Author: webrwanda

Mu bihe bitandukanye Uncle Austin yafashije impano z'abahanzi bakomeye muri iki gihe barimo nka Marina, ndetse yisunze ibitangazamakuru yagiye akorera yagize uruhare mu gutuma ibihangano by'abarimo Bruce Melodie, Meddy, The Ben n'abandi byumvikana igihe kinini. Ni nawe wamuritse impano ya nyakwigendera Yvan Buravan.

Phil Emon yabwiye InyaRwanda ko mu 2021 yifashishije konti ye ya Instagram yandikiye Uncle Austin amusaba kumva indirimbo ze yari amaze iminsi micye ashyize hanze, ariko ntiyasubijwe bituma akomeza kugerageza kwirwanaho mu muziki.

Yavuze ko kuva ubwo yakomeje gukora indirimbo nk'ibisanzwe, ariko yisunze konti ye ya Tik Tok yafashe amajwi y'agace k'indirimbo ye yise 'Amasomo' agasangiza abantu, ubundi karakundwa cyane bituma yiyemeza no kubishyira kuri Youtube ye.

Uyu muhanzi avuga ko mu bakunze iriya ndirimbo barimo na Uncle Austin, wahise amwandikira amusaba ko bayikorana bayisubiyemo, inzozi ziba impamo kuri we kuko yari amaze igihe kinini yifuza gushyigikirwa n'uyu muhanzi usanzwe ari n'umunyamakuru wa Kiss Fm.

Ati 'Indirimbo 'Amasomo' yavuye ku mashusho mato nifashe nkashyira kuri 'Tiktok' abantu baragakunda ari benshi mpitamo kuyikorera 'Record' ariko nkayigira ngufi ni cyo cyari igitekerezo cyayo.

Akomeza ati 'Austin rero yaje kubona ubutumwa nari naramwandikiye muri 2021 musaba kumva umuziki wanjye aba ari bwo aboneraho no kumva indirimbo nshya, yaje kunyaka numero yanjye kuri instagram arampamagara ampa igitekerezo cy'uko twayisubiranamo.' 

Phil Emon avuga ko kuba Uncle Austin yaramusabye ko basubiranamo iyi ndirimbo, byamuhaye icyizere cy'uko urugendo rwe rw'umuziki rushoboka.

Yavuze ko imyaka itatu yari ishize ari mu muziki, ariko ibihangano bye bitamenyekana, ku buryo gukorana na Uncle Austin byabaye amata abyaye amavuta.

Ati 'Impamvu nayisubiranyemo na Austin, ni umuhanzi w’umuhanga kandi iyo wumvise iriya ndirimbo neza wumva ko koko ijwi rye ari amahitamo meza ku gihangano. Austin ni umuhanzi mfata nk’umunyabigwi mu muziki nyarwanda. Namwigiyeho gushyira ubumuntu imbere mu byo ukora byose.'

Uyu musore yavukiye mu karere ka Nyanza mu Majyepfo y'u Rwanda ari naho yigiye amashuri ye yisumbuye, mbere y'uko we n'umuryango we bimukira i Kigali.

Avuga ko yakuze yiyumvamo umuziki, ku buryo yakunze kuririmbira abantu batandukanye no kwandika indirimbo bigatuma abantu bamubwira ko afite impano. Ati 'Nahisemo gukora umuziki kuko nakuze ari byo bintu nkunda kandi mbonamo icyerecyezo cyanjye.'

Yasobanuye ko imyaka itatu yari ishize atarafatisha mu kibuga cy'umuziki, ahanini bitewe n'uko yabanje gushyira imbaraga mu bijyanye n'amajwi (Audio) 'bigatuma indirimbo zitagera ku bantu benshi kubera ko ntazihaga amashusho, uzumvise wese akazikunda ariko ntizijye ahabona cyane.'

Mu ntego afite, harimo gukora umuziki uzatuma ahagararira u Rwanda ndetse n'Afurika muri rusange. Kandi yumvikanisha ko afite benshi afatiraho urugero.

Mu myaka itatu ishize ni bwo uyu muhanzi yashyize hanze indirimbo ye ya mbere yise ‘Ring’ akomereza ku ndirimbo ‘Woow’, ‘Oooh’, ‘Love’, ‘Listen’, ‘You’ ndetse na ‘I’m Good’.

Iyi ndirimbo 'Amasomo' yasubiyemo afatanyije na Uncle Austin imaze iminsi itambuka ku bitangazamakuru bitandukanye, ibintu Phil Emon asobanura ko gukorana nawe byamuciriye inzira mu rugendo rwe rw'umuziki yifuza kugeza kure.

 

Phil Emon yatangaje ko gukorana indirimbo na Uncle Austin byongeye kumwubakamo icyizere cy'urugendo rwe mu muziki

Uncle Austin yatangaje ko yiyemeje gushyigikira impano ya Phil Emon kubera ibihangano bye yumvise

Phil Emon yatangaje ko mu 2021 yari yandikiye Uncle Austin amusaba ko bakorana ariko ntibyakunda

KANDA HANO WUMVE INDIRIMBO 'AMASOMO' YA UNCLE AUSTIN NA PHILEMON

KANDA HANO WUMVE INDIRIMBO ‘LISTEN’ YA PHIL EMON

“>
KANDA HANO WUMVE INDIRIMBO ‘RING’ YA PHIL EMON

“>

Uru rugendo rwatangiye mu myaka yo hambere ruracyakomeje ndetse rwanahawe umwihariko muri gahunda y'Igihugu yo kwihutisha Iterambere (NST1) yashyizwe mu bikorwa hagati ya 2017-2024.

Kugeza ubu hari abamaze gusogongera ku buryohe bwo gutuzwa mu midugudu y'Icyitegererezo ndetse bagaragaza ko byabahinduriye ubuzima.

Mu bijyanye n'iterambere ry'imijyi n'imiturire, Leta y'u Rwanda yari yihaye intego yo gutuza neza Abanyarwanda ku buryo imiryango 205.488 yimurwa aho ituye mu tujagari mu gihe igera ku 10.209 izimurwa mu manegeka.

Imbaraga Leta yashyize mu gutuza neza abaturage hagamijwe kubavana mu manegeka, zafashije kugabanya ubutaka buturwaho ndetse no koroherwa no kubagezaho ibikorwaremezo nk'imihanda, amashanyarazi, amavuriro n'amashuri, amazi, amasoko n'ibindi.

Abamaze kumva icyanga cyo gutura hamwe bashima ko batakirara bashikagurika, bikanga abajura cyangwa ko inzu zabagwa hejuru kubera ibiza n'andi masanganya.

Abatuye mu bice bitandukanye bagaragaza ko ubuyobozi bw'u Rwanda bwabazirikanye ndetse bugatuma bongera kumwenyura.

Ababigarukaho biganjemo abatujwe mu nzu zigezweho zo mu midugudu y'icyitegererezo yubatswe mu turere hafi ya twose tw'u Rwanda, aho inyinshi muri zo zifite ibyumba bibiri, uruganiriro, ubwogero n'ubwiherero, igikoni, gaz yo gutekesha na televiziyo kandi buri nzu ifite amazi n'umuriro.

Abaturage benshi bazitujwemo bavuga ko baryohewe n'ibyiza babonye nyuma yo kuvanwa aho bari batuye bakajyanwa gutuzwa mu midugudu, ndetse bagahuriza ku kuba ubuzima bwabo bwarahindutse cyane.

Imidugudu y'icyitegererezo imaze kuba ikimenyabose nk'igikorwa gitahwa buri mwaka, ndetse mu bihe byo Kwibohora hatahwa iba yarubatswe mu bice bitandukanye.

Iyubatswe ikanatahwa irimo uwa Rweru mu Karere ka Bugesera, uwa Horezo w'i Muhanga, uwa Karama uherereye mu Mujyi wa Kigali, uwa Shyira uri i Nyabihu, uwa Gishuro wubatswe mu Karere ka Nyagatare, uwa Kinigi uri mu Karere ka Musanze n'uwa Muhira uherereye mu Rugerero mu Karere ka Rubavu mu 2023.

Ni igikorwa gifatwa nk'umunsi mukuru kuko iyi midugudu itahwa n'abayobozi bakuru b'igihugu mu kwereka abaturage ko babari hafi kandi babashyigikiye.

Nko ku wa 3 Nyakanga 2019, Perezida Kagame yatashye Umugudugu w'Icyitegererezo wa Karama, uherereye mu Murenge wa Kigali mu Karere ka Nyarugenge, watujwemo imiryango 240 yari ituye mu manegeka mu Murenge wa Kigali ku musozi wa Mont Kigali.

Mu yindi yatashye harimo uwa Gishuro wubatse mu Murenge wa Tabagwe i Nyagatare mu 2022. Mbere yaho yatashye uwa Karama, Gishuro, Horezo na Shyira yatashywe mu 2017.

Mu butumwa Perezida Kagame yakunze gutanga ubwo yatahaga iyi midugudu, yitsaga ku kuba ibi bikorwa byubatswe byerekana ko nyuma y'ubutegetsi bubi igihugu cyagize, ko ubu Abanyarwanda banganya uburenganzira ku gihugu cyabo.

—  Amanegeka, ibiza, utujagari, byasembuye igitekerezo cyo kubaka imidugudu

Nyuma y'uko Abanyarwanda bagiye bahura n'ibibazo bikomeye byagiye biterwa n'ibiza bamwe bakanahasiga ubuzima, Leta yashyize gahunda y'iterambere ry'imijyi n'imiturire mu zihariye zigomba kwitabwaho mu myaka irindwi ishize, n'ubwo icyorezo cya COVID-19 cyayikomye mu nkokora.

Guverinoma y'u Rwanda yakoze uko ishoboye ishakira ibisubizo bamwe mu Banyarwanda bari batuye mu manegeka kurusha abandi, aho imiryango isaga ibihumbi 17 yimuwe, ubu ikaba itengamaye mu midugudu y'icyitegererezo hirya no hino mu gihugu.

Nko mu 2018, Igihugu cyahombye miliyari 204 Frw kubera ibiza byanahitanye abantu 234, biganjemo abatuye mu manegeka, abandi 268 barakomereka.

Mu 2023, Uturere two mu Ntara y'Iburengerazuba n'Amajyaruguru twibasiwe n'ibiza bihitana ubuzima bw'abarenga 130.

Ibi byarushijeho gukangura ubuyobozi bw'u Rwanda mu rugendo rwo gukomeza gutuza neza abaturage ahadashobora gushyira ubuzima bwabo mu kaga.

Ibarura Rusange ry'Abaturage ryo mu 2022 rigaragaza ko Abanyarwanda 65% batuye mu midugudu. Mu myaka irindwi ishize hubatswe imidugudu 87, ituzwamo imiryango irenga ibihumbi 17.

Kuri ubu u Rwanda rufite imidugudu y'icyitegererezo isaga 250 aho yiyongereye cyane mu myaka irindwi ishize ishize aho yavuye ku 165 mu 2016, yongerwaho ikabakaba mu 100.

Ubwo Perezida Kagame yasuraga Umudugudu wa Horezo mu 2018

Ubwo Perezida Kagame yageraga mu Mudugudu wa Horezo

Umudugudu wa Karama watashywe mu 2019

Aha Perezida Kagame yasobanurirwaga ibindi bikorwa byubatswe n'ingabo z'u Rwanda

Inzu zubatswe muri uyu mudugudu mu buryo bwa ‘4 in 1’

Ni umudugudu ufite ibikorwa remezo by'ibanze byose

Buri muryango wahawe gaz n’amashyiga awubafasha gucana mu buryo butangiza ikirere

Buri nzu yashyizwemo ibikoresho by’ibanze nk’intebe ndetse na televiziyo

Aha ni mu ruganiriro

Mu cyumba cy'abana ni uku hameze

Izi nzu zifite ubwogero n'ubwiherero byo mu nzu imbere

Iki ni icyumba cy'ababyeyi

Bimwe mu bice bigize Umudugudu wa Gishuro

Uyu mudugudu wubatswe i Tabagwe mu Karere ka Nyagatare

Uyu mudugudu wahawe ibikorwaremezo byose bikenewe

Izi nzu zubatswe neza, mu buryo bujyanye n’igihe

Ubuzima mu Kinigi bwarahindutse

Ku Munini bahawe Umudugudu ugezweho

Umudugudu wa Rugerero watujwemo abimuwe mu bice bitandukanye

Iyo uri mu muhanda Kigali – Rubavu ubona icyapa kikuyobora kuri uyu Mudugudu w’Icyitegererezo

Uyu mudugudu ugizwe n’inyubako zizaba zitanga ubwisanzure ku baturage batishoboye n’abari batuye mu manegeka

Uyu mudugudu wahawe umuhanda wa kaburimbo uwuzenguruka, icyakora nturarangira kubakwa

Umudugudu wa Munini uri mu Karere ka Nyaruguru wahinduye byinshi

Uyu mudugudu w’icyitegererezo wa Munini wubakiwe imiryango itishoboye

Uyu mudugudu wagenewe imiryango 48 igizwe n'abantu 164 barimo abari bamaze igihe basembera abatagira aho kuba, abafite amacumbi ashaje n'abari batuye mu manegeka

Urugo mbonezamikurire y’abana rwa Munini rufite ibice bitandukanye

Urugo mbonezamikurire y’abana rwa Munini rwakira abagera 90

Urugo mbonezamikurire y’abana bato rwa Munini rwitezweho kurandura imirire mibi mu bana bato

Urugo mbonezamikurire rwubakiwe abana b’imiryango yatujwe mu mudugudu n’abaturanyi bayo

Urugo Mbonezamikurire rwa Munini rwitezweho umusaruro mwiza

Umwe mu bana bo mu rugo mbonezamikurire rwa Munini

Mu rugo mbonezamikurire y’abana rwa Munini hari imitako itandukanye ikangura ubwonko bw’abana

Umwana urererwa muri uru rugo mbonezamikurire yitezweho gukurana uburere n’ikinyabupfura

Umudugudu wa Munini watujwemo imiryango 48 itishoboye

Umudugudu w'icyitegererezo wa Munini wubakiwe abaturage kugira ngo babe ahantu heza hatekanye kandi bayoboke ibikorwa bibateza imbere

Umunya-Sudani, Sharaf Eldin Shiboub Ali Abdelrahman wakiniraga APR FC, yasabye iyi kipe ko yamurekura akajya gushakira ahandi.

Shiboub yari asigaje amasezerano y’umwaka umwe muri iyi kipe y’Ingabo z’Igihugu, aho yari yayigezemo mu ntangiriro z’umwaka w’imikino wa 2023-24 asinya imyaka ibiri.

Uyu mukinnyi ukubutse mu ikipe y’igihugu ya Sudani, yaraje abonana n’ubuyobozi bwa APR FC abusaba ko bwamurekura kuko yabonye indi kipe muri Libya yakwerekezamo, ni nyuma y’uko bari bemereye aba bakinnyi b’abanyamahanga ko uzabona ikipe yazaza bakumvikana.

Shiboub utari mu bakinnyi APR FC ishaka kurekura, we yabonye ko atazabona umwanya uhagije wo gukina, ahitamo gusaba kugenda ndetse amakuru avuga ko ubuyobozi bwa APR FC bwiteguye kumwumva bukaba bwamurekura.

Sharaf Eldin Shiboub Ali Abdelrahman akaba mu mwaka we wa mbere yarafashije APR FC kwegukana igikombe cya shampiyona.

Shiboub yasabye gutandukana na APR FC

Bisize hakozwe byinshi birangwajwe imbere n'abaturage barenga ibihumbi 10 babazwe indwara zitandukanye, abandi 5000 bari barahumye bongera kureba n'ibindi.

Ni ibikorwa byari bifite insanganyamatsiko igaruka ku 'Myaka 30 yo kwibohora, ku bufatanye bw'Ingabo z'Igihugu, Inzego z'umutekano n'abaturage mu iterambere ry'u Rwanda.'

Uretse kuvura abo baturage hanubatswe inzu 31 zihabwa abatishoboye, hubakwa n'ingo mbonezamikurire (ECD) 15 n'ibiraro 13, hanatangwa ubwato bune ku baturage bo mu Ntara y'Iburengerazuba n'Amajyaruguru.

Hatanzwe amatungo 800, hakwirakwizwa amazi n'amashanyarazi ndetse ingo 327 zihabwa amashanyarazi y'imirasire, imirenge itanu yahize indi muri buri ntara ihabwa imodoka n'ibindi bikorwa bitandukanye.

Mu Mujyi wa Kigali hatewe ibiti byera imbuto birenga 8000

Ku Rwego rw'Umujyi wa Kigali, isozwa ry'ibi bikorwa ryitabiriwe n'abayobozi batandukanye bari bayobowe na Minisitiri w'Ubuzima, Dr Nsanzimana Sabin.

Mu Mujyi wa Kigali hakurikiranywe ingo mbonezamikurire zo ku nzego zitandukanye zigera ku 1483 harebwa umusaruro ziri gutanga, haterwa ibiti byera imbuto 8136, hatangwa 'filtres' ziyungurura amazi yo kunywa 75 n'ibindi.

Umurenge wa Kimisagara wahize indi mu kwimakaza umutekano n'isuku wahawe imodoka.

Minisitiri w'Ubuzima yashimiye Ingabo na Polisi by'u Rwanda ku bw'ibikorwa by'indashyikirwa byakozwe.

Yavuze ko 'by'umwihariko aho babaze abarenga ibihumbi 10 bavura amaso abatarabonaga bagera ku 5000 'babona uko u Rwanda ruri gutera imbere.'

Yongeyeho ko 'ibintu bakora birenze inshingano zabo ariko ni n'inshingano za buri muturage wese kuko na twe tugomba kubafasha.” Ati “Icyakora abishima mwibuke ya hahunda twihaye, tunywe gake n'ibishobora tunywe amazi kuko niyo sawa.'

Minisitiri w’Ubuzima, Dr Sabin Nsanzimana yasabye kwishima ariko bazirikana gahunda ya “TunyweLess”

Meya w’Umujyi wa Kigali, Dusengiyumva yeretse abaturage bo mu Karere ka Nyarugenge mu Murenge wa Kimisagara ko leta iri kubakorera byinshi, atanga urugero rw’umudugudu w’icyitegererezo ugizwe n’inzu 1000 uri kubakwa aho hafi n’ibindi

Umurenge wa Kimisagara wahawe imodoka nshya ku bwo guhiga indi yose mu kwimakaza isuku n’umutekano

Abayobozi barimo Meya w’Umujyi wa Kigali, Dusengiyumva Samuel (uwa kabiri uhereye iburyo) Minisitiri w”Ubuzima (uwa gatatu uhereye iburyo) mu basoje ibikorwa by’Ingabo na Polisi by’u Rwanda mu guteza imbere imibereho myiza y’abaturage

I Rutsiro: Umurenge wa Kivumu wegukanye imodoka

Mu Burengerazuba igikorwa cyo gusoza ibikorwa bya Polisi n'Ingabo byabereye mu Murenge wa Ruhango mu Karere ka Rutsiro, biyoborwa na Minisitiri w'Ibikorwaremezo, Dr Jimmy Gasore.

Umurenge wa Kivumu wahembwe imodoka kuko ari wo wahize indi yose mu bikorwa by'isuku n'umutekano.

Minisitiri Dr Gasore yavuze ko muri aya mezi atatu ashize Abanyarwanda biboneye ubwabo umusaruro w'icyerekezo cy'igihugu, n'umuhate w'Ingabo na Polisi by'u Rwanda.

Ati “Mu gihe dusoza iyi gahunda tuributswa ko ubufatanye nk'ubu bukwiye guhora buturanga. Reka dukomeze gukorera hamwe tuyobowe n'ubuyobozi bunoze, kandi twiyemeje guharanira icyerekezo cyiza cy'igihugu cyacu.”

Minisitiri w’Ibikorwaremezo, Dr Jimmy Gasore yasabye abaturage b’i Rutsiro kubungabunga ibikorwaremezo bubakiwe ariko bakazirikana ko umuco wo gufatanya uri mu byo iterambere ry’igihugu rizakomeza gushingiraho

Ibiraro ni bimwe mu bikorwaremezo byubatswe mu Karere ka Rutsiro

Umurenge wa Kivumu wahembwe imodoka kuko ari wo hasize indi yose mu bikorwa by’isuku n’umutekano

Mu Majyepfo inzu 20 zubakiwe abatishoboye

I Kibeho mu Karere ka Nyaruguru ni ho Minisitiri w'Ubutegetsi bw'Igihugu, Musabyimana Jean Claude yasoreje ibikorwa by'Ingabo na Polisi by'u Rwanda byo gufatanya n'abaturage mu iterambere.

Muri iyi Ntara y'Amajyepfo hakozwe byinshi birangajwe imbere n'inzu 20 zubakiwe abatishoboye, Minisitiri Musabyimana akagaragaza ko byose bishingiye ku murongo mwiza watanzwe na Perezida Kagame kuva kera ku rugamba rwo kubohora igihugu.

Ati”Ibi byose bikorwa bishingiye ku butumwa Perezida Paul Kagame yatanze mu gihe cy'urugamba rwo kubohora igihugu. Yavuze ko ingabo z'igihugu ari wo musingi w'impinduka zose zagombaga kuba mu Rwanda.''

Muri rusange iyi gahunda isize hakozwe byinshi birimo inzu 20 zubakiwe abatishoboye n'irerero ryubatswe mu Karere ka Nyaruguru.

Koperative z'Imboni z'impinduka zafashijwe gutezwa imbere zihabwa ibirimo amagare 90 n'ibindi.

Umurenge wa Gasaka wo mu Karere ka Nyamagabe wegukanye imodoka ku bwo guhiga indi mu kwimakaza umutekano n'isuku.

Minisitiri Musabyimana yasuye umuturage witwa Mukamana wo mu Karere ka Nyaruguru mu nzu nshya uyu mubyeyi yubakiwe

Umurenge wa Gasaka mu Karere ka Nyamagabe wahawe imodoka ku bwo guhiga indi mu isuku no kubungabunga umutekano

Amagare 90 yatanzwe ku bagize amahuriro y’Imboni z’Impinduka kugira ngo abafashe kwiteza imbere

Zimwe mu nzu zubakiwe abatishoboye mu Ntara y’Amajyepfo ni uko byari bimeze

Minisitiri w’Ubutegetsi bw’Igihugu yeretse abaturage b’i Nyaruguru ko ibikorwa bamurikirwe byakozwe na RDF ndetse na Polisi bishingiye bishingiye ku butumwa Perezida Paul Kagame yatanze mu gihe cy’urugamba rwo kubohora igihugu

I Bugesera inzu 10 zubakiwe abatishoboye

Mu Ntara y'Uburasirazuba, ibikorwa by'Ingabo na Polisi byo guteza imbere abaturage Minisitiri w'Ingabo, Juvenal Marizamunda yabisoreje mu Karere ka Bugesera mu Murenge wa Rweru.

Muri iyi ntara Umurenge wa Rurenge wo mu Karere ka Ngoma ni wo wahize indi yose, uhembwa imodoka nshya.

Minisitiri Marizamunda yavuze ko bateguye ibi bikorwa mu gufatanya n'abaturage kwizihiza imyaka 30 ishize u Rwanda rwibohoye, asaba buri wese kugira uruhare mu gucunga umutekano no gufata neza ibikorwaremezo bubakiwe.

Ati 'Intego yibanze kwari ukugira uruhare mu guteza imbere imibereho myiza y'abaturage bacu, hanitabwa ku kubungabunga umutekano n'iterambere twifuza mu Rwanda.'

Mu Burasirazuba hubatswe ingo mbonezamikurire enye, hatangwa amagare 34 kuri koperative z'Imboni z'Impinduka, hubakwa umuyoboro w'amazi meza.

Hubatswe inzu 10 ku baturage batishoboye bo mu Karere ka Bugesera, hatangwa miliyoni 21,8 Frw ku rubyiruko rw'Imboni z'Impinduka n'ibindi.

Minisitiri w’Ingabo, Juvenal Marizamunda yatahaga inzu zubakiwe abatishoboye bo mu Karere ka Bugesera

Umugaba Mukuru w'Ingabo z'u Rwanda, Gen Mubarakh Muganga ashyikiriza amagare abo mu Mboni z’Impinduka b’i Ngoma

Mu Bugesera Minisitiri w’Ingabo, Juvenal Marizamunda (uwa kabiri ku ruhande rw’iburyo) ari kumwe n’abandi bayobozi basuye umuturage mu nzu nshya yubakiwe na RDF ku bufatanye na Polisi

Umugaba Mukuru w'Ingabo z'u Rwanda, Gen Mubarakh Muganga yatashye umuyoboro w’amazi meza wubatswe mu Murenge wa Jarama mu Karere ka Ngoma

Ibiraro bishya umunani byubatswe mu Majyaruguru

Mu Ntara y'Amajyaruguru ibikorwa b'ingabo na Polisi by'u Rwanda byo gufasha abaturage mu mibereho myiza n'iterambere, byasojwe n'Umuyobozi Mukuru wa Polisi y'u Rwanda, CG Namuhoranye Félix, igikorwa cyabereye mu Karere ka Musanze.

Muri iyi ntara hakozwe byinshi birimo gutanga inka ku marerero atatu yubatswe, ibiraro umunani bihuza uduce dutandukanye n'ibindi.

CG Namuhoranye ati 'Turashimira byimazeyo abaturage kubera icyizere n'ubufatanye, byagize uruhare runini muri iyi gahunda. Imikoranire hagati y'inzego z'umutekano zacu n'abaturage yabaye umusingi w'umutekano n'iterambere by'igihugu cyacu.'

Umurenge wa Tumba wo mu Karere ka Rulindo ni wo wahembwe imodoka kuko wahize indi mu kwimakaza umutekano, isuku n'isukura, no kurwanya imirire mibi n'igwingira mu bana.

Ibiraro byubatswe hirya no hino mu gihugu kugira ngo imigenderanire y’abaturage yorohe

Umurenge wa Tumba wo mu Karere ka Rulindo washyikirijwe imodoka watsindiye nk’umurenge wahize indi yose yo mu Majyaruguru mu kwimakaza isuku n’umutekano

Umuyobozi Mukuru wa Polisi y'u Rwanda, CG Namuhoranye Félix ubwo yatahaga inzu zubakiwe abatishoboye mu Karere ka Musanze

Umurenge wa Tumba wo mu Karere ka Rulindo ni wo wahembwe imodoka kuko wahize indi mu kwimakaza umutekano, isuku n'isukura

Ni moto zizaba zabonetse bitarenze 2026 zikazakoreshwa mu Rwanda no muri Kenya, muri gahunda ya Ampersand yo kwimakaza ubwikorezi butangiza.

Uretse kutangiza ikirere, indi mpamvu yatumye Ampersand ishora muri iyi mirimo ni ugufasha abatwara abagenzi kuri moto kungukirwa byuzuye n'ibyo bakora kuko moto z'amashanyarazi zibungura byibuze inyungu igera 45% ugereranyije na moto zikoresha amavuta.

Kuri iyi nshuro iyi mikoranire y'ibyo bigo izafasha Ampersand kugira ahamirwe yo kwifashisha ubunararibonye bwa BYD mu gukora batiri nto ndetse zihendutse.

Umuyobobozi wa Ampersand, Josh Whale yagaragaje ko gufasha abatwara moto zibarirwa muri za miliyoni gukangukira izikoresha amashanyarazi ari wo mushinga wa mbere mu ya mwamba iri gufasha mu kubungabunga ikirere.

Ati 'Ibyo kandi bizafasha abatwara izo moto kuramira cyangwa kuzigama arenga miliyoni 600$ buri mwaka, ibizatiza umurindi ubukungu butangiza ibidukikije.'
Umuyobozi muri BYD, Sihai Zhang ahamya ko 'gukoresha moto z'amashanyarazi muri Afurika ari yo ntambwe ya mbere y'ingenzi izatuma isoko ryose ryo mu Majyepfo y'Isi riziyoboka.'

BYD ikomeje guhura n'imbogamizi zitandukanye mu bijyanye no kwagukira mu bihugu bitandukanye nyuma y'uko Amerika n'u Burayi byurije imisoro kuri bene ibi binyabiziga bituruka mu Bushinwa.

Kuri ubu Afurika ni yo ishobora gufasha iki kigo kwagura ibikorwa byacyo cyane ko cyanatangiye, kuko cyamaze gushinga urundanda muri Kenya.

Bigenze neza uyu mwaka byitezwe ko ruzakora ibinyabiziga 500 bikoresha amashanyarazi, mu mwaka utaha kigateganya ko kizakora 4000 bya bisi n'imodoka nto.

Ni umurongo na Ampersand yiyemeje aho ishaka kubyaza amahirwe isoko rya moto muri Afurika, aho biteganywa ko mu mpera za 2024 rizaba rigeze ku gaciro ka miliyari 4,87$.

U Rwanda ni kimwe mu bihugu byabonye amahirwe ari mu bwikorezi butangiza rugikubita, rushyiraho na politiki zibworohereza nko gukuriraho imisoro ibi binyabiziga.

Kugeza uyu munsi Ampersand ikora moto z'amashanyarazi ikazikoresha mu Rwanda na Kenya, aho ifite sitasiyo zihindurirwamo batiri 18 muri Kenya na 27 mu Rwanda.

Ampersand igaragaza bigenze neza 2024 yasiga zimaze kugera ku bihumbi 10 mu Rwanda.

Ampersand Rwanda ikomeje guteza imbere ubwikorezi butangiza ibidukikije mu Rwanda

Uyu muhanzi wamamaye mu ndirimbo zirimo 'Abo bana’ yahagurutse ku kibuga cy'indege Mpuzamahanga cya Kigali i Kanombe, kuri uyu wa Gatatu tariki 19 Kamena 2024, mu rugendo rugamije gutaramira abafana be n'abakunzi b'umuziki we babarizwa muri kiriya gihugu.

Ni ubwa mbere agiye gutaramira muri kiriya gihugu. Ariko si ubwa mbere agiye gutaramira hanze y'u Rwanda, kuko yajyanye na Massamba Intore mu bitaramo bakoreye mu gihugu cy'u Bushinwa hizihizwa umubano iki gihugu gifatanye n'u Rwanda.

Uyu muhanzi yanaherekeje Louise Mushikiwabo mu Mujyi wa Armenia muri Asia, ubwo yiyamamarizaga ku nshuro ye ya mbere kuyobora Umuryango Mpuzamahanga w’Ibihugu bikoresha ururimi rw’Igifaransa, OIF.

Nziza Francis yabwiye InyaRwanda ko yerekeje mu Bufaransa mu rugendo rugamije kuririmba mu birori yatumiwemo n'umuryango w'inshuti ye. Ati 'Hari umuryango w'inshuti wantumiye kugirango mbashe gutaramana nawo mu birori bya Yubire y'umubyeyi wabo.'

Ku ruhande rw'ibyo, uyu muhanzi avuga ko azakora kuri Album ye nshya ari gutegura aho ari gukorana na Producer Guet Mulumba mu kuyitunganya.

Ati 'Ku ruhande rw'umuziki harimo gukora kuri Album yanjye iri gukorwa na Producer Guet Mulumba w'umuhanga nzabonana nawe tubinoze neza ubundi nkomereze mu Mujyi wa Louvre muri Paris n'ubundi ntaramane na bamwe mub ahatuye ubundi ngaruke mu Rwanda aho ndi gutegura Album nzabagezaho vuba mu gitaramo kizaba aricyiza pe.'

Nziza avuga ko Album ye izaba iriho indirimbo 10 zivuga u Rwanda ndetse n'umuco warwo bigahuzwa n'Imana cyane ko 'ariyo yaduhaye uyu muco mwiza twirata urimo ibyiza byinshi bituma tubaho tunezerewe.'

Uyu muhanzi yerekeje mu Bufaransa mu gihe aherutse gushyira hanze indirimbo yise “Inkotanyi Cyane” igaruka kuri Perezida Paul Kagame n'umuryango FPR- Inkotanyi.

Nziza yinjiye mu muziki ahereye ku ndirimbo zirimo 'Ubahiga' na 'Ni mwizihirwe' yahimbiye Mukuru we Nshutinzima Eric n'umugore we Umubyeyi Carine ku munsi w'ubukwe bwabo ari nabo bamushyigikiye mu kuyikora.

Ni umwe mu bahanzi bazi gucuranga gitari na piano, by'umwihariko inanga Nyarwanda yamugejeje mu bihugu bitandukanye nko mu Bushinwa, Armenie, Tanzania, Uganda n'ahandi.

Incamake ku buzima bwa Nziza Francis

Nziza Francis ni umugabo wubatse kuko afite umugore. Yavutse ku wa 21 Nyakanga 1989 akaba yaratashye mu Rwanda mu gihe Inkotanyi yanaririmbye zabohoraga Igihugu mu gihe cya Jenoside yakorewe Abatutsi muri Mata 1994.

Ni umwana wa Gatatu mu bana batatu b'abahungu basigaye kuko bamwe mu bo bavukanaga batagihari. Yavukiye mu cyahoze ari Zayire aho Sekuru yari yarahungiye 1959.

Avuka mu muryango w'Intore cyane kuko Sekuru Mahuku Antoine yari umusizi n'Intore ikomeye mu Ntore za Nturo.

Afite Sekuruza wari ukomeye mu busizi n'inganzo kuko yari umuririmbyi i Bwami kwa Rudahigwa yanamujyanye mu bantu 12 ubwo bajyaga mu Bubiligi we yitwaga Paul Munzege.

Nziza Francis ni umuhanzi wabitangiye akiri muto ubwo yigaga mu mashuri yisumbuye mu mwaka wa Gatatu mu 2007.

Icyo gihe yifatanyije n'abandi bana bakora Itorero baryita 'Inkumburwa' ari we wari ushinzwe kurihimbira indirimbo bataramiye henshi mu birori by'Igihugu, mu bukwe n'ahandi.

Kubera kubifatanye n'ishuri byatumye abihagarika ubwo yari agiye mu mwaka wa Kane w'amashuri yisumbuye, abisubukura ageze ku kigo Aparpe College hafi no ku Mukamira.

Yahise ashingwa Itorero ry'aho araritoza ndetse arihimbira n'imivugo berekaniye mu birori bitandukanye.

Uyu muhanzi yize muri Kaminuza Nkuru y'u Rwanda i Butare aho yize Icungamutungo n'Ikoranabuhanga. Ari muri Kaminuza yabaye mu Itorero 'Indangamuco' rya Kaminuza. 

Niho yatangiriye urugendo rwo kwikorera indirimbo ze nk'umuhanzi wigenga, ndetse ni umwe mu bagize Gakondo Group irimo Masamba Intore, Jules Sentore, Teta Diana, Ngarukiye Daniel, Michael NGabo n'abandi.

Nziza Francis yerekeje mu Mujyi wa Paris mu Bufatansa mu bitaramo bikomeye

Nziza yatangaje ko mu gihe azamara mu Bufaransa azakora indirimbo ziri kuri Album ye nshya

Nziza yagaragaje ko ibi bitaramo bye bya mbere mu Bufaransa bizamufasha kwagura inganzo ye

Nziza amaze igihe akorera ibitaramo mu Rwanda ahantu hanyuranye bishamikiye ku muco w'abanyarwanda 

Nziza Francis yitwaje inanga muri ibi bitaramo agiye gukorera mu Bufaransa no kuririmba muri Yubile y’imyaka 50 y’umwe mu miryango

KANDA HANO UREBE AMASHUSHO Y'INDIRIMBO 'INKOTANYI CYANE' YANZIZA FRANCIS

“>

KANDA HANO WUMVE INDIRIMBO 'WARABOHOWE' YA NZIZA FRANCIS

 “>

Shuwa Dilu yakinywe n’abakinnyi bakomeye mu ruhando rwa sinema nyarwanda cyane cyane muri filime z'urwenya (comedy) ari bo Gratien Niyitegeka wakinnye nka Superi, Ramadhan Benimana wakinnye nka Waxi, ndetse na Eric Nsabimana wakinne nka Londoni.

Ni seri ivuga ku buzima bw'abasore batatu Superi, Waxi na Londoni bakodesha inzu kugira ngo bagabane igiciro cy'ubuzima bwa Kigali buhenze. Gusa buri umwe aba afite imyitwarire itandukanye n'iyundi.

Superi ni we uba ari umuyobozi w'urugo, mu gihe Waxi we aba akora akazi k'ubukomisiyoneri, mu gihe Londoni we aba ari umukozi wabo wo mu rugo, ukunda gukora amakosa menshi.

Iyi filime yayobowe na Niyoyita Roger, ifite ibice bibiri (2 seasons). Biteganyijwe ko izagira ibice birenze bine (4 seasons). Yasamiwe hejuru na cyane ko yamamajwe bikomeye na Canal+ nyiri Zacu Tv yakoze iyi filime.

Umuyobozi wa Zacu Entertainment, Misago Nelly Wilson, yatangarije inyaRwanda ko iyi filime yuzuye urwenya, ikaba yarakinywe n'ibyamamare muri sinema mu Rwanda, ntakabuza abanyarwanda bazayikunda.

Shuwa Dilu igaragaramo bamwe mu bakinnyi b’ibyamamare muri sinema, yatangiye gukorwa no gutunganwa mu kwezi kwa Mbere uyu mwaka, ikaba yatangiye kwerekanwa ku wa Mbere tariki 17/06/2024 kuri Zacu Tv igaragara kuri Canal+ shene ya 3, na 38.

Iyi filime itambuka buri munsi kuwa Mbere kugera kuwa Gatanu saa moya z'ijoro, igasubiraho na saa Tatu n’igice z’ijoror (21:30). Wagura ifatabuguzi rya Canal+ kugira ngo ukomeze kureba ibice byose nta nikimwe kigucitse!

Shuwa Dilu yakiranywe yombi n’abakunzi ba sinema nk’uko bigaragazwa n’abari kuyireba. Igice cyayo cya mbere cyarebwe cyane yaba kuri Televiziyo no ku mbuga nkoranyambaga. Kuri Youtube honyine, mu masaha macye aka gace karebwe n’abarenga ibihumbi 70.

Eric Nsabimana uri mu byamamare muri sinema akina muri Shuwa Dilu ari Londoni

Niyitegeka Gratien akina yitwa Superi muri filime yitwa “Shuwa Dilu”

Ramadhan Benimana akina yitwa Waxi muri “Shuwa Dilu”

Filime y’uruhererekane “Shuwa Dilu” yakiranywe yombi n’abakunzi ba filime nyarwanda

“Shuwa Dilu” yerekanwa gusa kuri Zacu Tv igaragara kuri Canal+ shene ya 3 na 38

REBA UDUCE TW’IYI FILIME TUMAZE GUSOHOKA

Bamwe muri aba basore n'inkumi, bakoresha imbuga nkoranyambaga zabo nka Instagram, Twitter, TikTok ndetse na Youtube bakamamaza ibikorwa runaka kandi ijwi ryabo rikumvikana cyane bitewe n'uko bamaze kubaka izina mu buryo bwabo bwihariye.

Dore bamwe muri uru rubyiruko rwakuye amaboko mu mufuka InyaRwanda yaguteguriye uyu munsi:

1.     Zuba Mutesi

Zuba Vanessa Mutesi ari mu bakobwa bakunda u Rwanda bikomeye, yize muri Leta Zunze Ubumwe za Amerika ariko aza kugaruka mu Rwanda gukomeza kugira uruhare mu kubaka urwamubyaye.

Izina ry'uyu mukobwa w'imyaka 24 y'amavuko, ryamamaye cyane mu kuyobora ibirori n'ibitaramo bikomeye nk’icyo Joshua Baraka aheruka gukorera mu Rwanda, ibyaherekeje imikino ya BAL yaberaga mu Rwanda muri BK Arena minsi ishize, ibitaramo bya Trace Awards&Festival byabereye muri Camp Kigali ndetse ubwo DJ Kamo Mphela aza mu Rwanda nabwo niwe wakiyoboye n'ibindi.

Uyu rero ari mu bagezweho muri iki gihe kandi akomeje gukoresha ijwi rye mu bikorwa bimubyarira inyungu haba ku mbuga nkoranyambaga n'ahandi.

2.     Nishimwe Naomie

Nishimwe Naomie wabaye Nyampinga w'u Rwanda mu 2020, ni umwe mu bakobwa bagezweho kandi bavuga rikijyana muri iki gihe. Abinyujije mu biganiro bye byo gusetsa, ibijyanye no gutembera ndetse no kwigisha abantu iby'ibirungo by'ubwiza ndetse n'ibindi ashyira ku muyoboro we wa YouTube, akomeje kwigarurira imitima ya benshi muri uyu mwaka.

3.     Kimenyi Tito

Kimenyi Tito umaze kwandika izina rikomeye kuri TikTok no kuri Instagram ni umwe mu rubyiruko rwiyemeje kubyaza umusaruro imbuga nkoranyambaga, by’umwihariko akabikorera kuri TikTok mu mashusho magufi ashyiraho asekeje. Kimenyi w'imyaka 24 y'amavuko, ari mu basore bagezweho kubera ibi bikorwa bye ndetse no kuba yarahuje imbaraga na Judy nawe uri mu bakobwa bagezweho muri iki gihe. 

Mu 2022, Kimenyi yegukanye igihembo cy’umu-influencer mwiza w’umwaka ku rubuga rwa TikTok.

4.     Kathia Kamali

Kathia Kamali wamenyekanye cyane mu itsinda rya Mäckenzie ni umwe mu byanyarwandakazi bakomeje kuvugwa cyane mu myidagaduro nyarwanda ndetse mu ntangiriro z'uyu mwaka yiyongeye mu byamamare byo mu Rwanda bikomeje kubyaza umusaruro urubuga rwa Youtube.

5.     Ngabo Karegeya

Alexis Ngabo Karegeya w'imyaka 28 yavukiye anakurira mu Bigogwe ho mu Karere ka Nyabihu mu Ntara y'Uburengerazuba, ari mu basore bakiri bato bakomeje kugaragaza ubudasa mu gisata cy'Ubukerarugendo.

Kugeza ubu binyuze mu mushinga yatangije wa Visit Bigogwe, abanyarwanda n'abanyamahanga basigaye bagenderera aka gace k'ubukerarugendo bushingiye ku muco.

Uyu musore aherutse gutangaza ko yifuza ko mu myaka itari myinshi byibuze Bigogwe izaba ivugwa nk’uko abantu batekereza Nyungwe, Akagera na Pariki y’Ibirunga. 

6.     Umukundwa Cadette

Umukundwa Clemence wamamaye nka Cadette ku mbuga nkoranyambaga akaba umwe mu bakobwa bahataniraga ikamba rya Miss Rwanda mu 2019, ni umwe mu bakiri bato bakomeje kwigaragaza neza ku mbuga nkoranyambaga kandi gukoresha neza izina ryabo mu mirimo ibateza imbere.

7.     Teta Nice

Abinyujije mu biganiro ashyira ku muyoboro we wa YouTube bijyanye n'imibereho ye ya buri munsi, Teta Nice akomeje kwigarurira imitima ya benshi, kandi ibyo akora byigisha benshi nk'uko bigaragara mu bitekerezo abamukurikira bagenda bamugezaho.

8.     General Benda

Umubyinnyi umaze kubaka izina ku mbuga nkoranyambaga nka General Benda, ari mu babyinnyi bagezweho by'umwihariko mu rubyiruko, kandi akomeje gukoresha ubuhanga bwe n'ubwamamare bwe mu bikorwa bimwinjiriza ariko kandi bifitiye sosiyete akamaro.

9.     Sol Solange

Nishimwe Solange [Sol Solange] umaze kubaka izina mu bikorwa by'ubukerarugendo, ni umukobwa w'imyaka 24 y'amavuko umaze kwamamara ku mbuga nkoranyambaga aho agenda asangiza mu buryo bwihariye abazikoresha ubwiza bw'u Rwanda.

Avuga ko yifuza kubona ibyo akora byaguka bikagera kure bikamugirira umumaro bikawugirira n'abandi bakunda ibirebana no kubara inkuru n'ubusizi muri rusange, agaragaza ko atari urugendo rworoshye yifuza gukomeza kubona abamufasha kugeza kure ibyo yatangiye. Akora imirimo itandukanye irimo ubusizi, ubuhanzi n'ubuvuzi.

10. Frank Axel

Franck Axel ni gafotozi kabuhariwe ubimazemo igihe wamamaye cyane mu gufotora ibyamamare bitandukanye birimo na Perezida Kagame mu bihe bitandukanye abikesha ifoto ze nziza.

Nyuma ya Buregeya Prince, APR FC yasezeye ku bakinnyi 4 ni mu gihe Nshimiyimana Yunusu na Niyigena Clement bongerewe amazezerano y’imyaka ibiri.

Ba myugariro Rwabuhihi Aime Placide, Omborenga Fitina, Ishimwe Christian ndetse na rutahizamu Bizimana Yannick ni bo APR FC yasezeyeho nubwo byari bizwi ko batazakomezanya n’iyi kipe.

Iyi kipe kandi ikaba yongereye amasezerano y’imyaka ibiri Nshimiyimana Yunusu ukina mu mutima w’ubwugarizi.

Yanongereye kandi amasezerano Niyigena Clement wari wabanje kugora iyi kipe kuko byatwaye iminsi.

Niyigena Clement amakuru avuga ko yabanje kugora APR FC ndetse arayinaniza aho yari yayiciye ibihumbi 70 by’amadorali n’umushahara w’ibihumbi 5 ku kwezi ni mu gihe yo yamwemereye umushahara w’ibihumbi 3 by’amadorali n’ibihumbi 30 by’amadorali nka “signing fees”.

Ibi ariko yabikoraga na none kuko yavugaga ko hari amakipe hanze y’u Rwanda amwifuza ndetse harimo n’iyo mu Bubiligi cyane ko we yumvaga ashaka kujya gukina hanze y’u Rwanda.

APR FC yamusabye no gukina umukino wa Rayon Sports ku wa Gatandatu w’icyumweru gishize ariko aranga avuga ko atakina nta masezerano.

APR FC byabaye ngombwa ko iba imuhaye umwanya ndetse bikaba bivugwa ko yari yanatangiye gutekereza ku musimbura we mu gihe yaba agiye.

Niyigena Clement nyuma yo kubona ko amakipe yari yiteze ko yasinyira hanze y’u Rwanda bitagikunze yahise yandikira APR FC ayibwira ko basubukura ibiganiro n’ibyo bamuha yemera kubifata kuko amakipe yo hanze y’u Rwanda yendaga kwerekezamo bitagikunze.

APR FC yasezeye ku bakinnyi bane

Nshimiyimana Yunusu na Niyigena Clement bongereye amasezerano

Ku wa 18 Nzeri ubwo Perezida Kagame yakiraga indahiro z'Abadepite 80 bari bagiye kwinjira mu Nteko ishinga Amategeko, yabahaye umukoro urimo kugenzura ibikorwa bya Guverinoma ku buryo abaturage bagezwaho ibyo bemerewe ndetse anabasaba kujya begera abaturage nk'uko babikoze mu bihe byo kwiyamamaza.

Ubwo Umutwe w'Abadepite waseswaga, uwari wawo, Mukabalisa Donatille, yagaragaje ko bagize uruhare mu gutora amategeko 392, arimo n'Itegeko Nshinga rya Repubulika y'u Rwanda ryavuguruwe kugira ngo amatora y'Abadepite ahuzwe na ya Perezida wa Repubulika, byanatumye hiyongeraho umwaka umwe ku gihe manda y'Abadepite yari kurangirira.

Muri iyi nkuru tugiye kugaruka muri amwe mu mategeko Manini, bigendanye n'ingaruka agira ku buzima bw'igihugu n'abagituye, yatowe muri manda ya kane y'Umutwe w'Abadepite mu myaka irenga itanu yari imaze muri izo nshingano.

Itegeko Nshinga

Mu 2023 Inteko Ishinga Amategeko yatoye Itegeko Nshinga rya Repubulika y'u Rwanda ryo mu 2003 nk'uko ryari ryaravuguruwe muri 2015.

Mu ngingo zavuguruwe harimo iyo guhuza amatora y'Umukuru w'Igihugu n'ay'Abadepite.

Igena ko itora ry'Abadepite 53 batorerwa kuri lisiti y'amazina ndakuka y'abakandida batangwa n'imitwe ya politiki cyangwa biyamamaza ku giti cyabo, ribera umunsi umwe n'irya Perezida wa Repubulika.

Itegeko rigenga abantu n'umuryango

Ku wa 30 Gicurasi 2024 Abadepite batoye itegeko rigenga abantu n'umuryango. Imwe mu ngingo zavuzweho cyane muri iryo tegeko ndetse ikanagibwaho impaka ni iyemerera umuntu ufite imyaka 18 kuba yakemererwa gushyingirwa.

N'ubwo amategeko y'u Rwanda agena ko umuntu wemerewe gushyingirwa aba afite imyaka 21, Itegeko rishya riteganya ko ufite imyaka 18 ushaka gushyingirwa azajya abyemererwa harebwe impamvu zumvikana, bikemezwa n'umuyobozi ushinzwe irangamimerere mu karere.

Ikindi gikubiye muri iryo tegeko ni uko riteganya ko mu gihe abantu bagiye gushyingiranwa bashobora kwishyiriraho uburyo bwo gucunga umutungo w'urugo rwabo aho kugendera ku buryo bwari busanzweho.
Iryo tegeko kandi riteganya n'ibirebana na gatanya zikomeje kwiyongera.

Igitabo giteganya ibyaha n'ibihano muri rusange

Inteko Ishinga Amategeko umutwe w'Abadepite yatoye itegeko rihindura iryo mu 2018 riteganya ibyaha n'ibihano muri rusange ndetse n'iryerekeye imiburanishirize y'imanza z'inshinjabyaha rikubiyemo impinduka zitandukanye zigamije kunoza imitangire y'ubutabera buboneye ku banyarwanda.

Ni itegeko ryagaragayemo impinduka zitandukanye zirimo ko gusambanya umwana byagizwe icyaha kidasaza, hashyizwemo ibyaha bishya ibindi bikurwamo ndetse hagira n'ibigabanyirizwa ibihano.

Ikindi kigaragara muri iryo tegeko ni ibijyanye no kuba igihano cya burundu gishobora kugabanywa kugera ku myaka 15 ibintu bitashoboraga kubaho.

Ryanahaye kandi Urwego rw'Igihugu rw'Ubugenzacyaha, RIB ububasha bwo gukora ubuhuza no kuba yashyingura dosiye n'ibindi.

Itegeko ry'Umurimo

Inteko Rusange y'Umutwe w'Abadepite, yemeje itegeko ririmo impinduka zo kugabanya amasaha y'akazi, kubuza umukoresha gusesa amasezerano y'umurimo w'umugore kubera gutwita ndetse n'Ikiruhuko cyo kubyara ku mugabo.

Itegeko ryo mu 2018 riteganya ko amasaha y'akazi mu cyumweru ari 45, ariko itegeko rishya ryayagabanyije ashyirwa kuri 40 mu cyumweru.

Kugabanya amasaha y'akazi byaturutse ku kuba mu isesengura ryakozwe, byaragaragaye ko gukora amasaha menshi bigira ingaruka zitari nziza ku muryango, kuko ababyeyi batabona umwanya uhagije wo kwita ku burere n'uburezi bw'abana.

Itegeko rigenga ingabo

Hatowe itegeko rigenga ingabo z’u Rwanda

Ku wa 2 Gicurasi 2024 nibwo Inteko Ishinga Amategeko, Umutwe w'Abadepite, yemeje itegeko rigenga Ingabo z'u Rwanda, rikubiyemo amavugurura mu miterere n'imiyoborere yazo.

Zimwe mu mpinduka zikubiye muri iryo tegeko harimo ko hazashyirwaho Abagaba Bungirije aho Umugaba Mukuru wa RDF azagira Umwungirije, Umugaba w'Ingabo zirwanira ku Butaka ndetse n'uw'Ishami rishinzwe Ubuzima na we agire Umwungirije n'ibindi bitandukanye.

Itegeko rigenga ubutaka

Mu myaka hafi itandatu bamaze Abadepite kandi batoye itegeko riteganya ko umusoro ku butaka uva ku mafaranga y'u Rwanda ari hagati ya 0 na 300 kuri metero kare ushyirwa kuri 0 Frw kugeza kuri 80 Frw.

Imisoro ku mitungo itimukanwa yakunze kuvugisha benshi bavuga ko ihanitse cyane, itegeko rikaba ryarateganyaga ko umusoro w'ubutaka ubarirwa hagati ya 0 na 300 frw.

Itegeko rishya ryatowe ku wa 20 Nyakanga 2023 riteganya ko igipimo cy'umusoro ku butaka washyizwe hagati ya 0 n'amafaranga y'u Rwanda 80 kuri metero kare.

Igipimo cy'umusoro ku nyubako yagenewe guturwamo cyashyizwe kuri 0,5% by'agaciro ku isoko k'inyubako n'ikibanza bikomatanyije, aho kuba 1% by'agaciro ku isoko by'inyubako yagenewe guturwamo.

Ku nyubako yagenewe ubucuruzi cyashyizwe kuri 0,3% by'agaciro ku isoko k'inyubako n'ak'ikibanza cyayo, aho kuba 0,5% by'agaciro k'inyubako y'ubucuruzi.

Itegeko ngenga rigena uburyo Inteko Ishinga Amategeko igenzura ibikorwa bya Guverinoma

Mu mategeko abadepite batoye muri iyo myaka harimo irigena uburyo Inteko Ishinga amategeko igenzuramo ibikorwa bya guverinoma kuko iryagenderwagaho ryari rimaze imyaka irenga 15.

Iryo ryanengwaga ko riha Inteko ububasha bwo kugenzura Guverinoma ku bikorwa byamaze gukorwa, bikayibuza kumenya ahari ibibazo bikiri kuba ku buryo byakumirwa.

Impinduka zakozwe ni izigamije kwemerera Inteko kuba abatubahirije inshingano zabo bazajya babiryozwa ari yo biturutseho.

Irigena imikorere ya Polisi y'u Rwanda

Hatowe itegeko rigena imikorere ya Polisi y’u Rwanda

Polisi y'u Rwanda yari isanzwe igengwa n'Itegeko no 46/2010 ryo kuwa 14/12/2010 rigena ububasha, inshingano, imitunganyirize n'imikorere ya Polisi y'u Rwanda nk'uko ryahinduwe muri 2017 ariko mu 2023 ryaravuguruwe.

Muri iryo tegeko harimo impinduka eshatu zikomeye zirimo ibihano byerekereye gutoroka Polisi, guha Polisi y'u Rwanda, ububasha bwo gufata umuntu ukekwaho icyaha, ushakishwa, uwacitse inzego z'umutekano cyangwa iz'ubutabera ibyibwirije cyangwa ibisabwe n'urwego rubifitiye ububasha ikamushyikiriza Ubugenzacyaha.

Hari kandi no guha Polisi ububasha bwuzuye bw'ubugenzacyaha ku byaha by'impanuka zo mu muhanda.

Itegeko ryerekeye imikoreshereze y'ingingo z'umubiri w'umuntu

Abadepite kandi batoye itegeko rigena imikoreshereze y'umubiri w'umuntu, ingingo, ingirangingo, uturemangingo n'ibikomoka mu mubiri w'umuntu ku mpamvu z'ubuvuzi, kwigisha cyangwa ubuhanga.

Itegeko risanzwe ryarimo ibyuho birimo kuba ritagaragazaga ugomba kwishingira ikiguzi cya serivisi zakorewe uwatanze ingingo, ariko muri iri tegeko hateganyijwe ko ikiguzi kizajya cyishyurwa n'ubwishingizi uhabwa yafashe.

Ikindi ni ukuba imyaka ya ngombwa mu itangwa ry'ingingo, ingirangingo, uturemangingo n'ibikomoka mu mubiri ari 18 aho kuba 21 nk'uko byari bisanzwe.

Iri tegeko rinagaragaza uburyo umuntu ashobora kwitangaho irage, igihe apfuye hakagira ibice by'umubiri byifashishwa mu kuvura abandi cyangwa gufasha mu bushakashatsi.

Umubiri w'umuntu wapfuye wabuze bene wo nawo ushobora gukoreshwa.

Itegeko ryerekeye imiryango itari iya Leta

Itegeko rigenga imiryango itari iya Leta, irebana n'igenzura ry'ibikorwa n'imikoreshereze y'imari ni rimwe mu yavuzweho cyane yatowe kuri iyi manda bitewe n'uko imiryango itari iya Leta yahahamuwe na zimwe mu ngingo zikubiyemo.

Zimwe mu zagiweho impaka ni ivuga ko umuryango udakwiye kurenza 20% by'ingengo y'imari igenewe ibikorwa byawo bya buri munsi muri gahunda z'ibikorwa bidafitiye inyungu abo ugamije gufasha.

Agace kayo ka gatatu kavuga ko umuryango uteganya gukoresha amafaranga arenze 20% by'ingengo y'imari yawo igenewe ibi bikorwa bidafitiye inyungu abo ugamije gufasha, ugomba kubanza kubitangira impamvu mu nyandiko ishyikirizwa urwego.

Imiryango itari iya leta yatewe impungenge n'iryo tegeko ko rishobora kuyikoma mu nkokora.

Uwari Perezida w’Umutwe w’Abadepite ucyuye igihe, Mukabalisa Donatille, yavuze ko ibyo bateganya gukora byose babigezeho ku kigero gishimishije

Perezida Kagame ubwo yasesaga Umutwe w’Abadepite ku wa 14 Kamena 2024

Abadepite basoje manda yabo batoye amategeko 392