Myugariro Rwatubyaye Abdul ukinira KF Shkupi yo muri Macedonia yabonye ikarita itukura mu mukino wahuje ikipe ye na FK Vardar Skopje.
Ayo makipe yombi yari ari gukina umukino w'umunsi wa 25 wa Shampiyona.
Ni umukino warangiye ikipe ye itsinze ibitego 3-0 ndetse iguma ku mwanya wa kabiri ku rutonde rusange.
Â
Source : https://yegob.rw/ibyari-ibyishimo-byahindutse-amarira-kuri-rwatubyaye-abdul-aho-yagiye-mu-mahanga/
Guhera kuri uyu wa Mbere tariki ya 01 Mata 2024, haratangira gukoreshwa uburyo bushya mu kwishyura umusanzu w'Umutekano (Irondo ry'Umwuga) hose mu Mujyi wa Kigali.
Kwishyura uyu musanzu ubu birakorwa gusa ukoresheje telephone igendanwa. Kanda *152# ukurikize amabwiriza. Umuturage azajya abyikorera kuri telephone ye.
Amakuru yizewe aremeza ko Stanislas Mbonampeka wari Minisitiri w'ubutabera muri Leta y'abicanyi yatawe muri yombi mu gihugu cy'ububiligi tariki ya 28 Werurwe 2024 nkuko byemejwe nabo mu muryango we. Mbonampeka w'imyaka 82 akaba afungiye muri gereza iherereye ahitwa Haren mu majyaruguru y'umugi wa Bruxelles.
Mbonampeka yari atuye I Ndera arinaho yakoreye ibyaha kuko niwe wazanye Interahamwe zishe Abatutsi mu iseminari, CARAES no kuri Paruwasi.
Ubwo inkundura y'amashyaka yatangiraga muri 1991, Mbonampeka yifatanyije na ba Lando Ndasingwa mu gushinga ishyaka ryo Kwishyira Ukizana PL, ariko naniwe waje kuricamo ibice hamwe na Justin Mugenzi barema igice cya Hutu Power cyifatanyije na MRND na CDR akaba kandi ari Power iri ku isonga ry'umugambi wa Jenoside.
Interahamwe z'I Ndera ndetse n'abasirikari babarizwaga kwa Gen Nsabimana kuko nawe niho yari atuye, nibo biraye mu Batutsi bari batuye muri ako gace.
Bacunze ababiligi bamaze gusiga abatutsi maze babiraramo si ukubica tariki ya 11 Mata 1994.
Mbonampeka nk'abandi bicanyi bose yahungiye mu Zaire, nyuma ajya muri Cote d'Ivoire bamwima ubuhungiro. Nyuma yaje kujya mu Bufaransa abifashijwe n'izindi nterahamwe ariko yimwa ubuhungiro ahubwo umuryango uharanira inyungu z'abacitse ku icumu CPCR zimushyiriraho impapuro zimufata mu mwaka wa 2008.
Mbonampeka kandi yari umunyamigabane wa RTLM.
Mbonampeka yashakanye na Marie Claire Mukamugema umwana wa gatatu wa Mbonyumutwa uzwiho kuba umuhezanguni w'umuhutukazi, utarumva nanubu uburyo Abatutsi batashize kandi hari n'abari mu buyobozi bw'igihugu.
Yirirwa kuri murandasi araga abana be nabo abereye nyirasenge bo muri Jambo ASBL ibitekerezo bya MDR PARMEHUTU.
Ubwo noneho umugabo we yafashwe agiye gukaza umurego.
Kwibuka ku nshuro ya 30 byakabaye interahamwe zose zifashwe kugirango zitazasaza zitarabazwa amahano zakoze!
The post Ruharwa Stanislas Mbonampeka yatawe muri yombi appeared first on RUSHYASHYA.
Yabigarutseho mu kiganiro yagiranye na Radio 10 na Royal Fm kuri uyu wa Mbere tariki 1 Mata 2024. Ni ikiganiro cyibanze ku ngingo zinyuranye zirimo urugendo rw’imyaka 30 ishize u Rwanda rwibohoye, Kwibuka ku nshuro ya 30 Jenoside yakorewe Abatutsi, urugamba rwo kubohora u Rwanda, ubuzima bw'urugamba yabayemo n’ibindi.
Yavuze ko nk’Umukuru w’Igihugu iyo asubije inyuma amaso akareba ibibazo byose u Rwanda rwanyuzemo n’aho rugeze, bishimangira iterambere ridasanzwe buri wese atari gupfa gutekereza iyo hatabaho imbaraga za buri umwe no gufatanya.
Umukuru w’Igihugu yavuze ko buri wese afashe umwanya wo kwitegereza amafoto yo mu 1990 kugeza mu 1994, akongera kureba amafoto ya kiriya gihe kugeza ubu, abona ko igihugu cyahindutse mu nguni zose z’ubuzima.
Amafoto ntabeshya. Ati “Ujye ureba n'amafoto gusa ubwayo, urebe ifoto y’u Rwanda mu 1990, 1994 wongere urebe amafoto ubu ngubu, amafoto arakwereka, araguha inkuru y’ibyabaye.'
Kagame yavuze ko muri iriya myaka y’1990 n’1994, Abanyarwanda babaye mu buzima bugoye bw’itotezwa, aho ibikorwaremezo byinshi byari byarasenywe.
Ariko ko mu Rwanda rwa none ‘abantu barabanye, ntawe utotezwa, ntawe ugenda ku muhanda ngo abazwe ngo wowe uturuka he, iso ni inde? w’uw’ubuhe bwoko? Ntawe ujya kujya mu ishuri ngo bamubaze aho bavuka, ntawe ujya ku kazi ngo mubaze, igihugu gitera imbere…”
Umukuru w’Igihugu yavuze ko ubukungu bw’igihugu (GDP) mu 1990 na 1994 bwari hasi ya Miliyari ebyiri z’Amadorali, ariko ubu bugeze kuri Miliyari 15 z’Amdorali.
Agereranya aho u Rwanda ruvuye nko kuva ikuzimu. Ati “Urwo rugendo ubwarwo ruragusobanurira. Bikanakwereka ko hakiri umuvuduko ugana no ku bindi bizagerwaho vuba cyangwa mu gihe kindi kigera kure…”
Yavuze ko iyo urebye igishushanyo cy’Igihugu muri rusange, cyangwa se ukajya mu cyaro ubuzima abaturage babayemo muri iki gihe ‘bitandukanye/butandukanye inshuro nyinshi n’uko bari bameze kiriya gihe.”
U Rwanda yifuza gusaziramo:
Perezida Kagame yavuze ko igihe azaba agiye mu kiruhuko cy’izabukuru, yifuza kuzakomeza kuba mu Rwanda rurimo Abanyarwanda babanye neza n’iyo baba bafitanye ibibazo bikaba ari ibisanzwe, kandi bikagira ababikemura.
Umukuru w’Igihugu yavuze ko yifuza u Rwanda rutekanye, ruteye imbere aho ikintu cyose gikorwa ku murongo, kandi kibereye buri muturarwanda.
Yatanze urugero rwumvikanisha ko u Rwanda yifuza, rukwiye kuba rwujuje byose bisabwa byafasha ufite indwara iyo ari yo yose kuvurirwa mu gihugu aho kuba hanze y’Igihugu.
Ati “[â¦] Buri gihe ikintu cya mbere utekereza iyo witsamuye abandi bajya muri Kenya, abajya muri Afurika y’Epfo, nditsamuye mfite ibibazo, ndashaka kujya kuvuzwa mu Buhinde, uko kwitsamura kuki tutakuvura hano, kuki tutaha abo bantu serivisi ngo tubikorere hano?…”
Perezida Kagame yavuze ko yifuza gusazira mu Rwanda rufite ubushobozi bwo kuvura indwara zose, aho Abanyarwanda bazaba batekanye kandi bashyize hamwe
Perezida Kagame yavuze ko hari ibigaragaza ko ubuzima bw'abaturage bwahindutse mu myaka 30 ishize u Rwanda rwihoboye
Kimwe n'andi mezi atangira umwaka wa 2024, ukwezi kwa Werurwe kwamaze gushyirwaho akadomo kwaranzwe no gukora cyane ku ruhande rw'abahanzi nyarwanda muri rusange, haba abakizamuka bigaragaje cyane ndetse n'abawumazemo igihe bafatwa nk'inkingi za mwamba.
Ibi ni ibishimangira ko uko bwije n'uko bukeye umuziki nyarwanda urushaho kugenda utera intambwe kandi ishimishije.
Mu ndirimbo amagana zagiye ahagaragara mu kwezi kwa Werurwe ndetse no mu mpera za Gashyantare, InyaRwanda yaguteguriye 10 z'intoranywa muri zo zacuranzwe, zikabyinwa, zigasakazwa hirya no hino ku mbuga nkoranyambaga bigatinda:
1.   Jugumila – Dj Phil Peter ft Chriss Eazy & Kevin Kade
Indirimbo 'Jugumila' yahuje abahanzi bakunzwe mu Rwanda barimo Chriss Eazy, Kevin Kade na Dj Phil Peter, yagiye ahagaragara mu mpera za Gashyantare ariko ku bwo kuyamamaza cyane n'ubuhanga ikoranye, iyi ndirimbo yakomeje kuba isereri mu mitwe ya benshi cyane ko byari bigoranye kubona ahabereye ibirori nticurangwe.
2.    Imbwa Zimoka – Kinabeat & ZeoTrap
Byiringiro Francois [Zeo Trap] uri mu bahanzwe amaso mu njyana y'umujinya [HipHop] mu Rwanda, ni umwe mu bakoze indirimbo zanyuze imitima ya benshi mu kwezi gushize kwa Werurwe. Imwe mu zikunzwe kugeza uyu munsi, ni iyo yakoranye na Kinabeat bise 'Imbwa Zimoka.'
3. Bwe Bwe Bwe – Bruce The 1st ft Ish Kevin, BullDogg & Kenny K-Shot
Mukiza Bruce [Bruce The 1 st] ni umuraperi wihagazeho muri iki gihe, muri Werurwe, yashyize hanze 'Bwe Bwe Bwe' yahurijemo abandi baraperi bakomeye mu Rwanda, barimo Ish Kevin, Bull Dogg na Kenny K Shot, bagaruka ku buryo hari ibinyamakuru bidaha agaciro abaraperi.
4.    Uzitabe ┠Butera Knowless
Nyuma ya 'Oya Shn,' 'Njyenyine' yahuriyemo na Yverry n'izindi ndirimbo zagize Butera Knowless umunyabigwi mu muziki nyarwanda, aherutse gushyira hanze  indirimbo nshya ariko abantu bishimiye iyitwa “Uzitabe” ikaba ari indirimbo yibutsa abanyarwanda kurushaho gukunda igihugu.
5.    Ntabya Gang – Papa Cyangwe ft Bushali
Indirimbo 'Ntabya Gang' ni imwe mu ndirimbo ikunzwe, igaragara kuri album ya mbere y'umuraperi Abijuru King Lewis [Papa Cyangwe] yahuriyemo na Bushali, yise 'Live and Die.'
6.    Akanyoni ┠Okkama
Umuhanzi Okkama uri mu bagezweho muri iyi minsi, aherutse gushyira hanze indirimbo yise 'Akanyoni,' irakundwa ndetse iramamazwa cyane ku mbuga nkoranyambaga maze biyongerera igikundiro. Mu bakomeje kuyikundisha benshi, harimo n'umukunzi w'uyu muhanzi, Tracy Teta banabyaranye umwana w'umukobwa.
7.    Mirror ┠Fela Music
Uwavuga ko itsinda rya Fela rigizwe na Feikel na Labii, riri muri amwe ari kugerageza kongera gutanga ibyishimo bikwiye, ntabwo yaba abeshye.
Iri tsinda rimaze gushinga imizi mu muziki nyarwanda, baherutse gushyira hanze indirimbo nshya ' Morror,' mu gihe bavuga ko bari kunyura mu bihe bitoroshye mu muziki wabo nubwo bitayibujije gukundwa na benshi cyane ko ari iy'urukundo.
8.    Nzagutegereza ┠France Mpundu
Umuhanzikazi Gusenga Munyampundu Marie France wamamaye mu muziki ku izina rya France Mpundu, ni umwe mu bahanzikazi b'abanyarwanda batanga icyizere muri uyu mwaka. Binyuze mu mikoranire ye na Juno Kizigenza, izina ry'uyu mukobwa rimaze kuzamuka, ndetse aherutse no gushyira hanze 'Nzagutegereza,' ikomeje kunyura benshi.
9.    Mon Bebe ┠Fifi Raya
Fiona Ishimwe uzwi mu muziki nka Fifi Raya, ni umwe mu baraperikazi b'amaraso mashya w'umuhanga kandi ugezweho mu njyana ya Hip Hop. Nyuma yo gushyira hanze izindi ndirimbo ze zakunzwe cyane, mu ntangiriro za Werurwe, uyu mukobwa yashyize hanze 'Mon Bebe' nayo ikomeje gukundwa no guhererekanwa cyane ku mbuga nkoranyambaga.
10.  Icyuki Gikaze ┠Diplomat ft Li John
Nyuma yo gushyira hanze iyitwa 'Kalinga,' umuraperi Diplomat uri mu bafite igisobanuro gikomeye mu muziki nyarwanda aherutse kongera gukora mu nganzo ashyira hanze indirimbo yahuriyemo na Ismael Mwanafunzi na Li John.
Muri iyi ndirimbo 'Icyuki Gikaze,' yumvikanamo mu magambo akomeye aho agaruka ku buryo none umurwayi asigaye yitwa umukiliya, itsinda ry'ibihunyira rikaba ryitwa 'Parliament'.
Â
Yabigarutseho mu kiganiro yagiranye na Radio 10 na Royal Fm kuri uyu wa Mbere tariki 1 Mata 2024. Ni ikiganiro cyibanze ku ngingo zinyuranye zirimo urugendo rw’imyaka 30 ishize u Rwanda rwibohoye, ibikorwa byo Kwibuka ku nshuro ya 30 n’ibindi.
Muri iki kiganiro, Umukuru w’Igihugu yavuze ko Jenoside yatangiye ‘kera’ mbere y’iyi myaka 30 ishize. Yavuze ko iyo usubije inyuma amaso buri myaka 30 uhereye muri za 60 mbere yaho gato, nyuma y’aho gato, ibyabaye byatumye (…) abantu baba impunzi, abandi bapfa, gutatana mbese kw’Abanyarwanda…”
Umukuru w’Igihugu yavuze ko mu gihe u Rwanda rwitegura kwibuka ku nshuro ya 30, bisa n’aho amateka y’ivunguramoko nta masomo yasize ku mahanga kuko muri iki gihe ‘hari ibintu mu karere nabyo bisa na biriya’.
Ati “Ubu turi mu 2024, urumva ni indi myaka 30 uhereye mu 1994, 2024 icyo tuvuga turibuka ariko hari ibintu mu Karere nabyo bisa na biriya. Iyo urebye aba bantu bicwa muri Congo i Burasirazuba, impunzi dufite hano zirenga ibihumbi 100 by’abantu bahunze iwabo kubera ko bicwa, kubera ko batotozwa, kandi bagatotozwa bavuga ko aba bantu ni Abatutsi. Iby'uko ari abatutsi cyangwa Abanyarwanda bo muri Congo ntabwo ibyo bivugwa, ndetse bikajyamo no gufatanya n'interahamwe FDLR hariya muri Congo y'Iburasirazubaâ¦'
Perezida Kagame yavuze ko ashingiye ku bibera mu Burasirazuba bwa Repubilika Iharanira Demokarasi ya Congo bisa n’aho ari Jenoside iri gukorwa. Ati “Iriya ni nka Jenoside erega bariho bakora.”
Umukuru w’Igihugu yavuze ko uretse no muri Afurika, no mu bindi bihugu byo mu mahanga ‘irondakoko, ivanguramoko’ naho bihaboneka.
Yavuze ko Politiki iciciritse y’imiyoborere ikomeje gukoma mu nkokora imiyoborere y’ibihugu byinshi, kandi ko kwimika ikibi nta nyungu bitanga ku miyoborere n’imibereho y’abantu.
Umukuru w’Igihugu yavuze ko kubaka ikintu bigira aho bishingira harimo imyumvire, gusesengura, ubuyobozi bwa Politiki bujyanye n’aho abantu bagana cyangwa ibihugu bigana.
Yavuze ko buri wese wagize uruhare muri Jenoside nta nyungu yakuyemo. Biri no mu mpamvu buri wese ashobora kwibaza ati ‘byakongera gusubirwamo ushaka iki, kubera iki?’
Umukuru w’Igihugu, yavuze ko muri Politiki habayeho kurwanya ikibi ‘nubwo cyatwaye abantu batabarwa’ ariko ‘noneho icyari gisigaye ni ukuvuga ngo tugire dute kugirango twubake ubuzima’.
Kagame yavuze ko abishe abantu ‘ntacyo wabasaba’ ahubwo icyo bakwiriye’ ni ukubibazwa cyangwa se bakabihanirwa nk’uko biteganyijwe n’amategeko.
Ariko kandi hari abatotejwe, abishwe n’abasigaye bagombaga gufashwa mu buzima kongera kwiyubaka, kubaho no kumva ko ntawuzabatoteza igihe icyo ari cyo cyose mu buzima bwabo.
Umukuru w’Igihugu yavuze ko abiciwe basabaga ubutabera kandi bagomba kubuhabwa, hanyuma icyo wabasaba ni ‘uruhare rwabo mu kongera kubaha ubuzima bw’abakiriho n’abandi batakiriho’.
Ati “Ndetse nta kuntu byagerwaho bitazanyemo na bariya bandi bamwe muri bo cyangwa ababo bagize uruhare mu kubuza ubuzima abandi, niko Igihugu cyubakwa, niko cyongera kigasubirana n’ababigizemo uruhare, abiciwe, abishwe, bose bagomba kugaruka hamwe ku gihugu cyabo, kandi birashoboka n’ubu turabibona ko bimaze kugenda bishoboka n’ubu turabibona ko bigenda bishobokaâ¦'
Perezida Paul Kagame yavuze ko mu gihe u Rwanda rwitegura kwinjira mu Kwibuka ku nshuro ya 30, amateka y'ivanguramoko rwanyuzemo asa nk’aho ntacyo yigishije amahanga, kuko nyuma y'imyaka 30 ishize, ibikorwa nk'ibi bigaragara mu Burasirazuba bwa RDC
Nyuma y’uko Anita Pendo yegukanye igihembo mu bihembo bya ‘Ladies Media Awards 2023’ byatangiwe muri Ghana, yageze mu Rwanda mu ijoro ryakeye.
Ibi bihembo byatanzwe ku wa Gatandatu tariki ya 30 Werruwe 2024 muri Ghana, Anita Pendo akaba yari ahatanye mu cyiciro cya ‘African Female Entertainment Show Host of the Year’, akaba yaje kwegukana iki gihembo ahigitse abarimo; Delay [Ghana], Jacinta Ngobese [Afurika y’Epfo], Vanessa Marawa [Afurika y’Epfo], Azeeza Hashim [Kenya], Matela [Afurika y’Epfo], Violet Gwara [Zimbabwe], Rita Isaaka [Ghana].
Abinyujije ku rukuta rwe rwa Instagram, Anita Pendo yavuze ko yatunguwe no kwegukana iki gihembo.
Ati “ntabwo nari niteguye iki gihembo ntababeshye ariko Imana yari izi igihe cya nyacyo. Ndashima ubuntu, impuhwe n’urukundo rw’Imana. iri ni itangiriro.”
Ibi bihembo bitegurwa na Ladies in Media Organisation byatangwaga ku nshuro ya kabiri, bitegurwa mu rwego rwo kuzirikana igitsina gore gikora umwuga w’itangazamakuru muri Afurika.
Source : http://isimbi.rw/imyidagaduro/article/byarantunguye-cyane-anita-pendo
Ikipe ya APR FC yanganyije na Muhazi United y'abakinnyi 10 igitego 1-1 mu mukino w'Umunsi wa 25 wa Shampiyona waberaga i Nyamirambo kuri Kigali Pelé Stadium.
APR FC yahise igira amanota 59, irusha Rayon Sports ya kabiri amanota 11 mu gihe hasigaye imikino itanu gusa.
Source : https://yegob.rw/muhazi-united-yabakinnyi-10-yahagamye-apr-fc-mu-mukino-wa-shampiyona/
Perezida wa Repubulika y’u Rwanda, Nyakubahwa Paul Kagame yavuze ko yagize amahirwe yo kureba umukino wa shampiyona y’u Bwongereza wahuje Arsenal afana ndetse na Manchester City n’ubwo bitagenze uko babyifuzaga.
Ni umukino waraye ubereye kuri Etihad Stadium mu Mujyi wa Manchester aho City yari yakiriye Arsenal y’i London maze iminota 90 irangira ari ubusa ku busa.
Mu kiganiro yagiranye na Royal Fm na Radio10, umunyamakuru Oswald Mutuyeyezu yabajije Perezida Kagame niba yaraye abashije kureba uyu mukino, avuga ko yagize amahirwe yo kuwureba.
Ati “Yego nawukurikiye, akenshi iyo mfite umwanya ndabikurikira. Ejo rero nari mfite umwanya narabikurikiye.”
Perezida Kagame kandi yavuze ko nk’abakunzi ba Arsenal bitagenze uko babyifuzaga ariko na none ngo mu mupira ni ko bigenda.
Ati “Ni byo twifuzaga. Umupira ni ko ugenda, ntabwo iteka biba amahire uko umuntu abishaka. Reka turebe iyindi mikino iri imbere uko izagenda.”
Arsenal ikaba yabuze amahirwe yo gukomeza kuyobora urutonde rwa shampiyona kuko Liverpool ni yo yahise ifata umwanya wa mbere n’amanota 67, Arsenal 65, Manchester City 64 ni mu gihe hasigaye imikino 9 ngo shampiyona irangire.
Source : http://isimbi.rw/siporo/article/ni-byo-twifuzaga-perezida-kagame-agaruka-kuri-arsenal
Cyabaye mu ijoro ryo kuri iki Cyumweru tariki 31 Werurwe 2024, mu nyubako y'imyidagaduro ya BK Arena, aho cyahuje Abakristu mu matorero n'amadini anyuranye.
Ni kimwe mu bitaramo cyari kimaze igihe cyamamazwa, abantu banyuranye bakangurirwa kuzakitabira ahanini bitewe n'abaramyi n'amakorali yatumiwe.
Cyaririmbyemo abaramyi b'amazina akomeye nka Israel Mbonyi, Zoravo wo muri Tanzania, James na Daniella, Chrisus Regnat, Elie Bahati, Alarm Ministries, Shalom Choir ndetse na Jehovah Jireh Choir.
Cyateguwe n’Umuryango wa Bibiliya mu Rwanda (BSR) mu gusoza ubukangurambaga bwiswe ‘Shyigikira Bibiliya’, bwo gushishikariza abantu gutera inkunga Bibiliya kugira ngo itazabura burundu mu Rwanda.Â
Ubwo yari ayoboye igitambo cya Missa cya Pasika, ku wa Gatandatu, tariki ya 30 Werurwe 2024, Karidinali Kambanda yavuze ko Pasika ari umunsi wibutsa ko Yezu yatsinze urupfu.
Ati 'Dushime Umwami Imana waduhaye gutsinda ku bwa Yesu Kirisitu wazutse. Kuzuka kwe kwatanze urumuri rutuma tubona Yezu Kirisitu uwo ari we.''
Mu gitaramo ‘Ewangelia Celebrations’, Kambanda yashimye Imana ku bw'ibirori n'ibyishimo bya Pasika 'ukaduha impano ikomeye y'ijambo ryawe.Â
Yavuze ati 'Jambo wawe yigize umuntu Yezu Kristu arabitugarigariza, igihe yabwiraga umuhengeri ati 'tuza'. Yavuze ko Kristu ari umuremyi ushobora kurema ubundi buzima bushya 'ari bwo yatugaragarije muri Pasika azuka'.
Ku munsi wa Pasika hazirikanwa amasomo atandukanye harimo Isomo ryo mu Abanyakolosi 3.1-4.Â
Hagira hati 'Bavandimwe, ubwo mwazukanye na Kristu, nimuharanire ibyo mu ijuru, aho Kristu ari, yicaye iburyo bw’Imana; nimurangamire iby’ijuru, aho kurarikira iby’isi. Koko mwapfanye na Kristu, none ubugingo bwanyu bwihishe hamwe na We mu Mana. Aho Kristu azigaragariza, We bugingo bwanyu, icyo gihe namwe muzagaragara muri kumwe na We, mu ikuzo ryisesuye.'
Imyaka 25 irashize inkuru nziza igeze mu Rwanda:
Mu nyandiko ya Vincent Harolima, Umwepisikopi wa Diyosezi ya Ruhengeri akaba na Perezida wa Komisiyo y'Abapesikopi Ishinzwe Ukwemera ashima Imana kubera 'Abamisiyoneri b'Afurika bayituzaniye (inkuru nziza).'
Akomeza ati 'Nyagasani Mana, dukomereze mu kwemera, mu kwizera no mu rukundo. Duhe kuba abahamya b'ukuri n'abagabuzi b'amahoro yawe. Uko bukeye dutere indi intambwe mu nzira y'amizero. Roho Mutagatifu atumurikire, adukomeze mu nzira y'umukiro. Bikira Mariya, Nyina wa Jambo, Mwamikazi wa Kibeho, udusabire. Amen.”
Vestine na Dorcas bafashijwe muri iki gitaramo nyuma yo gutaramirwa n’abahanzi b’amazina akomeye
Umuhanzi w’indirimbo zo kuramya no guhimbaza Imana, Christian Irimbere uherutse gukora igitaramo cye bwiteÂ
Itsinda rya James na Daniella ryahembuye imitima ya benshi muri iki gitaramo cyari kigamije gushyigikira umuryango wa Bibiliya
Byari ibihe byo kuramya no kwegerana n’Imana muri iki gitaramo cyo kwizihiza PasikaÂ
Christian Irimbere asuhuzanya na Fortran Bigirimana baherutse guhurira mu gitaramo
Umuhanzi w’indirimbo zo kuramya no guhimbaza Imana, Papi Clever ufatanya n’umugore we DorcasÂ
Itsinda rya Alarm Ministries ryakoresheje imbaraga zikomeye muri iki gitaramo rinyura benshi
Ibihumbi by’abantu bahuriye muri iki gitaramo cyabereye muri BK Arena kuri iki Cyumweru
Abo mu miryango inyuranye bahuriye muri iki gitaramo mu gushima Imana yabarinze kuva mu myaka ishize
Itsinda rya Vestine na Dorcas ryitabiriye iki gitaramo bari kumwe n’umujyanama wabo Murindahabi Irene
Umuramyi Annette Murava wamamaye mu ndirimbo ‘Niho Nkiri’ ari kumwe n’umugore we Bishop Gafaranga bitabiriye iki gitaramo
Umunyamuziki wo mu Bufaransa, Fortran Bigirimana yagaragaye muri iki gitaramo nyuma yo gushyira hanze Album ye
Alex Muyoboke wabaye umujyanama w’abahanzi yashyigikiye abarimo Israel Mbonyi muri iki gitaramo cyo kwizihiza Pasika
Umuhanzi w’indirimbo zo kuramya no guhimbaza Imana, Bosco Nshuti ari mu bitabiriye iki gitaramoÂ
Umunyamakuru w’Ikigo cy’Igihugu cy’Igitangazamakuru (RBA), Rugaju Reagan (Uri ibumoso) ari kumwe n’umunyarwenya Samu wo mu itsinda Zuby Comedy
Umuhanzi w’indirimbo zo kuramya no guhimbaza Imana, Prosper Nkomezi witegura gukora igitaramo tariki 12 Gicurasi 2024Â
Israel Mbonyi niwe washyize akadomo kuri iki gitaramo cyambukiranyije umunsiÂ
Itsinda rya Ben na Chance bitegura gukorera ibitaramo muri Canada bari mu bitabiriye iki gitaramo
JEHOVAHI JIREH YATANZE IBYISHIMO BISENDEREYE MURI IKI GITARAMO CYO KWIZHIZA PASIKA
Kanda hano urebe amafoto menshi yaranze igitaramo ‘Ewangelia Celebrations’ cyabereye muri BK Arena
AMAFOTO: Serge Ngabo- InyaRwanda.com