Author: webrwanda

Kuri uyu Wa Gatandatu tariki ya 16 Ugushingo 2024, ku cyicaro cy’Uruganda rwa Skol mu Nzove habereye inama y’inteko rusange y’Umuryango Rayon Sports yakorewemo ibintu bitandukanye birimo n’amatora y’abayobozi bashya.

Hashyizweho Urwego rwayo Rukuru rwiswe urw'Ikirenga, Muvunyi Paul aba ariwe utorerwa kuruyobora, Dr Claude Emile Rwagacondo agirwa Visi Perezida mu gihe Abdallah Murenzi ari Umunyamabanga. 

Hanatowe kandi Abajyanama barwo aribo Paul Ruhamyambuga, Theogene Ntampaka, Jean Fidele Uwayezu, Charles Ngarambe, Sadate Munyakazi na Valens Munyabagisha.

Ni mu gihe Thaddée Twagirayezu ariwe watorewe kuyobora umuryango wa Rayon Sports,Visi Perezida wa mbere aba Prosper Muhirwa,Visi Perezida wa Kabiri aba Aimable Roger Ngoga, Umubitsi aba Patrick Rukundo naho Chance Denys Gacinya atorerwa kuba Umujyanama .

Hanatowe abagize  akanama nkempurampaka aho Perezida yabaye Martin Rutagambwa, Visi Perezida aba Freddy Muhirwa naho Umunyamabanga aba Marceline Nyiransegiyumva.

Abagize Komite ngenzuzi ni Ignace Havugiyaremye watorewe kuba Perezida,Visi Perezida aba Josée Akayezu naho Umunyamabanga aba Bernard Byiringiro

Byinshi kuri bamwe mu bayobozi batorewe kuyobora Rayon Sports;

Muvunyi Paul

Muvunyi Paul ntabwo ari mushya mu ikipe ya Rayon Sports dore ko yayibereye Perezida kuva mu 2004 kugeza mu 2207 ndetse akanatwarana nayo igikombe cy’Amahoro mu 2005 nyuma yo gutsinda Mukura VS ibitego 3-0.

Muri 2017 yongeye gutorerwa kuyobora Rayon Sports aza kuyivamo mu 2019 asimbuwe na Munyakazi Sadate. Ari Umuyobozi muri icyo gihe yegukanye igikombe cya Shampiyona y'umwaka w'imikino 2018/19 ndetse yageze muri ¼ cya CAF Confederation Cup 2018 no ku mukino wa nyuma w'Igikombe cy'Amahoro 2018.

Muvunnyi Paul asanzwe ari Umunyemari ukomeye mu Rwanda dore ko afite ibikorwa bitandukanye birimo za Hoteli.

Dr Emile Rwagacondo 

Uyu mugabo nawe ntabwo ari mushya mu ikipe ya Rayon Sports dore ko yayibereye Perezida mu 2002 ndetse ayifasha kwegukana igikombe cya shampiyona ya 2002/2003 gusa nyuma biza kuba ngombwa ko ajya gukorera hanze y’u Rwanda, ikipe ayisigira Muvunnyi Paul.

Dr Emile Rwagacondo yagiye akunda kuba hafi ya Rayon Sports ndetse akayifasha no mu bijyanye n’ubushobozi. 

Abdallah Murenzi

Murenzi Abdallah watorewe kuba Umunyamabanga w’Urwego rw’ikirenga rwa Rayon Sports nawe ntabwo ari mushya muri Rayon Sports dore ko yayibereye Perezida mu 2013 ubwo iyi kipe yabaga mu karere ka Nyanza yari abereye umuyobozi. 

Muri icyo gihe yayifashije kwegukana igikombe cya shampiyona nyuma y’imyaka 9 itagitwara akoresheje abakinnyi 13 iyi kipe yari ifite gusa.

Uyu mugabo wabaye Perezida w’ishyirahamwe ry’umukino w’amagare mu Rwanda, FERWACY yanabaye umuyobozi w’inzubacyuho wa Rayon Sports mu 2020.

Thaddée Twagirayezu

Twagirayezu Thaddée yatorewe kuyobora umuryango wa Rayon Sports nyuma y’uko yari yarabaye Visi Perezida wayo mu 2019 yungirije Munyakazi Sadate, ariko yegura nyuma y'amezi atatu, avuga ko hari isoko yatsindiye, bityo bigoye ko yakomeza inshingano afite mu ikipe.

Uyu mugabo bivugwa ko afite amafaranga menshi, usanzwe uyobora Ishyirahamwe ry'Abakorera mu Gakinjiro ka Gisozi, yari kandi muri Komite y'Inzubacyuho yashyizweho n'Urwego rw'Igihugu rw'Imiyoborere (RGB) ubwo rwakemuraga ibibazo bya Rayon Sports mu 2024, ari hamwe na Murenzi Abdallah na Me. Nyirihirwe Hilaire.

Prosper Muhirwa 

Prosper Muhirwa wagizwe Visi Perezida w’umuryango wa Rayon Sports ntabwo ari ubwa mbere agiye kuri uyu mwanya muri iyi kipe kuko mu  2018 yari awuriho aho yari yungirije Muvunnyi Paul.

Muri icyo gihe ariko uyu mugabo yaje kuva kuri uyu mwanya mu buryo butari bwiza asimbujwe nyuma y’uko yari yashyamiranye na Van Minnaert wari umutoza n'Umunyamabanga Itangishaka King Bernard.

Gacinya Chance Denys

Gacinya Chance Denys usanzwe ari umushoramari mu bikorwaremezo watorewe kuba Umujyanama wa komite Nyobozi ya Rayon Sports, yabaye umuyobozi w’iyi kipe hagati ya 2015-2017 ndetse na nyuma yaho aba Visi Perezida wayo . 

Yari no mu Kanama Ngishwanama kafatanyaga na Komite Nyobozi yayo gucunga imibereho ya Rayon Sports mu bihe bya Corona Virus.

Twagirayezu Thaddée watorewe kuyobora umuryango wa Rayon 

Muhirwa Prosper watorewe kuba  Visi Perezida wa Mbere wa Rayon Sports

Ngoga Roger watorewe  kuba Visi Perezida wa Kabiri wa Rayon Sports

Muvunyi Paul watorewe kuyobora Urwego rw’Ikirenga rwa Rayon Sports

Dr Emile Rwagacondo yatorewe kuba Visi Perezida w’Urwego rw’Ikirenga rwa Rayon Sports

Murenzi Abdallah wagizwe Umunyamabanga w’Urwego rw’ikirenga rwa Rayon Sports 

Gacinya Chance Denys yagizwe Umujyanama wa komite Nyobozi ya Rayon Sports 

Mu butumwa yanyujije ku rubuga rwa X, Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah, yabajije ibibazo bitatu abari mu itsinda rishinzwe gutegura igitaramo gikomeye cyiswe “Unveil Africa Fest’ cyateguwe na Unveil Afrika, bishimangira amatsiko agifitiye.

Mu bibazo yabajije harimo kwibaza impamvu igitaramo cyahawe iri zina, abahanzi bazatarama, ndetse n'igihamya ko abazakitabira bazatahana ibyishimo bisendereye.

Mu gusobanura impamvu y'iri zina, Julius Mugabo yagize ati: 'Izina 'Unveil' ni ugutwikurura. Africa ni umugabane wacu uduteye ishema. Iri zina twarihisemo twifuza kugira uruhare mu kumenyekanisha ubudasa bwa Afurika binyuze mu muco n'ubuhanzi ariko duhereye mu Rwanda. Igitekerezo kijyanye na gahunda za Leta nka NST2 & VISION 2050 yo guhanga imirimo n'udushya bishyirwa mu bikorwa n'urubyiruko rw'abari n'abasore bihebeye umuco.'

Yakomeje avuga ko nyuma yo kugisha inama abakuru, banzuye ko abato bazataramira ababyeyi ari Ruti Joël, Victor Rukotana, Chrisy Neat, Umukiringitananga Siboyintore, Itorero Intayoberana, Itsinda rya J-Sha n'Itsinda rya Himbaza Club ryihariye mu kuvuza ingoma ndundi.

Julius byahimangiye ko nta kabuza abazitabira bazataha bamwenyura kubera ko imyitegurire inoze y'iki gitaramo yakozwe mu gihe gihagije, hagakorwa amahitamo meza y'abahanzi bakunzwe mu ngeri zose, ndetse kikaba kizaba mu bihe by'ibyishimo byo gusoza umwaka. Yongeyeho ko no kubana n'abayobozi bakomeye nka Minisitiri Utumatwishima na byo ubwabyo bizashimisha abazitabira.

Yashimiye kandi Minisiteri y'Urubyiruko n'Iterambere ry'Ubuhanzi idahwema gushyigikira no guha agaciro ibitekerezo by'urubyiruko.

‘Unveil Africa Fest’ izabera muri Camp Kigali, tariki 07 Ukuboza 2024, yitezweho kuzatanga ibyishimo bisendereye ku bakunzi b’umuziki nyarwanda byumwihariko abakunzi ba Gakondo. 

Ntagushidkanya, abanyarwanda benshi bazaba berekeje amaso yabo muri Camp Kigali muri iki gitaramo ndangamuco nyarwanda gisanzwe kiba buri mwaka.

Iri serukiramuco ngarukamwaka rizayoborwa n’umunyamakuru Lucky Nzeyimana uzwiho kuticisha irungu abitabiriye ibirori ayobora, riririmbemo ibyamamare mu njyana gakondo ari bo Itorero Intayoberana, Ruti Joel, Victor Rukotana, Chrisy Neat, Himbaza Club, J-Sha n’umukirigitananga Siboyintore akaba n’umuhanga mu mbyino gakondo.

Amatike yo kwinjira muri iki gitaramo ari hanze. Itike ya macye yiswe ‘Bisoke’ ni 10,000 Frw, ikurikiyeho yiswe ‘Muhabura’ iragura 25,000 Frw naho itike iruta izindi yiswe ‘Karisimbi’ iragura 50,000 Frw. Amatike ari kuboneka mu buryo bw’ikoranabuhanga unyuze ku rubuga www.noneho.com. Kanda HANO ugure itike.

Umuyobozi Mukuru wa Unveil Africa yateguye Unveil Africa Fest, Uwase Clarisse, yabwiye InyaRwanda ko abazagura amatike yo mu cyiciro cya Kalisimbi, bazahabwa ku buntu ikirahuri cya Wine cyangwa ikirahuri cya Fresh Juice ku batanywa inzoga. Ni mu gihe abo mu cyiciro cya Muhabura bazahabwa Juice/Jus iri mu icupa cyangwa icupa ry’amazi.

Uwase Clarisse yizeye neza adashidikanya ko iki gitaramo kizatanga ibyishimo byumwihariko ku bakunzi b’umuziki gakondo.

Avuga ko ari ahantu heza umuntu akwiriye gusohokanira n’inshuti ze mu kwishimira ko umwaka wa 2024 urangiye mu mahoro.

Iki gitaramo byitezwe ko kizitabirwa n'abayobozi mu nzego zitandukanye za Leta, abikorera kimwe n'abahagarariye ibihugu byabo mu Rwanda.

Minisitiri Utumatwishima yagaragaje amatsiko afitiye igitaramo cyitezweho kunyeganyeza Umujyi wa Kigali mu mpera z’uyu mmwaka, cyizwe ‘Unveil Africa Fest’

Iki gitaramo gitegerejwemo abahanzi biganjemo abakunzwe cyane mu njyana gakondo bazatanga ibyishimo bisendereye

‘Unveil Africa Fest’ izabera muri Camp Kigali, tariki 07 Ukuboza 2024, yitezweho kuzatanga ibyishimo bisendereye ku bakunzi b’umuziki nyarwanda by’umwihariko abakunzi ba Gakondo. 

Ntagushidkanya, abanyarwanda benshi bazaba berekeje amaso yabo muri Camp Kigali muri iki gitaramo ndangamuco nyarwanda gisanzwe kiba buri mwaka.

Iri serukiramuco ngarukamwaka rizayoborwa n’umunyamakuru Lucky Nzeyimana uzwiho kuticisha irungu abitabiriye ibirori ayobora, riririmbemo ibyamamare mu njyana gakondo ari bo Itorero Intayoberana, Ruti Joel, Victor Rukotana, Chrisy Neat, Himbaza Club, J-Sha n’umukirigitananga Siboyintore akaba n’umuhanga mu mbyino gakondo.

Amatike yo kwinjira muri iki gitaramo ari hanze. Itike ya macye yiswe ‘Bisoke’ ni 10,000 Frw, ikurikiyeho yiswe ‘Muhabura’ iragura 25,000 Frw naho itike iruta izindi yiswe ‘Karisimbi’ iragura 50,000 Frw. Amatike ari kuboneka mu buryo bw’ikoranabuhanga unyuze ku rubuga www.noneho.com. Kanda HANO ugure itike.

Umuyobozi Mukuru wa Unveil Africa yateguye Unveil Africa Fest, Uwase Clarisse, yabwiye InyaRwanda ko abazagura amatike yo mu cyiciro cya Kalisimbi, bazahabwa ku buntu ikirahuri cya Wine cyangwa ikirahuri cya Fresh Juice ku batanywa inzoga. Ni mu gihe abo mu cyiciro cya Muhabura bazahabwa Juice/Jus iri mu icupa cyangwa icupa ry’amazi.

Uwase Clarisse yizeye neza adashidikanya ko iki gitaramo kizatanga ibyishimo byumwihariko ku bakunzi b’umuziki gakondo.

Avuga ko ari ahantu heza umuntu akwiriye gusohokanira n’inshuti ze mu kwishimira ko umwaka wa 2024 urangiye mu mahoro.

Ibigwi bya Chrisy Neat uzasusurutsa abazitabira “Unveil Africa Fest 2024”

Ku wa Gatandatu tariki 8 Kamena 2024, nibwo Producer akaba n'umuhanzi Chrisy Neat yahuriye mu gitaramo n'abarimo Ruti Joel, Itorero Inganzo Ngari ndetse na Mariya Yohana. Ni igitaramo cyateguwe na Cyusa Ibrahim yise 'Migabo Live Concert' cyabereye muri Kigali Conference and Exhibition Village ahazwi nka Camp Kigali.

Ni ubwa mbere, Chrisy Neat yari agaragaye mu gitaramo nk'iki cyagutse. Asanzwe ari Producer muri Studio Ibisumizi ya Riderman, ndetse ni umwe mu bize umuziki ku ishuri rya muzika rya Nyundo.

Mu ijoro ryo ku ya 23 Kanama 2024, Chrisy Neat yifatanije n’Itorero Inyamibwa AERG mu gitaramo cyiswe ‘Cultural Gala’ cyateguwe na Sosiyete Imfura Cultural Space, ashimangira ko ari umunyamuziki mwiza ukwiye kwitegwa cyane ko yavuye ku rubyiniro abantu bakimunyotewe.

Kanoheli Christmas Ruth wafashe izina rya muzika rya Chrisy Neat, yatangiye gukorera muri Studio 'Ibisumizi' y'umuraperi Gatsinzi Emery 'Riderman' mu Kwakira 2021.

Chrisy Neat yavuze ko kwinjira mu Bisumizi Records ari amahirwe yagize mu rugendo rwe rwa muzika. Ati 'Zari inzozi zanjye no kuba nakorera indirimbo Riderman, noneho ibaze ko naba ndi gukorana nawe mu nzu imwe. Ni ishimwe rikomeye kandi inzozi zanjye zikomeje kuba impamo.'

Ni nyuma y'iminsi mike yari ishize asoje amasomo ye ku ishuri rya Muzika rya Nyundo. Yinjiye mu mwuga wo gutunganya indirimbo z'abahanzi (Music Production) mu gihe uyu mwuga wari umaze igihe kinini wihariwe n'abagabo.

Mu kiganiro cyihariye yagiranye na InyaRwanda, Producer Chrisy Neat yatangaje ko yabyirutse yiyumvamo umuziki kuko yatangiye kuririmba akiri umwana muto ndetse mu 2016 aza gufata icyemezo cyo kujya kuwiga mu ishuri ry'umuziki ryahoze ku Nyundo.

Mu 2016 ni bwo yagiye kwiga amasomo y'umuziki ku Nyundo, ashyira imbaraga mu gutunganya indirimbo n'ijwi, biranamuhira ahakura ubushobozi bumufasha kwinjira kuri iryo soko.

Chrisy Neat yavuze ko kuririmba no gutunganya indirimbo yabitangiye mu 2020 nyuma yo kuva ku Nyundo mu 2018, atangira atunganya indirimbo ze gusa kuko atari yakabonye aho akorera, yarazibikaga akazumvisha ukeneye kuzumva.

Uyu mukobwa uri muri mbarwa bashize ubwoba bagatangira ibyo gutunganya umuziki kinyamwuga, yigeze kuvuga ko ubwo yahataniraga kwiga muri ririya shuri yagize ubwoba, ahanini biturutse ku banyempano yabonaga bari bahatanye ariko kandi 'nishimira ko nahawe umwanya nkagaragaza impano yanjye'.

Ati 'Icyo gihe nahisemo gucuranga Piano nkanaririmba, banyuze abari bagize Akanama Nkemurampaka, ni uko natangiye urugendo rwanjye.

Uyu mugore yabanje gukorera muri studio ya Capital Records mbere y'uko yerekeza mu Bisumizi. Avuga ko kwinjira mu batunganya indirimbo, ahanini byaturutse ku kuba yarakuze yiyumvamo gukora ibintu bitandukanye n'ibyo abandi bakora.

Ati 'Nakunze gusura studio zitandukanye, aba Producer bagashima ibikorwa byanjye, ibyo rero byampaye imbaraga zo kumva nakora umuziki.'

Icyakora nubwo ibyo akora yabyize, ahamya ko ishyaka ryo kubikora yaritewe n'ubuhamya bw'abakobwa bakunze kugaragaza ko gukora umuziki biba bitaboroheye mu gihe basabwa ruswa ishingiye ku gitsina.

Ati 'Kuva kera turi ku ishuri twumvaga inkuru z'abana b'abakobwa barangiza kwiga ariko gukora umuziki bikabananira, twaganira bakatubwira ko bagorwa n'ibyo basabwa kugira ngo babashe kuwukora neza. Ntakubeshye ibyo ni byo byanteye imbaraga zo kuvuga ngo reka mbijyemo.'

Uyu mubyeyi avuga ko nubwo atari aba 'producers' bose bakora aya makosa, ariko nibura kuba ahari kandi umuziki akora umeze nk'uwo abo bagabo bakora yibaza ko abakobwa by'umwihariko babonye aho bazajya bakorera bisanzuye.

Ubwo yinjiraga muri uyu mwuga wari usanzwe wihariwe n'ab'igitsina gabo mu Rwanda, Chrisy Neat yatangiranye inzozi zo gukorana n'abahanzi bose bari bamaze kubaka izina mu muziki w'u Rwanda ariko byumwihariko akifuza gukorana na Bruce Melodie kimwe na Dj Pius.

Muri muzika, uyu mugore aherutse gushyira hanze indirimbo ‘Yarakuze’ yakoranye na Riderman, ‘You got Me’, ‘Imaragahinda’ yasubiyemo, ‘Urungano’, ‘Urukundo’, ‘Ndakwiye’, ‘Ikibondo’ n’izindi.

Kuri ubu rero Chrisy Neat ategerejwe bikomeye mu iserukiramuco ‘Unveil Africa Fest’ rizabera muri Camp Kigali, tariki 07 Ukuboza 2024. Twakwibutsa ko amatike ari kuboneka mu buryo bw’ikoranabuhanga unyuze ku rubuga www.noneho.com. Kanda HANO ugure itike.

Chrisy Neat wiyemeje gutinyura ab’igitsina gore bifuza gukora umwuga wo gutunganya indirimbo ategerejwe mu iserukamuco ‘Unveil Africa Fest’

Ni Producer muri Studio Ibisumizi ya Riderman

Ari mu Banyarwandakazi bakomeje kubaka ibigwi mu muziki Gakondo

Iki gitaramo kitezweho gutanga ibyishimo bidasanzwe ku ya 7 Ukuboza 2024

“>REBA HANO INDIRIMBO “UMUMARARUNGU” IHERUTSE GUSUBIRWAMO NA CHRISY NEAT

“>

Nyuma ya Jenoside yakorewe Abatutsi mu 1994, isura y'Umunyarwanda yari umugome cyangwa umwicanyi ku buryo benshi banabanje kujya bihakana ubwenegihugu bwabo.

Ibi byagiye bihinduka uko iminsi yagiye igenda ndetse ubu igihugu gifite ishema ku ruhando mpuzamahanga mu bikorwa bitandukanye.

Mu gitaramo cy'Inkera y'Imihigo cyasoje Ihuriro rya 17 ry'Umuryango Unity Club Intwararumuri cyabaye ku wa 16 Ugushyingo 2024, Perezida Kagame yagaragaje ko isura mbi igihugu cyigeze kwambara mu myaka irenga 30 ishize yagiye ihangana n'inziza yubakwa ubu kandi bigaragara ko inziza igenda iganza imbi.

Yavuze ko hakwiyeho impinduka mu mikorere no mu mitima kugira ngo amateka 'twamenyekanyeho agende abura, ajya inyuma, azimira.'

Ati 'Tugomba gukora ibintu bisobanurira buri wese ngo u Rwanda si rwa rundi imyaka 30 n'indi ishize, dore ibyo bavuga, dore ibyo bakora, dore ukuntu bihindura ubuzima bw'Abanyarwanda.'

'Iyo abantu bashyize hamwe mbese nk'iriya Unity Club, bivuze ubumwe, uyirebe nk'igihugu cyose kibe nka Unity Club. Iyo ibyo byose bivugwa cyangwa bigirirwa nabi u Rwanda nk'abantu bashyize hamwe, iyo bafite iriya ntego, iyo bafite kwa gushaka ndetse iyo bafte n'uburakari buvuga ngo kuki? Kuki abantu batugira batya, cyangwa twagaragaramo ibintu bimeze bitya? Ibyo byose bihinduka ubusa, ibyo bitutsi, kubeshya'

Yagaragaje ko hari abavuga ko mu Rwanda nta demokarasi ihaba cyangwa ari igihugu cy'abicanyi nyamara mu bihugu byabo ari ho abantu bicana amanywa n'ijoro.

Ati 'Abo bamvuga, cyangwa bavuga igihugu cyangwa mwese bo hanze umumenye ukamubaza uti: harya wowe uturuka he? Uri Umubiligi, uturuka Canada, uri Umwongereza[…] ukamubaza uti ariko uzi umubare w'abaraye bapfuye mu mujyi runaka w'igihugu cyawe, umujyi runaka gusa utavuze igihugu cyose bazize kubarasa gusa kuko ari ubwoko ubu n'ubu cyangwa ko ameze atya'.

Yakomeje agira ati'Icyo baba bashaka ni ukukurangaza, kugushyiraho iterabwoba, bakakwita izina ndetse bakakubwira ngo turagufatira n'ibyemezo. Uw'ubwoba uwo mwanya agahindura akumva ko akwiye kumva ibyo bamubwiye. Ibyo biba mu gihugu cyatakaje ubuzima bwacyo, iyo ubyemera ntuba uriho.'

Yashimangiye ko nta muntu ugomba kubwira Abanyarwanda uko bifata cyangwa uko bayoborwa kuko nta muntu waremye undi ngo amugenge uko yishakiye.

Yavuze ko ko bantu bagomba gushyira imbaraga mu gukomeza gukora kugira ngo ibyo bashimirwa ko bakoze bitazasubira inyuma.

Unity Club igizwe n'abayobozi bari muri Guverinoma, abayihozemo n'abo bashakanye. Uyu muryango washinzwe na Madamu Jeannette Kagame ku wa 28 Gashyantare 1996 hagamijwe gutanga umusanzu mu 'Kwimakaza umuco w'ubumwe n'amahoro nk'inkingi z'iterambere rirambye.'

Perezida Kagame yavuze ko Abanyarwanda bakwiye gushyira hamwe, bagakora ibikorwa bituma buri wese abona ko u Rwanda rutakiri nk’urwa kera

Aba baraperi bahuriye muri iki gitaramo cyabereye muri Kigali Universe mu ijoro rya tariki 16 Ugushyingo 2024 cyari kiyobowe na MC Anita Pendo na Kate Gustave.

Ni igitaramo cyahurije hamwe abaraperi 11 cyongeye gukumbuza abakunzi ba muzika icyiswe “Icyumba cy’Amategeko”.

Icyatumye benshi bakumbura iki gitaramo ni uburyo Riderman na Bull Dogg basangiye urubyiniro bisa neza nk’uko babigenje muri Kanama ubwo bamurikaga album bahuriyemo bise “Icyumba cy’Amategeko”.

Bull Dogg yabanje ku rubyiniro yinjiriye mu ndirimbo ‘Mood’ yakoranye na B-Threy, akomereza ku ndirimbo ‘Puta’ yakoranye na Juno Kizigenza.

Iyi ndirimbo iherutse kuzuza Miliyoni ebyiri z’inshuro z’abantu bayirebye kuri YouTube. Ubwo yuzuzaga Miliyoni 1 kuri YouTube, Bull Dogg yagaragaje ko ashaka kongera gukorana indirimbo na Juno kandi igakorwa na Prince Kiiiz. Asoje yagize ati “Reka uyu munsi tuwugire uwa Hip Hop gusa”.

Ibi byatumye akomereza ku ndirimbo ye ‘Pekoni’ yaciye ibintu mu bihe bitandukanye. Ku rubyiniro, Bull Dogg yari kumwe n’umusore wamwakiraga mu kuririmba, basoreza ku ndirimbo ze zakunzwe nka ‘Cinema’, ‘Nk’umusaza’,

Nyuma y’izi ndirimbo Bull Dogg yahise yakira Riderman baririmbana indirimbo “Hip Hop” imwe mu zigize album bakoranye ubundi amusigira urubyiniro.

Riderman yabanje kugukorwa n’uburyo DJ yacurangagamo indirimbo amusaba ko ‘twakora ibintu nk’uko twabipanze’. Uyu mugabo yinjiriye mu ndirimbo ‘Horo’, ‘Mambata’ yakoranye na Safi Madiba, akomereza ku ndirimbo ‘Haje Gushya’.

Uyu muhanzi yanaririmbye indirimbo ‘Igicaniro’ yagiye yifashisha mu bitaramo binyuranye. Riderman yageze ku ndirimbo ‘Ikinyarwanda’ yakoranye na Bruce Melodie.

Uyu muraperi yanaririmbye indirimbo ‘Ntakibazo’ yakoranye na Urban Boys na Bruce Melodie. Iri mu ndirimbo zakunzwe cyane mu myaka 10 ishize.

Mu bitaramo nk’ibi bihuza umubare munini, Riderman ntajya yibagirwa kuririmba indirimbo nka ‘Till I Die’ yakoranye na Urban Boys, ‘Depanage’ yakoranye na Ariel Wayz.  Yavuye ku rubyiniro ahagana saa 12: 46′ ashimirwa umwanya we muri iki gitaramo.

Iyi Album iriho indirimbo yise ‘Hip Hop” yatunganyijwe mu buryo bw’amajwi na Inthecity afatanyije na Knoxbeat, iriho kandi indirimbo bise ‘Miseke Igoramye’ yakozwe na Firstboy na Knoxbeat, ‘Amategeko 10’ yakozwe na Knoxbeat, ‘Nkubona Fo’ yakozwe na Dr Nganji ndetse na Knoxbeat, ‘Muba Nigga’ yakozwe na Knoxbeat ndetse na ‘Bakunda Abapfu’ yakozwe na Kdagreat na Knoxbeat.

Ni Album iherekejwe n’ibimenyetso birimo nk’icy’umusaraba, amadarubindi (Lunettes) ndetse n’ikimenyetso cy’umunzani usobanura amategeko.

Riderman aherutse kubwira InyaRwanda ko atari we wahisemo izina bise iyi Album “Icyumba cy’amategeko”, ahubwo ni igitekerezo cya mugenzi we Bull Dogg washingiye ku izina ry’indirimbo ya Gatatu ‘Amategeko 10’ iri kuri iyi Album. 

Ati “Izina ‘Icyumba cy’amategeko’ ntabwo ari njye warihisemo mu by’ukuri. Ni izina rigendeye ku ndirimbo ya Gatatu iriho yitwa ‘Amategeko 10, izina ariko ntabwo ari njye warihisemo, ni igitekerezo cya Bull Dogg. Nabivuga gutyo mu magambo macye.” 

Umuraperi Riderman yashimye uburyo yakiriwe muri iki gitaramo cyihariye kuri Hip Hop 

Riderman yashimye uruhare rwa Skol mu guteza imbere injyana ya Hip Hop

Ubwo umuraperi Bull Dogg yari ku rubyiniro aririmba indirimbo ze zakunzwe 

Imbere y’imbaga y’abantu, Bull Dogg yagaragaje ko ari umuraperi wihagezeho

Kanda hano urebe amafoto menshi yaranze iki gitaramo cya Hip Hop cyabereye muri Kigali Universe

AMAFOTO: Serge Ngabo- InyaRwanda.com