Author: webrwanda

Ibihangano bihuriyemo abantu barenze umwe bikunze gutanga umusaruro mwiza bitari mu Rwanda gusa nubwo ariho tuza kwibanda no hanze hari indirimbo nyinshi zagiye zifata imitima ya benshi kubera ko zahuriyemo abahanzi b'ibyamamare benshi mu cyongereza bazita 'All Star Song'.

Ugarutse gato mu Rwagasabo indirimbo zihuje abahanzi barenze umwe usanga zikunze kuboneka nubwo bitakiri cyane nka mbere aho wasangaga abahanzi barenga batanu mu ndirimbo imwe kuri ubu baba bari munsi ariko ntibibuza izo ndirimbo kugira igikundiro cyo hejuru.

Tukaba twifuje uyu munsi kugaruka kuri bamwe mu bahanzi bakunze kugaragara mu ndirimbo ugasanga zigize igikundiro cyo hejuru barimo n'abakumbuwe mu muziki nyarwanda bitewe n'impamvu zinyuranye.

Princess Priscillah

Ubuhanzi bwa Umuratwa Priscillah biragoye kuba wabona ubushidikanyaho ahanini bishingiye ku ijwi rye ryihariye bituma abo bagiye bahuza bose barabashije kubona icyo bari biteze ku  gukundwa kw’ibihangano byabo.

Uyu mukobwa umaze ikinyacumi kirenga yerekeje muri Leta Zunze Ubumwe za Amerika, amaze guhurira mu ndirimbo zitari nkeya n'abahanzi bakomeye kandi zagiye zikundwa cyane.

Uhereye mu myaka ya mbere y’uko ava mu Rwanda yasize akoranye indirimbo na Jay Polly yitwa You&I,hakaza kandi Gumana Nanjye yakoranye na Mani Martin, ari mu bagize uruhare mu ndirimbo zahuriyemo abahanzi benshi.

Kandi umusanzu watumye zirushaho kugira aho zigera muri izo twavuga Bagupfusha Ubusa ubwo yageraga i bwotamasimbi yakoranye Ntacyadutanya na The Ben, Nka Paradizo na Meddy kimwe na Wabaga he yahuriyemo na Emmy.

Riderman

Ubu aragana ku kuzuza ibinyacumi bibiri atangiye umuziki by'umwuga kuko yawutangiye mu mwaka wa 2005, yaje kuba ikirango cy'umuziki by'umwihariko wa Hip Hop.

Ibi byatumaga agenda yiyambazwa n'abandi bahanzi kuko igihangano cyose yakoragaho n'ubu kandi usanga gihita kigira uburyohe budasanzwe.

Mu ndirimbo uyu mugabo yagizemo uruhare zikaza zitandukanye twavuga Umfatiye Runini yahuriyemo na Urban Boyz, Ungaraguza Agati na Dream Boyz, Ntakibazo yahuriyemo na Urban Boyz na Bruce Melody, Depanage na Ariel Wayz, Ndakabya ya Christopher,  Ubunyunyusi na Mico The Best, Indi Ntambwe na The Unit.

Fireman

Tuff Gangz ni yo yamuritse mu myaka yaza 2008, Fireman imirongo ye ikagira igikundiro cyo hejuru yagiye anyura mu bihe bitoroshye ariko nta na rimwe yigeze bibura igikundiro.

Mu bihe bitandukanye yagiye yitabazwa akanitabaza abahanzi banyuranye bahuriye mu ndirimbo zitandukanye zagiye zigira igikundiro cyo hejuru ahanini bishingiye ku buryo uyu mugabo yandika kandi agira ihuza magambo.

Mu ndirimbo uyu mugabo yagizemo uruhare tutagiye kure wahera kuri Muzadukumbura yakoranye na Nel Ngabo, Bafana Bafana yahuriyemo na Butera Knowless na Bull Dogg, Umutima w'Umusirikare na Rocky Kimomo na Sean Brizz.

Hakaza kandi n’izimaze iminsi nka Ntarirarenga yahuriyemo na Jay C na Safi Madiba, Itangishaka na King James, hakaza kandi Umuhungu wa Muzika na Bruce Melodie.

Bushali

Ari mu bahanzi bihagazeho cyane abakora injya ya Hip Hop aho yatigishije mu buryo bufatika imihanda ya Kigali ndetse bikaza kwaguka agafata igihugu cyose.

Uyu mugabo winjiye mu muziki mu mwaka wa 2013, yamamaye mu njyana ya Kinyatrap bamwe banamufata nk'Umwami wayo kuva icyo gihe yagiye ashyira hanze indirimbo zakunzwe cyane.

Yaje kubonwa n'abandi bahanzi nk’iturufu yo kuba indirimbo ashyizeho amaboko ihita igira amavuta maze batangira kugenda bamwiyambaza yaba abakizamuka n’abamaze kugira aho bagera cyangwa na we akagira abo yitabaza.

Zimwe mu zavuba aheruka harimo Irizi Waririzi yakoranye na  Icenova, Ntabya Gang na Bushali, Bermuda na Bull Dogg na Davis D, Kurura yakoranye na Juno Kizigenza.

Mu zindi hari Nituebue yakoranye na Slum Drip na B Threy, Mubiganza na Major Pabla, Ngufite Ku Mutima Zizou Al Pacino na The Ben.

Phil Peter

Nzeyimana Philbert [Phil Peter] umunyamakuru wabigize umwuga byumwihariko mu gisata cy'imyidagaduro akabihuza kandi no kuyobora ibikorwa bihuza abantu benshi birimo ibitaramo n'ibirori yaba ibito n'ibinini.

Ibyo kandi abihuza no kuba umwe mu bavanzi b'umuziki bihagazeho, uyu musore mu myaka mike ishize yinjiye muri gahunda y'umuziki aho agenda ahuriza abahanzi batandukanye mu ndirimbo.

Ibi bikaba ari ibintu bimenyewe ku ba DJ batandukanye hirya no hino ku Isi, gusa uwavuga ko yinjiranye amavuta ntabwo yaba abeshye kuko indirimbo yose ateguye igira ingaruka nziza zo hejuru.

Imwe mu mishinga y'ibihangano yagiye agiramo uruhare ikaza hejuru twavuga Jugumila yahuriyemo na Chriss Eazy na Kevin Kade byari nyuma gato yuko yari yakoranye Terimometa na Kenny Sol.

Hari kandi Amata na Social Mulla, Agafoto na Marina, P Fla na Aime Bluestone.

Meddy

Ngabo Medard Jobert [Meddy] ari mu bahanzi baza imbere mu gukorana ibihangano n'abandi bigatanga umusaruro uri hejuru.

Uyu muhanzi ukomeje kugenda yinjira mu bijyanye n'ubuzima bushingiye ku ngoma y'ijuru akora ibihangano byo kuramya no guhimbaza Imana.

Amaze gukorana indirimbo n'abahanzi banyuranye barimo Otile Brown bakoranye Dusuma yabaye amateka mu Karere k'Ibiyaga Bigari ikundwa cyane.

Mu zindi zatanze umusaruro wo hejuru harimo Lose Control na The Ben, Ndi uw'i Kigali na The Ben na K8 Kavuyo, Sibyo na Kitoko, Ntacyo Nzaba na Niyo Ndirimbo yakoranye na Adrien Misigaro.

Ariel Wayz

Uwayezu Arielle [Ariel Wayz] ari mu bahanzikazi bamaze igihe gito ariko bahise bafata imitima ya benshi kubera ubuhanga agaragaza mu muziki yize ku ishuri ry'umuziki ry'u Rwanda ryamamaye nka [Nyundo Music School].

Uyu mukobwa yagiriwe icyizere gikomeye mu bijyanye no guhurira mu ndirimbo n'abandi aho bamwe bagiye bamwitabaza na we hari abo yitabaje  kandi zagize igikundiro cyo hejuru.

Muri izo twavuga Away na Juno Kizigenza, Nasara na Dany Nanone, Uno na Bruce The 1^st, Closer na 2 Saint, Kigali na Mr Kagame, Ndagukumbuye na King James.

Butera Knowless

Byagorana kuba wasoza urutonde   utavuze mu b'imbere, Butera Knowless, uyu mugore ari mu bahanzikazi bakora umuziki w'uruzungu bamaze ikinyacumi kirenga.

Ariko muri icyo gihe indirimbo yagiye yitabazamo abandi cyangwa izo we ubwe yagiye yitabazwamo zagiye zikundwa byo hejuru utagiye kure wahera kuri Njyenyine aheruka guhuriramo na Yverry.

Hakaza Darling yahuriyemo na Ben Pol, Teamo na Roberto, Umugisha na Juno Kizigenza, Mahwi na Nel Ngabo, Ntabirenze na Platini P.

Bamwe muri aba bahanzi twavuze bikaba biba bigoranye kubisukira cyane ko baba bifuzwa na benshi ku buryo ibiciro byo kugira ngo babashe ku kwemerera ko mwakorana biba biri hejuru.

Bitari n’ibyo ingingo ziherekeza amafaranga yo kubishura zijyana n’aho gukorera,amashusho uzayakora n'ibindi bijyana no kumenyekanisha indirimbo mwakoranye nabyo ntabwo biba byoroshye.

Ubariye ku wa make n’uwa menshi amafaranga bishyurwa ku kugira ngo mukorane indirimbo uzakwimenyera ibyikorwa ry'amashusho n'amajwi ikigereranyo rusanye yaba Miliyoni 1 Frw.

Ubwo hatangazwaga umusaruro w'umwaka ushize wa sosiyete y'itumanaho mu Rwanda ya  MTN Rwanda ndetse n'imigabo n'imigambi by'umwaka mushya wa 2024, Mobile Money Rwanda Ltd nayo yaboneyeho gukomoza kuri bimwe mu byiza iteganyiriza abafatabuguzi bayo muri uyu mwaka.

Kimwe mu by'ibanze Mobile Money Rwanda Ltd yifuza kugeza ku bakiliya bayo muri uyu mwaka, harimo kuborohereza kubona inguzanyo ahantu henshi hatandukanye uko babyifuje.

Umuyobozi mukuru wa Mobile Money Rwanda Ltd, Chantal Umutoni Kagame, abisobanura yagize ati: 'Uyu mwaka mu bintu byinshi tugiye gukora harimo n'uko dushobora guha abanyarwanda bose bakoresha Mobile Money uburyo bwo gushobora kwiguriza ahantu hatandukanye uko babishatse. Gahunda dufite ni ukubazanira abafatanyabikorwa benshi bashoboka bashobora kubaha iyo nguzanyo. 

Uyu munsi dufite umuntu umwe gusa, benshi mwatubwiye ko mutabona uko mwiguriza kuri Mocash. Gahunda dufite ni uko mbere y'uko amatora atangira dushaka kubazanira abandi tuzakorana bashobora kubaha imyenda. Kuzana abantu benshi bapiganwa, bizaborohera kubona inguzanyo nyinshi kandi ku mafranga make.'

Mu tundi dushya Mobile Money ihishiye abayikoresha, harimo ko muri uyu mwaka bazatangira kubona uburyo bwo kwishyura ibicuruzwa mu mahanga bakoresheje telefone aho baba baherereye hose mu gihugu bifashishije amakarita y'ikoranabuhanga ya Mobile Money.

Umuyobozi wayo yagize ati: 'Mushonje muhishiwe rero, ibyo ni bimwe mu bintu byinshi itsinda rigari rya Mobile Money riri gukoraho kugira ngo umuntu wese ukoresha Mobile Money yiyumve ahantu hose ntihagire aho ahezwa. 

Tugiye kandi gukangurira abandi banyarwanda gukomeza Mobile Money kuko tumaze kugira abarenga Miliyoni 5 bayikoresha ariko iyo urebye ku banyarwanda bose twumva ntaho turagera. Uyu mwaka kubera ibicuruzwa bishya tugiye kuzana n'abaducururiza twashoboye kwigisha cyane, tuzi neza ko nk'uko twakoze neza mu mwaka ushize ni nako tugiye gukomeza gukora kugira ngo ufite Mobile Money atumva hari ikintu undi muntu amurusha.'

Mobile Money Rwanda kandi ikomeje gukorana bya hafi na Minisiteri zitandukanye zirimo iy'ubuhinzi, iy'ubuzima n'iy'uburezi, kugira ngo ishobore kugeza ku banyarwanda serivisi zinyuranye basanzwe bahabwa n'izo Minisiteri mu buryo bworoshye kandi binyuze muri Mobile Money. 

Muri izo serivisi harimo nk’Ubwisungane mu kwivuza, kwishyura amafaranga y'ishuri, n'ibindi, aho umuturage atazongera gukora urugendo rurerure ajya kwishyura amafaranga ahubwo azajya yishyura ayo abonye yose kandi akayishyurira aho ari hose.

Ikigo cya Mobile Money Rwanda Ltd ntabwo cyishimira ubwiyongere bw'umubare w'abakoresha Mobole Money gusa, ahubwo barishimira ko n'abakoresha kode ya MoMo pay mu kwishyura ibicuruzwa na serivisi zitandukanye buri munsi biyongereye cyane mu 2023 bakarenga Miliyoni 2,6.

Umuyobozi mukuru wa Mobile Money Rwanda Ltd, Chantal Umutoni Kagame yatangaje ko bagiye gukora ibishoboka byose ngo bakoresha Mobile Money be kugira ahantu na hamwe bahezwa  

 

Nyuma hafi y’ukwezi agiriye ikibazo mu mukino w’umunsi wa 22 Rayon Sports yakinnyemo na Musanze, Rudasingwa Prince yasubukuye imyitozo.

Hari mu mukino w’umunsi wa 22 wa shampiyona y’icyiciro cya mbere mu Rwanda umwaka w’imikino wa 2023-24 wakinwe ku wa Gatanu tariki 23 Gashyantare 2024 aho Rayon Sports yari yakiriye Musanze FC saa 18h00′ kuri Kigali Pelé Stadium, umukino warangiye ari 1 cya Musanze FC ku busa bwa Rayon Sports.

Umukino ubwo wari ugeze ku munota wa 88, Rayon Sports irimo irwana no kwishyura ni bwo habayeho iyi mpanuka, bateye umupira mu kirere maze Muhire Anicet wa Musanze FC azamuka mu kirere ahura na Rudasingwa Prince na we wari wazamutse bashaka gukina uyu mupira n’umutwe, maze bakubitana imitwe. Bombi bahise bikubita hasi bamera nk’abataye ubwenge maze abakinnyi bagenzi ba bo baba ari bo batabaza.

Yahise yihutanwa kwa muganga basanga yagize ikibazo mu mutwe aho bahayeho kunyeganyega ku bwonko, abaganga bakomeje kumukurikirana akaba yarakize ubu ameze neza.

Yasubukuye imyitozo ejo hashize ku wa Mbere tariki ya 18 Werurwe 2024 aho yakoranye n’abandi mu Nzove bitegura umunsi wa 25 wa shampiyona uzakinwa mu mpera z’uku kwezi.

Mu mwaka wa 2028 ku wa 12 Ukwakira ni bwo umuraperi Kanye West ari kumwe n’uwahoze ari umugore we Kim Kardashian baje muri Afrika mu gihugu cya Uganda bahafatira amashusho ya zimwe mu ndirimbo zari zigize album yise “Yandhi” itarigeze isohoka.

Nyuma yo kuva mu gihugu cya Uganda, hakomeje gukwirakwizwa amakuru y’uko azagaruka muri Uganda mu ntangiriro za 2019 mu bikorwa by’ubugiraneza, ariko abantu barategereza baraheba n’ubwo bamwe mu bayobozi bo muri Uganda bari bamaze kubyizeza abantu.

Kuva icyo gihe, Kanye West ntabwo yongeye kugaruka muri Africa haba mu bikorwa by’umuziki, ubucuruzi cyangwa se kuruhuka nk’uko bamwe mu byamamare bakunze kuza kuruhukira muri Africa ndetse banatembera kugira ngo barusheho kumenya Isi mu buryo bwagutse.

Kubera album “Vulture” yakoranye na Ty Dolla, umuraperi Kanye West yamaze gutangaza ko agiye kugaruka muri Africa nk’uko amaze iminsi azenguruka indi mibiumbe mu rwego rwo kumvisha abanyafurika album nshya yakoranye na Dolla TY Sign.

Kubwo kuba atabasha kuzenguruka Africa yose, Kanye West yatangaje ko azataramira mu gihugu cya Misiri muri Saqqara Pyramids ku wa 20 Mata 2024.

Saqqara Pyramids iherereye mu magepfo ya Cairo ibitse amateka y’uko ariyo bivugwa ko ikuze kurusha izindi Pyramids zose ziri muri Egypty ikaba ari nayo Pyramid ya mbere nini muri iki gihugu.

Pyramid ya Saqqara niho Kanye West agiye gutaramira.

Pyramid ya Saqqara ibitse amateka yo kuba ariyo ikuze mu Misiri

Kanye West agiye gutaramira mu Misiri

Uyu muhanzi uherutse gushyira hanze amashusho y'indirimbo yise 'My Dreams' yakoranye na Melissa, amaze iminsi agaragaza amafoto y'inkumi bahuje urugwiro, ariko itagaragara neza mu maso, akavuga ko yageze ku ntego ye nyuma y'igihe kinini amushakisha.

Bamwe mu batanga ibitekerezo ku mbuga nkoranyambaga ze, bagaragaza ko ari 'umwami w'abagore koko'! Kuko yabanje kwandika ababwira ko hari umukobwa yabonye agahita amukunda, kandi yifuza gukora ibishoboka byose akamugeraho.

Mu kiganiro na InyaRwanda, Davis D yavuze ko hashize igihe abonye uyu mukobwa ari kumwe n'umukunzi we aramukunda, ndetse yumva yakora uko ashoboye bakamenyana byisumbuyeho.

Avuga ko kuva ubwo yatangiye urugendo rwo kumushakisha yifashishije inshuti ze z'aho bari bari kuri Hotel, ndetse uwamufashije kumugeraho yaramuhembye.

Ati 'Uyu mukobwa namubonye ubwo nari mparitse ahantu, ndamubona ariko ntabwo nabashije kugira amahirwe kuko nabonaga ahuze n'undi musore. Ariko ngerageza kumushakisha, ndabitangaza.'

Davis D avuga ko akimara guhura n'uyu mukobwa, yasanze 'ari umufana wanjye ukomeye cyane'. Ati 'Ngayo ng'uko ni uko twahuye. Kandi mbona arankunze, nk'uko nanjye namukunze, nk'uko nanjye nabishyize hanze, aranambwira ati 'narabibonye n'uko nakwandikiye ariko ntiwigeze ubibona kuri Instagram, ni uko ng'uko twabonanye.'

Uyu muhanzi avuga ko mu busanzwe akunda umukobwa bitewe n'uburyo amubonye, biri mu mpamvu za mbere zatumye yumva agomba gushakisha uyu mukobwa. Akomeza ati 'Nabonye ari umukobwa mwiza. Nicyo kintu cyonyine. Nta kindi cyatumye numva namushakisha.'

Davis D avuga ko yananiwe kwihanganira ubwiza bw'uyu mukobwa, bituma yumva yakora igishoboka cyose kugirango amugeraho. Ati 'Ubwiza bwe bwarananiye kubwihanganira, sinabeshya n'abanyarwanda.'

Asobanura ako atitaye ku kuba uyu mukobwa yari afite umusore bakundana, icyo yakoze yateye intambwe avugisha uyu mukobwa yisanga bakundanye.

Ati 'Iby'umukunzi we bari bari kumwe, uburyo yamuretse, iyo n'inkuru itarendabaga nk'uko nabivugaga ntitaye ku wo bari kumwe.'

'Niba uri umuntu ufite inkuru z'urwibutso kuri uyu mukobwa ubwo yari kumugumana, ubwo niba ataramugumanye, birashoboka ko ari bwo bari bagitangira gukundana. Kuri urwo ruhande, ntacyo nabona mbivugaho.'

Davis D mu bihe bitandukanye yavuzwe mu nkuru zitandukanye n'abakobwa, rimwe akabyemera ubundi akabihakana. Kuri iyi nshuro, yumvikanisha ko yamaze gutera intambwe idasubira inyuma, yinjira mu rukundo n'umukobwa yitezeho byinshi.

Mu 2023, uyu musore yakoze ibitaramo byageze mu bihugu bitandukanye byo ku Isi, kandi agaragaza ko no muri uyu mwaka wa 2024 ashaka gutaramira no mu bindi bihugu, no gukora indirimbo ziri ku rwego Mpuzamahanga.

Davis D yatangaje ko  ko uyu mukobwa yamukunze akimubona

Davis D avuga ko atitaye ku kuba uyu mukobwa yari asanzwe afite umukunzi

Davis D yavuze ko umunsi wa mbere abona uyu mukobwa yamukunze byimazeyo, akora uko ashoboye amugeraho

Davis D yavuze ko yakunze uyu mukobwa bya nyabyo, kandi yamugize inshuti y'igihe kirekire

Uyu mukobwa yabwiye Davis D ko yari asanzwe ari umufana we ukomeye

KANDA HANO UREBE AMASHUSHO Y'INDIRIMBO 'MY DREAMS' YA DAVIS D

“>   

Nyuma y’igihe asa n’uvuye mu itangazamakuru, Uwamwezi Mugire Daphine uzwi nka Bianca Baby yagarutse mu itangazamakuru aho agiye gukorera Isibo Radio.

Uyu munyamakuru akaba yaherukaga kuri radio 2019, yahavuye ajya ku Isibo TV akaba na yo yari yarahavuye.

Aje kuri iyi radio nshya n’ubundi ya Isibo TV ariko we akaba yabwiye ISIMBI ko azajya akora kuri Radio gusa, televiziyo atazisubiraho kubera undi mushinga afite.

Ati “Kugaruka mu itangazamakuru nshatse gukora ni kuri Radio. Impamvu kuri Radio gusa ni uko televiziyo ari channel yanjye nshaka gukora.”

“Nzajya nkora guhera ku wa Mbere kugeza ku wa Gatanu guhera saa mbili z’ijoro kugeza saa yine.”

Iki kiganiro agihuriramo na Halifa Ntakirutimana (Mc Buryohe), Uwamwezi Mugire Bianca na DJ Tricky basusurutsa abakurikiye iyi radio ivugira kuri 98.7

Agaruka ku muturirwa arimo kubaka muri Kigali, yagize ati “biraho vuba tuzayitaha, aho igeze irashimishije. Ntabwo nakubwira ngo ni ejo ariko ni vuba.”

Nizeyimana Mirafa wamaze kwerura ko yasezeye umupira w’amaguru, yavuze ko hari byinshi yahuye na byo birimo kwakwa amafaranga ngo ahamagarwe mu ikipe y’igihugu.

Ni mu kiganiro yahaye ikinyamakuru ISIMBI nyuma y’uko amaze kwemeza ko yasezeye umupira w’amaguru burundu, ni nyuma y’umwaka urenga asa n’ubundi w’uwabihagaritse.

Yavuze ko azashaka umwanya uhagije atari aka kanya abe yavuga kuri ruswa n’amarozi bivugwa mu mupira w’amaguru, ngo yifuje gusoza neza.

Ati 'Ku kijyanye na ruswa n’uburozi numva ari nk’inkuru ndende nazashaka umwanya, nifuje ko nasoza neza ntashyize umuntu n’umwe mu majwi, numvaga nshaka gusoza neza wenda ibindi byazaza nyuma, icya mbere numvaga ko namenyesha abakunzi banjye ko nasezeye ntabwo nashakaga kujya muri buri kimwe cyambayeho.'

Yakomeme ariko avuga ko ubusanzwe amarozi atatuma areka umupira ariko na none ngo ni ibibikurikira aho umuntu yakugirira nabi.

Ati 'Ku kijyanye na ruswa ho ni ikintu numva ntashobora kwirekura nonaha ngo mvuge ngo ni runaka ariko byarabaye nabo aho bari barabizi bazigaye. Ikintu cyambabaje bigatuma mbireka ku bijyanye n’ibyo by’amarozi, mu by’ukuri amarozi ntacyo yantwara ngo naretse umupira kubera amarozi ahubwo ni ibivugwa umuntu akakugirira nabi.'

Nizeyimana Mirafa kandi yavuze ko ubu atakwemeza ko azaguma mu mupira kuko abatumye ahagarika gukina bakiwurimo n’ubundi ntacyo yageraho, gusa ngo nibawuvamo azawugarukamo.

Ati 'Ubu nonaha sinaguhamiriza ko nzaguma mu mupira w’amaguru kuko ababinkoreye baracyafite ijambo n’ubundi n’ibyo nakora ntacyo byamara kuko n’ubundi bazamenya ko hari icyo nakoze cyangwa navuze, byanga bikunda ntacyo bazamfasha, nzategereza umunsi bazavaho n’umupira w’amaguru ndahamya ko uzagenda neza.'

Uyu musore urimo wiga ibijyanye no kuba umujyanama w’abakinnyi, ahamya ko ibyo arimo kwiga bizafasha mu kuzamura umupira w’amaguru mu Rwanda.

Ati 'Ubushobozi ndacyabufite ndatekereza imbaraga nakoreshaga mu mupira w’amaguru nshobora kuzikoresha mu guteza imbere umupira w’u Rwanda nabyo byakunda kuko mfite ubunararibonye, natojwe n’abatoza beza, nakinanye n’abakinnyi beza, nakinnye ahantu heza n’aho ndimo kwiga ni heza mbikomeje hari icyo byazafasha ikipe zo mu Rwanda n’ikipe y’igihugu muri rusange.'

Yagiriye inama abakinnyi bato kwihangana n’ibahura n’ibibaca intege ahubwo bakore cyane kandi birinde gutekereza cyane ikipe y’igihugu kubera ko akenshi uhamagarwa bitewe n’ibyo uzaha umutoza kuko na we yagiye yakwa ruswa kenshi ngo ahamagarwe.

Ati 'Kuri njye nagira inama abakiri bato ko nibahura n’ibyo nahuye nabyo bazakomere nk’uko nakomeye, nabimazemo imyaka 10 kandi nkomeye ndi ku rwego rwiza, ndi umukinnyi mwiza, ntibazatekereze ikipe Amavubi kuko ni kimwe mu bintu byamfashije, nagiye nakwa ruswa igihe kinini urabizi sinigeze ngira ayo mahirwe yo gukinira ikipe y’igihugu ku bw’impamvu atari ubuswa, nari mfite ubushobozi. Benshi twahataniraga umwanya, twahuriraga muri shampiyona nari hejuru ya bo kandi barabanzaga mu ikipe y’igihugu, bamwe muri bo narabicazaga.'

'Ni yo mpamvu ikipe y’igihugu idatera imbere bitewe n’ibintu bibamo sinatinya kubivuga kuko ejo byazaba kuri murumuna wanjye ariko icy’ingenzi ni uko twareka akagambane ngo umwana wo kwa runaka tubireke, tuzamure umupira w’amaguru, tureke ngo ngo ni umwana wa runaka yanyemereye ibi nzamuha ibi, tureke uzi umupira awukine tureke ngo turahamagara runaka ukina muri Zambia misiyo tuzayigabana.'

Nizeyimana Mirafa avuga ko kuba atinyutse akagira bimwe avuga hari benshi banyuze mu birenze ibyo yanyuzemo ndetse azi ko umunsi umwe na bo bazatobora bakavuga.

Yasabye kandi abakinnyi bagenzi be gukina batekereza ko ari ejo cyangwa ejobundi umupira bazawuvamo kandi ubuzima butazahita buhagarara, bityo rero ko ari bo kumenya icyo gukora.

Gusa uyu mukinnyi yavuze ko ahantu hose yanyuze bitagenze nabi hari n’aho byagenze neza akaba ashimira ubuyobozi bw’amakipe bagiye babana neza.

Ku gicamunsi cyo kuri uyu wa Mbere tariki 18 Werurwe 2024, MTN Rwanda yashyize ahagaragara umusaruro w'umwaka ushize, yishimira ibyagezweho birimo kunguka abakiliya benshi, kubagenera serivisi nziza zigezweho, n'ibindi byinshi.

Mu mwaka ushize, MTN Rwanda yinjije Miliyari 250 Frw, havuyemo ibyo basohoye ndetse n’imisoro hasigara Miliyari 12 Frw.

Umuyobozi ushinzwe gucunga imari muri MTN Rwanda, Mark Nkurunziza, yatangaje ko umwaka w'imari basoje wa 2023 wari umwaka w'umusaruro, aho ugereranije n'umwaka wawubanjirije wa 2022 ku byo binjiza hiyongereyeho 11%.

Ni mu gihe aho bungukiye cyane mu mwaka ushize ari ku ruhande rwa interineti kuko hiyongereyeho 21% biturutse ku kuba iki kigo cyarabonye uburenganzira kuri 4G muri uwo mwaka. Si ibyo gusa kandi, kuko n'abafatabuguzi ba MTN biyongereye ku kigero cya 14%.

Mu mwaka ushize kandi, umubare w'abatunze telefone  zigezweho 'Smartphones' wariyongereye cyane ugera kuri 27%, binyuze muri gahunda ya 'Connect Rwanda' ndetse n'indi ya 'Macye Macye' zigamije gufasha abaturarwanda gutunga telefone zigezweho kandi ku giciro gito.

Ahandi hantu amafaranga yiyongereye cyane ni kuri Mobile Money, aho yiyongereye ku kigero cya 30% bitewe n'uko umwaka warangiye ikoreshwa n'abangana na 4,900,000 ndetse ubu bakaba bamaze kurenga Miliyoni eshanu.

Nubwo bimeze bityo ariko, kuzamuka kw'agaciro k'idolari byagiye bihindagurika cyane mu mwaka ushize byabangamiye ibikorwa byinshi by'ubucuruzi na MTN irimo, bituma inyungu iba nto ugereranije n'iyari yagezweho mu 2022.

Ubwo umuyobozi mukuru wa MTN Rwanda, Mapula Bodibe yagarukaga ku ngaruka iki kibazo cyabagizeho yagize ati: “Imwe mu mbogamizi yatugoye cyane ni uguta agaciro kw’ifaranga, aho abagombaga kuza kugura serivisi zacu batabishoboraga kuko bagombaga kugura ibiryo, Lisansi n’ibindi nkenerwa mu buzima bwa buri munsi kandi ku giciro cyo hejuru.”

Mu 2023, umubare w'abagura pake zo guhamagara za MTN waragabanutse cyane bitewe ahanini no kuba Airtel yagabanije ibiciro kuri pake zabo. Ibi, byatumye MTN nayo itangira kugenda igabanya, bituma isubira inyuma mu bijyanye no guhamagara.

Mu byatwaye amafaranga menshi harimo kwita ku minara itanga amarezo ya MTN mu gihugu hose, kuko haraho byababye ngombwa ko hitabazwa abanyamahanga bafite ikoranabuhanga rihambaye kandi bangomba kwishyurwa muri ya madolari yahinduraga ibiciro umunsi ku wundi. 

Umuyobozi ushinzwe imari yagize ati: “Ibi byatumye ibyo twasohoye byiyongera kubera ikibazo cy’amadolari.”

Umuyobozi ukuriye ishami ry’ubucuruzi rishinzwe serivisi za MTN zihabwa ibigo bitandukanye, Didas Ndoli yatangaje ko nk’uko babitangiye mu mwaka ushize, bagiye kurushaho kwita ku bigo bito mu rwego rwo kubafasha kurushaho kuzamura ibikorwa byabo, babafasha kugera ku ikoranabuhanga rigezweho.

Mu yindi migambi MTN ifite muri uyu mwaka, harimo kongera iminara ya 5G, ku buryo bateganya kongera 20 kuri 86 yari isanzweho mu rwego rwo kwihutisha ikoranabuhanga mu banyarwanda, ari nako hakorwa ibishoboka byose ngo he kugira umunyarwanda usigara inyuma mu ikoranabuhanga rigezweho.

MTN Rwanda yamuritse umusaruro w’ibyagezweho mu 2023 n’imigambi y’umwaka mushya wa 2024

 Umuyobozi mukuru wa MTN Rwanda, Mapula Bodibe yasobanuye ko nubwo bahuye n’imbogamizi y’ihindagurika ry’agaciro k’idolari, ikigo cyakomeje gukura no gutera imbere mu mwaka ushize

Yavuze ko bishimira ibyagezweho ndetse bateganyiriza ibyiza byinshi abakiliya babo mu mwaka mushya

Umuyobozi ushinzwe gucunga imari muri MTN Rwanda yatangaje ko mu mwaka ushize iki kigo cyungutse inyungu nke ugereranije n’umwaka wabanje bitewe n’ihindagurika ry’agaciro k’idolari cyagaragaye cyane muri uwo mwaka

Mobile Money Rwanda iri mu bisata byungutse cyane mu mwaka ushize

Umuyobozi mukuru wa Mobole Money yavuze ko hari byinshi bahishiye abanyarwanda byiza kuruta ibyo babonye mu mwaka ushize

Umuyobozi uhagarariye ishami ry’ubucuruzi rishinzwe serivisi za MTN zihabwa ibigo yatangaje ko bagiye kurushaho gushyira imbaraga cyane mu bigo bito/ bigitangira

MTN Rwanda yishimiye ibyagezweho mu mwaka ushize, yizeza abanyarwanda kurushaho kubagezaho serivisi bakeneye muri uyu mwaka 

Ariko hari inshuro imwe yijyanye muri kiriya gihugu gituwe na Roho Miliyoni 331.9. Icyo gihe hari tariki 3-4 Gashyantare 2024, ubwo yaririmbaga akanatanga ikiganiro muri 'Rwanda Day' yabereye mu Mujyi wa Washington yahuje Abanyarwanda babarizwa mu Mijyi itandukanye.

Coach Gael ari kumwe na Bruce Melodie bahagurutse mu Rwanda mu ijoro ryo ku wa Gatanu tariki 15 Werurwe 2024, berekeza muri Leta Zunze Ubumwe za Amerika, aho uyu muhanzi ategerejwe gutaramana na Shaggy mu kiganiro 'Good Morning America' gitambuka kuri ABC News.

Bisa n’aho Bruce Melodie ariwe muhanzi wa mbere wo mu Karere k’Afurika y’Iburasirazuba (EAC) ugiye kugaragara muri iki kiganiro gisanzwe gikurikirwa n’umubare munini w’Abanyamerika no mu bindi bihugu.

Burna Boy wo muri Nigeria ari muhanzi batanze ikiganiro kuri ABC News. Kuri Coach Gael ni ‘amahirwe adasanzwe’ kuri Bruce Melodie kugirango ‘akomeze amenyekana na hariya’.

Yavuze ko uru rugendo rwa kabiri muri Amerika, Bruce Melodie yarugezeho biturutse ku gitaramo cya mbere we na Shagggy bakoreye muri kiriya gihugu mu Ukuboza 2024 binyuze muri gahunda ya ‘Jingle Ball’.

Avuga ko ibiganiro bagiranye n’itangazamakuru muri kiriya gihe, yaba kuri Televiziyo no kuri Radio ariho ABC News yahereye itumira Shaggy na Bruce Melodie.

Coach Gael avuga ko bakiriye ubutumire bw’iki gitangazamakuru hagati y’Ukuboza 2023 na Mutarama 2024. Ati “Cya gihe twari turiyo. Kuva cya gihe twari muri Amerika iki kiganiro cyari gifite abatumirwa benshi, ku buryo badupanga batubwiye ko tugomba tujyayo muri Werurwe ariko ubutumire twabubonye muri kiriya gihe.”

Iki kiganiro cya ABC (American Broadcasting Company) cyatangiye gutambuka kuva tariki 3 Ugushyingo 1975.  Gikorwa n'abanyamakuru barimo Robin Roberts, George Stephanopoulos, Michael Strahan, Amy Robach, Lara Spencer na Ginger Zee.

Mu kiganiro yagiranye na shene ya 1:55 AM, Coach Gael yavuze ko kujyana na Bruce Melodie buri gihe muri Amerika bituruka ku kuba ariwe ufite uko ajyana nawe mu bo bakorana babarizwa muri Label barimo na Mike ukora mu Ikigo cy'Igihugu Gishizwe Ubuzima, RBC.

Ati “Ninjye ufite uko njyana muri Amerika. Ubundi mu by’ukuri, nsigaye mfite akazi kenshi, sinkibashaka kujyana nawe. N’ejo bundi ajya muri Kenya ntabwo twajyanye yajyanye na Kenny Mugarura [Murumuna we].”

Gael yasobanuye ko kujyana na Bruce Melodie muri Amerika bituruka ku kuba ariwe ufite ibyangombwa bimwemerera kujya muri kiriya gihugu. Avuga ko ibitaramo uyu muhanzi azakorera mu Burayi n’izindi gahunda afitiyeho azaherekezwa na Kenny Mugarura ukuriye ibikorwa by’abahanzi muri 1: 55 Am.

Akomeza ati “Ubu ngubu muri Amerika ninjye twajyana, kuko ninjye ubasha kugenda muri Amerika nkagaruka, murabizi ko ‘Visa’ ya Amerika igorana.”

Gael yavuze ko indirimbo ‘When she’s around’ Bruce Melodie yakoranye na Shaggy yakunzwe cyane muri Leta Zunze Ubumwe za Amerika, ashingiye ku mubare w’abantu bagiye bamuha ibitekerezo n’abandi.

Avuga ko bashingiye ku musaruro iyi ndirimbo yatanze, bari gutekereza uko Shaggy ari kumwe na Bruce Melodie bakorera ibitaramo mu bihugu byo mu Karere k’Afurika y’Ibirasurazuba (EAC).

Ariko kandi Bruce Melodie ari gutekereza uko yanakorera ibitaramo mu Ntara zitandukanye bigasorezwa muri Kigali. Ati “Bruce Melodie ari gutekereza ko azakora igitaramo agatumira abantu bose bakoranye nawe, aritegura ikintu kimeze nk’iserukiramuco, urumva rero Shaggy ashobora kuzaba umwe muri abo ngabo.”

Yavuze ko muri uyu mwaka bafite ibikorwa byinshi, birimo ibitaramo bazakora muri Gicurasi 2024, bikazasorezwa muri BK Arena.

Coach Gael yatangaje ko guherekeza Bruce Melodie muri Amerika bituruka ku kuba ariwe ufite ibyangombwa bimwemerera kujya muri kiriya gihugu mu bo bakorana muri 1:55 AM

Gael yavuze ko Bruce Melodie ari gutegura ibitaramo bizasiga Shaggy yongeye gutaramira i Kigali, nyuma yo kuhasiga urwibutso mu 2008

Bruce Melodie na Shaggy bategerejwe mu kiganiro cya ABC News, Televiziyo ikomeye muri Amerika 

KANDA HANO UREBE IKIGANIRO COACH GAEL YAHURIYEMO NA SHAGGY

“>