Author: webrwanda

Umuhanzi Nyarwanda, Bruce Melodie yasubiye muri Leta Zunze Ubumwe za Amerika aho afite igitaramo gisoza umwaka wa 2023 azahuriramo n’Abanyarwanda.

Bruce Melodie yaherukaga muri USA ubwo yataramiraga mu gitmaramo yahuriyemo na Shaggy tariki ya 28 Ugushyingo 2023.

Yahise agaruka mu Rwanda aho yagombaga kuririmba mu gitaramo cya ‘Move Afrika’ muri Kigali Arena cyabaye ku wa 6 Ukuboza 2023 yahuriyemo na Kendrick Lamar.

Ejo hashize ku Cyumweru tariki ya 10 Ukuboza 2023 yafashe rutemikirere asubira muri Amerika aho n’ubundi azahurira na Shaggy ku rubyiniro tariki ya 16 Ukuboza 2023.

Nyuma y’iki gitaramo biteganyijwe ko tariki ya 30 Ukuboza 2023, Bruce Melodie azataramira mu Mujyi wa Portland ku wa 30 Ukuboza 2023 mu gitaramo cyo gusoza umwaka.

Ni igikorwa cyatangiye ku isaha ya Saa kumi n’ebyeri za mu gitondo kibanzirizwa na siporo rusange, abaturage bigenjemo urubyiruko bibutswa ko kurwanya agakoko gatera SIDA bitari byarangira bashishikarizwa kujya bakoresha agakingirizo.

Hahawe icyubahiro ubuzima bw’abazize SIDA hanafashwa abarwayi bayo kumva ko badakwiriye kwiheba, bahabwa ubutumwa bubasaba gukomeza kwirinda no gukangurira abandi bantu kutagwa mu moshya y’ababashuka ngo baryamane badakoresheje agakingirizo.

Nk’uko raporo ibigaragaza, buri mwaka handura abantu barenga Miliyoni 1.3, hagapfa abarenga 630,000 bishwe nayo gusa iyi mibare ikaba izamuka cyane mu bihugu bikiri mu inzira y’iterambere.

Mu ijambo rye, umuyobozi w’Akarere ka Rubavu umaze iminsi 4 ku buyobozi, Mukindwa Prosper, yatangarije urubyiruko ko ari bo bafite ejo hazaza mu biganza byabo, abibutsa ko baramutse batitaye ku buzima bwabo ngo birinde SIDA, mu gihe kizaza u Rwanda rwazayoborwa n’Abanyamahanga.

Yagize ati: “Rubyiruko mbashimiye umwanya mwafashe muza tukifatanya muri Siporo ariko nanone mukumva ubutumwa ku cyorezo cya SIDA. Mutirinze ntabwo twazabona abayobozi b’ejo hazaza kuko twazayoborwa n’Abanyamahanga”.

Umuyobozi wa AHF Rwanda, Dr Rangira Lambert, yavuze ko ubukangurambaga bwakozwe bwari bugendanye n’umunsi mpuzamagahanga wo kurwanya SIDA , akaba ariyo mpamvu bashatse ko n’Abanya-Rubavu nka kamwe mu turere 11 bakorana bamenya ko kwirinda SIDA bitarangiye.

Ati: “Uyu munsi twari kumwe n’abarenga igihumbi rero ni umubare mwiza kandi biratwereka ko ubutumwa bwatangiwe hano buragera ku barenga igihumbi kuko ni urubyiruko n’ibindi byiciro ndetse n’abayobozi bari hano bazadufasha gutanga ubutumwa. Twabibutsaga ko SIDA ntaho yagiye”.

Bamwe mu rubyiruko baganiriye na InyaRwanda.com, bemeje ko inama bahawe bagiye kuzifashisha bubaka ejo habo hazaza, bagaragaza ko kwibutswa kwirinda ari umugisha bagiriwe.

Uyu muhango wabanjirijwe na Siporo rusange yahuje urubyiruko rw’abanyeshuri, abari baje mu myitozo ikorerwa ku nkengero z’Ikiyaga cya Kivu, Abayabozi b’Akarere ka Rubavu n’izindi nzego zitandukanye.

Urubyiruko rwitabiriye siporo ku bwinshi

Mbere yo guhabwa ikiganiro ku bwandu bwa Virus itera SIDA, urubyiruko rurenga 1,000 babanje gukora siporo ngororamubiri

Hapimwe urubyiruko rwifuzaga kumenya uko ruhagaze ku bijyanye n’ubwandu bwa SIDA

Ubuyobozi bwashishikarije urubyiruko kwirinda SIDA kuko aribo mbaraga z’igihugu none ndetse n’ejo hazaza

Mu gihe habura iminsi 21 gusa ngo umwaka wa 2023 ushyirweho akadomo, imbuga nyinshi zicuruza umuziki zikomeje kugenda zigaragaza uko uyu mwaka wagenze mu bahanzi bahiriwe nawo. Kuri ubu YouTube yamaze kwerekana abahanzi nyafurika barebwe cyane bayobowe na Burna Boy.

Ni urutonde rwiganjemo abahanzi bo mu gihugu cya Nigeria bafite amazina akomeye, mu gihe igihugu nka Tanzania gihagarariwe na Diamond Platnumz, Congo ihagarariwe na Fally Ipupa naho ibindi bihugu byo mu karere birimo n’u Rwanda byabuze umuhanzi n’umwe ubihagararira kuri uru rutonde.

Dore abahanzi nyafurika 10 barebwe n’abantu benshi kuri YouTube mu 2023:

1. Burna Boy

Umuhanzi Damini Ogulu wamamaye nka Burna Boy ukomoka muri Nigeria, niwe wafashe intebe y’Ubwami bwa YouTube mu 2023 nyuma yo kurebwa n’abantu Miliyari 2.52. Uyu muhanzi wahiriwe n’uyu mwaka yanawusohoreyemo album yise ‘I Told Them’ iriho indirimbo nka ‘City Boys’ ikomeje guca ibintu hirya no hino.

2. Diamond Platnumz

Naseeb Abdul Juma Issack umuhanzi ukomoka muri Tanzania, wamamaye nka Diamond Platnumz mu muziki, niwe waje ku mwanya wa Kabiri  n’abantu Miliyari 2.37 ndetse akaba ariwe muhanzi rukumbi wo muri Tanzania waje kuru uru rutonde.

3. Wizkid 

Wizkid utarahiriwe n’umwaka wa 2023 nyuma yo kuwupfushirizamo umubyeyi we, ndetse ntanasohore ibihangano bishya, ntibyamubujije kuza ku mwanya wa Gatatu mu bahanzi nyafurika barebwe cyane kuri YoutTube muri uyu mwaka. Abantu Miliyari 1.83 nibo barebye ndetse banumva indirimbo za Wizkid kuri Youtube.

4. Fally Ipupa

Icyamamare mu muziki Fally Ipupa akaba n’umubyinnyi kabuhariwe, ukomoka muri Repubulika Iharanida Demokarasi ya  Congo, yaje ku mwanya wa Kane n’abantu Miliyari 1.61 barebye ibihangano bye kuri YouTube mu 2023. Ni nawe muhanzi rukumbi wo muri iki gihugu waje kuri uru rutonde.

5. Davido

Umuhanzi w’icyamamare David Adedeji Adeleke uzwi nka Davido mu muziki, wagarutse bushya muri uyu mwaka nyuma yo gusohora album nshya yise ‘Timeless’, yaje ku mwanya wa Gatanu n’abantu Miliyari 1.50 barebye ibihangano bye kuri YouTube mu 2023.

6. Rema

Divine Ikubor umuhanzi akaba n’umwanditsi w’indirimbo ukiri muto, ku myaka 23 amaze kumenyekana ku rwego mpuzamahanga bitewe n’ibihangano bye birimo indirimbo yise ‘Calm Down’ yaciye ibintu ku mbuga zicuruza umuziki. Muri uyu mwaka Rema yarebwe n’abantu Miliyari 1.41 kuri YouTube.

7. CKay

Umuhanzi Chukwuma Ekweani uzwi cyane nka CKay mu muziki, akomoka muri Nigeria akaba yaramamaye cyane mu ndirimbo nka ‘Love Nwantiti’, niwe waje ku mwanya wa Karindwi mu bahanzi nyafurika 10 barebwe cyane kuri YouTube. Mu 2023 CKay yarebwe n’abantu Miliyari 1.30.

8.Flavour

Chinedu Okoli umuhanzi wamamaye nka Flavour mu muziki ukomoka muri Nigeria, umaze imyaka irenga 15 akora umuziki, wakunzwe mu ndirimbo nka ‘Nwa Baby’, ‘Ashawo’, ‘Chini Baby’ n’izindi, niwe uri ku mwanya wa Munani n’abantu Miliyari 1.19 barebye ibihangano bye kuri YouTube mu 2023.

9. P-Square

Itsinda rya P-Square rigizwe n’abavandimwe b’impanga Paul Okoye uzwi nka Rudeboy hamwe na Peter Okoye uzwi nka Mr.P. Aba bombi bagize uruhare mukuzamura umuziki wo muri Nigeria kuva mu 2005, nibo bari ku mwanya wa cyenda n’abantu Miliyari 1.14 barebye ibihangano byabo kuri YouTube muri uyu mwaka.

10. Tekno

Augustine Miles Kelechi umuhanzi wamamaye ku izina rya Tekno,akaba ari n’umu-Producer, wakoze indirimbo zakunzwe zirimo nka ‘Pana’, ‘Diana’, ‘Rara’ n’izindi nyinshi, niwe waje ku mwanya wa Cumi mu bahanzi nyafurika barebwe cyane kuri YouTube. Muri uyu mwaka Tekno yarebwe n’abantu Miliyari 1.1

Benshi bagerageje kuzamura ijwi baravuga ndetse bakora ibishoboka byose kugira ngo bataramire muri BK Arena  ariko biba iby’ubusa.

Iyi nkuru yanjye ngiye kuyishingira kuri bumwe mu butumwa bw'umuraperi watumiwe guhura na Kendrick Lamar n’uko yahisanze.

Atebya yabwiye InyaRwanda ko yivuze atazongera gutumirwa agira Ati'' Musaza ibyamazina byihorere na hariya natumiwe kwiganirira ntazongera kuhahomba.'

Uyu muraperi yavuze ko ngo yumvise bamwe bavuga ngo bahawe Email yo kuza kubonana n'icyamamare ariko ngo abandi bo bahamagawe nabo babishinze muri bagenzi babo.

Yakomeje avuga ko mu kuhagera nta kidasanzwe yabonye kuko yumvaga ari ukubabwira Umuraperi uzataramana na Kendrick.

Ngo ahubwo bahageze barabakiriye baraganira buri umwe akamubaza iterambere rya Hip Hop aho ayibona, icyo yakora n'ibindi.

Kuri we ngo abona ntacyo ibyo biganiro byari bimaze ndetse yigaya kuba yaragiyeyo akavuga ko bidakwiye gukinisha umuraperi.

Bivugwa ko ibi biganiro byateguwe nyuma y'uko rubuze gica hagati y'abaraperi n'abateguye igitaramo bagahitamo kubahuza ngo bacogore.

Iyi niyo foto yateje impagarara 

Kendrick yakoze igitaramo cy'amateka

Umukinnyi w’Umugande ukinira APR FC, Taddeo Lwanga ari mu gainda gakomeye nyuma yo gupfusha se umubyara.

Mu gitondo cyo kuri uyu wa Mbere tariki ya 11 Ukuboza 2023 ni bwo uyu mukinnyi ukina mu kibuga hagati yatangaje iby’uruofu rwa se.

Mu butumwa yanyujije ku rukuta rwe rwa Instagram, Lwanga yavuze ko se yari amaze igihe arwaye aho yabazwe inshuro 5.

Ati “mu by’ukuri warwanye neza. Nyuma yo kubagwa inshuro 5 mu mezi 2, wakomeje kugaragaza ko ukomeye. Ubugingo bwa we buruhukire mu mahoro Papa.”

Ni nkuru y’incamugongo ikaba yasanze Lwanga i Huye aho APR FC iri bukine na Amagaju FC uyu munsi tariki 11 Ukuboza 2023 mu mukino w’umunsi wa 15 ari na wo usoza igice kibanza cya shampiyona y’icyiciro cya mbere mu Rwanda umwaka w’imikino 2023-24.

Taddeo Lwanga wakiniye amakipe atandukanye, akaba ari mu mwaka we wa mbere muri iyi kipe y’Ingabo z’Igihugu mu myaka 2 yayisinyiye.