Author: webrwanda

Union Saint Gilloise yamaze gutandukana n’umunyezamu w’Umunyarwanda, Maxime Wenssens nyuma y’umwaka umwe ayikinira.

Uyu munyezamu w’imyaka 22 atandukanye n’iyi kipe ikina mu cyiciro cya mbere mu Bubiligi ni nyuma y’uko umwaka yari amaze muri iyi kipe atigeze abona amahirwe yo gukina umwanya uhagije.

Amasezerano ye akaba yararangiye tariki ya 30 Kamena 2024 ikipe ihitamo kumurekura na we akaba yarifuzaga kuba yajya mu ikipe akina kugira ngo nawe arebe ko yazabona umwanya mu ikipe y’igihugu.

Maxime umaze guhamagrwa mu Mavubi inshuro zirenze imwe, amaze gukinira ikipe y’igihugu umukino umwe wa gicuti wabaye tariki ya 24 Werurwe 2024 batsindira Madagascar iwayo 2-0. Maxime kandi yakiniye amakipe nka St. Truiden na KV Mechelen.

Maxime yatandukanye na Union Saint-Gilloise

Bora Shingiro yaherukaga gutwara igikombe cyihariye mu bihembo bya Mashariki African Film Festival byatanzwe ku wa 1 Ukuboza 2023, muri Kigali Conference and Exhibition ahazwi nka Camp Kigali.

Icyo gihe yegukanye igihembo cy'amadorali 1000, kandi yagaragaje ko yakozwe ku mutima no kuba yashimiwe akazi yakoze. Yahigitse izindi mu cyiciro cya 'Signis Awards' muri Mashariki.

Filime ye 'Igihuku' ihataniye igikombe mu iserukiramuco 'Maine International Film Festival' mu cyiciro cya filime ngufi 'Narrative Short' riri kuba ku nshuro ya 27 mu Mujyi wa Portland muri Leta ya Maine.

Ihatanye n'izindi filime zirimo nka Awin. Kaveh Jahed (Iran); Goodnight, Over And Out. Sol Bergé Mastrolillo (Argentina), Lyubima. Maya Ivanova Vitkova-Kosev (Bulgaria), Shadows. Tom Lovegrin (Amerika), Sneak. Xujiao Zhang (China), The Ball. Homer Gallego (Mexico), The Garden.Julian Wang (China), Tirria. Marcos H. Pechio (Puerto Rico) ndetse na You're On Your Own, Kid. Michael Matsui (Amerika).       

Iyi filime ye inahataniyemo igikombe mu iserukiramuco 'Sacramento Underground Film&Arts Festival' riri kuba ku nshuro ya 9 mu Mujyi wa California.

Bora Shingiro ni we wagize uruhare mu gutegura no gutunganya filime 'City Maid' yamamaye cyane kuri Televiziyo Rwanda. Yatangiye kwigaragaza cyane muri sinema mu mwaka wa 2010, akaba yaratangiriye kuri filime ndende yitwa 'Icyabuze'.

Filime ye ‘Igihuku’ yubakiye ku rugendo rw’umwana w’umukobwa n’umuryango we bahungiye muri Kiliziya Gatolika mu gihe cya Jenoside yakorewe Abatutsi mu 1994. Bari bizeye y’uko Imana izabatara.

Ariko baje gusanga ahantu bafataga nk’ahantu hera, ariko hiciwe abatutsi benshi mu bice bitandukanye by’u Rwanda.

Bora Shingiro aherutse kubwira InyaRwanda ko yandika iyi filime yashakaga kugaragaza ko muri iki gihe hakenewe uruhare rw’amadini mu isanamitima.

Ati “Kuko twashenguwe cyane n’uruhare rw’amadini muri Jenoside yakorewe Abatutsi. Turabakeneye kugirango bubake sosiyete Nyarwanda.”

Filime ye ‘Igihuku’ yerekanwe bwa mbere mu iserukiramuco nyafurika rya sinema ribera muri Amerika rizwi nka Silicon Valley African Festival, muri Nyakanga 2019.

Ni mu gihe filime 'Citizen Kwame' ya Yuhi Amuli ihatanye mu cyiciro cya filime ndende (Feature Film) mu iserukiramuco 'Maine International Film Festival'.

Iyi filime y'iminota 82' yakinnyemo abakinnyi barimo nka Kennedy Mazimpaka, Laura Profrock, Xavier Lapouille, Yuhi Amuli n'abandi. Iyi filime yerekanwe ku wa 13 na 14 Nyakanga 2024, mbere y'uko haba umuhango wo gutanga ibihembo.

Iserukiramuco 'Maine International Film Festival' ni ngaruka mwaka. Ingengabihe yaryo igaragaza ko ryatangiye ku wa 12 Nyakanga 2024, aho biteganyijwe ko rizasozwa tariki 21 Nyakanga 2024 mu Mujyi wa Maine ari nabwo hazamenyekanye abatsinze.

Iri serukiramuco risanzwe ryakira filime zikomeye ku Isi, zikabanza kwerekanwa mbere y'uko haba umuhango wo gutanga ibihembo.

Iserukiramuco 'Sacramento Underground Film & Arts Festival' ryo riri kuba ku nshuro ya cyenda. Rifatwa nkirituma umujyi wa California ugira ubwitabire bw'abantu benshi ahanini bitewe n'uko rihuriza hamwe abafite filime zikomeye ku Isi.

Kuri iyi nshuro ryatangiye ku wa 21 Nyakanga 2024, aho biteganyijwe ko rizasozwa ku wa 24 Nyakanga 2024, ari nabwo hazamenyekana abatsinze mu ngeri zinyuranye z'ibyiciro byatoranyijwe.

Yuhi Amuli asanzwe ari umwanditsi wa filime akaba n'umushoramari. Muri Nyakanga 2022, filime ye 'A Taste of Our Land' yegukanye igihembo, mu iserukiramuco ryitwa 'Khouribga African Film Festival' ryabereye muri Maroc.

Iyi filime 'A Taste of Our Land' ivuga ku bashinwa muri Afurika, aho ibara inkuru y'umusaza utoragura ibuye rya zahabu mu kirombe, maze agashaka kurigurisha n'umushinwa uba ari kumwirukaho ngo arimwambure.

Si ubwa mbere iyi filime yegukanye igikombe, kuko mu myaka ishize yerekanwe bwa mbere mu Mujyi wa Los Angeles, mu iserukiramuco PanAfrican Film Festival itwara igihombe cya filime nziza ndende (Best First Feature Film by a Director).

Yuhi Amuli ni umuyobozi wa filime, umwanditsi, ndetse n'umushoramari muri filime ukomoka mu Rwanda. Uyu musore yakoze filime ngufi eshatu harimo Ishaba yasohotse mu 2015, Akarwa yo mu 2016 na Kazungu yo mu 2018. Zose zagiye zerekanwa mu ma serukiramuco atandukanye ku Isi nko mu Bufaransa, Afurika y'Epfo, Canada na Egypt.

Kanda hano: Iserukiramuco ‘Sacramento’ riri kuba ku nshuro ya Cyenda

Kanda hano: Iserukiramuco ‘Maine International Film Festival’ riri kuba ku nshuro ya 27

Bora Shingiro nyuma yo guhiga abandi agatwara 'Special Award' muri Mashariki African Film Festival abicyesha filime ye 'Igihuku' ari guhatanira ibihembo bibiri muri Amerika

Filime 'Citizen Kwame' ya Yuhi Amuli [Uri iburyo] ihataniye igikombe mu iserukiramuco 'Maine International Film Festival'

Filime 'Igihuku' ya Bora Shingiro iherutse kwegukana igikombe muri Mashariki African Film Festival 

Bora Shingiro yatangaje ko kuba filime ye ihataniye ibihembo mu maserukiramuco akomeye muri Amerika, bigaragaza ko yakoranwe ubushishozi 

Filime ‘Igihuku’ yagiye ihatanira ibihembo bikomeye ku Isi mu bihe bitandukanye

Yabitangaje mu ijoro ryo kuri uyu wa Kabiri tariki 16 Nyakanga 2024, nyuma y'uko habaye amatora y'ibyiciro byihariye, birimo icyiciro cy'abagore, icyiciro cy'urubyiruko ndetse n'icyiciro cy'abafite ubumuga.

Ni ubwa mbere uyu musore wo ku Ruhuha mu Karere ka Bugesera yari ahataniye kwinjira mu Nteko Ishinga Amategeko ahagarariye urubyiruko.

Yari mu bakandida 31 bahataniraga kwinjira mu Nteko, aho hagombaga kuvamo babiri bahagararira urubyiruko (umuhungu n'umukobwa).

Samu wamenyekanye cyane mu bitaramo bitandukanye by'urwenya, yanditse kuri konti ye ya Instagram, agaragaza ko atahiriwe n'urugendo rwo kwinjira mu Nteko, ariko ibyiza biri imbere.

Yagize ati 'Mwarakoze kudushyigikira kandi ndabashimiye pe, gusa ntabwo twabashije gutsinda. Imana ibahe umugisha mwese aho muherereye ibyiza biri imbere.'

Uyu musore yaciye agahigo, kuko yabaye uwa mbere uri mu ruganda rw'abanyarwenya wagerageje amahirwe yo gushaka kwinjira muri Politiki. Yiyamamaje afite intego yo guteza imbere urubyiruko binyuze mu kubashakira akazi n'ibindi binyuranye.

Ku rundi ruhande, Komisiyo y'Igihugu y'Amatora (NEC) yatangaje iby’ibanze by'agateganyo byavuye mu matora y'Abadepite. Ishyaka PDI rya Sheikh Musa Fazil ryegukanye intebe 3;

Umukadinda wigenga Nsengiyumva Janvier nta ntebe yatsindiye kuko atabashije kugeza ku majwi 5%, PSD yegukanye intebe 5, PL nayo yagize intebe 5, mu 2018 yari ifite intebe 6.

Umuryango FPR Inkotanyi n'imitwe ya Politiki bafitanye muri uyu mwaka irimo: PDC, PPC, PSR, PSP, UDPR) bagize amajwi 62.67% ahwanye n’intebe 36.

Umunyarwenya Samu ntihayiriwe mu matora y'Abadepite mu cyiciro cy'urubyiruko

Samu yavuze ko nubwo atabashije gutsinda afite icyizere cy'ejo hazaza

Samu yari ahatanye n'abantu 37 bashakaga kuvamo babiri bahagararira urubyiruko

Ku mugoroba wo kuri uyu wa Kabiri tariki 16 Nyakanga 2024 ubwo harimo kubarurwa amajwi y'Abadepite, ni bwo mu Rwanda hitambitsemo inkuru y'uko Haruna Niyonzima ukina mu kibuga hagati asatiri izamu yasinyiye ikipe ya Rayon Sports amasezerano y'umwaka umwe. 

Ni inkuru yabaye isa n'intunguranye kuko abenshi batatekerezaga ko Haruna yakongera gukinira Rayon Sports yaherukagamo mu 2006.

Kubera iki bamwe mu bafana ba Rayon Sports batumva igurwa ry'uyu mukinnyi?

Abakunzi ba Rayon Sports bahora bifuza muri iyi kipe ibintu biri ku rwego rurenze, n’iyo ikipe yaba iri mu bihe bibi. Ni muri urwo rwego bumvaga ko ikipe yabazanira umukinnyi ukomeye muri Afurika aho kubazanira Haruna.

Kuri uyu wa Kabiri, Haruna Niyonzima yongeye kwerekanwa nk’umukinnyi wa Rayon Sports nyuma y’imyaka isaga 17 ayivuyemo 

Abafana ba Rayon Sports baremeza ko Haruna ashaje ndetse ko umukinnyi wabakiniye mu 2004 kuri ubu atari ku rwego rwo kuba yakongera kwambara umwenda wabo ahubwo yari kujya mu makipe yo hasi.

Hari abakinnyi benshi Rayon Sports yaguze mu myaka itambutse banganya imyaka na Haruna cyangwa se bamuruta, ariko kuko batari babazi, bacecetse kugera igihe abo bakinnyi bagereye mu kibuga kikabatamaza. 

Kuko rero Haruna abenshi bazi uburyo yakuze kandi bakaba baca umugani ngo nta muhanuzi iwabo, abafana nk’aho baretse umusaruro ukazivugira, bari kwita cyane ku myaka kandi twabonye ko hari aho ita agaciro.

Ese ubundi Haruna byari bikwiye ko asinya muri Rayon Sports?

Haruna Niyonzima ni umukinnyi uzwi mu Rwanda mu myaka myinshi itambutse, gusa akaba umukinnyi utarigeze ananirwa gukina aho yanyuze hose. 

Haruna ni umukinnyi ufite igitinyiro, ufite impano y'ubuyobozi, byakubitiraho impano yo mu kibuga umuntu akemeza ko amakipe menshi mu Rwanda yakenera umusanzu we.

Haruna Niyonzima w’imyaka 34 y’amavuko amaze imyaka isaga 6 yitwa umusaza 

Rayon Sports nayo ntikiri ikipe ikomeye ku buryo abafana bayo bakabaye batungurwa no kubona Haruna ayisinyira. Yego imyaka ye ishobora kuba yarakuze, ariko iyo kipe yakiniye 2006 yo yaradindiye kugera n’aho 2024 yagaruka akayikinira kandi neza.

Rayon Sports yari ikeneye n’izina ricuruza, izina rizaba mpuzamahanga, umunyabigwi w'ikipe y'igihugu ‘Amavubi’ ndetse akaba intwaro bazakoresha bakina na APR FC.

Uko mbibona

Bigendanye n'uburyo umuntu aba yarafashe ubuzima bwe, ntabwo imyaka ikiri ikibazo mu gutanga umusaruro, kuko twabonye ingero nyinshi nka Pepe wakiniraga Portugal mu mikino y'i Burayi afite imyaka 41, na Yamal wakiniraga Espagne afite imyaka 17 kandi bose batanze umusaruro basabwaga. 

Abafana ba Rayon Sports bamenye ko ikipe bafite itagikaze cyane, bakire Haruna ubundi umusaruro uzivugire nk'uko bigenda ku bakinnyi b'abanyamahanga babazanira.

Haruna Niyonzima yagiriye ibihe byiza muri Tanzania by’umwihariko mu ikipe ya Young African

Haruna Niyonzima yatangiriye umupira w'amaguru mu ikipe ya Etincelles FC, ayivamo mu 2005 yerekeza muri Rayon Sports yakiniye umwaka umwe. Yahise yerekeza muri APR FC mu 2007, ayivamo mu 2011 ajya muri Young African yakiniye kugera mu 2017.

Yahise yerekeza muri Simba SC ayikinira imyaka 2, agaruka mu Rwanda mu ikipe ya AS Kigali, ayivamo asubira muri Young African umwaka umwe, agaruka muri AS Kigali ayivamo yerekeza muri Al Ta'awon ari nayo yakiniraga.

Haruna Niyonzima ni we mukinnyi ufite imikino myinshi mu ikipe y’igihugu ‘Amavubi’ igera ku 106

Ku wa 15 Nyakanga 2024, ni bwo Komisiyo y'Igihugu y'Amatora (NEC) yatangaje iby’ibanze by'agateganyo byavuye mu matora y'Umukuru w'Igihugu. Byagaragaje ko Paul Kagame yatsinze ku majwi 99%, Frank Habineza agira amajwi 0.5% n'aho Philippe Mpayimana yagize amajwi 0.3%.

Nyuma yo gutsinda amatora, Paul Kagame yashimye Abanyarwanda bose ndetse n'amashyaka yafatanyije na FPR, abo muri FPR, urubyiruko n'abagize umuryango we yavuze ko 'nabo bambera akabando'.

Umukuru w'Igihugu yavuze ko ibyavuye mu matora bisobanuye icyizere bamugirira. Ati: '…kandi icyizere ni ikintu wubaka mu gihe…Ntabwo ari imibare gusa, niyo biza kuba 100%, iriya mibare irimo kiriya cyizere.'

'Ni ibintu bidasanzwe ni yo mpamvu bamwe batabyumva bakabinenga ariko bigakomeza bikiyongera.'

Ni ukwizihiza intsinzi ya Paul Kagame!

Umunyarwenya Fally Merci usanzwe utegura ibitaramo bya Gen-Z Comedy, yabwiye InyaRwanda ko bateguye iki gitaramo batumira Teacher Mampire mu rwego rwo kwizihiza Intsinzi ya Paul Kagame muri manda y'imyaka itanu iri imbere.

Ati 'Ni igitaramo cya 'Gen-z comedy' mu rwego rwo kwizihiza intsinzi, ko tumeze neza nk'urubyiruko. Twizihiza intsinzi ya Paul Kagame.'

Yavuze ko gutumira Teacher Mampire muri iki gitaramo cyihariye, byaturutse ku kuba ari umunyarwenya umaze igihe kinini wanyuze imitima ya benshi.

Ati 'Ni umwe mu banyarwenya bakomeye, twakuze dukunda kandi tureba. Kandi intego y'ibi bitaramo ni ukuzamura impano z'abandi no kubahuza n'abantu bafata nk'icyitegererezo bikabatera imbaraga zo gukomeza gukora umunsi ku munsi.'

Akomeza ati 'Kumutumira rero ni uko amaze igihe kinini, kandi ni mu rwego rwo kwifatanya nawe mu kwishimira intsinzi ya Paul Kagame.'

Fally Merci avuga ko gutumira Dr Okello 'twashingiye ku kuba ari umwe mu banyarwenya dukoranye igihe kinini, ku buryo yisanga cyane muri Gen-Z Comedy'.

Teacher Mampire yanditse kuri konti ye ya Instagram, agaragaza ko yiteguye gutanga ibyishimo ku banya-Kigali. Agira ati 'Rwanda, ese mwiteguye ishuri? Mwagiye mubaza ngo n'ibiki bitagenze neza. Noneho, Mwalimu Mpamire azagira ishuri i Kigali ku itariki ya 25 Nyakanga 2024. Muzaze twige maze tubyine intsinzi.'

Dr Okello yagiye yigaragaza cyane muri ibi bitaramo akishimirwa cyane, ni mu gihe Teacher Empire ari ku nshuro ya mbere agiye gutarama muri Gen-z Comedy, ariko yaherukaga i Kigali mu gitaramo cya Seka Live, cyabaye muri Kamena 2023.

Herbet Mendo Ssengujja [Teacher Mpamire] watumiwe muri iki gitaramo, ni umunyarwenya ufite impano yihariye mu gusetsa abantu. Yatangiye yigana Perezida Museveni wa Uganda, abonye abandi batangiye kumwigana, nyuma aza gufata umwihariko we ari na bwo yaje gukundwa cyane. Kuri ubu urwenya rwinshi arutera yigize umwalimu.

Mu 2017, nabwo yataramiye i Kigali binyuze mu gitaramo cya Seka Live cyabereye muri Kigali Serena Hotel. Icyo gihe yari ku nshuro ya kabiri ibi bitaramo by'urwenya bitangiye gutegurwa.

Uyu mugabo w'imyaka 39 y'amavuko, afite impamyabumenyi y'icyiciro cya Kabiri cya Kaminuza mu Burezi yakuye muri Kaminuza ya Makerere.

Perezida Museveni yamuteye inkunga abasha gukurikirana amasomo ajyanye n'urwenya no kwandika muri American Comedy Institute i New York. Teacher amaze gutaramira muri Uganda, Zambia, Malawi, Kenya, Tanzania n'ahandi.

Okello we yaherukaga gutaramira i Kigali, ku mugoroba wa tariki 9 Werurwe 2023 ndetse no mu gitaramo cya Gen-Z Comedy cyabereye ahitwa Art Rwanda Ubuhanzi incubation Center (Murugando).

Uyu munyarwenya yahanzwe ijisho nyuma y'uko azanye na Anne Kansiime i Kigali mu gitaramo cya Seka Live cyabereye muri Kigali Conference and Exhibition Village ahazwi nka Camp Kigali, cyabaye tariki 22 Nzeri 2022.

Ibi bitaramo bya Gen-Z Comedy byamaze kuba ikimenyabose! Impano z'abarimo Muhinde, Kadudu, Isekere Nawe n'abandi zatangiye gutangarirwa n'abantu benshi mu gihe hadashize imyaka ibiri batangiye kugaragaza ko bashoboye mu bijyanye no gutera urwenya.

Teacher Mampire agiye gutaramira ku nshuro ye ya mbere mu bitaramo bya 'Gen-z Comedy'

Teacher yatumiwe mu rwego rwo kwizihiza intsinzi ya Paul Kagame muri iki gitaramo cyihariye

 

Fally Merci yatangaje ko yatumiye Teacher Mampire na Dr Okello kubera ko ari abanyarwenya bakomeye muri iki gihe 

Dr Okello yagiye atanga ibyishimo mu bitaramo binyuranye bya Gen-z Comedy

Uyu muryango watangije iki gikorwa ku mugaragaro kuri uyu wa 16 Nyakanga 2024 nyuma y'amahugurwa y'ukwezi yahawe ikiciro cya mbere cy'abagiye gufashwa gutangira imishinga.

Abahabwaga amahugurwa ni urubyiruko 78 rwahawe ubumenyi bw'ibanze mu gutangira imishinga, indangagaciro zituma umuntu yiteza imbere ndetse baganiririzwa n'ingeri zitandukanye z'abakoze imishinga ikabasha kugera kure.

Umuyobozi Mukuru akaba n'uwashinze Umuryango Reaching for Hope Ministries, Dr. Ndamyumugabe Phodidas, yavuze ko uyu muryango yawushingiye muri Amerika aho aba agamije kugira ngo uzafashe urubyiruko rwo mu Rwanda rudafite akazi cyangwa urukora akatarwinjiriza cyane kwihangira umurimo unoze.

Yagize ati 'Nyuma yo kubahugura ubu tugiye gukomezanya na bo turebe tuti 'barakura hehe amafaranga ngo batangire' ndetse no kubahuza n'abashobora kubatera inkunga. Nibiba ngombwa bazahabwa amafaranga nk'umwenda bazishyura kandi hari n'amahirwe ko Leta yita ku rubyiruko igashyigikira imishinga yarwo, ikibazo gusa kiba ari ukubereka uti 'iyi nzira irashoboka''.

Yakomeje ati 'Igishoro kirahari si cyo kibazo kuko hari abafite duke bashobora guheraho ariko hari n'ubufasha bushobora gutururka hanze bukaza bwunganira ubwo ngubwo. Tugamije ko urubyiruko rushora imari mu mishinga iciriritse ariko ishobora no gukura ikaba minini bakabasha gucuruza no mu bindi bihugu byo hanze kandi urwo rugendo twiteguye kurubafashamo.

Dr.Ndamyumugabe yongeyeho urwo ari urugendo rukomeza kuko icyo ari ikiciro cya mbere cyahuguwe ndetse asaba n'urundi rubyiruko rwasoje amashuri yisumbuye na kaminuza kwitabira 'INVEST' baciye ku rubuga rw'uyu muryango bakabisaba.

Umukozi ushinzwe Iterambere ry'Urubyiruko muri MINIYOUTH, Habimana Jean Pierre yavuze ko uru rubyiruko rwasoje amahugurwa rugiye gufashwa kewerekwa amahirwe ahari ndetse no kubona igishoro.

Yagize ati 'Hagiye gukurikiraho igikorwa cyo gufasha aba basoje amahugurwa kureba amahirwe ahari mu Gihugu Leta ishyiramo imbaraga haba ari mu buhinzi, ubucuruzi n'indi mishinga myinshi Leta yagiye ishyiraho turebe aho bashobora guhurira batangire bakore'.

Yakomeje ati 'Dufite uburyo bashobora kubonamo igishoro dufatanyije n'uyu muryango ariko na bo bazanye uruhare rwabo. Nk'ubu Leta yateganyije ko umntu w'urubyiruko wese ushaka kuguza amafaranga [y'umushinga] muri banki iyo ari yo yose ariko adafite izindi ngwate izajya imushyiriraho ingwate igera kuri 75%.

Tumukunde Olive uri mu basoje ayo mahugurwa, yavuze ko yayungukiyemo ibitekerezo byagutse by'imishinga, amenyana n'abandi bafite aho bageze mu byo bakora ku buryo yiteguye kwagura umushinga woroheje yari asanzwe akora ukamubyarira inyungu ifatika.

Urubyiruko rwahuguwe rwari rwitabiriye igikorwa cyo gutangiza ‘INVEST’

Habimana Jean Pierre yavuze ko uru rubyiruko rwasoje amahugurwa rugiye gufashwa kwerekwa amahirwe ahari ndetse no kubona igishoro

Dr.Ndamyumugabe Phodidas yavuze ko uyu muryango yawushingiye muri Amerika aho aba agamije kugira ngo uzafashe urubyiruko rwo mu Rwanda rudafite akazi cyangwa urukora akatarwinjiriza cyane kwihangira umurimo unoze

Uyu mushinga watangijwe ku mugaragaro

Umunya-Brazil wanditse izina muri Rayon Sports, Roberto Oliveira Gonçalves do Carmo [Robertinho], mu muryango ugaruka muri iyi kipe.

Robertinho wagejeje Rayon Sports muri 1/4 cya CAF Confederation Cup muri 2018 ari mu biganiro bya nyuma n’iyi kipe yambara ubururu n’umweru ngo abe yayigarukamo.

Robertinho udafite ikipe nyuma yo gutandukana na Simba SC yo muri Tanzania avuye muri Vipers yo muri Uganda ayigejeje mu matsinda y’imikino Nyafurika, bivugwa ko kuza muri Rayon Sports byatindijwe no kutumvikana ku mushahara agomba guhembwa.

Uyu mugabo bivugwa ko yifuzaga umushahara w’ibihumbi 6 by’amadorali ariko Rayon Sports ikaba yari yahereye ku bihumbi 3.5, gusa amakuru avuga ko ubu impande zombi zahurije ku bihumbi 5 ku buryo isaha n’isaha yaza mu Rwanda agasinya.

Robertinho mu muryango ugaruka muri Rayon Sports