Author: webrwanda

Ni ingingo yagarutseho mu kiganiro yatangiye mu Nteko Rusange ya 26 y'Inama y'Igihugu y'Urubyiruko yari ifite insanganyamatsiko igira iti 'Dukomere ku murage wacu', cyabereye muri Kigali Conference and Exhibition Village kuri uyu wa 14 Kamena 2024.

Iyi nteko yitabiriwe n'urubyiruko ruhagarariye urundi mu turere dutandukanye rusaga 1000, abayobozi mu nzego za Leta zitandukanye n'abandi.

Col Mugisha yasabye urubyiruko kurangwa n'ibintu bine by'ingenzi birimo gukomera ku bumwe bw'Abanyarwanda, kugira imitekerereze yagutse, kwiyemeza no guhanga amaso ibibazo birureba bagahangana na byo ntibabihunge. Yaboneyeho kandi kubibutsa gukoresha amahirwe bafite neza.

Yagize ati 'Muharanire kugira ubuzima bwiza, mwirinda ibiyobyabwenge n'ibisindisha kuko ntawe tuzi wateye imbere ngo ahemberwe ko ari umuhanga mu kunywa inzoga cyangwa gukoresha urumogi. Ahubwo muharanire kubyaza umusaruro amahirwe mufite mushake ubumenyi,”

“Mube abahanga, muhange udushya, mube abantu Isi ikeneye, tuzanezezwa no kubona urubyiruko rw'u Rwanda rukora mu bigo bikomeye ku Isi, muri na ba rwiyemezamirimo babasha gutanga akazi ku bandi.''

Urubyiruko rwitabiriye iyi nama rwavuze ko rwanyuzwe n'impanuro rwahawe ndetse ko rwarushijeho kumva uruhare rwabo mu gukomeza kubaka Igihugu no kukirinda ko cyasubira aho cyavuye. Rwiyemeje kurwana urugamba rwo ku mbuga nkoranyambaga mu guhashya urwango.

Umwe muri uru rubyiruko witwa Rudahusha Mireille, waturutse mu karere ka Kayonza, yavuze ko urubyiruko ruzakomeza kwigira ku ndangagaciro zaranze ingabo za FPR Inkotanyi mu kubohora igihugu zirimo gukorera mu bumwe n'izindi. Ati 'Bitwereka ko ari twe dukwiye kugena ahazaza.'

Umunyamabanga Uhoraho muri Minisiteri y'Urubyiruko, Busabizwa Parfait, yavuze ko muri iyi nama ngarukamwaka ari ho abahagarariye ibyiciro by'urubyiruko bitandukanye bahurira hamwe bakareba ibikorwa bakoze uwo mwaka, bakaboneraho kugena gahunda y'umwaka uzakurikira.

Yavuze ko icyo biteze ku rubyiruko ari ugutanga umusanzu mu guteza imbere gahunda za Leta, kugira imyitwarire myiza no kugira uhurare rwabo mu matora.

Iyi nama yasojwe n'umuhanzi Riderman wasusurukije uru rubyiruko, aririmba indirimbo zakanyujijeho zirimo 'Niko Nabaye', 'Ntakibazo', 'Mambata' na 'Ikinyarwanda'.

Urubyiriko rusaga 1000 rwaturutse mu turere twose tw’igihugu rwahuriye muri iyi Nteko rusange.

Iyi Nteko y’urubyiruko yari yitabiriwe n’abayobozi mu nzego zitandukanye

Ibyishimo byari byose muri uru rubyiruko

Colonel Mugisha yasabye urubyiruko kubaho ubuzima bufite icyerekezo

Ibi byatewe ahanini n'inyungu iki kigo cyakuye mu ishoramari cyakoze, yageze kuri miliyari 2.04 Frw mu 2024 ivuye kuri miliyari 1.4 Frw mu 2022.

Ku rundi ruhande, umutungo rusange w'iki kigo wageze kuri miliyari 30 Frw mu 2024 uvuye kuri miliyari 24 Frw mu 2022. Ni mu gihe umutungo bwite w'iki kigo (total equity) ungana na miliyari 12 Frw uvuye kuri miliyari 9 Frw mu mwaka wari wabanje.

Amafaranga yishyuwe n'abafata serivisi z'ubwishingizi muri iki kigo ni miliyari 21 Frw avuye kuri miliyari 18 Frw iki kigo kinjije mu 2022, mu gihe amafaranga iki kigo cyinjije ari miliyari 19 Frw, gikoresha miliyari 15 Frw mu kwishyura ikiguzi kuri serivisi z'ubwishingizi.

Prime Insurance yasoje umwaka wa 2023 iri ku mwanya wa mbere ku isoko ry'u Rwanda mu bijyanye n'ubwishingizi bw'ibinyabiziga n'ubundi bwishingizi butari ubwo kwivuza (Motor and non motor Insurance).

Mu mwaka wa kabiri itangije ubwishingizi bwo kwivuza (Medical Insurance), Prime Insurance yinjije asaga miliyari 3.5 Frw.

Prime insurance ifite umwihariko wo gutanga serivisi zihuse ku bayigana aho ushobora kugura cg kureba ubwishingizi bwawe ukoresheje uburyo bw'ikoranabuhanga ndetse ku bafite ubwishingizi bwo kwivuza, ukaba ushobora kureba ibitaro, amavuriro na farumasi ukoresheje *177#.

Muri rusange, Prime General Insurance itanga serivisi z'ubwishingizi mu nzego zitandukanye zirimo ingendo, impanuka, ubwubatsi, ibinyabiziga n'izindi zitandukanye.

Inyungu ya Prime General Insurance yageze kuri miliyari 2,9 Frw mu 2023

Ubusanzwe Inteko Ishinga Amategeko y'u Rwanda ijyamo abadepite 80 batorwa n'abaturage, ari nabo batajwe ko bemerewe kwiyamamaza mu matora ateganyijwe nyuma yo gusuzuma ko bujuje ibisabwa.

Kuri uyu wa 14 nibwo Perezida wa Komisiyo y'Igihugu y'Amatora, Oda Gasinzigwa, yatangaje ko mu badepite 665 bari basabye kwemererwa kuba abakandida mu matora, abemerewe ari 589.

Yagaragaje ko Umuryango wa FPR Inkotanyi n'abo bafatanyije abemerewe kwiyamamaza ari 80 nkuko bari batanzwe, ubwo hatangazwaga urutonde rw'agateganyo, NEC yari yagaragaje ko muri bo batatu batari bujuje ibisabwa umukandida ushaka kwiyamamaza ariko mu minsi itanu yari yatanzwe barabikosoye.

Ishyaka Riharanira Ukwishyira Ukizana kwa buri Muntu (PL) ryatanze abakandida 54 ndetse NEC yagaragaje ko bose bujuje ibisabwa n'ubwo ubwo hatangazwaga urutonde rw'agateganyo abari babyujuje bari 39.

Oda Gasinzigwa kandi yagaragaje ko Ishyaka Riharanira Demokarasi n'Imibereho Myiza y'Abaturage (PSD) ryatanze abakandida 59 kandi bose bujuje ibisabwa barimo barindwi bari bagaragarijwe ko hari ibyo batujuje.

Ku ruhande rw'Ishyaka Riharanira Demokarasi no Kurengera Ibidukikije mu Rwanda (DGPR) hemejwe abakandida 54 bavuye ku icyenda gusa bari bagaragajwe ko bujuje ibisabwa mu buryo bw'agateganyo. DGPR yari yatanze urutonde rw'abakandida 64.

Abakandida 55 batanzwe n'Ishyaka Ntangarugero muri Demokarasi (PDI) bemerewe kwiyamamaza mu gihe PS Imberakuri yemerewe abantu 47 muri 80 bari batanzwe.

Ku ruhande rw'abigenga nta cyahindutse kuko umukandida wemerewe kwiyamamaza ari umwe rukumbi wari wujuje ibisabwa ari we Nsengiyumva Janvier.

Ibi bishingiye ku kuba abandi bari bagaragajwe ko batujuje ibisabwa bari bafite ibibazo mu birebana n'imikono y'abantu bashyigikiye kandidatire zabo kandi bitari byemewe ko basubira gushaka imikono nyuma y'itariki 30 Gicurasi 2024.

Mu bakandida biyamamaje mu byiciro byihariye NEC yagaragaje ko abagore 199 ari bo bujuje ibisabwa byo kwiyamamariza imyanya 24 mu Nteko.

Abo bakandida bemejwe mu buryo butandukanye aho mu Ntara y'Amajyaruguru hemejwe 33, Amajyepfo 60, Iburasirazuba 46, Iburengerazuba 44 mu gihe mu Mujyi wa Kigali ari 16.

NEC yemeje ko urubyiruko rwujuje ibisabwa ari 31 rugomba kuzatorwamo abadepite babiri baruhagarira mu Nteko mu gihe abantu 13 ari bo bemejwe ko bujuje ibisabwa ku gushakwamo umuntu umwe uzahagararira abafite ubumuga.

Amatora ya Perezida n'ay'abadepite 53 batorwa ateganyijwe tariki ya 14 Nyakanga 2024 ku banyarwanda baba mu muhanga na tariki ya 15 Nyakanga ku bari mu gihugu.

Abakandida bahagaraririye ibyiciro byihariye bo bazatorwa ku wa 16 Nyakanga 2024 n'ibyiciro byemerewe ku batora.

Perezida wa NEC, Oda Gasinzigwa yatangaje ko abakandida 589 ari bo bazahatanira imyanya yo kwinjira mu Nteko Ishinga amategeko

Nel Ngabo yibuka ko mu 2017 ubwo yari mu mashuri yisumbuye, yabonye uburyo abahanzi barimo Knowless bataramiye ibihumbi by’abantu mu bikorwa byo kwiyamamaza k’Umukuru w’Igihugu, Perezida Paul Kagame.

Ni ibintu avuga ko yabonaga nk’inzozi, kandi ntiyiyumvishaga ko igihe kimwe kizagera akabasha kwicara ku intebe imwe n’abo.

Kimwe mu bifasha abahanzi bashya, harimo gukurira mu maboko y’umuhanzi ufite izina kumurusha! Ingero ni nyinshi usubije inyuma amaso wabyibuka.

Tekereza ku kuntu wamenye Kenny Sol na Juno Kizigenza biturutse mu kuba Bruce Melodie yaratangaje ko abafasha binyuze muri Label yise ‘Igitangaza’.

Uribuka ko mu bihe bitandukanye byavuzwe ko itsinda rya Yemba Voice ryasenyutse, ryari rikomejwe n’uko umunyamuziki akaba n’umwanditsi w’indirimbo, Mani Martin yababaye hafi.

Ntawakirengagiza kandi uruhare Mugisha Benjamin [The Ben] yagize rwatumye umuhanzi Shaffy ukorera umuziki muri Leta Zunze Ubumwe za Amerika, abantu bamumenya. Icyo gihe yamufashaga binyuze muri sosiyete y’umuziki ya RockHill yashinze.

Producer Element wamenye, byaturutse ku muhate n’imbaraga Nduwimana Jean Paul [Noopja] yashyizemo. No mu bihugu bindi, iyo umuhanzi akuriye mu maboko ya mugenzi we cyangwa bagenzi be izina rye rirakomera mu buryo bugaragarira buri wese.

Diamond yafashe ukuboko Harmonize amwereka Isi, none yabaye umuhanzi w’igihangange, Mr Eazi yazamuye Joeboy n’abandi.

Mu kiganiro na InyaRwanda, Nel Ngabo yavuze ko gukurira mu maboko ya Kina Music ahuriyemo na Knowless, Platini ndetse na Tom Close byamufashije gukura kandi amenya kubyaza umusaruro umwanya wose yabonye.

Ariko kandi avuga ko atangira gukorana na bariya bahanzi, byamuteye igitutu, bituma ashyira imbaraga nyinshi mu gukora ibihangano bitandukanye.

Ati “Ninjira muri Kina Music nari mfite akantu kameze nka 'Pressure' (igitutu), ndavuga nti ninjiye muri 'record Label' iri mu bantu bakoze ibintu birenze, batwaye Guma Guma, noneho njyewe nakuze n'imiziki yabo ariyo niyumvira, ni nabo batumye ninjira mu muziki, ndavuga nti ngomba gukora bimwe bitabaho.'

Akomeza ati 'Niyo mpamvu rero byabaye ngombwa ko nkora imiziki myinshi kugirango nangire ibintu byanjye, abantu bamenye ko kujya 'record Label' irimo abantu bafite ibikorwa byinshi, uzanye ibintu by'ubunebwe, abantu baguseka.'

Nel Ngabo yavuze ko yakoresheje amahirwe yabonye yo kubana na Knowless, Tom Close na Platini bituma urwego rwe rw'umuziki ruzamuka mu gihe gito.

Uyu muhanzi uherutse gusoza amasomo ye ya Kaminuza, anavuga ko yungukiyemo ibijyanye no kwandika indirimbo, kuririmba byihariye nk'undi muhanzi wese ushaka kugeza ibintu bye ku rwego rwo hejuru, kandi bizaramba.

Nel avuga ko inama zose yagiriwe na bariya bahanzi yazikurikije, kandi byatanze umusaruro. Yavuze ko Knowless yamwigiyeho 'gukora cyane no kudacika intege', Tom Close amwigirahho 'gukoresha amahirwe yose abonye neza', ni mu gihe Platini yamugiriye inama yo kutishyira hejuru kubera ko indirimbo ye yakunzwe.

Ati 'Platini yarambwiye ati jya werekana ko ushoboye gukora injyana zose, uyu munsi ukore Afrobeat, Zouk, RnB, mbese werekana ko ushoboye byose.'

Uyu musore avuga ko n'ubwo bimeze gutya, umujyanama we Ishimwe Karake Clement yamwigiyeho gukunda akazi no kugira ikinyabupfura. Ati 'Nkavuga nti niba niyemeje gukora ikintu ngomba kugikora…'

Nel Ngabo avuga ko gukurira iruhande rwa Knowless, Platini na Tom Close byanamufashije byoroshye gukorana n'abo kuri Album eshatu zose amaze gushyira hanze.

Nel Ngabo asobanura Album ye ya mbere nk'igihangano yakoze ari kwimenyereza ikibuga cy'umuziki;

Album ya kabiri ayikora yumvikanisha ko noneho yatangiye gukura mu mutwe ari nabwo yakoranye n'abahanzi nka Bruce Melodie na Fireman, ni mu gihe Album ya Gatatu yamuciriye inzira kandi yumvikanisha ko yazamuye urwego rwe, ashyira ibihangano bye ku rwego mpuzamahanga. 

Nel Ngabo yatangaje ko gukurira iruhande rwa Knowless, Platini na Tom Close byamufashije gutinyuka ikibuga cy'umuziki

Nel Ngabo yorohewe no gukorana indirimbo na bariya bahanzi bitewe n'uko babarizwa muri Label imwe
Platini yagiriye inama Nel Ngabo yo kudashiturwa n'uko indirimbo ye yakunzwe, ahubwo akwiye guharanira gukora ibintu byinshi

Tom Close yagiriye inama Nel Ngabo yo kubyaza umusaruro amahirwe yose abonye

Knowless yagiriye inama Nel Ngabo yo gukora cyane no kudacika intege 

KANDA HANO UREBE AMASHUSHO Y'IKIGANIRO TWAGIRANYE NA NEL NGABO

 “>

KANDA HANO UREBE AMASHUSHO Y'INDIRIMBO 'NYWE PK24'

 “>

Ni igikorwa cyabaye kuwa Kane tariki 13 Kamena 2024 ku munsi wa 5 w'igiterane ngarukamwaka cyitwa 7 Days of Worship [Iminsi 7 yo kuramya Imana]. Cyabereye mu Mujyi wa Kigali ku Ubumwe Grande Hotel kuva saa Moya z'ijoro. Cyitabiriwe n'abantu bacye bari bahawe ubutumire, gikurikirwa n'ibihumbi n'ibihumbi mu buryo bw'ikoranabuhanga.

Iki giterane cyubakiye mu nsanganyamatsiko ivuga ngo “Make It Known” [Bimenyekane] iboneka muri Habakuki 3:2 “Uwiteka we numvise inkuru zawe zintera ubwoba, Uwiteka we, hembura umurimo wawe hagati yo muri iyi myaka, hagati yo muri iyi myaka ujye uwumenyesha, mu burakari wibuke kubabarira.”

Cyatumiwemo abakozi b'Imana batandukanye barimo Rev. Dr. Antoine Rutayisire, Rev.Ruzibiza Viateur, Rev.Grace Kapswara. Cyatumiwemo kandi abaramyi basizwe amavuta y’Imana barimo Simon Kabera, David Nduwimana, Alex Dusabe, Rene Patrick & Tracy na Precious Stone izwi nka PS akaba ari umutwe w'abaririmbyi ukunzwe cyane mu kuramya no guhimbaza Imana.

Iki giterane cy'iminsi 7 cyakomeje kuri uyu wa Kane, mu mwihariko wo gusangira n'abaramyi ijambo ry'Imana ndetse n'ifunguro rya nimugoroba (Dinner). Ni ibirori byitabiriwe n'abahanzi, abaririmbyi, aba Producer, abanyamakuru, n'abandi banyuranye baba muri Gospel mu buzima buri munsi, bakaba bari batumiwe n'Umubyeyi akaba n'Umushumba Apostle Mignonne.

Muri ibi birori hatangiwemo ibihembo ku bantu batandukanye bakoze ibikorwa by'indashyikirwa muri Gospel!

Apostle Mignonne yavuze ko afite abantu benshi muri iyi myaka 10 itambutse cyangwa imyaka 15 mishya 'banyubatse cyane, dufite b'abandi bagiye batwubaka cyane no mu myaka 25 ishize kandi n'ubu bagikomeza. Ndashimira bamwe bari muri Gospel ariko hari n'abantu babiri hano ndi buze gushimira by'umwihariko numvise mu mutima wanjye ngomba gushimira.'

Apostle Mignonne Kabera yavuze ko imirimo myiza abantu bakora ihora ivuga na nyuma y'uko batakiyikora ndetse n'iyo batakari ku isi y'abazima. Abashimiwe bose hamwe ni 10 ari bo: Aime Uwimana, Gaby Kamanzi, Alex Dusabe, David Nduwimana, Steven Karasira, Guy Badibanga, Theo Bosebabireba, Yvan Ngenzi, Mani Martin na Patrick Nyamitari.

Umushumba, Umubyeyi, Intumwa, Mama w'Amahanga, Umunyabuntu, Umugwaneza, …ni yo mazina akunze kwitwa Apostle Mignonne, ndetse benshi ntibatinya kuvuga ko ari Mama w'u Rwanda mu buryo bw'Umwuka. Yerekanye ko azirikana ndetse akorwa ku mutima n'imirimo y'abaramyi bakoze bitanze cyane kandi bikokoye mu myaka 15 ishize, agenera ishimwe kuri bamwe muri bo

Mu gushimira abahanzi bakoreye Imana neza mu myaka 15 ishize, Apostle Mignonne yahereye kuri Aime Uwimana avuga ko uretse kuba umugisha ku mubiri wa Kristo, 'ntabwo nzibagirwa Women Foundation Ministries itangira'. Yavuze ko uyu muhanzi yagaragaje ubwitange bwo ku rwego rwo hejuru, abafasha gutangiza iyi Minisiteri, kandi yari afite inshingano nyinshi.

Ati 'Nk'umuvandimwe nzi kandi wakoraga umurimo mu buryo budasanzwe, kandi wari ufite inshingano nyinshi, wari ufite n'akazi, usanga abagore bafite iradiyo, kandi bakaba abagore bakunda za ndirimbo [atanga urugero kuri 'Nibebe' ya Rose Muhando], mumbabarire iyo ndirimbo ndayikunda ariko ndashaka kuvuga uko bari bimereye. Aime yaraje aradufasha, ashyiratso itsinda, ashyiraho abaririmbyi, abacuranzi, uyu munsi dufite PS [Precious Stones] ni uko wadufashije.'

Apostle Mignonne UK yavuze ko Aime Uwimana bakunze kwita Bishop yihariye kuko atarobanura idini, akaba ashyigikira abashumba bose b'amatorero anyuranye mu bwitange bwinshi. Ati 'Uyu ntabwo wamubara ngo ni umukristo w'itorero runaka, ni umwubatsi w'Ubwami bw'Imana mu Rwanda, ni umwe mu bubatsi dufite. Ndashaka kugushimira'.

Yahise ahamagara Rev. Alain Numa usanzwe Perezida w'Umuryango All Gospel Today akaba akorera umurimo w'Imana muri Eglise Messianique pour la Guerison des ames au Rwanda iyoborwa na Apostle Sosthen Serukiza. Mu gutebya, yavuze ko iyo bahagararanye hari abibeshya ko Rev Alain Numa ari umuterankunga wa Women Foundation Ministries kubera uburyo asa n’abazungu [Se ni umuzungu w’umubiligi].

Apostle Mignonne yashimiye Aime Uwimana mu izina ry'abashumba, abaramyi, Itorero rya Kristo ndetse no mu izina ry'Umuryango All Gospel Today [AGT] babanamo muri Komite yayo, Aime Uwimana akaba ari umwe mu bajyanama ba AGT. Apostle Mgnonne ati: 'Aradufasha cyane'.

Aime Uwimana, sekuru w’abahanzi ba Gospel mu Rwanda yahawe igihembo na Apostle Mignonne nyuma y’ukwezi kumwe ahawe ikindi gihembo na Chryso Ndasingwa mu gitaramo cyavereye mri BK Arena kuwa 05 Gicurasi 2024, amushimira ku bwo gushyigikira abanyempano batandukaye. Israel Mbonyi ukunzwe cyane muri iyi minsi, agitangira umuziki, yabwiye inyaRwanda ko umuhanzi afatiraho icyitegererezo ‘Role Model’ ari Aime Uwimana.

Apostle Mignonne yahise ahamagara Steven Karasira, umunyamakuru umaze imyaka 19 mu itangazamakuru rya Gikristo, ukorera Radio Umucyo nayo iri kwizihiza isabukuru y'imyaka 19 imaze ibonye izuba dore ko yatangiye kuwa 12 Kamena 2005. Ati 'Uyu ni umusaza mutabona ngo ni muto, amaze gukura ariko ntanduta'.

Apostle Mignonne yakomeje avuga ko Steven yahagararaye nabo ubwo WFM yatangiraga, 'uyu munsi dufite abantu beza benshi urabizi', mu gihe ubwo batangiraga ivugabutumwa nta shusho byari byagafashe ariko muri Gospel. Ati 'Uri mu bantu badufashije cyane nk'umunyamakuru. Mumfashe dushimire Imana cyane ku bw'uyu muntu. Imana iguhe umugisha.'

Yageze kuri Gaby Kamanzi wamamaye mu ndirimbo 'Amahoro', avuga ko 'Gaby ntakunda amatiku, iyo abonye ahantu hari amatiku arakwepa, ntakunda ibibazo'. Yavuze ko Gaby afite umutima mwiza kugera aho ananirwa guhakanira abantu iyo bagize icyo bamusaba cyangwa bamutumiramo ariko we ntabyiyumvemo, akababaza ibibazo byinshi bigamije gusobanuza neza, akenshi bikarangira abemereye, ati 'Imana iguhe umugisha'.

Apostle Mignonne yashimiye Theo Bosebabireba ufatwa nka nimero ya mbere mu Karere mu bakora umuziki wa Gospel bakunzwe cyane, anahishura ko hari umunsi baganiriye amusaba kugaruka mu murimo w'Imana. Mu 2018 ni bwo Theo Bosebabireba yahagaritswe na ADEPR azira imyitwarire mibi, amara imyaka 4 atemerewe kuririmba muri iri Torero no kujya ku Igaburo Ryera.

Nubwo yatenzwe, ntabwo yari yarinangiye ahubwo byatewe n'Abayobozi ba ADEPR bateranaga umupira ku kibazo cye. Theo yasabye imbabazi inshuro nyinshi, akazihabwa ku mudugudu we, anitabira icyumba cy'amasengesho ariko uwari Umuvugizi Wungirije Rev Karangwa John yanga kuzimuha. Byashavuje cyane Theo, ariko akomeza kwinginga Imana. Mu mpera za 2022 ni bwo yahawe imbabazi ku buyobozi bwa Rev Isaie Ndayizeye.

Apostle Mignonne ati 'Hari umunsi twaganiriye ndamubwira nti 'Theo igarukire, tugume muri ubu bwami dukorere Imana'. Ndashimira Imana ko agira umutima umenetse, Theo ntabwo ajya ahakana ibyaha bye, ashobora no kukubwira ati 'ahubwo byarakomeye nyuma ya cya gihe, hiyongeraho n'ibindi mushumba', ariko Theo akagira umutima wa Zahabu'.

Yavuze ko Theo Bosebabireba ari umuririmbyi ufasha abantu bose, ubarizwa muri ADEPR. Avuga ko bimwe mu bintu byamushimishije ni ukumva ko Theo yasubiye ku Igaburo ryera icyo gihe, kuko yakumburaga cyane ameza y'Umwami. Yongeyeho ati: 'ntabwo wakumbura ameza y'Umwami utari umukristo. Imana iguhe umugisha'.

Yatanze urugero ku murimo ukomeye Theo Bosebabireba akora, avuga ko hari ibiterane binini bijya bibera mu Rwanda, bikitabirwa n'abagera ku bihumbi 100 ariko nta munyamamerika wabitegura adafite Theo. Urugero rwa hafi rw'ibyo yaririmbyemo ni ibyateguwe na 'A Light to The Nations' iyoborwa ku Isi na Ev. Dr. Dana Morey naho muri Afrika ikayoborwa na Pastor Dr. Ian Tumusime, byabereye mu Ntara y'Iburasirazuba mu 2023 na 2024, bikitabirwa n'imbaga.

Mu bandi Apostle Mignonne yashimiye harimo na Alex Dusabe umwe mu nkingi zikomeye mu muziki wa Gospel mu Rwanda. Ati 'Reka mbabwire ikintu yakoze, niba warakinesheje ubwo nta kibazo, ariko niba utarakinesheje uze kumukomera mu mashyi. Ndabyibuka twajyaga tujya mu bitaramo bya Alex Dusabe kuva kera, tujya mu by'abantu benshi, kandi ni byo koko ni abo kubahwa;

Hanyuma umunsi umwe aratubwira ati 'Ibitaramo byanjye abantu bose babizamo ni ubuntu,..ndabitegura ku buntu, ndashaka ko abantu bakizwa. Kubitegura ku buntu si uko ibintu ari iby'ubuntu, urabitegura, bikakuvuna, ariko ndashaka ko hatagira umuntu bizagora' '.

Apostle Mignonne yavuze ko hari kera ariko na n'uyu munsi arabyibuka kandi bikamukora ku mutima. Yavuze ko Alex Dusabe ari umukristo watanze umusanzu ku mubiri wa Kisto, ati 'Waratwubatse cyane,,..indirimbo Imana yaguhaye zifasha bose. Imana rero iguhe umugisha cyane.' Alex Dusabe wari uri kumwe n'umugore we, yahise ashyikirizwa igihembo cye.

Undi washimiwe ni umutaramyi Ivan Ngenzi [Ngenzi y'Intore] wahawe igihembo ku bwo guharurira inzira abahanzi bakora injyana Gakondo barimo Josh Ishimwe ugezweho cyane muri iyi minsi. Apostle Mignonne yavuze ko kuba aba bahanzi muri Gakondo bari gukora neza ni uko uyu Ngenzi y'Intore yabaharuriye inzira. Ati 'Turashimira Imana cyane nubwo hari abandi benshi bari mu mujyi no mu byaro tutamenye ariko byibura abahagararire. '

Apostle Mignonne yashimiye kandi Guy Badibanga wamamaye mu guhimbaza Imana mu ndirimbo ziri mu mudiho ukoreshwa cyane muri DRC, akaba ari inshuti y'akadasohoka ya Aime Uwimana kuko aho wabonaga umwe, byanze bikunze n'undi yababa ari hafi aho. Guy Badibanga yamamaye mu ndirimbo 'Shangiliyeni Bwani' ndetse n'iyo yakoranye na Aime Uwimana yitwa 'Nditabye Yesu'.

Yavuze ko Guy Badibanga ashobora kuba yaragize ibibazo byo kuririmbira abanyarwanda 'kubera ko tutari duhuje umuco', ati 'Sinzi ko mubyumva, byari bigoye nko kuva i Lubumbashi cyangwa se i Kinshasa, ukabwiriza/ukaririmba imbere y'umuntu w'i Kamembe, akabanza akakureba gutya agasanga ntiwuzuye, indirimbo itarasohoka. Ndashimira Imana cyane yabahaye kwihangana'.

Yanashimiye David Nduwimana waturutse muri Australia ariko akaba ari Umurundi, avuga ko uko yamubonye muri 2011 ari ko akimeze na n'uyu munsi. Uyu muramyi ari mu bamuziki bakomeye ku Isi. Niwe utera indirimbo y'igihugu cya Australia mu mikino ikomeye ya Rugby. Yavuye mu Burundi mu 2013, ajya muri Australia nta muntu aziyo, akomeza umuziki ndetse ubuzima bumuryohera nk'ubuki kubera ubuhanga bwe mu muziki.

Apostle Mignonne yavuze ko hari abandi bantu babiri akunda cyane kabone nubwo baba bo batabizi, 'ni abantu baduhesheje umugisha'. Ati 'Ubu ntabwo wenda baririmbira muri Gospel ariko indirimbo zabo ntizapfuye', abo ni Mani Martin ndetse na Patrick Nyamitari.

Yahamagaye Mani Martiin ati 'urabizi ko ngukunda cyane', asaba iteraniro kuririmba indirimbo ye aririmbamo 'nkumbuye kuzarebana na Yesu tutagitandukana, nkumbuye kumva indirimbo Yera, nkumbuye kuba mu gitaramo, nkumbuye indirimbo ya Mose n'iy'Umwana w'Imana'.

Yashimye ko Imana ariyo yahaye Mani Martin agakiza, 'nta muntu wakaguhaye', Ati 'Icyo ni cyo nkundira Imana, tugahawe n'abantu bakatwambura, …ndashaka kukubwira ko Imana yaguhaye agakiza ni ya yindi, Imana yaguhaye indirimbo, ikayiguha mu ijoro rimwe, ikayiguha cya gihe iracyari ya yindi'.

Apostle Mignonne yavuze ko abanyempano bashobora gupfa ariko indirimbo zabo ntizipfa ati 'Apostle Mignonne nubwo atarapfa ariko hari igihe azataha, si ubu wenda, Imana imbabarire izantware mu bazazamukana n'Itorero [Yesu agarutse], ariko ibyo twatanze ntabwo bizapfa.

Ndashaka gushimira Imana y'uko Martin ariho, hari abantu bamukunda batabimubwiye, bamukunda bari bonyine, njya numva indirimbo za Martin iyo ndi kumusengera nzamura indirimbo ye nkavuga nti 'Mana umwibuke kandi umusure'. Numvise nshaka kugushimira umurimo wakoze n'indirimbo, Imana iguhe umugisha.'

Apostle Mignonne yagarutse no kuri Patrick Nyamitari. Iteraniro ryose ryahise rimwakiriza indirimbo ye 'Messiah' yakunzwe mu buryo bukomeye. Nawe yahise abiyungaho, bafatanya kuririmba, bati: 'Uri Kristo uri Messaih, uri umwana w'Imana. Nta wundi nakwirukira ni wowe ufte amagambo y'ubugingho.' Apostle Mignonne ati 'Indirimbo zabo zirasizwe n'iyi saha, uraziririmba ukumva sinzi ukuntu bimeze, amavuta si ikintu'.

Yakomeje kuvuga ku bigwi bya Patrick Nyamitari wakunzwe bihebuje muri Gospel mu myaka ya kera, ariko nyuma akaza kujya mu muziki usanzwe, ati 'Ni bande bibuka y'uko amagufwa ya Elisa ngo bayatayeho umuntu wapfuye arangije arazuka'?. Turabakunda Patrick, uri imfura, uri umuntu muzima kandi warakoze gukunda Imana ariko ni nayo yagukunze mbere. Ndabizi ko uzambwira twicaranye umbwire uko mwahuye.'

Yavuze ko byari ibihe bigoye ubwo aba bahanzi yashimiye baririmbaga izi ndirimbo zabo zamamaye, ati 'Bamwe bari bato, abandi bari ibisenzegeri, abandi barabuze ababyeyi babo, bamwe amateka yakomeje kubakamura', ariko bashora imizi mu gukorera Imana bibavuye ku ndiba y'umutima, basana imitima y'abanyarwanda benshi bari bari mu bihe bigoye cyane nyuma ya Jenoside yakorewe Abatutsi.

Apostle Mignonne yagize ati 'Byari ibihe bigoye cyane kwisanga nyuma ya Jenoside yakorewe Abatutsi muri Mata 1994. Ibyashoboraga kuba byasubiza umuntu inyuma byari byinshi, ni ubuntu bw'Imana kuba tukibirimo, ubwo buntu bw'Imana nibwo buzongera bugakora ibikomeye. Turabakunda aho muri hose mujye mumenya ko tubakunda.'

Yakomoje ku nkuru y'umwana w'ikirara yo muri Bibiliya ivuga ko ubwo uwo mwana yari agarutse mu rugo, se yakoresheje ibirori bikomeye anabaga ikimasa. Yakoresheje iyi nkuru mu kumvikanisha ko kubona aba bahanzi mu nzu y'Imana bakoreyemo umurimo ukomeye ari inkuru iryoshye kurusha ubuki, bikaba byaba akarusho bagarutse burundu. Ati 'Hari urugo muvamo, ariko uru rugo rwa Kristo rurabakunda cyane, Imana ibahe umugisha'.

Patrick Nyamitari wamamaye mu ndirimbo 'Ni we Messiah', 'Uri Imana' n'izindi, yananiwe kwiyumanganya ashimira cyane Apostle Mignonne, avuga ko ari umubyeyi ndetse akaba amufata nka Mama w'igihugu mu buryo bw'Umwuka. Yavuze ko ibihembo bahawe, bigaragaza ko Imana yahaye Apostle Mignonne kuba umuntu udasanzwe, 'ni ibintu bikora cyane ku mutima'.

Yagize ati 'Uyu mubyeyi benshi tumubona ku mbuga nkoranyambaga, ariko ni Mama w'igihugu mu buryo bw'Umwuka, ni we Imana yatanze ku gihugu kugira ngo akore muri iki gihe. Adukoraho aho turi hose, tukumva hari ukumurikirwa mu buryo bw'Umwuka kumuturutseho,

Noneho ibi nabyo biri mu bintu bigaragaza ko Imana yamuhaye kuba umuntu udasanzwe, ni ibintu bikora cyane ku mutima. Iyo ntaza kuhaba nari kuba mpombye cyane, mu buryo bw'Umwuka hari ikintu kiba kibaye, Imana imuhe umugisha cyane, uri umubyeyi.'

Yavuze ko atava imbere y'iteraniro atavuze ku bantu batumye akunda kuririmbira Imana, dore ko ari ho yatangiriye umuziki, abo akaba ari Aime Uwimana, Alex Dusabe na Gaby Kamanzi. Ati 'Nshobora kuba ntarabibabwiye ariko twakuriye ku biganza bya Aime Uwimana, ibiganza bya Alex Dusabe, ni abantu warebaga kuri Televiziyo ukavuga uti 'nanjye ndashaka kuvuga muri njye hakavamo nka biriya' '.

Patrick Nyamitari yahise aririmba indirimbo 'Nta kindi kimbeshejeho' ya Aime Uwimana FT Gaby Kamanzi, baririmbamo bati 'Nta kindi kimbeshyejeho, ni urukundo rwawe Yesu, ni imbabazi zawe…' Abahawe ibihembo bose bafatanyije na Aime Uwimana kuririmba iyi ndirimbo yamamaye cyane mu Rwanda mu muziki wo kuramya no guhimbaza Imana.

Abanyamuziki 10 bashimiwe na Apostle Mignonne banarimbanye indirimbo 'Umuyoboro' ya Alex Dusabe ndetse n'indirimbo ya Richard Nic Ngendahayo yatewe na Gaby Kamanzi wabaga no mu baririmbyi bafashaga uyu Ngendahayo mu ndirimbo zitandukanye.

Apostle Mignonne yikije ku nsanganyamatsiko y'iki giterane ari yo 'Make It Known' [Bimenyekane], mu ijwi rirangurura kandi ryuje ubuhanuzi, ati 'Reka bimenyekane ko mu Rwanda dufite abaramyi badasanzwe. Babyukanye imbaraga, babyukanye ubushobozi.'

Nyuma yo gusangira ijambo ry'Imana n'ifunguro rya ninjoro mu mugoroba waanzwe n'amashmwe asendereye ku Mana ku bwa nyinshi yakoresheje abaramyi baharuriye nzira abariho ubu nabo bakunzwe, Theo Bosebabireba yahawe akanya gato aririmba indirimbo zitandukanye zirimo bacinyira Imana umudiho, abitabiriye bose bataha batabishaka.

Apostle Mignonne Kabera ashimirwa na benshi umutima mwiza agira

Apotre Mignonne Kabera ni umubyeyi w'abana batatu yabyaranye n'umugabo we Eric Kabera, ndetse afite abandi benshi mu buryo bw'Umwuka. Ni we watangije umuryango witwa Women Foundation Ministries n'urusengero rwitwa Nobel Family Church. Yavukiye i Burundi aranahakurira kuko ari ho ababyeyi be bari barahungiye.

Ni umunyarwandakazi ufite izina rikomeye muri Afrika mu Iyobokamana, akaba umwe mu bagore bimitswe nka Apostle bwa mbere mu Rwanda. Ni we washinze kandi akaba n’umuyobozi wa Noble Family Church ariko azwi cyane nk’uwashinze akaba n'Umuyobozi wa Women Foundation Ministries ihuriza hamwe abaturuka mu matorero atandukanye.

Women Foundation Ministries ni umuryango mpuzamahanga udaharanira inyungu, washinzwe n'Intumwa Alice Mignone Kabera Umunezero mu mwaka wa 2006 ndetse kugeza uyu munsi akaba ari we uwuyoboye. Uyu muryango uzwi mu bikorwa bitandukanye bishingiye ku myemerere birimo kubaka umuryango nyarwanda binyuze mu mugore.

Mu bihembo amaze guhabwa harimo igihembo cya Sifa Reward ku bw'ibikorwa byimpuhwe, ategura buri mwaka bizwi nka “Thanksgiving'. Ategura ibiterane byinshi buri mwaka bigamije kogera ubushobozi bw'umugore muri sosiyete yu Rwanda, nka “Abagore Bose Hamwe” [All Women Together] mu nsanganyamatsiko ivuga ngo 'Kuva mu gutsikamirwa tujya mu butsinzi'.

Igiterane cy'umwaka ushize cya All Women Together, cyatumye aca agahigo ko kuba Umupasiteri wa mbere wateguye igikorwa gikomeye kikitabirwa na Madamu Jeanette Kagame. Cyabereye muri Kigali Conventional Center, cyitabirwa n'abarimo umuramyi w'icyamamare Sinach wo muri Nigera ufatwa nk'umuhanzikazi wa mbere ku Isi mu muziki wa Gospel.

Apostle Mignonne afite kandi igihembo cya Groove Award Rwanda yahawe kubera uruhare runini yagize mu muziki wa Gospel n’itangazamakuru. Uretse gushyigikira abahanzi, ni inshuti y'urubyiruko rurimo n'ibyamamare kugeza aho benshi bayoboka WFM yatangije, muri abo harimo Miss Rwanda 2020 Ishimwe Naomie, Miss Queen Kalimpinya, Ntarindwa Diogène (Atome), Kate Bashabe, Billy Irakoze uzwi cyane muri sinema n'abandi.

Alex Dusabe hamwe n’umugore we ubwo bakiraga igihembo bahawe na Apostle Mignonne

Theo Bosebabireba yanyuzwe cyane n’igihembo yahawe

Patrick Nyamitari yashimye cyane Apostle Mignonne, avuga ko ari umubyeyi w’igihugu mu buryo b’Umwuka

Theo Bosebabireba yakozweho cyane n’igihembo yahawe n’Umubyeyi Apostle Mignonne, ashaka no kurira ariko ariyumanganya amarira ye y’ibyishimo atemba ajya mu nda

Gaby Kamanzi yanezerewe ubwo yahuraga na Mani Martin akibuka ibihe byiza bagiriye mu nzu y’imana

Apostle Mignonne yavuze ko akunda cyane Mani Martin ku bw’imbuto nziza yabibye mu murimo w’Imana

Guy Badibanga ari mu baramyi b’aba Legends bashimiwe na Apostle Mignonne

Bishop Aime Uwimana afatwa nka Sekuru w’abahanzi ba Gospel mu Rwanda

Apostle Mignonne aramukanya na Bishop Aime Uwimana umubyeyi w’abaramyi bo mu Rwanda 

Steven Karasira hamwe na Mani Martin bakoranye umurimo w’Imana mu myaka ya kera

Fabrice Nzeyimana ni umwe mu bigishije ijambo ry’Imana muri uyu mugoroba udasanzwe

Gaby Kamanzi yashimiwe ku bw’umurimo w’Imana akora mu kwitanga kwinshi kuva mu myaka 15 ishize

Ngenzi w’Intore yashimiwe ku bwo guharurira inzira abahimbaza Imana mu njyana Gakondo

Apostle Mignonne yashimiye abahanzi anabibutsa ko ibihangano byabo bizahoraho bivuga ubutumwa bwiza

David Nduwimana ari mu baramyi bakomeye mu Karere kandi barambye mu muziki

Theo Bosebabireba byamurenze kumva ko yagenewe igihembo na Apostle Mignonne

Baririmbye indirimbo ya buri muhanzi wahawe igihembo biryohera cyane iteraniro ryose

Jesca Mucyowera, umuhanzikazi wo guhangwa amaso muri iki gihe kubera ubutunzi buhambaye buri muri we yitabiriye ibi birori byashimiwemo bakuru be mu muziki wa Gospel

Abaramyi Bosco Nshuti, Arsene Tuyi na Daniel Svensson bari mu bitabiriye ibi birori

Nta rungu mu birori byayobowe na kizigenza Tracy Agasaro umunyamakuru wa RBA akaba n’umuramyi uririmbana n’umugabo we mu itsinda Rene & Tracy

Umuramyi Confi ushobora kuba ariwe wa mbere mu Rwanda uzi gusirimba cyane yitabiriye ibirori byashimiwemo bakuru be mu muziki

Prosper Nkomezi uherutse gukora igitaramo cy’amateka muri Camp Kigali ni umwe mu bitabiriye iki giterane kidasanzwe cya Women Foundation Ministries

Apostle Mignonne akomeje kwerekwa urukundo rwinshi yaba mu Rwanda, Amerika n’i Burayi, bitewe ahanini n’ibikorwa bye bivuga byiganjemo iby’ubugiraneza

Byatangajwe na Perezida wa Komisiyo y'Igihugu y'Amatora (NEC), Oda Gasinzigwa kuri uyu wa Gatanu tariki 14 Kamena 2024, mu kiganiro cyatambutse imbona nkubone kuri Televiziyo Rwanda, ni nyuma y'uko ku wa 6 Kamena 2024, hasohotse urutonde rw'agateganyo.

Iyi Lisite ntakuka yatangajwe hashingiwe ku Itegeko Nshinga rya Repubulika y'u Rwanda mu ngingo yaryo ya 99 iteganya ibisabwa Umukandida ku mwanya wa Perezida wa Repubulika;

Hashingiwe na none ku Itegeko Ngenga N° 001/2019.OL ryo ku wa 29/07/2019 rigenga amatora nk'uko ryavuguruwe, mu ngingo zaryo iya 73, iya 74, iya 75, iya 81, iya 82, iya 83, iya 84, iya 85, iya 86 n'iya 88;

Hanashingiwe kandi ku Mabwiriza ya Komisiyo y'Igihugu y'Amatora N˚ 001/24 yo ku wa 19/02/2024 agenga amatora ya Perezida wa Repubulika n'ay'Abadepite yo mu mwaka wa 2024 mu ngingo zayo, iya 62, iya 63 n'iya 64.

Komisiyo y’Igihugu y’Amatora (NEC) yatangaje ko Kagame Paul, Frank Habineza na Mpayimana Philippe bujuje ibisabwa mu guhatanira kuyobora u Rwanda

Amakipe y’igihugu y’u Rwanda mu batarengeje inmyaka 18 abahungu n’abakobwa muri Basketball yatsindiwe ku mukino wa nyuma n’aya Uganda ahita abona itike AfroBasket izabera muri Afurika y’Epfo.

Kuva tariki ya 9 aya makipe y’u Rwanda ari muri Uganda aho yitabiriye iyi mikino ya Zone V mu rwego rwo gushaka itike ya AfroBasket.

Amakipe yombi y’u Rwanda yageze ku mukino wa nyuma akaba yahuye n’aya Uganda hose aratsindwa. Uganda mu bakobwa yatsize u Rwanda amanota 82-52.

Umukino wa nyuma mu bahungu ukaba wahuje Uganda yari imbere y’abafana ba yo ndetse n’u Rwanda. Abasore b’u Rwanda bakaba babanje kugorwa no kumenyera abafana.

Uganda yatangiye umukino iri imbere y’u Rwanda ndetse iza no kugera aho ishyiramo amanota 5 y’ikinyuranyo, gusa abahungu b’u Rwanda baje kugabanya aya manota maze agace ka mbere karangira Uganda iri imbere n’amanota 19-17.

Abahungu b’u Rwanda bagize agace ka kabiri keza cyane aho baje gukuramo iki kinyuranyo ndetse bashyiramo n’andi manota aho yagatsinze amanota 17-10 ya Uganda. Amakipe yagiye kuruhuka ari 34 y’u Rwanda kuri 29 ya Uganda.

Nk’imikino yagiye ibanza, u Rwanda rwagiye rugorwa cyane n’agace ka gatatu n’uyu munsi niko byagenze. Mu gace ka gatatu Uganda yaje gukuramo aya manota y’ikinyuranyo itsinda aka gace ku manota 22-16 y’u Rwanda.

Iminota ya mbere y’agace ka kane u Rwanda rwagakinnye neza aho mu minota itanu ya mbere babifashijwemo na Chritsian Iranzi na Kayijuaka rwari rwamaze gukuramo inota rimwe rwarushwaga bashyizemo andi 4.

U Rwanda ntabwo rworohewe n’iminota 4 ya nyuma kuko rwari rwamaze kuzuza amakosa, byatumye aya manota yose Uganda iyakuramo.

U Rwanda rwaje gutakaza umukino mu masegonda 50 ya nyuma aho Rwanganyaga na Uganda 62-62 ariko Uganda igahita itsindamo amanota 4. Byaje kurangira u Rwanda rutakaje uyu mukino ku manota 69-68.

Abakobwa batsinzwe na Uganda ku mukino wa nyuma

Abakobwa begukanye umwanya wa 2

Abahungu na bo batsinzwe na Uganda