Author: webrwanda

Ni inkuru yamenyekanye kuri uyu wa 19 Ukwakira 2024 mu masaha ya saa tanu z'amanywa, aho abapfuye ari Nakabonye Augustin w'imyaka 34, wo mu Murenge wa Kibilizi na Ndindiriyimana w'imyaka 28, wo mu Murenge wa Ndora, naho Uwubashyese Eric we yavuyemo yakomeretse amaguru, akaba avuka mu Murenge wa Kibilizi, ubu akaba ari kuvurirwa mu Bitaro bya Kibirizi, nyuma yo gukomereka amaguru yombi.

Amakuru akomeza avuga ko aba bacukuraga muri ibi birombe ari abaturage bigize ibihazi bakananira ubuyobozi, aho akenshi baza bitwikiriye ijoro bitwaje n'intwaro gakondo, biteguye guhangana n'irondo, ibintu abaturage bavuga ko bikwiye gufatirwa ingamba zirenzeho.

Umuyobozi w'Umurenge wa Ndora, Nsanzimana Theogene, yemereye IGIHE iby'aya makuru, avuga ko aho abo bantu baguye ari mu kirombe kitemewe gucukurwamo ndetse ko bakomeje kubuzwa kenshi kuhacukura ndetse n'ahari hacukuwe mbere hagasibwa ariko hakaba abakomeje kwinangira.

Ati “Ni ikirombe kitemewe gucukurwamo kuko ababikora bose nta burenganzira babifitiye. Ubuyobozi bwakoze byose ngo bubuze abaturage kuhajya, ariko bo baranga kitwikira ijoro, ndetse hari n'abaza bitwaje intwaro ngo bahangane n'irondo, kuko bakekamo gasegereti.''

Gitifu Nsanzimana, yakomeje avuga ko ubuyobozi bwasabye abaturiye iki kirombe kureka ubu bucukuzi butemewe, cyane cyane ko amabuye bakekamo ataraboneka na rimwe.

Kugeza ubu ngo ubuyobozi bw'akarere ka Gisagara bwari bwasabye inzego nkuru z'igihugu zishinzwe ubucukuzi bw'amabuye y'agaciro kugira ngo bashake rwiyemezamirimo ubifitiye ububasha n'uburenganzira ngo azaze apime arebe niba ayo mabuye arimo koko, ndetse abe yanacukurwa mu buryo bwemewe.

Yanasabye abaturage kumvira impanuro z'ubuyobozi, kugira ngo birinde kugwa mu byabagiraho ingaruko kugera no ku kubura ubuzima nk'uko byagendekeye abapfuye.

Ku rundi ruhande ariko, hari amakuru IGIHE yamenye ko iki kirombe cyaba kimaze imyaka itatu yose gicukurwamo rwihishwa.

Umurenge wa Ndora nawo uri mu Karere ka Gisagara.

Ikirombe cyagwiriye batatu, babiri bahita bapfa

InyaRwanda yahawe amakuru yizewe yemeza ko uyu muhanzi ariwe Mukuru uzaririmba muri iki gitaramo kigiye kuba ku nshuro ya kabiri, aho kizaba ku wa 23 Ugushyingo 2024 mu rwego rwo gufasha abakunzi b'iki kinyobwa kwitegura gusoza neza umwaka.

Uyu musore yatangiye umuziki akoresha izina rya 'Buju' nyuma aza kurihindura ahitamo gukoresha irya Bnxn. Yavutse ku wa 14 Gicurasi 1997, kandi ashyize imbere gukora ibihangano byubakiye ku njyana ya Afrofusion, ndetse ni umwanditsi w'indirimbo akaba na Producer.

Bnxn yavukiye muri Leta ya Akwa Ibom, ariko akurira mu gace Gbagada n'umuryango we, nyuma baza kwimukira muri Leta ya Ogun. Mu bihe bitandukanye avuga ko umuhanzi 2Baba ariwe watumye akora injyana ya Afropop, ndetse yamuteye imbaraga zatumye bakorana indirimbo 'Gwagwalada' yaciye ibintu hirya no hino ku Isi.

Iyi ndirimbo yagiye hanze ku wa 7 Werurwe 2023, aho imaze kurebwa inshuro zirenga Miliyoni 30. Ariko kandi yanaririmbyemo umuhanzi Seyi Vibez.

Bnxn yigeze kuvuga kandi ko Burna Boy ariwe muhanzi yafatiyeho urugero rwatumye avamo umuhanzi, kandi abona ko ari urugendo ruteye ishema kuri we.

Ku wa 14 Ukwakira 2021, Timaya yatangaje isohoka ry'indirimbo ye 'Cold Outside' yakoranye na Bnxn, aho imaze kurebwa inshuro zirenga Miliyoni 45. Iyi ndirimbo yasohotse Bnxn agikoresha izina rya 'Buju' ushingiye ku bigaragara ku muyoboro we wa Youtube.

     

Ku wa 27 Ukwakira 2021, Bnxn yasohoye Extended Play (EP) yise 'Sorry I’m Late' abifashijwemo n'inzu ifasha abahanzi mu bya muzika ya T.Y.E/Empire asanzwe abarizwamo.

Yakozweho na ba Producer bakomeye barimo nka: Steph, Perlz, Denzl, Timi Jay ndetse na Rexxie. Ni mu gihe yanonosowe na Vtek ndetse na Poppil.

Nyuma yo gusohora iyi EP, Bnxn yakoze ibitaramo byo kuyimenyekanisha ahereye mu gitaramo gikomeye yakoreye mu Mujyi wa London mu Bwongereza.

Ku wa 22 Ukuboza 2021, uyu musore yakoze igitaramo cyaciye agahigo, kuko yujuje inyubako ya Balmorial Convention Centre yo mu Mujyi wa Lagos muri Nigeria. Cyari cyo gitaramo cye cya mbere akoze.

Mu 2022, uyu musore yafashe icyemezo cyo guhindura amazina ye ava ku kwita 'Buju' yitwa BNXN mu rwego rwo gukuraho urujijo ku bantu bamwitiranyaga n'umuhanzi Buju Banton.

Muri Werurwe 2022, uyu musore yanakoranye indirimbo na Pheelz bise 'Finesse', aho imaze kurebwa inshuro Miliyoni 122. Iyi ndirimbo igisohoka, yahise ijya ku mwanya wa 52 mu ndirimbo zakunzwe mu Bwongereza.

Muri Nyakanga 2022, yanakoranye n'umuhanzi Dave wo mu Bwongereza indirimbo bise 'Propeller'. Yahise ishyirwa ku mwanya wa 40 mu ndirimbo zakunzwe mu bwami bw'u Bwongereza.

Ku wa 24 Nzeri 2022, Bnxn yasohoye EP yise 'Bad Since 97' yakoranyeho n'abahanzi barimo nka: Wizkid, Olamide, Wande Coal n'abandi.

Agiye gutaramira i Kigali nyuma y'uko abashije gushyira hanze Album ebyiri. Ku wa 4 Ukwakira 2023, Bnxn yasohoye Album iriho indirimbo 15 yakoranyeho n'abarimo Headie One ndetse na Popcaan.

Ni mu gihe mu ntangiriro z'uyu mwaka yasohoye Album iriho indirimbo yakoranye na Ruger, ndetse yibanze cyane ku ndirimbo 7 zubakiye ku mudiho wa RnB.

Bnxn azataramira i Kigali mu gitaramo azahuriramo n'abahanzi Nyarwanda biganjemo abaraperi barimo nka: Mistake, Nillan, Bruce the 1st, QD, ET, Kenny K Shot ndetse n'umuhanzikazi Lorena. Niwe mukobwa rukumbi uri muri iyi ndirimbo.

Aba bahanzi baherutse guhurira mu ndirimbo yagizwemo uruhare na Amstel. Iyi ndirimbo isobanurwa nk'igihangano cyo kugaragaza impano z'abahanzi batanga icyizere, kandi aba bombi bitezwe kuzahurira ku rubyiniro n'abandi ku wa 23 Ugushyingo 2024.

Ibi bitaramo bya Amstel byagiye bibera ahantu hanyuranye mu Mujyi wa Kigali, hagamije gufasha abanya-Kigali gusabana birushijeho no kwishimira iki kinyobwa.

Mu 2023, ibi bitaramo byaririmbyemo umunya-Nigeria, Johnny Drille byabereye mu mbuga ya BK Arena. Icyo gihe yahuriye ku rubyiniro n'abarimo Bwiza, Ariel Wayz n'abandi.

Bnxn wamamaye mu ndirimbo zinyuranye agiye gutaramira i Kigali ku nshuro ye ya mbere

Bnxn agiye kuza i Kigali mu gihe afite ku isoko Album na EP iriho indirimbo zakunzwe cyane

Kizz Daniel yabaye urufatiro rw'umuziki wa Bnxn kugeza n'uyu munsi binyuze mu bikorwa bahuriyemo

Timaya yakoranye mu bihe bitandukanye na Bnxn ku mishinga y'indirimbo zinyuranye 

REBA HANO AMASHUSHO Y’INDIRIMBO ‘GWAGWALADA’ YA BNXN NA KIZZ DANIEL

“>

KANDA HANO UREBE AMASHUSHO Y’INDIRIMBO ‘COLD OUTSIDE’ YA TIMAYA NA BUJU

“>

KANDA HANO UREBE AMASHUSHO Y’INDIRIMBO ‘FINESSE’ YA BNXN NA PHEELZ

“>

Yafunzwe kuri uyu wa Gatanu tariki 18 Ukwakira 2024. Umuvugizi wa RIB, Dr Murangira B. Thierry yabwiye InyaRwanda, ko Fatakumavuta yafashwe 'nyuma yo kwihanangirizwa inshuro yinshi ndetse agirwa inama ariko ahitamo kwinangira.'

Kugeza ubu, Fatakumavuta afungiye kuri Sitasiyo ya RIB ya Kacyiru. Atawe muri yombi nyuma y'iminsi yari ishize, bamwe mu bakoresha imbuga nkoranyambaga, bahererekanya amashusho ye 'yibasira umuryango wa Meddy n'umugore we Mimi', ndetse bamwe bagiye bagaragaza ko bitari bikwiye.

Murangira yavuze ko abakoresha imbuga nkoranyambaga bakwiye kubahiriza amategeko mu rwego rwo kuzibyaza umusaruro, aho kubiba urwango no kugumura abantu.

Ati 'RIB irasaba abantu gukoresha imbuga nkoranyambaga bubahiriza amategeko, kuko kugira imbuga nkoranyambaga wigengaho ntabwo biguha ubudahangarwa bwo kuba utakurikiranwa mu gihe wishe amategeko.'

Arakomeza ati 'Ntabwo imbuga nkoranyambaga zibereyeho ngo zikoreshwe ibyaha, ahubwo zigomba gukoreshwa zibyazwa umusaruro kuko amahirwe arimo ni menshi.'

Dr. Murangira yavuze ko 'Uzazikoresha ibikorwa bigize ibyaha haba mu myidagaduro (Showbiz), muri siporo, mu ivugabutumwa cyangwa se no mu bundi buryo azakurikiranwa n’amategeko.'

Fatakumavuta yatawe muri yombi kuri uyu wa Gatanu tariki 18 Ukwakira 2024 

Fatakumavuta yari aherutse gukora ikiganiro yibasira Meddy, ibyatumye bamwe mu bakoresha imbuga nkoranyambaga bahaguruka

Nyuma yo kwemezwa n’Inama y’Abaminisitiri yateranye ku wa 18 Ukwakira 2024, kandi hakurikijwe ingingo ya 228 y’itegeko ryerekeye imiburanishirize y’imanza nshinjabyaha, abantu 32 bari barakatiwe igihano cy’igifungo kubera ibyaha binyuranye bahawe imbabazi n’iteka rya Perezida.

Ni nyuma yo gusuzuma inyandiko zabo zisaba imbabazi. Muri bo harimo abari barakatiwe ari abana ndetse n’abagore bakatiwe kubera icyaha cyo gukuramo inda.

Inama y’Abaminisitiri kandi yanemeje iteka rya Minisitiri ryo gufungura by’agateganyo abantu 2017, hashingiwe ku gihe bamaze mu magororero, harimo 16 bari abasirikare mu Ngabo z’u Rwanda igihe bakatirwaga.

Itangazo ry'ibyemezo by'Inama y'Abaminisitiri yateranye ku wa Gatanu, tariki ya 18 Ukwakira 2024, ni ryo ryemeje ko Perezida Kagame yahaye imbabazi abantu 32 bari barakatiwe n'inkiko mu gihe abandi 2,017 bari barakatiwe n'inkiko bafunguwe by'agateganyo.

Mu bahawe imbabazi harimo Bamporiki Edouard na Gasana Emmanuel, bari barakatiwe n'inkiko nyuma yo guhamywa ibyaha bitandukanye.

Bamporiki Edouard yakatiwe igifungo cy'imyaka itanu ahamijwe ibyaha bibiri, birimo icyo gusaba cyangwa kwakira indonke n'icyo gukoresha ububasha uhabwa n'itegeko mu nyungu zawe bwite.

Mu butumwa yanyujije ku rubuga rwa, Bamporiki yashimye Umukuru w'Igihugu wamuhaye imbabazi, kandi yumvikanisha ko yiteguye gukomeza gukorera Igihugu.

Yavuze ati 'Zireze. Urugemwe rurameze, urubuto rutaboze, umutwaro nagatwaye iteka Umutware wanjye awutwamishije imbabazi ndawutuye ndunamutse ndemye, ndanyuzwe ndumva niyumva nk’Indirira. Nshimye Uwiteka waturemeye Umutware Paul Kagame kubwe ubwere bwimuye ubwirabure bidasasiwe ubwirakabiri.'

Abandi bahawe imbabazi barimo Serubibi Eric wahoze ari Umuyobozi Mukuru w'Ikigo cy'u Rwanda gishinzwe guteza imbere Imiturire (Rwanda Housing Authority); Rwakunda Christian wahoze ari Umunyamabanga Uhoraho muri Minisiteri y'Ibikorwaremezo n'Umunyemari Rusizana Aloys.

Abahawe imbabazi hari ibyo basabwa birimo: kwiyereka Umushinjacyaha wo ku Rwego rw'Ibanze rw'aho aba, aho ubushinjacyaha bukorera, no kumumenyesha Umudugudu, Akagari, Umurenge n'Akarere by'aho aba, mu gihe cy'iminsi 15 kuva iri teka ritangajwe mu Igazeti ya Leta ya Repubulika y'u Rwanda

Itegeko riteganya ko uwahawe imbabazi na Perezida ashobora kuzamburwa ku mpamvu zitandukanye zirimo kuba yakongera gukatirwa kubera ikindi cyaha, mu rubanza rwabaye ndakuka cyangwa atubahirijwe ibyo yategetswe.

Harimo kandi kwitaba Umushinjacyaha ku Rwego rw'Ibanze rw'aho atuye, aho ubushinjacyaha bukorera, inshuro imwe mu kwezi ku munsi wagenwe n'Umushinjacyaha ku Rwego rw'Ibanze;

No gusaba Minisitiri ufite ubutabera mu nshingano uruhushya igihe cyose ashatse kujya mu mahanga.

Imbabazi za Perezida zishobora kwamburwa uwazihawe bitewe n'imwe mu mpamvu zikurikira: akatiwe kubera ikindi cyaha, mu rubanza rwabaye ndakuka; atubahirije kimwe mu byategetswe muri iri teka.

Byatangarijwe mu murenge wa Mubuga ku wa 18 Ukwakira 2024, nyuma y'umuganda waterewemo ibiti birenga ibihumbi 12 muri gahunda yo gusazura ishyamba ry'abapadiri riri mu mbago z'ishuri ryisumbuye rya Mubuga.

Muri Gicurasi 2023, Akarere ka Karongi ni kamwe mu twibasiwe n'ibiza bikomeye byabaye mu Rwanda bigatwara ubuzima bw'abaturage, ibikorwaremezo, n'imyaka.

Mu ngamba aka karere kafashe mu kubikumira harimo no gutera ibiti bifata ubutaka ku misozi.

Umuyobozi w'Ishami ry'Ubuhinzi n'Umutungo Kamere mu Karere ka Karongi, Gahutu Mbabarira Anastase avuga ko muri uyu mwaka aka karere gafatanyije n'abafatanyabikorwa bako bafite gahunda yo gutera ibiti birimo amashyamba n'ibiti bivangwa n'imyaka.

Ni igikorwa akarere ka Karongi kazafashwamo n'abafatanyabikorwa batandukanye barimo n'Ihuriro ry'Imiryango Nyarwanda ishinzwe kurengera Ibidukikije no guhangana n'Imihindagurikire y'ibihe RCCDN.

Umuyobozi wa RCCDN, Vuningoma Faustin yavuze ko mu mpamvu zatumye bahitamo gutera ibiti birenga ibihumbi 220 mu karere ka Karongi harimo kuba mu mwaka ushize haribasiwe n'ibiza.

Ati 'Muri uyu murenge wa Mubuga turateganya kuhatera ibiti ibihumbi 220 bigomba kuba bifite ubukure bwiza mu myaka itanu iri imbere'.

Umuyobozi wa ES Mubuga, Padiri Niyonsenga Jean de Dieu yavuze ko mu byo biteze kuri ibi biti harimo gutanga umwuka mwiza ku banyeshuri no kuzamura ubukungu bw'ikigo.

Ati 'Harimo n'ubukungu kuko ibiti iyo bikuze biragurishwa, biracanwa, birabazwa, birubakishwa, igiti gifite akamaro kenshi'.

Abaturage b'umurenge wa Mubuga bitabiriye umuganda wo gutera ibiti bavuze ko bamaze gusobanukirwa akamaro ka byo ndetse ko nta we ushobora kubyangiza barebera.

Turebe wo mu Mudugudu wa Mara, Akagari ka Nyagatovu yabwiye IGIHE ko ibiti ari ingirakamaro kuko bikurura imvura ikagwa mu gihe iba yabuze.

Ati 'Ibiti bifata ubutaka ntibutwarwe n'isuri n'inkangu, hari n'ibivura indwara nk'izi ntusi za mayideni twateye hari nk'igihe umuntu akuraho ibibabi akabinywa agakira indwara yarwaye'.

Nyiraneza Marie Jeanne yavuze ko adashobora kubona umuntu yonona igiti ngo arebere kuko yamaze gusobanukirwa ko igiti ari ingirakamaro.

Ati 'Ibi biti duteye tuzabisigasira nta we tuzemera ko aragiramo amatungo kugira ngo atabyangiza bitarakura'.

Mu mwaka w'ingengo y'imari 2024-2025, akarere ka Karongi gateganya gutera ibiti 1.246.000 birimo 800.000 bivangwa n'imyaka no gutera ishyamba rya hegitari 30.

Umuyobozi w’ishami ry’ubuhinzi n’umutungo kamere mu karere ka Karongi, Gahutu Mbabarira Anastase yavuze ko bagiye gutera ibiti birenga miliyoni 1,2

Karongi hagiye guterwa amashyamba ya hegitari 30

Inzego z’umutekano ziri mu bitabiriye umuganda wo gutera ibiti

Umunyabanga Nshingwabikorwa w’Umurenge wa Mubuga, Uwimana Phanuel atera igiti

Umuyobozi wa RCCDN, Vuningoma Faustin atera igiti i Karongi

Imisozi ya Karongi iri guterwaho ibiti mu kurwanya isuri

Rayon sports yatsinze ikipe ya Bugesera FC mu mukino w’umunsi wa gatandatu wa shampiyona y’u Rwanda ibitego bibiri ku busa, ibitego Rayona yatsindiwe na rutahizamu ukomoka uri senegal Fall Ngagne. 

Gutsinda uyu mukino byatumye Rayon Sports igira amanota 11, mu gihe bugesera yo yagumye ku manota atatu.

Uko umukino wagenze umunota ku munota

90+4′ Umukino urangiye Rayon sports yegukanye amanota atatu.

90+2′ Abakinnyi ba Rayon Sports batangiye kurya iminota cyane ko bamaze kwizera amanota atatu kuko bari imbere n’ibitego bibiri ku busa Bwa Bugesera

90′ Iminota 90 isanzwe igize umukino yarangiye Rayon Sports ifite ibitego bibiri ku busa bwa Bugesera Nuko umusifuzi yongeraho iminota ine y’inyongera.

88′ Yannick Bizimana wa Bugesera yarekuye ishoti imbere y’izamu rya Rayon Sports n’uko umupira ugwa mu ntoki za Khadime umuzamu ukomoka muri senegal. 

85′ Abakunzi ba Rayon sports bakomeje kugerageza uburyo bashakisha igitego cya gatatu ariko Bugesera yanze gutsindwa ibitego byinshi.

80′ Bizimana yannick yarai azamukanye umupira imbere y’izamu rya Rayon Sports ariko umupira uvamo koruneli itagize icyo imarira Bugesera yo mu bwami bwa Nsoro.

76′ Djibril Nsimbe wa Bugesera yagerageje uburyo imbere y’izamu rya Rayon ariko umuzamu ukomoka muri Senegal yongera kuba ibamba.

74′ Abasore ba Bugesera barimo Bizimana Yannick batambaje agapira imbere y’izamu rya Rayon Sports ariko umuzamu Khadime Ndiyae atuma Bugesera itabona igitego cya mbere.

72′ Abakinnyi ba Bugesera bari gushaka uko batsinda igitego cy’impozamarira, ari nako Rayon ishaka uburyo yabona igitego cya gatatu.

69′ Adama Bagayogo yacenze ba myugariro bose ba Bugesera ariko agiye kurekura ishoti Kaneza Augustin arahagoboka yitambika umupira. Aziz Basane ava Mu kibuga hajyamo Prince Elenga Kanga.

64′ Rayon Sports yongeye kuzamukana umupira imbere y’izamu rya Bugesera nuko ugeze kwa Fall Ngagne aba atsindiye Rayon igitego cya kabiri. Abakinnyi ba Bugesera batangira kuburana ko jhabayeho kurarira.

62′ Kaneza Augustin na bizimana Yannick bazamukanye umupira imbere y’izamu rya Rayon Sports nuko Kanamugire Roger umupira awushyira muri koruneli itagize icyo imarira ikipe ya Bugesera.

59′ Aziz Basane wa Rayon Sports yeretswe ikarita y’umuhondo nyuma y’ikosa rikomeye yari akoreye kaneza Augustin.

56′ Kufura ya Rayon Sports itewe na Muhire Kevin ananiwe kuyitera neza mu izamu rya Bugesera, nuko Adama Bagayogo awugaruye mu izamu rya Bugesera Umuzamu Arakaza ukomoka mu Burundi arahagoboka.

53′ Abakinnyi ba Bugesera Bizimana Yanick na Sentongo bahererekanyije umupira imbere y’izamu rya Rayon sports ariko Omar Gning arahagoboka.

50’Ikipe ya Bugesera yagerageje uburyo ishaka igitego cyo kwisyura ariko umupira unyura ku ruhande.

45+5′ Muhire Kevin yabonye uburyo bukomeye imbere y’izamu rya Bugesera gusa ntiyatsinda igitego nuko igice cya mbere kirangira Rayon sports iyoboye.

45+3′ kufura ya rayon Sports ku ikosa abakinnyi ba Bugesera bakoreye Aziz Basane ariko kufura itewe na Kevin umuzamu wa bugesera agaragaza ubuhanga budasanzwe.

44′ umupira wisirisimbye imbere y’izamu rya Bugesera habura umukinnyi wa Rayon Sports uwushira mu izamu hagati ya Muhire Kevin na Fall Ngagne.

43′ Abakinnyi ba Bugesera bari kurwana no gusoza igice cya mbere bishuye igitego batsinzwe na Rayon sports hakiri kare ariko irabyanga. 

39′ Kufura ya Bugesera yari itewe na Kaneza Augustin ntacyo imariye ikipe ibarizwa mu butaka bwahoze bw’Ubugesera.

37′ Umuzamu wa Bugesera Arakaza akoze akazi gakomeye nyuma yo gukuramo umupira ubugirakabiri n’umutwe hanze y’urubuga rw’amahina ari kumwe na Aziz Basane wa Rayon.

Uko umukino uri kugenda umunota ku munota.

36′ Muhire Kevi aryamye hasi nyuma yo gukorerwa ikosa na ba myugariro ba Bugesera ariko abaganga barahagoboka.

33′ omborenga Fitina yari azamukanye umupira imbere y’izamu rya  Bugesera ariko umuzamu wa Bugesera Arakaza umupira arawufata.

30′ Yanick Bizimana azamukanye umupira imbere y’izamu rya Rayon sports ariko umupira ujya muri koroneli itagize icyo imarira ikipe ya Bugesera FC.

28′ Rayon Sports ibuze igitego gikomeye cyane nyuma y’uko umunya Senegal fall Ngagne acenze ba myugariro ba Bugesera bose akabamaramo ariko abura imbaraga zitera ishoti mu izamu.

25′ Abakinnyi ba Rayon sports bakomeje gukina neza mu kibuga hagati ariko ba Myugariro ba Bugesera banze ko itsinda igitego cya kabiri.

20’  koroneli ya Rayon Sports itewe na Muhire Kevin umupira usanze Youssuf Diagne ahagaze neza nuko atsindira Rayon Sports igitego cya mbere.

18′ Fall Ngagne yari asigaranye umupira wenyine imbere y’izamu rya bugesera ariko umuzamu Arakaza Marcv yigira ingwe umupira awushyira muri koruneli.

15’Koruneri ya Bugesera kuri kufura yari itewe na iracyadukunda ric umuzamu arawurenza ariko koruneri Nyarugabo moise yayiteye nabi.

14′ Kufura ya Bugesera ku ikosa rikozwe na Roger kanamugire arikorera niyomukiza Faustin.

12′ Abakinnyi ba Rayos Sports bari gukinira umupira mu kibuga hagati, ariko na Bugesera FC iri kunyuzamo ikataka izamu rya rayon sports gusa ubwugarizi ku mpande zombi buhagaze neza.

10′ Iraguha Hadji yari ahaye umupira Aziz Basane umupira imberey’izamu rya Bugesera ariko umupira ntiyagira icyo awumaza.

7′ Nyarugabo Moise na Bizimana yanick bari bazamukanye umupira imbere y’izamu rya Rayon Sports ariko umupira Khadime Ndiyae umupira awukuramo.

4′ Rayon Sports yari ibonye uburyo bw’igitego ku mupira wari uzamukanywe na Aziz Basane ariko umuzamu wa Bugesera aba ibamba
3′ mucyo Didier Junior wanyuze muri Rayon Sports ayikubise ishoti ariko umupira unyura ku ruhande.

2′ Abakinnyi ba Bugesera batangiranye imbaraga zidasanzwe ariko ku munota wa 2 abakinnyi ba Bugesera bakoreye ikosa Bugingo Hakim

Abakinnyi babanje mu kibuga ku ruhande rwa Bugesera ni 

Arakaza Marc Arthur 

Mucyo Didier Junior 

Iracyadukunda Eric 

Ciza Jean Paul 

Kaneza Augustin 

Niyomukiza Faustin 

Dukundane Pacifique

Bizimana Yannick 

Gakwaya Leonard 

Nyarugabo Moise

Abakinnyi babanje mu kibuga ku ruhande rwa Rayon Sports ni 

Khadime Ndiaye 

Ombolenga Fitina 

Hakim Bugingo 

Youssef Diagne 

Omar Gning 

Kanamugire Roger 

Rukundo AbdulRahman 

Muhire Kevin 

Fall Ngagne

Iraguha Hadji 

Aziz Bassane Koulagna 

Rayon Sports igiye gukina umunsi wa Gatandatu iri ku mwanya wa kane n'amanota 8 gusa imaze gukina imikino ine gusa kuko umunsi wa gatatu wa Shampiyona ntabwo yawukinnye kuko yari kuwukina na APR FC ariko ntiwakinwa kubera ko APR yari mu mikino Nyafurica.

Ikipe ya Bugesera nayo imaze gukina imikino ine, yo iri ku mwanya wa 14 ifite amanota atatu gusa.

Amateka agaragaza ko ikipe ya Rayon Sports igora Bugesera cyane, kuko mu mikino 17 imaze guhuza aya makipe yombi, Rayon Sports yatsinze imikino 15 itsindwa umukino Umwe amakipe yombi anganya umukino umwe.

Uyu mukino wa Bugesera Ni umukino Rayon Sports igiye gukinana imbaraga zikomeye cyane, kuko mu myiteguro yakoze yitegura uyu mukino yayikoze yitegura APR FC kuko yari izi ko arizo zizakina kuri iyi tariki ya 19 Ukwakira 2024, none birangiye ikinnye na Bugesera none ubu APR FC iracakirana na Gasogi United.

Rayon sports yatsinze Bugesera mu mukino w’umunsi wa gatandatu wa shampiyona y’u Rwanda

 

Uko aba Rayon Basesekaye ku kibuga

Uko abakinnyi ba Bugesera baseseakye kuri Kigali Pele Stadium

“>

Ni igikorwa cyabaye kuri uyu wa 18 Ukwakira 2024 mu Karere ka Gasabo.

Amahugurwa yahawe aba bakobwa n'abagore yari agamije kubigisha ibintu byinshi bitandukanye ndetse no kubafasha uko babona imirimo yo gukora, ibi bikazanabarinda ibishuko ndetse binagabanye ibyago byo kuba bakorerwa ihohoterwa.

Ku ikubitiro Centre Marembo yahaye amahugurwa abakobwa 100, ndetse ibafasha kubona uruhushya rwo gutwara moto. Ubu yahisemo abagore n'abakobwa 10 muri bo bahabwa moto zifite ubwishingizi bwa Prime Insurance ndetse banahabwa impamyabushobozi yerekana ko barangije amahugurwa.

Umuyobozi wa Centre Marembo, Nsabimana Nicollete, yavuze ko bifuza gufasha abakobwa n'abagore badafite abagabo bakabigisha imyuga itandukanye by'umwihariko imenyerewemo abagabo, bizakabafasha kwiteza imbere.

Yagize ati 'Nyuma yo kubona ko hari abakobwa bahura n'ibibazo by'ihohoterwa ndetse hari n'abandi bafite ibyago byinshi byo guhura n'ihohoterwa cyangwa se ibishuko, twahisemo gutangiza ibikorwa byo kubafasha, aho twatangiye tubaha amahugurwa yo kubigisha ibintu bitandukanye birimo uko babaho mu buzima busanzwe, ndetse no kubereka amahirwe ari mu myuga itandukanye imenyerewemo abagabo.'

Nsabimana yakomeje avuga ko bafite imishinga myinshi itandukanye irimo gufasha abakobwa n'abagore

Ati 'Turifuza ko mu myaka itanu tuzaba tumaze gufasha abakobwa n'abagore 2500 mu kubona ubumenye ku myuga itandukanye irimo ubwubatsi, gusiga amarangi ndetse n'iyindi itandukanye.'

Abahawe moto bagaragaje uburyo zizabateza imbere

Bamwe mu bahawe moto bavuga ko bishimiye ko ubuzima bwabo bugiye guhinduka ndetse bagasezera ku buzima bari babayemo bwo gukoresha moto z'abandi.

Dukundane Pacifique urangije amahugurwa wahawe moto, yavuze ko yishimiye gutunga moto ye izamufasha mu iterambere rye.

yagize ati 'Mfite ibyiyumviro ko ubuzima bwanjye bugiye guhinduka. Nta moto yanjye nagiraga nari mbayeho ndoba iz'abandi ariko ubu kuva mbonye iyanjye, ubuzima bugiye guhinduka.'

Dukundane yakomeje avuga ko hari byinshi yigiye muri Centre Marembo kandi bizamufasha mu buzima bwe bwa buri munsi.

Ni ibyo ahurizaho na mugenzi we Nsanzingoma Marie Josee nawe uvuga ko guhabwa moto bigiye guhindura ubuzima bwe.

Yagize ati 'Kurera abana wenyine ni ibintu biba bigoye, iyo ufite icyo ukora birakorehera, twanze gukora imirimo itemewe nko gucuruza udutaro duhitamo kuyoboka umwuga w'ikimotari. Twari tubayeho turoba ariko ubu twabonye izacu.'

Abafatanyabikorwa b'uyu muryango, Prime Insurance, nabo bishimiye iki gikorwa ndetse bashimira Centre Marembo ku mishinga ifite.

Umuyobozi Ushinzwe Ubucuruzi muri Prime Insurance, Mike Byusa, yagize ati 'Centre Marembo dusanzwe dukorana, twabonye bafite umushinga mwiza wo gufasha abana b'abakobwa. Ni ikintu gikomeye gifite icyo gisobanuye ku Muryango Nyarwanda, izi moto zatanzwe twazihaye ubwishingizi mu gihe cy'amezi 12, si ibyo gusa ahubwo mu gihe kidatinze tuzabaha 'casque' n'imyambaro yabugenewe (gilet) kugira ngo base neza.'

Centre Marembo yatangiye ibikorwa byayo mu 2013, itangira ifite intego yo gufasha abana b'abakobwa bakorewe ihohoterwa, abana babo ndetse n'urubyiruko rufite ibyago byinshi byo guhura n'ihohoterwa.

Aba bagore bari basanzwe bakoresha moto z’abandi, ibizwi nko kuroba

Aba bagore bavuze ko bishimiye guhabwa moto zabo bwite

Abahawe moto bari bafite akanyamuneza

Izi moto bahawe ni nshyashya

Moto zose zatanzwe zifite ubwishingizi bw’umwaka bwatanzwe na Prime Insurance

Bahawe amahugurwa azafasha kwiteza imbere

Abahawe izi moto bari bafite akanyamuneza

Aba bagore n’abakobwa bashyikirijwe impumyabushobozi nyuma yo guhabwa amahugurwa

Uyu mushinga witwa 'Advancing Citizen Engagement (ACE Project)' watangiye muri Nzeri 2021 mu Turere twa Huye, Gakenke, Gicumbi na Burera ku bufatanye na Banki y'Isi na Leta y'u Rwanda.

Uyu mushinga ugamije kwigisha abaturage ko iterambere ritangirira mu kubasha kwitekerereza ibyabagirira akamaro bitewe n'imiterere y'aho batuye.

Abagenerwabikorwa bawo babanje guhugurwa amezi atandatu binyunze mu nama z'inzira y'iterambere zizwi nka 'Facilitated Collective Action Process (FCAP), aho abaturage bamenya uburyo bwo kwitekerereza imishinga noneho babona guterwa inkunga y'amafaranga adatangwa mu ntoki ahubwo ashyirwa muri iyo mishinga bihitiyemo.

Iyo nkunga Spark Microgrants yayihaye abaturage mu byiciro bibiri aho buri mudugudu mu yo ukoreramo wahawe miliyoni 4.6 Frw mu cyiciro cya mbere angana na 60%, nyuma wongerwa andi arenga miliyoni 3 Frw angana na 40% ndetse hiyongeraho n'uruhare rw'akarere rungana na 5% ari yo ibihumbi 388 Frw.

Rwigemure Yahaya utuye mu Mudugudu wa Kabaya mu Kagari ka Ruhanga yagaragaje uburyo umushinga wo korora ibimasa bahisemo muri uwo Mudugudu umaze kubakungahaza.

Ati 'Inkunga ya mbere twahawe twaguzemo ibimasa 14 tubyoroza abantu barabiragira bimaze gukura turabigurisha tugabana amafaranga avuyemo. Kimwe cya kabiri cyayo twagihaga umushumba, andi tuyashyira mu isanduku y'umudugugu tuguramo intama.”

Rwigemure akomeza avuga ko muri uwo mudugudu baje kubona indi nkunga na yo ikoreshwa nk'iya mbere ndetse ingo 78 zorozwa intama zibafasha kwiteza imbere, bityo bakiyishyurira n'ubwisungane mu kwivuza, binyuze mu matsinda yo kwizigama.

Muri Gicumbi basigaye bahingira isoko

Abagenerwabikorwa b'uwo mushinga mu Murenge wa Mutete mu Karere ka Gicumbi na bo bagaragaje uburyo umusaruro w'ubuhinzi uri kubabera isoko y'ubukungu nyuma yo guterwa inkunga na Spark Microgrants.

Ugirasekuru Odette utuye muri mu Kagari ka Kabeza mu Mudugudu wa Kagarama yagaragaje uburyo inka yorojwe yatumye umusaruro w'ubuhinzi bwe wikuba inshuro nyinshi.

Ati 'Bakimara kumpa inka, ifumbire niyo ya mbere yahise iboneka ntekereza guhinga urutoki. Mbere nahingaga nyiguze ikampenda bigatuma mpiga nabi kuko sinatinya kuvuga ko nezaga igitoki cy'ibiro bitatu, ariko ubu igifite ibiro 80 ndacyeza. Buri kwezi nsarura nk'ibitoki 40.”

'Inka yanjye ikamwa litiro umunani, ubwo mu mezi atatu maze nkama imaze kumpa ibihumbi 270 Frw kandi no mu rugo nsigarana ayo kunywa n'abana ndetse nkahaho n'abaturanyi batishoboye.”

Muri uwo mudugudu habarurwa ingo 202, muri zo izigera ku icyenda zonyine ni zo zitoroye inka kandi na zo ziteguye kuzorozwa na bagenzi babo.

I Huye barabasha gukirigita ifaranga

Mu Karere ka Huye na ho abagenerwabikorwa b'uwo mushinga bagaragaza impinduka nziza bawukesha. Mukanyabyenda Appolinaria utuye mu Murenge wa Kigoma mu Kagari ka Kabuga akanaba umufashamyumvire w'umushinga (Community-Based Facilitator) mu Mudugudu wa Kabingo, avuga ko abawutuye bafashijwe guhashya burundu ikibazo cy'imirire mibi mu bana binyuze mu kwita ku kubaha indyo yuzuye.

Nyiramanywa Vestine utuye mu Murenge wa Gishamvu akaba umwe mu bageze mu zabukuru we yavuze ko Spark Microgrants yabafashije kwihaza mu biribwa kuko umushinga wo korora ingurube ubasha kubaha amafaranga bakanagira ubwizigame bikiyongera ku mirimo y'ubuhinzi basanzwe bakora.

Umuyobozi w'Akarere ka Huye, Sebutege Ange, yashimye cyane Spark Microgrants mu guhindura imibereho myiza y'abaturage, aho yatanze urugero mu Murenge wa Gishamvu wabaye uwa kabiri mu gutanga ubwisungane mu kwivuza kandi warajyaga uza inyuma.

Ati 'Icyo twakoze ku bufatanye na Spark ni ukubatera inkunga y'ubushobozi ariko ibitekerezo ni ibyabo. Bagomba kuzirikana ko iriya mishinga ari nk'ishoramari ry'umudugudu buri uwutuye afitemo umugabane. Dushaka ko mu gihe kiri imbere nta we tuzumva ukiri munsi y'umurongo w'ubukene, rero ni ngombwa gukurikirana iriya mishinga.”

Umuyobozi wa Spark Microgrants mu Rwanda, Ndahiro Donald yavuze ko ibyo ACE Project imaze kugeraho bitanga ikizere cyo guteza imbere abaturage mu buryo burambye.

Ati 'Turebye ibyo umushinga wafashije abaturage kuva mu 2021 twasanze ibyo bafite nka televiziyo, radiyo, amafaranga ari kuri konti, amatungo n'ibindi byariyongeye ku kigero cya 120% babikomoye mu mishinga bakoze.'

Yongeyeho ati 'Mu bijyanye n'imirire na bwo twasanze ibipimo twafashe dutangira byari 54% by'abaturage bavugaga ko bafata ifunguro rimwe ku munsi ubu baragabanutse bagera kuri 33%'.

Yakomeje ati 'Kwihaza mu biribwa na byo byarazamutse biva kuri 65% bigera kuri 80% ndetse n'amafaranga bizigamira yikuba inshuro zirindwi kuva mu 2021. Abaturage bishyira hamwe bagakora ibikorwa rusange bavuye kuri 66% bagera kuri 94%. Kwitabira ibikorwa bya Leta na byo byarazamutse biva kuri 61% bigera kuri 84%.

Uyu mushinga ukorera mu midugudu 249 ariko ubuyobozi bwa Spark Microgrants buteganya kongera iyo midugudu ikaba 2500 mu myaka iri imbere ndetse no gukorana na Minisiteri y'Ubutegetsi bw'Igihugu, MINALOC, mu kwigira kuri uwo mushinga mu igenemigambi rikorerwa abaturage ku rwego rw'Igihugu.

Spark Microgrants ni Umuryango Mpuzamahanga Udaharanira inyungu ufite icyicaro muri Leta Zunze Ubumwe za Amerika ukaba waratangiye gukorera mu Rwanda mu 2010. Uyu muryango umaze guhindura ubuzima bw'abatuye mu midugudu isaga 339 yo mu turere twa Nyabihu, Rulindo, Gisagara, Gakenke, Gicumbi, Burera, Musanze, na Huye. Aho hose uhafite abagenerwabikorwa barenga 240,000 muri bo abagera kuri 64% bakaba ari abagore.

Spark Microgrants ikorera mu Rwanda ari na ho ifite abagenerwabikorwa benshi, muri Uganda, mu Burundi, Ghana, Liberia, RDC, Malawi na Ghana.

Umuyobozi wa Spark Microgrants mu Rwanda, Ndahiro Donald yavuze ko ibyo ACE Project imaze kugeraho bitanga ikizere cyo guteza imbere abaturage mu buryo burambye

Umuyobozi w'Akarere ka Huye, Sebutege Ange yashimye cyane ibikorwa bya Spark Microgrants mu guhindura imibereho y'abaturage

Ubworozi bw’inkoko buri mu mishinga abagenerwabikorwa ba ACE Projects bihangiye

Ubworozi bw’ingurube bishimira ko butanga umusaruro vuba bikabateza imbere

Uturima tw’igikoni tubafasha mu kugabura indyo yuzuye

Amatsinda yo kwizigamira yabafashije kwishyura ubwisungane mu kwivuza

Aborora inka na bo barakataje mu iterambere

Abaturage bakorana na Spark babasha kwikorera ishusho igaragaza ibyo bafite n’ibikenewe mu mudugudu

Abagenerwabikorwa babashije guhanga imishinga ibateza imbere

Amagi yabereye abagenerwabikorwa ba Spark inkomoko y’imirire myiza ku bana n’isoko y’ifaranga

Intama ziri mu mishinga abagenarwabikorwa ba Spark babashije kwikorera

Abagenerwabikorwa ba Spark barasusurutse kubera ibyo yabagejejeho

Nyiramanywa Vestine utuye mu Murenge wa Gishamvu akaba umwe mu bageze mu zabukuru we yavuze ko Spark Microgrants yabafashije kwihaza mu biribwa

Imirasire y’izuba ni imwe mu byo abaturage bakesha Spark Microgrants

Mukanyabyenda Appolinaria utuye mu Murenge wa Kigoma muri Huye avuga ko ubworozi bw’amatungo magufi akesha ACE Project bwamubereye isoko y’ubukungu

Amafoto: Shumbusho Djasiri