Author: webrwanda

Uwase Emelyne Isheja yavuze ko yahuye n’uruva gusenya kubera kwitiranywa na Emelyne wagaraye asa n’aho akorakorwa na The Ben mu ruhame.

Bamwitiriranyije na Kwizera Emelyne uheruka kugaragara mu mashusho yavugishije benshi ari kumwe n’umuhanzi The Ben i Musanze.

Ni amashusho agaragaza The Ben afashe mu rukenyerero cyangwa mu mayunguyungu y’uyu mukobwa (Kwizera Emelyne), aho bamwe mu bayabonye bavuze ko uyu muhanzi yamufasheho akarengera akagera aho amukurura umwenda w’imbere.

Kwizera Emelyne yabyamaganiye kure avuga ko The Ben yakuruye ishanga[Amasaro bambara mu rukenyerero] yari yambaye atari umwenda w’imbere ndetse ngo nta n’ikibazo amufiteho.

Aya mashusho yatumye bamwe batangira gushakisha uyu mukobwa ku mbuga nkoranyambaga zitandukanye.

Mu gushakisha amafoto, hari abibeshye bitiranya Uwase Emelyne na Kwizera Emelyne batangira gusakaza amafoto ye bavuga ko ari we wari uri kumwe na The Ben i Musanze.

Uwase Emelyne yabwiye Isimbi TV ko uko kumwibeshyaho byatumye yibasirwa n’abantu batandukanye barimo inshuti ze ndetse aho asigaye agera hose abamubonye baryana inzara bavuga ko yatwaye umugabo w’abandi.

Ati 'Nagiye muri restaurant muri Kigali Height mbona abantu ku meza amwe barahagurutse bati 'dore dore’ kandi ubumva ibyo bavuga, nagendaga mu nzira nkabona abantu baramvuze nkabona bamwe baje kundeba no ku kazi.'

Ngo ibi byatumye uyu mukobwa abona ko bishobora kwangiza isura ye cyangwa bigatuma afatwa uko atari mu muryango cyangwa muri rubanda.

Yakomeje agira ati 'Byarambangamiye cyane muri rubanda, mu muryango, nanjye ubwanjye. Buriya n’iyo waba atari wowe wabikoze kubona abantu bakuvugaho ikibi biragukomeretsa ku mutima.'

Uyu mukobwa avuga ko asanzwe aziranye na Kwizera Emelyne (wagaragaye mu mashusho) ndetse bose ngo ni abakinnyi ba filime.

Uwase Emelyne yemera ko asanzwe afana The Ben ariko ntabwo arahura n’uyu muhanzi.

Uwase Emelyne avuga ko yahuye n’uruva gusenya kubera kwitiranywa n’uwifotozanyije na The Ben

Kwizera Emelyne wifotozanyije na The Ben

Perezida Kagame yanenze Umujyi wa Kigali uvuga ko moteri ihari idacana amatara yose ya Kigali Pelé Stadium ko ari ibintu bitagakwiye kuba byarabaye.

Ni nyuma y’uko kuva mu mpera z’umwaka w’imikino ushize Umujyi wa Kigali watangaje ko nta mikino yahabera ni njoro kubera ko amatara afite urumuri rudahagije.

Rayon Sports uyu munsi yagombaga kuhakirira Amagaju saa 18h00′, yongeye gushimangira ko nta mukino wahabera kubera ikibazo cy’amatara uyu mukino ukaba wazanywe saa 18h00′.

Ni ibintu byakuruye impaka nyinshi cyane ku mbuga nkoranyambaga bitewe n’iyi baruwa Umujyi wa Kigali wari wandikiye FERWAFA.

Umujyi wa Kigali wongeye gushyura umucyo kuri iki kibazo maze ugira uti “Iki kibazo ntabwo cyananiranye, kirimo gushakirwa umuti urambye.Uyu munsi moteri dufite muri Kigali Pelé Stadium ntabwo ibasha gucana amatara yose ngo ikibuga kibone bikwiriye ku buryo haba imikino ya ninjoro. Icyakora, mu gihe abagiye gukina bafite ubushobozi bwo kuzana moteri iyunganira, bemererwa gukina ninjoro.'

Aha ni ho Perezida Kagame yaje akanenga Umujyi wa Kigali avuga ko iki kibazo kitagakwiye kuba cyarabaye.

Ati “Ibi ni ibintu bitagakwiye kuba byarabayeho na mbere hose'.

Umujyi wa Kigali uvuga ko watumijeho indi moteri ifite ubushobozi ikaba izagera mu Rwanda mu mezi 3 ari imbere.

This should NOT have happened in the first place!!!

— Paul Kagame (@PaulKagame) August 22, 2024

Amatara ya Kigali Pelé Stadium ubu ntabwo acana yaka neza

Umukino uheruka kuhabera ntabwo urumuri rwari ruhagije

Perezida Kagame yanenze Umujyi wa Kigali

Byabaye mu ijoro ryo kuri uyu wa Kane tariki 22 Kanama 2024, binyuze mu birori by’umusangiro bizwi nka “Meet and Greet”.

Byabereye kuri Kimi’s Bar ku Kimihurura mu Mujyi wa Kigali. Byateguwe mu gihe Riderman na Bull Dogg bageze kure imyiteguro y’igitaramo cyabo “Icyumba cy’amategeko’ kizabera muri Camp Kigali.

Ni ibirori byahuje abakunzi ba Skol, ndetse umuhanzi Kidum, umuraperi Bushali, umuhanzi akaba n’umunyamakuru MC Tino ni bamwe mu bantu bazwi bitabiriye ibi birori..

SkOL niyo muterankunga Mukuru w’iki gitaramo, ndetse igaragaza ko binyuze mu kinyobwa cya ‘Skol Malt’ nta muntu uzicwa n’inyota muri iki gitaramo kizanaririmbamo Bushi, Ish Kevin, Kenny K Shot, Bruce the 1st, Tuff Gang n’abandi.

Bull Dogg aherutse kubwira InyaRwanda ko bashimishijwe no kuba baratewe inkunga na SKOL, ariko kandi si ibintu bishya kuri uru ruganda, kubera ko mu bihe bitandukanye rwateye inkunga ibitaramo byubakiye kuri Hip Hop.

Yavuze ko azi ibitaramo byinshi by’abaraperi byatewe inkunga na SKOL, birimo n’ibyo nawe yaririmbyemo byabereye mu Karere ka Huye mu Majyepfo y’u Rwanda.

Uyu muraperi wamamaye mu ndirimbo zirimo nka ‘Cinema’ avuga ko “byanyeretse ko SKOL ishobora kuba ari umuterankunga mwiza umuntu yakwifashisha mu gihe nk’iki.”

Yavuze ko SKOL yumvise igitekerezo cy’igitaramo cyabo yiyemeza kubashyigikira, nyamara hari izindi kompanyi na sosiyete bari begereye ariko ntibabashyigikira.  

Ati “Bo bumva igitekerezo, bumva abahanzi cyane muri iki gihe mu bintu bijyanye n’umuziki ntabwo navuga kurusha izindi kompanyi ariko barabyumva cyane vuba, kuko ntabwo ariho tuba twarakomanze honyine, wenda mu bijyanye n’ibyo kunywa ni hamwe mu ho twakomanze babyumva vuba cyane. Reka mboneraho no kubashimira cyane.”

Riderman na Bull Dogg basabanye n’abakunzi babo mu birori byiswe ‘Meet and Greet’

Bushali yasanganiye bagenzi be muri ibi birori bitegura igitaramo ‘Meet and Meet”

Abanyamakuru bakorera ibitangazamakuru bitandukanye bitabiriye ibi birori 

SkOL yateye inkunga iki gitaramo binyuze mu kinyobwa cya Skol Malt 

Umuraperi Siti True Karigombe utegerejwe mu gitaramo ‘icyumba cy’amategeko’ 

Amafoto: Dox Visual 

Ibi bitaramo bizabera mu Turere 8, bikaba bizaririmbamo abahanzi bakunzwe bagera ku 7 barimo Bruce Melodie.

Uyu mugabo hari ibibazo yagiye abazwa, muri ibyo harimo ikigaruka ku kuba abahanzi batabasha kwitegurira ibitaramo mu Ntara.

Bruce Melodie ati' Ni nk’uko na we utakwikamera, buri muntu wese agira uruhande abasha gukoreramo.'

Aha yagarukaga ku kuba hari abazi gutegura ibitaramo nka East African Promoters bashobora kunganira abahanzi bakabafasha kugera ku bafana babo.

Ku ngingo kandi yerekeranye no kuba ibitaramo bya MTN Iwacu na Muzika bizahurira n'ibyo afite muri Canada.

Yatanze icyizere ko azaba ahari gusa ntiyabasha gusobanura niba ibyo kujya muri Canada bitagikunze.

Yabajijwe uko yakiriye ukwiyunga kwa The Ben na Coach Gael, Bruce Melodie ati'Kuko batazaza muri Iwacu na Muzika tuzabivuge ubundi ntabyo nakiriye.'

Bruce Melodie usanzwe ari Brand Ambassador w'ikinyobwa cya  Primus, nk’uko byagarutsweho abakunzi be bazagira n'umwanya wo kwishimana na we mu tubari tuzagenda duhiga utundi muri buri turere ibi bitaramo bizageramo.

Ibitaramo bya MTN Iwacu na Muzika kandi byatewe inkunga na Primus, bizaririmbamo abahanzi Bruce Melodie, Kenny Sol, Bwiza, Chriss Eazy, Bushali, Danny na None na Ruti Joel.Bruce Melodie uri mu bahanzi bazatarama mu bitaramo bya MTN Iwacu na Muzika yagowe no gusobanura uko azabihuza n’ibyo afite muri Canada gusa asezeranya abamukunda ko azaba ari mu RwandaMushyoma Joseph yatangaje bahisemo ko iri serukiramuco riba iryo mu Ntara enye z’igihugu ariko hari ibindi bikorwa bateganyirije abanyarwanda Ubuyobozi bwa MTN bwatangaje ko bwanyuzwe no kugirana imikoranire y’imyaka itanu na EAP y’ibi bitaramo bizenguruka igihugu Ubuyobozi bwa Primus bavuze ko bwiteguye kuzatanga ibyishimo bisendereye ku bakunzi b’iki kinyobwa kandi ko abagikunda bazagira amahirwe yo guhura na Bruce Melodie muri izo Ntara mu buryo bwihariye bigizwemo uruhare n’iki kinyobwa Abahanzi bose batangaje ko biteguye gutanga ibyishimo bisendereye ku bakunzi babo baherereye mu bice bitandukanye by’igihugu bashimira EAP ikomeza kubaha umwanya n’abafatanyabikorwa bayo aribo MTN na Primus 

Amatora ya komite nyobozi y'umujyi wa Kigali yabaye kuri uyu wa 22 Kanama 2024, asiga Dusengiyumva Samuel akomeje kuyoboba Umurya Mukuru w'u Rwanda.

Akimara kurahirira izi nshingano yavuze ko iyi manda ari iyo kwihuta mu guhindura Umujyi wa Kigali, no kubahiriza ibyo buri wese asabwa.

Meya Dusengiyumva yavuze ko mu mezi icyenda yari amaze ayoboye Umujyi wa Kigali hari bimwe mu bibazo yagejejweho n'Abajyanama birimo imirenge y'icyaro idafite ibikorwa remezo ariko muri iyi myaka bazihatira kubihageza.

Ati 'Bagaragaje ko hari imirenge y'ibyaro itarimo ibikorwa remezo bihagije, ndavuga nk'imihanda, ibiraro, amazi amashanyarazi, ibyo rero twarabyumvise, dufite gahunda yo kubyongera.'

Imibare y'ibarura rusange rya 2022 igaragaza ko abakoresha amazi meza mu Mujyi wa Kigali ari 97%.

Ibyangombwa byo kubaka byahagurukiwe

Meya Dusengiyumva yavuze ko ibyerekeye serivisi zitangwa n'Umujyi wa Kigali zigenda biguru ntege bigomba guhagarara kandi umuturage akazibona hafi ye.

Ati 'Ibijyanye n'imyubakire abaturage bagenda bagaragaza ko hari igihe bitinda, hari n'igihe bidakorwa neza ntibabone n'amakuru ahagije, ibyo rero turashaka gufatanya na Minisiteri y'ibikorwa Remezo n'Ikigo cy'Igihugu gishinzwe imyubakire kugira ngo tubone uburyo bukwiriye bw'ikoranabuhanga n'ubundi bwose bushoboka ku buryo byihuta, umuntu akajya abona icyangombwa bimworoheye […] kandi bitamusabye kugenda ahantu henshi asiragira.'

Yavuze ko hari hasanzwe hari uburyo bwakoreshwaga bw'ikoranabuhanga ariko butatanze umusaruro neza ari na yo mpamvu bugomba kuvugururwa.

Ati 'Bimaze kugaragara ko bidakora neza. Nk'ubu umuturage arakubwira ngo njyewe maze amezi abiri narasabye. Ibyo rero turashaka kureba uko byakorwa. Harimo ibyo dushobora kunoza bikihuta kurushaho ariko n'uburyo bikorwa n'aho bikorerwa ibyo byose turashaka kubirebaho tukabivugurura, turifuza ko umuntu niba tumubwiye ngo arabona icyangombwa mu byumweru bitatu agomba kukibona.'

Yahamije ko mu myaka itanu iri imbere Umujyi wa Kigali wifuza kuzaba utanga icyangombwa cyo kubaka 'nko mu minsi 14. Ubu turacyari kuri 21 rero turashaka byose kubikora muri iyi myaka itanu wasaba icyangombwa cyo kubaka mu minsi 14 ukaba wakibonye.'

Meya Dusengiyumva yahamije ko ibyangombwa byo kubaka bizatangwa mu buryo bunoze muri iyi manda nshya

Hazaterwa ibiti miliyoni 3

Umwuka wo mu mujyi wa Kigali ugenda wandura ku buryo hatagize igikorwa mu bihe biri imbere byazagira ingaruka zikomeye ku buzima.

Raporo ya Quality Air 2023 yashyize Umujyi wa Kigali ku mwanya wa 17 mu igaragaramo umwuka wo guhumeka urimo wanduye kuko urimo utuvungukira twinship tw'ibinyabutabire tutagaragara tuzwi nka 'particulate matter' (pm25).

Meya Dusengiyumva yavuze ko biri mu bizitabwaho mu myaka itanu iri imbere haterwa nibura ibiti miliyoni 3, bikazabarwa harebwe ibyakuze aho kubara ibyatewe gusa.

Ati 'Turashaka gutera ibiti, twavuze miliyoni 3 muri iyi myaka itanu, turifuza kandi ko n'abaturage buri muntu wese ufite ikibanza yagiteraho ibyatsi cyangwa se ufite ubutaka buri hafi y'urugo rwe ariko bwegereye umuhanda akahashyira amapave cyangwa se ibyatsi.'

'Ibiti tuvuga ntabwo ari ibiti byatewe gusa, ni ibiti byakuze. Kuko hari ibiti byinshi dutera haba ku mihanda bigapfa ariko noneho no kugira ngo ubutaka bwo muri Kigali tububungabunge n'ibyatsi.'

Yagaragaje ko hari ibiti byinshi biterwa ariko bikagenda byangirika nyamara 'hari ibintu byinshi dushobora gukora mu kubungabunga ibidukikije bigatuma umwuka duhumeka ugenda uba mwiza.'

Meya Dusengiyumva yavuze ku imihanda itandukanye yari yatangiye kubakwa haba i Gasogi, Mageragere n'ahandi yari yaradindiye kuri ubu yasubukuwe ndetse n'ubushobozi ngo burahari ku buryo mu bihe biri imbere izaba yararangiye.

Abayobozi batorewe kuyobora Umujyi wa Kigali bose biyemeje guteza imbere abaturage

Minisitiri Dr. Nsanzimana yavuze ko hari gushyirwa imbaraga mu gushyiraho ingamba zo guhangana n'iki cyorezo kugira ngo kidakwirakwira muri benshi, cyane ko hari bamwe bagisanganywe barimo abavuwe bagakira.

Yagize ati “Twizeye ko mu minsi ya vuba Mpox izaba yahagaritswe nta muntu n'umwe uri kuyigaragaraho mu Rwanda. Ubushobozi burahari inzego zose zibirimo icyo dusaba ni uko buri wese ashyiraho uruhare rwe ugaragayeho ibimenyetso akihutira kujya kwa muganga ndetse akamenyesha n'abandi bahuye natwe inzego z'ubuzima tukabishyiramo imbaraga,”

“Kugira ngo turusheho kwirinda iyi ndwara ni byiza ko uwamenye ko ayirwaye yakwirinda kuyikwirakwiza mu bandi akaba aretse kujya ahantu hari abantu benshi mu gihe ari mu rugo anywa imiti kuko ntibisaba kuva kwa muganga ari uko wakize burundu.”

Minisitiri w'Ubuzima yavuze ko u Rwanda rwashyizeho ingamba nyinshi zirimo gukorana n'inzego zose zirimo abajyanama b'ubuzima bakagenda urugo kurundi bareba ko nta muntu waba afite ibyo bimenyetso bya Mpox, kuko hari n'ushobora kugira ibyo bimenyetso atari Mpox arwaye, “ariko tubimenya ari uko wageze kwa muganga ugapimwa.”

Mpox ku muntu wayanduye bitwara hagati y'imitsi itatu n'imitsi 14 kugira ngo ibimenyetso bigaragare, bitangira ari ibiheri biza ku mubiri cyane cyane mu maso, ku maboko no mu myanya y'ibanga bishobora no gukirwa ahandi henshi biza bifitemo utuzi dukenda dutindamo tukuma kagahunguka uko umunru agenda akira.

Kugira ibyo biheri bijyana kenshi no kugira umuriro, ushobora kuza ari mucye cyangwa ukaza ari mwinshi, ikindi n'uko bica intege. Ibyo bimenyetso iyo bigaragaye umuntu akavurwa nyuma y'ibyumweru 2 cyangwa 3 aba yakize, abo twabonye kugeza ubu ntawagize ikibazo cyo gutinda kwa muganga cyangwa se ngo ahitwanwe niyo ndwara.

Mpox ibamo ibyiciro byinshi ariko ubu hari grade 1B ari na yo yagaragaye mu Rwanda, muri Congo bakagira grade 1 naho muri Afurika y'Iburengerezuba bakagira grade 2, iri mu Rwanda ikaba ifitanye isano niyagaragaye muri Congo.

Minisitiri Dr. Nsanzimana yavuze ko mu Rwanda abo yagiye igaragaraho cyane ari abakora uburaya cyangwa abakora imibonano mpuzabitsina kenshi kuko yandura cyane binyuze mu guhuza imibiri bitandukanye cyane na Coronavirus kuko yo wasangaga ari mu buhumekero.

Imibare igaragaza ko abantu bari mu myaka 25, 30 na 40 ari bo bari kwandura iyi ndwara cyane bitewe n'uko ari bo bakunda gukora imibonano mpuzabitsina, turakangurira abantu kwirinda gukora imibonano mpuzabitsina kabone n'ubwo yaba ikingiye.

Minisitiri w’Ubuzima, Dr. Nsanzimana Sabin, yatangaje ko bari gukorana n’izindi nzego zose mu guhangana na Mpox

Abinyujije ku rubuga rwa X ku mugoroba wo kuri uyu wa 22 Kanama 2024, Perezida Kagame yasubije Umujyi wa Kigali wari wanditse uvuga ko icyo kibazo kiri gushakirwa umuti urambye, harimo no kuba haratumijwe moteri shya, avuga ko kitagombaga no kuba cyarabaye.

Ati 'Ibi ni ibintu bitagakwiye kuba byarabayeho na mbere hose'.

This should NOT have happened in the first place!!!

— Paul Kagame (@PaulKagame) August 22, 2024

Impaka zijyanye na moteri yo kuri iyo stade zongeye kuzamurwa n'uko Umujyi wa Kigali umenyeresheje Ishyirahamwe ry'umupira w'amaguru mu Rwanda, Ferwafa ko imikino ya nijoro idashobora gukinirwa kuri iyo stade, kuko ikibazo cya moteri kitarakemuka.

Ibyo byabaye mu gihe ikipe ya Rayon Sports yagombaga kwakirira Amagaju FC kuri iyo stade mu mukino w'Umunsi wa Kabiri wa Shampiyona uteganyijwe ku wa Gatanu, tariki 23 Kanama 2024 saa kumi n'Ebyiri z'umugoroba.

Ni umwanzuro wagarutsweho cyane ku mbugankoranyambaga, ari naho Umujyi wa Kigali watangiye umucyo kuri iki kibazo.

Umujyi wa Kigali waranditse uti 'Iki kibazo ntabwo cyananiranye, kirimo gushakirwa umuti urambye.Uyu munsi moteri dufite muri Kigali Pelé Stadium ntabwo ibasha gucana amatara yose ngo ikibuga kibone bikwiriye ku buryo haba imikino ya ninjoro. Icyakora, mu gihe abagiye gukina bafite ubushobozi bwo kuzana moteri iyunganira, bemererwa gukina ninjoro.'

Wakomeje uvuga ko watumije moteri ifite ubushobozi busabwa, izagera mu Rwanda mu mezi atatu ari imbere.

Ikibazo cy'iyi moteri kimaze igihe kinini ndetse uretse kudatanga urumuri ruhagije hari n'igihe yazimaga umukino uri kuba.

Hello,

The City of Kigali is seeking a lasting solution for this issue. Today, the generator we have at Kigali Pelé Stadium is not able to power all the lights sufficiently for night games. However, if the teams playing have the capability to bring an additional generator, they… https://t.co/AAG5SDc5D8

— City of Kigali (@CityofKigali) August 22, 2024

moteri yo kuri Kigali Pele Stadium ifite ubushobozi budahagije

Umukino uheruka kubera kuri iyi stade nijoro ni uwagishuti wahuje Rayon Sports na Azam Fc

Ingingo yo kwigisha amasomo ya gisirikare abasoje amasomo y'amashuri yisumbuye bose yatangiye kuvugwaho cyane mu gihe Ishyaka riharanira Demokarasi n'Imibereho Myiza y'Abaturage (PSD) ryiyamamazaga mu matora aheruka, benshi bakomeza kubijyaho impaka.

Umuyobozi wa Pan-African Movement Rwanda, Musoni Protais ubwo yagezaga ikiganiro cy'amateka y'u Rwanda ku Nteko Ishinga Amategeko, umutwe w'Abadepite kuri uyu wa 21 Kanama 2024, yagaragaje ko yanyuzwe n'igitekerezo cyo kwinjiza urubyiruko mu Nkeragutabara ariko umubare w'abazajyamo akabona ukiri muto.

Ati 'Nishimye mbonye inkeragutabara zigiye kujyaho, ni uko nabonye ari bake. Iyaba byashobokaga abarangije amashuri yisumbuye cyangwa kaminuza bose bakajya bagira uwo mwaka, ibi bihugu ubona bihagaze by'ibihangange bifite umuco wo kubitegura, nka Israel na Tanzania, ni ibintu rero natwe twagakoze.'

Yanavuze ko mu mashuri abanza hashyirwaho uburyo yajya atoza Ubunyarwanda n'umuco Nyarwanda ku buryo umwana uvuye ku ishuri atahana impamba inyigisho zigakomereza mu rugo.

Tariki 16 Kanama 2024, Umuyobozi Mukuru ushinzwe Abakozi muri RDF, Col Lambert Sendegeya yabwiye abanyamakuru ko kwinjiza urubyiruko mu Nkeragutabara byakunganira abasirikare b'u Rwanda.

Ati 'Izi nshingano ziba zisaba ko Ingabo z'u Rwanda zihora zikongererwa imbaraga zihamye zo guhangana n'ibyahungabanya umutekano n'ubusugire bw'Igihugu muri iki gihe ndetse n'icyizaza, ni muri urwo rwego rero Ingabo z'u Rwanda ziteganya kwinjiza mu Ngabo z'u Rwanda umutwe w'Inkeragutabara urubyiruko rushoboye kandi rufite ubushake rwakwitabazwa bibaye ngombwa mu kunganira abasirikare b'u Rwanda basanzwe bakora uwo murimo buri munsi.'

Abazajya muri iyi gahunda bazajya bamara amezi atandatu mu ishuri rya Gisirikare rya Gabiro.

Kugeza ubu abemererwa kwinjira mu Nkeragutabara ni abarangije Amashuri yisumbuye bagomba kuba batarengeje Imyaka 25, abarangije Amashuri y'ubumenyingiro (IPRC) bagomba kuba batarenga Imyaka 26, mu gihe abafite impamyabumenyi y'icyiciro cya kabiri cya kaminuza bagomba kuba batarenge imyaka 28.

Umuyobozi wa Pan-African Movement Rwanda, Musoni Protais yavuze ko urubyiruko rurangije amashuri rwose rwashyirirwaho umwaka wo kujya mu Nkeragutabara

Yabitangarije mu kiganiro yagejeje ku Badepite bashya binjiye mu nshingano

Mu ibaruwa IGIHE ifitiye kopi, yandikiwe abayobozi b'uturere kuri kuri uyu wa 22 Kanama 2024, yashyizweho umukono na Minisitiri w'Ubutegetsi bw'Igihugu, Musabyimana Jean Claude, yabasabye guhagarika imiryango ishingiye ku myemerere iri ku mugereka w'iyo baruwa.

Yagaragaje ko ibyo bishingiye ku ibaruwa y'Urwego rw'Igihugu rw'Imiyoborere, RGB, ndetse no kuba hamaze igihe hakorwa ubugenzuzi ku miryango ishingiye ku myemerere, bikagaragara ko hari ikwiye guhagarara.

Iyo baruwa ikomeza igira iti 'Mbandikiye mbasaba guhagarika imiryango n'ibikorwa by'imiryango iri ku mugereka w'iyi baruwa n'indi yose ikora bitemewe n'amategeko aho yaba ikorera hose hirya no hino mu gihugu.'

Umugereka wagaragayeho amadini n'imiryango itandukanye irenga 40 irimo isanzwe imenyerewe cyane mu Rwanda.

Harimo nk'Itorero rya Misiyoni y'Abaluteri muri Afurika ryakoreraga mu Rwanda mu Ntara zitandukanye by'umwihariko mu Burasirazuba.

Hari kandi Itorero rya Philadelphia Church, Umugeni wa Kristo, Abagorozi, Abakusi, Abanywagake, Abarokore, Abavandimwe Church, Agape Sanctualy, Assemblies of Lord, Bethel Miracle Church, Intumwa n'Abahanuzi, Isoko Ibohora, Ivugurura n'Ubugorozi, Redeemed Baptist Church, Salvation Church n'andi atandukanye.

Ibyo bibaye nyuma y'uko hari andi matorero aherutse guhagarikwa gukorera mu Rwanda arimo Umuriro wa Pentekote na Ebenezer Rwanda yazize kubiba amacakubiri mu Banyarwanda.

Ni nyuma kandi y'ubugenzuzi bwakozwe na RGB ku bufatanye n'inzego z'ibanze bwasize insengero hafi ibihumbi umunani zifunzwe by'agateganyo kubera kutuzuza ibisabwa.

Umuyobozi w'Abaruteri muri Afurika ishami ry'u Rwanda, Seburikoko Celestin, yemereye IGIHE ko ayo makuru yo gufungirwa yayamenye ndetse yemeza ko bari batarabona ubuzima gatozi bubemerera gukorera mu Rwanda nubwo bari batangiye inzira zo kubushaka.

Yagize ati 'Mu by'ukuri ntabwo bintunguye kuko ndabizi neza ko umuryango wose cyangwa igikorerwa mu gihugu kigomba kuba kizwi kandi twari twarakoze ibyo dusabwa, twarasabye ibyangombwa byose ariko hari ibyo bari baradusabye ko dukosora…nari nabitunganyije uretse ko ntarabisubizayo [kuri RGB].'

Seburikoko yagaragaje ko agiye kujya kubaza neza niba bashobora gukomeza inzira yo gusaba ubuzima gatozi cyangwa niba bafunzwe burundu kuko bari bahawe icyemezo cyo gukora cy'agateganyo ariko kiza kurangira.

Itorero rya Misiyoni y'Abaruteri muri Afurika, ryatangiye gukorera mu Rwanda mu 2015 rikaba rifite abakirisitu 2037 hirya no hino mu gihugu.

MINALOC yahagaritse insengero zirenga 40

Mu butumwa yanyujije ku rubuga rwa X, Polisi yatangaje iti 'Polisi y'u Rwanda ku bufatanye n'inzego z'ibanze bafashe abacyekwaho ubujura bwo kwambura no gukomeretsa abaturage mu masaha y'ijoro ndetse no gutobora amazu bo mu mirenge ya Shyira na Jenda mu Karere ka Nyabihu'.

Polisi muri ubu butumwa yakomeje ishimira abaturage batanze amakuru inabashishikariza kwirinda kwishora mu bikorwa nk'ibyo bihungabanya umutekano kuko ababigiramo uruhare batazihanganirwa.

Hari hashize iminsi mu murenge ya Jenda na Shyira muri Nyabihu havugwa itsinda ry'insoresore ziyise 'ibihazi' aho zatangiraga abaturage zikabambura buri kimwe babasanganye harimo nka telefoni n'ibindi ibyo ari byo byose bafite.

Abaturage bo muri uwo murenge basabaga inzego bireba gukemura icyo kibazo kuko mu msaha ashyira aya nijoro byari bisigaye bigoye kuba bagira aho berekeza kuko hari n'abo bari batangiye gukomeretsa ndetse no gufata abagore ku ngufu.

Umuvugizi wa Polisi mu Ntara y'Iburengerazuba, SP Twizeyimana Hamdun yahamije ko mu minsi ishize mu Isantere ya Jenda hagiye hagaragara insoresore zasinze zigateza umutekano muke zinarwana ariko kuri ubu Polisi ikaba imaze guta muri yombi izirenga 20 kandi kubafata bikaba bigikomeje.

SP Twizeyimana yavuze ko muri abo bamaze gutabwa muri yombi harimo n'uherutse gukomeretsa umuturage bimuviramo kwitaba Imana mu Murenge wa Shyira.

Ati 'Ni ikibazo twamenye cyabaye ku itariki 15 Kanama 2024 ahagana saa saba z'ijoro, ubwo umujura witwa Ndatimana Daniel w'imyaka 24, yatawe muri yombi yagiye kwiba mu rugo rw'umuturage mu Mudugudu wa Kazirankara mu Kagari ka Kanyamitana'.

'Yafashwe amaze gukomeretsa nyiri inzu n'umuhungu we aho inzego z'umutekano zihutiye kugera aho byabereye ndetse banahakura nyiri iyo nzu n'umuhungu we bari bakomeretse bajyanwa kwa muganga nyuma y'iminsi mike uwo muhungu we aza kwitaba Imana'.

Yongeyeho ko Ndatimana yafatiwe aho yakoreye icyaha ubu akaba yarashyikirijwe pariki.

Polisi y’u Rwanda yataye muri yombi abakomeretsaga abaturage muri Nyabihu