Author: webrwanda

Guhera tariki ya 25 Nyakanga 2024, mu Karere ka Kicukiro i Gikondo hari kubera imurikagurisha mpuzamahanga  ngarukamwaka. Ni imurikagurisha ryitabiriwe n'ibigo byinshi binyuranye by'ubucuruzi harimo n'ikigo gikomeye gikora kikanacuruza telephone n'ibindi bikoresho by'ikoranabuhanga cya TECNO.

Muri uyu mwaka TECNO ikaba yaritabiriye iri murikagurisha ifitiye udushya twinshi abakiriya bayo ndetse ifite no kubadabagiza.

Kuri ubu ngubu TECNO Mobile Rwanda ikaba iri gutanga impano ku muntu uri kugura telephone muri iri murikagurisha. Si ibyo gusa kandi kuko no kugera aho TECNO iri gukorera muri iri murikagurisha biguhesha amahirwe yo gutsindira ibihembo bitandukanye nkuko bitangazwa na Mucyo Eddy ushinzwe imenyekanisha bikorwa muri iki kigo.

Yabwiye InyaRwanda ibyo bahishiye abagana TECNO, ati 'kuri iyi nshuro turi gutanga impano zitandukanye ku muntu uguze telephone muri iri murikagurisha, ikindi kandi ni uko kuri telephone zacu nshya ziri ku isoko za CAMON 30 umuntu ari kuyigura agahabwa Gigabayite (Gigabytes) 15 za MTN 4G Network zimara amezi atatu.'

Yongeyeho kandi ko ku muntu wese witabiriye expo maze akanyura aho TECNO iri ashobora gutsindira ibihembo bya TECNO yifashishije imbugankoranyambaga.

Yagize ati 'Uyu mwaka twahaye amahirwe abakunzi n'abakiriya bacu yo gutsindira ibihembo bitandukanye, kuri ubu ngubu ushobora kujya muri expo kuri stand yacu ugafata ifoto yaho uhari cyangwa se amashusho (video) ugashyira ku urubuga ukoresha wifashishije hashtag ya #TECNOInExpo maze uga-taginga imbuga za TECNO zose kuri Instagram @tecnomobilerw, X yahoze yitwa twitter @TECNOMobileRW, kuri Facebook @TECNO Mobile (RW).'

Dore icyo usabwa kugira ngo utsindire izi mpano za TECNO: Urajya muri expo aho TECNO iri kumurika telephone n'ibindi bikoresho byayo maze wifate ifoto cyangwa se amashusho (video) uri kuri stand, ukore follow ku mbuga nkoranyambaga za TECNO, uyisangize abagukurikira ku mbuga nkoranyambaga wifashishije hashtag ya #TECNOInExpo maze utaginge za mbuga za TECNO wiyingerere amahirwe yo kuba umwe mu banyamahirwe 10 bazajya bahembwa buri cyumweru hakurikijwe abafite likes, comments and share byinshi.

Bimwe mu bicuruzwa Tecno yazanye muri Expo, harimo iyo baherutse gushyira ku isoko ya CAMON 30, Spark 20 na, Pop8, si ibyo gusa kandi hari na twa dutelephone dutoya tuzwi nka “Matushe” ndetse kuri ubu bakaba bafite mudasobwa (Laptops), amasaha, Ekuteri (earbuds), Power Bank n'ibindi.

Tubibutsa ko ibi byose kandi iyo uguzemo kimwe bakiguhana n'impano. 

Iri murikagurisha mpuzamahanga  ryaratangijwe ku mugaragaro ku wa Kabiri w'iki cyumweru aho ryatangijwe na Minisitiri w'ubucuruzi n'inganda rikaba ryitabiriwe n'abamurikabikorwa 795 baturutse mu bihugu birenga 20.

Iri murikaguriaba rizarangira ku ya 15 Kanama 2024 ari nabwo promotion ya TECNO izarangira. Kwinjira ni 500 Frw ku bana batarengeje imyaka 16 mu gihe abantu bakuru bo bishyura 1000 Frw.

Ukigera aho Tecno Rwanda iri gukorera wakiranwa urugwiro ndetse ugasobanurirwa serivise ziri kuhatangirwa

Iyo ukinjira muri Expo uba uteganye n’abo Tecno ikorera

Igitandukanya aho Tecno iri n’abo abandi bari ni umubare munini w’abakiriya baba bari kubaza ibicuruzwa bya Tecno Rwanda 

Ushaka Telephone za Matushi zirahari kandi ibiciro babihananuye

Phantom nazo ziri kuboneka muri Expo 

Amasaha agezweho ya Smart Watch 

Tecno yateguye impano zitandukanye ku bakiriya bari guhahira Tecno muri Expo  



Telephone z’ubwoko bwose za Tecno zirahari kuri Stand ya TECNO Rwanda muri Expo 

Kanda hano urebe amafoto yose ya TECNO RWANDA

Amafoto: Dox / InyaRwanda 

Uyu musore wanabaye umunyamakuru wa Isibo, yamenyekanye cyane muri filime ishushanya ubuzima bwa Yesu yakinnye hagati ya 2019 na 2020 yahuriyemo n'abarimo Regis wamamaye muri iki gihe binyuze mu bihangano anyuza kuri shene yise 'Regis Skits'.

Iriya filime yitwaga 'Ubugome bwa Yuda' yanakinnyemo umukinnyi wamamaye nka Nyaxo. Bakinaga bagerageza kwigana filime ya Yesu abantu benshi bamenye.

Zaba yabwiye InyaRwanda ko ashingiye ku kuntu iriya filime yakiriwe, yatekereje gukora indi filime itandukanye ishushanya uko byagenda Yesu aramutse agarutse.

Ati 'Naje kugira igitekerezo cyo gukora filime ya Yesu ariko noneho y'iki gihe nkibaza nti byagenda gute Yesu aramutse agarutse? Kuko urabizi inkuru zihariye ni ukuntu Yesu yaje, ibyamubayeho, uko byamugendekeye n'ibindi. Rero, natekereje uko nakora filime ya Yesu yo muri ibi bihe turimo, nkibaza nti aramutse agarutse muri ibi bihe byagenda gute?'

Arakomeza ati 'Ni izihe mbogamizi yahura nazo zitandukanye n'izo yahuye kiriya gihe. Kuko Isi ya kiriya gihe siyo si ya none. Ni aho ngaho rero igitekerezo cyavuye. Ndavuga nti reka nkore filime ya Yesu y'ukuntu byaba bimeze, byagenda bite aramutse agaragara.'

Zaba avuga ko muri iyi filime yifashishijemo abandi bakinnyi. Kandi avuga ko yatinze kuyishyira hanze kubera ko hari ibice yashakaga kuyikoreramo.

Yavuze ko gukorera iyi filime i Dubai, umujyi uzwiho kuba utuwe n'abantu benshi bafite imyemerere y'idini ya Islamu atari ibintu byoroshye, kuko hari aho yagiye yangirwa.

Ati 'Nari nkwiriye kuhamara icyumweru ariko kubera nari nziko byemewe kuba wafatira amashusho ya filime mu gihugu cy'aba-Islam, byansabye kubanza kubaza amakuru meza, kugira ngo ndebe ko bikunda. Uretse ko hari n'aho naje gusanga bitanashoboka. Ariko naragereje nkora ibishoboka byose kugirango bizabe bisa neza mu maso y'abanyarwanda.'

Zaba asanzwe afite ku isoko filime zirimo 'Aho yaciye' yahuriyemo n'umukunzi we Lynda, hari kandi 'Love and Drama' ivuganira idini ya Islam.

Igaragaramo Nkusi Lynda witabiriye Miss Rwanda 2020&2022, Umukundwa Clemence [Cadette] witabiriye Miss Supranational n'abandi. Ni filime y'uruhererekane irimo urukundo n'ubuzima busanzwe.

 

Zaba ari kubarizwa mu Mujyi wa Dubai aho yagiye gufatira amashusho ya filime 'Prime Jesus'

Zaba yavuze ko yagowe no gukora iyi filime i Dubai kuko ari umujyi ugendera ku mahame ya Islamu

Zaba yavuze ko iyi filime 'Prime Jesus' yatinze gusohoka bitewe n'uko yagowe no kubona ibice (Location) ayikoreramo

Zaba ari kumwe na Director ari kumwe na David Cash ari nawe uri gufata amashusho y'iyi filime biteganyijwe ko izajya hanze muri uyu mwaka

ZABA AHERUTSE GUTANGA INTEGUZA Y’IYI FILIME ‘PRIME JESUS’

“>

APR FC igiye kuba ikipe ya mbere mu Rwanda y’umupira w’amaguru yambaye umwambaro wanditseho 'Visit Rwanda' mu rwego rwo gukomeza kumenyekanisha u Rwanda mu mahanga.

Iyi myambaro bwa mbere barayiserukana mu mukino bakinamo na Simba SC uyu munsi muri Simba Day kuri Uwanja wa Mkapa yakira abantu ibihumbi 60.

Amakuru ISIMBI yamenye ni uko ijambo ‘Visit Rwanda’ riri bube riri mu gatuza mu gihe Azam yari ihasanzwe bayishyize mu mugongo.

Ubusanzwe Visit Rwanda ikorana n’amakipe y’umupira w’amaguru yo ku Mugabane w’u Burayi arimo Arsenal, Bayern Munich na Paris Saint Germain.

Amakipe yose yitabirandetse iyi gahunda iri mu marushanwa mpuzamahanga nka BAL muri Basketball, Tour du Rwanda mu magare na Iron Man muri Triathlon.

Uyu munsi APR FC irambara Visit Rwanda

Hashize imyaka 30 Jenoside yakorewe Abatutsi mu 1994 ihagaritswe, Kanyemera wari ufite imyaka 15 igihe Jenoside yakorwaga yatangaje ko abavandimwe be babiri bishwe muri Jenoside yakorewe Abatutsi.

Uyu mugabo w'imyaka 45 yabwiye Associated Press ko yagiranye isezerano n'Imana ngo imurinde na we azayiture amafaranga.

Yagize ati 'Ndakwinginze, nundinda nkarokoka ikindi cyumweru nzaguha 100 Frw.'

Kanyemera yahamije ko Imana yumvise ugusaba kwe ndetse kugeza igihe Jenoside yahagarikwaga yari amaze kujyamo Imana ideni rya 400 Frw.

Ati 'Bigaragazwa n'ukuntu ubuzima bwanjye n'imibereho yanjye mbiragiza Imana.'

Mu bandi bo mu muryango we bishwe muri Jenoside yakorewe Abatutsi harimo nyirakuru, nyirarume na babyara be.

Uyu mugabo yavuze ko hari abumva amateka ya Jenoside yakorewe Abatutsi mu 1994 ntibayashyikire kuko habayemo ibintu birenze imyumvire ya muntu.

Ati 'Hari abumva ibyatubayeho ntibabyemere. Hari abagabo bamwe bishe abana babo kubera urwango gusa.'

Yavuze ko gukira ibikomere ari urugendo rw'igihe kirekire ariko benshi mu barokotse Jenoside bahorana icyizere cyo kugira ubuzima bwiza.

Kuri ubu Kanyemera ni Perezida w'Umuryango Humura ufasha abarokotse Jenoside yakorewe Abatutsi mu 1994.

Kanyemera Pascal ahamya ko ubuzima bwe burindwa n’Imana nyuma y’uko imurokoye Jenoside yakorewe Abatutsi mu 1994

Ibi yabigarutseho mu kiganiro yagiranye na Yago TV Show, aho uyu mukobwa w'imyaka 12 yagarutse ku bikwiye kuranga abakunzi b'ibikorwa se yakoze yitsa cyane ku kurangwa n'urukundo.

Ati 'Ubutumwa nagenera abafana ba data, ni ugukomeza kurangwa n'urukundo birinde urwango, bigirire icyizere bizere n'Imana kandi bamenye ko data bafanaga n'ubu akibahanze amaso.'

Yashyimiye abamuherekeje kujya gusura iguturo cya se ku wa 5 Nyakanga (itariki y'amavuko ya Jay Pally) ndetse asaba n'abatarabonetse kujya bajya kumusura.

Cristal yatangaje ko yasize ahaye se isezerano kandi yumva agomba kuzaryubahiriza ndetse amusaba gusabira umugisha abamukunda n'abataramukunda.

Agaruka ku butumwa yamusigiye, yagize ati 'Namubwiye ko mukunda, ko mukumbuye, mu by'ukuri namubwiye ko abantu bose bamukunda uretse abamwanga, namusabye gusabira umugisha abantu bose bamukunda n'abamwanga, twe turacyahari kugira ngo dukore impinduka ku Isi, we akazi ke yarakarangije ku Isi natwe tugomba kukarangiza.'

Nirere Afsa Fifi yunganiye umwana we avuga ko mu butumwa yanditse, yongeyemo ko azamutera ishema akita ku babyeyi be ndetse na murumuna we.

Ati 'Mu butumwa yanditse hari ubwo yanditse bunkora ku mutima amubwira ngo Papa ndagusezeranya ko nzita kuri Chloe n'ababyeyi.'

Cristal urangije amashuri abanza avuga ko atazi neza niba azaririmba agatera ikirenge mu cya se gusa hari indirimbo asanzwe yandika, ndetse indirimbo yandika ziganjemo urukundo, umuryango, icyizere ariko akirinda cyane izirimo urwango.

Uyu mukobwa avuga ko ku ishuri bagenzi be bazi ko ari umukobwa wa Jay Polly ndetse rimwe na rimwe bajya bamuganiraho nubwo bitari cyane ariko ashima urukundo yerekwa.

Umuraperi Jay Polly amaze imyaka itatu yitabye Imana, buri mwaka tariki 2 Nzeri inshuti abavandimwe ndetse n'umuryango we wongera kumwibuka ndetse bashyira indabo ku mva aruhukiyemo.

Ni bimwe mu bikubiye mu butumwa yatangiye mu mugoroba wahariwe ingaragu wiswe 'Kigali Singles Night', wabereye muri Park Inn Hotel mu Mujyi wa Kigali ku wa 01 Kanama 2024. Uwimana yavuze ko yitabiriye iki gikorwa nk'umubyeyi wasize ab'ingaragu batandatu mu rugo, ku buryo yagira ubutumwa abashyira bwabafasha gukomeza kubaho mu buzima bufite intego n'ubwo batarashinga ingo.

Yaboneyeho gukebura abasore bagifite imyumvire y'uko badashobora gushaka umukobwa ufite amafaranga cyangwa wize amashuri menshi, avuga ko ibyo ari ukwivutsa amahirwe yo kuzagira urugo rurimo umugore w'umunyabwenge uzi no gushaka amafaranga.

Ati ''Abakobwa bafite ikofi nka kibazo! […] none se ko turi mu gihe kirimo abakobwa b'abahanga, abakobwa bafite amafaranga, abakobwa bafite 'diplôme, ufite mu mutwe hazima yakwemera. Uragirira iki ubwoba ko wagize amahirwe yo kumenyana n'umukobwa ufite ikofi?''

''Si icyaha kuba umukobwa yarakoze ikofi, turi mu gihugu cyatumye abana bacu bakora bagira ubwenge, ntabwo bakwiye kugumirwa kubera ko ari abahanga cyangwa bafite amafaranga kandi ntibazishaka. […] nta muhungu ukwiye kwitinya ngo atinye umukobwa, abakobwa barabura abagabo ndakubwiza ukuri. Barabura abagabo bakamutinya ngo iwabo ni abakire, iwabo se Ise azamurongora? Oya!''

Ibi kandi byashimangiwe n'Inzobere mu mibanire, Hategekimana Hubert Sugira wateguye uyu mugoroba wiswe 'Kigali Singles Night' wahariwe ingaragu, agaragaza ko kuba umukobwa afite amafaranga cyangwa yarize amashuri menshi bitakabaye ikibazo ku basore, ahubwo ko icy'ingenzi ari uko buri wese abanza kumenya intego z'ubuzima bwe akumva niba zihura n'iza mugenzi we.

Umugoroba wahariwe ingaragu wiswe 'Kigali Singles Night', wabereye muri Park Inn Hotel mu Mujyi wa Kigali ku wa 01 Kanama 2024

Ni raporo izwi nka The Producer Price Index (PPI) igaragaza ibipimo by'ibiciro ku bikorerwa mu Rwanda buri kwezi.

Iyo raporo nshya yerekana ko ibiciro by'ibikorerwa imbere mu gihugu byagabanyutse ku kigero cya 2.5% muri Kamena 2024, ugereranyije n'uko kwezi mu mwaka ushize.

Muri rusange ibiciro by'ibikorerwa mu Rwanda byagabanyutseho 1.9% ugereranyije n'uko kwezi ku mwaka ushize.

Ibyo byaturutse ku kuba ku isoko ry'imbere mu gihugu harabayeho igabanyuka rya 2.5% bitewe n'uko ibikorwa byo gutunganya ibyo bicuruzwa nabyo byagabanyutseho 3.3% ku isoko ryo mu Rwanda.

Ugereranyije uko kwezi n'ukwabanje, usanga ibiciro byaragabanyutseho nibura ku kigero cya 3.6%.

Ku birebana n'ibyoherezwa mu mahanga, ibiciro byagabanutseho 0.6% ugereranyije n'umwaka ushize kubera igabanuka rya 4.6% ryagaragaye ku giciro cy'ikawa.

Ugereranyije ibyo biciro bya Kamena 2024 na Gicurasi 2024 usanga byaragabanutse ku kigero cya 6.3% biturutse ku igabanyuka ry'ibiciro by'icyayi byageze ku kigero cya 13.9% n'igabanuka ry'ibiciro by'ikawa.

Bamwe mu bafite inganda zitunganya ibiribwa imbere mu gihugu baganiriye na RBA bagaragaje koko ko ibiciro bya bimwe mu byo bacuruza byagabanyutse nk'uko Usanase Abdou ufite uruganda rukora ibikomoka ku ifarini yabisobanuye.

Ati 'Twagabanyije igiciro dukoze ubushakashatsi, ni gute umugati wakomeza kuba mwiza, woroshye, uryoshye kandi ukungahaye ku ntungamubiri, ariko udahenze cyane. Twashoboye kuba twagabanya bikajya ku giciro cy'indi migati iri ku isoko ariko uwacu ukaba ufite za ntungamubiri.'

Ku rundi ruhande ariko hari abacuruzi bavuga ko ibyo bacuruza bitigeze bihinduka kubera ko bakenera ibikoresho by'ibanze bituruka hanze y'igihugu bigatuma ibiciro byiyongera ku isoko.

Umutoza wa APR FC, Darko Nović yavuze ko bafite ikibazo gikomeye cy’uko mu myiteguro yose bagize ari amarushanwa bityo abakinnyi bose batabonye umwanya wo gukina.

Ni nyuma yo kugera muri Tanzania bagakorera imyitozo kuri Uwanja wa Mkapa bitegura umukino w’uyu munsi bafitanye na Simba SC kuri Simba Day.

Uyu mutoza yabajijwe niba ari buhe amahirwe bamwe mu bakinnyi atakoresheje muri CECAFA Kagame Cup, avuga ko bigoye kuko ari umukino ukomeye ugomba kubafasha kwitegura neza Champions League.

Yavuze ko mu myiteguro ye yagize ikibazo cy’uko yiteguriye mu irushanwa byari bigoye guha umwanya abakinnyi bose.

Ati “nuvuga kuri ibyo, ni cyo kibazo dufite gikomeye, imyiteguro yahereye hano imikino yose yari irushanwa ntabwo wari guha amahirwe abakinnyi bose urugero nk’umunyezamu wacu wa kabiri ntabwo yigeze akina n’umunota umwe mu mikino 6 iheruka kandi n’umukino wa Simba ni umukino ukomeye.”

“Ni cyo kintu twabuze muri iyi myiteguro kuko ntabwo twabonye amahirwe yo guha umwanya abakinnyi benshi ngo basaranganye iminota ariko tuzagenda tubikoraho gake gake, umukino ku mukino.”

APR FC izakina na Azam FC mu mukino w’ijonjora ry’ibanze rya CAF Champions League, umukino ubanza uzabera muri Tanzania tariki ya 17 Kanama 2024 mu gihe uwo kwishyura uzabera mu Rwanda tariki ya 24 Kanama 2024.

Darko Nović yavuze ko yagize ikibazo cyo kudaha abakinnyi be bose umwanya wo gukina bitewe n’imiterere y’imikino yakinnye