Author: webrwanda

Kuri uyu wa Gatanu tariki 19 Mata 2024, nibwo ku cyicaro gikuru cya Rwanda Writers Federations habereye inama y'inteko rusanga y'urugaga rw'abanditsi, yasize hatowe komite nshya igiye gukomeza aho icyuye igihe yari igereje mu rwego rwo guteza imbere uru rugaga.

Abitabiriye iyi nama bashimye ibyagezweho mu myaka itanu ishize, bashimira Bwana Hategekimana Richard ku bw'umurava, ishyaka n'urukundo byamuranze.

Nyuma yo kongera kugirirwa icyizere na komite, Hategekimana yabwiye InyaRwanda ko agiye guharanira ko umuco wo gusoma no kwandika ibitabo ushinga imizi mu mashuri abanza, ayisumbuye ndetse no muri za Kaminuza.

Yiyemeje kandi guharanira ko igitabo kiba Isoko y’iterambere ry’ubukungu, guharanira ko igitabo gikoreshwa mu nzego zose z’ubuzima bw’igihugu harimo mu nzego za Leta, iz’abikorera, imiryango itari iya Leta, mu Madini n’ahandi,

Akomeza ati 'Ndashaka kubaka inzego za 'Rwanda Writers Federation' zikomeye mu mashuri yose ndetse no mu turere twose tw’igihugu kugirango umuco wo gusoma no kwandika ibitabo ugere hose.'

Akomeza ati 'Hari kandi kubaka imikoranire ya hafi n’abikorera(PSF) kugirango kugirango uruganda rw'igitabo rukomere.'

Hategekimana yavuze ko anashyize imbere ko ibitabo byanditswe mu mateka y'u Rwanda bikoreshwa n'abari mu mahanga, kandi ibtabo bikaba ishingiro ry’ imikorere, imyifatire ya buri wese.

Komite nyobozi igizwe na Hategekimana Richard watowe ku mwanya wa Perezida, Dr. Ignace Niyigaba yabaye Visi-Perezida wa mbere wungirije n'aho Nkundimfura Rosette yabaye Visi-Perezida wa Kabiri wungirije w'uru rugaga.

Umunyamabanga Mukuru yabaye Uwase Immaculee, Umunyamabanga Mukuru wungirije yabaye Imaragahinda Grace n'aho Umubitsi yabaye Benurugo Jacqueline.

Komite Nkemurampaka igizwe na Pro.Viateur Ndikumana watowe ku mwanya wa Perezida, Ramuka David yabaye Visi-Perezida n'aho Mushimiyimana Jeannette yabaye umunyamabahanga.

Komite Ngenguzi igizwe na Niyitegeka Rachel (President), Kabayiza Claudine (V/President) na Manishimwe Aline (Secretary).

Abanyamuryango b'icyubahiro barimo Rwagatare Joseph, Kanyarukiga Ephrem, Rucaga Boniface usanzwe uri mu kanama ngishwanama k'inararibonye, Mujiji Peter, Mushimiyimana Eugenie, Dr. Sina Gerard, Mukunde Goretti, Karangwa Hussein n'abandi.

Hategekimana Richard watorewe kongera kuyobora Urugaga rw'Abanditsi mu Rwanda
Dr. Niyigaba Ignace watorewe kuba Visi-Perezida wa Mbere w'urugaga rw'abanditsi

Nkundimfura Rosette watorewe kuba Visi-Perezida wa Kabiri w'Urugaga rw'Abanditsi mu Rwanda
Benurugo Jacky watorewe kuba Umubitsi (Treasure) wa Rwanda Writers Federation

 

Uwase Immaculate watorewe kuba Umunyamabanga Mukuru wa Rwanda Writers Federation

Imaragahinda Grace wabaye Umunyamabanga Mukuru Wungirije

Inama ya Komite y'Urugaga rw'Abanditsi, yabaye kuri uyu wa Gatanu tariki 19 Mata 2024

Ahagana Saa Tatu z'ijoro zo kuwa Gatanu tariki 19 Mata 2024, nibwo uyu mugabo wari usanzwe ari Noteri w'ubutaka mu Murenge wa Remera yategewe mu nzira n'abantu batari bamenyekana bamutera ibyuma arapfa.

Amakuru agera ku IGIHE avuga ko abamutegeye mu nzira bikekwa ko ari abajura. Bamuteye ibyuma mu misaya no mu ijosi ku buryo yagejejwe kwa muganga yashizemo umwuka.

Umuvugizi wa Polisi y'u Rwanda, ACP Boniface Rutikanga, yabwiye IGIHE ko inzego zibishinzwe zatangiye kubikurikirana.

Ati ' Nibyo amakuru twayamenye ariko ntabwo twayajyamo neza kugira ngo iperereza ribashe gukorwa neza.'

Uyu mugabo yiciwe mu Murenge wa Gisozi mu Karere ka Gasabo; Polisi iri mu iperereza ku rupfu rwe

Niyonzima Olivier Seif yamaze kubabarirwa agaruka mu bandi, ni nyuma y’uko muri Werurwe yari yahagaritswe imikino 6.

Ubuyobozi bwa Kiyovu Sports, bwari bwahagaritse kapiteni wa yo Niyonzima Olivier Seif kugeza shampiyona irangiye kubera imyitwarire idahwitse bwavugaga ko akomeje kugaragaza.

Mu ibaruwa iyi kipe yandikiye Seif tariki ya 9 Werurwe 2024, yamumenyeshaga ko kubera imyitwairire idahwitse ahagaritswe imikino 6.

Icyo gihe yagize iti “Dushingiye ku masezerano wagiranye na Kiyovu Sports ku wa 1 Kanama 2023 mu nshingano zikubiye muri ayo masezerano ku ngingo ya yo ya kane, dushingiye ku myitwarire idahwitse ikomeje kukugaragaraho muri Kiyovu Sports;”

“Komite Nyobozi ya Kiyovu Sports Association, nyuma yo kungurana ibitekerezo kuri iyi myitwarire, turakumenyesha ko utemerewe gukina imikino 6 ikurikiranye ya Kiyovu Sports Club izakina uhereye tariki ya 10 Werurwe 2024.”

Niyonzima Olivier Seif akaba yaraje gusaba imbabazi ubuyobozi bwa Kiyovu Sports ngo agaruke mu bandi ko amakosa yamuranze atazayasubira.

Uyu mukinnyi akaba yagarutse mu bandi, ni nyuma yo kudakina imikino 2 muri 6 yahagaritswe.

Seif akaba ari mu bakinnyi bakoze imyitozo yitegura umukino wa APR FC kuri uyu wa Gatandatu tariki ya 20 Mata 2024.

Gusa andi makuru avuga ko uyu mukinnyi yahise yamburwa inshingano zo kuba kapiteni w’iyi kipe yari asanganywe, akaba yaje nk’umukinnyi usanzwe.

Seif yababariwe agaruka muri Kiyovu Sports

Imyiteguro igeze kure ku bakobwa bazahagararira u Rwanda muri Shampiyona y’Afurika ya ‘Rhythmic Gymnastics’ aho biteguye guhagararira u Rwanda neza bakazabona umudali.

Rhythmic ni umwe mu mikino myinshi igize Gymnastic, ukaba ukinwa n’abakobwa gusa. Mu Rwanda hakaba hagiye kubera irushanwa rya wo rizatangira tariki ya 25 na 26 Mata 2024 muri Kigali Arena.

Iri rushanwa rizaba riba ku nshuro ya 18, ni ubwa mbere rigiye kubera muri Afurika yo munsi y’Ubutayu bwa Sahara.

Kapiteni Ntagisanimana Ruth, yavuze ko we na bagenzi be biteguye neza, batojwe neza bityo akaba aha icyizere Abanyarwanda ko bazegukana umudali.

Ati “Naha icyezere Abanyarwanda, turiteguye cyane kandi twiteguye kurwanira igihugu cyane, twiteguye guhangana, abatoza barimo kutwitaho ni yo mpamvu twizeye ko tuzahacana umucyo, umudali wa mbere uzataha mu Rwanda.”

Umutoza Mariz Farid Shawky Andraws yavuze ko abakinnyi afite kubera inyota yo gushaka kumenya byinshi, bazamuye urwego ubu bakaba biteguye neza guhagararira u Rwanda bakaruhesha ishema.

Ati “Tumaze igihe twitegura irushanwa, turimo gukora cyane kandi abakobwa bagaragaza inyota yo kumenya byinshi, biteguye neza irushanwa kandi biteguye guhagararira neza u Rwanda bakaruhesha ishema.”

Perezida w’Ishyirahamwe rya Gymnastic mu Rwanda (FERWAGY), Nzabanterura Eugene yavuze ko nubwo abakinnyi b’u Rwanda badafite uburambe muri uyu mukino, ariko bitewe n’umutoza bafite bagize icyizere ko bazitwara neza.

Ati “Icyizere muri twe cyarazamutse bitewe n’umutoza dufite kuri ubu, nyuma yo gufata ikipe hari impinduka zabaye, abakinnyi bazamuye urwego cyane ubu bariteguye.”

Iyi mikino igiye kubera mu Rwanda ikaba izatanga itike y’Imikino Olempike izabera Paris mu Bufaransa guhera tariki ya 26 Nyakanga 2024.

Iyi shampiyona ikaba izahuriza hamwe ibihugu bigera kuri 14 birimo; u Rwanda ruzakira, Misiri, Angola, Tunisia, Algerie, Togo, Côte d’Ivoire, Congo Brazzaville, Namibia, Afurika y’Epfo, Ibirwa bya Maurice ndetse na Cap-Vert.

Abakinnyi bazakina iyi mikino bagera kuri 109 ni mu gihe delegasiyo yose y’abantu izaba ari abantu 154.

Ishyirahamwe ry’Umukino wa 'Gymnastic' ubumbatiye myinshi , mu Rwanda ryashinzwe mu 2015, riza kwemerwa ku rwego mpuzamahanga mu 2021.

Perezida wa FERWAGY Eugene yavuze ko bafitiye icyizere abakinnyi bazahagararira u Rwanda

Umutoza yavuze ko abakinnyi biteguye guhagararira neza u Rwanda

Kapiteni Ruth yavuze ko batahana umudali

Umunyamakuru Jado Max ushinzwe itangamakuru n’itumanaho muri iri rushanwa

Baganiriye n’Itangazamakuru bagaragaza aho imyiteguro igeze

Abatoza na kapiteni

Kapiteni Ruth yerekanye bimwe mu byo bazakora

Izi mpinduka zagaragaye ku wa Mbere Tariki 15 Mata mu 2024, ubwo habaga umuhango wo kwinjiza mu Ngabo z'u Rwanda Abofisiye 624 bari bamaze igihe batorezwa mu ishuri rikuru rya gisirikare rya Gako mu Karere ka Bugesera.

Mu bindi byagaragaye kuri uwo munsi, ni uko indahiro abasirikare bashya bakoze hari ijambo ryari risanzwe rimenyerewe risoza rivuga ngo 'Imana ibifamshemo' ritumvikanye, bijyanye na Sitati nshya igenga ingabo z'u Rwanda.

Kurikira ikiganiro Tubijye Imuzi usobanukirwe n'izi mpinduka zakozwe

Polisi yo muri uyu mujyi yatangaje ko hataramenyekana icyateye uyu mugabo gukora ibi ariko ko abatangabuhamya batangaje ko yagaragaye azenguruka hanze y'uru rukiko, mu minota mike atangira kujugunya inyandiko mu kirere, mu kanya nk'ako guhumbya atangira kwimenaho amavuta ahita yitwika.

Umuyobozi wa Polisi y'Umujyi wa New York, NYPD, Jeffrey Maddrey, yatangaje ko umupolisi umwe n'undi ushinzwe umutekano w'urukiko bakomeretse byorohereje ubwo bageragezaga kuzimya uyu mugabo.

Maxwell yahise yihutanwa kwa muganga, ariko nyuma y'amasaha 10 agejejewe mu bitaro byo muri uwo mujyi, yahise yitaba Imana kuko yari yakomeretse bikabije.

Trump yarari imbere mu rukiko kuko yari yagiye mu gikorwa cyo gutoranya inyangamugayo z'urukiko zizareberera urubanza rwe, ariko ibi bikimara kuba yahise ahava.

Igikorwa cyo guhitamo inyangamugayo mu rubanza rwa Trump cyasubukuwe ku mugoroba w'uwo munsi, abacamanza banzura ko bazatangira kumuburanisha mu mizi ku wa Mbere w'icyumweru gitaha.

Muri Amerika, Umugabo witwa Maxwell yitwikiye imbere y’urukiko i Manhattan, ahari hari kubera urubanza rwa Trump

Mu kiganiro n'abanyamakuru kuri uyu wa 19 Mata 2024, Sunak yagaragaje ko yababajwe n'uko abantu bakomeje kwitambika iyi gahunda kugira ngo idashyirwa mu bikorwa, kandi ari igisubizo cyiza ku bimukira binjira mu Bwongereza mu buryo butemewe n'amategeko.

Abagize icyiciro cya nyuma cy'Inteko Ishinga Amategeko y'u Bwongereza baherutse kongera gutora amavugurura agamije gukereza ishyirwa mu bikorwa ry'iyi gahunda, nyuma y'aho abo mu cyiciro kibanza bayanze.

Biteganyijwe ko tariki ya 22 Mata 2024, abagize icyiciro kibanza bazongera bayakorere itora, ku munsi uzakurikiraho, asubizwe mu cya nyuma.

Sunak yatangaje ko birambiranye kuba iyi gahunda itarashyirwa mu bikorwa, asobanura ko ku wa Mbere abagize icyiciro cya mbere bazicara hamwe, bahaguruke ubwo bazaba bamaze gukemura iki kibazo.

Yagize ati 'Buri wese yagerageje kudukumira. Birababaje. Ukwihangana kuri kugabanyuka, nanjye ni uko. Icyo twifuza ni uko byakemuka ku wa Mbere. Tuzicara, dukore kugeza ubwo kizakemukira.'

Iyi gahunda ishingiye ku masezerano avuguruye guverinoma y'u Bwongereza yagiranye n'iy'u Rwanda mu Ukuboza 2023. Mu gihe abagize imitwe yombi y'Inteko bayishyigikira mu matora yo mu cyumweru gitaha, abimukira ba mbere bashobora koherezwa i Kigali muri Gicurasi 2024.

Aya masezerano yashyizweho umukono mu Ukuboza 2023

Ni wo mushinga wa mbere ukorewe mu ishami rya The Mane Hub ryo muri Amerika. Ariko mu mezi ari imbere baritegura gushyira hanze zimwe mu ndirimbo z'abahanzi banyuranye zakozwe, yaba iz'abahanzi babarizwa muri iyi Label ndetse n'iz'abandi bahanzi biyambaje studio y'iyi Label.

Ni filime yatangiye gukorwaho mu ntangiriro za 2023, kandi igaragaramo abakinnyi umunani barimo batandatu bashya bagaragaje impano ndetse na 'Muchomante' uzwi ku mbuga nkoranyambaga no mu ndirimbo z'abahanzi banyuranye.

Bad Rama yagiye ashora imari muri filime zinyuranye yagiye amurikira mu Rwanda, ndetse zimwe yagiye azishyira ku muyoboro wa The Mane wa Youtube.

Iyi filime agiye kumurika yabanje kuyikorera muri Texas ayikomereza muri Phoenix muri Arizon, ari naho ibice bya nyuma by'iyi filime byakiniwe.

Bad Rama yabwiye InyaRwanda, ko iyi filime yihariye kuri we kuko yayishoyemo amafaranga menshi, ariko byatewe n'ibice bitandukanye bakoreyemo amashusho, ndetse n'uburyo inkuru y'iyi filime yubatse.

Ati 'Ni filime idasanzwe kuri njye, yaba mu buryo yanditse, uko ikoze, abakinnyi nifashishije n'abandi. Ni filime ivuga ku buzima bwa buri munsi tunyuramo, ariko kandi ishingiye ku musore ukora akazi ka Leta ujya muri 'Mission' zitandukanye aba yahawe na Leta.'

Uyu mugabo yasobanuye ko iyi filime ayitezeho gufasha urubyiruko gukura amaboko mu mufuka bagakora, kandi izakangurira buri wese guharanira 'gukora ibyiza'.

Bad Rama asobanura ko yifashishije Lick Lick mu gutunganya iyi filime 'kubera ko ari Producer w'umuhanga wabigaragaje mu bihe bitandukanye'.

Yavuze ko ku wa 27 Mata 2024, ari bwo azamurika iyi filime mu birori bikomeye yatumiyemo abantu b'inshuti ze hafi, bizabera kuri Restaurant Bar yitwa Belaire kwa Jasumini.

Bad Rama yatangaje ko tariki 27 Mata 2024 azamurika filime 'Dayana' yakoreye muri Leta Zunze Ubumwe za Amerika

Bad Rama ari kumwe na Producer Lick Lick wakoze iyi filime mu buryo bw'amajwi n'amashusho

Bad Rama yavuze ko iyi filime yayishoyemo amafaranga menshi, kandi yifashishijemo abakinnyi umunani