Tag: Impanuka

Aba baturage bagwiriwe n'ikirombe ahagana Saa Tanu z'amanywa zo ku wa 9 Nyakanga 2026 mu Mudugudu wa Nyamabuye mu Kagari ka Kanzenze mu Murenge wa Ntarama mu Karere ka Bugesera.

Umuvugizi wa Polisi y'u Rwanda mu Ntara y'Iburasirazuba, SSP Hamdun Twizeyimana, yabwiye IGIHE ko nyuma y'amasaha menshi imirambo yabo ishakishwa hifashishijwe imashini eshatu yakuwemo yose ahagana Saa Tanu z'ijoro, yihanganisha imiryango yabo.

Yagize ati 'Uko ari icumi imirambo yose tumaze kuyikura mu kirombe. Tuributsa abantu ko bakwiye gucukura mu buryo bwa kinyamwuga bafite ibikoresho birinda impanuka, bacukure batangiza ibidukikije kandi bakaba bafite ibyangombwa. Ikindi bakwiye kuba bafite ibikoresho bibarinda ndetse n'ubwishingizi.'

SSP Twizeyimana yasabye abaturage kujya batangira amakuru ku gihe kugira ngo mu gihe habaye impanuka inzego z'umutekano zibashe gutabara hakiri kare.

Yavuze ko Urwego rw'Ubugenzacyaha, RIB, rwatangiye iperereza kugira ngo hamenyekane icyateye iyi mpanuka yaguyemo abantu icumi.

Kuri ubu imirambo y'aba baturage yajyanywe ku Bitaro bya Kacyiru kugira ngo ikorerwe isuzumwa mbere y'uko ishyingurwa.

Mu gitondo cyo kuri uyu wa Gatanu, Umupfumu Rutangarwamaboko yahuye n’ibyago aho inyubako y’Ikigo Nyarwanda cy’Ubuzima bushingiye ku muco ayobora cyafatwaga n’inkongi y’umuriro.

Iyi nyubako ya Nzayisenga Modeste [Rutangarwamaboko] akunda kwita 'Ingoro’ yafashwe n’inkongi itewe n’umuriro wifashishwaga hasudirwa umureko.

Yari igorofa igeretse rimwe iherereye Murenge wa Gisozi, Akagali ka Musezero mu mudugudu wa Nyakaliba, igice cyo hejuru cyamurikirwagamo ibikoresho gakondo by’abanyarwanda bo hambere akaba ari cyo cyafashwe n’umuriro.

Polisi y’u Rwanda ishami rishinzwe kuzimya inkongi y’umuriro ryahise ritabarira hafi inyubako yose itarafatwa n’inkongi.

Yafashwe n’inkongi y’umuriro

Hahiye igice cyo hejuru

Iyi modoka yagonze camera yo ku muhanda, yaturukaga mu Mujyi rwagati mu ijoro ryo kuri uyu wa Kabiri tariki 23 Mutarama 2024.

Umuvugizi wa Polisi, ishami rishinzwe umutekano wo mu muhanda, SP Emmanuel Kayigi, yavuze ko iyi mpanuka yaturutse ku muvuduko mwinshi w’uwari utwaye iyi modoka.

Yagize ati 'Uwari uyitwaye yageze mu Kanogo ava mu mujyi ajya i Gikondo, agonga ipoto ya camera y’umutekano irarimbuka n’imodoka igwa igaramye irangirika. Umushoferi yakomeretse byoroheje n’abandi babiri bari kumwe bakorana na we barakomereka, bombi bahise bajyanwa kwa muganga ku bitaro bya Kanombe kugira ngo bitabweho.'

SP Emmanuel Kayigi yaboneyeho gutanga ubutumwa, agira ati 'Rwose turasaba abashoferi kwirinda gutwara banyoye ibisindisha, kuko biri mu bintu byangiza ubuzima bwabo n’ubw’abandi ndetse bikangiza n’ibikorwa remezo.'