Author: webrwanda

Iki gitaramo cyabaye mu ijoro ryo kuri uyu wa Kane tariki 25 Nyakanga 2024, muri Kigali Conference and Exhibition Village ahazwi nka Camp Kigali, gisanzwe gihuza urubyiruko n'abandi biyumvamo 'Comedy' ndetse n'inkuru ziba zikubiyemo.

Cyabaye kandi ikiraro cyo guteza imbere impano z'abakiri bato muri uyu mwaka. Kuri iyi nshuro byari umwihariko kuko cyahujwe no kwizihiza intsinzi ya Perezida Kagame, uherutse gutorerwa kongera kuyobora u Rwanda muri Manda y'imyaka itanu aho yatsinze n'amajwi 99.18%.

Ni ubwa mbere Teacher Mpamire yari ataramiye abakunzi be muri Gen-Z Comedy, ariko si ubwa mbere Dr Hillary Okello bavuka mu gihugu kimwe (Uganda) yari ataramiye abafana be, kuko yagiye yigaragaza mu bihe bitandukanye. Bwari ubwa gatatu.

Teacher Mpamire umwibuke cyane mu bitaramo bya Seka Live, aho yagiye anyura ibihumbi by'abantu yisunze inkuru zigaruka kuri Museveni, n'ubwiza bw'abanyarwandakazi.

Bamwe mu babuze aho kwicara! Imibare igaragaza ko iki gitaramo kitabiriwe n'abantu barenga ibihumbi bibiri, ni mu gihe aho gisanzwe kibera hakira abantu 1500.

Fally Merci utegura ibi bitaramo yabwiye InyaRwanda ko 'iki gitaramo ari ishusho y'ukuntu abantu bakunda 'Comedy' kandi bakozwe ku mutima no kuba Paul Kagame yarongeye gutorerwa kuyobora u Rwanda'.

Akomeza ati 'Kuba umuntu yabuze aho kwicara ariko agakomeza gutekereza, no guhagarara bigaragaza urukundo akunda 'Comedy' ndetse n'abanyarwenya tuba twatumiye. Kuri twe, biduha umukoro wo gukomeza gushyira imbaraga muri ibi bihangano'

Teacher Mpamire yari rurangiza!

Uyu mugabo yabanjirijwe ku rubyiniro n'abarimo Keppa, Dudu, Pirate, Rumi, Clement Inkirigito, Muhinde ndetse na Ambasaderi w’Abakonsomateri.

Yaserutse yitwaje ikibahu yandikagaho bimwe mu byo yavugaga, kandi yisanishaga na mwarimu koko ubundi atanga amasomo yubakiye ku rwenya.

Yanyuze benshi ubwo yisanishaga na Perezida Museveni akagaruka ku ngingo zinyuranye, bigera ubwo ashima urubyiruko rw'u Rwanda ruhurira hamwe rukiteza imbere, bitandukanye n'urubyiruko rwa Uganda rwiganye urwa Kenya rukishora mu mihanda mu myigaragambyo.

Uyu munyarwenya uri mu bakomeye, yanashimye byimazeyo Fally Merci utegura ibitaramo bya Gen-Z Comedy ku bwo kumutumira. Yavuze ko ibi bitaramo ari urubuga rwiza ku rubyiruko rushaka kwidagadura no kugaragaza impano kuko 'bibarinda indi mitekerereze mibi'.

Uyu munyarwenya kandi yashimiye Perezida Kagame watsinze amatora akaba agiye kuyobora u Rwanda mu myaka itanu iri imbere.

Iki gitaramo cyatumiwemo Teacher Mpamire na Dr Hillary Okello ndetse na Massamba Intore cyahujwe n’umunsi wo kwishimira intsinzi ya Perezida Paul Kagame watsinze amatora ya Perezida wa Repubulika ku majwi 99.18%. Ni amatora yabaye tariki 14-15 Nyakanga 2024.

Muri Nzeri 2023, Mpamire yatembagaje abarimo Museveni mu birori byo kwizihiza imyaka 79 y'amavuko amaze avutse cyabereye ahitwa Kololo, cyari cyahurijwe hamwe no guha icyubahiro ingabo zarwaniye mu gace ka Katonga, zafashije Museveni gufata igihugu mu 1985.

Mugenzi we Dr Hillay Okello yateye urwenya agaragaza uburyo abahanzi bo muri Uganda batandukanye cyane n'abo muri Amerika. Yavuze ko abo muri Uganda iyo begukanye igikombe bavuga ijambo bacyurira abantu babahemukiye, ni mu gihe abo muri Amerika bita cyane ku gushimira ababafashije mu rugendo.

Dr Mpabwanamaguru Merard wabaye Umuyobozi w’Umujyi wa Kigali wungirije Ushinzwe Ibikorwa Remezo n’Imiturire, yanditse kuri konti ye ya X agaragaza ko yakozwe ku mutima no kuba yabashije kwitabira igitaramo cya Gen- Z Comedy. Yashimye abanyarwenya bamususurukije barimo Teacher Mpamire, Dr Hillary Okello bo mu gihugu cya Uganda.

Yanashimye kandi abanyarwenya bo mu Rwanda ku bw'impano zabo zitanga icyizere. Uyu mugabo yanashimye Fally Merci utegura ibi bitaramo, ndetse na Minisiteri y'Urubyiruko n'Iterambere ry'Ubuhanzi igira uruhare mu gukomeza guteza imbere indanga ndangamuco. Ati 'Impano zabo no guhanga ibishya byari bihebuje.' 

Mpamire azwi nk’umunyarwenya wisanisha n’imibereho ya Perezida Museveni mu bihe bitandukanye

Mpamire yashimye urubyiruko rw’u Rwanda bahurira hamwe bakiteza imbere aho kujya mu myigaragambyo nk’abo muri Uganda

Teacher Mpamire yanyuze mu bihumbi by’abantu bitabiriye iki gitaramo bamushimira

Teacher Mpamire yabanje guserutsa mu ishusho y’umwarimu uri gutanga amasomo anyuranye y’ubuzima

Abanyamakuru Scovia Mutesi wa Mama Urwagasabo ndetse na Babu wa Isibo TV 

Umuhanzi mu njyana gakondo, Cyusa Ibrahim uherutse gusohora indirimbo ‘Twatsinze’

Dr Hillary yateye urwenya ku ndirimbo ‘Agatako’ ya Dj Pius na Chameleone

Umunyarwenya Dr Hillary Okello yanyuze benshi ubwo yaririmbaga indirimbo ‘I am not Afraid’ y’umuraperi uri mu bakomeye ku isi, Eminem

Fally Merci yavuze ko ubwitabire muri iki gitaramo bwagaragaje uburyo abantu bakomeje gushyigikira uruganda rwa ‘Comedy’

Mutsinzi Ange Jimmy na Zira FK yo mu cyiciro cya Mbere muri Azerbaijan banyagiye Dunajská Streda yo muri Slovakie ibitego 4-0 mu mukino ubanza w’ijonjora rya kabiri muri UEFA Conference League.

Yaherukaga gusezererwa na FC Sheriff yo muri Moldova muri UEFA Europa League, yahise ijya gushaka itike yo kuzajya mu matsinda ya UEFA Conference League.

Mu ijoro ryakeye nibwo Zira FK yatangiriye uru rugendo rw’ijonjora rya kabiri aho yanyagiye 4-0 FC DAC 1904 Dunajská Streda yo muri Slovakie.

Mutsinzi Ange Jimmy akaba yari yabanje mu kibuga ndetse anakina iminoto yose y’umukino 90.

Umukino wo kwishyura uteganyijwe tariki ya 1 Kanama 2024 mu gihe yakomeza yahita ikina icyiciro cya gatatu ari nacyo cya nyuma yaharenga agahita ijya mu matsinda ya UEFA Conference League.

Mutsinzi Ange Jimmy mu ntangiriro za Nyakanga 2024 yerekeje muri Zira FK ayisinyira imyaka 3 avuye muri FK Jerv yo muri Norvège.

Mutsinzi Ange na Zira FK bitwaye neza

Aba borozi bagaragaza ko igiciro cy'ibiryo by'inkoko gituma bazigeza ku isoko bagasanga bakoreye mu gihombo.

Uwamahoro Agnès umaze imyaka 12 yororera inkoko z'amagi n'iz'inyama mu Karere ka Bugesera, yagaragaje uburyo ahombywa n'itumbagira ry'igiciro cy'ibyo azigaburira.

Yagize ati 'Amafaranga 1000Rwf ashobora kwiyongera ku kiro kimwe cy'ibiryo by'inkoko kandi n'iyo yaba 500Rwf yonyine iyo yiyongeye ku kilo ugakuba n'umubare wa toni uzazigaburira, ayo mafaranga ahita akubana menshi. Ibyo rero ntibyatuma uyu munsi ufata ikilo cy'inyama z'inkoko wenda kigura 3000 Frw ngo uhite uyazamura abe 3500 Frw ngo ni uko ibiryo byahenze'.

Tuyishime Yvonne Zaudjia we yavuze ko umushinga we wo korora inkoko yawutangiye ugenda ariko uza guhagarikwa no guhenda kw'ibyo azigaburira.

Ati 'Natangiranye inkoko 150 ziza kwiyongera zigera hafi ku 2000 ariko nyuma tuza kugira ikibazo cy'ibiryo byazo tukabigura ku giciro kiri hejuru ariko zo twazijyana ku isoko tukazigurisha ku giciro kiri hasi. Nabonye nta nyungu ikirimo, ubu ubworozi bw'inkoko narabuhagaritse'.

Mugabo Bertin uyobora uruganda rukora ibiryo by'inkoko i Rwamagana, yabwiye RBA ko impamvu byahenze cyane ku isoko ari uko ibyinshi mu byo babikoramo bituruka hanze y'Igihugu kandi igiciro cy'ubwikorezi na cyo kikaba cyarazamutse.

Ikigo cy'Igihugu gishinzwe guteza imbere Ubuhinzi n'Ubworozi, RAB kigaragaza ko hari ingamba zo kongera umusaruro wa soya n'ibigori kuko byiharira 75% by'ibikorwamo ibiryo by'amatungo cyane cyane iby'inkoko.

Iki kigo kandi gitangaza ko cyamaze guhugura aborozi bagera kuri 300 kuri gahunda yo gukoresha amasazi y'inigwahabiri mu kuvanga ibiryo by'amatungo bikungahaye ku ntungamubiri za protéines, ibi bikaba byatuma soya zakenerwagaho izo ntungamubiri ziba nkeya bityo igiciro kikagabanuka.

Aborozi b’inkoko bavuga ko ibiryo byazo byahenze

Aba barahiye Ku wa 25 Nyakanga 2024, baje biyongera kubandi 3500 bari basanzwe ari abanyamuryango b'urwo rugaga.

Itegeko rigenga imirimo y'abahanga mu guhanga inyubako n'iy'abahanga mu by'ubwubatsi rikanashyiraho ingaga z'abakora iyo myuga mu Rwanda, rihana abakora uwo mwuga bataba mu rugaga rw'Aba-Ingénieurs, ni muri urwo rwego abize uyu mwuga bose mbere yo kuwukora basabwa kubanza kujya mu rugaga rwabo bakaba abanyamuryango.

Umunyabanga Nshingwabikorwa w'Urugaga rw'Aba-Ingénieurs, Sabiti Steven, yavuze ko Abanyarwanda bakwiye kumenya ko ari amakosa gukoresha umu Ingénieur utabifitiye uburenganzira, avuga ko bamaze gukora inyigo yo guhana abaha akazi abatabarizwa mu rugaga, igisigaye akaba ari ukuyishyikiriza inteko.

Ati 'Umuntu wese ugiye kubakisha agomba kumenya ko akwiriye gukoresha umu Ingénieur ubarizwa mu rugaga kuko ari we uba ubifitiye uburenganzira gusa, utabifitiye uburenganzira ahanwa n'amategeko. Ubu turi kureba uburyo abatanga akazi nabo bazajya bahanwa.”

Yavuze ko abo barahiye nabo bemerewe gukora serivise Aba-Ingénieur bakora kuko bamaze kwinjira mu rugaga, akaba ari na cyo avuga ko basaba ababyize kuba bakwiyandikisha bakabikora babifitiye uburenganzira.

Ushinzwe kwandika abanyamuryango bashya mu rugaga, Eng. Alexis Dushimire Hategekimana, yabwiye abarahiye ko nubwo nta bumenyi bundi bungutse bagiye gukoresha ubwo bafite mu buryo bwemewe n'amategeko ariko ko bizarangirira aho kuko bazagenda bahabwa amahugurwa atandukanye.

Mu ndahiro barahiye barahiriye kubahiriza amabwiriza y'ubudakemwa agenga urugaga rw'Aba-Ingénieurs, gutuma umwuga wubahwa kandi wihesha agaciro, kubaha no kwitangira ubuziranenge bw'umwuga.

Urugaga rw'Aba-Ingénieurs rumaze imyaka 16 runoza inshingano zo gukora ubuvugizi, kugenzura serivisi n'iterambere rirambye ry'aba-Ingénieurs mu Rwanda.

Eng. Alexis ushinzwe kwandika abanyamuryango bashya yababwiye ko bazagenda bunguka ubundi bumenya

Umunyabanga Nshingwabikorwa w’urugaga rw’Aba-ingenieurs yavuze ko Abanyarwanda bakwiriye gukoresha Aba-Ingenieurs baba mu rugaga

Abayobozi b’urugaga ubwo bari bamaze kurahiza abanyamuryango bashya

Abagera ku 100 barahiriye kwinjira mu rugaga rw’Aba-Ingénieurs

Muhire Kevin ufatwa nk’umwana w’ikipe ya Rayon Sports, yamaze kongera amasezerano y’imyaka ibiri muri iyi kipe ikunzwe kurusha izindi mu Rwanda.

Mu gitondo cyo kuri uyu wa Kane tariki ya 26 Nyakanga 2024 ni bwo Muhire Kevin yashyize umukono ku masezerano y’imyaka ibiri akinira Gikundiro.

Abakunzi ba Rayon Sports bari bamaze iminsi muri gahunda yise “Uburu Bwacu Agaciro Kacu” aho bakusanyaga amafaranga yo kwigurira Umwana w’Ikipe ari we Muhire Kevin wari na kapiteni w’iyi kipe umwaka ushize w’imikino.

Intego yari ugukusanya amafaranga y’u Rwanda miliyoni 40 zo guha uyu mukinnyi. Amakuru avuga ko Rayon Sports yagerageje gushaka ko yasinya ahawe igice ariko aranga avuga ko we ahari bashaka amafaranga batuje yaboneka agasinya.

Nyuma y’ibiganiro by’impande zombi Muhire Kevin yemeye gusinyira Rayon Sports amasezerano y’imyaka 2 nubwo amakuru avuga ko amafaranga atayahawe yose.

Muhire Kevin yageze muri Rayon Sports 2015 avuye mu Isonga, muri 2019 yahise ajya mu Misiri mu ikipe ya El Makasa yahise imutiza muri El Dakhlia yakiniye amezi 6 ahita asubira muri El Makasa ayikinira amezi 6 yongera kumutiza muri Gaish yakinnyemo kugeza mu Kwakira 2020 ahita asubira muri El Makasa baje gutandukana muri Weruwe 2021 ari nabwo yasinyiye Saham Club yo muri Oman ariko ntiyayikinira ahubwo muri Mata 2021 ayikinira kugeza Kanama 2022 ari bwo yahitaga yerekeza muri Al-Yarmouk SC yo muri Kuwait yakiniye kugeza mu Kwakira 2023 yahise agaruka muri Rayon Sports yakiniraga kugeza uyu munsi.

Muhire Kevin yongereye amasezerano y’imyaka 2

Ku mugoroba wo kuri uyu wa Kane tariki 25 Nyakanga, ni bwo ikipe ya Muhazi United yasinyishije abakinnyi bagera kuri 6 mu buryo bwo kwitegura umwaka w’imikino 2024-25.

Muri aba bakinnyi harimo myugariro wakiniraga Mukura Victory Sports Kubwimana Cedric. Uyu musore ukina inyuma ku ruhande rw’iburyo ni we watsindiye ibitego byinshi Mukura Victory Sports n’ubwo yakinaga inyuma, akaba yasinye amasezerano y’umwaka umwe. Cedric agiye gusimbura Obed nawe wavuye muri Muhazi United yerekeza muri Mukura.

Kubwimana Cedric ubu ni umukinnyi wa Muhazi United mu mwaka w’imikino ugiye kuza 

Undi mukinnyi wasinyiye Muhazi United ni Matabaro Assumani wari usanzwe ari umunyezamu wa Marine FC wasinye amasezerano y’umwaka umwe. Ntabwo ari uyu munyezamu gusa kuko Muhazi United yanasinyishije Kwizera Ahmed wafatiraga ikipe ya Tsinda Batsinde FC akaba yasinye amasezerano y’imyaka ibiri.

Issa Elie ukina mu kibuga hagati asatira izamu nawe yasinyiye Muhazi United amasezerano y’imyaka ibiri. Myugariro Ramazani Patient nawe ukomoka muri DR Congo, yashyize umukono ku masezerano y’umwaka umwe akinira Muhazi United. 

Muhazi United yari yakamejeje, yasoje umunsi isinyisha Muhimpundu Aman ukina mu kibuga hagati cyangwa agaca mu mpande, akaba yasinye amasezerano y’imyaka ibiri. Uyu musore ukomoka mu Burundi, yakiniraga ikipe ya Bumamuru FC imwe mu makipe akomeye muri iki gihugu. 

Matabaro ubu ni umunyezamu wa Muhazi United akaba yari muri Marine FC 

Kwizera Ahmed wari umunyezamu wa Tsinda Batsinde FC yo mu cyiciro cya kabiri, ubu ni umukinnyi wa Muhazi United 

Ramazini myugariro wo muri DR Congo ubu ni umukinnyi wa Muhazi United 

Issa Elie nawe ukomoka muri DR Congo yashyize umukono ku masezerano 

Muhimpundu Aman wakinaga mu Burundi ubu ni umukinnyi wa Muhazi United ibarizwa i Burasirazuba bw’u Rwanda

Uyu muhanzi ubwo yari mu gitaramo cy'urwenya cya Gen-z Comedy Show cyabaye mu ijoro ryo kuri uyu wa Kane tariki 25 Nyakanga 2024 muri Camp Kigali, yasogongeje urubyiruko rwacyitabiriye kuri bimwe mu bizabera muri iki gitaramo gifitiwe amatsiko na benshi.

Massamba yemeye kumena ibanga nyuma yo guhatwa ibibazo byinshi bimusaba ubusobanuro bwa zimwe mu ndirimbo yaririmbye zirimo nka 'Rwagihuta', 'Kanjogera injongi' n'izindi.

Hari aho yagize ati 'Ndabona mufite ibibazo byinshi, ibi byose muzabihishurirwa mu gitaramo nabateguriye, harimo byose, inkuru zose mukeneye kumenya kuri izi ndirimbo, y'aba iz'urugamba, urukundo rwanjye, ibisobanuro by'indirimbo n'ibindi.'

Mu rwego rwo kumara amatsiko abitabiriye Genz Comedy Show yababwiye ku nkuru y'urukundo azerekana igaruka ku mukobwa w'umurundikazi yakunze gusa akaza kumusiga agiye ku rugamba rwo kubohora u Rwanda agaruka asanga amaze kubyara kane.

Aha niho yahereye agaruka ku nkomoko y'indirimbo 'Wirira' aho yavuze ko ibihe yagiranye n'umukunzi we amusezera, ariho havuye iyi ndirimbo.

Ati 'Nigeze kugira umukunzi, yari umurundikazi, njya kumusezera mubwira ko nsanze abari ku rugamba. Byaramubabaje. Ntiyabishakaga. Ariko mubwira ko nzagaruka. Nasubiyeyo nsanga wa mukobwa amaze kugira abana bane. Mu myaka ine namaze tutari kumwe, hari byinshi muzamenyera mu gitaramo nimuhagera.'

Inkomoko y'izina '3040 y'ubutore Concert' Massamba Intore yahaye igitaramo cye igaragaza imyaka 40 amaze akora umuziki gakondo, ndetse n'imyaka 30 ishize u Rwanda rwibohoye aho azanafatanya n'abakunzi be kwishimira ibyo iki gihugu kimaze kugeraho.

 

Imyaka 40 ishize Massamba ari mu muziki agiye kwizihiza yatangiriye ku rugamba rwo kubohora u Rwanda, inganzo ye ikomeza kurandaranda kugeza n'ubu.

Iyi myaka iherekejwe n'ibikorwa bifatika; birimo nk'ibitaramo n'amaserukiramuco yaririmbyemo, abageni yagiye aririmbira mu bukwe n'ibirori bitandukanye, uruhare rwe mu guteza imbere abahanzi bakiri bato, gukomeza gukotanira Itorero ry'Igihugu Urukerereza n'ibindi.

Ibi nibyo byatumye abari hafi ye bamusaba gukora igitaramo cyo kwizihiza iyi myaka ishize ari mu muziki.

Massamba Intore yigeze kuvuga ko kwinjira mu muziki byatumye inganzo ye ivomera ku buhanga bwa Perezida Kagame, kuko imyaka mirongo ine ishize ariho yubakiye.

Mu kiganiro na RBA, yavuze ko Kagame yamubereye icyitigererezo, kandi akurikiranira hafi imiyoborere ye.

Ati “Anyigisha byinshi! Anyigisha ubuzima, akanyigisha uko umuntu yitwara mu butwari cyane cyane, ni byinshi. Intambara twayigiyemo turi bato, tuyinjiramo tutayumva, waganira nawe ukumva we ari kure cyane, arabizi, afite intumbero iri kure cyane, kumukurikira rero no kumwumva ahanini n’indirimbo ndirimba nyinshi cyane izi zijyane n’Ingabo, zijyanye n’ubutwari ibyinshi niwe mbivanaho…”

 

Massamba Intore yafatanyije n’abitabiriye iki gitaramo babyina indirimbo 'Ntimugire ubwoba' yakoranye na DJ Marnaud ndetse na Ruti Joel

Massamba yishimiwe cyane n’abitabiriye bamusezeranye kuzitabira igitaramo cye tariki 31 Kanama 2024 muri BK Arena

Intore Massamba yeretswe urukundo rudasanzwe muri iki gitaramo cy'urwenya cya 'Gen- Z Comedy' cyabereye muri Camp Kigali 

Massamba Intore aritegura gukora igitaramo cyo kwizihiza imyaka 40 amaze mu muziki

Uwayezu François Regis wari Visi Chairman wa APR FC, yamaze kugirwa umuyobozi (CEO) wa Simba SC yo muri Tanzania.

Mu itangazo iyi kipe yashyize hanze, yavuze ko nyuma y’uko Imani Kajula wari CEO yeguye yasimbuwe na Uwayezu François Regis.

Bagize bati “turimo dusezera kuri Imani Kajula weguye ku mwanya wa CEO mu mezi ashize, twishimiye kumenyesha abantu bose ko akanama k’ubutegetsi ka Simba Sports Club kashyizeho Uwayezu François Regis nk’umuyobozi mushyi (CEO) guhera tariki ya 1 Kanama 2024.”

Regis yagizwe CEO wa Simba SC