Author: webrwanda

Ni amarushanwa yamuritswe kuri uyu wa 30 Gicurasi 2024 mu birori byabereye mu Mujyi wa Kigali, abazahatana bakaziyandikisha kuva kuwa 12-28 Kamena 2024.

Umukozi ushinzwe Itumanaho mu mushinga Awa Prize wa Enabel, Tom Crohin, yibukije ko ishyirwaho ry'ibi bihembo ku bagore n'abakobwa bigamije kubibutsa ko bishoboka kuri bo kuba ba rwiyemezamirimo.

Ati ''Ni iby'ingenzi cyane guhemba ba rwiyemezamirimo b'abagore bafite imishinga itanga icyizere mu kuzana impinduka, kuko bashobora kuvamo ab'icyitegererezo ku bandi. Mu bice byinshi bigize Isi biragoye cyane ku bagore kuruta abagabo, kuba baba ba rwiyemezamirimo kubera impamvu nyinshi, rero ni ingenzi gutera imbaraga umugore ushaka kuba rwiyemezamirimo.''

Bimwe mu bihembo bihabwa abatsinze muri aya marushanwa harimo kubaha amahugurwa abafasha kwagura imishinga yabo, guhurira n'abandi ba rwiyemezamirimo mu Bubiligi, n'ibindi.

Muri 12 batsinze mu marushanwa yo mu 2023 bahembwe harimo Umunyarwandakazi Raissa Ikuzwe n'Umurundikazi Mireille Niyonkuru washinze ikigo BUIM mu Rwanda no mu Burundi.

Umuyobozi akaba n'uwashinze Ikigo INO Coffee series gitunganya ikawa ihingwa mu Rwanda, Raissa Ikuzwe, yavuze ko igihembo yahawe kizamufasha kwagura umushinga we.

Ati ''Byatumye mbona ko imbaraga umuntu ashyizemo hari abantu baba bazibona kandi bazishima, byaranshimishije cyane njyewe n'abantu dukorana, kuba ibyo dukora byaragaragaye kuri uru rwego […] ubutumwa nagenera abakobwa bakiri bato ni uko nababwira ko bishoboka.''

Mireille Niyonkuru, rwiyemezamirimo w'Umurundi akaba ari na we washinze ikigo BUIM gikwirakwiza amashanyarazi akomoka ku mirasire y'izuba mu Rwanda no mu Burundi, yahawe igihembo cya gatatu.

Minisitiri w'Uburinganire n'Iterambere ry'Umuryango, Dr Uwamariya Valentine, yagaragaje ko nubwo abagore n'abakobwa bagihura n'imbogamizi mu kuba baba ba rwiyemezamirimo, ashimira iyi gahunda ya Enabel kuko yaje nk'igisubizo cyo gutuma inzozi zabo ziba impamo.

Ati ''Hamwe mu hantu hasigaye hasaba gushyirwamo imbaraga, ni ukuba abagore n'abakobwa baba ba rwiyemezamirimo. Nubwo ba rwiyemezamirimo b'abagore bahura n'imbogamizi nyinshi, bafashe runini mu nzego zacu zose z'ubukungu.''

Ambasaderi w'u Bubiligi mu Rwanda, Bert Versmessen, yavuze ko aya marushanwa ari gukorerwa mu bihugu birimo n'u Rwanda hagamijwe gufasha abagore n'abakobwa bagakora ibikorwa byagutse bitabafitiye umumaro bonyine, ahubwo binafitiye umumaro umuryango mugari, ashima ubifatanye bwa Leta y'u Rwanda muri iki gikorwa.

Ushaka kwiyandikisha muri aya marushanwa wanyura aha

Umuyobozi akaba n'uwashinze Ikigo INO Coffee series gitunganya ikawa ihingwa mu Rwanda, Raissa Ikuzwe ni we Munyarwandakazi wegukanye icyo gihembo mu marushanwa aheruka

Mireille Niyonkuru washinze ikigo BUIM mu Rwanda no mu Burundi, na we ari mu bahembwe

Hari n’abagore n’abakobwa bamuritse ibyo bakora

Jean Michel Swalens wa Enabel yavuze ko aya marushanwa ari gukorerwa mu bihugu birimo n'u Rwanda, hagamijwe gufasha abagore n'abakobwa bagakora ibikorwa byagutse

Dr Uwamariya Valentine yashimye gahunda ya Enabel igamije guteza imbere abagore

Abegukanye ibihembo bishimiwe n’abitabiriye iki gikorwa

Amafoto: Niyonzima Moses

Ibiganiro bigeze kure hagati ya Kiyovu Sports na Police FC ku kuba yasinyisha umukinnyi w’Umurundi Richard Bazombwa Kilongozi.

Police FC yagaragaje ko yifuza bikomeye umukinnyi wa Kiyovu Sports usatira unyuze ku ruhande ukomoka i Burundi witwa Richard Bazombwa Kilongozi.

Uyu mukinnyi yageze muri Kiyovu Sports umwaka w’imikino ushize aho yasinye imyaka 3 ubu akaba asigaranyemo imyaka 2.

Amakuru ISIMBI yamenye ni uko ubwo Mbonyumuvunyi Abdul Karim yari akiri umuyobozi wa Kiyovu Sports yavuganye na Police FC itanga miliyoni 20 z’amafaranga y’u Rwanda.

Bivugwa uyu muyobozi yari yiteguye kuyafata ariko abwirwa ko uyu mukinnyi bitakunda kuri ayo mafaranga, yasabwe kudakora iryo kosa kereke byibuze ari miliyoni 30 kuri uyu mukinnyi.

Nyuma y’uko ubuyobozi bwa Kiyovu Sports buhindutse maze tariki ya 26 Gicurasi bagatora komite nshya iyobowe na Nkurunziza David, ibiganiro byarakomeje.

Amakuru avuga ko Police FC yemeye gutanga izi miliyoni 30 isabwa ikaba yasinyisha Richard umwe mu bakinnyi bagize umwaka umwaka mwiza. Isaha n’isaha amasezerano ku mpande zombi azasinywa.

Richard Kilongozi mu muryango winjira muri Police FC

Uyu mugabo yageze ku kibuga cy’indege Mpuzamahanga cya Kigali, mu ijoro ryo kuri uyu wa Kane tariki 30 Gicurasi 2024, ahagana saa tanu z’ijoro.

Yakiriwe n’abakozi bo muri Crystal Lounge, ari n’aho azacurangira Ku wa Gatandatu tariki 1 Kamena 2024 mu gitaramo kizaherekeza imikino ya BAL.

Ariko kandi kuri uyu wa Gatanu tariki 31 Gicurasi 2024, azataramira ku nshuro ye ya mbere muri Green Lounge.

Yabwiye InyaRwanda, ko yishimiye kuba agiye gutaramira i Kigali nyuma y’igihe cyari gishize.

Ati “Bitegure kubona urukundo rwinshi muri ibi bitaramo. Niteguye kubereka ibintu byiza gusa.”

Yavuze ko kuba ari umwe mu ba DJ bakomeye mu Karere k’Afurika y’Iburasirazuba ahanini bituruka mu kuba ‘ibyo nkora mbikunda’.

Ati ‘Ntekereza ko bituruka mu kuba mbikorana umutima ushaka”.

Yavuze ko mu rugendo rwe rwo kuvanga umuziki yakoranye n’abahanzi banyuranye, kandi yaje i Kigali mu gihe ageze kure umushinga w’indirimbo ye na Andy Bumuntu.

Ati “Mvugishije ukuri mpaze igihe mvugana na Andy Bumuntu, birashoboka ko dushobora kuba twagira icyo twakora, ariko sindabimenya neza. Ndahari ku bw’umuhanzi wese washaka ko dukorana.”

RJ The DJ yavuze ko ari inshuti na The Ben, kandi ko ubushuti bw’abo bumaze igihe, biri no mu mpamvu uyu muhanzi yifashishije imbuga nkoranyambaga akagaragaza ibitaramo bye i Kigali.

Yavuze ko ubwo The Ben azaba ataramira muri BAL, ku wa Gatandatu tariki 1 Kamena 2024 mu gusoza iyi mikino azamushyigikira.

Ati “Nzajya gushyigikira umuvandimwe birumvikana, nzaba ndiyo rwose vuba bidatinze.”

RJ The DJ ni umwe mu bagabo bagaragaje impinduka mu kuvanga imiziki, ahanini biturutse ku bitaramo yagiye ahuriramo na mubyara we Diamond.

Yavuzwe cyane mu Rwanda nyuma y'uko agize uruhare mu ikorwa ry'indirimbo 'Why' The Ben yahuriyemo na Diamond. Iyi ndirimbo bombi bayiririmbanye bwa mbere mu itangwa ry'ibihembo bya Trace Awards, mu muhango wabereye muri BK Arena, mu Ukwakira 2023.

Mu rwego rwo gushimira RJ The Dj uruhare yagize mu rugendo rwe rw'umuziki, muri Nzeri 2023 ni bwo yatumiwe na The Ben mu gitaramo gikomeye cyabereye mu gihugu cy'u Burundi.

Mu bihe bitandukanye Romy Jons yakoranye indirimbo n'abahanzi bakomeye barimo The Baraka Prince bakoranye indirimbo 'Bora Iwe', Sholo mwamba bakoranye indirimbo 'Walete' n'izindi.

Asanzwe afitanye indirimbo na Meddy ubarizwa muri Leta Zunze Ubumwe za Amerika. Muri Kanama 2019 Rommy Jones yabwiye Radio ya Wasafi ko yasabye ubushuti Meddy kuri konti ya instagram kugira ngo bakorane indirimbo.

RJ The DJ yasohotse mu kibuga cy’indege yizihiwe nyuma y’igihe kinini adataramira I Kigali 

Inkumi zashyikirije RJ The DJ indabo mu rwego rwo kumuha ikaze mu rwagasabo

Romy Jons yatangaje ko amaze iminsi mu biganiro na Andy Bumuntu biganisha ku gukorana

Romy yavuze ko azitabira igitaramo cya The Ben kizaherekeza imikino ya BAL, kizaba ku wa Gatandatu 

RJ The DJ yavuze ko kuba ari umwe mu bakomeye muri EAC bituruka mu kubaka akorana umutima ukunze akazi ke 

Kanda hano urebe amafoto menshi ubwo RJ The DJ ubwo yageraga i Kigali

AMAFOTO: Ngabo Serge- InyaRwanda.com

Aya masezerano yashyizweho umukono kuri uyu wa Kane tariki 30 Gicurasi, akaba yasinyiwe mu Nzove Karere ka Nyarugenge ku cyicaro cy’uru ruganda. Nk’uko mubizi, mu Rwanda kuva tariki 1 kugera tariki 10 Nzeri 2024, hazabera imikino y’igikombe cy’Isi cy’umupira w’amagaru mu bakanyujijeho, imikino izaba ibaye ku nshuro ya mbere ndetse u Rwanda rugahita ruyakira.

Uruganda rwa SKOL Brewery mu gukomeza kuba hafi umuryango Nyarwanda nka zimwe mu nshingano zabo, bafashe umwanzuro wo gukorana amasezerano n’iki gikombe cy’Isi hanagamijwe kucyegereza abaturage.

Nk’uko Eric Gilson umuyobozi wa SKOL Brewery yabitangaje, muri aya masezerano harimo no kuba igikombe kizahatanirwa kizazenguruka mu bice bitandukanye by’igihugu.

Yagize Ati”Twishimiye gukorana n’igikombe cy’Isi cy’abavetera nka SKOL Brewery turateganya kuzatambagiza u Rwanda rwose igikombe kizahatanirwa. Imijyi igera ku 10 ya hano mu Rwanda iki gikombe kizageramo. Ikindi mwamenya ni uko muri urwo rugendo tuzaba dufite abahanzi, ndetse ikipe ya Rayon Sports y’abagore n’abagabo zikazakina imikino igiye itandukanye aho tuzajya tuba twagiye.”

Muri aya masezerano kandi byamenyekanye ko urugenda rwa SKOL Brewery ruzamamaza ku myenda y’ikipe izaturuka muri Amerika y’Epfo izaba irimo na Ronaldinho.     

Fred Siewe, umuyobozi ndetse akaba n’uwashinze imikino y’igikombe cy’Isi cy’abakanyujijeho, avuga ko ari iby’agaciro gukorana n’uruganda rwa SKOL Brewery.

Yagize Ati”Imikino y’igikombe cy’Isi cy’abakanyujijeho ntabwo izaba irimo imikino gusa hazaba harimo n’izindi gahunda ndetse zireba umuryango. Niyo mpamvu rero gukorana na SKOL Brewery ari byiza kuri twe kuko tuzabasha kuzenguruka igihugu cyose twerekana ibikorwa byacu.'

Imikino y’igikombe cy’Isi cy’abakanyujijeho izitabirwa n’abanyabigwi basaga 150 bavuye mu bice bitandukanye by’Isi barimo Jimmy Gatete, Ronaldinho, Michael Owen, Patrice Evra ndetse n’abandi.

Aya masezerano yahaye uburenganzira busesuye uruganda rwa SKOL kwamamaza muri iyi mikino y’igikombe cy’Isi kizaba kibereye mu Rwanda bwa mbere 

Eric Gilson umuyobozi w’urunda rwa SKOL ashyira umukono ku masezerano yo kwamamaza mu mikino y’igikombe cy’Isi cy’abakanyujijeho kizakinirwa muri Sitade Amahoro 

Siewe Fred umuyobozi w’igikombe cy’Isi cy’abakanyujijeho yemeje ko SKOL ari inzira nziza izabafasha kugera kuntego zabo haba mu kibuga ndetse no hanze yacyo

SKOL izamamaza muri iyi mikino ibinyujije mu kinyobwa cyayo “SKOL LAGER”

Ni ubwa mbere uyu musore wamamaye mu ndirimbo '100 Shooters' ageze i Kigali. Yageze ku kibuga cy'indege Mpuzamahanga cya Kigali i Kanombe, kuri uyu wa Gatanu tariki 31 Gicurasi 2024, ahagana saa Moya z'igitondo ari kumwe n'abajyanama be.

Ageze i Kigali yiyongera ku bandi bantu bazwi mu ngeri zinyuranye z'ubuhanzi barimo Bien-Aimé Baraza wahoze mu itsinda rya Sauti Sol wakurikiranye iyi mikino, umunyamuziki Adekunle Gold wo muri Nigeria waririmbye mu gufungura iyi mikino. Bwari ubwa kabiri ataramiye i Kigali.

Mu bandi bantu bazwi b'ibyamamare bamaze iminsi i Kigali, kubera iyi mikino barimo Joackim Noa wamamaye mu mikino ya NBA, Ian Mahinmi n'abandi.

Mu bandi bategerejwe i Kigali, barimo Juma Jux utegerejwe i Kigali saa cyenda z'amanywa. Yaherukaga i Kigali mu 2023, icyo gihe yari yitabiriye ibirori byo gutanga ibihembo bya Trace Awards byabaye ku wa 20-22 Ukwakira 2023.

Doe Boy yamenyekanye cyane binyuze mu ndirimbo ye yise '100 Shooters' yakoranye n'umuraperi mugenzi we Future. Uyu musore, yabonye izuba, ku wa 25 Werurwe 1994, avukira ahitwa Cleveland muri Leta ya Ohio muri Leta Zunze Ubumwe za Amerika.

Ibinyamakuru binyuranye bivuga ko yamenyekanye cyane mu 2018 ubwo yashyiraga hanze indirimbo ye yise 'Mini Vans', ariko ngo izina rye ntiryakomeye cyane nk'uko yari abyiteze, kugeza ubwo muri Mata 2019, ashyize hanze indirimbo yise 'Walk Down'.

Iyi ndirimbo yaracengeye cyane kugeza ubwo abarimo umukinnyi wa Basketball, Le Bron James agaragayemo ayisubiramo. Ibi byatumye, Doe Boy abona amahirwe yo gusubiramo iyi ndirimbo afatanyije na YG.   

Ubwo yashyiraga hanze indirimbo yise '100 Shooters' yakoranye na Future, byanamuhaye amahirwe yo kuyisubiramo ayifatanyije n'umuraperi ukomeye ku Isi, Meek Mill. Mu 2019, uyu musore kandi yakoranye indirimbo na Young Thug na Tiwa Savage bise 'I'm Scared.'

Agiye kuza i Kigali ku nshuro ye ya mbere, mu gihe aherutse gushyira ku isoko indirimbo zirimo nka 'Split It' yakoranye na Moneybagg, 'Ghetto Superstar' yakoranye na Roddy Ricch ndetse na G Herbo. Anafite ku isoko Album yise 'Beezy' y'indirimbo 16.

Doe Boy yageze i Kigali ku nshuro ye ya mbere yitabiriye gukurikirana imikino ya BAL

Doe Boy yageze i Kigali mu gitondo cyo kuri uyu wa Gatanu tariki 31 Gicurasi 2024

Doe Boy yamamaye mu ndirimbo zirimo nka 'I'm Scared' yakoranye na Young Thug

Doe Boy yageze i Kigali ari kumwe na bamwe mu bantu bamufasha mu muziki

KANDA HANO UREBE AMASHUSHO Y’INDIRIMBO ‘OFF THE PORCH’

AMAFOTO: Ngabo Serge- InyaRwanda.com

Ikipe y’igihugu Amavubi yamaze gusezerera abandi bakinnyi babiri mu mwiherero w’ikipe y’igihugu Amavubi yitegura imikino ya Benin na Lesotho.

Abo bakinnyi ni umunyezamu Muhawenayo Gad wa Musanze FC ndetse Dushiminana Olivier bakunda kwita Muzungu wa Bugesera FC.

Aba bakurikiye Hakizimana Muhadjiri wa Police ndetse Tuyisenge Arsene wa Rayon Sports ukina asatira anyuze ku ruhande basezerewe ejo hashize.

Ni mu gihe ababimburiye abandi bagiye tariki ya 27 Gicurasi 2024, ni umunyezamu Niyongira Patience wa Bugesera, Nsengiyumva Samuel na Iradukunda Simeon ba Gorilla FC basezerewe mbere.

Muhadjiri na Arsene bakaba babisikanye na Kapiteni Bizimana Djihad na Dylan Georges Francis Maes bakina i Burayi bamaze kugera mu mwiherero.

Amavubi afite imikino ibiri yo gushaka itike y’igikombe cy’Isi cya 2026, umwe uzabera Côte d’Ivoire aho Benin izakirira Amavubi tariki ya 6 Kamena no muri Afurika y’Epfo aho umukino wa Lesotho uzabera tariki ya 11 Kamena 2024.

Muzungu yasezerewe mu Mavubi

Umunyezamu Muhawenayo Gad na we yasezerewe mu Mavubi

Uru rutonde rwa 2024 rutegurwa n'Ikinyamakuru cya TIME gikora intonde zitandukanye, zaba iz'abavuga rikumvikana ku Isi, iz'ibigo biri kugaragaza itandukaniro mu iterambere ry'ibihugu n'ibindi.

Urw'uyu mwaka rwiswe 'TIME 100 Most Influential Companies of 2024', ruzirikana ibigo by'ubucuruzi ariko biri gutanga umusanzu ntagereranywa mu nzego bibarizwamo, mu guha Afurika uruvugiro mu ruhando mpuzamahanga.

Ni urutonde rukoranwa ubushishozi n'inzobere muri izo nzego ibyo bigo bibarizwamo, aho mu bigo byagarutse kuri uru rutonde birimo nk'ibigo by'ikoranabuhanga nka Space X, Apple, Nvidia, Tesla n'ibindi.

Iyi ntambwe igaragaza uburyo Spiro ikomeje kugira uruhare mu guteza imbere ubwikorezi bugezweho, buhendukira ababurimo, ibidukikije na byo bibungabunzwe.

Ntabwo byaje gutyo gusa kuko Spiro ikomeje gutanga umwitangirizwa mu bijyanye n'ubwikorezi butangiza, hifashishijwe moto z'amashanyarazi, aho ubu ibarura izigera ku bihumbi 15 ziri mu bihugu ikoreramo.

Ni moto zimaze kugenda ibilometero birenga miliyoni 250 mu bihugu bitandatu ikoreramo nta myuka yangiriza ikirere, intego ikaba kubaka ubwikorezi bwibanda ku binyabiziga bikoresha amashanyarazi buhamye.

Umuyobozi Mukuru wa Spiro, Kaushik Burman yabuze ko uku kuzirikanwa na TIME ari ikimenyetso cy'uko ibyo bari gukora bibonwa na bose nta we usigaye, bikabaha imbaraga yo kongera imbaraga mu byo bakora.

Spiro kuri ubu yatangiye inzira yo gushyiraho ibikorwaremezo bifasha abakenera serivisi zayo kuziha bitabatindirije akazi, bimwe birimo gushyiraho sitasiyo zihindurirwamo batiri z'ikoranabunga, ibikorwaremezo byatangiye no kuzanwa mu Rwanda.

Spiro ikorera mu bihugu birimo u Rwanda, Benin, Togo, Kenya, Uganda na Nigeria, ndetse bitarenze uyu mwaka ikazaba yaratangije ibikorwa muri Ghana.

Ifite batiri zirenga ibihumbi 40 mu Rwanda, Benin, Togo na Kenya, Spiro ikagaragaza ko kugeza uyu munsi abamotari bakoresha moto zayo bamaze gusimbuza batiri inshuro miliyoni umunani mu myaka ibiri ishize.

Ibikorwa bya Spiro bikomeje guteza imbere abaturage n’Abanyarwanda badasigaye

Mu butumwa iyi sosiyete yanyujije ku rukuta rwayo rwa X yagize ati 'Bitewe n'imyigaragambyo y'abakozi bagenzura abinjira n'abasohoka mu Bwongereza iteganyijwe ku itariki 31 Gicurasi kugeza ku itariki 2 Kamena, turasaba abagenzi bose berekeza ku Kibuga cy'Indege cya Heathrow i Londres kwihanganira kumara umwanya munini ahagenzurirwa abinjira n'abasohoka nyuma yo kuva mu ndege'.

RwandAir yakomeje isaba abakiliya bayo berekeza mu Bwongereza kwihanganira ingaruka ibyo bishobora kubagiraho.

Sosiyete RwandAir isanzwe ikora ingendo enye mu cyumweru zerekeza mu Bwongereza.

Iyi myigaragambyo izitabirwa n'abakozi bagera kuri 500 batangaga serivise z'abinjira n'abasohoka ku Kibuga cy'Indege cya Heathrow, kubera kutumvikana na Leta ku mategeko agenga akazi n'ibiruhuko by'umukozi.

Ishyirahamwe rishinzwe kurengera abakozi ba Leta n'abo mu bigo by'ubucuruzi mu Bwongeraa (PCS) rivuga ko abanyamuryango baryo bagera kuri 250 bashobora kuvanwa muri ako kazi abandi basigaye na bo bagakoreshwa imirimo y'umurengera.

Ni mu gihe Leta y'u Bwongereza yo ivuga ko yatunguwe n'icyemezo cy'iryo shyirahamwe cyo gufasha aba bakozi kwigaragambya, igasaba ko byakorwa mu biganiro.

RwandAir yiseguye ku bagenzi bayo bajya mu Bwongereza

Uburezi iyo bujegajega n'iterambere ry'igihugu rigenda biguruntege, ni yo mpamvu ibihugu byose byateye imbere byabanje gushyira imbaraga mu kugira uburezi bufite ireme.

Muri uwo mujyo, u Rwanda narwo rushyiraho ingamba zitandukanye zigamije kongera ireme ry'uburezi no gukemura ibibazo byose bikigaragara nk'ibibangamiye uburezi mu buryo butandukanye.

Bimwe mu bituma intego zitagerwaho mu buryo bwuzuye harimo ruswa ishobora kudindiza imikorere, ikica byinshi.

Ubushakashatsi bwakozwe n'Umuryango Mpuzamahanga Urwanya Ruswa n'Akarengane mu Rwanda [Transparency International Rwanda, TIR], bwagaragaje ko mu burezi hakiri ibyuho bya ruswa ku kigero cyo hejuru, cyane mu bijyanye no gushyira abarimu n'abanyeshuri mu myanya, mu itangwa ry'amanota, kubona imenyerezamwuga ndetse no mu bijyanye no kugemura ibiribwa.

Ubu bushakashatsi bwakorewe mu ntara zose, aho abashakashatsi baganiriye n'amatsinda y'abaturage n'abayobozi bafite amakuru n'ubuhamya bw'ahagaragaye ruswa muri serivisi zijyanye n'uburezi mu turere twa Rusizi, Rubavu, Musanze, Kayonza na Huye.

Nyuma yo kuganira n'abifashishijwe mu bushakashatsi, hashyizweho ibyiciro bigaragaza ubukana bwa ruswa igaragara muri buri cyiciro, aho hashyizweho igipimo cyo kuva kuri rimwe kugeza kuri gatanu, ahagaragaye ruswa nkeya haba ari rimwe, bikagenda bizamuka uko ubukana bwiyongera.

Ku bijyanye n'itangwa ry'amasoko yo kugemura ibiribwa mu mashuri y'uburezi bw'ibanze bw'imyaka 12, hagaragaye ruswa iri kugero kiri hagati ya 3.5 na 4.4, ku bijyanye no guhabwa imenyerezamwuga no guhabwa amanota yaryo ku biga imyuga n'ubumenyingiro ndetse n'amashuri makuru, ruswa yahagaragaye ku kigero kiri hagati ya 3.8 na 4.3.

Naho ku bijyanye n'itangwa ry'amanota mu mashuri yisumbuye n'amashuri makuru, ruswa yahagaragaye ku kigero kiri hagati ya 3.6 na 4.1. Ku bijyanye no gushyira abarimu mu myanya, yahagaragaye ku kigero kiri hagati ya 1.5 na 3.9, mu gihe ibijyanye no gushyira abanyeshuri mu myanya mu mashuri yisumbuye, yahagaragaye ku kigero kiri hagati ya 1.3 na 4.

Bamwe mu bakorewe ubushakashatsi, bagaragaje ko hagikenewe kongera imbaraga, mu kuziba ibyuho kuko baba bo ubwabo hari abagiye bakwa ruswa cyangwa bakaba bafite ubuhamya bw'abatswe ruswa kugira ngo bahabwe serivisi zijyanye n'uburezi.

Umubyeyi umwe wo mu Karere ka Kamonyi yatanze ubuhamya, avuga ko azi umwana w'umukobwa wari umuhanga mu ishuri ariko akaza kwangirwa kwimuka kuko umwarimu yamusabye ko bakorana imibonano mpuzabitsina akabyanga.

Ati ' Nahisemo guhita nimura umwana wanjye mujyana mu kindi kigo i Musanze, aho nishyura 150,000 Frw kandi muri icyo kigo cy'i Nyanza narishyuraga 89,000 Frw.'

Umwarimu umwe wo mu Karere ka Musanze na we yavuze ko hari ingero z'abarimu basambanya abanyeshuri kugira ngo babahe amanota, aho ngo cyane cyane ari abatanga amasomo y'inyongera ku mugoroba cyangwa muri 'weekend', basambanya abo bigisha bakajya babaha amanota mu ishuri bisanzwe.

Uretse ibyo kandi no mu birebana no gushyira abarimu mu myanya, naho ngo hari ibyuho bya ruswa cyane mu kwimurirwa aho bakorera, kuko mu guhabwa imyanya ubwabyo bikorerwa ku ikoranabuhanga.

Umwarimu ukmwe wo mu Karere ka Gicumbi yagaragarije abashakashatsi ko hari abarimu bashyirwa mu myanya ku bigo runaka ariko bakimurwa igitaraganya by'amaherere kugira ngo hagire abashyirwa kuri ibyo bigo baba bahawe.

Yaragize ati 'Hambere aha NESA iherutse kohereza umwarimu ku kigo cyacu, gusa nyuma y'ibyumweru bibiri akarere kamumenyesheje ko agomba kwimukira ku kindi kigo kiri kure cyane y'umujyi,'

Umunyabanga Nshingwabikorwa wa TIR, Mupiganyi Appolinaire, yavuze ko ubu bushakashatsi ari intambwe bateye kandi ko bakoranye n'inzego zose zifite aho zihuriye n'uburezi, bityo ko bizeye ko hari umusaruro bizatanga hakagira ibikosorwa.

Inzego bireba zasabwe gukurikirana ibyo bibazo kugira ngo bikemurwe mu maguru mashya.