Author: webrwanda

Guhera taliki ya 24 Gicurasi kugeza ku ya 1 Kamena 2024 biteganyijwe ko mu Rwanda mu nzu y’imikino n’imyidagaduro ya BK Arena hazabera imikino ya nyuma ya BAL 2024.

Iyi mikino izaba ihera muri 1/4 izakinwa n’amakipe 8 ariyo Rivers Hoopers yo muri Nigeria,AS Douanes yo muri Senegal ,US Monastir yo muri Tunisia, FUS Rabat yo muri Maroc, Petro De Luanda yo muri Angola, Al Ahly yo muri Égypte, Al Ahly de Benghazi yo muri Libye na Tigres du Cap yo muri Afurika y’Epfo.

Nk’uko bimaze kumenyerwa kugira ngo iyi mikino igende neza iba yahujwe n’imyidagaduro aho haba hari abahanzi batandukanye n’aba DJ basusurutsa abantu. 

Kuri uyu wa Gatanu BAL ibinyujije ku mbuga nkoranyambaga zayo yatangaje abazasusurutsa abantu muri iyi mikino y’uyu mwaka mwaka barimo abahanzi ndetse n’abavanga imiziki.

Mu bahanzi harimo Adenkule Gold, The Ben, Juno Kizigenza Itorero Inganzo Ngari, Kenny Sol, Bwiza, Alyn Sano, Chris Eazy, Ishami Talent, Kivumbi King, Ariel Wayz, Ish Kevin, Kevin Kade na Ishami Talent kimwe n'aba DJs batandukanye.

Aba bahanzi bazarirmba ku mikino itandukanye aho The Ben na Ishami Talent aribo bazasusurutsa abantu ku mukino wa nyuma uzakinwa taliki ya 1 Kamena.

Ni inshuro ya 4 u Rwanda rugiye kwakira imikino ya nyuma ya Basketball Africa League binyuze mu masezerano Ikigo cy'Igihugu Gishinzwe Iterambere (RDB) cyagiranye n’abayitegura.

Uko abahanzi bazakurikirana mu gususurutsa abantu mu mikino ya BAL 2024

Ibihembo ngaruka kwezi bihabwa abakinnyi n’abatoza bitwaye neza, byegukanywe n’abarimo Tuyisenge Arsene wa Rayon Sports ndetse na Pavelh Ndzila wa APR FC.

Ku mugoroba w’ejo hashize ku wa Gatanu tariki ya 17 Gicurasi ni bwo ibi bihembo bitangwa ku bufatanye na shampiyona y’u Rwanda na Gorilla Games byatangwaga hahembwa abitwaye neza muri Werurwe na Mata 2024.

Nk’ibisanzwe hahembwe ibyiciro 4, Umunyezamu wakuyemo umupira ukomeye, umutoza w’ukwezi, umukinnyi w’ukwezi ndetse n’igitego cy’ukwezi.

Igihembo cy’igitego cy’ukwezi cyaje kwegukanwa na Tuyisenge Arsene wa Rayon Sports icyo yatsinze Etoile del’Est, cyahigitse icya Muhoza Daniel wa Etoile del’Est yatsinze Marines, icy’umunyezamu Nicholas Sebwato yatsinze Kiyovu Sports.

‘Save’ nziza y’ukwezi ikaba yabaye iyo Pavelh Ndzila wa APR FC yakoze kuri Rayon Sports. Yahigitse iya Niyongira Patience wa Bugesera FC kuri Rayon Sports n’iya Muhawenayo Gad kuri Kiyovu Sports.

Umutoza w’ukwezi akaba yabaye Imama Imapakabo wa Etoile del’Est aho yahigitse Guy Bukasa wa AS Kigali, Julien Mette wa Rayon Sports na Thierry Froger wa APR FC.

Igihembo cy’umukinnyi w’ukwezi cyaje kwegukanwa na Gedeon Bendeka wa Etincelles FC. Yagitwaye Tuyisenge Arsene wa Rayon Sports, Gabriel Godspower wa Etoile del’Est na Hakim Hamiss wa Gasogi United.

Pavelh Ndzila ni we wahembwe nk’uwakoze Save y’ukwezi

Umutoza w’ukwezi yabaye uwa Etoile del’Est

Igitego cy’ukwezi cyabaye icya Tuyisenge Arsene

Umukinnyi w’ukwezi Gedeon Bendeka wa Etincelles FC

Mu 2018 ni bwo Donald Trump wayoboraga Amerika yafashe iki cyemezo, abishingiye ku cyemezo cya guverinoma y'u Rwanda cyo kuzamura umusoro ku myambaro n'inkweto byambaweho bizwi nka 'Caguwa', hagamijwe guteza imbere ibikorerwa mu Rwanda.

Mu kiganiro gisoza inama y'ihuriro Africa CEO Forum yaberaga i Kigali, Perezida Kagame kuri uyu wa 17 Gicurasi 2024 yatangaje ko uburyarya bwa Amerika ari bwo bwatumye ifata icyemezo cyo gukura u Rwanda mu bagenerwabikorwa ba AGOA.

Umukuru w'Igihugu yabivuze ashingiye ku gitekerezo cya Perezida William Ruto wa Kenya, wari umaze kuvuga ko politiki y'ubufatanye hagati ya bimwe mu bihugu bikomeye na Afurika ikwiye guhinduka, kuko byo biba bishaka kureba ku nyungu zabyo gusa.

Ruto uteganya kugirira uruzinduko muri Amerika tariki ya 23 Gicurasi 2024 yagize ati 'Umufatanyabikorwa mwiza ni uwemera ko tugirana amasezerano atugirira umumaro twembi. Ni ahacu ngo ntidusinyire abaturage bacu amasezerano mabi. Tugomba kuvuga 'Oya' mu gihe ari ngombwa, kandi tugomba kuvuga twemye ko ibi bitagomba gukomeza.'

Perezida Kagame yunzemo ati 'Nshaka gusobanura urwego rw'uburyarya dukwiye guhangana na bwo. Murabizi u Rwanda rwari umugenerwabikorwa wa AGOA. Twakuwe mu bafatanyabikorwa ba AGOA kubera ko twashakaga guteza imbere inganda zikora imyenda. Ubwo twateraga intege inganda kugira ngo zikure, twavuze ko tudashaka ibihumbi by'amatoni y'imyenda ya caguwa imenwa hano.'

Yakomeje ati 'Baraduhase, baratubwira ngo 'Mugomba kwemera imyenda ya caguwa', maze turababwira tuti 'Oya'. Baravuze bati 'Okay, tuzabakura muri AGOA'. Barabikoze, ntabwo twasubijwe ku rutonde ariko ntitwigeze twemera imyambaro ya caguwa.'

Igihugu cyo mu karere Amerika iherutse gukura ku rutonde rw'abagenerwabikorwa ba AGOA ni Uganda. Byatewe n'itegeko rihana abaryamana bahuje ibitsina Perezida Yoweri Museveni yashyizeho umukono mu 2023.

Perezida Kagame, William Ruto wa Kenya na Filipe Nyusi wa Mozambique bahuriye muri iki kiganiro cyayobowe n’umunyamakuru Eleni Giokos

Perezida wa Kenya, William Ruto, yavuze ko ubufatanye bufitiye inyungu buri ruhande ari bwo bukenewe

Perezida Kagame yatangaje ko u Rwanda rutari kwemera icyifuzo cya Amerika cyo gushyira imbere caguwa

Perezida wa Mozambique, Filipe Nyusi, yatanze umusanzu muri iki kiganiro

Iki cyemezo cyiswe 'The EDGE (Excellence in Design for Greater Efficiencies)', ubusanzwe gitangwa ku rwego mpuzamahanga, kigatangwa ku nyubako zubatswe mu buryo burengera ibidukikije, mu murongo wa gahunda wo gukangurira ibigo byubaka gucika ku buryo bwa gakondo.

Guteza imbere iyubakwa ry'inzu zitangiza ibidukikije kandi byanatangiye gushyigikirwa na Leta y'u Rwanda, ku ikibitiro hatangiza gahunda yiswe 'Green Building Minimum Compliance System: GBMCS'.

Inyubako y'Icyicaro Gikuru cya I&M Bank Rwanda PLC yegukanye icyemezo cyatanzwe na IFC ku bwo kuba yubatswe mu buryo burondereza ingufu ku kigero cya 58%, kurondereza amazi ku kigero cya 51%, no kurondereza ku kigero cya 21% ingufu zose zayikoreshejweho yubakwa.

Umuyobozi Mukuru wa I&M Bank Rwanda Plc, Benjamin Mutimura, yatangaje ko yishimiye iki gihembo I&M Bank yahawe, ndetse ko iyi banki yiteguye kugira uruhare muri gahunda zose zifitiye akamaro abagenerwabikorwa bayo ndetse n'abandi muri rusange.

Ati ''Muri I&M Bank, dufite ubushake bwo kugira uruhare mu bikorwa by'iterambere mu mikorere yacu ndetse no kuzana impinduka nziza mu mibereho y'abagenerwabikorwa b'ibyo dukora. Icyemezo cyahawe inyubako y'icyicaro gikuru cyacu ni igihamya cy'uruhare rwacu mu kurengera ibidukikije ndetse no gufata inshingano mu mikorere.''

Ibi kandi byashimangiwe n'Umuyobozi wa IFC muri Afurika y'Iburasirazuba, Mary Porter Peschka, watangaje ko iki cyemezo cyahawe I&M Bank (Rwanda) PLC kinagaragaza uruhare rw'iyi banki mu iterambere ry'u Rwanda.

Ati ''Dutewe ishema no guhemba I&M Bank Rwanda tukayiha icyemezo cya 'EDGE Advanced Certification', mu guha agaciro intambwe yateye mu iterambere no kurengera ibidukikije. Iyi ntabwe igaragaza uruhare rw'ubuyobozi bwa I&M Bank mu guteza imbere iyubakwa ry'inzu zitangiza ibidukikije, ndetse no mu iterambere ry'ahazaza h'u Rwanda.''

Bimwe mu byagendeweho kugira ngo inyubako ya I&M Bank (Rwanda) PLC ihabwe iki cyemezo, ni uko yubatswe mu buryo burongereza amazi ayikoreshwamo mu bikorwa bitandukanye nko mu bwiherero, ibigira uruhare mu kutayasesagura.

Iyi nyubako kandi ifite uburyo bufasha mu kurondereza ingufu z'amashanyarazi ikoresha, kuko ifite uburyo bukoresha ingufu zisubira bwa 'solar photovoltaic (PV)' bwo gukoresha ingufu zituruka ku mirasire y'izuba, n'ibindi bitandukanye birengera ibidukikije.

Inyubako ya I&M Bank Rwanda Plc yahawe icyemezo mpuzamahanga mu kurengera ibidukikije

Inyubako ya I&M Bank Rwanda Plc ni imwe mu zubatswe mu buryo burengera ibidukikije mu gihugu

Minisitiri Dr Ngirente yakiriye Bah kuri uyu wa 17 Werurwe 2024 ubwo uyu muyobozi wo muri iki gihugu kiyobowe na Général Mamadi Doumbouya yari akubutse mu nama yahuje abayobozi b'ibigo byo muri Afurika, Africa CEO Forum yabereye i Kigali.

Minisiteri w'Ubuhinzi n'Ubworozi, Dr Musafiri Ildephonse wari muri ibi biganiro yavuze ko abaminisitiri bombi bagiranye ibiganiro bishingiye ku nzinduko Abakuru b'Ibihugu bombi, baherutse gukora buri umwe agenderera mugenzi we.

Yavuze ko by'umwihariko minisiteri z'ubuhinzi n'ubworozi mu bihugu byombi, zishaka kugirana umubano wihariye mu bijyanye no guhinga imbuto z'indobanure, guteza imbere ubworozi no kunoza ubushakashatsi bushingiye kuri urwo rwego.

Ati 'Bagarutse [ku ngingo] y'uko u Rwanda rushobora gukoresha amahirwe y'ubutaka bwinshi Guinée ifite, tukaba twakoresha ubutaka bwabo mu bihingwa twizeho. Twakiganiriyeho tuvuga ko tuzagishyira mu bikorwa.'

Minisitiri Dr Musafiri yanashimangiye ko mbere y'uko iri tsinda ry'Abanya-Guinée risubirayo, impande zombi zizasinya amasezerano mu bijyanye n'ubuhinzi n'ubworozi.

Ibijyanye n'ingano y'ubutaka n'ibihingwa bizabuhingwaho, Minisitiri Dr Musafiri yavuze ko bikiri kuganirwaho, kuko bizasaba n'uko u Rwanda rujyayo, rukabureba ibintu byose bikabona gutangira.

Ati 'Ariko biramutse bikunze ni ubutaka batubwiye ko bweraho ibigori, imyumbati n'ibindi. Umuntu arabanza akareba uko ubutaka bumeze, ubwo tubonye, tukabusuzuma, ibikenewe nk'ibikorwaremezo tukabikora. Ni urugendo twatangiye ariko dufite icyo dutekereza, nk'ibigori n'ibindi biramutse bikunze byanadufasha kubibika tukabyifashisha tugize ikibazo, twabijyamo tubyishimiye.'

Ibindi byaganiriweho birimo ibijyanye n'uburezi, aho abo bayobozi baturutse i Conakry bashakaga kumenya uko politiki y'uru rwego mu Rwanda ikora, na bo bakajya kuyishyira mu bikorwa iwabo.

Minisitiri Dr Musafiri ati 'Bashimiye u Rwanda ku byo rumaze kugeraho nyuma y'amahano ya Jenoside yakorewe Abatutsi, aho na bo bijyanye n'amateka yabo bashaka kuzamura ubukungu bwabo kuko kuva babona ubwigenge batigeze bagira umujyo umwe mu bijyanye n'iterambere, bakaba bashaka kwigira ku bihugu byabigerageje bigakunda nk'u Rwanda.'

Minisitiri Bah yavuze ko ari iby'agaciriko kuri bo kwitabira Africa CEO Forum, agaragaza ko wabaye umwanya w'ibiganiro nyunguranabitekerezo hagati y'abo mu nzego z'abikorera no muri politiki bigamije guteza imbere Afurika.

Ati 'Aho ni ho nabonye umwanya nishimiye ndetse ntewe ishema cyane wo gusura Minisitiri w'Intebe w'u Rwanda. Twaganiriye ku bufatanye hagati ya Guinée n'u Rwanda, tuganira ku nzego twabyaza umusaruro mu buryo butomoye, dushingiye kuri uyu mubano nk'uko byagaragajwe na Perezida Kagame na Gen Mamadi Doumbouya.'

Yavuze ko ibihugu byombi biri mu nzira nziza zo kwagura uyu mubano mu buryo budasanzwe ndetse ko bigeze mu gihe cyo gushyira mu bikorwa cyane ibyo byemeranyijwe, ibintu bikava mu magambo.

Ati 'Ku bwanjye, nishimiye gusura iki gihugu nsanzwe nemera kandi nanyuzwe. Ndashima ubudaheranwa n'umuhate bidasanzwe byaranze Abanyarwanda mu myaka 30 ishize, aho igihugu cyari cyarasenyutse cyose ariko ubuyobozi n'abaturage bagihinduye icyitegererezo mu iterambere ry'ubukungu n'umutekano.'

Yasobanuye ko Guinée yigiye ku Rwanda isomo ryo gukora cyane, ibyatanze umusaruro wo kurukura mu bihe bigoye, rukagera kuri iri terambere.

Yavuze ko kandi ko ibihugu byombi bizakora ibishoboka, bikabyaza umusaruro 'amahirwe bifite, tutibagiwe no kwigira kuri ubu budaheranwa bwafashije igihugu kuva mu makuba.'

Ibihugu byombi byagaragarizanyije ko amarembo afunguye kuri byo mu bijyanye no gutangira gushora imari cyane ko na za minisiteri z'ubucuruzi zombi n'Urwego rw'Iterambere rw'u Rwanda, RDB bagiranye ibiganiro biganisha ku ishoramari.

Kuri iyi nshuro Minisitiri Dr Musafiri yashimangiye ko no mu biganiro byabaye uyu munsi, iyo ngingo yo guteza imbere ishoramari yagarutsweho cyane 'hemezwa ko yakwihutishwa bikava mu magambo bigashyirwa mu bikorwa.'

Uretse ibigori n'imyumbati nk'ibihingwa nganduraruro, Guinée ni igihugu gishingira ubukungu bwacyo ku bihingwa ngengabukungu nk'ibisheke, ibitoki, inanasi, ubunyobwa, ikawa, coconut n'ibindi.

Minisitiri w'Intebe, Dr Edouard Ngirente (ibumoso) yakiriye mu biro bye mugenzi we wa Guinée, Amadou Oury Bah baganira ku ngingo zitandukanye zo guteza imbere ubufatanye bw’ibihugu byombi

Itsinda ry’abayobozi batandukanye baturutse muri Guinée, riyobowe na Minisitiri w'Intebe, Amadou Oury Bah (riri iburyo) ryakiriwe n’iry’u Rwanda riyobowe na Minisitiri w’Intebe, Dr Edouard Ngirente baganira ku ngingo zo guteza imbere ibihugu byombi bifatanyije

Minisitiri w'Intebe, Dr Edouard Ngirente, yashimiye mugenzi we wa Guinée, Amadou Oury Bah ku bw’uruzinduko rufite kinini ruvuze ku iterambere ry’ibihugu byombi

Irembo yatanze ihene 70, aho buri muryango washyikirijwe ihene ebyiri. Iyi miryango yorojwe aya matungo mu buryo bwo kuyishyigikira mu rugendo rwo kwiteza imbere.

Umuyobozi Mukuru wa Irembo ushinzwe gutanga serivisi no kuzigeza ku bakiliya, Liliose Nyinawinkindi, yagize ati 'Muri Irembo, twizerera mu gutera inkunga imiryango yanyuze muri byinshi. Gufatanya na Our Past Initiative mu guha iyi miryango ihene ni uburyo bwacu bwo gufasha sosiyete mu rugendo rwo kwihaza. Twishimiye kuba umwe mu bagize uruhare mu gikorwa nk'iki cy'ingenzi.'

Umuyobozi wa Our Past Innitiative Christian Intwari, yavuze ko 'Ubu bufatanye na Irembo buzadufasha kwagura ibikorwa byacu tunakomeze kugeza impinduka mu buzima bw'abaciye mu bihe bitoroshye, koroza iyi miryango aya matungo turizera ko ubuzima bwabo buzarushaho kuba bwiza.'

Umuyobozi wa Our Past Innitiative Christian Intwari, yavuze ko ubufasha bahaye iyi miryango bizeye ko buzayihindurira ubuzima

Umuyobozi Mukuru ushinzwe gutanga serivisi no kuzigeza ku bakiliya muri Irembo, Liliose Nyinawinkindi yavuze ko iyi miryango yanyuze muri byinshi bityo yari ikwiye ubufasha

Niba ukurikiranira hafi amakuru ya InyaRwanda, umaze kubimenyera ko buri wa Gatanu tukugezaho urutonde rw'indirimbo nshyashya zigufasha kuryoherwa n'impera z'icyumweru witegura no gutangira icyumweru gishya neza. Ni indirimbo ziba ziri mu njyana zose zaba izo kuramya no guhimbaza Imana ndetse n’izisanzwe.

Mu ndirimbo nshya zagiye hanze muri iki cyumweru no mu mpera z'icyumweru gishize, InyaRwanda yaguhitiyrmo 10 gusa zagufasha kwinjira neza muri weekend.

1.     Impamvu — Kivumbi King

“>

Kivumbi King uri mu bahanzi bari mu bihe byiza agiye gushyira hanze Album ya Kabiri yise 'Ganza' yahurijeho abahanzi batandukanye, gusa asanganwe izindi zakoze ku mitima ya benshi. Imwe muri izi ndirimbo, yitwa 'Impamvu.'

2.     Nipe — Mr. Kagame ft Ibizza Edition

Umwaka wari ugiye gushira abakunzi ba Mr Kagame batabona indirimbo nshya. Kuri ubu rero yabashyize igorora kuko yamaze gushyira hanze indirimbo yise ‘Nipe’ yafatanyije n’uwitwa Ibizza Edition.

“>

3.     Daily/Nakuaza — Da Rest

Nyuma ya ‘Zana’ yamuhuje na Nel Ngabo, umuhanzi Da Rest yashyize hanze indirimbo yuje amagambo y’urukundo yise ‘Daily/Nakuaza.’

“>

4. Tuliwawelu (We Outside) – Dj Marnaud Feat Kevin Klein & Davydenko

Nyuma y’igihe kirekire atumvikana mu ndirimbo, Dj Marnaud yashyize hanze indirimbo muri iki cyumweru ijyanye n’ibihe turi kwinjiramo by’impeshyi yise ‘Tuliwawelu’ yahuriyemo na Kevin Klein ndetse n’uwitwa Davydenko.

“>

5.     Say None — Juni Quickly & Hollix

Umusore ukomeje kwigaragaza neza mu njyana ya Trappish Juni Quickly, yashyize hanze indirimbo zigize Album ye yise ‘Young Dangerous.’ Imwe muri izi ndirimbo, yitwa ‘Say None’ ishishikariza abantu kwiga kuvuga make.

“>

6.     Icara Wige — Sky2

Nyuma y’igihe kinini humvikana imvugo ya ‘Icara wige,’ uwayizanye bwa mbere Sky2 yahise ayitirira indirimbo ye nshya yashyize ahagaragara ikangurira abantu kwirinda ishyari kugira ngo babashe kugera ku iterambere bifuza.

“>

7.     Kigalians — Yuhi Mic ft Thiran

Umuhanzi Forongo Francis ukoresha amazina ya Yuhi Mic mu muziki, yamaze gushyira hanze indirimbo y’urukundo yise ‘Kigalians’ yakoranye na Thiran.

“>

8.     Visit Rwanda – Beat killer ft Nessa

Muri iki cyumweru, abaraperi Nessa na Beat Killer bashyize hanze indirimbo igaruka ku byiza nyaburanga by’u Rwanda bise ‘Visit Rwanda.’

“>

9.     Biravugwa — Yee Fanta ft Vocal King

Umuhanzi akaba na Producer w’umunyempano kandi ukiri muto, Yee Fanta yashyize ahagaragara amashusho y’indirimbo yakoranye na Vocal King yise ‘Biravugwa.’

“>

10. Naramwizeye — Jacques Worshipper

“>

Jacques Irambona uzwi nka Jacques Worshipper mu muziki wo kuramya no guhimbaza Imana, akaba n'umuyobozi w’Itsinda Etlaw Worshippers ry’abaramyi baturuka mu amadini atandukanye, yakoze mu nganzo ashyira hanze 'Naramwizeye' nyuma y'amezi abiri akoze 'Rise and Shine.'

Mu bandi bashyize hanze indirimbo muri iki cyumweru harimo umuhanzikazi Neema Rehema washyize ahagaragara EP igizwe n’indirimbo esheshatu zirimo n’iyitwa ‘Mfite Umugabo, hakaza umuramyi Irakoze Gideon washyize hanze iyo yise ‘Intama,’ n’abandi.

Muri abo bahanzi, bamwe babigezeho bitabaje izindi mbaraga, abandi babigeraho ku bihangano bashyize hanze ku giti cyabo. 

Twabegeranirije indirimbo zimaze kurebwa inshuro nyinshi zirimo n’iy’umuhanzi w’umunyarwanda, Meddy, ikomeje guca agahigo mu Rwanda ndetse no mu Karere ka Afrika y’Iburasirazuba.

Meddy afite agahigo kihariye kuko indirimbo yakoze ku giti cye “Slowly” yabaye iya Kabiri mu Karere ka Afrika y’Iburasirazuba y'umuhanzi ku giti cye yarebwe inshuro zisaga Miliyoni 100 kuva yajya hanze. Irakurikira “Sukari” ya Zuchu.

Indirimbo 10 zo muri East Africa zimaze kurebwa cyane kuri Youtube:

Ku mwanya wa 10 hari “Jeje” Diamond Platnumz yashyize hanze ku wa 26 Gashyantare 2020, ikaba imaze kurebwa inshuro zisaga Miliyoni 96.

Ku mwanya wa 9 hari “Nana” ya Diamond Platnumz na Mr Flavour kuva yajya hanze ku wa 29 Gicurasi 2015 imaze kurebwa inshuro Miliyoni 98.

Ku mwanya wa 08, “Slowly” ya Meddy kuva yajya hanze ku wa 03 Kanama 2017 imaze kurebwa inshuro zisaga Miliyoni 100.

Ku mwanya wa 07 hari “Sukari” ya Zuchu aho kuva yajya hanze ku wa 30 Mutarama 2021 imaze kurebwa inshuro Miliyoni 101.

Ku mwanya wa 06 hari “Kwangwaru” ya Harmonize na Diamond Platnumz, kuva yajya hanze ku wa 14 Kamena 2018 imaze kurebwa inshuro Miliyoni 113.

Ku mwanya wa 05 hari “Time to Party” ya Flavour na Diamond Platnumz aho kuva yajya hanze ku wa 25 Nyakanga 2018 imaze kurebwa inshuro Miliyoni 128.

Ku mwanya wa 04, “Inama” ya Diamond Platnumz na Fally Ipupa. Kuva iyi ndirimbo yajya hanze ku wa 09 Kamena 2019 imaze kurebwa inshuro Miliyoni 135.

Ku mwanya wa 03 hariho “Joy Of Togetherness” ya Masaka Kids Africana Dancing, 3 Wash Hip Hop&Karina Palmira. Kuva yajya hanze ku wa 21 Werurwe 2019 imaze kurebwa inshuro Miliyoni 142.

Ku mwanya wa 02 ni “Waah” ya Diamond Platnumz na Koffi Olomide, kuva yajya hanze ku wa 30 Ugushyingo 2020 imaze kurebwa inshuro Miliyoni 156.

Ku mwanya wa 01 hariho indirimbo “Yope Remix” ya Innoss'B na Diamond Platnumz, kuva yajya hanze kuwa 07 Nzeri 2019 imaze kurebwa inshuro Miliyoni 228.

Igihugu cya Tanzania kugeza ubu gikomeje kuza imbere byumwihariko Diamond Platnumz akomeje guhirwa n'umuvuno wo kwitabaza abandi bahanzi nubwo kugeza ubu nta ndirimbo afite kuri uru rubuga yakoze ku giti cye yarengeje Miliyoni 100 z'inshuro yarebwe. 

Kugeza ubu Diamond ni we ufite indirimbo nyinshi zarebwe inshuro nyinshi

Zuchu afite agahigo ko kugira indirimbo y’umuhanzi ku giti cye yarebwe kenshi kuri YouTube muri East AfricaMeddy mu bahanzi bake  muri Afurika bafite indirimbo yarebwe na Miliyoni zisaga 100 kuri YouTube y’umuhanzi ku giti cyeHarmonize Kwangwaru yakoranye na Diamond Platnumz niyo yamushyize kuri uru rutonde

KANDA HANO UREBE INDIRIMBO SLOWLY IRI MUZACIYE AGAHIGO KO KUREBWA INSHURO NYINSHI MU KARERE

“>