Author: webrwanda

Yabigarutseho nyuma y’uko kuri uyu wa Gatanu tariki 15 Ugushyingo 2024 ubwo yashyiraga hanze iyi ndirimbo yayisubiyemo n’ibicurangisho by’umuziki bigezweho mu rwego rwo kumvikanisha urukundo yayikunze. 

Uyu muhanzi yari amaze iminsi ararikiye abafana be ko ari mu myiteguro yo gusohora iyi ndirimbo, ndetse yayigaragaje nk’idasanzwe mu buzima bwe kuko yayumvise igihe kinini akiri umwana.

Iyi ndirimbo ‘Itiro’ yaramamaye cyane mu gihugu cy’u Burundi, bituma icengera no mu bindi bihugu cyane cyane ibyo mu Karere k’Afurika y’Iburasirazuba (EAC).

Mu kiganiro na InyaRwanda, Kitoko yavuze ko uretse gukunda iyi ndirimbo akiri muto yananyuzwe n’ibihangano bya Bahaga. Yavuze ati “Nasubiyemo iyi ndirimbo kubera ko ‘Bahaga’ ni umuntu nkunda cyane, kandi n’indirimbo narayikundaga cyane.”

Yavuze ko kugira ngo asubiremo iyi ndirimbo byamusabye kuvugisha Bahaga ‘kandi bwa mbere tuvugana ni cyo kintu nahise musaba aranyemerera’. 

Arakomeza ati “Kandi ni indirimbo nakundaga kuva mu bwana bwanjye, ndibuka ko hari umubyeyi wanjye nawe umwe wayikundaga byatumye nyikunda kurushaho.”

Kitoko yasobanuye ko amashusho y’iyi ndirimbo yayakoreye mu gihugu cy’u Bubiligi mu gihe cy’iminsi itatu aho yakozwe na Julien Bmjizzo bakoranye mu bihe bitandukanye. Kandi avuga ko yayakoreye mu Ntara ebyiri zo mu Bubiligi.

Uyu muhanzi wamamaye mu ndirimbo zinyuranye, anavuga ko atari we wahisemo umukobwa yifashishije muri iyi ndirimbo ‘kuko namuhujwe n’umuntu wakoze Video’.  Uyu mukobwa asanzwe abarizwa mu Bubiligi.

Kitoko avuga ko iyi ndirimbo itari mu zigize Album ye ari gutegura ahubwo ‘ni indirimbo isanze’.

Kitoko ni umuhanzi nyarwanda w’indirimbo ufite abakunzi benshi mu Rwanda ndetse no mu karere. Yatangiye muziki wa 2008 ubwo yarasoje kwiga amashuri yisumbuye.

Kitoko yaje gusohora indirimbo muri uwo mwaka yitwa “Ikiragi” ariyo yamushyizwe ku rwego rukomeye muri muzika nyarwanda.

Kitoko yasohoye amashusho y'indirimbo 'Itiro' yasubiyemo y'umuririmbyi Bahaga wo mu Burundi

 

Kitoko yavuze ko byamusabye iminsi itatu akorera amashusho y'iyi ndirimbo mu Bubiligi 

Kitoko yatangaje ko ari gukora kuri album ye nshya, kandi ibihangano biriho bizatangira gusohoka mu gihe kiri imbere

KANDA HANO UBASHE KUREBA AMASHUSHO Y’INDIRIMBO ‘TIRO’ YA KITOKO YAKOREYE MU BUBILIGI

 

Uyu muhanzi wamamaye mu ndirimbo zinyuranye amaze iminsi i Kigali aho yitabiriye inama n'ibitaramo biherekeje iserukiramuco rya 'Access'. Mu rwego rwo kwitegura n'igitaramo yatumiwemo na Davis D kizaba ku wa 29 Ugushyingo 2024, uyu muhanzi yagiranye ikiganiro n'itangazamakuru kigaruka kuri iki gitaramo. 

Ni ikiganiro yahuriyemo na mugenzi we Davis D, Bagenzi Bernard usanzwe ari umujyanama wa Davis, Ingabire Sheilla Ushinzwe kwamamaza Primus muri Bralirwa n'abandi baterankunga bashyigikiye igitaramo 'Shine Boy Fest' cyo kwizihiza imyaka 10 ishize Davis D ari mu muziki. 

Iki kiganiro cyabereye kuri M-Hotel kuri uyu wa Gatanu tariki 15 Ugushyingo 2024. Davis D yagaragaje ko yakozwe ku mutima n'uburyo Nasty C yemeye kumushyigikira muri iki gitaramo, ndetse avuga ko hamwe na Primus yamuteye inkunga bamugeneye impano yihariye. 

Ni impano igizwe na 'écouteurs' zo kwifashishwa wumva umuziki ndetse n'agakapu kagezweho ko kwambara cyane cyane mu gituza ariko imishumi ikazenguruka inyuma mu mugongo.

Davis D yagize ati 'Mfite impano nakugeneye binyuze muri Primus. Nishimiye ku gushyikiriza iyi mpano.' Nasty C yavuze ko yashimishijwe n'iyi mpano yahawe, kandi yishimira ko buri gihe iyo atumiwe mu Rwanda atajya abura. 

Ati 'Mwakoze kunyakira, buri gihe iyo nitabajwe mu Rwanda ndahagera, kandi Davis D nawe ndagushimira ku bw'iki gitaramo wateguye cyo kwizihiza imyaka 10 mu muziki, ndetse n'iyi mpano wageneye.'

Umuyobozi Ushinzwe kwamamaza Primus muri Bralirwa, Ingabire Sheila yashimye Nasty C ku bwo kwifatanya na Davis D muri iki gitaramo bateye inkunga.

Avuga ko mu rwego rwo gufasha abakunzi ba Primus kuzitabira iki gitaramo 'hari amatike menshi turi gutanga twifashishije imbuga nkoranyambaga zacu kuri Instagram no kuri Facebook dufatanyije na Davis D.'

Yavuze ko hari na 'Challenge' bashyizeho izasiga hamenyekanye abazifotozanya na Davis D ku munsi w'igitaramo, ndetse bazahabwa n'amatike yo kwinjira.

Ingabire Sheilla anavuga ko mbere y'igitaramo, Davis D azagera mu tubari n'utubyiniro atanga amatike ku bantu azajya asanga bari kunywa Primus. Ati 'Buri hano hose azagera agasanga ari kunywa Primus, nawe azahabwa itike yo kuza mu gitaramo.'

Davis D ashyikiriza Nasty C impano yagenewe na 'Primus' ku bwo kuzitabira igitaramo cye 'Shine Boy Fest' 

Umuyobozi Ushinzwe kwamamaza Primus muri Bralirwa, Ingabire Sheila yatangaje ko bahaye impano Nasty C ku bwo gushyigikira Davis D muri iki gitaramo

Nasty C yagaragaje ko imyaka 10 ishize Davis D ari mu muziki ari ikimenyetso cyo kwiyemeza kudasubira inyuma
 

Nasty C yanyuzagamo agasoma ku mazi ya 'Vitalo' y'uruganda rwa Bralirwa 

Davis D yumvikanishije ko ari kumwe n'abafatanyabikorwa banyuranye yiteguye gukorera amateka mu gitaramo cye 'Shine Boy Fest'

AMAFOTO: Murenzi Dieudonne- InyaRwanda.com

HEC ivuga ko ibibazo bimaze iminsi byigaragaza harimo abantu bafite diplôme z'impimbano cyangwa abajyanayo amanota mahimbano bashaka 'equivalence' ngo bajye mu mirimo.

Umuyobozi Mukuru wa HEC, Dr Rose Mukankomeje, aherutse kubwira Abadepite ko mu bantu bajya gusaba equivalence harimo abihindura abanyamahanga bakajya kwiga muri kaminuza zigenga, bagerageza guhisha ko hari amasomo batsinzwe.

Ati 'Ubu hari n'abagenda noneho bakaza nk'abanyamahanga, akavuga ati njye ndi Umunye-Congo, akajya gusaba kwiga muri ULK kandi ari umuforomo utujuje bya bindi bisabwa bakaduca mu rihumye ariko sisiteme y'ikoranabuhanga na Irembo birafasha'

'Uramubona ko yarangije kwiga ataratsinze amasomo abiri y'ingenzi akagaruka akajya muri Congo akagura ikindi kuko amazina ari amwe afite n'Indangamuntu imwe, ukamufata ukabona ko ari wa wundi.'

Kugeza muri Nzeri 2024, hari hamaze gutangwa equivalence zirenga ibihumbi 30.

Amategeko avuga ko kugira ngo umuntu wize muri kaminuza zo hanze y'u Rwanda abone akazi ari uko aba afite equivalence, ariko hari ababa batazifite.

Raporo ya Komisiyo Ishinzwe Abakozi ba Leta ya 2023/2024 igaragaza ko yasanze hari abakozi bari mu kazi mu bigo bya Leta bataratanze 'Equivalence' z'impamyabumenyi.

Ati 'Hariho bamwe baba barazicuriye, hamwe hanazwi ukamubaza bikamuyobera.'

Yatanze urugero rw'umusaza wize Science de l'Education agiye kwaka equivalence, atanga amanota atarimo isomo ry'Igifaransa kandi ari cyo ashaka kwigisha, abajijwe ishuri yizemo avuga iryigishwagamo n'Umunyarwanda wigisha ubutabire, batungurwa no gusanga amasomo avuze ko yigishijwe n'uwo Munyarwanda adahuye n'ukuri.

Magendu yabaye ni ihurizo mu burezi

Umuyobozi w'Ishami rya HEC rishinzwe ireme ry'uburezi no kwemeza amasomo yigishwa muri kaminuza, Ndikubwimana Theoneste, yavuze hari n'abantu bafite Impamyabumenyi z'Ikirenga z'impimbano bigisha cyangwa bakora mu mirimo itandukanye mu gihugu.

Imibare y'abafite impamyabumenyi z'ikirenga n'iz'icyiciro cya gatatu igenda yiyongera ariko hari abanenga ubushakashatsi bukorwa kuko budasohoka mu binyamakuru mpuzamahanga bikomeye.

Ndikubwimana ahamya ko mu gihe ababeshya ko bize bakomeza kwiyongera, bizaba ibyago ku cyerekezo cy'igihugu.

Ati 'Ni ikintu kimeze nka magendu muri iyi minsi yeze mu burezi. Ntekereza ko dukeneye guhuza imbaraga […] ni ikintu kiri gufata intera ikomeye ku buryo hatabayeho kuba maso cyane no gufata izindi ngamba zikomeye twazisanga dufite abantu benshi bitwa ko bize, bafite impapuro ariko batarize.'

Yahamije ko hari abantu bajya gusaba equivalence babona batazihawe bakazasubirayo biyambuye ubwenegihugu.

Ati 'Mu basaba equivalence turabibona, aho tubona ibibazo buri gihe, umuntu adatinya no guhindura ubwenegihugu. Umuntu ni Umunyarwanda, yasabye equivalence kubera ko yabuze impapuro zemeza ko yigeze asohoka mu gihugu n'umunsi umwe akajijisha akamara nk'amezi atatu cyangwa ane, ejo akaza yasabye ko ari Umunye-Congo. Ibyo bibazo turabifite byinshi cyane.'

Abize iya kure barimo benshi bahimba diplôme

Umubare munini w'abize icyiciro cya gatatu cya kaminuza mu myaka 10 ishize, bize muri kaminuza zo hanze bakoresheje iya kure.

Hari n'ugenda mu kuvuga ko yize iya kure [online] akavuga ati 'njye babinyohererezaga kuri e-mail, kuri WhatsApp ati 'ubwo se sinize?' Kandi ntatinye kuvuga ko ari injeniyeri kabuhariwe, yize ibya laboratwari byo kwa muganga, cyangwa igiforomo.

HEC ivuga ko iki ari ikibazo gikomeye, kandi ko kiri mu nzego zose.

Ndikubwimana avuga ko hari n'abakozi usanga barakoraga mu myanya isanzwe mu bigo runaka, nyuma y'amezi make birukanwe mu kazi bagatangira kwiyita ba dogiteri cyangwa professeurs.

Ati 'Nitugira abo bantu benshi bavuga ko bafite impapuro bize kandi batarize, bari gukora mu nzego zacu zitandukanye, barimo kwigisha abandi barabeshya ko bari gukora ngo ni abaganga, dufite ibyago ko cya cyerekezo cyo kugira ubukungu bushingiye ku bumenyi ntitwazakigeraho. Birakenera ko abantu bahuza imbaraga, dushyira hamwe.'

Dr Rose Mukankomeje uyobora HEC yavuze ko hari abiyambura uwenegihugu bagamije gukora amanyanga ngo babone equivalence

Willy Gakunzi utuye muri Canada yavuze ko “My Light” ni indirimbo yanditse umwaka ushize ubwo yarimo yandika igitabo yise “When Light Fades Away, Hope Remains” cyasohotse kuya 6 Ugushyingo 2023. Ati “Ubwo nandikaga iki gitabo kivuga ku mateka yanjye, nashyizemo ‘Chapter’ ya nyuma ivuga ku rumuri 'Light' ruruta izindi zose ari rwo Yesu”.

Uyu mugabo uherutse no kwinjira mu gutegura ibitaramo aho yatangiranye na Ben na Chance muri “Canada Tour”, yakomeje abwira inyaRwanda ko ubwo yarimo yibaza icyo bivuze kubana na Yesu “muri uru rugendo turimo twita ubuzima kandi duhuriramo n’ibitugora byinshi, nashatse kumenya nimba hari icyo Yesu yaba yaradusezeranyije.”

Ati “Mu gusoma ijambo ryayo ndetse n’amateka y'ubuzima muri rusange, nasanze ibyo turwana nabyo bizahoraho, ariko nanone nsanga hari isezerano Yesu yadusigiye: “Kuzabana Natwe”. Buri ntambwe duteye, azaduha imbaraga ndetse n’ibyiringiro bidushoboza gukomeza.

Mu mateka yanjye ndetse nifashishije n’ijambo ry'Imana, nongeye gusanga Yesu atanga ibyiringiro kandi agatanga n’urumuri rumurikira inzira zacu. Urugendo ntabwo rworoshye, ariko Yesu aduha imbaraga.”

Willy M. Gakunzi yagarutse ku bo bakoranye iyi ndirimbo “My Light”, ati “Nayikoranye n’itsinda dusanzwe dukorana, barimo Producer Kibwe Thomas na Aaron Bell. Aba ni abahanga mu gutunganya muzika kandi baranabyigiye muri kaminuza.

Ikindi kandi, dukorana umurimo mu rusengero (TheChurch.to), bakaba ari bamwe mu bayobozi b’umuziki mu itsinda ryo kuramya no guhimbaza Imana”.

• Indirimo “My Light” irimo igitero cya Sulleyma Armond, akaba ari umubyeyi w’abana 3 kandi akaba Worship Leader ukorana umurimo w’Imana na Willy Gakunzi mu rusengero rumwe. Ati “Ni umuhanga wo mu rwego rwo hejuru, ikirushijeho akagira umutima wo kuramya Imana”.
• Undi mwihariko muri “My Light”, ni uko Willy Gakunzi yayiririmbanye n’abakobwa be bombi. Imfura ye (Kayla) akaba ari we usoza indirimbo, ni umwana w’umukobwa ufite umutima wo kuramya Imana kandi ku myaka ye akaba afite ijwi ryiza cyane.

Willy M. Gakunzi yavuze ko ubutumwa buhambaye buri muri iyi ndirimbo yise “My Light” ni uko “buri wese yisangamo kuko twese tuba dufite ibituremereye, buri wese ku rwego rwe.”

Ati “Ikirutaho rero, ni uko ubutumwa buri muri “My Light”, butwibutsa ibyo dufiteho uburenganzira: Ibyiringiro, urumuri no kuyoborwa na Yesu, iyo tumwiringiye. Ndakangurira buri wese kongera kwiringira Imana. Ni inshuti idahemuka. Niba yarakijije abafite ubumuga bwo kutabona, niba yaragukoreye na bya ndi, ongera umwizere birashoboka.”

Willy M. Gakunzi azwi mu ndirimbo zirimo: “Uri Imana”, “Amaraso”, “Mu bwiza bwawe”, “Uhorahora” ft Ben & Chance na “Iyo nibutse”. Anazwi mu bikorwa by’ubugiraneza akorera mu muryango yashinze witwa Heart of Worship in Action. Uyu muryango umaze gufasha abatishoboye banyuranye mu Rwanda aho ubaha igishoro ukanabigisha imyuga.

Willy M. Gakunzi amaze guhabwa igihembo bitandukanye birimo CEO Award kiri ku rwego mpuzamahanga. Ni igihembo gihabwa umuyobozi mwiza, akaba yaragishyikirijwe tariki 04 Kanama 2022. Yanahawe ikindi gihembo “Hope Remains Award” ku bw’igitabo cye “When Light Fades Away, Hope Remains” kivuga ku buzima bwe.

REBA INDIRIMBO “MY LIGHT” YA WILLY M GAKUNZI FT SULLEYMA FT KAYLA

Willy Gakunzi yahuje inganzo n’umuririmbyi w’umuhanga cyane witwa Sulleyma

Willy Gakunzi yaririmbanye n’imfura ye “Kayla” mu ndirimbo “My Light”

Willy yavuze ko Sulleyma ari umuhanga wo ku rwego rwo hejuru

Indirimbo “My Light” yagizwemo uruhare n’abaririmbyi b’abahanga n’aba Producer babizobereye

Kuri uyu wa Kane itariki 14 Ugushyingo 2024, ikipe y'igihugu y'u Rwanda, Amavubi yakiriye ikipe y'igihugu ya Libya, Mediterranean Knights zakinnye  umikino yo gushaka itike y'igikombe cya Afurika cya 2025 kizabera muri Morocco.

Umukino warangiye ikipe y’igihugu y’u Rwanda itsinzwe igitego kimwe ku busa, iguma ku mwanya wa Gatatu n’amanota 5, ikipe y’igihugu ya Libya izamuka ku manota ane. Ikipe y’igihugu ya Nigeria ni iya mbere n’amanota 11 nabo Benin ifite amanota 7 ni iya Kabiri.

AMAFOTO

Saa 16h00′ Ababafa bari bagerageje kwitabira umukino w’u Rwanda na Libya binjira  buhoro buhoro

Uko abakinnyi ba Libya basesekaye kuri Stade AmahoroUko ikipe y’igihugu y’u Rwanda Amavubi yasesekaye kuri Stade Amahoro

Uko iminota yagiye yiyongera saa 17h00, abafana bagiye baba benshi kuri Stade Amahoro

Abashusharugamba bari babukereye

Uko abakinnyi b’u Rwanda bishyushyaga mbere y’umukinoUmukino ugiye gutangira,habanje kuririmbwa indirimbo zubahiriza ibihugu byombiAbakinnyi babanje mu kibuga ku ruhande rw’ikipe y’igihugu y’u Rwanda AmavubiAbakinnyi babanje mu kibuga ku ruhande rwa Libya Mbere y’umukino Amakipe yombi yafashe umunota wo giha icyubahiro Anne Mbonimpa uherutse kwitaba Imana, akaba yari shinzwe kwita ku iterambere ry’umupira w’amaguru mu Bagore muri FERWAFAAMAFOTO agaragaza uko umukino wagenze umunora ku munota

Uko umukino warangiye abakinnyi b’u Rwanda batishimye

“>

Reba inshamake y’uko u Rwanda rwatsinzwe na Libya 

“>

Amaganbo yatangajwe n’umutoza Frank trosten Spitller

“>

Ibyishimo ku mutoza w’ikipe ya Libya

Ni igikorwa kijyana no guhemba abanyeshuri batsinze neza kurusha abandi ku rwego rw'Igihugu. Iki igikorwa cyitabiriwe na Minisitiri w'Uburezi, Joseph Nsengimana, abayobozi b'ibigo bishamikiye kuri iyi minisiteri, abayobozi mu zindi nzego zifite aho zihuriye n'uburezi, abana bahize abandi ku rwego rw'Igihugu n'ababyeyi babo n'abandi.

Ibizamini bya Leta ku banyeshuri basoza amashuri yisumbuye byatangiye ku wa 23 Nyakanga 2024 bisozwa ku wa 02 Kanama 2024.

Imibare ya Minisiteri y'Uburezi igaragaza ko abakoze ibizamini bya Leta bose ari 91.298, mu gihe abari biyandikishije ari 91.713. 

Muri rusange abakoze ni 99,5%. Abatsinze ibizamini ni 71.746. Ni ukuvuga ko batsinze ku gipimo cya 78.6%. Abahungu batsinze ni 50,5% mu gihe abakobwa ari 49, 5%.

Uburyo amanota yatanzwemo, abafite inyuguti ya A ni abagize hagati ya 80-100%, abagize B ni abafite hagati ya 75-79%. Abagize C ni abagize amanota ari hagati ya 70-74%, abagize D ni abafite hagati ya 65-69%, naho abafite E ni abagize hagati ya 60-64%, mu gihe abafite S ari abagize hagati ya 50-59%.

Ni mu gihe abatsinzwe ari na bo bahawe inyuguti ya F ni abafite hagati ya 0-49%.

Mu mwaka wa 2023/2024 hakozwe ibizamini 20 byo mu basoza ayisumbuye mu bumenyi rusange, 46 by'abahabwa ubumenyi bw'umwuga (nk'abo mu ishuri nderabarezi n'abiga iby'ubuforomo n'ububyaza) n'ibizamini 211 ku biga imyuga n'ubumenyi ngiro. 

NESA yatangaje amanota y’ibizamini bya Leta bisoza amashuri yisumbuye mu mwaka wa 2023/2024

Imibare yatangajwe igaragaza ko abahungu bahize abakobwa muri uyu mwaka

Ni igikorwa cyayobowe na Minisitiri w’Uburezi, Joseph Nsengimana