Author: webrwanda

Uyu muhanzi wamamaye mu ndirimbo zinyuranye, ari kwitegura gukora iki gitaramo agamije kwizihiza imyaka 40 ishize ari mu muziki, n'imyaka 30 ishize y'urugendo rwo kwiyubaka rw'u Rwanda.

Ni igitaramo kidasanzwe kuri we, kuko avuga ko ari nk'umugeni bazasohora ku wa Gatandatu tariki 31 Kanama 2024 mu gitaramo azakorera muri BK Arena. Azahurira ku rubyiniro n'abahanzi Ruti Joel, Ariel Wazy, Dj Marnaud n'abandi.

Ni igitaramo kandi kitezwemo abahanzi benshi babanye mu bihe bitandukanye nka Lionel Sentore, Jules Sentore, Teta Diana, Mariya Yohana, Muyango n'abandi.

Mu kiganiro n'itangazamakuru, Massamba yavuze ko gutegura iki gitaramo cyo kwizihiza imyaka 40 ari uko iyi myaka ibumbatiye 'amateka yanjye menshi cyane yo guhera ndi impunzi, nta kintu gihari ariko igakomeza ikajya ku rugamba, igakomeza u Rwanda rukaryoha, no kugeza kuri uyu munota.'

Akomeza ati 'Imyaka 30 yo iroroshye! Kwibohora 30 mwarabibonye, mwabonye Kwibuka ku nshuro ya 30, rero 30 n'ibyo turimo twishimira aho u Rwanda rwavuye n'aho rugeze. Uru Rwanda mureba rwari rwarapfuye, rwarashize, ndetse hari n'igihe abantu bibazaga y'uko rugomba no kuvaho.'

Yavuze kandi ko muri iyi myaka 30 harimo gushimira Perezida Paul Kagame no kwishimana n'Abanyarwanda 'bakoze uburyo bwose bushoboka kugirango iki gihugu kibe kigeze hano.'

Massamba avuga ko iki gitaramo agiye kugikora azirikana abantu babiri babaye inkingi ikomeye mu muziki we, barimo Se Sentore Athanase ndetse na Kamaliza bamutoje kuririmba, kandi bamufasha gukora no guhimba ibihangano byatumye aba umunyabigwi mu muziki.

Yavuze ko afatanyije na Agura Group iri kumufasha gutegura iki gitaramo, batekereje uburyo bazakoramo igikorwa cyo kwibuka no guha icyubahiro Kamaliza.   

Ati 'Nabayeho nta 'Management' ngira imfasha mu muziki, ariko ubu ngubu nibwo bwa mbere ngize 'management' kubera ko nsigaye n'izindi nshingano z'ubutoza, ubwo ni ukuvuga ko ndi umukozi wa Leta. Rero nari nabasabye ko bagomba gutekereza uko twategura kwibuka Kamaliza, tugashaka abana b'abakobwa basubiramo indirimbo ze, niyishimiye ko banyumvise, rero akabando kanjye ko baragafite.'

Massamba yavuze ko yabanye igihe kinini na Kamaliza binyuze mu Itorero ‘Indahemuka’ ndetse bagiye bakorana ibitaramo, rimwe na rimwe bakaririmbana mu rwego rwo gushaka inkunga yari ikeneye mu rugamba rwo kubohora u Rwanda.

Yavuze ko “Kamaliza turi kumwe muri aya mateka mwumvaga kuva i Burundi kandi yarandutaga, ariko namwigiyeho byinshi.” Uyu muhanzi Kamaliza yari umwe ‘ mu bakobwa ‘Sentore yigishije kuririmba’.

Ariko avuga ko igihe cyageze Sentore abwira Kamaliza gutinyuka, ari nabwo yatangiye urugendo rwo kwiga gitari amenya kuyicuranga.

Yavuze ko icyo gihe yaretse indirimbo yigishwaga na Sentore, ahubwo ahitamo guhimba indirimbo ze. Bongeye guhurira ku rugamba na Massamba, ndetse zimwe mu ndirimbo ze nka ‘Intare’ yayihimbye ari kumwe na Massamba.

Ati “Ni indirimbo nyinshi yagiye ahimba nyuma zose twabaga turi kumwe. Nka ‘Intare’ ziriya zose mwumva. Kuri iriya munsi rero w’igitaramo, mu mateka yanjye navuze arimo, arimo cyane. Arimo mu bice bibiri, twarahuye amfasha kugirango ninjire

mu muziki kandi anakambwira ukuntu nshobora kubibona amafaranga. Ngiye no ku  rugamba, turahura, turavuga tuti twakora iki? Turakorana, dukorana byiza, kugeza ejo bundi yitaba Imana. Imana ishimwe ko yitabye Imana byibuza icyo yaharanira yarakibonye, rwari u Rwanda. Byakabaye byiza iyo agira Imana akahaguma.”

Yavuze ko Kamaliza yari umukobwa mwiza, kandi wabaye inshuti ye y’igihe kirekire, bakorana mu kuririmba no gutera urwenya n’ibindi byabaye urwibutso rudasaza kuri we.

Massamba Intore yatangaje ko mu gitaramo cye '3040' azaha icyubahiro Kamaliza, umuhanzikazi wamufashije kwinjira mu muziki

Massamba yavuze ko Kamaliza yahimbye nyinshi mu ndirimbo ze nka 'Intare' bari kumwe

Massamba yavuze ko muri iki gitaramo azaha icyubahiro kandi umubyeyi we Sentore 'watumye mba Intore'

Ruti Joel yatangaje ko ari ibyishimo n'umunezero kuba agiye guhurira ku rubyiniro n'umutoza we

Ingabire Sheila [Uri ibumoso] ushinzwe kumenyekanisha Primus y'uruganda rwa Bralirwa, yavuze ko hari amatike yateganyirijwe abakunzi ba Primus bashaka kuzitabira igitaramo cya Massamba Intore

KANDA HANO UBASHE KUMVA INDIRIMBO YAMAMAYE ‘INTARE’ YA KAMALIZA

“>

KANDA HANO UBASHE KUREBA AMASHUSHO Y’INDIRIMBO ‘TSINDA’ YA MASSAMBA

“>

Kanda hano urebe amafoto menshi yaranze ikiganiro Massamba yagiranye n'itangazamakuru

AMAFOTO: Serge Ngabo- InyaRwanda.com

Ni urutonde rwashyizwe hanze na Bloomberg binyuze muri gahunda yayo izwi nka 'Bloomberg Billionaires Index' igaruka ku bafite agatubutse mu Isi.

Rupert wahigitse Dangotse wamenyekanye mu bijyanye no guteza imbere inganda, ni we nyir'ikigo kizwi nka Richemont gikora ibicuruzwa bihenze mu Isi nk'imikufi, amasaha n'ibindi.

Umutungo wa Rupert wazamutseho miliyari 1,9$ ugera kuri miliyari 14,3$ bituma aba uwa mbere muri Afurika n'uwa 147 mu Isi mu batunze menshi, ahigitseho Dangote imyanya 12.

Ni mu gihe Dangote wahigitswe kuri uwo mwanya umutungo we wagabanyutseho miliyari 1,3$ muri uyu mwaka ugera kuri miliyari 13,4$.

Uko kugabanyuka k'umutungo wa Dangote kwatewe n'ubukungu butifashe neza muri Nigeria ari na ho ibikorwa bye byose biri.

Muri Mutarama 2024. 2024 yatangije uruganda rutunganya ibikomoka kuri peteroli rwa Dangote Petroleum Refinery, rukaba urwa mbere runini kandi rugezweho ku Mugabane wa Afurika.

Dangote w'imyaka 66 afite n'inganda zikora sima isukari n'izindi.

Uko kutifata neza k'ubukungu bwa Nigeria byafashe umurego ubwo Perezida w'icyo gihugu, Bola Tinubu yakoraga impinduka nyinshi zirimo gukuraho nkunganire ku bikomoka kuri peteroli, ibyateje izamuka ry'ibiciro kugeza kuri 30%.

Ikindi ni ihanantuka ry'agaciro k'Ama-Naira (Amafaranga ya Nigeria) bituma Dangote ahomba kuko ubukire bwe bushingiye ku mutungo we ubarirwa mu gaciro k'amafaranga y'imbere mu gihugu.

Ikigo cye cya Dangote Group na cyo cyagiye gihura n'ibibazo bishingiye ku gutinda kw'ikorwa ry'ibicuruzwa cyane cyane ku kubyongerera agaciro, n'ibijyanye no kugeza umusaruro ku bawukeneye.

Ubu ni uwa kabiri mu batunze menshi muri Afurika kaba uwa 159 mu Isi.

Gutumbagira k'umutungo wa Rupert wagizwemo uruhare no kwitwara neza mu bucuruzi bwa biriya bikoresho umutungo we ushingiyeho.

Uretse Richemont yo mu Busuwisi, afite n'ibindi bigo birimo Ikigo gishora imari mu bijyanye n'imodoka cya Remgro cyashoye imari mu bigo birenga 30.

Umutungo abarura yawurazwe na Se, Anton Rupert wahereye ku bucuruzi bw'itabi, umuhungu we akabwagurira no mu bindi.

Rupert atuye i Cape Town muri Afurika y'Epfo aho afite umuturirwa utangaje, akanagira imitungo mu Busuwisi no mu Bwongereza.

Dangote akurikirwa n'undi Munya-Afurika y'Epfo witwa Nicky Oppenheimer ufite umutungo wa miliyari 11,3$, Oppenheimer agakurikirwa n'Umunyamisiri witwa Nassef Sawiris ufite umutungo wa miliyari 9,48$.

Urutonde rw'abaherwe batanu muri Afurika rusozwa n'Umunya-Afurika y'Epfo witwa Natie Kirsh ufite umutungo ubarirwa agaciro ka miliyari 9,22$.

Umunya-Afurika y’Epfo, Johann Rupert ni we mukire wa mbere muri Afurika

Dangote wahigitswe ku mwanya wa mbere w’umukire muri Afurika umutungo we wagabanyutseho miliyari 1,3$ muri uyu mwaka ugera kuri miliyari 13,4$

Ibiro by'Umukuru w'Igihugu, Village Urugwiro byatangaje ko Perezida Paul Kagame yakiriye Ambasaderi Dianguina Yaya Doucouré, ku mugoroba wo kuri uyu wa 28 Kanama 2024.

Byagize biti 'Perezida Kagame yakiriye Dianguina Yaya Doucouré, wari Ambasaderi wa Mali mu Rwanda wasoje inshingano ze.'

Ambasaderi, Dianguina Yaya agiye gukorerwa mu ngata na Brig Gen Mamary Camara wemejwe n'Inama y'Abaminisitiri yateranye ku wa 22 Gicurasi 2024.

Amb. Dianguina Yaya yagize uruhare rukomeye mu gukomeza umubano hagati y'ibihugu byombi mu gihe yari amaze ahagarariye igihugu cye mu Rwanda.

Muri Gicurasi 2024 u Rwanda na Mali nk'ibihugu bisanganywe imikoranire myiza n'ubufatanye mu nzego zitandukanye byasinyanye amasezerano y'imikoranire 19.

Ayo masezerano 19 yashyizweho umukono ku wa 27 Gicurasi 2024 ari mu ngeri zirimo ubuzima, umutekano, ubuhinzi, ikoranabuhanga, umuco no guteza imbere ishoramari.

Kuva Mali yafungura Ambasade yayo mu Rwanda muri Gashyantare 2017 hari byinshi byakozwe, harimo n'amasezerano mu ngeri zitandukanye yasinywe mu 2023.

Ibyo byabaye umusingi watumye ibihugu byombi birushaho kugirana ubufatanye bugamije iterambere.

Perezida Kagame yasezeye kuri Ambasaderi Yaya Doucouré wari uhagarariye Mali mu Rwanda

Mu ntangiriro ya 2022 nibwo mu isantere ya Kabarondo hatangiye imirimo yo kubaka isoko rya kijyambere rigeretse kabiri nyuma y'aho hasenywe iryari rihasanzwe. Isoko rishya rifite ahantu 159 ho gukorera. Iyo abaturage baremye isoko buri wa Mbere na buri wa Kane riba rifite ubushobozi bwo kwakira abantu 1150 bose bakabona aho gukorera, ryuzuye ritwaye miliyari 3,2 Frw.

Nyuma yo kuzura, abantu 58 bahise batombora imiryango yo gukoreramo mu gihe abandi 36 bayitomboye kuri uyu wa Gatatu. Ibikorwa byo gutombora bibera ku karubanda mu rwego rwo kwirinda ko hari amanyanga yazamo.

Sibomana Jean Marie Vianney umaze amezi atatu acururiza mu isoko rishya, yabwiye IGIHE ko bashimira Leta ku kuba yarabubakiye isoko ryiza rijyanye n'igihe rifite umutekano w'ibicuruzwa, umutekano w'abakiriya n'isuku muri rusange.

Ati ' Isoko rya mbere inzu twari turimo yaravaga, imvura yagwa ugasanga turatwikira n'amashitingi ariko uyu munsi turi mu nzu nziza ijyanye n'igihe. Nta kuvirwa, nta kwanura, nta kwanika mbese hari itandukaniro n'ubuzima twari tubayemo cyane mu isoko rya mbere. Uretse kuba abakiriya batari bamenyera neza ariko biragaragara ko muri iri soko rishya tuzabonamo inyungu nyinshi.'

Uwumubyeyi Florence ucuruza inkweto we yagize ati 'Iri soko rirashimishije cyane mbere rijyanye n'icyerekezo. Ikindi twishimiye ni uburyo twatomboye imiryango yo gukoreramo, nta manyanga arimo. Aho utomboye niho ugenda ugafata ntabwo habayemo amanyanga ngo bamwe mu bacuruzi babahe imiryango myiza abandi babahe imiryango mibi. Iyo wujuje ibisabwa uritomborera.'

Umuyobozi w'Akarere ka Kayonza wungirije ushinzwe Iterambere ry'Ubukungu, Munganyinka Hope, yavuze ko iri soko impamvu babanje kuryubaka ari uko iryari rihari ryari rito kandi ritakijyanye n'igihe.

Ati 'Inyungu ya mbere zizazira abacuruzi bahakorera, icya kabiri ni ukwinjiza imisoro y'Akarere myinshi n'abaturage barirema baze ahantu heza hasa neza kandi hari n'umutekano. Murebye agaciro k'iri soko turasaba buri wese uri kurikoreramo kurigira iryabo bakirinda umwanda kugira ngo rikomeze ribafashe.'

Visi Meya Munganyinka yavuze ko kuri ubu bitegura kubaka ikindi cyiciro kizaba kigizwe na hangari nini izacururizwamo ibitoki n'ibindi biribwa bikenerwa n'abantu benshi. Yavuze ko kandi bazubaka parikingi nziza zizafasha imodoka zizajya ziza gupakira imyaka.

Isoko rya Kabarondo riremwa n'abaturage bo mu mirenge ya Kabarondo, Kabare, Mwiri, Ruramira, Nyamirama kongeraho abo mu turere twa Ngoma na Kirehe aho abenshi mu badutuye barirema ku bwinshi.

Iri soko ryubatse mu buryo bugezweho

Brig Gen. Célestin Kanyamahanga yari kumwe n'Ambasaderi w'u Rwanda muri Brésil, Lawrence Manzi, aho basuye Minisiteri y'Ingabo ya Brésil bakirwa n'Umuyobozi Wungirije ushinzwe Igenamigambi, Maj Gen Jose Ricardo Meneses Rocha.

Impande zombi zaganiriye ku gushimangira ubufatanye hagati y'ibihugu byombi mu bijyanye n'umutekano n'ingabo.

Amb. Manzi yagizwe Ambasaderi w'u Rwanda muri Brésil tariki ya 14 Ukuboza 2023. Ni nyuma y'icyemezo Guverinoma yari iherutse gufata cyo gufungura Ambasade muri icyo gihugu, ikaba ari na yo ya mbere muri Amerika y'Amajyepfo.

Guverinoma y'u Rwanda n'iya Brésil bifitanye umubano ushingiye ku bufatanye mu kohererezanya abakatiwe n'inkiko no gukurikiraho visa abafite pasiporo zo ku rwego rw'abadipolomate n'iz'akazi, bushingiye ku masezerano yashyizweho umukono mu Ukwakira 2023.

Umunyamabanga Uhoraho muri Minisiteri y'Ingabo z'u Rwanda, Brig Gen Célestin Kanyamahanga yagiriye uruzinduko rw'akazi muri Brésil

Impande zombi zagiranye ibiganiro

Itsinda ry’u Rwanda ryasuye Brezil

Amafoto: RDF

Yifashishije konti ye ya Instagram ku mugoroba wo kuri uyu wa Gatatu tariki 28 Kanama 2024, Nishimwe Naomie yahuje ubutumwa n'umukunzi we, bavuga ko bishimiye gutangaza itariki y'ubukwe bwabo, kandi biteguye kuzasangira uyu munsi w'umunezero na buri wese.

Banasohoye amafoto bahuriyeho yafashwe na Ivan Studio mu rwego rwo gushyira hanze 'invitation' y'ubukwe bwabo.

Bazakora ubukwe ku wa 29 Ukuboza 2024, mu gihe hazaba habura iminsi ibiri (2) kugira ngo umwaka ugere ku musozo, kuko uyu mwaka uzagira iminsi 366. Bizaba kandi ari ku cyumweru cya 52.

Uzaba ari umunsi udasanzwe kuri aba bombi! Kuko bazaba batangiye paji nshya mu mubano wabo, aho bazarahirira kubana nk'umugabo n'umugore, bakazatandukanwa n'urupfu.

Ku wa 24 Gashyantare 2024, Michael Tesfay ahagarariwe n'abo mu muryango we yafashe irembo mu muryango w'umukunzi we. Ni nyuma y'uko ku wa 1 Mutarama 2024, yatunguye Nishimwe Naomie amwambika impeta y'urukundo [fiançailles], mu birori byihariye byabereye muri imwe muri resitora yo mu Mujyi wa Kigali.

Icyo gihe, Michael yanditse kuri konti ye ya Instagram avuga ko yatangiye paji nshya mu mubano we n'umukunzi we Naomie, kuko yamubwiye 'Yego' nk'ikimenyetso cy'uko yiteguye kubana nawe ubuziraherezo.

 

Muri Gashyantare 2024, Miss Nishimwe yabwiye Radio Rwanda ko atabona amagambo asobanura uko yiyumva nyuma yo kwambikwa impeta kuko ‘ni ibintu bikubaho, hari ukuntu umuntu aba atekereza ikintu akavuga ngo kiriya kintu nikimbaho sinzigera nkibagirwa’.

Ati “Nubu ntabwo nabyibagirwa. Ariko ibyiyumviro ugira sinzi uko nabisobanura. N’iyo ubajije abantu benshi bagiye bambika impeta, hari igihe utumva n’amagambo yakubwiye.

N’uyu munsi iyo ambaza amagambo yambwiraga, nta kintu na kimwe numvaga, ariko cyeretse avuze ngo ‘Will you marry me’ (Wakemera gushyingiranwa nanjye) ni cyo kintu cyo nyine numvishije. Ni ibintu n’ubu ngubu, sindabimenyera…”

Uyu mukobwa yavuze ko yari yiteguye kwambikwa impeta n’umukunzi we, ku buryo yatekerezaga ko byari kuba kuri Noheli ya 2023, ariko yarategereje ntibyaba.

Ashingira ku kuba hari hashize iminsi micye umukunzi we ahuye na Se umubyara, bityo ko byamuhaga ishusho y’uko bidatinze azambikwa impeta.

Nishimwe asobanura umukunzi we akabikubira mu ngingo eshanu; avuga ko ari umuhungu ufite ikinyabupfura; umuhungu ucisha macye; umuhungu utameze nk’abandi bose; umuhungu ukunda Imana kandi umukunda.

Uyu mukobwa ufite iduka ry’imideli, yabanje gutuza, avuga ko we n’umukunzi we bameze neza kandi “Turi kwitegura gukora ubukwe mu Ukuboza 2024.” Yirinze kuvuga aho ubukwe buzabera ndetse n’itariki buzaberaho.

Abajijwe niba atekereza kuba azatura hanze y’u Rwanda nyuma yo kurushinga, yasubije ko bizaterwa n’ibiganiro, amahitamo ndetse n’akazi gashobora gutuma bimuka. Ati “Ariko mu Rwanda ni mu rugo.”

Naomie yavuze ko mu gihe kiri imbere ari bwo azatangaza itariki y’ubukwe. Kandi avuga ko nyuma y’uko yambitswe ikamba rya Miss Rwanda, hari byinshi byahindutse mu buzima bwe, birimo nko kubona amahirwe anyuranye, gukorana n’abantu banyuranye, gushyira mu bikorwa imishinga inyuranye n’ibindi.

Mu byumweru 48 bishize, Nishimwe yasohoye ubutumwa kuri konti ye ya Instagram avuga ko Imana yamuhuje n'umugabo wazanye umunezero n'ibyishimo mu buzima bwe.

Hari aho yavuze ati 'Nta kindi nakwifuriza usibye imyaka myinshi kandi nzahora nsenga Imana ishobora byose kugira ngo ikomeze kuguha imigisha n'ibintu binini kandi binini mu buzima bwawe bwose bigutera kuba ukwiye ibintu binini kandi usenge kugirango ukomeze kuba umuntu mwiza wahozeho…'- Icyo gihe yanditse ubu butumwa yifuriza umukunzi we Isabukuru y'amavuko.

Muri Kamena 2023, Nishimwe Naomie n'umukunzi we basohoye ikiganiro ku rubuga rwa Youtube bari bahuriyemo, bavuga birambuye ku rugendo rw'urukundo rw'abo, uko bamenyanye n'ibindi biteye amatsiko kuri bo.

Michael Tesfay yavuze ko kuva muri 2018 hari umuryango yari azi w'inshuti ye yo mu Rwanda, kandi ko yawusuye birambuye mu 2021. Icyo gihe abo mu rugo bamubajije niba ateganya kurushinga, hanyuma bamwereka amafoto atandukanye y'abanyarwandakazi, byamuhaga amahirwe yo kuba yahitamo umwe.

Yavuze ko bamweretse abakobwa kugeza 'tugeze kuri Mackenzies [Itsinda Miss Naomie abarizwamo n'abavandimwe be]'. Michael yavuze ko yabwiwe ko bariya bakobwa ari ibyamamare mu Rwanda kandi 'ni beza cyane'.

Muri iki kiganiro yavuze ko hari igihe kimwe yigeze guhurira muri resitora na Uwase Kathia wo muri Mackenzies, abo bari kumwe bamubwira ko ari umuvandimwe wa Nishimwe Naomie kandi ko nawe afite umushinga ujyanye n'ibyo nawe yateganyaga gukoraho mu Rwanda.

 

Michael yavuze ko yabyaje umusaruro umwanya yari abonye yegera Uwase amwaka nimero za Nishimwe Naomie, ariko baranaganira birambuye.

Icyo gihe Michael yabwiye Uwase ko afite umushinga ari gukoraho, kandi afite icyizere cy'uko Naomie yamubera umufatanyabikorwa mwiza.

Uwase yasubiye mu rugo abwira Nishimwe Naomie ko yamuboneye umugabo, aho kumubwira ko hari umuntu bahuye ufite umushinga ashaka ko bakoranaho.

Mu kiganiro cyo kuri Youtube, Naomie yavuze ko yategereje ko Michael amuhamagara araheba, ibyumweru bibiri birihirika.

Yavuze ko byageze aho asaba Uwase Kathia kumuha Nimero ya Michael akareba ifoto iri kuri WhatsApp ye. Hari aho avuga ati 'Nabwiye Kathia ko yampa nimero ye nibura nkaba nareba ifoto ye kuri WhatsApp.''

Naomie yavuze ko yatunguwe n'ifoto yabonye kuri WhatsApp. Muri ako kanya yahise asaba Uwase kubaza Michael niba yaributse kuvugisha Nishimwe Naomie, undi arabikora.

Michael yavugishije Naomie ndetse bemeranya guhura, bahurira ku iduka rya Mackenzies.

Mu kiganiro, Naomie avuga ko Michael akigera ku iduka rya Mackenzies yararanganyije amaso mu mafoto yari amanitsemo, asaba Naomie kugenda amubwira kuri buri umwe.

Naomie avuga ko 'nagiye musobanurira mbavuga nabi ariko mu buryo bwiza'. Avuga ko ageze ku ifoto ye 'nahise mvuga ko nta mukunzi mfite'.

Naomie yavuze ko yiyumvisemo Michael ku munsi wa mbere bahuriyeho. Ni mu gihe Michael yasubije ko ari bwo bwa mbere yari akundanye n'umukobwa uzwi.

Naomie yavuze ko bwa mbere ahura na Papa wa Michael [Sebukwe] wari umunsi udasanzwe kuri we, kuko nta magambo menshi yo kuvuga yari afite. Yavuze ko icyo gihe bahuriye mu gihugu cya Ethiopia. Ati 'Ntabwo byari byoroshye, ariko byari byiza.'

Michael Tesfay yasoje icyiciro cya gatatu cya Kaminuza 'Masters' mu buvuzi, muri Kaminuza ya Edinburgh yo mu Bwongereza.

Afite imishinga itandukanye ijyanye n'ubuzima irimo n'uwo afatanya na Miss Akaliza Amanda, ujyanye no kwita ku buzima bwo mu mutwe hifashishijwe ikoranabuhanga. Mu 2018 yakoze muri Kaminuza y'u Rwanda yimenyereza umwuga, aho yamaze amezi agera kuri ane. 

Nishimwe Naomie n’umukunzi we batangaje ko bazakora ubukwe tariki 29 Ukuboza 2024 

Nishimwe n’umukunzi we bavuze ko biteguye kuzakira buri wese ku munsi w’ubukwe bwabo

 

Abakinnyi bashyizwe igorora mu mikino ya Kamarampaka ya shampiyona ya Basketball mu bagore n’abagabo ya “BetPawa Playoffs”, aho buri mukinnyi azajya ahabwa ibihumbi 65 ku mukino ikipe ye yatsinze bivuye ku bihumbi 50 umwaka ushize.

Mu kiganiro n’itangazamakuru cyabaye uyu munsi, umuyobozi mukuru wa Mchezo ifite mu nshingano betPawa, Ntoudi Mouyelo yatangaje ko bahisemo kongera aka gahimbazamusyi mu rwego rwo kongera ihangana muri iyi mikino.

Ati ' Tugamije guha abakinnyi ibirenze kuko twifuza ko bongera ihangana hagati yabo kuko agahimbazamusyi gahabwa ikipe yatsinze.'

Uretse aka gahimbazamusyi bazamuye kandi amafaranga ahabwa umukinnyi wahize abandi (MVP), aho yavuye ku madorali 1500 agera ku bihumbi 2000.

Gusa ibindi bihembo ntacyahindutse aho ikipe izegukama Playoffs abagabo bazahabwa miliyoni 15 Frw mu gihe abagore ari miliyoni 10.

Iyi mikino ya kamarampaka ya 2024 izatangira ku wa Gatanu tariki 30 Kanama 2024 aho imikino izabera muri Petit Stade.

Ni imikino ikinwa n’amakipe 4 yasoje ari aya mbere muri shampiyona isanzwe (regular season) mu bagabo n’abagore.

Mu bagabo Patriots BBC yabaye iya mbere, APR BBC ya kabiri, REG BBC na Kepler BBC ya kane. Ni mu gihe mu bagore, ari REG WBBC ya mbere, APR WBBC ya kabiri, Groupe Scolaire Marie Reine Rwaza na Kepler WBBC ya kane.

Muri 1/2 amakipe azakina imikino 3 itanze indi gutsinda 2 ihite igera ku mukino wa nyuma aho bazatanguranwa intsinzi 4.

Ibihembo byazamuwe muri BetPawa Playoffs

Miss Rwanda 2020, Nishimwe Naomie n’umukunzi we Michael Tesfay batangaje ko ubukwe bwabo buzaba ku wa 29 Ukuboza 2024.

Miss Naomie na Michael bamaze imyaka irenga itatu bakundana, ‘couple’ ya bo akaba ari imwe muzikunzwe hano mu Rwanda.

Tariki 1 Mutarama 2024, ni bwo Michael Tesfay usanzwe ufite inkomoko muri Ethiopia yambitse impeta ya fiançailles Nishimwe Naomie, amusaba ko yazamubera umugore undi nawe arabyemera.

Muri Gashyantare 2024, Miss Naomie yari yemeye ko we na Michael Tesfaye bazakora ubukwe mu Kuboza 2024, gusa ntiyigeze atangaza amatariki.

Kuri uyu wa 28 Kanama 2024, babinyujije ku mbuga nkoranyambaga za bo bemeje ko ubukwe bwabo buzaba ku wa 29 Ukuboza 2024, bashyira hanze Integuza y’Ubukwe (Save The date) batangaza ko ubut (Invitation) ari vuba.

Bati “Twishimiye kubamenyesha ko amatariki y’ubukwe bwacu yamaze kwemezwa, kandi ntidushobora gutegereza gusangira namwe uyu mwanya udasanzwe!”

“Mu minsi ya vuba turabamenyesha amakuru menshi ku bukwe bwacu.”

Naomie na Tesfay bazakora ubukwe mu Kuboza

RUKUNDO Sulaiman / ISIMBI.RW