Author: webrwanda

Iyi Itel A70 ifite ububiko bwa GB 128 ishobora kubika amafoto arenga 40,000 kandi ifite na RAM ushobora kongera ikagera kuri GB 8 naho Itel A70 ifite ububiko bwa GB 256 ishobora kubika amafoto arenga 80,000 kandi ifite na RAM yongerwa ikagera kuri GB 12 bivuze ko ushobora gufungura application 16 zose icyarimwe kandi igakomeza gukora neza kuko ifite na processor ya octa-core ituma telephone ikora yihuta.

Iyi Itel A70 fite umwihariko wo kubika umuriro, wayikoresha iminsi 2 yose utarayisubiza ku muriro, urugero nk'igihe uri guhamagara ushobora kuyivugiraho iminsi 2 n'amasaha 12 akurikirana umuriro utarashiramo, naho igihe uyireberaho film iba ishobora kumarana umuriro amasaha 24 yose utarashiramo.

Iyi telephone ya itel A70 ifite camera ebyiri z'inyuma zifite megapixel 13 zikorana bigatuma ubasha gufata amafoto anogeye ijisho, ifite kandi n'ikirahure kinini cya 6.6' hamwe na dynamic bar ituma ubona amamenyesha (notification) mu buryo bworoshye.

Abifuza kugura itel A70 mu byiciro nabo bashyizwe igorora kuko nk'umuntu ufite 12,700 Frw  yonyine abasha kuyitunga maze amafaranga asigaye ukagenda ayishyura macye macye.

 

Ku bindi bisobanuro ushobora gusura imbugankoranyambaga za itel ni @itelRwanda cyangwa ukabahamagara kuri 0790005507.

Nyuma y'imyaka itatu yikurikiranije ayobora ibi birori by'imbonekarimwe mu ruganda rwa muzika mpuzamahanga, Trevor Noah yongeye kugirirwa icyizere cyo kuyobora ibirori byo gutanga ibihembo bya Grammy ku nshuro ya kane.

Ibi birori biteganijwe kuzaba umwaka utaha ku Cyumweru, tariki 04 Gashyantare mu 2024, aho bizabera i Los Angeles kuri Crypto.com Arena.

Mu myaka yashize, Noah yashimiwe ubushobozi bwe bwo guhuza urwenya n'umuziki, ndetse n'uburyo yafashaga abantu bose kwishimira ibirori, haba ababyitabiriye n'ababaga babikurikiraniye mu ngo.

Kugaruka kwe muri 2024 GRAMMYs ni gihamya ko ashoboye kandi agira uruhare rugaragarira buri wese mu migendekere myiza y'ibi birori.

Abinyujije kuri Podcast ye yitwa 'What Now' uyu munyarwenya n'akanyamuneza kenshi yavuze ko yishimiye ko agiye kongera kuyobora ibi birori, nyuma yo kubiyobora neza mu 2021, 2022 ndetse no mu 2023.

Yagize ati: 'Ngiye kuyobora Grammy. Ndabyishimiye cyane. Biba bishimishije bibereye ijisho. Nishimira Grammy kuko mba nkurikiranye igitaramo imbonankubone kandi nkabasha no gutanga ibitekerezo mu gihe byose biri kuba.'

Noah kandi, ntazaba ayoboye ibirori gusa kuko afite n'igihembo ahataniye mu bihembo bya Grammy mu cyiciro cya 'Best Comedy Album category,'abifashijwemo na album ye yise 'I Wish You Would (2022).'

Abaye uwa gatanu ugiye kuyobora ibi birori mu gihe anahataniyemo igihembo. Yakiriye igihembo cye cya mbere cya Grammy mu myaka ine ishize, aho album ye yise 'Son of Patricia' yahigitse izindi mu cyiciro cya album nziza ya Comedy.

Uyu munyarwenya w'imyaka 39 y'amavuko, yamamaye ku rwego mpuzamahanga nk'uwayoboraga ikiganiro The Daily Show, cyabashije kwegukana igihembo cya Emmy kuri Comedy Central channel.

Yatsindiye kandi Primetime Emmy mu 2017 abikesha iki kiganiro cya The Daily Show cyagaragayemo Desi Lydic, Dulcé Sloan, Ronny Chieng, na Michael Kosta, ndetse n’abaterankunga Jordan Klepper na Lewis Black.

Ibi birori bigiye kuba ku nshuro ya 66, bizatambutswa imbona nkubone kuri televiziyo ku muyoboro wo muri Amerika wa CBC, ndetse binyuzwe no kuri Paramount+.

Abazahatanira ibihembo bya Grammy bizaba mu mwaka utaha, bagabanije mu byiciro birenga 90 birimo icya Record of the Year, Album of the Year, Song of the Year, Best New Artist, Producer of the Year n'ibindi byinshi.

Travor Noah agiye kuyobora ibirori bya Grammy ku nshuro ya kane

Agiye kubiyobora mu gihe na album ye ihataniye kimwe muri ibi bihembo

Yashimiwe ubuhanga bwe  

Ibihembo bya Grammy bigiye gutangwa ku nshuro ya 66

Dore bamwe mu bakinnyi ba filime nyarwanda  begukanye ibihembo muri 2023

  1. Aliah cool

Isimbi Alliance uzwi cyane mu myidagaduro nka Aliah Cool, yegukanye igihembo cya Great Achiever Awards nk'uwagize uruhare mu iterambere ry'imyidagaduro gitangirwa muri Nigeria.

Mu butumwa yanditse abinyujije ku rukuta rwa Instagram ye yagize ati ' Ni iby'agaciro  gakomeye cyane kuri njye , kwegukana igihembo nk'iki cy'umwihariko kandi kidasanzwe kubera ko ari igihembo gitangirwa muri Nigeria,igihugu gifite abanyempano benshi mu bijyanye n'imyidagaduro, gukina filime ndetse kandi akaba aricyo muri Afurika cyanditse izina ku Isi'.

     2. Bahavu Jeannette 

Umwe mu bagore bahagaze neza mu mwuga wo gukina filime muri Sinema nyarwanda,Usanase Bahavu Jeannette, yegukanye igihembo cya Rwanda International Movie Awards,  cyagenewe umukinnyi wa filime ukunzwe kurusha abandi.

Ku mugoroba wa tariki 1 Mata 2023, Bahavu  yegukanye ibihembo bitatu birimo Best Actress, Best Series Film cyahawe filime ategura yise 'Impanga Series' ndetse n'igihembo cy'umukinnyi wa filime ukunzwe kurusha abandi cyiswe People's Choice Awards cyamuhesheje imodoka ya T5 Dynamic Sedan yakozwe mu 2017.

Ubwo yakiraga iki gihembo yagize Ati “Ndashima Imana cyane ku bw'iki gihembo,ni gake ukora cyane hakagira ababibona bakabiha agaciro, Ndashima umugabo wanjye uyobora iyi filime, iyo utabaho ntabwo ibi nari kubishobora, iki gihembo ni icyawe ndagushimira cyane watumye impano yanjye igera ku rundi rwego.”

“Iri ni itangiriro rinsaba gukora cyane cyane, nizera ko ari Imana yampaye igitekerezo kugira ngo nandike Impanga Series numva ari igitekerezo cyaturutse mu ijuru.”

   3.  Miss Nyambo

Umukinnyi wa filime, Nyambo Jesca ukunzwe muri filime zirimo filime ye yitwa ' The Message' ni umwe mu batsindiye ibihembo muri uyu mwaka.

Mu ijoro ryo kuwa 30 Mata 2023, muri Hotel ya Park Inn iherereye mu Kiyovu, Nyambo Jesca uzwi nka Miss Nyambo muri filime nyarwanda, yegukanye igihembo cy'umukinnyi wa filime w'umwaka witwaye neza ' Best Actress of the Year', abikesheje ibikorwa yaramaze kugeraho.

Icyo gihe yagize  ati ' Abantu banjye rero, abakunzi banjye ngiye gukora cyane kandi ndabizeza ibikorwa byinshi byiza bazagenda bakunda'.

 4. Shingiro Bora

Umunyarwanda Shingiro Bora yegukanye yegukanye igihembo gikuru mu byatanzwe hasozwa Ikinamico Mashariki African Film Festival ' MAAFF' ryabaye ku nshuro ya cyenda.

Ku wa Gatanu tariki ya 1 Ukuboza 2023,mu muhango wabereye muri Kigali Conference and Exhibition ahazwi nka Camp Kigali,Shingiro Bora yahawe $ 1000.

Filime ye ' Igihuku' ishingiye ku nkuru y'umwana w'umukobwa n'umuryango we bahungiye muri Kiliziya Gaturika muri Jenoside yakorewe Abatutsi mu 1994, yatumye atsindira igihembo  cya  $1000 ni ukuvuga asaga Miliyoni 1Frw.

Mu kiganiro na InyaRwanda  Bora yagize ati ' Ntabwo navuga ukuntu ndi kwiyumva, kuko biri hejuru cyane, ndishimye'.

   5. Papa Sava

Niyitegeka Gratien wamenyekanye nka Papa Sava, Seburikoko n'ayamdi mazina muri filime nyarwanda, yegukanye igihembo  cy'umukinnyi wa filime w'umugabo  witwaye neza muri 2023 ' Best Male Actor of the Year'. Iki gihembo yacyakiriye ku ya 30 Mata 2023.

   6. Phionah Igihozo

Phionah Igihozo ukina muri filime 'Indoto Series' yegukanye igihembo cy'umukinnyi mwiza w'umukobwa wafashishe bagenzi be. Uyu mukobwa yegukanye iki gihembo cyatanzwe mu mwaka wa 2023.

   7. Karinda Isaie

Karinda Isai,umukinnyi wa filime umwanditsi, akaba n'umuyobozi wazo, yatsindiye igihembo cya filime nziza y'umwaka ' The Best Feature film of the Year' cy'umwaka wa 2023.

Filime yashyize  hanze  yiswe ' Above the Brave'  igaruka ku mateka yaranze u Rwanda, yatumye yegukanye iki gihembo kubera ubuhanga bwagaragaye muri filime ye.

Ati ” Ni ibyishimo gusa, iki kihembo kinteye izindi mbaraga”