimo umukinnyi wa filime Amb. Isimbi Alliance [Alliah Cool], umukinyi wa Basketball Nshobozwabyosenumukiza Jean Jacques Wilson;

Umusizi Rumaga uzwi mu bisigo binyuranye, umukinnyi wa filime ‘Nyabitanga’ wamenyekanye muri Filims ‘Miss Mulenge’, ‘Madederi’ uzwi cyane muri filime Papa Sava, umunyamakuru w’ikigo cy’igihugu cy’itangazamakuru, Japhet Mazimpaka, Aline Gahongayire, Marina, Alyn Sano n’abandi.

Mu gitaramo 'The Christmas Carols Concert' baririmba cyane indirimbo zo kwizihiza Umunsi wa Mukuru wa Noheli, indirimbo zanditswe n'abanyamuziki banyuranye yaba Abanyaburayi n'Abanyamerika, indirimbo zakunzwe cyane zo mu buzima busanzwe n'izindi.

'Christmas Carols Concert” ni kimwe mu bitaramo bikomeye biba bitegerejwe n'Abakristu benshi cyane cyane abo muri Kiliziya Gatolika mu mpera z'umwaka, biturutse ku kuba abaririmbyi b'iyi korali bafasha abantu gusoza neza umwaka begerana n'Imana.

Perezida wa Chorale de Kigali, Hodari Jean Claude, aherutse kubwira InyaRwanda ko bagiye gukora iki gitaramo bishimira imyaka 10 ishize bahuriza hamwe Abanyarwanda n'abandi mu busabane n'Imana, kandi avuga ko buri mwaka wabaga ufite umwihariko wawo mu mitegurire n'imiririmbire.

Yavuze ko nubwo Isi yahuye n'amakuba arimo n'icyorezo cya Covid-19, ariko bishimira ko nta mwaka n'umwe bigeze basimbuka mu gukora iki gitaramo kuva mu 2013. 

Hodari ati 'Kuba tutarigeze dusimbuka umwaka n’umwe tudakoze Christmas Carols Concert kuva 2013 no mu bihe bya Covid-19 bigakunda; ni ibyo kwishimira.'

Akomeza ati 'Kuba buri mwaka byarabaga byiza kurusha umwaka wabanje haba mu mitegurire no mu buhanga bwo kuririmba, kandi ababyitabira bagakomeza kwiyongera,nabyo ni ibyo kwishimira.'

Hodari Jean Claude avuga ko bafite ishimwe rikomeye ku muterankunga Mukuru, Sanlam bagendanye urugendo rukomeye kuva mu 2013 bahuriza abakristu mu byishimo bya Noheli buri mwaka. 

Akomez ati 'Kuba umuterankunga witwa Sanlam twaratangiranye muri 2013 akaba atarasibye kubana natwe n’umwaka n’umwe no mu gihe cya Covid-19 kandi ubu abaterankunga bakaba batarahwemye kwiyongera.'

Uyu muyobozi avuga ko iki gitaramo bategura buri mwaka cyatinyuye andi makorali abona ko bishoboka gutegura ibitaramo nk'ibi byagutse birenze kuba baririmba mu rusengero. 

Yavuze ati 'Kuba hari ayandi makorali aririmba neza yaboneyeho gutinyuka gutegura ibitaramo bya buri mwaka bigafasha igihugu muri rusange gususuruka mu mpera za buri mwaka (nabyo ni ibyo kwishimira).'

Hodari yavuze ko muri iki gitaramo bazakora ku wa 17 Ukuboza 2023, abazakitabira bakwiye kwitega kuzabona imbuto z'imyaka 10 bamaze bakora 'ibi bitaramo harimo ubuhanga mu kuririmba no gucuranga bwiyongereye'. 

Kandi avuga ko bazahitamo indirimbo bazaririmba bashingiye 'ku byo twabonye bikenewe n’abantu benshi harimo n’indirimbo nshya'.

Uyu muyobozi yavuze ko bahisemo gukorera igitaramo muri BK Arena mu rwego gufasha abantu kubona ahantu hagari ho gushimira Imana, kandi mu biciro biboneye buri wese. Yungamo ati 'Ibindi bisigaye ni agaseke gapfundikiye ntitwabivuga byose.' 

Chorale de Kigali yashinzwe mu 1966 imaze kuba ikimenyabose mu Rwanda ndetse no mu mahanga kubera indirimbo zihimbanywe kandi zikaririmbanwa ubuhanga igenda igeza ku bakunzi bayo haba mu bitaramo, muri gahunda zitandukanye iririmbamo ndeste n'izo ibagezaho kuri shene yabo ya Youtube.

Intego yabo nyamukuru (RGB), ni uguteza imbere umuziki wanditse ku rwego mpuzamahanga. 

Chorale de Kigali yagiye ikora ibitaramo byinshi mu Rwanda no hanze, harimo Misa zisanzwe, amasengesho ndetse n'ibindi birori byinshi by'umuco mu gihugu.

Iyi korali yamye ifite umubare munini w'abatunganya n’abahimbyi b’umuziki wa chorale mu Rwanda. Abamenyekanye cyane muri bo ni Saulve Iyamuremye, Apollinaire Habyarimana Dr. Jean Claude Byiringiro, Dr. Alfred Ngirababyeyi, Pacifique Tunezerwe n'abandi. 

Chorale de Kigali yakunze gutanga ibyishimo binyuze mu ndirimbo zirimo 'Ijuru n'Isi nibirangurure', Comme un enfant, Fernando, Tubifurije Noheli Nziza, Ma Vie c'est le Christ, Indabo za Mariya, 'Reçois l'adoration', Adeste Fideles, 'Ab'ijuru baririmba', Kleinzac, n'izindi.

Kugeza ubu amatike yo kwinjira muri iki gitaramo yashyizwe ku isoko, aho mu myanya isanzwe ari ukwishyura 5,000 Frw, 10,000 Frw mu myanya ya Premium, 25,000 Frw mu myanya ya VIP na 50,000 Frw mu myanya ya VVIP. Ni amatike ushobora kubona unyuze ku rubuga rwa www.ticqet.rw 

Kiyovu Sports yamaze gutanga ikirego mu Rwego rw’Igihugu rw’Ubugenzacyaha (RIB) irega Mvukiyehe Juvenal wari umuyobozi wa Kiyovu Sports Company Ltd Ubujura, Ubuhemu ndetse no Kwihesha Ikintu cy’Undi.

Ni ikirego Kiyovu Sports yatanze yifashishije umunyamategeko Me Mugabe Fidele, bavuga ko Mvukiyehe Juvenal wari ugiye kumara hafi imyaka 3 ari umuyobozi wa Kiyovu Sports Company Ltd, uko iminsi yicumaga ariko byagendaga bigarara ko atacyubahiriza amasezerano yagiranye n’Umuryango wa Kiyovu Sports yo gucunga ubuzima bwa buri munsi bw’ikipe, tariki ya 26 Nzeri 2026 bahisemo gufata icyemezo cyo kuba bayigaruye gucungirwa muri mu Muryango wa Kiyovu Sports by’agateganyo, Inteko Rusange ya Kiyovu Sports ikaba yaraje kwemeza ko ikipe igumya gucungirwa mu muryango.

Uyu munyamategeko akomeza ikirego cye avuga ko tarki ya 26 Nzeri 2023 Mvukiyehe Juvenal yandikiwe kugira ngo akore ihererekanya bubasha maze ubuzima bw’ikipe bukomeze ariko akaba adashaka kubikora ku bushake, ibi bikaba birimo bishyira ikipe mu gihombo kuko yafatiriye amasezerano yose y’abakinnyi, amasezerano yagiye agirana n’amahoteli yacumbikiraga abakinnyi, amasezerano y’abandi bakozi, ibikoresho by’ikipe, imodoka yatwaraga abakinnyi, impapuro zigaragaza uko amafaranga yakoreshwaga mu buzima bwa buri munsi bw’ikipe.

Bakomeje bavuga ko akiri gukoresha ibirango by’ikipe mu nyungu ze bwite kandi yarahagaritswe. Ibi byose batanze ingero nk’umwenda w’abakinnyi bo muri Sudani ikipe yategetse Kiyovu Sports kwishyura ungana na miliyoni 89 frw.

Ibaruwa ya FIFA yo ku wa 3 Kanama 2023 yandikiwe Kiyovu Sports iyimenyesha ko itemerewe kugira umukinnyi mushya yandikisha itarishyura. Ibaruwa ya IGITEGO Hotels yo ku wa 24 Nzeri 2023 yishyuza Kiyovu Sports 153,694,006 Frw. Ibaruwa y’umunyamategeko w’umukinnyi Cogiffa.

Hari ibaruwa kandi yo ku wa 16 Kanama 2023 yanditswe na Infinity Hotel imenyesha Kiyovu Sports ko isheshe amasezerano na n’ubu batarabona. Hari Ibaruwa yo ku wa 16 Ukwakira 2023 ya Uwintwali Claude yanditse agaragaza na we amasezerano yagiranye na Mvukiyehe Juvenal yamuhaye akazi. Ibaruwa ya FIFA yo ku wa 25 Kanama 2023 yasabaga Kiyovu Sports kwishyura miliyoni 10 Frw Muzamiru Mutyaba kubera kumwirukana binyuranyije n’amategeko.

Bavuga ko bafite impungege ko mu gihe cyose atatanga izo mpapuro ikipe izahora yakira ibirego nk’ibi akaba ari yo mpamvu bamureze kugira ngo aryozwe ibyaha yakoze kuko byamaze kugira ingaruka kuri Kiyovu Sports.

Hamaze iminsi bivugwa ko Kiyovu Sports yamaze kurega Mvukiyehe Juvenal, mu mpera z’ukwezi gushize k’Ugushyingo 2023 yumvikanye avuga ko hari byinshi yarega Kiyovu Sports ariko atayijyana mu nkiko, gusa ngo agize amahirwe ni uko we yamurega kuko hari byinshi byazamenyekana bitari bizwi.

Mvukiyehe Juvenal yarezwe muri RIB

Izindi mbogamizi zigaragazwa ni ukumara amasaha menshi ku mbuga nkoranyambaga biyereka ababakurikira, babakurura nabyo biri mu bivunanye cyane. Nubwo biri uko iyo izo mvune zose yabashije kuzimenyera yishyurwa akayabo agakira kakahava. 

Forbes Magazine yamaze kwerekana abahanzikazi 10 bagiye gusoza umwaka wa 2023 binjije agatubutse, muri aba bahanzikazi harimo abakunze kwigaragaza kuri uru rutonde buri mwaka byumwihariko Rihanna uri kumwanya wa Mbere, iyi ni inshuro ya 4 yikurikiranije aje ku mwanya wa mbere.

1.   Rihanna ufite Milliyari 1.75 ($1.75B)

Uyu munyamuziki akaba n’umushoramari w'imyaka 34, niwe uri ku mwanya wa mbere. Ubutunzi bwe abukura mu muziki, kumurika imideri, no gukora imiti ikoreshwa mu bwiza. Uyu mukobwa ashimishwa no gukora ubucuruzi.

Robyn Rihanna Fenty ni umunya-Barbados . Yatangiye kwamamara mu 2005 nyuma yo gusohora indirimbo yitwa''Pon de Replay''. Mu 2006 yinjiye mu gukina filimi. Forbes Magazine ivuga ko usibye kuba ari ku isonga mu bahanzikazi bakize anari ku rutonde rw'abagore 40 bakize ku Isi.

Kugeza ubu amaze kwinjiza  Miliyari 1.75 y’amadolari mu gihe mu 2022 yari afite Miliyari 1.3 z’amadolari, aya mafaranga ngo ayakura mu bucuruzi bukorwa na kompanyi ye ya ‘Fenty Beauty’ icuruza ibikoresho by’ubwiza hamwe na ‘Savage X Fenty’ icuruza imyenda y’imbere y’igitsinagore.

2. Taylor Swift afite Miliyari 1.1 z’Amadolari ($1.1B)

Taylor Alison Swift afite imyaka 33 akaba ubutunzi bwe abukura mu muziki n’ubucuruzi. Yinjiye mu muziki afite imyaka 14. Mu 2006 nibwo yabonye inzu imufasha muri urwo rugendo. Uyu mwaka wa 2023 wahiriye Taylor Swift dore ko ariwo yabereyemo bwa mbere umu-miliyarideri nyuma yo kwinjiza akayabo ka Miliyoni 350 z’Amadolari ya Amerika  mu bitaramo aherutsemo bizenguruka Isi yise ‘The Eras Tour 2023’.

3. Madonna afite Miliyoni 850 z’Amadolari ($850M)

Umuhanzikazi Louise Ciccone Madonna w’umunyabigwi mu muziki benshi bita umwamikazi w’injyana ya ‘Pop’, ku myaka 65 y’amavuko niwe muhanzikazi wa Gatatu ukize ku Isi. Mu myaka irenga 35 amaze mu muziki ngo amafaranga niho ayakura hamwe n’ibitaramo akora kongeraho n’ibikorwa bye byo gukina filime.

4.Celine Dion afite Miliyoni 800 z’Amadolari ($800M)

Umuhanzikazi w’ijwi ridasanzwe, Celine Marie Claudette Dion avuka muri Canada. Yatangiye kwamamara mu 1982 ubwo yegukana ‘Yamaha World Popular Song Festival’ . Uyu mwaka nubwo Celine Dion yazahajwe n’uburwayi yabashije kwinjiza miliyoni 220 z’Amadolari muri filime yasohoye yakinnyemo yitwa ‘Love Again’ yahuriyemo n’Umuhindekazi Priyanka Chopra.

5. Beyoncé afite Miliyoni 540 z’Amadolari ($540M)

Icyamamarekazi mu muziki, Beyoncé Knowles Carter, umugore w’umuherwe wa mbere mu muziki,Jay Z, ari ku mwanya wa 5 mu bahanzikazi bakize ku Isi mu 2023. Uyu mwaka Beyonce yabashije kwinjiza agatubutse mu bitaramo yakoze bizenguruka isi yise ‘Renaissance World Tour’ yamazemo amezi atanu.

6. Gloria Estefan afite Miliyoni 500 z’Amadolari ($500M)

Umuhanzikazi akaba n’umukinnyi wa filime, Gloria Estefan, wibitseho ibihembo 8 bya Grammy Awards, ari ku mwanya wa 6 mu bahanzikazi binjije agatubutse mu 2023. Ku myaka ye 66 y’amavuko, Gloria Estefan waje kuri uyu mwanya, anaherutse gushyirwa ku mwanya wa 61 mu banyamuziki 100 b’ibihe byose mu mateka nk’uko Billboard yabitangaje.

7. Shania Twain afite Miliyoni 450 z’Amadolari ($450M)

Umuhanzikazi akaba n’umwanditsi w’indirimbo, Shania Twain ukomoka muri Canada, wakoze indirimbo yaciye ibintu yitwa ‘Always & Forever’, niwe uri ku mwanya wa 7 mu bahanzikazi batunze agatubutse mu 2023. Aya mafaranga ngo yayinjirije mu bikorwa bye by’umuziki no kwandikira abandi bahanzi indirimbo.

8.  Barbra Streisand afite Miliyoni 415 z’Amadolari ($415M)

Ku myaka 81 y'Amavuko aya Madolali yayakuye mu muziki no gukina filimi. Amaze imyaka irenga 60 muri uwo mwuga ku buryo yageze ku bintu byose yifuzaga.ubu ari mu itsinda ry'abakuze bo muri showbiz begukanye ibihembo bikomeye birimo Academy, Emmy, Grammy na Tony Awards.

9. Dolly Parton afite Miliyoni 350 z’Amadolari ($350M)

Umuhanzikazi akaba n’umwanditsi w’indirimbo, Dolly Parton, benshi bita umwamikazi w’injyana ya Country, ku myaka 77 y’amavuko ahagaze Miliyoni 350 akura mu muziki no gukina filime. 

10. Jennifer Lopez afite Miliyoni 300 z’Amadolari ($300M)

Icyamamarekazi mu muziki no muri sinema, Jennifer Lopez w’imyaka 54 niwe uri ku mwanya wa 10 mu bahanzikazi bahagaze neza mu mutungo mu 2023. Nubwo Jennifer Lopez atigeze asohora ibihangano bishya muri uyu mwaka, gusa ngo yabashije kwinjira muri bisinesi yo gucuruza inzoga zo mu bwoko bwa ‘Tequila’ bwitwa ‘Delola’.

Muri APR FC ntabwo ibintu byifashe neza aho n’ubwo ikipe iyoboye urutonde rwa shampiyona ariko ntabwo abakunzi b’iyi kipe bishimiye uburyo ikina.

Iyi kipe y’ingabo z’igihugu benshi bahuriza ku kuba uko ikipe ikina atakabaye ariko ikina bigendanye n’abakinnyi ifite aho hari abo bibaza impamvu badakina.

Kugeza ku munsi wa 13 ntabwo abasesenguzi ndetse n’abakunzi ba APR FC bibaza impamvu myugariro w’umunya-Cameroun, Salomon Banga Bindjeme adakinishwa kandi ari umwe muri ba myugariro beza bari mu Rwanda.

Ikiyobera benshi ni uburyo uyu mukinnyi yagiriwe icyizere agakinishwa imikino ya Champions League ndetse akanitwaramo neza ariko byagera muri shampiyona akaba ahora ku ntebe y’abasimbura ahubwo hagakinishwa Yunusu uhora ukora amakosa menshi.

Uretse ibi kandi kudakina k’umunya-Sudani, Sharaf Eldin Shiboub ntibivugwaho rumwe. Nyuma y’umukino wo kwishyura muri CAF Champions League iyi kipe yatsinzwemo Pyramids 6-0 mu Misiri wabaye muri Nzeri, ntabwo Shiboub yongeye kugaragara mu mikino ya APR FC aho yahise arwara Malaria.

Yagarutse ku mukino w’umunsi wa 10 wo APR FC yanganyije na AS Kigali 1-1 akaba ari na we watanze umupira wavuyemo igitego cya APR FC. umukino batsinzemo Sunrise FC 1-0, uwo banganyijemo na Kiyovu Sports 1-1 na Gasogi United 0-0 ntabwo yigeze akoreshwa nta nubwo yari muri 18.

Thierry Froger we avuga ko kudakina kwe ari amahitamo ye nk’umutoza. Ati “hari impamvu 2 Shiboub adakina. Iya mbere ni amahitamo yanjye nk’umutoza, indi ni itegeko ry’umubare w’abanyamahanga aho batagomba kurenga 6.”

Gusa ku rundi ruhande amakuru avuga ko uyu mukinnyi asa n’uri mu bihano kubera ko ku mukino wa AS Kigali yasimbujwe ntasuhuze abatoza, bikaba byarabababaje.

Umutoza wungirije, Karim Khouda yaba avangira umutoza mukuru

Mbere y’uko umwaka w’imikino wa 2023-24 utangira, APR FC yemeje Umufaransa Thierry Froger nk’umutoza mukuru ndetse akungirizwa na mwene wa bo, Karim Khouda.

Amakuru ISIMBI yamenye ni uko Thierry Froger yizera cyane umutoza wungirije Karim Khouda ndetse akunda kugendera ku nama amugira.

Bivugwa ko uyu mutoza kuko azi ko umutoza amwizera na we amuvangira kugira ngo azirukanwe abe yasigarana ikipe.

Karim Khouda ahantu hose yagiye anyura akaba yari umutoza wungirije ndetse akaba yaragiye akunda gusigarana inshingano ari umutoza mukuru mu gihe undi yabaga yirukanywe, bikavugwa ko ari nabyo arimo gukora muri APR FC.

Nko muri 2015 yari umutoza wungirije muri JS Saoura yo muri Algeria, umutoza mukuru yaje kwirukanwa aba ari we usigarana ikipe nkuru, ibi bigasa n’ibyari byabaye muri 2014 ubwo na bwo yari umutoza wungirije muri JSM Béjaïa na yo muri Algeria yaje gusigarana ikipe igihe gito, kimwe n’uko muri 2019 ubwo yari umutoza wungirije muri CS Constantine yaje kuyisigarana ayitoza 201920.

Thierry Froger (ibumoso) yaba avangirwa n’umutoza wungirije Khouda Karim