Author: webrwanda

Umukinnyi wa mbere w’umunyamahanga mu bo APR FC yaguze uyu mwaka w’imikino, Richmond Lamptey ukomoka muri Ghana, yagaragaye mu mwambaro w’iyi kipe nyuma yo kuyisinyira amasezerano y’imyaka 2.

Uyu mukinnyi ukina mu kibuga hagati ariko asatira wakiniraga ikipe ya Asante Kotoko y’iwabo yageze mu Rwanda ku wa Gatatu tariki ya 26 Kamena 2024 aho yari aje gukora ikizami cy’ubuzima.

Richmond Lamptey akaba yaramaze gutsinda iki kizami ahita asinyira APR FC amasezerano y’imyaka 2.

Hahise hanasohoka ifoto ye amaze gusinya yambaye umwambaro wa APR FC ari kumwe na Chairman w’iyi kipe, Col Richard Karasira.

Abaye umukinnyi wa mbere mushya w’umunyamahanga ugaragaye mu mwambaro wa APR FC yitegura umwaka w’imikino wa 2024-25.

Amakuru avuga ko na myugariro ukomoka muri Senegal, Aliou Souane wanaje mbere yamaze gusinyira iyi kipe n’ubwo nta foto ye irajya hanze cyane n’iya Richmond atari APR FC yayisohoye. Aliou Souane we yanamaze gutangira imyitozo.

Byitezwe ko kandi APR FC uyu munsi yakira undi mukinnyi ukomoka muri Ghana na we ukina mu kibuga hagati, Seidu Dauda na we uje kurangizanya n’iyi kipe y’Ingabo z’Igihugu.

Chairman wa APR FC, Col Richard karasira na Richmond Lamptey umukinnyi mushya w’Ikipe w’Ingabo z’Igihugu

Ibi yabigarutseho ku wa 27 Kamena 2024, ubwo yiyamamarizaga muri Santere ya Busoro, mu Murenge wa Busoro, mu Karere ka Nyanza, Intara y'Amajyepfo.

Ubwo yabagezagaho imigabo n'imigambi ye, Dr. Frank Habineza, yavuze ko Ishyaka ayoboye hari byinshi ryakoze mu gihe rimaze mu Nteko Ishinga Amategeko y'u Rwanda kuko bakoze ubuvugizi kandi byinshi mu byo bakoreye ubuvugizi bikaba byarashyizwe mu bikorwa.

Dr Habineza, yavuze ko nibongera kumugirira icyizere cyisumbuyeho agatorerwa kuyobora u Rwanda, azashyiraho Ikigega cyo guteza imbere ubuhinzi n'ubworozi kizaba cyitwa 'Rwanda Agricultural Fund'.

Yagize ati 'Ndabizi neza ko hano i Nyanza abenshi batunzwe n'ubuhinzi kandi hari imirima y'ibishanga byinshi. Nimudutora, tuzashyiraho Ikigega cyo guteza imbere ubuhinzi n'ubworozi, ku buryo umuntu uzajya ashaka gutangira umushinga w'ubuhinzi cyangwa se ubworozi, azajya agobokwa kandi ku nyungu nke, kuko kitazaba kimeze nka banki zisanzwe.''

Yongeyeho ati 'Umuntu wese ushaka korora ingurube, inka, ushaka guhinga ibigori, cyangwa se ushaka guhinga umuceri, abone igishoro kandi byihute.”

Yakomeje avuga ko ibyo bizatuma umusaruro uzamuka kuko abantu bazabasha guhinga no korora bafite inyunganizi bityo bakabasha gusagurira amasoko, ubukungu bukihuta.

Bamwe mu rubyiruko bitabiriye iki gikorwa bavuze ko bishimiye imigambi Dr. Habineza afitiye urubyiruko.

Umwe muri bo yavuze ko icyo yishimira ari umugambi wa Dr. Habineza wasezeranyije urubyiruko guhanga imirimo ibihumbi 500 ku mwaka, akavuga ko bizagira uruhare mu kugabanya ubushomeri mu rubyiruko.

Undi yavuze ko yanyuzwe no kuba Dr. Habineza azafasha mu bijyanye no gushinga inganda ziciriritse mu bice bitandukanye by'u Rwanda no mu byaro, isezerano yatanze avuga ko rizateza imbere ibikorerwa mu Rwanda kandi bigahanga imirimo myinshi.

Umukandida Dr. Frank Habineza, yasabye abitabiriye iki gikorwa gukomeza kubumbatira ubumwe bw'Abanyarwanda kugira ngo Igihugu gikomeza kibeho gitekanye.

Nyuma ya Nyanza, Umukandinda wa DGPR biteganyijwe ko akomereza ibikorwa bye byo kwiyamamaza mu Turere twa Gisagara na Ruhango mu Ntara y'Amajyepfo.

Abanyamuryango ba Green Party bacinye akadiho

Dr. Habineza yavuze ko hari byinshi bakoze mu myaka irindwi ishize ubwo yari mu Nteko Ishinga Amategeko, avuga ko aramutse ahawe amahirwe yo kuyobora u Rwanda, yakomereza ku byakozwe bigatanga umusaruro

Dr Habineza, yavuze ko nibongera kumugirira icyizere cyisumbuyeho agatorerwa kuyobora u Rwanda, azashyiraho Ikigega cyo guteza imbere ubuhinzi n'ubworozi kizaba cyitwa (Rwanda Agricultural Fund)

Abarimo urubyiruko bari bitabiriye ibikorwa byo kwiyamamaza by’Umukandida wa Green Party Rwanda, Dr. Frank Habineza

Umunyamabanga Nshingwabikorwa w’Umurenge wa Busoro, Habineza Jean Baptiste, niwe wahaye ikaze Umukandida wa Green Party, Dr. Frank Habineza

Niba utaragera aho bibera, birashoboka ko wabashije no kuyumva binyuze ku muyoboro wa Youtube wa FPR-Inkotanyi inyuzaho ibikorwa byo kwiyamamaza bya Paul Kagame mu buryo bw’imbona nkubone (Live).

Niba bitameze uku, birashoboka ko muri telefone  yawe wanakiriye amashusho agaragaza Paul Kagame na Madamu babyina iyi ndirimbo bari kumwe n’ibihumbi by’abantu bitabiriye ibyo bikorwa.

Ni indirimbo igarutsweho cyane muri iki gihe mu bikorwa byo kwiyamamaza no ku mbuga nkoranyambaga, nyamara imaze imyaka itandatu isohotse, kuko yagiye ku wa 8 Nzeri 2016.

Ikoze mu njyana gakondo, aho amajwi yayo yatunganyijwe na Didier Touch usanzwe ubarizwa mu Bubiligi. Yaba mbere y’uko Paul Kagame avuga ijambo ndetse na nyuma iyi ndirimbo iracurangwa cyane kurusha izindi zumvikana cyane mu bikorwa byo kwiyamamaza kwe, ibi binashimangirwa n’amashusho ajya hanze amugaragaza ari kumwe na Madamu n’abandi bayibyina.

Umuhimbyi wayo yaramutunguye!

Lionel Sentore niwe wahimbye iyi ndirimbo y'iminota 4 n'amasegonda 23' mu gihe cy'imyaka itandatu ishize ayishyira ku rubuga rwe rwa Youtube ndetse no ku rubuga rw'itorero 'Ingangare' abanamo na mugenzi we Charles Uwizihiwe.

Kuva icyo gihe kugeza uyu munsi nibwo iyi ndirimbo igarutsweho cyane mu itangazamakuru. Mu kiganiro cyihariye na InyaRwanda, Lionel Sentore yavuze ko yahimbye iyi ndirimbo nyuma yo kwicara akazirikana umurage yasigiwe n'ababyeyi nko gukunda igihugu, umuco n'ibindi birenze kugabibwa inka.

Yavuze ko iyi ndirimbo yakomotse kuri Sekuru Sentore Athanase 'kubera yangabiye byinshi, gukunda igihugu, angabira gukunda umuco, angabira n'ibihangano bya gakondo'.

Muri iyi ndirimbo aririmbamo bamwe mu bantu bagize icyo bamufasha mu buzima bwe ndetse na sosiyete muri rusange. Ariko kandi aririmbamo umubyeyi we (Papa), Mama we ndetse anaririmba Paul Kagame.

Ati 'Namwise umugoboka-rugamba (Paul Kagame), nawe ni umuntu mwiza, yatugabiye igihugu cyiza, yagabiye abantu inka, yagiye atugabira mu buryo rero nibo bantu banteye imbaraga yo kuba nahimba iyi ndirimbo nkayikora nshimira abo bantu bose bagiye bangabira.'

Akomeza ati 'Mama wanjye yangabiye urukundo, Papa wanjye yangabiye ibintu byinshi. Umubyeyi wacu Mukuru Perezida Paul Kagame yaratugabiye, yatugabiye byinshi, igihugu cyiza gitemba amata n'ubuki, yazanye Girinka, kuko inka iranga urukundo; yaduhaye urukundo, yatweretse ko adukunda nk'abanyarwanda, buriya iyo umuntu akuyoboye, akakwereka ko anagukunze, aba agukunze.'

Iyi ndirimbo yayikoreye i Burayi, iri mu za mbere yashyize hanze. Anavuga ko yayihimbye ashingiye ku buzima bushya yari yinjiyemo nk'umusore.

Ni indirimbo avuga ko yakwifashishwa na buri wese ushaka gushimira umubyeyi we ndetse n'Umukuru w'Igihugu. Ati 'Navuga ko nagiriwe uburyo bwo kuyihimba no kugira impano nkabasha kuririmba ku mubyeyi wanjye, gusa navuga ko umutwe w'iki gihangano muri rusange ari ugushima Perezida Paul Kagame, yatugabiye ibyo twari dukeneye, biri muri ubwo buryo nahimbyemo iyo ndirimbo.'

Naratunguwe kubona Umukuru w'Igihugu na Madamu bayibyina

Lionel yavuze ko kuva ibikorwa byo kwiyamamaza kwa Paul Kagame byatangira, amaze iminsi yakira muri telefone ye amashusho agaragaza Umukuru w'Igihugu na Madamu bari kumwe n'abandi babyina iyi ndirimbo ye yise 'Uwangabiye'.

Ni ibintu avuga ko byamukoze ku mutima, kandi muri we byatumye adasinzira kubera ko ahora atekereza uburyo indirimbo ye yamuserukiye aho atabashije kugera.

Ati 'Ikindi kintu navuga cyanyuze umutima cyane ku buryo maze igihe ntaryama ahubwo mbanezerewe cyane kubera ibyishimo, kuba narabonye Perezida wacu arimo kubyina indirimbo yanjye namuhimbiye 'Uwangabiye' nyuma y'imyaka 6 ishize iyo ndirimbo ihari, nabonye ko ibyo dukora byose biba bifite igihe, kandi si uko bidakunzwe, ariko biba bifite n'igihe cyabo kuba byagaragara y'uko abantu bagukunze.'

Akomeza ati 'Mu by'ukuri nashimishijwe no kubona Umukuru w'Igihugu na Madamu babyina indirimbo yanjye, byanteye ishema ryo kuba nakora birushijeho kandi nkakora ntanga ubutumwa no ku bandi cyane cyane ku gihugu cyacu.'

 

 

Amashusho yafashwe mu bihe bitandukanye agaragaza Paul Kagame na Madamu babyina indirimbo 'Uwangabiye'

Abarimo Jules Sentore, Murayire, Semanza, Ruti Joel, Icyogere n’abandi bahuje imbaraga babyina iyi ndirimbo ‘Uwangabiye’, ubwo Paul Kagame yiyamamarizaga i Nyarugenge mu Mujyi wa Kigali
Abasore b’intore cyane bari mu ngamba babyina indirimbo ‘Uwangabiye’ ya Lionel Sentore ubarizwa mu Bubiligi 

Lionel Sentore yatangaje ko yahimbye indirimbo ‘Uwangabiye’ ashingiye ku kuba Umukuru w’Igihugu ‘yaratugabiye inka n’Igihugu’

 

Abarimo umunyamakuru wa Kiss Fm, Andy Bumuntu bari imbere ya Paul Kagame babyina indirimbo ‘Uwangabiye’ 

Umuhanzi mu njyana gakondo, Jules Sentore uri ku murongo w’imbere

 

KANDA HANO UBASHE KUMVA INDIRIMBO ‘UWANGABIYE’ YA LIONELSENTORE

 “>

KANDA HANO UREBE KU ISAHA 1 N’IMINOTA 4′ ABAHANZI BABYINAINDIRIMBO ‘UWANGABIYE’ IMBERE YA PEREZIDA KAGAME

“>

Ibi yabitangaje ubwo yageraga ku kibuga cy’indege cya Kigali mu gitondo cyo kuri uyu wa Gatanu tariki 28 Kamena 2024. Rukundo AbdulRahman akigera ku kibuga cy’indege, yasanze InyaRwanda imutegereje kugira ngo agire icyo abwira abakunzi ba Rayon Sports banyotewe n’abakinnyi ikipe yabo izagura.

InyaRwanda yatangiye ibaza Rukundo AbdulRahman igihe azasinya muri Rayon Sports, avuga ko ari imyaka ibiri. Yagize ati: “Mvuye mu Burundi nje kuvugana n’abayobozi ba Rayon Sports. 

Abayobozi ba Rayon Sports bamaze kuvugana n’ab’ikipe y’Amagaju FC. Rayon Sports ndayisinyira imyaka ibiri. Ndashimira cyane Imana ku buryo umwaka w’imikino wagenze mu Amagaju ndetse nkashimira n’abakinnyi twafatanyije.'

Rukundo AbdulRahman yakomeje avuga ko ababyeyi be bishimiye kumva ko agiye kujya muri Rayon Sports. Ati: “Ndabanza nkashima cyane kuba nguzwe muri Rayon Sports ndetse n’umuryango wanjye warabishimye kandi nanjye ndishimye. 

Abakunzi banjye bose bambwiye ngo Imana izagufashe kandi ibyiza biri imbere. Hari abakinnyi bakomoka mu Burundi twavuganye barimo Mvuyekure Emmanuel, Mbirizi Eric, Sedric na Pierro bose turavugana kandi hari ibyo bambwiye nk’abantu bayikiniye.”

Rukundo AbdulRahman yari afite umwaka mu Amagaju FC gusa Rayon Sports ikaba yemeranyije n’Amagaju FC miliyoni 20 Frw ubundi Rukundo agatwara 10 ikipe nayo igatwara izindi. 

Rukundo AbdulRahman yari mu Burundi aho yari yaragiye mu kiruhuko ndetse akaba yaragaragaye mu mukino ikipe ya Nyange yatsinzemo ikipe ya Saido Ntibazonkiza aho yatsinze ibitego 2 mu bitego 3 ikipe ya Nyange yatsinze ikipe ya Saido.

Rukundo AbdulRahman yagombaga kugera mu Rwanda mu ijoro ryo kuri uyu wa Kane ariko kubera ikibazo cy’indege yahageze mu gitondo cyo kuri uyu wa Gatanu

Rukundo AbdulRahman yatsinze ibitego 12 anatanga imipira 9 yavuyemo ibitego mu mwaka ushize w’imikino 

VIDEO: Eric Munyantore – InyaRwanda Tv

Benshi bababona mu kibuga bakina maze abakunzi ba bo bakishima, gusa bamwe bagendana imvune z’uko inzara zavuyemo kubera aka kazi bihebeye gatunze imiryango ya bo.

Akenshi n’abaganga bagira umuntu kudahora bambaye inkweto zifunze kuko atari byiza, bajya banyuzamo bakambara inkweto zifunguye.

Akenshi abakinnyi baba bari mu kibuga, batera amacenga, batsinda ibitego abakunzi ba bo bakishima gusa banyura mu mvune nyinshi.

Uretse imvune zishobora gutuma bamara igihe hanze y’ikibuga, hari n’izo bagira zituma zihindura imiterere ya bimwe mu bice y’imibiri ya bo bidakunda kuvugwa nko gusanga amano yarigonze, andi inzara zaravuyemo n’ibindi.

Ibi ahanini biterwa no kumara igihe kinini bambaye inkweto zifunze (godiyo) kandi bakakoresha ibirenge bakina umupira w’amaguru.

Uretse igihe bari mu biruhuko, biragoye kuba wabona umukinnyi w’umupira w’amaguru yambaye inkweto zifunguye mu ruhame nko muri weekend yasohotse n’inshuti ze.

Muri iyi nkuru tugiye kubereka bimwe mu birenge bya bamwe mu bakinnyi b’ibyamamare uko byabaye kubera gukina umupira w’amaguru, gusa hari n’abo bitahindutse cyane kubera kubyitaho umunsi ku munsi.

Umunya-Argentine, Lionel Messi

Umunya-Brazil wakanyujijeho, Ronaldo Gifaru

Umunya-Espagne, Jesús Navas

Umunya-Argentine, Angel Di Maria

myugariro w’umunya-Brazil, Marcelo

Umufaransa Karim Benzema

Umunya-Portugal, Cristiano Ronaldo

Kugeza ubu Kiyovu Sports na Richard Bazombwa Kilongozi ntabwo barimo kumvikana ku buryo bagomba kugabana amafaranga Police FC izamugura.

Kilongozi usigaje umwaka umwe w’amasezerano muri Kiyovu Sports, amaze igihe ari mu biganiro na Police FC ngo abe yayerekezamo umwaka utaha w’imikino.

Uko ibiganiro byagendaga bitinda ni nako igiciro cy’uyu mukinnyi cyagendaga kizamuka, kiva kuri miliyoni 30 ubu akaba ageze kuri miliyoni 40 z’amafaranga y’u Rwanda.

Kiyovu Sports aya mafaranga ikaba yarayemeye ariko igisigaye ni uko yumvikana na Kilongozi amafaranga igomba kumuha akabona gusinya.

Kiyovu Sports yifuza kuba yatwara miliyoni 30 maze Kilongozi agatwara miliyoni 10 ibintu atarimo gukozwa aho avuga ko yifuza miliyoni 15.

Amakuru ISIMBI yamenye ni uko Kiyovu Sports yabwiye uyu mukinnyi ko niba yifuza miliyoni 15 yabwira Police ikishyura miliyoni 45 agafata 15 ze na Kiyovu igafata miliyoni 30 kuko ititeguye kujya munsi ya zo.

Ku ruhande rwa Kilongozi amakuru avuga ko we yifuza kuva muri Kiyovu akajya Police FC kuko yiteguye gukuba kabiri umushahari Kiyovu Sports yahabwaga.

Kilongozi na Kiyovu Sports ntibarimo kumvikana

Muri iki kiganiro cyabaye ku mugoroba wo kuwa 27 Kamena 2024, Stormy Daniels yaje mu ngingo zagarutsweho ubwo Biden yatangiraga kwereka Trump ko adafite ubushobozi bwo kuyobora igihugu.

Biden yumvikanye agira ati: 'Umuntu umwe nzi uri kuri uru rubyiniro ukurikiranyweho ibyaha bikomeye ni umugabo ndimo ndeba nonaha.'

Trump nk'umunyapolitike uzi imvugo yahise asubiza byihuse adategwa ati: 'Ntabwo nigeze nsambana n'icyamamare muri filime z'urukozasoni.'

Mu busanzwe Donald Trump wabaye Perezida wa Leta Zunze Ubumwe za Amerika yakurikiranweho icyaha cyo gutanga indonke agamije guhishira ibimenyetso byo kuba yararyamanye na Stormy icyamamare muri filime z'urukozasoni.

Iki kiba ari cyo gikwasi gikomeye akomeje kujombwa na mugenzi we ariko na we yibutsa kenshi Biden ko akuze dore ko muri manda ya mbere y'uyu mukambwe yakomeje inshuro zitari nke kugaragara azengerwa ubundi akagwa.

Impugenge za Trump zikaba niba yaba yiteguye gukomeza kongera kuguma indi myaka 4 mu Biro bya mbere bikomeye mu bya politike ku isi bya White House.

Donald Trump wifuza kongera kwisubiza ikuzo akongera kuyobora Leta Zunze Umwe za Amerika afite imyaka 78 mu gihe Joe Biden wifuza gukomeza kuyiyobora we afite imyaka 81.

Iby’umukinnyi wa filime z’urukozasoni byongeye kugaruka rwagati mu kiganiro mpaka cy’abakandida bahatanira kuyobora Leta Zunze Ubumwe za Amerika