Author: webrwanda

Yabigarutseho mu kiganiro yagiranye n'abanyamakuru bakorera mu Ntara y'Amajyepfo, ku wa 09 Ugushyingo 2024, ku Biro bya Polisi y'Igihugu mu Ntara y'Amajyepfo, biherereye mu Karere ka Huye, Umurenge wa Ngoma.

Umuvugizi wa Polisi y'u Rwanda, ACP Boniface Rutikanga, yagaragaje ko mu mezi abiri ashize (Nzeri n'Ukwakira), mu byaha byigaragaje cyane haje ku isonga icy'ubujura, aho babaruye ibigera 500, ibyo gukubita no gukomeretsa bigakurikiraho, aho birenga 400, ibyo kwangiza ibintu by'undi nko gutema inka, kurandura imyaka n'ibindi ahagaragaye 116, ubucukuzi butemewe bigera 60, n'ibyo kwangiza ibikorwaremezo 40.

Yavuze ko n'ubwo hari imibare igaragara nk'iyazamutse ariko hari n'ibindi byaha byagabunutse ugereranyije n'ibihe bishize kubera ubufatanye bw'inzego zose, kandi byagiraga ingaruka ku bantu benshi.

Ati 'Iyo turebye nk'ibyaha byo kwangiza ibikorwaremezo, tubona imibare yaragabanutse. Aha turavuga abantu bibaga insinga z'amashanyari, ugasanga basubije inyuma amajyambere.''

'Twashyizemo imbaraga kuko iyo umuntu aciye urusinga rwashyiraga abaturage barenga 200 umuriro bakava mu kizima, bagasya ibinyampeke cyangwa se ugasanga ni umuriro ujya kwa muganga gutanga ubuzima; aba ahemukiye abantu benshi ariko nawe atiretse.''

ACP Rutikanga yavuze ko bashyize ingufu nyinshi mu kubihashya, yizeza Abanyarwanda kandi ko batazatezuka mu kubikurikirana.

Mu bindi bibazo byabajijwe n'abanyamakuru, hari n'ibyagarutse kuri serivisi idashimwa n'abaturage, aho banenga imiterere ya nyinshi muri Sitasiyo za Polisi hirya no hino mu Ntara y'Amajyepfo.

ACP Rutikanga yasubije ko icyo kibazo kiri henshi atari umwihariko w'Amajyepfo gusa, avuga ko gahunda yo kuzivugurura yatangiye kandi izakomeza gihugu hose, imbogamizi igihari ari ingengo y'imari iba idahagije.

Ati 'Ni ibintu tuzi kandi natwe tubona. Byaratangiye kuzivugurura, aho dutangiye kubaka tuhavira rimwe tumaze kubaka ibiro bigezweho, amacumbi y'abakozi ajyanye n'igihe ndetse na za kasho zihesha agaciro ikiremwamuntu.''

Ku Biro bya Polisi y’Igihugu mu Ntara y’Amajyepfo niho habereye ikiganiro n’abanyamakuru

Baganiriye kandi ku byaca ubucukuzi butemewe bw’amabuye y’agaciro mu Majyepfo

ACP Rutikanga Boniface, yagaragaje ishusho y’umutekano mu Majyepfo y’u Rwanda ndetse n’ibyo Polisi iteganya mu kurushaho gutanga serivisi nziza

Ni inama ibaye mu gihe u Burusiya buri gukora ibishoboka byose ngo bwiyegereza Afurika, cyane ko umubano wabwo n'u Burayi na Amerika umunsi ku wundi ukomeza kuzamo agatotsi. Byaje guhumira ku mirari mu minsi ya vuba kubera intambara yabwo muri Ukraine.

Ni no mu gihe kandi ibihugu bimwe na bimwe bya Afurika cyane ibyo mu Burengerazuba bwa Afurika, bikomeje gucana umubano n'ibyabikolonije nk'u Bufaransa. Iyi nama yari umwanya kuri ba Minisitiri b'Ububanyi n'Amahanga ba Afurika wo gushimangira imikoranire iboneye kandi ibyara inyungu hagati y'ibihugu byabo na Afurika.

Minisitiri w'Ububanyi n'Amahanga w'u Burusiya, Sergei Lavrov, yatangaje ko ubukungu bw'Isi bukomeje guhura n'ibibazo, bugahungabana, kandi ko ibyo biterwa n'ibihano bya hato na hato ibihugu nka Amerika bifatira ibindi no gukoresha idolari nk'intwaro mu gupyinagaza bimwe.

Ati 'Ibihano byakuyeho ibintu byose byari bisanzwe bigamije inyungu rusange. Ubukungu buri guhungabana mu bice byose, muri Aziya, Afurika, muri Amerika y'Amajyepfo no mu bice bya Caraïbes. Abantu bari kugerageza uburyo bwo kubaka ubukungu bwabo, bwo gukemura ibibazo byabo ku buryo imikorere, kugeza ibintu ku masoko n'ibindi bitagomba kugengwa n'inshuti zacu zo mu Burayi.'

Lavrov yavuze ko Afurika icyohereza mu mahanga umutungo wayo utongerewe agaciro, ukajya gukoreshwa mu bihugu byo mu Burayi mu gihe byari bikwiriye ko ishyira imbere iyubakwa ry'inganda. Ubwo buryo umutungo wayo utwarwa n'ibindi bihugu, yavuze ko butaboneye.

Yagarutse kandi ku mateka y'uburyo ibihugu bya Afurika byabonye ubwigenge mu myaka ya 1960, gusa avuga ko 'n'ubu ibisigisigi biracyahari nubwo hari imyanzuro ya Loni igena ko ibihugu bigomba kwigenga burundu'.

Ati 'Inshuti zacu zo muri Afurika zirabizi ko, rimwe na rimwe, abahoze ari abakoloni, bakigenzura ibice bimwe by'ibyo bihugu. Ibyo turi kubona uyu munsi, ni amahindura yo kurwanya ubukoloni bushya. Ibyo biri gukorwa mu buryo Afurika igira ijambo ku mutungo kamere wayo.'

Yavuze ko ibyo bigamije guteza imbere Afurika, ikabasha kubaka inganda, igahanga imirimo ikoresheje umutungo kamere wayo kandi ibyo bigakorerwa muri Afurika.

Ati 'Twe nk'u Burusiya tuzishimira kuba twatanga umusanzu wacu mu buryo bwose. Uhereye mu bihe bya Leta Zunze Ubumwe z'Abasoviyete, twashinze ibikorwa by'inganda muri Afurika, twubatse ibikorwa remezo byafasha mu gukemura ibibazo rusange nk'uburezi.'

'Ngira ngo mwumvise amagambo ya Perezida Putin […] abivugaho, ati 'ntabwo tunyuranya n'igihugu icyo ari cyo cyose cya Afurika, kandi icyizere dufitanye kiri hejuru kuko mu mateka yacu na Afurika, nta gitotsi cyajemo kuko ntitwigeze twigabiza ibihugu bya Afurika'.'

Yongeyeho ati 'Ndashaka kubabwira ko ibyo ari uko bikimeze, ndetse ko uwo murongo ufite agaciro kurushaho ubu kubera ibyabaye ubwo Leta Zunze Ubumwe z'Abasoviyete zasenyukaga, ubwo u Burusiya bushya bwabagaho mu bihe bigoye by'ubukungu…Ibyo byararangiye, kandi mu myaka 20 twubatse umubano ukomeye na Afurika.'

Mu nama yahuje ba Minisitiri w'Ububanyi n'Amahanga; Sergei Lavrov yasomye ubutumwa bwa Perezida Putin bugenewe ibihugu bya Afurika, agaragaza ko igihugu cye cyiteguye gutanga umusanzu mu kurwanya iterabwoba n'ubuhezanguni bigaragara hirya no hino ku mugabane.

Muri ibyo biganiro byabaye mu gitondo cyo ku Cyumweru, ba Minisitiri b'Ububanyi n'Amahanga bamwe, bagarutse ku buryo ibihugu byabo bimaze iminsi bihagariika umubano n'ibihugu by'i Burayi.

Minisitiri w'Ububanyi n'Amahanga wa Burkina Faso, Karamoko Jean-Marie Traoré, yavuze ko u Burusiya ari umufatanyabikorwa mwiza kurusha u Bufaransa bwahoze bukolonije iki gihugu.

Ni ibintu abona kimwe na mugenzi we wa Mali, Abdoulaye Diop, wavuze ko gukorana n'u Burusiya biciye mu mucyo kurusha imikoranire ya gikoloni n'ibihugu bikize byo mu Burengerazuba bw'Isi.

Yavuze ko Mali iri kureba uburyo yakwagura umubano wayo n'u Burusiya ukarenga ibya gisirikare ahubwo ukajya no mu yindi mishinga nk'ingufu, itumanaho, ikoranabuhanga, ubucukuzi bw'amabuye y'agaciro n'ibindi.

Ati 'Sosiyete zo mu Burusiya ziri gukorana na Mali muri izi ngeri zose hamwe n'abikorera muri Mali mu gushakira ibisubizo ibibazo abaturage ba Mali bafite. Impande zombi zemeranyije kongera umuvuduko kugira ngo haboneke umusaruro wihuse.'

Minisitiri w’Ububanyi n’Amahanga w’u Burusiya, Sergey Lavrov, yashimangiye ko igihugu cye kitigeze gikoloniza Afurika kandi ko bitazigera biba

Umuyobozi wungirije wa Komisiyo y’Umuryango wa Afurika yunze Ubumwe, Monique Nsanzabaganwa, ni umwe mu bari bitabiriye iyi nama

Minisitiri w’Ububanyi n’Amahanga wa Mali, Abdoulaye Diop, yashimangiye ko umubano w’u Burusiya na Afurika uruta uwo uyu mugabane ugirana n’ibindi bihugu by’i Burayi na Amerika

Iyi nama yabereye muri Kaminuza y’Ikoranabuhanga na Siyansi ya Sirius

Itangazo Polisi y'u Rwanda yashyize hanze kuri iki Cyumweru, yavuze ko ba komiseri bashyizwe mu kiruhuko cy'izabukuru barimo CP Denis Basabose, ACP Celestin Twahirwa, ACP Elias Mwesigye, ACP Eugene Mushaija, ACP Tom Murangira, ACP David Rukika na ACP Michel Bayingana.

Abandi bashyizwe mu kiruhuko barimo ba ofisiye bakuru 15, ba ofisiye bato 22, abapolisi bato 96.

Uretse abashyizwe mu kiruhuko cy'izabukuru, hanasezerewe abapolisi 13 ku mpamvu z'uburwayi n'umwe wasezerewe ku mpamvu zindi zitandukanye.

ITANGAZO RIGENEWE ABANYAMAKURU pic.twitter.com/bh0uFwyx4d

— Rwanda National Police (@Rwandapolice) November 10, 2024

ACP Michel Bayingana

ACP Elias Mwesigye

ACP Celestin Twahirwa

CP Denis Basabose

Gahunda y'igihugu y'imyaka itanu yo kwihutisha iterambere iteganya ko hazahangwa imirimo irenga 1,25 ndetse buri mwaka hazajya hahangwa imirimo ibihumbi 250.

Umuyobozi Mukuru w'Ishyaka PL, Senateri Mukabalisa Donatille ubwo yatangizaga amahugurwa yagenewe abayoboke b'ishyaka mu Mujyi wa Kigali agamije kubafasha gutangira kwihangira imirimo, bakiteza imbere ndetse bagateza imbere igihugu.

Yavuze ko ingingo nyinshi ziri muri gahunda ya guverinoma y'imyaka itanu na bo bazifite muri gahunda y'ishyaka, bityo batangiye kubishyira mu bikorwa.

Ati 'Ibintu byo kwikorera ni ingenzi, uruhare rw'abikorera muri gahunda zitandukanye z'igihugu cyacu ni ingenzi ni yo mpamvu dushishikariza abayoboke bacu n'Abanyarwanda muri rusange ko abantu bakwiye gukora, guhanga udushya, kubyaza umusaruro amahirwe igihugu cyacu kiduha kugira ngo tubashe kwiteza imbere, duteze imiryango yacu imbere, duteze n'igihugu cyacu imbere.'

Yanagaragaje ko icyuho kiri hagati y'ibitumizwa mu mahanga n'ibyoherezwa mu mahanga bikiri byinshi kandi kigomba kuzibwa n'Abanyarwanda.

Ati 'Ibyo rero ntabwo byashoboka tudaharaniye ko ibikorerwa hano mu Rwanda byongererwa ubwiza, ubwinshi n'ubuziranenge kugira ngo tubashe guhangana ku isoko mpuzamahanga.'

Ibyimanikora Khalilah uri mu bayoboke ba PL bari guhugurwa yatangaje ko nyuma yo guhugurwa azajya gufasha abandi bari mu mirenge ariko na we akazihangira umurimo.

Ati 'Tugenda tubyiga hanyuma tugakora tukabishyira mu bikorwa ku buryo twiteza imbere.'

Abahuguriwe mu Mujyi wa Kigali barimo abagize komite z'Ishyaka PL ku rwego rw'Umujyi wa Kigali no ku rwego rw'Uturere tugize Umujyi wa Kigali.

Biteganyijwe ko aya mahugurwa azahabwa abayoboke bose b'ishyaka PL kuva ku rwego rw'Intara, uturere n'imirenge kugira ngo baziteze imbere.

Mu byo bishimira kandi harimo kuba amatora y'Umukuru w'Igihugu n'Abadepite yagenze neza kuko umukandida bari bashyigikiye yatsinze ku majwi menshi kandi n'umubare w'ababahagarariye mu Nteko Ishinga Amategeko imitwe yombi uriyongera.

Abadepite bakomoka mu Ishyaka PL bari bitabiriye aya mahugurwa

Perezidante w’Ishyaka PL,Donatille Mukabalisa yavuze ko binyuze mu kwihangira imirimo abayoboke bazagira uruhare mu iteramber ry’igihugu

Abayoboke biyemeje kujya gukora impinduka mu bukungu bw’igihugu

Ni amarushanwa yateguwe ku bufatanye na Ambasade ya Amerika, akazahuza abanyeshuri biga amasomo ya siyansi bagaragaza udushya bashobora gukora, ndetse barushanwe n'abiga robotics, ICT, 3D printing, game development, coding, electronics, guhanga umurimo, n'ibinyabuzima n'ubutabire.

Aya marushanwa ateganyijwe mu Ukuboza 2024, yabanjirijwe no guhugura abazahugura abandi 21 bahuguriwe muri K-Lab.

Umuyobozi wa STEMpower Rwanda, Espoir Serukiza yavuze ko guhugura abahuguwe bizabafasha kubona ubumenyi bukenewe bazigisha abanyeshuri hirya no hino mu gihugu.

Ati 'Twifuza gukorana n'ibigo byacu byose byigisha amasomo ya siyansi mu gihugu mu guteza imbere guhanga ibishya n'ubumenyingiro. Guhugura abarimu ni ukugira ngo bazasubire mu bigo bafite ubumenyi bukwiriye bazasangiza abanyeshuri hanyuma bazakoreshe ubwo bumenyi mu gukemura ibibazo byugarije umuryango batuyemo.'

Umwe muri aba barimu bari guhugurwa, Umutoniwase Florence yagaragaje ko guhugurwa bizamufasha we na bagenzi be 'kwigisha abanyeshuri neza, tubategurira irushanwa rya siyansi na engineering ku rwego rw'igihugu.'

Aba barimu bazahita bajya guhugura abanyeshuri bo mu bigo bya siyansi byashinzwe na STEMpower mu mashuri makuru ya Ines Ruhengeri, Kibogora Polytechnic, na Gitwe Adventist College.

Impuguke yo muri Ambasade ya Amerika ishinzwe uruhare rw'abaturage muri Afurika yo hagati, Karlene Noel Jennings yavuze ko ubu bufatanye mu gutegura amarushanwa buzagirira akamaro gakomeye abanyeshuri.

Ati 'Iyi mikoranire ni amahirwe nyakuri yo kugera ku bantu bashya by'umwihariko ku bakobwa n'abagore bakiri bato no kubakundisha amasomo ya siyansi. Nezezwa n'umurimo wo gukangurira urubyiruko gukorera hamwe no gushaka ibisubizo by'ibibazo ku buryo Isi irushaho kuba nziza.'

Biteganyijwe ko 70% by'abanyeshuri bose bazitabira iri rushanwa ari abakobwa, hagamijwe kubakangurira kwiga amasomo ya siyansi.

Uretse mu Rwanda iri rushanwa riteganyijwe no mu bindi bihugu byose umuryango ukorera. Nk'urugero muri Ethiopia bagiye gukora irushanwa ku nshuro ya cyenda, riteganyijwe mu cyumweru gitaha, mu gihe iryo muri Sudan y'Epfo.

Aya marushanwa aha abanyeshuri amahirwe yo kugaragaza ubushobozi mu guhanga ibishya, gukemura ibibazo n'ibitekerezo mu guhanga ibishya.

Kugeza ubu STEMpower imaze gushinga ibigo 125 mu bihugu bitandukanye byo mu munsi y'Ubutayu bwa Sahara bikaba imwe mu nkingi zifasha mu guteza imbere ikoranabuhanga.

Umuyobozi wa STEMpower Rwanda, Espoir Serukiza yavuze ko abarimu bahuguwe bazasoza bafite ubushobozi bwo guhugura abanyeshuri bazatanga ibisubizo ku bibazo byugarije Isi

Impuguke yo muri Ambasade ya Amerika ishinzwe uruhare rw’abaturage muri Afurika yo hagati, Karlene Noel Jennings yavuze ko abanyeshuri bazagira ubushobozi bwo kwihangira imirimo

HEC yashyizeho aya mabwiriza kugira ngo abanyeshuri b'abanyamahanga biga mu Rwanda, bafashwe kwisanga mu mibereho y'abanyarwanda.

Umuyobozi Mukuru wa HEC, Rose Mukankomeje yavuze ko aya mabwiriza aje korohereza abanyeshuri bo mu mahanga kubona ubufasha ku buryo bworoshye.

Icy'ingenzi kiri muri aya mabwiriza ni uko amashuri makuru yose asabwa kugira ibiro byihariye bifasha aba banyeshuri, bikabafasha ku bijyanye n'ubuyobozi, kubamenyereza no kubaba hafi mu masomo yabo ya buri munsi.

By'umwihariko kandi, abayobozi bagomba kumenya ko aba banyeshuri bafite ubushobozi bwo kwishyura amafaranga y'ishuri, icumbi, ubuvuzi n'ibindi bikoresho bitandukanye kugira ngo babashe kwiga neza nta nkomyi.

Abanyeshuri b'abanyamahanga biga mu Rwanda bavuye ku 1400 mu 2017 ubu bageze ku 9,009.

Amashuri menshi mu Rwanda cyane cyane aya Kaminuza akomeje gukurura abanyamahanga

Igikorwa cyo guha impamyabumenyi abo bari abanyeshuri cyabaye kuri iki Cyumweru tariki 10 Ugushyingo 2024, kibera i Masoro mu Mujyi wa Kigali ku cyicaro gikuru cy'iyo kaminuza.

Iyo kaminuza yari itanze impamyabumenyi ku nshuro yayo ya 30, aho abazihawe uyu munsi barimo 465 basoje amasomo y'icyiciro cya kabiri cya kaminuza mu mashami nka Tewolojiya, Uburezi, Ikoranabuhanga, Ubuforomo, Imari, Ikoranabuhanga n'andi.

Harimo kandi abagera kuri 111 basoje mu mashami atandatu anyuranye y'icyiciro cya gatatu cya kaminuza.

Abahawe impamyabumenyi ni Abanyarwanda n'abandi bo mu bihugu 12 byiganjemo ibya Afurika.

Umuyobozi Mukuru wa AUCA, Prof. Eustace Penniecook Saywers yavuze ko iyo kaminuza yishimira urugendo rw'imyaka 40 imaze rwahuriranye no gutanga impamyabumenyi mu Rwanda ku nshuro ya 30.

Prof. Eustace yakomeje avuga ko iyo myaka irimo umusanzu ukomeye abarezwe na AUCA batanze mu muryango mugari muri rusange.

Ati 'Mu myaka 30 ishize AUCA ntiyashyize ku isoko ry'umurimo abakora mu nzego za Leta n'iz'abikorera mu Rwanda gusa. Byanarenze imbibi z'Igihugu bamwe bakorera mu bindi bigo bitandukanye mu Kerere ka Afurika y'Iburasirazuba'.

Yongeyeho ko AUCA yongeye amashami yigishaga ajyanye n'ubuzima, aho nyuma y'ubuforomo n'ububyaza isanganywe kuva mu 2020 yongeyeho ishami ry'ubuvuzi rusange aho aba mbere barirangijemo bazajya ku isoko ry'umurimo mu 2027.

Umuyobozi w'Inama y'Ubutegetsi ya AUCA akaba n'Umuyobozi w'Itorero ry'Abadivantisiti b'Umunsi wa Karindwi mu Rwanda, Dr. Byilingiro Esron yibukije abasoje amasomo ko ubumenyi bafite babukoresheje nta budakemwa bitabateza imbere bo n'umuryango mugari bagiye gukorera.

Yashimye kandi ingamba zose zashyizweho na Leta y'u Rwanda mu guteza imbere uburezi by'umwihariko kuba Igihugu gifite umutekano usesuye.

Umunyamabanga wa Leta muri Minisiteri y'Uburezi, Irere Claudette yavuze ko AUCA ari imwe muri kaminuza zikorera mu Rwanda zihagaze neza mu ireme ry'uburezi iha abayigamo.

Ati 'Abarangiza muri AUCA baza ku isoko ry'umurimo mu nzego zitandukanye barashimwa bigaragaza ko ubumenyi bahavana buhagaze neza. Abenshi basoza amasomo hano ubona ko isoko ry'umurimo ribishimiye nasaba iyi kaminuza gukomerezaho no mu yandi mashami'.

Irere kandi yashimye ubufatanye bwa Leta n'imiryango ishingiye ku myemerere mu guteza imbere uburezi.

Ati 'Ibigo by'amashuri birenga 70% mu byo dufite ni iby'abanyamadini. Iyo ibikorwa bakora birenze kubwiriza ubutumwa bikajya mu guhindura ubuzima bw'abantu bigirira Igihugu akamaro ndetse Leta ikababona nk'abafatanyabikorwa. AUCA ni kimwe mu bigo byashinzwe n'Abadivantisiti kandi ntibivuze ko abahiga bose babarizwa muri iryo dini. Ibyo rero ni byo dushyigikira kuko biha amahirwe buri wese akiteza imbere agateza imbere n'Igihugu'.

Muhirwa Singiza Shekina wahawe impamyabumenyi y'icyiciro cya kabiri cya kaminuza mu bijyanye n'Ikoranabuhanga yavuze ko indangagaciro za gikirisitu batojwe ndetse no kuba AUCA ari kaminuza y'ubukombe bizamufasha kubona akazi vuba ndetse no kugakora neza.

Gutanga impamyabumenyi byabereye ku cyicaro cya AUCA i Masoro

Iyi kaminuza yigamo abaturuka mu bihugu byiganjemo ibya Afurika

Abasoje kaminuza biganjemo abagore

Abasoje amasomo binjira ahatangiwe impamyabumenyi

AUCA inigwamo n’abanyamahanga

Ababyeyi bari baje gushyigikira abana babo

Abahawe impamyabumenyi barenga 500 mu mashami y’icyiciro cya kabiri n’icya gatatu bya kaminuza

Bari bishimiye impamyabumenyi bahawe

Umunyamabanga wa Leta muri Minisiteri y'Uburezi, Irere Claudette yavuze ko AUCA ari imwe muri kaminuza zikorera mu Rwanda zihagaze neza mu ireme ry'uburezi iha abayigamo

Umuyobozi Mukuru wa AUCA, Prof. Eustace Penniecook Saywers yavuze ko iyo kaminuza ishyira ku isoko ry’umurimo abakora mu Rwanda n’ahandi mu bihugu by’Akarere

Dr. Byiringiro Esron yibukije abasoje amasomo ko ubumenyi bafite babukoresheje byabateza imbere

Amafoto: Isaac Munyemana

Ikigo Sinc-Today Ltd cyashinzwe hagamijwe guhindura urwego rw'imitegurire y'inama n'ibirori hifashishijwe urubuga rwayo ruhuriza hamwe serivisi zikenerwa muri uru rwego kuva ku matike ukagera ku gutegura inama n'ibindi, ni cyo cyatsindiye irushanwa rya Hanga Pitchfest 2024, cyegukana miliyoni 50Frw.

Irushanwa rya Hanga Pichfest rihuza ba rwiyemezamirimo bato bafite imishinga itanga ibisubizo mu nzego zitandukanye. Ni ku nshuro ya kane ryari ribaye.

Ritegurwa na Minisiteri y'Ikoranabuhanga na Inovasiyo ku bufatanye n'Urwego rw'Igihugu rw'Iterambere, RDB, Ishami ry'Umuryango w'Abibumbye rishinzwe iterambere, UNDP n'abandi.

Ba rwiyemezamirimo batanu bageze mu cyiciro cya nyuma, nibo batoranywamo uwahize abandi agahembwa miliyoni 50Frw, uwa kabiri agahabwa miliyoni 20 Frw, uwa gatatu miliyoni 15 Frw , uwa kane n'uwa gatanu buri umwe agahembwa miliyoni 12,5 Frw.

Geuza Ltd ikora ibikoresho byifashishwa n'abafite ubumuga birimo imbago, insimburangingo n'ibindi, biba byakozwe mu bikoresho by'ikoranabuhanga biba byarakoreshejwe yegukanye umwanya wa kabiri, Afya Wave yibanda ku gukora udukoresho twa 'ultrasound' twifashishwa mu buvuzi mu kureba imikorere y'ingingo z'imbere mu mubiri, yegukana umwanya wa gatatu.

Clenville Ltd igamije kunoza imicungire y'imyanda ya pulasitiki binyuze muri porogaramu yayo ya WeCollect, aho itanga ubwishyu ku bayikoresha mu gushyira iyi myanda ahabugenewe yaje ku mwanya wa kane, haheruka LifeLine, ikigo cyakoze porogaramu yo korohereza abantu kubona imiti y'ibanze binyuze muri serivisi zihatangirwa.

Minisitiri w'Intebe, Dr. Edouard Ngirente, yabwiye abitwaye neza mu marushanwa ya HangaPitchfest 2024, ko ari umutungo ukomeye Afurika ifite, anashimira gahunda nk'izi zibahuza kugira ngo bashake ibisubizo by'ibibazo bibangamiye Umugabane wa Afurika hagamijwe iterambere rirambye.

Yavuze ko urubyiruko rwa Afurika rugomba guhabwa buri kimwe rukeneye kugira ngo rubyaze umusaruro amahirwe ahari, maze nabo bagire uruhare mu iterambere.

Ati 'Kugera kuri ibi hakenewe ishoramari n'ubufatanye bw'abafatanyabikorwa kugira ngo ubumenyi no guhanga udushya by'abato byiyongere. Dukeneye guhuza sisitemu zacu z'uburezi n'isoko ry'umurimo rihindagurika.'

'Ishoramari mu kuzamurira urubyiruko rwacu ubushobozi mu by'ikoranabuhanga ni ingenzi, kuko imirimo y'ubu ku Isi ariho ishingiye. Ikindi kandi ibihugu byacu bikwiye gukomeza gushyiraho politiki n'ibikorwaremezo no gushyiraho uburyo bushyigikira ukwaguka no guhanga ibishya by'urubyiruko.'

Minisitiri w'Intebe Ngirente yagaragaje ko Guverinoma y'u Rwanda yizera ko guhanga ibishya n'ubuhanga ari ingezi mu gushyigikira no gufasha abahanga b'urubyiruko mu guhanga umurimo no guteza imbere ubukungu.

Ati 'Nk'uko bikubiye mu Cyerekezo 2050 no mu cyiro cya kabiri cya gahunda y'igihugu yo kwihutisha iterambere, urubyiruko nirwo rushyizwe mbere mu guhanga imirimo mishya kandi ibyara inyungu.'

'Nka guverinoma kandi dushishikariza urubyiruko kujya mu nshingano z'ubuyobozi kugira ngo rutange umusanzu mu iterambere ry'igihugu.'

Minisitiri w'Intebe, Dr. Edouard Ngirente, yashimiye ba rwiyemezamirimo batanu bahize abarenga 300.

Ati 'Ndabizeza ko guverinoma y'u Rwanda izakomeza gushyigikira ibitekerezo byanyu. Mukomeze mwiyizere munavugurure ibitekerezo n'imishinga yanyu mufite intego yo gutsinda. Mujye muhora mwibuka ko ikinyabupfura, gukora cyane no kwitanga ari iby'ingenzi bizabageza ku nstinzi mu byo mukora byose.'

Yabasabya urubyiruko rwari ruri aho ko rwaba ba ambasaderi b'impinduka zaho baba hose, nk'uko bahora bashishikarizwa gushaka umuti w'ibigikoma mu nkokora iterambere ry'umugabane.

Ati 'Tubijeje ubufasha kugira ngo ibi mubigire impamo.'

Kuva Hanga Pitchfest yatangira mu bihumbi 2021, imaze kwakira imishinga irenga 200, asaga miliyoni 600 Frw akoreshwa mu kuyitera inkunga no gushora imari.

Ubwo hazozwaga 'Hanga Pitchfest 2024', hanamuritswe ku mugaragaro umushingwa wa 'Hanga Hubs' watangijwe na Guverinoma y'u Rwanda na Komisiyo y'Umuryango w'Ubumwe bw'u Burayi, hagamijwe gushyigikira iterambere ry'abikorera no guhanga imirimo mu Rwanda binyuze mu guhanga udushya mu mujyi yunganira Kigali.

Ushyirwa mu bikorwa n'ikigo cy'igihugu gishinzwe ikoranabuhanga mu itumanaho n'isakazabumenyi [RISA]. Kuri ubu ukorera mu Turere Muhanga, Nyagatare, Rubavu na Rusizi.

Minisitiri w’Intebe, Dr. Edouard Ngirente, yabwiye abitwaye neza mu marushanwa ya HangaPitchfest 2024, ko ari umutungo ukomeye Afurika ifite

Umuyobozi Mukuru wa RSSB, Regis Rugemanshuro, ni umwe mu bari bagize akanama nkemurampaka

Umuyobozi Mukuru w’Ikigo cy'Igihugu gishinzwe Ikoranabuhanga mu Itumanaho n'Isakazabumenyi (RISA), Innocent Bagamba Bahizi, yashimangiye uruhare rw’urubyiruko mu kubaka iterambere rishingiye ku ikoranabuhanga

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Sandrine Umutoni ageza ubutumwa ku bari bitabiriye ibi birori

Ubwo umwe mu bahataniraga ibihembo yamurikaga umushinga we

Minisitiri w’Intebe, Dr. Edouard Ngirente, yavuze ko guverinoma yiteguye gukomeza gushyigikira imishinga yatsinze

Minisitiri w’Intebe, Dr. Edouard Ngirente, yafatanye ifoto y’urwibutso na ba nyirimishinga yatsinze

Minisitiri w’Intebe, Dr. Edouard Ngirente, ubwo yakirikiranaga uko ba nyiri mishinga bayimurika

Minisitiri w’Ikoranabuhanga na Inovasiyo, Ingabire Paula, yavuze ko gahunda nk’izi zishimangira gahunda y’igihugu yo kubaka iterambere rishingiye ku ikoranabuhanga

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah [hagati], nawe yari yitabiriye ibi birori

Minisitiri Ngirente yashimiye ikigo cya Sinc-Today Ltd cyegukanye Hanga Pitchfest 2024

LifeLine, ikigo cyakoze porogaramu yo korohereza abantu kubona imiti y’ibanze binyuze muri serivisi zihatangirwa, cyegukanye umwanya wa gatanu

Indaro Foundation niyo yasusurukije abari bitabiriye ibi birori

Ibi birori byari byitabiriwe n’abantu benshi biganjemo urubyiruko

Hanga Pitchfest 2024 yahujwe n’Inama Nyafurika ya YouthConnekt Africa yari imaze iminsi ibere i Kigali

Hanahembwe imishinga yahize iyindi mu marushanwa ya 'HackLabs' yateguwe n'Ishami ry'Umuryango w'Abibumbye ryita ku mibereho myiza y'abaturage [UNFPA]

Geuza Ltd ikigo gikora ibikoresho byifashishwa n'abafite ubumuga birimo imbago, insimburangingo n'ibindi, biba byakozwe mu bikoresho by'ikoranabuhanga biba byarakoreshejwe, cyegukanye umwanya wa kabiri

Cleanville Ltd ikigo kigamije kunoza imicungire y'imyanda ya pulasitiki binyuze muri porogaramu yayo ya WeCollect, aho izajya itanga ubwishyu ku bayikoresha mu gushyira iyi myanda ahabugenewe, cyabaye icya kane

Ambasaderi w’Umuryango w’Ubumwe bw’u Burayi mu Rwanda, Belén Calvo Uyarra, yavuze ko hashyizweho ‘Hanga Hubs’ no mu yindi mijyi itari Kigali kugira ngo hatazagira urubyiruko rusigara inyuma

Akanama nkemurampaka muri ‘Hanga Pitchfest 2024’ ubwo kamurikirwaga imishinga iri guhatanira igihembo nyamukuru

Afya Wave, ikigo kibanda ku gukora udukoresho twa 'ultrasound' twifashishwa mu buvuzi mu kureba imikorere y’ingingo z’imbere mu mubiri, cyegukanye umwanya wa gatatu

Umuyobozi w’Ishami ry’Umuryango w’Abibumbye ryita ku Iterambere (UNDP) ku rwego rwa Afurika, Ahunna Eziakonwa, yari yabukereye

Aba ni abana barererwa muri Indaro Foundation

Amafoto: Nezerwa Salomon & Kwizera Hervé