Author: webrwanda

Mu gikorwa cyo kwamamaza Umukandida Perezida Paul Kagame watanzwe n'Umuryango FPR Inkotanyi agashyigikirwa n'indi mitwe ya politiki no kwamamaza abakandida depite b'iri dhyaka mu Ntara y'Amajyaruguru mu Karere ka Musanze, PSD yagaragaje ko ishyigikiye ko abantu bahembwa umushahara muto bakurirwaho umusoro.

Iri shyaka rivuga ko ibi biramutse bikozwe byazamura ubukungu n'imibereho y'abari mu cyiciro cy'abahembwa ibihumbi 100Frw kuko babasha kongera ibyo bahahaga ndetse bakita no ku bindi bikenerwa mu buzima kandi ko ntacyo byahungabanya ku bukungu bw'igihugu.

Umunyamabanga Mukuru w'iri shyaka, Dr Ngabitsinze Jean Chrysostome, yagize ati “Buriya twatangiye ari ibihumbi 30Frw, tuvuga ngo bive ku bihumbi 30Frw bijye ku bihumbi 60Frw hashize imyaka mike bikunze, ariko iyo urebye ubukungu bw'igihugu cyacu ukareba n'ubushobozi umuntu afite bwo guhaha usanga ko umuntu uhembwa ibihumbi 100Frw iyo umukuyeho n'imusoro mu byukuri guhangana n'isoko biramugora.”

“Bishobotse rero ni ukwigomwa kwa leta ariko tureba Umunyarwanda, bikagera ku bihumbi 100Frw bidasoreshwa; duhamya ko byazamura ubuzima cyane bw'Abanyarwanda benshi, kuko abenshi bari muri icyo cyiciro cyo guhembwa ayo mafaranga.”

Yakomeje agira ati “Bivuze ikintu gikomeye cyane kuko niba umuntu yarahembwaga ibihumbi 30 Frw mbere adasoreshwa bikajya ku bihumbi 60 Frw harimo abantu benshi ariko aho tubona Isi igeze n'ubukungu bw'Igihugu bigeze uhembwa ibihumbi 100Frw ashobora kongera ibyo yahahaga, akongera imbaraga mu mashuri y'abana, ashobora no koroherwa no kwivuza.”

“Uwo musoro leta iwigomwe ntibyabuza ubukungu kuzamuka kandi waba urengeye umunyarwanda uri mu cyiciro cyo hasi ku bijyanye n'umushahara ku buryo yashobora kwiteza imbere.”

Ibikorwa byo kwiyamamaza byatangiye ku wa 22 Kamena 2024 ku mwanya w'Umukuru w'Igihugu n'abadepite baturuka mu mitwe ya politiki itandukanye, aho bizageza ku wa 13 Nyakanga 2024, habura umunsi umwe ngo Abanyarwanda batuye mu mahanga batore n'aho abari imbere mu gihugu bakazatora ku wa 15 Nyakanga 2024.

PSD ishyigikiye ko abantu bahembwa munsi y'ibihumbi 100Frw bakurirwaho umusoro

Dr Ngabitsinze Jean Chrysostome yavuze ko bashyigikiye ko abantu bahembwa ibihumbi 100Frw cyangwa munsi yabyo bakurirwaho umusoro kugira ngo babashe kwibona ku masoko

Uyu muhanzi yagarutse kuri ubu butumwa ubwo yari mu Karere ka Musanze mu gikorwa cyo kwamamaza abakandida ba FPR Inkotanyi ku mwanya w'abadepite.

Mu kiganiro yagiranye na Isimbi TV, Tom Close yagarutse ku bantu bigira ntibindeba iyo bigeze mu bihe by'amatora ababwira ko ibizayavamo aribo ba mbere babyungukiramo cyangwa bakabihomberamo iyo batatoye neza.

Ati 'Buriya amatora wayagiramo uruhare cyangwa utayagiramo uruhare ibiyavuyemo bikugiraho urahare byo ubwabyo, ushobora kuvuga uti njyewe simbijyamo biriya bya politike ukigira ntibindeba ariko iyo uhisemo nabi cyangwa ukarebera abahitamo nabi ibyahiswemo bikugiraho uruhare wowe.'

'Dufite amahirwe ko dufite igihugu kandi gifite ubuzima, ni amahirwe kubona umuyobozi uvuga ijambo iryo avuze rikaba umwenda kandi akawusohoza, ayo mahirwe tuyakoreshe neza, burya buri muntu wese yaba umuyobozi ariko si buri wese waba umuyobozi mwiza.'

Tom Close yagaragaje ko umuturage ari we wa mbere ugira ingaruka cyangwa inyungu z'ibivuye mu matora kuko ari we ugira urahare mu itorwa ry'uyobora igihugu.

Uyu muhanzi kandi yaboneyeho gusaba abakiri bato gukorana n'inzego z'ubuyobozi bitoreye kuko aribyo bizabafasha kugera ku ntego cyangwa ibyo babasezeranyije mu gihe cyo kwiyamamaza.

a

Ni ubufasha Perezida Kagame yemeye kuri uyu wa 29 Kamena 2024 ubwo yiyamamariza ku Kibuga cya Kagano, mu Murenge wa Kagano, mu Karere ka Nyamasheke.

Perezida Kagame yavuze ko mu byo Abanyarwanda bakwiriye gukora harimo no kongerera agaciro umusaruro wose w'igihugu, u Rwanda rukagira inganda zibikora 'aho kujya kuvana ibyatunganyirijwe hanze kandi byavuye hano.'

Yavuze ko iyo gahunda inafasha mu gutanga akazi cyane cyane ku rubyiruko rwitezweho byinshi mu bihe bizaza by'u Rwanda, yerekana ko ari na byo FPR-Inkotanyi, abo ifatanyije n'abo n'indi mitwe ya politiki yifuriza abaturage.

Ati 'Icyo tubatezeho mwe rubyiruko n'abandi ni ukutitinya. Ntimukagire umususu mujye mwumva ko mufite ubushobozi niba ari na buke dushake uko tubwongera.'

Yakomeje avuga ko 'n'uwahoze avuga ko akoresha abantu bane, akaba ashaka kugera kuri 800 mu myaka itanu, abari hano dukorana bakorana n'abaturage bakwiriye kumwegera bakareba icyo akeneye.'

Yasabye ko Ndayambaje yakwegerwa bakamwongerera ibitekerezo, ubufasha, ibintu bikihuta kuko 'dushaka kwihuta mu majyambere kandi birashoboka.'

Ati 'Buriya aragenda buhoro nk'uko yabivugaga kuko arakora wenyine, agerageza uko ashoboye ariko ntabwo aragira ubufasha bwatuma ibyo akora byiyongera mu bwinshi cyangwa kwihuta.'

Yongeyeho ko 'FPR-Inkotanyi abaturage bagaragaza ko bashaka gutora, politiki yayo irimo ubufasha bw'umuntu nk'uriya n'abandi. Ntimukitinye. Mujye mutinya ikibi gusa, naho ibindi bizima ntimugashidikanye.'

Ati 'N'ibidashoboka abantu barafatanya bigashoboka. Inzego ziri hano ubwo zabyumvishe, ariko namwe muri hano mwabyumvishe, mujye mutinyuka mugane ubuyobozi mububwire muti 'turakora ibi mwadufasha iki? Hari ubufasha buhari butanamenyekana, urumva ko budatangwa rero. Bantu ba Nyamasheke ibyinshi byiza biri imbere.'

Ndayambaje Christian ufite imyaka 27 akavuka mu Murenge wa Karengera, mu Karere ka Nyamasheke, yiyeguriye kongerera ibijumba agaciro, nyamara abantu bakunze kutakabiha.

Yashatse gusesengura ngo arebe uko ibyo bijumba yabibyaza umusaruro bikavanwamo ikirenze cya kijumba gishyirwa mu isafuriya, ariko ubumenyi bwe bukomeza kuba iyanga.

Yiyemeje kubyaza umusaruro amahirwe ya leta y'ishyirwaho ry'amashuri y'imyuga, arayayoboka mu yisumbuye yiga ibijyanye no gutunganya umusaruro ukomoka ku buhinzi n'ubworozi.

Ati “Nsoje ayisumbuye nsaba inguzanyo yo kujya kwiga muri Kaminuza, barayimpa njya kwiga muri IPRC Musanze. Mbere y'aho ariko ngisoza ayisumbuye ahantu nakoreye imenyerezamwuga bampaye ibihumbi 110 Frw.”

Yaguzemo ibikoresho bike atangira gukora wa mushinga we wo gutunganya ibijumba akabikoramo ibisuguti (biscuit), divayi n'ibindi ariko akabifatanya no kwiga.

Icyo gitekerezo yakijyanye mu marushanwa ahuza abari mu mashuri y'imyuga n'ubumenyi ngiro, atsindira miliyoni 1,5 Frw ayongera mu mushinga urakura.

Ndayambaje yakomeje gushabika yitabira n'amarushanwa ya Youth Connect 2023 ku rwego rw'Intara atsindira miliyoni 1 Frw na yo ayongeramo mu bikorwa bye.

Nk'umwe mu bitabiriye kandi Youth Connect African Summit 2024 yabereye muri Kenya, Ndayambaje avuga ko ubumenyi yakuyeyo ari inkingi ikomeye mu gukomeza kwiteza imbere.

Ati “Kuva mu Murenge wa Karengera ukagera i Kigali ukurira indege ukajya i Nairobi muri Kenya, bigaragaza ko ya mvugo ya 'Banyarwanda namwe Banyacyangugu' [yaciwe]. Mu gihe cyo hambere nta Munyacyangugu wabashaga kuhagera ariko ubu twese turi Abanyarwanda bahabwa amahirwe angana.”

Bitewe n'ibyo Ndayambaje yiboneye muri Kenya, Umunyarwanda agahabwa umwihariko aho aheze hose, 'nabonye ko utari Chairman w'Abanyarwanda gusa, ahubwo n'ahandi ugeze uri Chairman w'Aba-Chairman bose kuko watumye Umunyarwanda yubahwa aho ari ho hose (aha yabwiraga Perezida Paul Kagame).'

Ndayambaje watangiye atunganya ibilo 20 by'ibijumba ku munsi, uyu munsi ageze kuri toni mu byumweru bibiri, akemeza ko mu myaka itanu iri imbere azaba yaragutse ndete 'tuzava ku bakozi bane dufite uyu munsi tugere ku bakozii 800.'

Perezida Kagame yijeje inkunga Ndayambaje Christian (iburyo) wiyeguriye gutunganya umusaruro w’ibijumba

Kuva icyo gihe yatangiye kugerageza kwiga no kujya mu mashuri amufasha, ndetse ni umwe mu bagize uruhare rukomeye mu rugendo rw'iterambere rw'u Rwanda. Muri iki gihe, ari mu bakandida bari guhatanira kwinjira mu Nteko Ishinga Amategeko nk'uhagarariye abafite ubumuga.

Ni umuvandimwe w'umuhanzi Muyombo Thomas wamenyekanye nka Tom Close. Bob Emmanuel yabonye izuba ku wa 28 Ukwakira 1982, avuka kuri Lt.Col. Edward Karangwa na Sgt. Faith Dukuze.

Afite Impanyabumenyi y’icyiciro cya gatatu cya Kaminuza mu bijyanye n'icungamari n’icungamutungo (Accounting & Finance), n'impamyabumenyi y’icyiciro cya gatatu cya kaminuza mu byerekeye amabanki mpuzamahanga.

Afite uburambe acyesha ibigo bikomeye yagiye akoramo, hagati ya 2009-2024 yakoze muri Zigama CSS nk'umucungamali Mukuru, ndetse yahagarariye abafite ubumuga mu nzego zitandukanye; nko mu 2017-2022 yabaye umujyanama mu muryango nyarwanda w'Abantu bafite ubumuga bwo kutumva no kutavuga

Hagati ya 2019-2024 yabaye Umuyobozi ushinzwe Imali mu nama nyobozi ya UPHLS ni mu gihe hagati ya 2021-2026 yabaye Komiseri ushinzwe ubukungu mu nama y’igihugu y’Abantu bafite ubumuga mu mugi wa Kigali.

Mu kiganiro cyihariye yagiranye na InyaRwanda, Mugabo Bob Emmanuel yavuze ko imirimo yakoze ijyanye no guteza imbere abafite ubumuga n'ubushake yiyumvamo mu kugira uruhare muri Politiki biri mu byatumye atekereza kugerageza amahirwe yo kwinjira mu Nteko Ishinga Amategeko.

Ati 'Ni ukubera inshingano nahawe mu myaka itambutse. Ariko urabona n’imbogamizi zikirimo nibyo byanteye guhaguruka nkaba ndi mu bahatanira kwinjira mu Nteko Ishinga Amategeko.'

Yagize uruhare mu kuvugurura ibigonderabuzima 27 ku buryo byorohereza abafite ubumuga kubigana, yagize uruhare kandi mu guhugura abagera kuri 803 bakora mu bijyanye n’ubuzima ndetse bahabwa n’imfashanyigisho z’ibanze ku rurimi rw’amarenga.

Mugabo Bob Emmanuel kandi yagize uruhare mu gutanga insimburangiringo n’inyunganirangingo zirenga 1541, kandi ‘byose biri mu rwego rwo rushimishije.’

Akomeza ati “Mu by’ukuri iyo urebye ibibazo bihari njyewe ndifuza kwita ku ngamba n’amategeko, haracyari amategeko amwe namwe adaha ubwisanzure abafite ubumuga.”

Yavuze ko naramuka yinjiye mu Nteko Ishinga Amategeko azagira uruhare mu bijyanye no kuvugurura amategeko ku buryo abafite ubumuga bwo kutumva nabo bazemererwa gutwara imodoka.

Ni ingingo avuga ko akomeyeho ashingiye ku kuba mu bihugu byo mu Karere k’Afurika y’Iburasirazuba(EAC) abafite ubumuga bemerewe gutwara imodoka.

Ati “Nitwe tugomba guhagaruka tugahanira uburenganzira bwacu, kuko ubuvugizi bwarakozwe kandi biratanga icyizere. Mu minsi yashize nasuye abategura uyu mushinga w'itegeko, bambwira ko bigeze hafi.'

Akomeza ati “Nindamuka ngize amahirwe bagenzi banjye bakangirira icyizere bakantorera kujya mu Nteko Ishinga Amategeko nzaharanira y’uko iri tegeko ritubuza amahirwe yo gutwara imodoka rihinduka, kubera ko no mu bihugu duturanye by’Afurika y’Iburasirazuba ayo mategeko arahari abemerera gutwara imodoka bisanzuye […]”

Mu migabo n’imigambi ye kandi harimo kwita ku mibereho myiza y’abantu bafite ubumuga, gukomeza kuvugurura ibigo nderabuzima mu buryo budaheza, gutsura umubano n’ibindi bihugu mu bantu bafite ubumuga, gukangurira abantu bafite ubumuga kuyoboka serivizi z’imari no kwizigamira, guteza imbere imikino y’abantu bafite ubumuga ndetse no gufasha abafite ubumuga kugira uruhare mu cyerekezo 2035-2050.

Yagize ubumuga afite imyaka 7 y’amavuko

Mugabo Bob Emmanuel asobanura ko umunsi bamushota umupira mu irugu wabaye urwibutso rubi kuri we, kuko icyo gihe yari anyuze iruhande rw’aho bakiniraga umupira, atungurwa no kumva ikintu kimwikubise mu irugu yikubita hasi.

Ni umunsi avuga ko udafite igisobanuro kuri we, ariko kandi ntiyacitse intege kuko yagiye agerageza amahirwe anyuranye atangwa n’ubu buzima yagiye abona.

Avuga ko kuri uriya munsi yagerageje kujya kwa muganga, ndetse bamuhaye utwuma tumufasha kumva neza ariko byaranze.

Ati “Icyo gihe rero nashoboye kujya kwa muganga ariko ugasanga ikibazo imitsi iyobora mu matwi yose yarasobanye. None n’ibyuma bampaye nta kintu byashoboye kumfasha, kuva ubwo kugeza ubu. Amahirwe mfite nkoresha ni impano Imana yampaye yo kureba ku munwa nkamenya icyo umuntu avuze, nshobora ku gusubiza, kubera ko njyewe nashoboye kugumana ijwi ryanjye.”

Yavuze ko kubasha kwiga akagera ku cyiciro cya ‘Masters’ byaturutse mu kuba yarakuriye mu muryango w’ababyeyi bumva neza akamaro ko kwiga, ndetse abavandimwe be bamubahaye hafi.

Uyu mugabo yabaye igihe kinini muri Uganda n’ahandi. Avuga ko muri biriya bihugu ntibafataga neza abafite ubumuga, kuko hari amazina abatesha agaciro bamwitaga, ariko ntibyamubujije kugerageza gusinzira inzozi ze.

Tom Close, umuvandimwe udasanzwe kuri we!

Mugabo Bob Emmanuel avuga ko Tom Close ari muto kuri we-Bivuze ko niwe Mukuru. Yasobanuye uyu munyamuziki nk’umuvandimwe udasanzwe mu rugendo rwe rw’umuziki kuko bahuriye kuri byinshi.

Yavuze ko kubera kumenyerana na Tom Close iyo baganira ntibimusaba ko akoresha ururimi rw’amarenga. Ati “Tom Close yakuze ari nk’umujyanama wanjye, urabona ko njyewe nakuze ndi umuntu ufite ubumuga bwo kutumva ndi wa muntu ushobora gucika intege, ariko Tom Close niwe wambereye urufatiro rwiza, anshyigikira mu iterambere ryanjye nagezeho uyu munsi.

Bob Mugabo avuga ko mu mabyiruka ye, yagerageje kujya mu gisirikare ariko bitewe n’ikibazo cy’ubumuga bwo kutumva, ubuyobozi bwa Gisirikare bwahisemo kumufasha kwiga andi masomo, ndetse asoje ahabwa akazi muri Banki ya Gisirikare (Zigama CSS). Ariko kandi ku bw’amahirwe ‘dufite hari abandi bo mu muryango bari mu gisirikare’.

Mugabo Bob Emmanuel ari mu bakandida bahatanira kwinjira mu Nteko Ishinga Amategeko nk'uhagarariye abafite ubumuga
Mugabo yavuze nagira amahirwe agatsindira kwinjira mu Nteko azakora ubuvugizi abafite ubumuga bwo kutumva bakemererwa gutwara imodoka
Emerusenge Gisele [Uri Ibumoso] wafashije Mugabo Bob Emmanuel mu rurimi rw'amarenga kugirango abashe kuvuga birambuye imigabo n'imigambi ye ashyize imbere

Mugabo Bob Emmanuel yatangaje ko Tom Close yamubereye urufatiro rw'ubuzima agezeho

KANDA HANO UREBE IKIGANIRO CYIHARIYE TWAGIRANYE NA MUGABO BOB EMMANUEL

“>

Ni ku munsi wa munani akaba ari Akarere ka mbere ko mu ntara y'Iburengerazuba ishyaka Green Party ryiyamamarijemo kuva ryatangira ibikorwa byo kwiyamamaza.

Akarere ka Ngororero, umurenge wa Kabaya, niho Green Party yahisemo gushyira site kugira ngo bageze imigabo n'imigambi y'ishyaka mu matora ateganyijwe mu wa 15 Nyakanga 2024.

Nk'uko buri muntu aba arajwe ishinga no kumenya uhatanira kuyobora igihugu, abaturage bo mu murenge wa Kabaya bizinduye ku bwinshi baza kumva imigabo n'imigambi y'ishyaka Green Party.

Umuyobozi wungirije w'Akarere ka Ngororero ushinzwe iterambere ry'ubukungu, Uwihoreye Patrick yahaye ikaze abiyamamaza ndetse ashishikariza abaturage b'aka karere gutega amatwi kugira ngo bizabafashe gutora neza no guhitamo umuyobozi babona uzabagirira akamaro bagendeye ku bitekerezo.

Yagize ati 'Ni ahanyu kugira ngo mwumve umukandida watanzwe n'ishyaka Green Party nk'uko mutega amatwi andi mashyaka kugira ngo ku wa 15 Nyakanga muzabashe gutora neza. Mwumve neza imigabo n'imigambi y'abakandida bazaza. Ni ugutora ibitekerezo bizaba byabanyuze.'

Nyuma yo guhabwa ikaze, Umunyamabanga Mukuru wa Green Party, Ntezimana Jean Claude yahise atangira kuganiriza abaturage b'Akarere ka Ngororero mu Murenge wa Kabaya ndetse anabereka bamwe mu bakandida 50 b'ishyaka Green Party bahatanye mu matora y’Abadepite ateganyijwe ku wa 15 Nyakanga 2024.

Senateri Alex Mugisha udakunze kuboneka cyane kubera inshingano afite muri Sena y'u Rwanda, yari yaherekeje ishyaka Green Party mu bikorwa byo kwiyamamaza mu karere ka Ngororero. Senateri Alex Mugisha asanzwe ari umurwanashyaka wa Green Party.

Mu gihe Senateri yarimo aganiriza abaturage, nibwo Dr Frank Habineza yageze kuri Site ya Kabaya hanyuma akomeza asaba abaturage kuzahitamo gutora ku nyoni ya Kagoma ikirango cy'ishyaka Green Party ndetse no kuzatora ku ifoto ya Dr Frank Habineza.

Nyuma yo kugera kuri iyi site no gucinya akadiho hamwe n'Abarwanashyaka ba Green Party, Dr Frank Habineza yaganirije abaturage b'Akarere ka Ngororero abanza kubabwira muri macye uko manda ishize byagenze n'ubumenyi yungukiye mu nteko nshingamategeko amazemo imyaka 6.

Mu byo Dr Frank yavuze, harimo y'uko naramuka atowe azegereza serivisi abaturage ku buryo nta muntu uzongera gusiragizwa ngo arimo ashaka serivisi ngo bimusabe kujya ahantu kure.

Ibi yahise abihuza n'akazi ko nta muntu uzongera kwamabara inkweto yahengamiye mu nzira kubera kwiruka Igihugu cyose ashaka akazi kandi nako katabonekera igihe.

Yagize ati 'turashaka ko leta iba hafi yawe. Ikifuzo cyose ushaka ukibonere hafi aho bitagombye ko ujya za Kigali cyangwa ahandi hose. Niba ushaka akazi ukakabonera ku murenge ukagenda ugiye gukora ikizami cy'akazi. Ibyo si ibyo narose ahubwo nabikoreye ubushakashatsi kandi no mu bindi bihugu by'amahanga birakorwa.'

Dr Frank Habineza yakiriwe n’Abaturage benshi mu karere ka Ngororero

Senateri Alex Mugisha yitabiriye ibikorwa by’ishyaka Green Party uyu munsi mu karere ka Ngororero

Dr Frank Habineza yaje arimo agenda aramutsa abaturage bo mu murenge wa Kabaya

Abaturage bitabiriye ari benshi

Uhereye ibumoso ni Vice-Mayor wa Ngororero, hagati ni Dr Frank Habineza hanyuma iburyo akaba ari Umudamu wa Dr Frank Habineza
     

  

 

Kananura yavuze ko KIFC yatangiye u Rwanda rutaragaragarira abashoramari nk'ahantu habereye ishoramari ryabo, bituma intego yabo ya mbere iba kubanza kwereka ibigo bitandukanye ko u Rwanda ari igicumbi cya serivisi z'imari.

Ati 'Twashakaga kwereka abatanga serivisi, abajyanama mu bijyanye n'imisoro n'abandi, ko uretse umutekano, amahirwe y'ishoramari, [u Rwanda] ushobora no kurwifashisha rukaba igicumbi cy'ishoramari ryawe ufite ku Mugabane.'

Ikindi ni nko gufasha u Rwanda kubasha gucunga konti za banki ziri mu bindi bihugu, bityo abashoramari bakitabira kubitsa amafaranga yabo mu Rwanda, kabone nubwo ibikorwa byabo byaba biri ahandi.

Kananura ati 'Ubu dufite abashoramari barenga 100 bashoye imari mu Rwanda bifashishije uburyo butandukanye bubarizwa mu runana rw'ubutabera.'

Bimwe mu bigo bikomeye agaragaza ko bibarizwa mu Rwanda ariko bifite irindi shoramari mu bindi bihugu harimo Admaius Capital Partnners itera inkunga Ikigo cya Virunga Africa Fund I (VAFI).

VAFI ni ikigega cy'ishoramari kigamije gufasha imishinga izahindura ubuzima bw'Abanyarwanda n'Abanyafurika muri rusange.

Ibindi bigo birimo nk'Ikigega Nyafurika kigamije Iterambere ry'Ubucuruzi bwohereza ibintu mu mahanga, FEDA, gishamikiye kuri Banki Nyafurika ishinzwe guteza imbere ibyoherezwa n'ibitumizwa mu mahanga, Afreximbank.

Ati 'Ni ibigo bifite ibyicaro mu Rwanda ariko bigashora imari mu bindi bihugu. Birumvikana kandi dufite n'abashoramari b'imbere mu gihugu, na cyane ko tutavangura haba ku bigo by'amahanga cyangwa iby'Abanyarwanda.'

Impamvu agaragaza ni uko byaba ibyo by'abanyamahanga bifite ibyicaro bikuru mu Rwanda ndetse n'iby'Abanyarwanda byose bibona amahirwe angana yaba ajyanye no kwishyura imisoro no kuba umunyamuryango wa KIFC.

KIFC imaze gukora cyane kuko nka 2023 yasize ikanguriye ibigo 42 gushora imari mu Rwanda, aho byiyemeje ishoramari rya miliyoni 560$ (arenga miliyari 714 Frw) mu Rwanda.

Uretse kuba igicumbi cy'imari, u Rwanda kandi rwakomeje kugaragaza ubudasa mu bijyanye no kuzamura ibikorerwa mu Rwanda, muri gahunda yo kuba igicumbi cy'inganda, ibituma ibigo by'Abanyamahanga na byo birubona uko ishoramari ryabyo bikarizana mu rw'imisozi igihumbi.

Mu myaka irindwi ishize u Rwanda rwari rwihaye intego y'uko byibuze inganda zizajya zigira uruhare rwa 21,7% mu musaruro mbumbe w'igihugu wa buri mwaka, uyu munsi bikaba bigeze kuri 22%.

Ibi bihamywa n'Umuyobozi w'Uruganda rwa Africa Improved Foods (AIF), rumaze imyaka umunani ruyoboye mu zitunganya ibiribwa mu Rwanda, Ramesh Moochikal ugaragaza ko uru rwego ruri mu ziri gukura mu buryo budasanzwe.

Ati 'Nk'iyo urebye nk'inganda za mbere zari mu buhinzi n'ubworozi akenshi zatunganyaga ikawa ijya hanze. Nyuma twagize AIF yaje mu bijyanye no gutunganya ibiribwa, ndetse yigaragaza kurusha izo nganda, haza n'izindi ku buryo ubona ko uru rwego rwazamutse.'

Moochikal avuga ko 'ubu ibicuruzwa byacu bigera mu bihugu byinshi bitandukanye ndetse Loni ikabyifashisha mu gutabara abantu' ibyo bikorwa byose bishingiye ku Rwanda.

AIF ikora ibirimo nk'ifu ya Shisha Kibondo, Nootri Mama na Nootri Toto n'izindi rutunganya ziri mu byafashije mu kurwanya igwingira riva ku mpuzandengo ya 47% rikagera kuri 35% bafatanyije na Leta y'u Rwanda.

Ikorana n'abahinzi 90,000 mu gihugu hose rukabagurira umusaruro w'ibigori na soya. Itunganya nibura toni ibihumbi 65 ku mwaka; ibituma ruba umukiliya wa mbere ugura ibinyampeke byinshi mu gihugu.

Moochikal akavuga ko mu myaka umunani bamaze bakorera mu Rwanda ubu bafite abaguzi barenga miliyoni 1,5 ndetse mu myaka itanu iri imbere 'twiyemeje ko tuzaba dufite abarenga miliyoni 10 z'abaguzi.'

Umuyobozi w'Uruganda rutunganya ibiribwa rwa Africa Improved Foods (AIF), Ramesh Moochikal yavuze ko mu myaka itanu iri imbere bazaba bafite abaguzi barenga miliyoni 10

Kugeza uyu munsi inganda zatejwe imbere ku buryo zisigaye zigira uruhare rwa 22% mu musaruro w’igihugu

Dr Frank Habineza uri kwiyamamariza umwanya w'Umukuru w'Igihugu mu matora ateganyijwe muri Nyakanga 2024, yakomereje ibikorwa bye mu Karere ka Ngororero asaba abaturage kumutora kugira ngo azagabanye inyungu ku nguzanyo zitangwa n'amabanki.

Dr Habineza yagaragaje ko hari ikibazo cy'inyungu ihanitse ku nguzanyo zitangwa n'ibigo by'imari (Banki) bidindiza ishoramari bikanateza cyamunara nyinshi n'ibihombo bikabije mu baturage.

Ati 'Dufitanye ikibazo n'amabanki mu Rwanda, asigaye ashaka inyungu irenze. Ujyayo ushaka inguzanyo ya miliyoni imwe ugasanga baguciye ebyiri watinda gakeya ugasanga zigeze muri eshatu watinda gato ukabona ikibanza cyawe barakijyanye. Twumva yuko izo nguzanyo z'amabanki nazo tugomba kuzigabanya. Banki ntizizahombe ariko ntizinyunyuze imitsi y'abaturage.'

Yagaragaje ko hari ubwo banki zitangaza inyungu zitandukanye mu gihe abazibitsamo bo baba bari mu bihombo bitewe n'inyungu iba iri hejuru ku nguzanyo bazifatamo.

Ati 'Tujya twumva amabanki avuga ngo yungutse za miliyari ariko abo yungukiraho barahombye, bateje cyamunara inzu yaragiye, abana barandagaye, bari mu bukode kandi waragiyeyo ushaka no gukora. Twumva ko izo nguzanyo zigomba gutangwa ku nyungu iri hasi.'

Yashimangiye ko mu isesengura ryakozwe n'ishyaka rya Green Party bagaragaje ko nibura inyungu ku nguzanyo idakwiye kurenga 12% kandi ko byazatanga umusaruro ku mpande zombi.

Ati 'Ibyo mbabwira ni ibintu nziko bishoboka. Hari ibihugu bimwe na bimwe usanga bitanga inguzanyo ifite inyungu ya 8%. Iyo byarenze bikaba 10% cyangwa 12% kandi ayo amabanki arunguka natwe mu Rwanda ntidushaka ko bahomba ariko bunguke natwe dutera imbere.'

Dr Frank Habineza yongeye kugaragaza ko azirikana abaganga ku buryo nibatorwa bazabazamurira umushahara bikazamura imibereho myiza y'abaturage.

Yagaragaje ko kandi nubwo yari yaravugiye abakora mu nzego z'umutekano bakabongerera umushahara ariko yongeye kubatekerezaho ku buryo bakongezwa umushahara bijyanye naho iterambere rigeze.

Ku birebana n'umutekano w'Igihugu Dr Habineza yagaragaje ko hakwiye gushyirwa imbaraga mu kubaka inzego z'igisirikare n'izindi z'umutekano hagurwa ibikoresho by'ikoranabuhanga n'ibindi byifashishwa mu kurinda umutekano.

Yongeye kubwira abaturage bo mu Karere ka Ngororero ko bazashyiraho Inama Nkuru y'Igihugu y'Umutekano (National Security Council/Conseil National de Securité) nk'urwego ruzafasha inzego z'ubuyobozi za gisivile n'inzego z'umutekano gufatanya mu gukemura no gukumira ibibazo by'umutekano n'abasivile babigizemo uruhare.

Yongeye gushimangira ko Abanyarwanda bakwiye kunga ubumwe bakiteza imbere, birinda amacakubiri kuko asubiza inyuma igihugu.

Dr Habineza yavuze ko yanga akarengane kurusha ibindi byose bityo ko natorewe kuba Umukuru w'Igihugu nta muntu uzongera gufungwa iminsi 30 y'agateganyo.

Biteganyijwe ko ibikorwa bye byo kwiyamamaza bizakomeza kuri uyu wa 30 Kamena 2024 mu Karere ka Huye.

Dr Frank Habineza yasabye abaturage kumuhundagazaho amajwi

Green Party yijeje abaturage ko nibayitora izabakemurira ibibazo mu buryo burambye

Ubwo Frank Habineza yageraga muri Ngororero yakiriwe n’abaturage benshi